Halaman:Tuntunan Alur Persembahan dan Pidato Adat Minangkabau.pdf/101

- 98 -

              Dangan sungguah2 hati,
               Laikoh buliah nan baitu, Sutan..

Sipangka : 6. Dilapeh gurap ateh pelang,
               Sebarlah anak parapati,
                Nakodoh tagak ateh pelang.
                 Pelang talanca tak takiro,
                  Diam dilauik Amarullah,
                   Manampuah lauik Kajarati,
                    Dek jamba sudah tahidang,
                     Diparenai mintak dangan mamak,
                      Kironyo Sutan nan batangguah,
                       Adokoh galap dalam hati,
                       'Ajablah kami mamikiri.

Sialek  : 7. Si Amat anak rang Puatan,
                Badeta batiak barikek,
                 Nak lalu ka Indogiri.
                  Kalau baitu kato Sutan,
                   Batanyo hambo saketek,
                    Dimano asa aia kopi Sutan ?

Sipangka : 8. Bantiang putiah mati tarambau,
               Mati dikelok parak pisang,
                Payahlah dotor malalahi,
                 Sarato Iuhak Tanah Datar,
                  Kalau baitu kato Sutan,
                   Sipuluik manjadi katan,
                    Daun kopi asa aia kawa
                     Balun kasanang hati Sutan.

Sialek  : 9. Cincin banamo aso-aso,
               Buatan tukang dari Matua,
                Satahun mangkonyo sudah,
                 Tidak tatimbang haragonyo,
                  Antah satimbang jo nagari.
                   Biopari Sutan juaro,
                    Aia taganang dalam sumua,
                     Kinilah katangah rumah
                      Ba-apo janyo Sutan ma-ambiaknyo.