JAN MANGUTIP DARI WIKIPEDIA!
[ 1 ]ﺟﺎن ﻣﭭﻮﺗﻴﭫ
دري وﻳﻜﻴﭭﻴﺪﻳﺎ
JAN
MANGUTIP
DARI
WIKIPEDIA!
Patunjuak singkek untuak sanak
nan tertarik jo ensiklopedia
nan paliang gadang di dunia maya
Raymond Sutanto
Nur Rahmi Nailah
Wikimedia Indonesia
[ 5 ]Daftar
1 Apo itu Wikipedia?
3 Apo bedanyo Wikipedia jo Wikimedia?
5 Untuak apo Wikipedia dibuek?
6 Apo tujuan dari Wikipedia?
7 Apo iyo jo sifek Wikipedia nan tabukak isinyo bisa disuntiang atau diubah sacaro sumbarang?
8 Artikel apo sajo nan ado di Wikipedia?
9 Baa indak ado iklan di Wikipedia?
9 Darima Wikipedia mandapek pitih?
10 Apo iyo Wikipedia indak buliah dijadian sabagai rujuakan?
11 Sajauah apo manfaat Wikipedia?
12 Apo iyo artikel di Wikipedia mamuek informasi nan alah batua?
13 Apo iyo rujuakan nan dipakai pado artikel Wikipeda musti rujuakan nan tapicayo?
14 Baa ambo kadang basobok jo informasi nan indak batua di Wikipedia?
15 Baa caro manyuntiang di Wikipedia ?
16 Apo sajo tulisan nan indak buliah ditulih/ indak ditarimo di Wikipedia? [ 6 ]Isi
Apo iyo ambo buliah maklaim tulisan di Wikipedia itu punyo ambo? 17
Baa isi artikel di Wikipedia bahaso Inggirih jo Indonesia babeda? 18
Baa ado urang nan nio manyuntiang di Wikipedia padahal inyo indak dapek pitih? 19
Di Indonesia, bahaso daerah apo sajo nan alah punyo Wikipedia surang? 20
Baa kok bisa ado Wikipedia bahaso daerah? Baa tabantuaknyo? Jo apo tujuannyo? 21
Ambo nio managakan Wikipedia untuak bahaso daerah ambo. Baa caronyo? 22
Ambo nio mamulai manyuntiang di Wikipedia, tapi sarik mancari ide topik untuak ditulih. Apo ado solusinyo ? 23
Ado ado patunjuak manulih di Wikipedia? 24
Ado ado palatihan manyuntiang di Wikipedia untuak urang baru nan bisa ambo ikuik sarato? 25
Apo iyo kagiatan manulih di Wikipedia bisa digunoan sabagai syarat untuak naiak pangkek? 26
Jiko ambo nio batanyo labiah jauah sia nan bisa ambo hubungi? 27 [ 7 ]Apo itu Wikipedia?
“Wikipedia adolah ensiklopedia daring tabukak dalam babagai bahaso”
Wikipedia adolah sabuah ensiklopedia dalam jaringan (daring) tabukak nan di dalam nyo tadapek banyak bahaso lainnyo. Mari kito bahas panjalehannyo.
Partamo, ensiklopedia. Apo tu ensiklopedia? Apo bedanyo ensiklopedia jo jinih bacaan lain nan biasonyo kito baco (surek kaba, majalah, opini)? Manuruik artinyo, ensiklopedia adolah karya rujuakan nan maagiah ringkasan ilmu pangatahuan dari banyak macam bidang ilmu. Entri nan ado pado ensiklopedia jauah labiah panjang dari kamuih jo isinyo informasi nan faktual mengenai subjek nan sadang dibahas. Caliak - disiko ado kato faktual (fakta), nan bararti sasuai kenyataan jo mambutuahkan bukti. Untuak mandapekan sabuah fakta, ensiklopedia biasanyo ditulih dek urang nan ahli di bidangnyo. Di Wikipedia, “keahlian” iko diambiak jo dinyatokan dari rujuakan kaduo, sarupo panabik jo panulih nan dianggap alah santiang.
1
JAN MANGUTIP DARI WIKIPEDIA!
Apo bedanyo Wikipedia jo ensiklopedia biaso?
Wikipedia tasadio dalam jaringan (daring). Sabalun ado Wikipedia tahun 2001, memang alah ado ensiklopedia nan tasadio sacaro daring, tapi baru sarupo uji cubo jo indak sagadang Wikipedia.
Wikipedia basifek tabukak. Wikipedia manjadi gadang kini ko karano sifek Wikipedia nan tabukak. Tabukak, artinyo siapo sajo bisa manambah jo maubah isinyo (bagi nan punyo sambuangan internet pastinyo).
Wikipedia tadapek dalam banyak macam bahaso. Beda jo ensiklopedia lain nan biasonyo ado dalam bahaso Indonesia atau bahaso Inggirih sajo, Wikipedia ado dalam banyak macam bahaso daerah, saparti bahaso Jawa, Sunda, Minangkabau, dll.
Sacaro umum, Wikipedia mamiliki 5 prinsip utamo (di Wikipedia, kalimo hal iko disabuik jo panca-pilar) nan wajib diikuti dek sadoalah versi Wikipedia hinggo kini ko, yoitu:
- Marupoan sabuah ensiklopedia
- Bisa disuntiang siapo sajo
- Basifek netral
- Mamuek isi nan balisensi tabukak sajo
- Mamiliki aturan jo kebijakan nan disatujui dek basamo
Untuak versi langkoknyo, Sanak bisa mambukak pranala: bit.ly/pancapilarwiki
Templat:Col-end [ 9 ]Apo bedanyo Wikipedia jo Wikimedia?
“Wikimedia adolah organisasi nan bajalan di balakang Wikipedia”
Sungguahpun samo-samo baawalan “Wiki”, tapi Wikipedia jo Wikimedia mamiliki arti nan babeda. Wikipedia adolah ensiklopedianyo, sadangkan Wikimedia adolah organisasi nan bajalan di balakang Wikipedia.
Ado 2 macam Wikimedia nan paralusanak tahu, yoitu Wikimedia Foundation jo Wikimedia Indonesia. Wikimedia Foundation (WMF) marupoan yayasan nirlaba nan bapusek di Amerika Sarikat nan mandukuang jo manjalanan Wikipedia. Meski baitu, WMF indak mambuek maupun manjago isi artikelnyo. Salain Wikipedia,WMF mandukuang jo manjalanan 11 situs lainnyo “sanak” Wikipedia sarupo Wiktionary (kamuih), Wikidata (basis data), Wikimedia Commons(berkas), Wikivoyage (panduan wisata) jo babarapo situs lainnyo.
3
JAN MANGUTIP DARI WIKIPEDIA!
“Wikipedia mulonyo hanyo sabagai tambahan untuak Nupedia”
Jiko kito mancaliak sijarah Wikipedia, mulonyo proyek iko dimulai pado sabuah proyek ensiklopedia nan banamo Nupedia pado tahun 2000. Nupedia didirian dek Jimmy Wales jo di parusahaan internet nan banamo Bomis. Nupedia pado wakatu tu ditulih dek ahli sajo.
Wales jo Sanger kamudian baliak mambuek sabuah situs banamo Wikipedia pado tahun 2001 . Proyek Wikipedia mulonyo sabagai tambahan sajo untuak Nupedia. Namun, Larry Sanger nan wakatu tu bakarajo sairiang bajalannyo wakatu, justru Wikipedia nan samakin tanamo. Nupedia akhirnyo ditutuik pado tahun 2003 karano pakambangannyo nan sangaik lambek.
Di Indonesia, Wikipedia ditandoan dek tabiknyo Wikipedia bahasa Indonesia pado tahun 2003 jo judul patamonyo adolah “Elektron”. Sasudah bahaso Indonesia, satahun kamudian bahaso Jawa jo Sunda tabik, hinggo nan tarakhia tabik adolah Wikipedia bahaso Nias pado tahun 2021.
JAN MANGUTIP DARI WIKIPEDIA!
“Imagine a world in which every single person on the planet is given free access to the sum of all human knowledge. That’s what we’re doing.” - Jimmy Wales
Bayangkan suatu dunia tampek satiok urang bisa babagi ilmu pangatahuan sacaro bebas.
Sarupo itulah tujuan Wikipedia. Untuak manyadioan baragam ilmu pangatahuan malalui sabuah ensiklopedia daring nan bebas jo tabukaksarato bisa dipakai dek siapo sajo, kapan sajo, jo di mano sajo.
JAN MANGUTIP DARI WIKIPEDIA!
6
“Wikipedia punyo komunitas 'panjago'
nan salalu 'berpatroli' mambaliakan suntiangan-suntiangan
nan nampak sumbarangan.”
Sacaro teknis, itu batuah. jan lupo, Wikipedia alah punyo komunitas “panjago” nan kuek.
Panjago iko salalu “bapatroli” maliek laman “parubahan nan paliang baru” - inyo akan lakeh mambaliakan suntiangan-suntiangan nan nampak sumbarangan atau suntiangan-suntiangan nan baisi informasi nan indak batuah. Babarapo pangguno diagiah akses pakakeh jo hak khusus - sarupo blokir jo mangunci artikel-supayo isi Wikipedia kualitasnyo tetap tajago.
7
JAN MANGUTIP DARI WIKIPEDIA!
Wikipedia mamuek banyak
macam ilmu pangetahuan manusia”
Wikipedia mamuek banyak macam ilmu pangatahuan manusia, mulai dari topik-topik serius sarupo hukum, ekonomi, filsafat, teknologi, sains, geografi, astronomi hinggo topiktopik populer sarupo komik, manga, film, musik, jo anime tasadio juo di Wikipedia.
Barikuik adolah contoh-contoh artikel di Wikipedia nan rancak, artinyo alah sasuai jo kriteria kalayakan, sarato aturan panulihan artikel nan baik jo sasuai di Wikipedia.
Sanak bisa mamasuakan judul artikel di bawah iko ka kotak pancarian di bagian kanan ateh laman Wikipedia.
Urang Minang
Etnis dari rumpun Melayu
nan babaso jo manjunjuang
adaik Minangkabau.
Benteng Bukik Tak Jadi
Bekas benteng patahanan
Kaum Padri nan talatak di
Kabupaten Pasaman
Kota Sawahlunto
Salah satu kota di
provinsi Sumatera Barat
Urang Cino Padang
Urang katuruan Cino nan
batampek tingga sarato
bakaturunan di Kota Padang
Taman Sijarah Nasional Chaco Culture
Taman nasional sijarah nan
barado di Amerika Serikat
Teh talua
Minuman nan tabuek dari
kuniang talua jo gulo
kudian diagiah aia teh
ado iklan di Wikipedia?
Jimmy Wales, pandiri Wikipedia, mangatoan bahwa adonyo iklan tu dapek manimbuakan bias. Baa kok bisa, karano urang nan maiklankan pasti hanyo nio artikelnyo di Wikipedia ditulih hal-hal positifnyo sajo, sadangkan Wikipedia manjunjuang tinggi bana netralitas, jadi artikel nan ado indak buliah barek sabalah.
Darima Wikipedia mandapek pitih?
Satiok tahunnyo, Wikimedia Foundation mambukak panggalangan dana di laman proyeknyo tamasuak Wikipedia. Panggalangan dana iko biasonyo sataun sakali. Pitih nan didapek dari panggalangan dana ikolah nan digunoan dek Wikimedia Foundation untuak mandukuang komunitas Wikipedia di saluruah dunia, marawat peladen Wikipedia, sarato operasional kantuanyo.
JAN MANGUTIP DARI WIKIPEDIA!
indak buliah dijadian sabagai rujuakan?
Batua! Artikel di Wikipedia indak
buliah dijadian sabagai sumber ru
juakan. Katiko sanak mancari infor
masi di Wikipedia, pakailah rujuak
an-rujuakan nan dipakai di artikel
Wikipedia sabagai rujuakan, indak
artikel Wikipedianyo. Jadi, anggap
sajo Wikipedia sabagai “pintu ma-
suak” untuak mandapekan rujuakan
nan elok.
Rujuakan-rujuakan nan dipakai
di artikel Wikipedia, seperti
buku, jurnal, situs web dll.
Templat:Left [ 17 ]Halaman:JAN MANGUTIP DARI WIKIPEDIA! Patunjuak singkek bagi sanak nan tertarik jo ensiklopedia nan paliang gadang di dunia maya.pdf/17 [ 18 ]Halaman:JAN MANGUTIP DARI WIKIPEDIA! Patunjuak singkek bagi sanak nan tertarik jo ensiklopedia nan paliang gadang di dunia maya.pdf/18 [ 19 ]Apo iyo rujuakan nan dipakai pado artikel Wikipedia musti rujuakan nan tapicayo?
Batua! Komunitas Wikipedia alah mamiliki standar acuan umum rujuakan saparti apo nan layak jo dapek digunoan di Wikipedia. Standar iko alah disapakati basamo dek komunitas sarato ado tadapek babarapo tingkek tapicayonyo suatu rujuakan:
1. Dapek dipicayo. Jurnal ilmiah, buku tabikan panabik tapicayo, majalah/tabloid ilmu pangatahuan, media massa nasional, jo tugas akhia nan alah diuji ahli tamasuak kadalam kategori iko.
2. Indak disaranan. Buku tabikan surang, sampul kaset, artikel sumbarang dari situs populer ado baiaknyo indak dipakai sabagai rujuakan.
3. Sabisa mungkin ilakan. Blog, surek kaba kriminalitas, tabloid gosip usahoan ilakan sabisa mungkin.
4. Samo sakali indak bisa. Sadoalah versi Wikipedia bahaso lain maupun situs lain nan sistemnyo saroman Wikipedia, jan pakai sabagai rujuakan. Hal iko juo balaku untuak medsos jo layanan pesan singkek saparti Facebook, Twitter, Instagram jo Line/Whatsapp. [ 20 ]Baa ambo kadang basobok jo informasi nan indak batua di Wikipedia?
Iko adolah contoh tangkapan layar nan parnah dikiriman dek salah saurang pangguno Wikipedia dari Google Search manganai salah satu kalompok musik dari Norwegia banamo Mayhem (nan kontennyo diambiak dari Wikipedia bahaso Indonesia.)
Hal samacam iko di Wikipedia dinamoan vandalisme, yaitu tindakan manyuntiang artikel tapi tujuannyo marusak. Para ‘panjago’ Wikipedia salalu bausaho manjago artikel- artikel nan ado dari parilaku vandal samacam iko.
Apobilo sanak basobok jo artikel nan takanai vandal samacam iko, sanak bisa malapor ka halaman ‘Kadai Kopi’ jo mang klik ‘Kadai Kopi’ di kolom sisi kiri tampilan antarmuko Wikipedia. [ 21 ]Baa caro manyuntiang di Wikipedia?
Katiko sanak sadang mambaco Wikipedia, pernah indak sanak mancaliak tulisan “suntiang” di bagian kanan ateh laman?
Katiko sanak klik “Suntiang”, mako tampilan laman Wikipedia baubah ka mode “suntiang”, yaitu mode dima sanak bisa malakukan suntiangan taadok laman itu. Sanak bisa mancaliak contoh tampilan mode suntiang nan di bawah ko:
Pado mode “suntiang” iko, sanak bisa manambah konten nan kurang, mampelokan nan salah, atau maapuih konten nan sumbarang. Jan lupo untuak maagiah rujuakan. Satalah itu, sanak takan baliak “Tabikan parubahan” di sabalah kanan ateh.
Suntiangan sanak lansuang disimpan jo ditampilan! [ 22 ]Apo sajo tulisan nan indak buliah ditulih/indak ditarimo di Wikipedia?
Wikipedia bahaso Minangkabau punyo laman khusus “Wikipedia:Wikipedia bukanlah”. Di laman iko, sanak dapek mancaliak hal apo se nan indak marupoan ciri-ciri sabuah ensiklopedia. Babarapo diantaronyo saparti:
Kamuih, karano Wikipedia punyo proyek sanaknyo nan banamo Wiktionary.
Surek kaba/berita aktual, karano Wikipedia punyo juo proyek sanak nan lain banamo Wikinews.
Tampek baiklan, karano memang indak tampeknyo. Sasuatu mustilah tanamo dahulu sabalun masuak ka Wikipedia, indak manjadi tanamo karano Wikipedia.
Buku resep, patunjuak arah, patunjuak wisata, buku palajaran, kumpualan jurnal, tutorial, dsb nan indak mancirikan tulisan ensiklopedia.
Sanak cukuik mamasuakkan “Wikipedia:Wikipedia bukanlah” di kotak pancarian untuak maakses laman tu.
JAN MANGUTIP DARI WIKIPEDIA!
16
maklaim tulisan di Wikipedia itu punyo ambo?
Hal patamo nan musti sanak sadari adolah sifek dasar Wikipedia nan dapek disuntiang dek siapo sajo. Sapanjang apo se artikel nan sanak mulai buek, akan ado urang lain nan bakamungkinan untuak mangambangan artikel itu. Jadi, intinyo satiok artikel Wikipedia itu punyo basamo jo indak bisa dimiliki atau diklaim siapo sajo. Alasan lainnyo adolah supayo artikel di Wikipedia indak hanyo baisi satu suduik pandang sajo jo kenetralan artikel di Wikipedia bisa tajago.
Salain tu Wikipedia salalu manggunoan lisensi tabukak di satiok kontennyo. Lisensi tabukak adolah lisensi nan mamudahan pangguno jo pamilik konten untuak mambagian jo manggunoan karya-karyanyo. Lisensi tabukak nan digunoan di Wikipedi adolah Lisensi Creative Commons Atribusi- Babagi Sarupo 3.0. Untuak informasi labiah lanjuik nyo manganoi lisensi iko, sanak bisa mangunjuangi situsnyo di:
creativecommons.or.id
17
JAN MANGUTIP DARI WIKIPEDIA!
Konten nan ado di Wikipedia bahaso Inggirih jo bahaso Indonesia tantu sajo babeda, karano satiok artikel di Wikipedia dibuek dek urang nan babeda-beda. Memang, artikel Wikipedia dapek dibuek dek bot (robot), tapi biasonyo untuak hal-hal batopik repetitif saparti pambagian wilayah, taksonomi biologi, atau panamoan objek luar angkasa. Untuak topik artikel salain tu, tatok dibuek dek urang jo dikambangan dek urang pulo.
Baa artikel di bahaso Inggirih labiah banyak daripado di bahaso Indonesia? Hal iko dikaranokan kontributor Wikipedia bahaso Inggirih jauah labiah banyak dibandiangan Wikipedia bahaso Indonesia. Kini ko, di Wikipedia bahaso Inggirih ado sakitar 66.000 pangguno aktif satiok bulannyo (aktif di siko diartian pangguno nyo manyuntiang labiah dari 5 kali satiok bulannyo), sadangkan di bahaso Indonesia angko itu hanyo 1000. Dari angko tu sanak dapek mancaliak salisiah jumlah nan jauah antaro kontributor nan dimiliki nan bapangaruh ka banyaknyo konten antaro kaduo versi Wikipedia.
Wikipedia bahaso Inggirih
66.000
Pangguno aktif
Wikipedia bahaso Indonesia
1.000
Pangguno aktif
Wikipedia bahaso Minang
319
Pangguno aktif
JAN MANGUTIP DARI WIKIPEDIA!
18
Baa ado urang nan
nio manyuntiang di Wikipedia
padahal inyo indak dapek pitih
Manyuntiang di Wikipedia bagi para kontributornyo. Diibaraikan cando hobi. Hobi bajariah dalam bidang-bidang nan disukoi. Babarapo Wikipediawan sanang juo babagi informasi nan tabaru, misalnyo katiko ado kajadian gadang nan badampak lueh, pasti ado sajo Wikipediawan nan lakeh mambuek artikelnyo. Babarapo pangguno juo manyukoi topik nan sangaik spesifik, saparti perkeretaapian. Para railfans (sabutan bagi panggemar perkeretaapian) tanamo sangaik lakeh jiko ado jadwal kereta api nan baubah, ado informasi nan paliang baru manganoi stasiun, dsb.
Babarapo Wikipediawan lain di bahaso daerah, suko manyuntiang karano inyo paduli jo pelestarian bahaso daerah nyo. Indak heran kini ko Wikipedia alah mamiliki 13 bahaso daerah jo ratusan bahaso daerah lainnyo nan masih dalam Incubator (salah satu proyek Wiki nan digunoan untuak mangambangan proyek-proyek Wiki nan bisa tagak surang). [ 26 ]Di Indonesia, bahaso daerah apo sajo nan alah punyo Wikipedia surang?
Di Indonesia, bahaso nan patamo kali muncua Wikipedianyo adolah bahaso Melayu (ms.wikipedia.org) pado tahun 2002, diikuti bahaso Indonesia pado tahun 2003.
Wikipedia Banjar
bjn.wikipedia.org
Muncua 2010
Wikipedia Bugis
bug.wikipedia.org
Muncua 2005
Wikipedia Aceh
ace.wikipedia.org
Muncua 2009
Wikipedia Gorontalo
gor.wikipedia.org
Muncua 2018
Wikipedia Melayu
ms.wikipedia.org
Muncua 2002
Wikipedia
Minangkabau
min.wikipedia.org
Muncua 2013
Wikipedia Nias
nia.wikipedia.org
Muncua 2021
Wikipedia Sunda
su.wikipedia.org
Muncua 2004
Wikipedia Banyumasan
map-bms.wikipedia.org
Muncua 2006
Wikipedia Jawa
jv.wikipedia.org
Muncua 2004
Wikipedia Bali
ban.wikipedia.org
Muncua 2019
Wikipedia Tetun
tet.wikipedia.org
Muncua 2006
Wikipedia Madura
mad.wikipedia.org
Muncua 2020
Caliak, alamaik situs Wikipedia hanyo dibedaan badasarkan kode bahasonyo sajo, diikuti “.wikipedia.org”.
JAN MANGUTIP DARI WIKIPEDIA!
Baa tabantuaknyo? Jo apo tujuannyo?
Wikipedia bahaso daerah di Indonesia itu sacaro mudah dapek dipahami sabagai Wikipedia dalam bahaso salain bahaso Indonesia.
Wikipedia bahaso daerah patamo kali nan muncua adolah Wikipedia bahaso Jawa nan mulai dibuek tahun 2004 dek Revo Arka Giri Soekatno. Revo juo nan mulai manyuntiang Wikipedia bahaso Indonesia pado tahun 2003. Revo baanggapan kalau pangatahuan mustinyonya indak hanyo tasadio dalam bahaso Indonesia sajo, tapi musti juo tasadio dalam bahaso-bahaso daerah lain nan diucapkan di Indonesia, karano pangatahuan adolah hak satiok urang. Tabiknyo Wikipedia bahaso Jawa kamudian diikuti jo dimulainyo tabantuak Wikipedia dalam bahaso-bahaso daerah lain, saparti bahaso Sunda, bahaso Bugis, jo nan tarakhia kalua dari Incubator pado tahun 2021 adolah Wikipedia bahaso Nias..
Salain itu, urang-urang nan bajariah di Wikipedia bahaso daerah maraso juo jiko manulih di Wikipedia bahaso daerah inyo maraso salah satu caro inyo manjago bahaso daerah supayo tetap ado.
JAN MANGUTIP DARI WIKIPEDIA!
Wikimedia mamiliki sabuah situs proyek nan dikhususkan manangani hal saparti iko, banamo Wikimedia Incubator. Sasuai jo namonyo, situs iko manampuang proyek-proyek nan istilahnyo “alun layak” untuak tagak surang. Di siko, proyek-proyek ka dimatangan sampai kamudian layak untuak ditabikan jo domainnyo surang. Sanak bisa mambukak situs iko di incubator.wikimedia.org.
Namun sanak musti tahu bahwasonyo salah satu syarat supayo bahaso daerah sanak bisa dibuekan situs Wikipedianyo adolah adonyo kode ISO 639. Salah satu caro untuak mamareso bahaso daerah sanak punyo kode ISO 639 atau indaknyo adolah malalui situs ethnologue.com. Masuakan namo bahaso daerah sanak, jo caliak hasilnyo. Apobilo sanak nio mulai mambuek Wikipedia di bahaso daerah sanak tapi masih binguang untuak mamulainyo, sanak bisa mahubuangi kawan- kawan dari Wikimedia Indonesia nan kontaknyo bisa sanak caliak di bagian paliang akhia dari buku iko. Kawan-kawan dari Wikimedia Indonesia beko ka manolong sanak untuak maajuakan permintaan supayo dibuekkan Wikipedia dalam bahaso daerah sanak.
JAN MANGUTIP DARI WIKIPEDIA!
Sanak dapek mamulai manulih artikel jo topik-topik nan sanak suko, tatapi sanak musti mamastian artikel nan nio sanak tulih alun tasadio di Wikipedia. Salain itu, paralu diingek bahwasonyo manulih artikel di Wikipedia musti jo suduik pandang nan netral, sahinggo sanak indak dipabuliahan hanyo manulihkan sisi baiak atau sisi buruak sajo dari subjek nan sanak tulih. Sanak musti juo manulih apo adonyo, sasuai jo informasi nan sanak tamui di rujuakan nan tapicayo nan sanak rujuak.
Templat:Big | Wikipedia Bahaso Minangkabau dalam Angko
22.401.126
Jumlah kunjuangan ka Wikipedia bahaso Minangkabau satahun tarakhia (Mei 2019-April 2020)
1.881.238
Jumlah kunjuangan bulan April 2020
319 Rato-rato jumlah editor jo 5 suntiangan atau labiah (Oktober 2019-Maret 2020)
370.718 Jumlah suntiangan di Wikipedia bahaso Minang, Mei-Oktober 2019
2.298 Jumlah laman nan disuntiang, Maret 2020
19% Mambukak manggunoan ponsel
81% Mambukak dari desktop sisonyo mamakai aplikasi ponsel
11% Urang nan mambuka barasa dari Indonesia, diikuti Amerika Sarikat, Inggirih, Malaysia, dan Jerman
Pancasila
artikel nan acok dicaliak pado Maret 2020
Dari stats.wikimedia.org/v2
JAN MANGUTIP DARI WIKIPEDIA!
Sanak dapek baraja manyuntiang Wikipedia sacaro otodidak jo mangikuikan patunjuak nan ado di pranala bit.ly/WPTUTOR. Wikimedia Indonesia kini alah punyo modul palatihan sacaro langkok. Modul iko bisa sanak pakai perai di bit.ly/modulmanual.
Salain itu, apobilo sanak labiah suko mangikuti tutorial atau patunjuak dalam bantuak video, sanak bisa manonton video nan alah dibuek dek Wikimedia Indonesia nan bisa sanak pakai di pranala bit.ly/ TutorialWikiID.
bit.ly/modulmanual bit.ly/WPTUTOR
JAN MANGUTIP DARI WIKIPEDIA!
Templat:Big Templat:Big Templat:Big
“Satiok bulannyo, Wikimedia Indonesia acok maadoan palatihan Wikipedia dalam banyak bahaso di banyak kota.”
Satiok bulannyo, Wikimedia Indonesia banyak maadoan lokakarya atau palatihan panyuntiangan di Wikipedia dalam banyak bahaso di banyak kota. Taruih caliak media sosial Wikimedia Indonesia untuak ikuik sarato dalam acaronyo!
Atau, apobilo sanak bainisiatif maadoan palatihan surang di kota, komunitas, atau instansi sanak, silakan ajuan jo caro mahubuangi kami malalui surel di:
pendidikan@wikimedia.or.id
JAN MANGUTIP DARI WIKIPEDIA!
Manulih di Wikipedia marupoan kagiatan nan didasari jo kesukarelaan sahinggo indak bisa maagiah dampak dari segi materi tamasuak dipakai untuak naiak jabatan. Namun, manulih di Wikipedia dapek maningkekan katarampilan nonteknis sanak, sarupo katarampilan manulih, sarato mancari rujuakan nan tapicayo, nan ka baguno dalam banyak kagiatan di bidang pandidikan, sarupo panyusunan kurikulum, mancari materi untuak maaja, sarato panyusunan laporan.
INFO WIKI Kontributor Paliang Aktif Maret 2020 di :::::::Wikipedia Bahaso Minangkabau
Rachmat04
1.906 suntiangan
Rahmatdenas
437 suntiangan
S Kartika
133 suntiangan
Ardzun
121 suntiangan
Adhmi
107 suntiangan
Dari stats.wikimedia.org/v2
JAN MANGUTIP DARI WIKIPEDIA!
Jiko sanak nio batanyo labiah lanjuik manganai program-program Wikimedia Indonesia, sanak dapek mahubuangi kami malalui surel info@wikimedia.or.id atau surel-surel di bawah iko:
Surel Penting Wikimedia Indonesia
Pendidikan pendidikan@wikimedia.or.id
Komunitas komunitas@wikimedia.or.id
Kompetisi kompetisi@wikimedia.or.id
Teknologi teknologi@wikimedia.or.id
GLAM (Galeri, Perpustakaan, Arsip, jo Museum)
glam@wikimedia.or.id
Hibah hibah@wikimedia.or.id
Konferensi konferensi@wikimedia.or.id
JAN MANGUTIP DARI WIKIPEDIA!
MODE HURUF
Montserrat oleh Julieta Ulanovsky | OFL
Merriweather oleh Sorkin Type | OFL
Segoe UI oleh Microsoft
[21] Ranga oleh TipTopTyp | OFL • Leelawadee (aksara Bugis) oleh Microsoft • Noto Sans Rejang (aksara Rejang) oleh Google | OFL • TG Siloka Sundanese (aksara Sunda) oleh Tegamitype/Iqbal Firdaus • Noto Sans Javanese (aksara Jawa) oleh Google | OFL • Noto Sans Balinese (aksara Bali) oleh Google | OFL • Arabic Typesetting oleh Microsoft (aksara Arab) • Noto Sans Batak (aksara Batak) oleh Google | OFL • Wijaya (aksara Kawi) oleh Aditya Bayu Perdana
FOTO
[1] CEEMeeting2016 Armenia Globe 25 oleh AWang (WMF) | Wikimedia Commons | CC BY-SA 4.0
[3] Wikimania 2016 - group photo 03 oleh Niccolò Caranti | Wikimedia Commons | CC BY-SA 4.0
[6] • Old Wikipedia oleh L337p4wn (pengunggah) | Wikimedia Commons | CC BY-SA 3.0 • Jimmy Wales 83 1 oleh Chris Floyd | Wikimedia Commons | CC BY-SA 3.0
[7] Keceriaan WikiNusantara1 oleh Studio Amarana kanggo Wikimedia Indonesia | Wikimedia Commons | CC BY 3.0
[8] • Minangkabau wedding 2 oleh Mamasamala | Wikimedia Commons | CC BY-SA 3.0 • Bondjol2 dari Tijschrift voor Nederlands Indie 1839 | Wikimedia Commons | Domain Publik • Sawahlunto 20190813 2 oleh Rhmtdns | Wikimedia Commons | CC BY-SA 4.0 • Klenteng See Hin Kiong | Wikimedia Commons | CC BY 3.0 • Pueblo Bonito - panoramio (2) oleh runt35 | Wikimedia Commons | CC BY 3.0 • Teh Talua oleh Yunathan adha | Wikimedia Commons | CC BY-SA 4.0
[9] • Foto uang rupiah oleh Eko Anug | Pixabay | Lisensi Pixabay • Wikimedia Foundation Servers-8055 06 oleh Victorgrigas | Wikimedia Commons | CC BY-SA 3.0
[10] Foto buku oleh Nick Fewings | Unsplash | Lisensi Unsplash
[19] WikiLatih Indonesiana; April 2017 03 oleh Indorelawan | Wikimedia Commons | CC BY-SA 4.0
[25] • Wikilatih Purworejo 1 oleh Hidayah Sunar | Wikimedia Commons | CC BY-SA 4.0 • WikiLatih Sunda Universitas Pendidikan Indonesia 17-19 September 2018 10 oleh Nadiantara | Wikimedia Commons | CC BY-SA 4.0 • Sukarelawan pelatih WikiLatih APKS PGRI Kabupaten Jember (Gelombang 1)-3 oleh Ahmadi SE | Wikimedia Commons | CC BY-SA 4.0 • April 29 2018 WikiLatih Indonesiana 2.0 with Indorelawan oleh Indorelawan | Wikimedia Commons | CC BY-SA 4.0
[26] WikiPelatih PGRI Sulsel-7 oleh Gunarta | Wikimedia Commons | CC BY-SA 4.0
GRAFIS
[2] Wikimedia Illustration Header Detail Projekte oleh Blanca Flores | Wikimedia Commons | CC BY-SA 4.0
[4] Wikipedia Education Backpack 1 oleh Blanca Flores | Wikimedia Commons | CC BY-SA 4.0
[5] • Nupedia oleh Nupedia basamo milodesign.com, berkas vektor oleh Habitator terrae | Wikimedia Commons | Domain Publik • Nupedia, the open content encyclopedia 2000-08-15 oleh nupedia.com | Wikimedia Commons | CC BY-SA 3.0
[9] Wikipedia planet oleh Mathis Eckelmann untuk Wikimedia Jerman | CC BY-SA 4.0
[17] Wikimedia Illustration Header Detail Digitales Ehrenamt oleh Kati Szilágyi untuk Wikimedia Jerman | Wikimedia Commons | CC BY-SA 4.0
[18] Wikimedia Illustration Header Detail Recherche 2 oleh Kati Szilágyi untuk Wikimedia Jerman | Wikimedia Commons | CC BY-SA 4.0
[21] Themenfeld Wissensgesellschaft oleh Kati Szilágyi untuk Wikimedia Jerman | Wikimedia Commons | CC BY-SA 4.0
[23] Wikipedia Community cartoon - high quality oleh Giulia Forsythe, digamba ulang dek Asiyeh Ghayour, diunggah dek Seyyedalith | Wikimedia Commons | CC0
IKON
[2] • Globe oleh Eagle Eye | Noun Project | CC BY • Open Lock oleh Caio Ranieri | Noun Project | CC BY • Translation oleh Mun May Tee | Noun Project | CC BY • Encyclopedia icon oleh Atón | Wikimedia Commons | CC BY-SA 4.0 • Light bulb icon red oleh Atón | Wikimedia Commons | CC BY-SA 4.0 • Scale icon green oleh Atón | Wikimedia Commons | CC BY-SA 4.0 • Jigsaw piece yellow 01 oleh Atón | Wikimedia Commons | CC BY-SA 4.0 • Smiley icon orange oleh Atón | Wikimedia Commons | CC BY-SA 4.0
[16] • Dictionary oleh Kantor Tegalsari | Noun Project | CC BY • Advertisment oleh Komkrit Noenpoempisut | Noun Project | CC BY • Newspaper oleh Fahmi | Noun Project | CC BY • Writing oleh andriwidodo | Noun Project | CC BY
[22] • Phone oleh Larea | Noun Project | CC BY • Computer oleh Phoenix Dungeon | Noun Project | CC BY • Indonesia oleh Ivan Colic | Noun Project | CC BY
WIKIPEDIA
Indonesia
Aceh
Bali
Banjar
Banyumasan
Bugis
Gorontalo
Jawa
Madura
Melayu
Minangkabau
Nias
Sunda
Tetun
WIKTIONARY
Indonesia
Jawa
Melayu
Minangkabau
Nias
Sunda
WIKIBOOKS
Indonesia
Melayu
WIKIQUOTE
Indonesia
Sunda
WIKISOURCE
Indonesia
Simak carito dibaliak layar baa komunitas Wikipedia bakarajo bit.ly/BebaskanPengetahuan [ 36 ]JAN MANGUTIP DARI WIKIPEDIA! Patunjuak singkek untuak sanak nan tertarik jo ensiklopedia nan paliang gadang di dunia maya marupoan sabuah patunjuak nan ditujukan untuak pambaco nan nio tahu labiah banyak jo Wikipedia.
Panulih baarok patunjuak iko dapek manjawek pertanyaan-pertanyaan nan acok diajukan saputa Wikipedia sarupo apo sabanonyo Wikipedia tu, informasi apo sajo nan ado di Wikipedia, sarato baa caro mancari jo mamanfaatkan informasi di Wikipedia dengan tapek.
Dengan tau labiah dalam tantang Wikipedia, panulih juo baarok pambaco nio untuak ikuik mambebaskan pangatahuan basamo di Wikipedia.
Versi daring patunjuak iko dapek sanak baco di: bit.ly/wmid-janmangutipdariwikipedia
Jalan Danau Toba No. 104 Bendungan Hilir, Jakarta Pusat DKI Jakarta 10210 wikimedia.or.id | info@wikimedia.or.id
[ 3 ]Judul:
JAN MANGUTIP DARI WIKIPEDIA!
Patunjuak singkek bagi sanak nan tertarik jo ensiklopedia nan paliang gadang di dunia maya.
ISBN:
978-623-97254-6-4 (PDF)
Panabik:
Perkumpulan Wikimedia Indonesia Jalan Danau Toba No. 104. Bendungan Hilir Jakarta 10210, Indonesia surel: info@wikimedia.or.id
Panyuntiang:
Zhilal Darma
Panulih: Raymond Sutanto
Nur Rahmi Nailah
Panerjemah:
Khairul Rahman
Panata Latak:
Adien Gunarta
Dwi Satria Utama
Distributor:
Perkumpulan Wikimedia Indonesia Jalan Danau Toba No. 104. Bendungan Hilir Jakarta 10210, Indonesia surel: info@wikimedia.or.id
Lisensi:
Judul buku iko adolah "JAN MANGUTIP DARI WIKIPEDIA! Patunjuak singkek untuak sanak nan tertarik jo ensiklopedia paliang gadang di dunia maya”
Nan maagiah Lisensi indak dapek mancabuik katantuan di ateh sapanjang sanak mamatuahi katantuan lisensi iko. Lisensi dibawah Creative Commons CC-BY-SA 4.0.
Panulih Raymond Sutanto jo Nur Rahmi Nailah, Wikimedia Indonesia. Sanak diagiah izin untuak babagi manyalin jo manyebaluehkan baliak materi iko ka dalam bantuak atau format apo sajo; Adaptasi - maubah, maubah, jo mambuek turunan dari materi iko untuak kapantingan apo sajo, tamasuak kapantiangan komersial.
Saluruah materi di dalam buku iko barado di bawah lisensi Creative Commons Attribution Share-Alike (CC-BY-SA) 4.0. Publikasi ulang buku iko musti dilakuan di bawah lisensi saroman.
Sajak didirian dek Jimmy Wales pado tahun 2001, Wikipedia mangalami pakambangan nan sangaik bararti. Muncuanyo Wikipedia bahaso Inggirih di tahun 2001, kamudian diikuti jo tabiknyo Wikipedia dalam bahaso-bahaso lain di dunia, tamasuak salah satunyo adolah Wikipedia bahaso Indonesia di tahun 2003. Didiriannyo Wikimedia Foundation di tahun 2003, samakin mandukuang juo pakambangan Wikipedia sarato proyek-proyek nan sarupo. Di Indonesia, Wikimedia Indonesia alah mangarajoan proyek-proyek nan ditujuakan untuak mandukuang pakambangan sarato paningkatan mutu Wikipedia, baiak dalam segi isi maupun jumlah sukarelawan nan bajariah di dalamnyo.
Salah satu program nan dijalanan dek Wikimedia Indonesia adolah program WikiLatih nan alah ado sajak tahun 2016. Program WikiLatih marupoan palatihan panulisan jo panyuntingan Wikipedia. Kironyo, sasudah mangamati palaksanaan program WikiLatih nan alah dilaksanakan di babagai daerah, bakarajo samo jo babarapo instansi, organisasi, maupun komunitas, masih banyak pertanyaanpertanyaan umum saputa Wikipedia nan acok kali ditanyoan, baiak dek peserta palatihan, maupun mitra nan bakarajo samo jo Wikimedia Indonesia. Salain itu, media sosial Wikimedia Indonesia baiak Facebook, Instagram, maupun Twitter acok mandapek pertanyaan-pertanyaan nan sarupo.
Pertanyaan sarupo apo bedanyo Wikimedia jo Wikipedia, buliah indaknyo mangutip dari Wikipedia, caro mangutip informasi nan tapek dari Wikipedia, apo sajo nan buliah ditulih di Wikipedia, jo baa caro mangambangan Wikipedia dalam bahaso daerah tatantu marupoan pertanyaan-pertanyaan nan acok kami dapek.
JAN MANGUTIP DARI WIKIPEDIA! Panduan singkek untuak sanak nan tertarik jo ensiklopedia nan paliang gadang di dunia maya marupoan sabuah jariah dari Tim Program Pendidikan Wikimedia Indonesia untuak maagiah jawaban dari pertanyaan-pertanyaan itu.
Tim Program Pendidikan baarok bahwasonyo buku patunjuak singkek iko dapek sacaro praktis maagiah pangatahuan dasar tantang Wikipedia untuak sanak-sanak di lua sinan nan tertarik untuak mulai bajariah di Wikipedia.
Jakarta, 16 Maret 2020 Tim Program Pendidikan Wikimedia Indonesia