-35-
baiknjo koklah. baitu nan katudju garak mananti djo- bagian takadia nan manjudahi ajia màto dibapuih djuo dipulangkan sadjo pado Allah baibarat injo dalam hati:
Dipabuek alu panggaliah
tidak nan lain dari rujuang,
Dipabulek hati nan saliah
tidak nan lain dari untuang,
Ulak aliahnjo dari nantun kaba barito dagang sansai tjurai paparan dari rang djauah nan tadjadi dimaso itu tantangan Datuak Radjo Alam urang Piliang Bungo Inai urang kampuang Kapeh Pandji taragak di kiro2 takana didalam hati lalu dihimbau Ambun Suri mandeh Sutan Nasarudin.
Manolah adiak Ambun Suri agak kamari kau duduak ado saketek den katokan rundiang sabuah nan paralu nan ta raso2 djuo bak tulang dalam rakungan. Uranglah datang pado denai bagala Datuak Mangkuto Radjo anak rang Simpang Balai Djanggo anak rang Dusun Katinggian didjalan bapatah tigo handak man djapuik anak kito kadjundjungan Siti Arabainah anak Si Puti Linduang Bulan anaknjo alah gadang pulo alah patuik injo baminantu maso ketek mantjari tunangan alah gadang mantjari djudu raso sasuai djo anak kito.
Tjubo timbang pulo dek kau baiak mularat djo mufa'at ataupun salah djo siliknjo kok lai kito samu Pakat kalau saukua djo djangkonjo kito tarimo kato nan pin kok tidak kito hantikan dihantakan rundingan elok2. Tapi samantangpun baitu manuruik pikiran ham bo surang alah patuik kito tarimo kok hanjo Siti Ara bainah alah patuik djudu anak kito alah sapasang bak marpati alah sadjindjingan bak labu.
