Kaba Sutan Lembak Tuah
KABA
SUTAN LEMBAK TUAH
DENGAN
SITI RABIATUN
Dikarang oleh
SJAMSUDDIN SUTAN RADJO ENDAH
TJETAKAN KEDUA
PENERBIT
Pustaka „INDONESIA“ Bukittinggi
DOKUMENTASI
LUKMAN ALI
KABA
SUTAN LEMBAK TUAH
DENGAN
SITI RABIATUN
Dikarang oleh
SJAMSUDDIN SUTAN RADJO ENDAH
TJETAKAN KEDUA
DOKUMENTASI
LUKMAN ALI
PENERBIT
Pustaka „INDONESIA“ Bukittinggi
Hak pengarang pada Penerbit
Pertj. ANDALAS Bkt
KABA
SUTAN LEMAK TUAH
DENGAN
SITI RABIATUN
______________
Ka pakan ka Balai Gurah
Mambali tjita kain katun
Dilipek lalu kadalam peti
Kaba tjurito Lembak Tuah
Sarato dengan siti Rabiatun
Guno parintang rintang hati
Gadang aia pantjuran landai
Sanan banjak palaik puluik
Bukannjo hambo ijodiak pandai
Ganti panggojang gejang muluik
Hari nan sadang tangah hari sadang tangah hari tapek sadang bunia bajang bajang sadang linduang saliguri sadang litak litak ajam sadang langang urang dikampuang sadang rami orang dibalai.
Birauari Sutan Lembak Tuah anak kanduang mande Saadijah sadang mamangkua mangkua surang mamang- kua ladang dalam parak sanan tadanga pakiak urang pakiak manangih manggaruang pandjang mamintak to- long kaurang lalu.
Dek rang mudo Lembak Tuah. tasirok darah nan didado badjalan bagageh gageh balari batjapek tjapek di hati nan indak sanang lai diljek tjando dipandangi lapeh pandang kiri kanan diliek tjando suok kida tam. pak rang gadih si Rabiatun manangih mintak tolong di- liek tjando dipandangi badan dipaluik ula gadang
Kan ijo Sutan Lembak Tuah balari turun masuak samak diambiak tjando ula gadang dihelo ula sa-kuek2 hall djundjun tjando ula gadang nati nan tjameh maso itu
3
kamari apo mukasuik dalam hati manampuah samak rimbo rajo katonjo Sutan Lembak Tuah sanan mandjawab si Rabiatun manolah tuan Lembak Tuak mangko den datang kamari mukasuik sangadjo dalam hati handak mantjari ubek mande panawa mande kanduang denai mande nan sadang dalam sakik mantjari daun kamuniang djantan paubek mande dalam sakik katonjo siti si Rabiatun
Mandanga kato nan bak kian bakato Sutan Lembak Tuah manokoh upiak si Rabialun kok itu tjando nan adiak tjari bialah hambo mandjapuikkan hambo tolong mantjarikan duduaklah gadih manantikan katonjo Suttan Lembak Tuah sadang bakato injo badjalan badjalan batjapek tjapek balari laei andjiang ado sabanta antaronjo alah tibo Sutan Lembak Tuah mambawo daun kamuniang djantan dek si upiak siti Rabiatun diambiak tjando daun nantun gadang hati indak tabado.
Kan ijo Sutan Lembak Tuah alah sudah daun dibarikan badjalan babaliak injo kaladang darah didado turun naiak mangana ula nan sangaik gadang kok indak lakeh katolongan alamaik mati si Rabiatun mati bakubua didalam paruik ula tapi sungguah nan bak kian tolong karano Allah indak maarok upah dijariah raso diruang ruang mato mangana ula didalam samak.
Lorong kapado siti Rabiatun balari pulang karumah hati didalam indak sanang darah tasirok sirok djuo kok indak lakeh katolongan datang alamaik sansai badan denai mati didalam paruik ula guno djo apo kadibaleh sadang bakato kato surang alah sampai tibo dihalaman taruih sakali masuak rumah kan ijo mande si Rabiatun bakato injo kapado anak manokoh upiak Rabiatun heran tatjangang badan denai apolah salah karanonjo mangko [ 6 ]angok kau kambang kampih lampan darah kau indak sanang badju djo kain tjabiak tjabiak dima garan salah sababnjo katonjo mande si Rabiatun.
Mandjawab upiak Rabiatun usahlah mande salah sangko djanlah amai salah sasek mangko badju den tjabiak dangakan malah dimande kanduang lorong kapado badan denai mantjari ubek mande kanduang ijo kalurah pandan mansiu malang nan tibo dibadan denai dipaluik ula pinggang djo badan mamakiak hambo manggaruang pandjang dek untuang takadia Allah alamaik hambo indak mati dapek batamu degan mande datang katolongan Lembak Tuah injo mambunuah ula nantun kalau kadiliek bangkai ula ado bagaluang dalam samak mati dibunuah Lembah Tuah katonjo siti Rabiatun.
Mandanga kato nan bak kian mande manggeleng geleng pandjang manjasa manjuruah anak kanduang kok njampang mati Rabiatun alamaik mande mati sasek anak surang tungga babeleng indak ado adiak djo kakak alamaik langang rumah gadang maramang buiu mandangakan mandangakan parasaian anak kanduang bakato mande Rabiatun manokoh upiak Rabiatun elok pai djapuik Lembak Tuah karanah Kampuang Dalam kito mandoa surang malin himbaulah Labai Pakih Kari dabiah ajam agak saikua katonjo mande si Rabiatun
Kan ijo bari nan barisuak alah didialang Labal Pakiah Kari dituruik tjando Lembak Tuah dikatokan udjuik mukasuik hati handak manta mamintak sjukur baitu niaik dalam hati
Lorong kapado siti Rabiatun urang adab kaibu bapak muluik manih baso katudju pandai barundiang djo bitjaro kasajangan urang dalam kampuang banjak bakawan samo gadang pandai manggulai djo mandjahik pandai manjulam manirawang indak ado mahantikan tangan gilo mandjahik dalam rumah pantang batandang karumah urang kok duduak dengan pabuatan kok badjalan ado kadituruik maso katjiak masak pangadja alah [ 7 ]gadang akuan tibo kan ijo samaso itu dikambang lapiak pandan putiah siriah barado ditjarano,
Ado sabanta antaronjo tibo Labai Pakiah Kari duduak baselo tangah rumah tibo Sutan Lembak Tuah mamakai badju batirawang badju ganiah putiah haluih takanak sarawa suto hitam bakain saruang kain djawo kain djawo nan maha bali lakek kupiah baludu hitam sangaik elok dipandang mato sangaik tampan lakek pakaian rang mudo pandai mamakai roman rantjak kuniang tasimbah laku elok parangai baiak djaranglah urang mudo saeloknjo bak roman bak kalakuan roman tjadiak baso pun elok sangaik haromaik kapado nan tuo lagi banjajang ka anak anak indak urang bahati bangih manaruah sajang kasamonjo bapantang galak tabahak bahak indak ado bakato dareh indak ado mahantikan tangan lapeh kasawah injo kaladang sambajang mangdji indak tingga pandai babaua samo gadang,
Lorong kapado siti Rabiatun ditatiang hidangan katangah rumah tjukuik djo kawa minum kopi alah sudah nasi tatatiang makanlah urang kasamonjo nasi dimakan duo suok tjukuik katigo alah baranti dibasuah iangan hanjo lai,
Lah sudah minum djo makan dikapua siriah ditjarano di isok rokok nan sabatang.
Kan ijo mande si Rabiatun dibaka kumajan putiah asok mandulang ka udaro harum sapanuah rumah nantun lalu bakato mande Rabiatun manolah tuan Labai Kari dibaka kumajan anjo lai umua pandjang razaki murah amal ibadaik batambah tambah mamintak kito ka Tuhan nan satu anak lah lapeh marabahajo barakaik tolong rang mudo Lembak Tuah guno djo apo kadibaleh Allah Taala akan mambaleh.
Birauari Labai Kari dibatjo doa salamaik maminta rahmaik kapada Allah mambari salawaik pada Nabi doa dibatjo sangaik pandjang pasailah urang ma-aminkan alah sudah Labai mandoa bakato Labai Pakiah Kari manolah mande Rabiatun kok mukasuik alah sampai apo diama alah patjah minum djo makan alah salamaik [ 8 ]kami mamintak handak pulang lapehlah kami djo hati sutji kami nak pulang anjo lai katonjo Labai Pakih Kari,
Mandanga kato nan bak kian bakato mande Rabiatun hambo lapeh djo hati sutji sarato muko nan amaik djaniah alah sudah maurak selo dibari sadakah dengan bareh untuak dimakan dalam surau sarato pitih nan babilang didjawek Labai suko hati pulang malah anjo lai.
Hari alah barambang patang patang badjawek dengan sandjo sandjo badjawek dengau malam alah malam maso itu dipasang dama tangah rumah hari samalam2 nantun diliek elok parangai Lembak Tuah rang mudo anak mande Saadijah tidak ado tjatjek dilatakkan alah patuik diambiak djadi minantu kasuami anak Rabiatun baitu pikia pikia surang bakato kato dalam hati kok diliek pulo asa usua urang barasa baiak baiak kamanakan dek Datuak Sinaro Pandjang.
Habih hari baganti hari habih pakan baganti pakan alah sabulan duo bulan kan ijo siti Rabiatun dek banjak karadjo maso itu lah panek duduak djo buatan sanan nak pai injo mandi ijo kalubuak pintjuran tudjuah diambiak tjando kain basahan badjalan balambek lambek dituruikkan labuah nan pandjang ado sarantang padjalanan alah tibo dilubuak tampek mandi diluluih pakaian anjo lai dibukak badju dengan kain alah tagerai rambuik nan pandjang rambuik mahitam sampai kabatih lah tampak langan dengan dado sarupo batang pisang dikubak langan sarupo lilin dituang mukonjo bulek bak daun siriah bulu mato samuik baririang hidungnjo mantjuang bak dasun tungga pipi sarupo pauah dilajang bibia bak limau sauleh gigi sapantun dalimo rangkah djaranglah gadih sarantjak injo sukar ditjari dalam kampuang banjaklah budjang nan tadajo matiek tampan-rupo anak sarupo puti dari langik.
Lorong kapado Rabiatun mandi bakusuak mano itu disabun badan samonjo alah sudah injo mandi dikanakkan pakaian anjo lai dilapiah abuak nan tagerai di[ 9 ]pasang badak pado muko rantjak nan bukan alang-alang bak puti turun dari kajangan badjalan injo daliak pulang ijo karumah mande kanduang badjalan bahunduang hunduang bahunduang hunduang bugih haluih hari nan sadang rambang patang surang tidak urang nan lalu langang kampuang maso itu.
ljo djuo bak kato urang mandjadi mamang diurang tuo mudjua nan datang tiok hari malang nan datang sakadjap mato alah tibo diparak pisang sanan dikadja diurang mudo ijolah Sutan Lelo Kajo anak dek Datuak Bandaro Kuniang kamanakan lareh dalam nagari dek urang mudo Lelo Kajo hati dikaru setan mabuak batjinto pado sigadih hati nan tidak dapek ditahan malu djo sopan indak ado tidak ado sagadang awak kamanakan lareh pandjang kuku kok gadang handak malendo.
Bakato rang mudo Lelo Kajo manoko gadih Rabiatun mari kamari adiak denai kasih lah lamo pado adiak elok disiko kito sampaikan usah adiak balari djuo katonjo Sutan Lelo Kajo.
Mandanga kato nan bak kian takuntji muluik Rabiatun darah didado turun naiak dingin badan maso itu ditiek urang indak ado indak siapo akan manolong bakato siti Rabiatun tuan denai Lelo Kajo tidak elok bakato nan bak kian malu kito diurang banjak suruikkan hati kan nan bana.
Mandanga kato nan bak kian galak tabahak Lelo Kajo diambiak tjando didaketi dipagang tangan kaduonjo maliek rupo nan bak kian manangih siti Rabiatun ditjubo lari indak dapek tangannjo kareh mamatjikkan alah pasai helo mahelo alah puweh tagang batagang mamakiak tjando Rabiatun bagolek golek dalam parak badju dibadan tjabiak tjabiak dek helo mahelokan dek andjun maandjunkan mamakiak djuo mintak tolong.
Dek untuang takadia Allah tibo disanan Lembak Tuah diliek tjando dikadjari bakato Sutan Lembak Tuah manolah tuan Lelo Kajo apo parangal nan bak [ 10 ]nangko malu kito diurang banjak sagan kito diurang kampuang adaik dimano, tuan pakai laku sarupo an djiang gadang adaik kito urang mudo urang mudo da lam kampuang mamaga kapado anak kamanakan párik paga dalam nagari usah paga makan tanaman manda nga kato nan bak kian diajun langkah disiapkan ah kan ijo Lembak Tuah disambuik kaki dilatjuikkan ditjubo langkah nan tigo diajun disipak ditadjangkan tibo dipusek Lelo Kajo ma languah balari pandjang takuik dibunuah Lembak Tuah.
Maliek rupo siti Rabiatun hibo maliek Lembak Tu ah diantakan pulang karumahnjo alah tibo tjando diha laman bakato siti Rabiatun malompek tjando Lelo Kajo didorong gadang Lembak Tu urang pandeka sadjak dahulú manolah tuan Lembak Tuah usah tuan babaliak pulang mari karumah makan dahulu tuan lah pajah manolong denai katonjo siti Ra biatun mandanga kato nan bak kian bialah hambo pu lang dahulu kok ado hajak dalam badan dilain hari hambo kamari insja Allah abaliak djuo katonjo Sutan Lembak Tuah.
Sadang bakato mangadok pulang ijo karumah man de kanduangnjo barilah malam maso itu bakafo siti Ra o, mande djoden dimande elok bana lakunjo Lelo Kajo samantang njo kananakan larèh mambari ma digolek golekkan hambo dalam parak, badju dibadan tjabiak tjabiak kapalo panuah ditanah liek ngilu sagalo pasandian kok indak lakeh Lembak Tuah lakú setan djo an lu pado denai datang alamaik badan dapek malu bakato sa basahlah tjameh diliek muko djiang gadang parangai aten babi dirimbo dang manangih aia mato bak maniak putuih pipi kaduonjo. Mandanga kato anak kanduang lah hati mande kanduang tasirok darah didado anak dipandang! rambuik kusuik badjulah tjablak balumang dengan tanah manangih mande malieknjo hi bo maliek anak kanduang bakato mande Rabiatunma nolah anak kanduang denai elok anak dirumah sadjo usah badjalan djauah.
Lorong kapado si Lelo Kajo kamanakah "lareh pandjang kuku urang kuaso dalam kampuang djikok mam [ 11 ]bunuah indak mambangun apo dibuek indak dilarang urang bagadang gadang surang takuiklah kito anak kanduang usah tabatiak tabarito kok tahu tjando tuanku lareh alamaik kilo kamarasai
Dangakan malah anak kanduang sabab bapak kau nan mati bukan mati sampai adja mati basabab bakarano karano marasai kanai tangan diguluang djo kaki tiok malam sadjak marasai kanai tangan badan nan tidak elok lai gilo panjakik bakapandjangan sampai batjarai njao badan lorong kapado lareh kito usah disingguang dipangakan kok tibo bangih tuanku lareh alamaik umua akan singkek tambahan lagi anak kanduang lo o g kapado tuanku lareh djo kambiang kambiang djadi lareh bantiang djo kabau lareh djuo katonjo mande Rabiatun bakato sadeng katjamehan takuik kapado Tuanku lareh.
Mandanga tjarito mande kanduang sakik hati siti Rabiatun bantji mandanga lareh nantun parangai sarupo alam gadang tidak ado manaruah hibo tidak ado manaruah sajang kok gadang suko malendo kok tjadiak handak mandjua.
Kan ijo mande Rabiatun sadiak mandanga kaba buruak disanan hati tak sanang lai dudiak bamanung surang pandjang pikiran maso itu diliek anak sudah gadang alah patuik dibari bakawan dibari suami pad undjungan Kan ijo samaso itu didjatang mamak Datuak Tungga sarato adiak Sutan Palimo dihimpunkan sakali niniak mamak hari sahari nantun rapek papek ditangah rumah sarato niniak dengan mamak bakato mande Rabiatun manoloh mamek adok adang lorong kapado si upiak Rabiatun kok diliek dipandangi umua lah tjukuik tudjuah baleh diliek laweh sudah gadang dipandang tjando roman duo rupo alah patuik ditjarikan suami kadjundjungan si up ak Rabiatun tjarlah dimamak kasumando mato baniah dibadan kito katonjo mande Rabiatun.
Mandanga kato nan bak kian bakato Sutan Palimo manuruik pikiran badan denai elok diambiak [ 12 ]Hadji Amat urang kajo dalam kampuang basawah bana injo tatapi sa- Hadji nan lapeh basawah babidang bidang banjak manaruah, ameh djo perak,
Mandanga kato nan bak kian mandjawab tjando Datuak Inngga lorong kapado Hadji Amat urang kajo banjak manaruah ameh dio perak Jah parangainjo indak katudju pado denai sangaik rambang mato gilo babini tiok tahun rang baganti surang itu karadio bakapandjangan patuik kabapak Rabiatun usah diharok kajo urang elok nan la in kito tjari nan samo mudo djo anak kitö pandang anak pandang minantu baitu adaik nan bapakai
Bakato Sutan Perpatial manúruik pikiran badan de nai usah nan lain kito tjeri, eloklah si Muntjak Udjulk anak kanduang Datuak Nagari Basa mamakai lah patuik itu kito anbiak patiah mamak kanduang Rabiatun.
Mandjawab Sutan Palimo urang kajo pandai. katonjo Sulan Per lorong kapado Muntjak Udjuik urang mandjo sadjak katjiak kasawah kaladang. indak pan tai manggaleh haram kalau dapek urang pa maleh sadjak dahulu rintang babilang katitirangilo ma lapeh alang2 indak tahu dilabo rugi maikan mandjo dimande ibu bapak agiahkan urang.
pitih nan utang ma balandjo. 'diagak di Mandjawab Datuak Turgga maso itu lorong kapai do tjari denai elok diambiak anak mande Saadijah ijo lah Sutan Lembak Tuah pandal. kasawah djo kaladang. pandai manggaleh tangah pakan rupo balak kalakuan kok itu urang mudo kito ambiak urang budjang balum babini tapi sunggah nan baitu elok pulang maalum pado mandenĵo.
Sanan mandjawab mande Rabiarun dang galak sanjum kok itu Datuak kalokan mandjawab sa, hambo ba paham nan bak kian tolongnio banjak ka Rabiatung elok itu kilo diapuik supak ik urang maso itu surang tidak ado nan mambantah samo suko kasamonjo bulek mu pakaik maso itu diljari manti nan piawai tua dio bitjaro tahu dikieh dengan bandiang djikálau bakalo lamah lambuik kalau batutua muluik manih. [ 13 ]Kan ijo mande Rabiatun banjak urang maminang anak kanduang surang indak ado nan suko elok diambiak nan badjuluak dari pada mangambiak barang nan rareh.
Lorong kapado siti Rabiatun mandanga sadjo dalam rumah hati nan samak samak ragu mandanga urang bamupakaik darah didado indak sanang baru mandanga Lembak Tuah baminjak muko kasukoan sadjuak pikiran maso itu. Lorong kapado siti Rabiatun mandanga mupakaik diateh rumah sukolah hati indak tabado kasih tatumpah sadjak dahulu dimuko nan indak kalihatan pandai mambuhua indak mambuku sadjak samaso datang mandoa kasiah tadorong ka Lembak Tuah.
Kaju kalek madang dilurah
Ditarah ialu dikampaikan
Hati lakek pandanglah sudah
Dimuko indak ado mangasan
Salasiah di Bangkahulu
Tumbuah nan dakek kaju djati
Kasiah bapalun sadjak dahulu
Dikalokkan sadjo dalam hati
Pulau pandan djauah ditangah
Dibaliak pulau angso duo
Hilang badan dikanduang tanah
Guno Lembak takana djuo
Birauari mande siti Rablatun sadjak mupakaik dalam rumah ditjari hari baiak kutiko dihituang hituang palangkahan diimbau manti amai Rapiah urang tjadiak tjandokio pandai batutua djo bitjaro tahu barundiang kieh bandiang urang arif bidjaksano tahu diudjuang kato sampai takilek ikan dalam aia tantu djantan djo batino bakato balunak lunak alah datang mande Rapiah duduak basimpuah tangah rumah dek mande siti Rabiatun manolah kakak amai Rapiah iko siriah makan dahulu ado sabanta antaronjo ditatiang nasi dek Rabiatun tiukuik djo kopi daun kawa sarato aia basuah tangan. [ 14 ]Kan ijo mande Rapiah dimakan nasi anjo lai disu tjukuik katigo injolah kanjang, diba alah sudah minum. dio, makan di ok nasi duo suok suah tangan anjo lai kunjah siriah ditjarano sadang duduak basiriah siriahan sanan bakato mande kanduang.
Manokoh upiak Rabiatun pai kalaman malah dahulu karano kami handak barundiang indak elok didanga mandanga kato mande kanduang digigik bibia maso itu manahan galak kasukoan baguluik lari kahalaman hati nan harok raso kamandapek tjameh nan raso indak dapek bakato mande Rabia tun manolah kakak amai Rapiah djikok barundiang sudah makan kalau baranti lapeh arak baitu adaik nan biaso mangko dihimbau kakakk kamari ado mukasuik dalam hati mukasuik gadang pado kakak tolonglah hambo kini djuo bak kato urang kalau batutua djo nan pandai kalau badjalan jo nan tahu apo pikiran kakak hambo satantang dari anak kito diliek jo man dipandangi rasolah patuik dibari bakawan tampek djunjuangan anak kito ijolah si upiak Rabiatun lorong kapado suaminjo manuruik kato Datuak Tungga elok diambiak anak kakak Saadijah diranah Kmapuang Dalam katonjo mande Rabiatun. Mandjawab tjando amai Rapiah manuruik pikiran hambo surang samo saudjuik malah kito samo sapaham malah kito.
Lorong kapado Lembak Tuah urang budjang elok pandai manggaleh pandai kasawah. djo kaladang tangah pakan kok dapek kironjo Lembak Tuah patuik sapadan dio anak kito katonjo amai Rapiah
Alah sudah barundiang lah banjak tutua dengan ka to bakato mande Rabiatun manolah kakak amai Rapiah elok badjalan kini kini sadang nan hari balum tinggi karadjo baiak dilakehkan usah ditimpo dinan buruak ikolah siriah dalam kambuik.
Kan ijo amai Rapiah diambiak siriah dalam kampia badjalan bagageb gageh alah sarantang padjalanan tju kuik kaduo rantang pandjang hampia katibo anjo lak alah tibo garan disanan ijo dirumah mande Saadijah. [ 15 ]Kan ijo mande Saadijah alah tampak amai Rapiah bakato anjo maso itu.
Tjubadak tangah halaman
Didjuluak djo hampu kaki
Usah kakak tagak dihalaman
Itu tjibuak busuahlah kaki
Mandjawab amai Rapiah
Tjubadak tangah halaman
Diambiak nak rang kampuang ranah
Mangko den tatagun dihalaman
Den sangko kakak tidak dirumah
Nak duo pantun sairiang katonjo amai Rapiah
Bukan den kinari sadjo
Kinari nak rang Padang
Bukan den kamari sadjo
Gadang mukasuik kadidjalang
Mandjawab mande Saadijah manoko Rapiah naik malah dahulu lapiaklah sudah dikambangkan kami lai dirumah kami nan sadang barundiang alah naiak amai Rapiah duduak ditangah rumah gadang bakato amai Rapiah ikolah siriah hambo bao kunyahlah siriah malah kakak.Alah sudah basiriah sanan bakato mande Rapiah manolah kakak mande Saadijah.
Luruih djalan kakinari
Basimpang djalan kamuaro
Disanan banjak batang lado
Mangko den datang kamari
Denai disuruah disarajo
Mandjapuik Lembak kasumando
14
Balaia kapa tantang Tiku
Diampeh ombak diambuangkan
Tampak nan dari hampuang dusun
Kok buliah pintak Falaku
Lembak diambiak kadjundjungan
Kasuami siti Rabiatun`
Bakato amai Rapiah bakato sadang bapantun man danga kato nan bak kian dangakan malah dek amal Rapiah
Babelok djalan ka Tiku
Basimpang djalan kamuaro
Kakak manantilah dahulu
Hambo' batenggang djo bitjaro
katonja mande amai Saadijah dibao mupakaik malah dahulu kapado mamak jo bapaknjo kok ado kato sa-ukua kato mupakaik injiak mamak mananti kakak malah dahulu basaba kakak agak sabanta nanti rundingan nan saijo sungguhpun nan bak kian lorong kapado. Lembak Tuah gadang karano diruweh umua baru satahun djaguang.aka kurang pikiran singkek katonjo mande Lembak Tuah
Mandjawab tjando amai Rapiah manolah kakak mande Lembak Tuah karadio baiak dilakehkan usah ditimpo dinan buruak elok sagiro paguluikkan mandjawab mande Saadijah insja Allah baiaklah itu.
Alah sudah, injo barundiang mamintak izin akan badjalan bagageh gageh dalam padjalanan tjukuik kaduo rantang pandjang hambo injo dirumah ijo dirumah mande rabiatun lorong kapado amai rapiah ditjurah dipapakan barundingan,mandanga kato nan bak kian sananglah hati kaduonyo.
Alah sudah tibo maso itu djandji buatan nan dahulu ditjubo babaliak sajo lai ijo karumah amai sadijah alah sudah tibo dirumah duduak barundingan dirumah gadang siriah dimakan sakapua surang. [ 17 ]Bakato tjando mande Saadijah kok kahandak ado katonjo sadjuak raso balaku kok pintak raso lai kabuliah tapi sungguah nan bak kian mamintak djandji agak sabulan mande Saadijah. Mandanga kato nan bak kian pikiran maso itu kok itu mintak mande Saadijah hambo tapi sungguah nan bak, kian elok djaweklah kain timbang tando di dituka dengan tjintjin ameh ka tarimo dio hati sutji kito timbang tarimo uluakan kain tjandi suto ganti kabek buhua arek.
Kan ijo samaso itu ditatiang nasi dek Saadijah adiak kanduang Lembak Tuah alah sudah minum djo makan mamintak izin kabadjalan badjalan tjando amai Rapiah hati gadang pikiran sadjuak alah tibo dirumah mande Rabiatun sanan bakato amai Rapiah manolah ka kak mande Rabiatun kalau mukasuik alah sampai nanti kito barang sabulan baitu djandji djo buatan danga kato nan bak kian sananglah hati sadjuak pikiran
Kapasa katangah pakan
Mambali kain tanah liek
Disiko kaba diantikan
Nan, lain kakito liek
Kaba baraliah anjo lai kapado lareh pandjang kuku mukasuik hati.handak kumisi diratjak kudo balang putiah, kudo manduo lari kantjang masuak kampuang kalua kampuang.
Kan ijo Tuanku Lareh sadang maratjak diateh kudo baduo dengan angku Kapalo tampak gädih dari djauah mato mamandang indak lapeh lasirok darah didado maliek, tjardo gadih nantun bakato Tuanku Lareh kapado Angku Kapalo manolah Datuak Angku Kapalo anak siapo garan itu siapo garan ibu bapaknjo mandjawab Angku Kapalo lorong kapado anak nantun kamanakan Datuak Tungga namo si upiak Rabiatun.
MILIK PERPUSTAKAAN
BALAI BAHASA PADANG
Pisang tambatu dihalaman
Makanan urang kasamonjo
Djo aka budi didjalankan
Sampai kabapak djo mandenjo
Katonjo Tuanku Lareh mandjawab Angku Kapalo
Babelok djalan ke Batu Sangka
Basimpang djalan kamuaro
Mananti Tuanku agak sabanta
Hambo batenggaug djo bitjaro
Mandiawab Tuanku Lareh sabulan hambo mananti tantukan lai tidaknjo nak tantu hambo mahiraukan katonjo Tuanku Lareh mandiawab Angku Kapalo sungguah-sungguah Angku mananti buruang lia kok lai djinak kok ado untuang djo begian. Mandjawab Tuanku Lareh kok baitu kaeloknjo kabaa tuanjo lai diratjak kudo balambek lambek mato nan tidak lapeh matjaliak karumah si Rabiatun alah sahari duo hari tjukuik sapakan maso itu bakato Angku Kapalo kapado Tuanku Lareh lorong kapado kahandak Tuanku handak maminang siti Rabiatun ruponjo dahulu urang dari kito injolah sudah timbang tando suda bakabek buruang nantun ijo djo anak mande Saadijah nan banamo Lembak Tuah. Mandanga kato nan bak kian sirah muko Tuanku Lareh merah muko kabangisan.
Anak rang salo di Andaleh
Pai kakoto Pariangan
Kahandak hambo Tuanku Lareh
Pantang dihambek ditagahkan
Mangaiah kakampuang Ranah
Tampakiah si ula garang
Sadjak satimpo dari tanah
Pantanglah hambo dilarang urang
Tumbuah birah dihalaman
Tumbuah sarumpun djo kaladi
Sudah buatan djo sukatan
Indak buliah batangguah lai
Katonjo Angku Kapalo mandjawab Tuanku Lareh manolah Datuak Angku Kapalo kito tjari lantai tadjungkek kito buek titian nan barakuak supajo injo tak djadi kawin ditjari aka djo tipu kok tidak marasai Lembak Tuah bukan den mandjadi Tuanku Lareh ado sabanta antaronjo dapek pikiran maso itu mantjilakokan Lembak Tuah dituduah maliang dalam rumah ijo dirumah Hadji Amat kahilangan pakan dahulu ditjari sudi djo siasek sampai kini balum basuo tidak ado tando djo beti hilang sahilang sadjo bakato Tuanku Lareh.
Manolah Datuak Angku Kapalo baa pikiran pandapek Datuak kahilangan dirumah Hadji Amat kok ditadiang alah tarateh umpang-umpang alah takanak taranglah injo kamalingan salapan hari sampai kini tidak ado usua pareso kaba tidak barito tidak malu kito di Tuanku Mandua dapek buruak kasudahannjo alah duo putjuak surek datang manjuruah tjari sipamaliang. Mandjawab Angku Kapalo manolah Tuanku Lareh lorong kapado nan mamaliang hilang aka badan denai lah banjak sudi djo siasek kapado urang nan runtjiang tanduak didiapuik paso samo sakali surangpun tidak tando djo beti katonjo Angku Kapalo. Mandjawab Tuanku Lareh kok itu Angku katokan dimano rang maliang namuah mangaku salah bana itu datuak manolah Datuak Angku Kapalo saruah djapuik Sutan Lembak Tuah anak dek mande Saadiah itu dipuruak didjahanamkan buliah dibuek asuang pitanah ditjari sasi duo orang dibuek tando beti diupah urang djadi sasi mandanga kato nao bak kian galak tabahak Angku Kapalo sudah maalum dalam hati kilek tjamin alah kamuko kilek baliung alah kakaki [ 20 ]Kan ijo Angku Kapalo bakato surang dalam hati sangaik djaheknjo Tuanku Lareh namuah mamebusuakkan urang elok asa mandapek gadih rantjak indak ado hibo kasihan indak manaruah hati saba tapi sungguah nan bak kian awak dibawah parintah urang kato Lareh tak buliah disanggah bakato sabuah indak sadang manggajuang saksi putuih tjadiak nan tidak paguno.
Birauari Sutan Lembak Tuah sadjak putuih timbang tando sananglah hati maso itu sadjuak pikiran indak tabado kok padan alah diukua djandji nan sudah alah ditakuak mahanti sadjo katikonjo kain djo baju alah dibali raso diruang-ruang mato raso tampak si Rabiatun galak tasanjum dibibianjo raso dibibia tapi tjawan lorong kapado siti Rabiatun sananglah hati tidak takiro putjuak ditjinto ulam tibo urang lah rami dalam rumah gilo mandjahik djo manjulam satangah mamasak mambuek kue diansua karadjo nan ringan-ringan.
Kaju kalek madang dilarah
Diambiak nak rang Suruaso.
Hati lakek pandanglah sudah
Mananti sadjo katikonjo
Salasiah batimba djatan
Tumbuah dakek batang mansiang
Kasiah nan tidak dapek ditahan
Raso dikujak hari siang
Kan ijo Lembak Tuan hati harok pikiran sanang sadang duduak tangah ruman didalam rumah gadang mande pikiran malajang=lajang malang_nan_tidak dapek ditulak mudjua nan tidak dapek diraiah kan ijo samaso itu tibo dubalang djo Angku Kapalo mandjapuik Sutan Lembak Tuah dijapuik tabao maso itu indak dapek batangguah-tangguah tak buliah mailak-ilak. [ 21 ]Bakato Angku Kapalo mano dubalang djo upeh nagari baolah Sutan Lembak Tuah lakekkan palanggu basi usah hang balalai lalai sabalun hari tinggi bana bao kagaduang Bukittinggi masuakan kadalam paseban barikan surek ka Angku Djasa buliah pakaro dipareso.
Mamalang dipamatang sawah
Dapek baluik duo tigo
Lah malang Sutan Lembak Tuah
Dalam tunangan sansaro tibo.
Dek ramg mudo Lembak Tuah kato nan tidak dapek didjawab parentah kereh Tuanku Lareh mangaluah ramuak dalam hati dinanti sadjo apo nan tibo disarahkan untuang pado Allah hari sahari nantun heran tatjangang urang nan banjak apolah sabab karanonyo apolah salah Lembak Tuah mangko dibao ka Bukittinggi urang mudo nan elok baso kasajangan urang dalam kampuang pandai babaua samo gadang kini sarupo urang maliang diikek dikabek harek dibao kadalam tangsi
Lorong kapado mande Lembak Tuah maliek anak lakek palanggu manangih manggaruang pandjang anak kanduang sibiran tulang apolah salah karanonjo mangko anak nan bak kian anak denai usah dibao anak nan tidak ado basalah tidak batjarai dengan hambo bukannjo injo urarg djahek tidak palakak djo palakuih tidak pantjuri djo parampok katonjo mande Lembak Tuah aia mato bak maniak putuih malatjuik latjuikkan diri mahampeh hampehkan badan maliek mande Lembak Tuah manangih urang kasamonjo hibo maliek parasaian lo ong kapado Lembak Tuah sadjak ditangkok dalam rumah sampai masuak kapaseban bamanuang dalam tangsi ditjari sagalo salah badan apolah sabab karananjo.
Biduak sikotji rang tiakan
Si Akuik namo nangkodonjo
Kalau dikana untuang badan
Apolah salah karanonjo
Luruih djalan ka Pajakumbuah
Basimpang djalan ka Limpasi
Hati didalam hantjua luluah
Badan takuruang dalam tangsi
Kan ijo Sutan Lembak Tuah mukonjo putjek bak kain putiah matolah tjakuang dek manangih kuruih sangsai maso itu sakik sagalo pasandian lalok nan tidak talalokkan ramuak sagalo tulang badan marasai badan kanai kaki sipak taradjang angku Djasa karano badan tidak mangaku marasai badan patang pagi ditjambuik disipak angku Djasa badan dituduah rang pantjuri mamaliang rumah Hadji Amat tasambua darah dimuluiknjo dek tak tahan kanai tangan mangaku djuo kasudahannjo tidak nan hutang nan babaia tidak nan salah nan batimbang pado hal tidak salah badan kanai pitanah Angku Lareh sasi buatan dapek upah upah nan dari Tuanku Lareh kan ijo samaso itu dihukum Sutan Lembak Tuah hukuman putuih duo tahun dibuang katanah Djawa mandanga hukuman Lembak Tuah ramuak pikiran Rabiatun dirameh paruik dikampihkon.
Luruih djalan ka Tjubadak
Basimpang djalan ka Kumpulan
Babelok lalu ka Palupuah
lbar ik api makan dadak
Dilua tidak mangasan
Didaiam hanguih hantjua luluah
Bukik putuih djalan ka Padang
Tampak nan dari Kampuang Durian
Hukumen putuih badan tabuang
Dirameh paruik dikaluahkan
Salasiah dikampuang Kurai
Dibao nak rang Sungai Buluah
Sadung kasiah badan batjarai
Hati didaiam hantjua luluah
Kan ijo Lembak Tuah dibao urang kadalam tangsi tangsi kurungan urang rantai dalam nagari kota Betawi dalam daerah tanah Djawa lorong kapado tuan Sapia maliek tingkah laku Lembak Tuah tidak sarupo urang nan banjak tingkah parangai sangaik rantjak tahu diuntuang nasib badan pandai babaua djo kawannjo indak ado mandapek salah sajang hati tuan Sapia dibari karadjo nan ringan-ringan disuruah tingga dirumah Sapia disanan tingga siang malam pandai manulih djo mambatjo tulisan rantjak djaleh dibatjo sanan Sapia batambah sajang dek lambek lamo dalam tangsi hampia katjukuik duo tahun si Sapia kapalo dalam tangsi disuruah tjando Lembak Tuah maanta surek suruhan Sapia alah sudah surek dikarang sanan bakato tuan Sapia mano hang Sutan Lembak Tuah antakan surek ka tangsi baru kapado Sapia nan disanan dek rang mudo Lembak Tuah diambiak surek nan balipek surek dikirim tuan Sapia badjalan bagageh-gageh.
Alah sarantang padjalanan tjukuik kaduo rantang pandjang maliek djuo kiri kanan urang nah rami di djalan rajo banjak basilang motor kareta hiruak pikuak ditangah djalan bunji bendi badarun-darun bunji kareta badasiah-dasiah indak tabado banjak urang indak tantu Tjino djo Kaliang tatjangang tjando Lembak Tuah maliek urang sangaik banjak toko baririk suok kida sadang maliek tatjangang-tjangang tampaklah bendi balari kantjang kudo takadjuik maso itu balari bak alang tabang kusia didalam tidak ado tibo dibendi bendi ramuak tibo diurang urang mati kudo manduo baleri kantjang surangpun tidak dapek manolong hilanglah aka urang nan banjak tjameh pikiran [ 24 ]maso itu.
Kan ijo Sutan Lembak Tuah dikadja kudo dipintasi indak ado manaruah takuik dek untuang takadia Allah kudo ditangkok dek Lembak Tuah urang maliek habih tatjangang maliek barani Lembak Tuah didukuang anak dalam bendi anak baduo didalamnjo didukuang dibao turun urang maliek panuah sasak kok tidak lakeh katolongan alamaik bendi masuak kali ranang dalam aia anak baduo hantjua luluah indak barapo antaronjo tibolah bapak anak nantun anak Residen kota Betawi.
Kan ijo samaso itu bakato tjando Tuan Residen manolah bujuang rang manolong marilah kito pulang dahulu kok tidak awak hang manolong alamaik mati anak kanduang batjarai njao dengan badan mandjawab Sutan Lembak Tuah manolah tuan ampunjo anak hambo iko urang hukumen disuruah Sapia manganta surek kok lamo hambo pulang katangsi alamaik hambo kanai bangih dapek hukuman tuan Sapia mandanga kato Lembak Tuah lamak pikiran tuan Residen hibo mamandang Lembak Tuah guno djo apo kadibaleh dek Tuan Residen sudah disurek namo djo gala alah tantu tampek kadiaman disuruah badjalan Lembak Tuah kan ijo Lembak Tuah alah sudah surek dibarikan badjalan babaliak katangsi tangsi paseban tampek kuruangan.
Alah sudah sahari duo hari tjukuik katigo harl tapek datang Residen kadalam tangsi maliek Sutan Lembak Tuah sanan bakato Tuan Sapia ampunlah hambo Tuan Residen kapalo Nagari Kota Betawi pusek djalo pumpunan ikan lorong kapado rang rantai tu sadjak samulo masuak kamari hampia katjukuik duo tahun sabulan lai akan lapeh belum ado salah parangai indak ado kalakuan buruak hambo nan sangaik sajang bana luruih parangai elok laku tidak sarupo urang rantai nan banjak lah banjak tjando indak ado sabaiak injo tambahan lagi Tuan Residen pandai manulih djo mambatjo lapeh sikolah kelas tigo [ 25 ]Mandanga kato Tuan Sapia galak tasanjum Tuan Residen bakato Tuan Residen kapado Sutan Lembak Tuah kok lapeh hukuman urang mudo apo makasuik dalam hati Mandjawab tjando Lembak Tuah kok lapeh hukuman badan denai hambo nan tidak babaliak pulang malu hambo diurang kampuang hambo dituduah rang maliang gadang.
- Tidak alu saalu nangko
- Alu tasanda ditabiang
- Kok tasanda dipandan
- Buliak disaok djo daun tabu
- Tidak malu samalu nangko
- Malu tatjoreng dikaniang
- Kok tumbuah dibadan
- Buliah disaok djo badju
Tambahan lagi Tuan Residen kok hambo babaliak pulang alamaik sangsai badan denai mati dibunuah Tuanku Lareh ditjurai dipapakan parasaian sadjak samulo akan kaw n timbang tando djo Rabiatun sampai tabuang katanah Djawa
Mandanga kato nan bak kian manggeleng pandjang Tuan Residen bangih hatinjo ka Tuanku Lareh hino mandanga parasaian bakato Tuan Residen kapado Sutan Lembak Tuah elok hang mandjadi upeh poisi polisi nagari kota Betawi buliah den tolong mamasuakkan denai sandiri manolongkan dek Tuan Residen dibari surek tando baiak dibari pitih limo ratuih pambaleh djaso Lemb k Tuah mandapek tolong Tuan Residen sanang hati sadjuak pikiran
- Tidak guno dirandang katjang
- Elok diambiak nan babungo
- Tak guno dirantang pandjang
- Elok diambiak nan baguno
BALAI BAHASA PADANG
Hari Salasa di Rambatan
Banjaklah urang djua lado
Disiko kaba diantikan
Nan lain diulang pulo
Kaba baraliah anjo lai ijo kapado siti Rabiatun sadjak paningga Lembak Tuah badan tak sanang sanang lai mabuak pikiran maso itu kasiah ka Lembak Tuah alah tadorong mabuak batjinto siang malam.
Alang-alang si Malin Deman
Bari baikua bakapalo
Siang digilo angan-angan
Maiam digilo mimpi djuo
Dirintang hati djo mamdjahik lapeh_mandjahik injo manjudji lorong kapado Rabiatun urang nan banjak kapandaian lepeh sikola kalas limo m nggamba barituang sangaik pandai kalau diliek pado tulisan tulisan rantjak bak batjitak bakato gadih Rabiatun manolah mande kanduang denai sarato mamak Datuak Tungga lorong kapado Tuanku Lareh handak ma unang badan denai alah barul ng anjo datang lah pasa djalan tampek lalu kononlah dibadan diri hambo pado balaki jo urang nantun elok denai mati bakalang tanah kini baitu malah dek mande sarato mamak kanduang denai bari izin hambo badjalan buliah den pai kaluan den [ 27 ]ijo kanagari Padang lauik kok lamo denai disiko alamaik badan mati sasek katonjo siti Rabiatun bakato sadang manangih, Mandanga kato nan bak kian mandjawab tjando Datuak Tungga kok itu pintak kau pik mamak manuruik djo bitjaro buliah den anta diuluakan ijo pulo dikau tu upik dihambo lai takana djuo elok barisuak kito badjalan katonjo mamak Rabiatun.
Mandanga kato mamak kanduang sadjuak pikiran anjo lai hari sahari itu gilo bakameh kameh sadjo dibuek gulai duo tigo didabiah ajam duo ikua dibuek randang dengan anjang dibuek adjik djo kalamai pambaoan dalang dari darek hari samalam=malam itu agak agak katanah Padang pikiran raso alah katibo.
Kan ijo mande Rabiatun dilapeh sadjo anak badjalan dilapeh djo hati hibo anak nan tidak ado batjarai sadjak satampuak dari tanah dianta anak ka tasiun dek siti Rabiatun sarato mamak Datuak Tungga duduak badjuntai dikareta kareta api pukua salapan maliek djuo kapado mande aia mato balinang linang hibo maninggakan mande kanduang babunyi tjando lontjeng tigo kareta badjalan anjo lai manangih mande Rabiatun maliek anak hilang dimato kareta badjalan sangaik tjapek lapeh nan dari Bukittinggi handak mandjalang Padang Pandjang lapeh nan dari Padang Pandjang alah tibo di Lubuak Aluang kareta badjalan sangaik tjapek bak sarupo ula maluntjua hampia katibo anjo lai alah tibo ditanah Padang baranti kareta anjo lai turun urang samo sakali raminjo urang indak takiro dek Datuak Tungga djo Rabiatun naiak bendi ka Alang Laweh ijo karumah Sutan Parpatiah mamak kanduang Rabiatun adik mande kanduang denai.
Lorong kapado Sutan Parpatiah baru pulang dari kantua sadang duduak dibarando lah tampak tjando Datuak Tungga dunsanak dek Sutan Parpatiah sarato kamanakan Rabiatun disambuik turun didjandjang dibao kopor djo bungkusan dibao naiak karumah. [ 28 ]Kan ijo siti Salamah parampuan Sutan Parpatiah dilawan duduak ateh rumah ado sabanta antaronjo nasi ditatiang dek Salamah t jukuik djo kawah minum kopi alah sudah minum djo makan diisok rokok agak sabatang asok mandulang kaudaro sanan bakato Datuak Tungga,
Mano hang Sutan Parpatiah adiak kanduang badan hambo lorong kapario kamanakan hang awak hang kan sudah tabu djuo kok ditahan dalam kampuang asia mularaik djo mufaaik alamaik kito akan sangsai sabab digaduah Tuanku Lareh injo nak maambiak si Rabiatun mandjadi bini Lareh Tjilako kok indak buruak laku Lareh laku setan djo ibilih indak Lembak Tuah tabuang djauah kini baitu malah dihang palihato Rabiatun elok-elok ijolah kamanakan badan dijang katonjo Datuak Tungga,
Mandjawab Sutan Parpatiah lorong kapado kato tuan itu sabananjo kato tuan bia disiko malah dahulu sanangkan sadjo hati tuan. Kan ijo siti Rabiatun salamo tingga djo mamaknjo hilang rusuah parasaian kadang-kadang takana Lembak Tuah dikaluah sadjo dalam hati dimuko indak ado mangasan bak api mamakan dadak lorong kapado Rabiatun ditjubo kasaman djadi guru dek untuang pambarian Allah dapek ditarimo djadi guru mandjadi guru dikampuang Djati mangadja sikolah tiok hari gadang hati tidak takiro sanang pikiran maso itu.
Biruari Tuanku Lareh tadanga kaba sudah baranti baranti mamarintah djadi Lareh Lareh dituka dengan Damang banjaklah Lareh nan baranti satangah diluka djadi Damang baitu parentah dari ateh.
Kan ijo Lareh pandjang kuku manjurek mambatjo indak pandai tambahan pulo sudah tuo disuruah baranti anjo lai sadjak baranti djadi Larek sananglah hati urang kampuang suko pikiran hambo rakjat baranti Lareh nan tjitako sadjak baranti djadi Lareh surang pun tidak nan manjapo kalurah tidak samo manurun [ 29 ]kabukik tidak tidak samo mandaki hiduik tapantjia pantjia surang
- Kok tidak karano paku
- Tidaklah pandan disubarang
- Kok tidak karano laku
- Tidakiah badan disisiah urang
- Luruih djalan kakampuang Djati
- Kasimpang djalan katangah sawah
- Hiduik sapantun roda padati
- Sakali kaateh sakali kabawah
- Batu Sangka balantai batu
- Parak Djua labuah basilang
- Hiduik sarupo bola lampu
- Kurang minjak tjahajo kurang;;
- Dulang sadulang lai
- Pandjapuik ameh balingka
- Diulang saulang lai
- Pandjapuik kaba nan tingga
Kaba baraliah han o lai ijo kapado Lembak Tuah dek untuang takadia Allah sedang mandiadi Kanidaik Damang dalam kampuang nagari Serang ijo wilajah Residen Bantam didalam pulau tanah Djawa dapek bisuluik maso itu diangkek mandjadi Tuanku Damang mandjadi Damang pangganti Lareh didalam nagari kampuang mande diranah di Kampuang Dalam pangganti Lareh pandjang kuku.
Dek Sutan Lembak Tuah gadang hati indak takiro mande tah lamo tidak tampak taragak dikampuang di tinggakan alah tibo motor dalam kampuang motor sedan Tuanku Damang langkok djo Kanidaik Djurutulih sarato upeh djo pagawai
Urang manjonsong sangaik banjak panuah sasak dalam kampuang sagalo pangulu niniak mamak mamakai pakaian kabasaran langkok djo anak gadih-gadih mamakai pakaian Minangkabau sarato silek dengan tari pakajan anak mudo mudo [ 30 ]Badantuang mariam tigo putjuak alamaik Tuanku Damang alah tibo disonsong dengan anak gadih-gadih mambao siriah ditjarano batutuik dengan suto kuniang batatah dengan banang ameh.
Lah turun Sutan Lembak Tuah badjawek salam dengan pangulu sarato dengan Angku Kapalo diiriang masuak kadalam kantua alah duduak sagalo Angku Kapalo sarato pangulu basa batuah tjukuik djo imam dengan katik tjadiak pandai indak tingga urang banamo ampek djinih.
Sanan bakato Tuanku Mandua
mano sagalo niniak mamak sarato alim djo ulama tiukuik djo urang tjadiak pandai dihari sahari nangko sakali aia gadang sakali tapian baraliah baitu adaik sadjak dahulu karano Lareh sudah baranti dituka dengan Tuanku Damang pusek djalo pumpunan ikan mamalihato nagari dengan kampuang kok salah tampek mahukum tampek batanjo salah bana katonjo Tuanku Mandua.
Lorong kapado kato tuan djikok satitiak kami lauikkan sakapa kami gunuangkan.
Manjawab Datuak Gunuang Hidjau ampunlah kami Tuan Kumandua dipatjik dikabek arek kalau malam dipasukuang kalau siang kami patungkek kato sambah Angku Kapalo Angku Kapalo Gunuang Hidjau.
Bakato Sutan Lembak Tuah mano sagalo ninik mamak tjukuik djo alim djo ulama sarato dengan tjadiak pandai sungguahpun hambo djadi Damang mamarintah kampuang nan sabaleh karano hambo mudo malah aka kurang pikiran singkek kalau salah tolong tundjuki kalau tadorong tolong pintehi ijo djuo bak kato nan tuo mandjadi mamang di nan pandai ganti pakaian dinan mudo elok nagari dipangulu elok tapian dinan mudo elok rumah diinjiak mamak asa kito samo saijo nan barek mandjadi ringan nan djauah mandjadi hampia elok kato djo mupakaik, [ 31 ]Kalau kito samo supakaik sadantjiang nan bak basi satjiok nan bak ajam insja Allah nagari aman padi subua taranak kambang katonjo Sutan Lembak Tuah.
Mandanga kato nan bak kian heran tatjangang urang nan banjak bakato kato dalam hati kalau tak salah pamandangan Sutan Lembak Tuah dahulu nan tabuang dituduah maliang mandjadi parantaian duo tahun kini mandjadi Tuanku Damang pandai barundiang djo bitjaro suaro lantang lunak lambuik labiah sapandai Tuanku Lareh randah hati aluih budi.
Ala sudah Lembak bakato mandjawab Datuak Bandaro Tuo Angku Kapalo Padusunan. Lorong kapado kato Tuanku itulah kato sabananjo kalau diasak anjo lajua kalau dibubuik anjo mati kami pagang ganggam arek sagalo nasihaik Tuanku Damang,
Alah sudah sambah manjambeh minum djo makan urang nan banjak hari sahari nantun tidak lain kato urang mampakatokan Damang Lembak Tuah dimano dapek pangkaik nan tinggi lah njato injo urang rantai lapeh buangan duo tahun kato satangah alah mati lah limo tahun indak pulang kaba tidak barito tidak.
Kan ijo Sutan Lembak Tuah taruih pulang karumah mande dek mande Sutan Lembak Tuah dipangku anak ditangisi takana parasaian anak kanduang kadang kadang mandenjo galak maliek anak dapek pangkaik bak paneh manganduang hudjan galak dek suko dalam hati mamudji sjukur pada Allah hari samalam malam itu panuahlah rumah mande Saadijah maliek Sutan Lembak Tuah sudah lamo indak pulang dek Sutan Lembak Tuah ditjarai dipapakan parasaian sadiak samulo turun didjandjang sampai mandjadi Tuanku Damang tjiek nan tid k katinggalan sabuah tidak ado nan lupo bakato Sutan Lembak Tuah kapado mande kanduang denai [ 32 ]Manolah mande kanduang denai batapo garan siti Rabiatun sudah balaki djo urang lain atokoh ado hiduik kini katonjo Sutan Lembak Tuah. Mandanga kato nan bak kian bakato mande Lembak Tuah lorong kapado Rabiatun anak nan sangaik kareh hati lah banjak urang maminangnjo injo nan tidak namuah balaki dek takuik djo Tuanku Lareh larilah injo ka tanah Padang kaba tjurito kato urang kini mandjadi guru sikolah mandanga kato mande kanduang tasanjum sadjo Lembak Tuah
Kan ijo Sutan Lembak Tuah sadjak batjarai djo Rabiatun hati nan tidak sanang lai raso dimato Rabiatun.
Gunuang Padang badjandjang batu
Silasiah badahan tidak
Kasiah tadorong sadjak dahulu
Sampai kini lupo pun tidak
Kan ijo Sutan Lembak Tuah ditjari katiko nan lai lapang mukasuik manindjau Rabiatun badan lah lamo indak basuo antah barubah garan kini nak tantu lai tidaknjo dek Sutan Lembak Tuah bakato kapado mande kanduang kok baitu kato mande elok lah hambo pai ka Padang maliek tjando Rabiatun bari izin hambo badjalan. Kan ijo Sutan Lembak Tuah badjalan turun kahalaman badjalan bagageh gageh dek lamo lambek didjalan alah tibo di Bukuttinggi di liek tjando ka Tasiun tampak kareta nan ka Padang bagageh masuak kadalam daresi dek elok langkah Lembak Tuah barangkek kareta anjo lai kareta api pukua salapan. Lorong kapado Lembak Tuah bamanuang manuang duduak surang pikiran raso raso ka sampai ditjari aka tidak mangasan kalau mambuhua usah mambuku kalau mauleh usah mangasan pandai mambungkuih tidak babaun
Kan ijo Sutan Lembak Tuah bakato dalam hati mantjari aka djo pikiran hati nan harok harok tjameh tjameh raso tidak basuo harok nan raso kamandapek [ 33 ]Tidak barapo antaronjo sampai kureta di tasiun Padang turunlah Sutan Lembak Tuah dipakai badju sagalo buruak badju batamba tjumpang tjampiang di kabek kaki nan disuok badjalan batungkek rantiang sarupo urang sakik puru.
Kan ijo Sutan Lembak Tuah urang biaso lamo di Padang tantu sadjo dijalan dijo liku diliek hari pukua satu tando sakolah alah kalua sanan dek Sutan Lembak Tuah diliek urang nan lalu disimpang ampek Alang Laweh dek untuang takadia Allah lah tampak tjando Rabiatun duduak diateh kureta angin tidak salah mato mamandangi digubik tjando Rabiatun dihimbau djo suaro kareh takadjuik siti Rabiatun diliek tjando didaketi diliek dipandang-pandang bana bakato siti Rabiatun.
Tuan den Sutan Lembak Tuah pabilo tuan datang kamari lah lamo kito indak basuo katonjo guru Rabaatun bakato sadang manangih aia mato bak maniak putuih maliek untuang Lembak Tuah sarupo urang mintak sadakah
- Ramilah pakan pasa Rabaa
- Rami dek urang Panjalajan
- Sadjak tabuang katanah Djawa
- Ikolah djinih parasaian
- Anak tjino babadju sitin
- Sudah sitin sukalaik pulo
- Badan hino lagi miskin
- Sudak miskin mularaik pulo
Katonjo Sutan Lembak Tuah bakato bahibo hibo diliek sadjo djo suduik mato ruponjo kasiah tidak barubah
Mandjawab guru Rabiatun.
- Bakelok djalan ka Palupuah
- Bakelok lalu djalan ka Tanang
- Usaah hati diparusuah
- Salamo marasai kok lai sanang [ 34 ]Mandjawab Sutan Lembak Tuah
Saruaso balantai batu
Rambatan djo Sukoladi
Bak katjo djatuah kabatu
Ramuak nan tidak elok lai
Barambuih angin ateh kasau
Sampai kaliang-liang tunggak
Ingin hati maliek pulau
Sampan lai pandajuang tidak
Mandjawab siti Rabiatun
Bukan barubah padi Djambi
Barubah makan sari bulan
Bukan barubah hati kami
Antah barubah dari tuan
Gunuang Padang badjandjang batu
Salasiah badahan tidak
Ambiak padang pentjuanglah aku
Namun kasiah tatahan tidak
Ajam kuriak rambaian taduang
Ikua mandjelo dalam padi
Ambiak tampuruang bari makan
Dalam daerah Tudjuah kampuang
Tuan surang tampek hati
Nan lain hambo haramkan
Mandjawab Sutan Lembah Tuah
Ikan banamo kamulilan
Mudiak manggonggong batang padi
Tuan sapantun kamba bulan
Adiak surang tampek hati
Saba-a koto dahulu
Kadua koto Saruaso
Sadang tidak saba dahulu
Nantikan sadjo katikonjo
Mandjawab siti Rabiatun
Aua ditanam batuang tumbuah
Tumbuak dakek sikaladi
Kok hati samo sungguah
Kariang lauik kito nanti
Alah sudah bapantun pantun bakato siti Rabiatun manolah tuan Lembak Tuah marilah kito pai pulang ka rumah hambo tampek diam makan djo minum malah dahulu. Kan ijo Sutan Lembak Tuah badjalan injo lambek lambek Rabiatun mairiang dari balakang hibo maliek Lembak Tuah aia mato balinang linang dek lamo lambek didjalan hampia katibo anjo lai alah tibo dihalaman lalu sakali masuak rumah.
Kan ijo Lembak Tuah duduak basimpuah tapi pintu sarupo urang mintak sadakah dek siti Rabiatun disuruah duduak ateh lapiak bakato sanan Sutan Parpatiah siapo garan urang nangko apo mukasuik datang kamari apo sangadjo dalam hati katonjo Sutan Parpatiah bakato sadang tatjangang. Mandjawab tjando Rabiatun iko lah rang mudo Lembak Tuah anak dek mande amai Saadijah injo nan baru pulang tabuang. Mandjawab tjando Sutan Parpatiah manolah tuan Lembak Tuah apo sababnjo tidak pulang kadalam kampuang nagari kito
Mandjawab Sutan Lembak Tuah kok itu tuan kato kan itulah kato sabananjo tapi sungguah nan bak kian badan misikin apo dajo djo apo disewo kureta api uang sasen tidak manaruah. Mandjawab Sutan Parpatiah kok itu tuan katokan elok sarangkek djo Rabiatun injo nak pulang barisuak pagi kampuang lah lamo d tinggakan. Mandanga kato nan bak kian sadjuak pikiran Lembak Tuah kalau tasanjum ndak mangasan digigik bibia [ 36 ]Manahan galak alah sudah minum djo makan dek Sutan Parpatiah diambiak sarawa dengan badju badju nan alah—alah usang bakato Sutan Parpatiah manolah Sutan Lembak Tuah pakailah pakaian badan hambo
Kan ijo Sutan Lembah Tuah diambiak pakaian anjo lai diganti pakaian sabanta nantun sarupo urang djolong mamakai kan ijo siti Rabiatun maliek sad o djo suduik mato hibo maliek parasaian hari basarang patang djuo patang badjawek dengan sand o sandjo badjawek dengan malam alah malam tjandonjo hari dipasang dama tangah rumah hari samalam malam nantun rintang barundiang parasaian sampai laruik tangah malam duo kali ajam bakukuak tjukuik katigo harilah siang alah siang tjandonjo hari sanan lah djago kasamonjo.
Kan ijo siti Rabiatun diambiak kain badju suto disikek rambuik litjin litjin dipakai sulup tinggi tumik. Kan ijo si Rabiatun awak rantjak pandai mamakai kok diliek dipandangi sarupo dengan nona tjino sapantun puti turun dari langik mamakai pula Lembak Tuah dipakai badju piama usang lakek sarawa genggang lusuah kok diliek dipandangi sarupo djongoih si Rabiatun dilik ka tjamin gadang digigik bibia manahan galak maliek rupo tampan diri lah sudah injo mamakai didjunjuang kopor dikapalo bungkusan dipatjik suok kida m liek tjando Rabiatun galak tasanjum surang badjalan anjo bagageh gageh baari-lari andjiang mangadja kureta pukua anam dek lamo lambek didjalan hari nan sadang subuah pagi sadang langang urang didjalan alah tibo di sitasiun dibali karitjih duo buah barangkek naiak kadalam kureta kureta api pukua anam.
Kan ijo siti Rabiatun gilo bamain main mato mabuak pikiran kaduonjo kareta badjalan sangaik tjapek bak panah kalua dibusuah sapantun ula lari kantjang dek lamo lambek didjalan lapeh nan dari Lubuak Aluang handak mandjalang Padang Pandjang anguih rasonjo hati djantuang duduak baduo bapandangan. [ 37 ]Alah tibo di Padang Pandjang handak mandjalang Bukittinggi mabuak hati bak dirandang tapi tjawan raso dibibia alah tibo di Padang Lua sanan dek Sutan Lembak Tuah diambiak bungkusan anjo lai dituka pakaian anjo lai lakek kauih suto putiah dipakai sarawa pintalon putiah dikanakkan badju angkatan Damang langan basitirip pita putiah lakek kupiah baludu baru tapasang sipatu kulik kalaf.
Lorong kapado Rabiatun diliek pakaian Lembak Tuah sangaik elok dipandang mato awak gagah mamakai tampan sarupo anak sikolah Radjo diliek tjando sitirip dilangan heran tatjangang Rabiatun tasirok darah didado alah tiba tjando di tasiun turunlah anjo kaduo njo kan ijo samaso itu motor mananti nanti djuo motor sedan baru babali sangaik rantjak motor nantun pakaian Damang pai kumisi,
Kan ijo supir motor sarato upeh Tuanku Domang bagageh balari mandjapuik turun diambiak kopor djo bungkusan dibao balari masuak motor oto sedan nan maha bali pakaian urang tinggi pangkaik alah duduak didalam olo oto badjalan balari tjapek lorong kopado Tuanku Damang banjaklah urang mambari haromaik di sambuik sadjo djo muko manih. Alah sarantang padjalanan tjukuik kaduo rantang pandjang hampia katibo anjo lai alah tibo ditangah balai baranti motor ditangah halaman dihalaman rumah mande kanduang alah tadanga motor babunji sanan mandjanguah mande Saadiah alah tampak Sutan Lembak Tuah baduo dengan gadih Rabiatun disonsong anak turun kadjandjang.
Kan ijo siti Rabiatun diliek tjando rumah tidak sarupo nan dahulu sarupo rumah Lareh Lareh kurisi medja nan maha maha sarato lamari tjamin katjo tjukuik djo djam tjamin gadang takambang tika parmadani tagantuang lampu bamatjam matjam heran tatjangang mamandangi maliek rumah nan gadangtu [ 38 ]Kan ijo siti Rabiatun sudah maalum dalam hati bahaso Lembak djadi Damang heranlah anjo mamikiakan tidak diaso nan bak kian tidak barapo antaronjo nasi tatatiang anjo lai bakata mande Lembak Tuah manolah upiak Rabiatun nasi tatatiang mintak disantap mandjawab siti Rabiatun kok baitu kato mande malah basamo kito makan katonjo siti Rabiatun.
Alah sndah minum djo makan sanan bakato Lembak Tuah manolah adiak Rabiatun kito badjalan kini djuo badjalan karumah mande adiak mande lah lamo manantikan kan ijo samaso itu badjalan turun Rabiatun diantakan djo motor Lembak Tuah.
Ado sabanta antaranjo alah tibo dihalaman didjanguah pandang kiri djo kanan tampak mande sadang mandjamua mandjamua padi dihalaman maliek tjando mande Rabiatun balari mangadja anak kanduang.
Kan ijo samaso itu bakato mande kanduang denai Mmanolah rang mudo Lembak Tuah naiaklah karumah buruak denai balari dahulu kaateh rumah dikambang kan lapiak pandan putiah ada sabanta antaronjo talatak nasi tangah rumah bakato Sutan Lembak Tuah lorong kapado makan minum kami lah sudah makan sabanta nangko makan baduo djo Rabiatun dirumah mande Kampuang Dalam,
Kan ijo mande Rabiatun manolah anak Lembah Tuah dimano dapek pangkaik Damang tjubo tarangkan pado mande katonjo mande Rabiatun,
Kononlah itu pintak mande buliah ditjurai dipapakan lorong parasaian badan denai sadjak batulak dari kampuang ditarangkan Lembak satu parsatu sampai manolong anak kanduang sabuah tidak ado nam lupo hinggo mandjadi Mantari Polisi sampai mandjadi kanidaik Damang hinggo mandjadi Tuanku Damang ditarangkan djuo pandjang pandjang sampai mandjapuik Rabiatun. [ 39 ]Halaman:Kaba Sutan Lembak Tuah.pdf/39 [ 40 ]mandjawab mande Rabiatun
Mangko den pai kapakan
Sagan den pai kasawak
Mangko den tagak dihalaman
Disangko kakak tidak dirumah
Mandjawab mande Saadijah lai hambo didalam rumah naiaklah kakak mande Rabiatun alah naiak mande Rabiatun duduak basimpuah tangah rumah sambia mangunjah ngunjah siriah sanan bakato mande Rabiatun
Bukan den kinari sadjo
Kinari nak rang Padang
Bukan denai kamari sadjo
Gadang mukasuik kadidjalang
Ado sabanta antaronjo tatatiang nasi tangah rumah tjukuik djo kawa minum kopi sanan bakato mande Saadijah
Dikambang djalo diserakkan
Kanailah anak tali tali
Barang nan ado dilakekkan
Kok tidak kama kapai
Mandjawab mande Rabiatun
Kanai anak tali tali
Kapalo usah dibuangkan
Baru talatak tabuang kopi
Raso kalapeh hauih badan
Kalau bakato sudah makan
Djiko baranti lapeh arak
Mandjawab mande Rabiatun manolah kakak mande Tuanku Damang lorong kapado badan denai satantang rundingan nan dahulu kok usang usang dipabaru lapuak lapuak kito ganti ruponjo si upiak Rabiatun sarato Sutan Lembak Tuah kok buliah pintak dengan bali elok kini dipadjodohkan usah kito balalai lalai hambo tak pandai bakato pandjang kato sapatah nan bana sadjo,
Mandjawab tjando mande Lembak Tuah kalau baitu kato mande satantang badan diri hambo hambo mananti djo bitjaro tiang dikakak mande Rabiatun hambo manuruik kato kakak hambo nan tidak ado manupang karadjo baiak elok diguluikkan usah ditimpo dinan buruak.
Mandanga kato nan bak kian tasanjum mande Rabiatun bak mangajuah biduak hilia sabagai mahimbau urang kadatang.
Bakato mande Rabiatun kok baitu kato kakak elok nikah timbua bulan kiro kiro sapakan lai katonjo mande Rabiatun.
Mandanga kato nan bak kian sukolah hati mande Lembak Tuah alah sudah rundingan dipadu supakaek kaduo mandenjo bahaso nikah sapakan lai.
Badjalan turun mande siti Rabiatun badjalan bagageh gageh sanang hati sadjuak pikiran kahandak hati lai dapek nan dimukasuik lai buliah alah satantang padjalanan tjukuik kaduo rantang pandjang hampia katibo anjo lai alah tibo dihalaman naik sakali kaateh rumah.
Kan ijo samaso itu diliek tjando dalam rumah lah tampak adiak Datuak Tungga mamak dek siti Rabiatun ba[ 42 ]kato Datuak maso itu mambolah lamo manantikan apo kaba baritonjo tarangkan malah dijaleh djaleh nak sanang kiro kiro katonjo Datuak Tungga nantun mandanga kato nan bak kian bakato mande Rabiatun lorong kapado kahandak kito Insia Allah ado dapek nikah salapan hari lai mandanga kato nan bak kian sananglah hati Datuak Tungga.
Kan ijo samaso itu dibuek surek ka Padang kapado mamak Rabiatun mangatokan Rabiatun akan kawin ijolah djodohnjo nan dahulu anak mande amai Saadijah nan banamo Lembak Tuah Tuanku Damang nan baru pulang baitu kato bunji surek kapado mamak Sutan Perpatiah,
Hari sahari hari itu alah dihimbau nan patuik dihimbau alah dipanggiah nan patuik dipanggiah kok nan tidak alah ditjari nan kurang alah ditukuak patuik disalang alah disalang patuik dibali alah dibali kok diliek rumah Rabiaiun alah lakek tirai langik langik tirai baukia putjuak rabuang tirai kuniang tirai kulabu tjukuik djo tirai lakan kuniang badjambua bamaniak maniak tapasang pulo tabiah dindiang tabiah_baukia bamatjam ragi baturab turab maniak katjo tapasang amparan parmadani kasua baraleh baludu hidjau tampek duduak urang nan banjak siriah bareda ditjarano baaleh dengan kain kasumbo kain kosumbo bamatjam ragi diliek tantang biliak Rabiatun takanak kain kulambu rumin batirai dengan suto merah baukia dengan banang ameh lukisan buruang ula paku lakek palamin bamatjam ragi basulam dengan aia ameh batabua dengan maniak katjo batirai tirai banang suto rupo sabagai bak katabang rantjak nan bukan alang2 elok nan bukan ulah ulah tampek anak daro basandiang duo kalau diliek tangah halaman tapasang tirai daun anau tatagak gabah gabah ditapi djalan bapantjak pandji pandji ramilah urang maso itu banjak sagalo gadih gadih sarato rang mudo budjang budjang bamatjam matjam karadjonjo satangah mangarang mambuek bungo satangah mamasak mam [ 43 ]buek gulai alah tibo djandji ditakuak alah sudah nikah Lembak Tuah disuruah mamakai Lembak Tuah lakek badju lakan hitam batabua dengan ameh perak baukia daun paku lakek sarawa tapak itiak tapi basulam banang ameh baukia baputjuak rabuang pakai sisamping sapik udang kain tanunan balanipah salo manjalo banang ameh rupo ungu kesirahan dipakai deta balah katjang kain baturab banang ameh baturab banang ameh paradah lakek tarompah dari maniak.
Kalau diliek dipandangi rupo sabagai anak radjo rupo nan bukan alang alang elok nan bukan ulah ulah.
Mamakai pula Rabiatun mamakai sanggua anak daro basuntiang bungo durian lakek badju baludu sirah batabua tabua dengan ameh lakek dukuah ganduah padang daraham dan pualam panuah didado mamakai galang ameh bapadu lakek kain nan balapak kaia tanunan tanah bugih mamakai kain tjorak Palembang tapasang sulup baludu merah.
Kalau diliek dipandangi sarupo puti turun dilangik bak bidodari dalam sarugo djaranglah gadih sarantjak tu sukar ditjari dalam kampuang maha ditjari dalam nagari.
Alah sudah injo mamakai duduak basandiang dipalamin suto sapantun bulan djo matohari duduak basandiang kareta malua diapik gadih kiri kanan kipeh basabuang kanan kiri diarak lalu kadalam kampuang tjukuik djo gandang dengan talempong rabab kutjapi tidak tingga basuko suko kasamonjo.
Kan ijo sahari itu ramilah kampuang diurang datang banjak urang bapangkek pangkek sagalo Djasa djo Damang Damang tjukuik djo Adjuang tuan Kumandua pangulu kapalo dalam nagari tidak ado urang nan tingga djimek papek kasamonjo maalun kito tantang itu Tuanku Damang akan kawin Allahu[ 44 ]Rabbi rami urang babunji motor badarun darun baririk motor urang bapangkek basusun ditangah djalan dibunuah kabau duo ikua makanan urang dalam nagari, lorong kapado mande Rabiatun saralo mamak Datuak Tungga tatjangang sadjo alek datang banjak pulo guru guru hari basarang rambang patang baransua pulang urang nan banjak patang badjawek dengan sandjo sandjo badjawek dengan maiam alah malam tjandonjo hari dipasang lampu kiri kanan tarang nan bukan alang alang tjamarlang tjajo tangah rumah bamatjam ulah nan mudo mudo kok galak badarai darai basuko suko kasamonjo hari lah laruik tangah malam disanan baru sunji sanjap.
Lorong kapado Rabiatun sadjak balaki Tuanku Damang mintak baranti jadi guru kini basuko suko sadjo tidak ado bahatii rusuah basanang sanang tiok hari.
Birauari Sutan Lembak Tuah diangkek urang djadi pangulu pangulu andiko pusako lamo pusako gala sanduik basanduik sadjak nan dari ninik mojang gala lah lamo tidak bapakai balipek sadjo dalam peti ijolah gala Datuak Sinaro Pandjang dibari tahu urang nagari dibunuah kabau dengan bantiang . dibuek alek managakkan gala maangkek Lembak Tuah djadi pangulu.
Lorong kapado Sutan Lembak Tuah bagala Datuak Sinaro Pandjang pajuang pandji diurang koto sasuai gala dengan pangkek bagala Damang Datuak Sinaro Pandjang,
Lorong kapado Datuak Sinaro Pandjang sadjak mandjadi Tuanku Damang banjaklah djambatan nan dipabaiki surau musadjik didirikan banda kasawah disuruah buek kapado nan tuo sangaik haromaik nan mudo mudo disajangi kalau bakato tunak lambuik muluik manih ketjindan murah kasajangan pangulu nan banjak dipaliharo nagari koroang kampuang dek elok asuhan Tuanku Damang sabuang pupuah sudah baranti baranti sagalo padjudian tidak [ 45 ]ado maliang djo tjuri nagari aman kampuang santoso
taranak kambang padi mandjadi.
Kalau ado djarum nan patah
Usah dilatak didalam peti
Kok ado kato nan salah
Usah ditaruah dalam hati
Kalau ado sumua diladang
Buliah djuo manumpang mandi
Kalau ado umua pandjang
Kaba nan lain kito tjari
——— TAMAT ———
DOKUMENTASI
LUKMAN ALI
- BUKU BUKU PENERBITAN PUSTAKA INDONESIA
UNTUK SEKOLAH RAKJAT
- Nadjib Jatim Cs.
- Ilmu Hewan 1 Tletakan kempat belas
- Ilmu Hewan 11 Tjetakan seduz belas
- Ilmu Tumbuh2an 1 Tjetaka kusembilan
- ilmu Tumbuh2an 1 Tjetakan kedelapan
- Ilmu Bumi Jodonesia 1 Tjetakan kesembilan
- Ilmu Bumi ladonesia II Tieta.on kedelapan
- Ilmu Pumi Negara Tetangga an Dunia
- Ilmu Hajat 1 (Tubuh Manusia) Tjetakan kelima
- Ilmu Halat II (Tubuh Manusia dan kesehatan)
- Ilmu Kesehatan dan Kebersihan
- Sedjarah Orang2 besar Tanah Alr Tjetakan keempat
- Sendi sedjurah Tanah Air tjerakan ketiga
- Pokok2 Tatabahasa sendiri
- Pedoman Udjian serta kuntjinja Tjetakan kedua
- Sedia Berhitung (Mahlan) Untuk Udjian
- meningkat S M. P.
- Abbas Hassan
- Ilmu Bumi Kabupatan Agam Tjetakan ketiga.
- linu Bumi Kabupaten Lima Puluh Kota
- A. Thaher Hamidy
- Tuntunan Ibadat 1 Tletakan keenam
- Tuntunan Ibadat Il Tietakan keempat
- Tuntunan Ibadat !! Tjetakan ketiga
- Tuntunan Achlak 1 Tjetakan ketipa
- Tuntunan Achlak 11 Tjetakan ketiga
- Tuntunan Achtak i Tjetakan ketiga
- Tuntunan Keimanan 1 Tjetakan ketiga
- Tuntugan Keimanan || Tletakan ketiga
- Tuntunan Keimanan III Tjetakan kedua
- Tuntunan Batjaan Kurän (Tadiuwid) Huruf Arab
- Sari Peladjaran Ibadat 1 Untuk klas IV.
- Tiap2 pesanan tambah ongkos 10% sekuranguja
- Untuk Pustaka dan Toko Buku dapat potongan.
Penerbit
PUSTAKA INDONESIA" BUKITTINGGI
Muka Djam Besar 100. Kotak Pos