Mustiko Adat Alam Minangbakau
I. Dt. SANGGUNO DIRADJO
MUSTIKO ‘ADAT ‘ALAM
MINANGKABAU
PERPUSTAKAAN PERGURUAN
KEMENTERIAN P.P. DAN K.
DJAKARTA
MUSTIKO ‘ADAT ‘ALAM
MINANGKABAU
KARANGAN
I. DATUE’ SANGGUNO DIRADJO
TJETAKAN KADUO
DITERBITKAN OLEH
PERPUSTAKAAN PERGURUAN KEMENTERIAN P. P. DAN K.
DJAKARTA — 1955
DATUE’ SANGGUNO DIRADJO
BERPAKAIAN ADAT.
ISI BUKU
Hal.
Bab I. Rapě' nagari maubah 'adat ....................................... 5
Bab II. Datue' Radjo Pangulu mambari pangadjaran kapado
kamanakan baliau .................................................... 16
Bab III. Adat Nagari dan katurunan urang Minangkabau .... 56
Bab IV. Si Rambun Aměh malangga mupakat Nagari ......... 91
Bab V. Paladjaran Datue' Radjo Pangulu kapado Bagindo
Kajo .......................................................................... 102
Bab VI. Kamatian Datue' Radjo Pangulu dan pangangkatan
Bagindo Kajo djadi pangulu ..................................... 103
Bab VII. Datue' Radjo Pangulu mantjari minantu ................ 109
BAB I
RAPE’ NAGARI MAUBAH ‘ADAT
Ampun baribu kali ampun, ampunlah sajo mangabakan ; ampun di datue’ kasamonjo, ma‘af di tuanku radjo sajo, sagalo basa nan batuah, sagalo urang badjabatan, hino mulie misikin kajo, lipui’lah itu kasamonjo, sa Alam Minangkabaunjo, salaréh Batang Bangkawéh, saédaran gunuang Marapi, salili’ gunuang Pasaman, sakulilieng gunuang samonjo, sahinggo Pintu Rajo hilie, hinggo Muaro Takuang mudie’, sampai karia’ nan badabue, sajo manjambah pado ‘alam, sakali gawa baribu kali sajo minta’ ampun, karano datue’ banja’ nan batuah, tuanku banja’ nan kiramat, dubalang banja’ nan sati, pagawai banja’ nan tjaradie’, sajo bamuhun maangké’ sambah :
Templat:Block center [ 8 ]Page Templat:Ppoem/styles.css has no content.Galat skrip: tidak ada modul tersebut "Ppoem".
Aka singkë' pandape' kurang, pandangaran balun barapo, paliatan balun lai djaueh.
Page Templat:Ppoem/styles.css has no content.Galat skrip: tidak ada modul tersebut "Ppoem".
Mulonjo surē ka dikarang, asanjo kadji ka disabui', ado kapado satu malam, hari nan tarang-tarang larêh, patang Kamih malam Djuma'at dalam nagari Tandjuang Sadjati, nagari tigo sasaieng, diula' batu babahu, dimudie' batu tataga', ditangah sungai bamuntiko, itulah ranah nagarinjo, nagari rami ta' manangguang. baratuih rumah didalamnjo, baribu banja' isinjo.
Malam nan samalam nantun, sadang rinai-rinai katjie', kiro-kiro pukue salapan, urang sudah sambahjang ‘isja, badjalan sagalo dubalang, sarato manti djan pagawai, mamukue tjanang pamanggie, mahado' kadalam koto, tio' liku djalan diturui', tio' kampuang dimasue'i, tabalie injo disanan, dihimbaukan dangan tarati': „Mano sagalo datue'-datue', baie' urang nan patui'-patui', sarato imam dangan kati', bilapun samo didalamnjo! Ampuni kami banja'-banja', kami nangko mandjundjuang titah, disurueh urang gadang kito; namun barisue' hari siang. pagi-pagi kito bakumpue, io katangah balai gadang, tida' djadi bakatinggalan, mano nan tingga dapē' salah, itulah titah kami djawe, disurueh himbaukan pado kami, kapado sagalo ninie' mama', sarato imam dangan kati', baie pun urang patui'-patui', utang di kami manjampaikan, ma'alum di datue' kasamonjo."
Sudah tasingko' hari siang, hari 'tu hari Djuma'at, kiro-kiro pukul salapan, sapanggalah mantari naie'. babunji tabueh dibalai, maningkah [ 9 ] tabueh digalanggang, mandjawab tabueh dimudie', mambaléh tabueh dihilie, sahui'-manjahui' tabueh nan banjak, tatjangang urang dalam kampuang, tasimbue darah didado, pulanglah urang dari dusun, sabab mandanga bunji tabueh.
Ado sasa at sakutiko, kiro-kiro pukue sambilan. alah datang sagalo ninie mama', sarato imam dangan kati', bilapun samo saratonjo, baie'pun urang patui'-patui', sagalo urang badjabatan, bahimpun kabalai gadang, dudue' baratue atēh balai, sirieh-manjirieh tampe' roko, tanjo batanjo samo kawan, apokoh garan panggielan 'ko.
Alah mandjawab nan surang lai: .,Djoko' itu datue' tanjokan, kurang parëso pado hambo, ato hanjo akan sabuah, tipa' didiri hambo surang, nan samalam-malam tadi, hambo mandanga urang tabalie, manjurueh ra- pe' kabalai 'ko, tida' djadi bakatinggalan, itulah bunji tabalienjo, nan hambo danga malam tadi. Tambahan pagi tadi, tadanga pulo bunji ta- bueh, 'alamat manjurueh tjapë' datang; itulah sadjo hambo nan tahu, antahkoh ado kawan nan lain, nan lah ma'alum tantang itu; tjubolah pulo kito tanjokan. samantaro mananti-nanti kawan! Djoko' ado nan lah ma'alum, apo buah panggielan iko, bulichlah kito mamikiekan, ko' apo-apo nan kan tibo, ama' buliěh kito paiokan."
Dalam sabanta itu djuo, alah dilēga sambah kiri, dilēga pulo sambah kanan, batanjo datue' samo datue', djoko' ado nan lah ma'alum. apo buah panggielan itu.
Ado sabanta antaronjo, sudahlah pulo tatanjoi, nan badakē' nan barampieng, baie' kiri dangan kanan, sagalo datue' nan lah dudue', su- rangpun tida' nan laï tahu, dalam urang sabanja' itu; hanjo mupakat buah panggielan. itulah sadjo nan ma'alum, ulieh sagalo nan rape' 'tu.
Ado satarie sapatana', kiro-kiro pukue sapuluch, datanglah pulo pangatuonjo, iolah Datue' Kapalo, itulah urang nan mamanggie, mara- pe'kan isi nagari 'tu. Sarato tibo injo dudue', basalam dangan karapatan, samble batanjo dangan manih, kapado sidang karapatan :
,,Alah lamo garan datue' tibo, panê'lah datue' de' mananti. de' talambe' hambo sadiki', ado pulo urang nan datang, mambao sure' dari gaduang, djurutulihpun lambê' tibo, bari ma'af hambo de' datue'."
Lalu mandjawab Karapatan: „Malah ba'itu panitahan, sananglah ulu hati kami, djanjo kami kami nan lambe', sabab hari lah aga' tinggi. tabuehlah babunji djuo, takui' batjampue djan rusueh, alah tagului' kami badjalan, kironjo datue' kudian pulo. Ko' hanjo tantangan itu, itulah pakai nan biaso, nan tjapë' tibo dahulu, nan lambë' tibo kudian, limbago urang gadang-gadang, bukan sabuah karadjonjo, ma'alum kami tantang itu." [ 10 ]Templat:Block center
Aka singkē pandape' kurang, pandangaran balun barapo, paliatan balun laï djaueh.
Mulonjo sure' ka dikarang, asanjo kadji ka disabui', ado kapado satu malam, hari nan tarang-tarang larēh, patang Kamih malam Djuma'at, dalam nagari Tandjuang Sadjati, nagari tigo sasaieng, diula' batu babahu,bdimudie' batu tataga', ditangah sungai bamuntiko, itulah ranah nagarinjo, nagari rami ta' manangguang, baratuih rumah didalamnjo, baribu banja' isinjo.
Malam nan samalam nantun, sadang rinai-rinai katjie', kiro-kiro pukue salapan, urang sudah sambahjang ‘isja, badjalan sagalo dubalang, sarato manti djan pagawai, mamukue tjanang pamanggie, mahado' kadalam koto, tio' liku djalan diturui', tio' kampuang dimasue'i, tabalie injo disanan, dihimbaukan dangan tarati': Mano sagalo datue'-datue', baie' urang nan patui'-patui', sarato imam dangan kati', bilapun samo didalamnjo! Ampuni kami banja'-banja', kami nangko mandjundjuang titah, disurueh urang gadang kito; namun barisue' hari siang, pagi-pagi kito bakumpue, io katangah balai gadang, tida' djadi bakatinggalan, mano nan tingga dapē' salah, itulah titah kami djawē', disurueh himbaukan pado kami, kapado sagalo ninie' mama', sarato imam dangan kati', baie'pun urang patui'-patui', utang di kami manjampaikan, ma'alum di datue kasamonjo."
Sudah tasingko' hari siang, hari 'tu hari Djuma'at, kiro-kiro pukul salapan, sapanggalah mantari naie', babunji tabueh dibalai, maningkah [ 11 ]tabueh digalanggang, mandjawab tabueh dimudie', mambaleh tabuah dihilie, sahui'-manjahui' tabueh nan banjak, tatjangang urang dalam kampuang, tasimbue darah didado, pulanglah urang dari dusun, sabab mandanga bunji tabueh.
Ado sasa at sakutiko, kiro-kiro pukue sambilan. alah datang sagalo ninie mama', sarato imam dangan kati', bilapun samo saratonjo, baie’pun urang patui'-patui', sagalo urang badjabatan, bahimpun kabalai gadang, dudue' baratue atêh balai, sirieh-manjirieh tampe' roko', tanjo batanjo samo kawan, apokoh garan panggielan 'ko.
Alah mandjawab nan surang laï: .,Djoko' itu datue' tanjokan, kurang parèso pado hambo, ato hanjo akan sabuah, tipa' didiri hambo surang, nan samalam-malam tadi, hambo mandanga urang tabalie, manjurueh rape' kabalai 'ko, tida' djadi bakatinggalan, itulah bunji tabalienjo, nan hambo danga malam tadi. Tambahan pagi tadi. tadanga pulo bunji tabueh, 'alamat manjuruek tjape' datang itulah sadjo hambo nan tahu, antahkoh ado kawan nan lain, nan lah maalum tantang itu; tjubolah pulo kito tanjokan, samantaro mananti-nanti kawan! Djoko' ado nan lah ma'alum, apo buah panggielan iko, buliehlah kito mamikiekan, ko' apo-apo nan kan tibo, ama' bulieh kito paiokan."
Dalam sabanta itu djuo, alah dilega sambah kiri, dilega pulo sambah kanan, batanjo datue' samo datue'. djoko' ado nan lah ma'alum, apo buah panggielan itu.
Ado sabanta antaronjo, sudahlah pulo tatanjoi, nan badakē nan barampieng. baie' kiri dangan kanan, sagalo datue' nan lah dudue', surangpun tida' nan laï tahu, dalam urang sabanja' itu; hanjo mupakat buah panggielan, itulah sadjo nan ma'alum, ulieh sagalo nan rapē' 'tu.
Ado satarie' sapatana', kiro-kiro pukue sapulueh, datanglah pulo pangatuonjo, iolah Datue' Kapalo, itulah urang nan mamanggie, marape'kan isi nagari 'tu. Sarato tibo injo dudue', basalam dangan karapatan, sambie batanjo dangan manih, kapado sidang karapatan:
..Alah lamo garan datue' tibo, pane'lah datue' de' mananti. de' talambe' hambo sadiki', ado pulo urang nan datang. mambao surê' dari gaduang, djurutulihpun lambe' tibo, bari ma'af hambo de' datue'."
Lalu mandjawab Karapatan: „Malah ba'itu panitahan, sananglah tu hati kami, djanjo kami kami nan lambe', sabah hari lah aga' tinggi, tabuehlah babunji djuo, takui' batjampue djan rusueh. alah tagului' kami badjalan, kironjo datue' kudian pulo. Ko' hanjo tantangan itu, itulah pakai nan biaso, nan tjape' tibo dahulu, nan lambe' tibo kudian. Limbago urang gadang-gadang, bukan sabuah karadjonjo, ma'alum kami tantang itu." [ 12 ]Alah sabanta antaronjo, injo dudue' babintjang-bintjang, abih rokok sabatang surang, banja'lah kētjē' nan tasabui', basahui'tan sambah-manjambah.
Sadang lama' patutueran, sadang manih panjambahan, kato bamulo anjolai, batanjo Datue' Kapalo: „Manolah datue' kasamonjo, ditangah tibo sambah hambo, alahkoh tjukui' iko kini, sagalo datue' kasamonjo. nan didalam nagari 'ko, adokoh djuo nan balun datang ? Sakian sambah pado datue'."
Lalu mandjawab Karapatan: „Ampunlah kami pado datue', djoko' itu nan panitahan, mananti datue' sakutiko, ama' kami tanjo-batanjo, djoko' ado kawan nan tingga, nan balun datang kamari."
Mambaleh Datue' Kapalo: „Insja Allah baie'lah itu."
Dalam sabanta itu djuo, alah diadjun pamandangan, dilênggo' kiri djan kanan, batanjo datue' samo datue', mananjokan kawan nan tingga, kalau ado nan balun tibo. Alah sasa'at sakutiko, sudahlah pulo tatanjoi. diparéso nan tida' datang, kapado urang nan barampieng, nan badakē'-dakē' diam. Alah sudah tanjo-batanjo, sagalo datue' nan dudue' tu. sambah kumbali anjolai, kapado Datue' Kapalo:
..Ampunlah kami pado datue', sapandjang pitua datue' tadi, alah sudah kami perêso, mano-mano kawan nan tingga. Nan sapandjang pandapē' kami, alahlah rape' kasamonjo, ko' tingga lah djo mupakat, pai lah djo parundiengan, alah manurui' nan tingga 'tu, kapado nan rape' siko, ba'apo buatan Karapatan, manompang injo tantang itu. Kalau tibo di nan baré', sukolah injo mandjudjuangnjo, kalau tibo dinan ringan. Sukolah injo mandjindjiengnjo. Sungguhpun tida' baliau siko, alah sabuah rundiengan tu, tida' salisiah itu lai, ba'itu pasan pituanjo, karano ado kausueran. Sungguhpun alah kato kami, ma'alum pulang pado datue." ba itu djawab Karapatan.
Mambaleh Datue' Kapalo: „Kalau lah sudah djo mupakat, tingga lah djan parundiengan, pai lah dangan paioan, tida' mangapo itu datue'. Itulah pakai nan biaso; kalau tida' bulieh ba' itu, dimano karadjo akan langsuang, pabilo kato akan salasai, kito baduo batigo, balain-lain pakaradjaan, kausueran tida' batantu, tida' badjangko bakutiko, kalau masonjo akan tibo.
Tantangan datue' nan tingga 'tu, patui'lah datue' mambaokan. sagalo nan rape' siko, bukannjo itu kini sadjo, sadja' dahulu ba'itu djuo, 'adat nan kito pakaikan, ko' sampi' lapang-malapangi, nan bare' ringan-maringani, tando pangulu sahandiko, io radjo nan sadaulat, ba'itu djuo salamonjo. Namun banamo ikan pandjang. sakare' ikan pandjang djuo, kalau saikue elo' bana." [ 13 ]Maningkah pulo Karapatan: ..Sabananjo kato datue'tu."
Maulang Datue' Kapalo: „Kini sabuah anjolaï, mano datue' sado nan rape', alah kan djadi hambo sabui', nan taraso de' hati hambo, nan takalang pado mato, ama' didjawab pulo de' datue'."
Mandjawab pulo Karapatan: ,,Kalau itu nan panitahan, labieh sukonjo hati kami, manitah djuo malah datue', kami ma'alum kasamonjo."
Baruari Datue' Kapalo, lalu manitah anjolaï: Ampunlah hambo pado datue, sarato urang patui'-patui', nan saisi mědan madjalih 'ko. hambo manjabui' nan taraso, ko' pandjang minta' dikare', barubah minta dibaiki, ko' bana dibao lalu, ko' inda' samo dibuangkan, tida' mandjadi pandjang panda'.
Adolah pado maso kini, hambo lie' djo mato hambo, hambo danga djo talingo, urang lah balomba-lomba tio' nagari, masieng-masieng mantjari djalan kamadjuan, bapatenggangkan ana' buah, baban nan bare' diparingan, djalan nan djaueh dipadake'. Kalau lai akan sakato, mantjari djalan kabaikan, buliehlah pulo kito tjari, nan baie' patui' kito pakai, nan burue bulieh kito buang, ama' elo' nagari kito, sakian sambah pado datue'."
Mandjawab pulo Karapatan: „Djoko' itu nan titah datue', itu nan kahanda' hati kami, putjue' ditjinto ulam tibo, manitah djuo malah datue', ba' mano djalan nan kan elo', ama' bulieh kami parundiengkan."
Mambalëh Datue' Kapalo : ..Kalau lah suko Karapatan, itulah sanang hati hambo, buliehlah pulo hambo sabui'. nan taraso dihati hambo, asa kito lai kan saudjui' sapangana, mantjari djalan kalapangan, bapatenggangkan ana' buah. Sabuah lai pinta' hambo, tantangan sambah-manjambah. kito lata'kanlah dahulu, rundieng banja' nan ka disabui', kato banja' nan ka ditjari: élo'lah singko' daun sadjo, ambie' buahnjo nan katudju.”
Mandjawab pulo Karapatan: Djoko' ba' itu kato datue', itulah kato sabananjo, ama' bange' kato salasai; tjurai papakanlah de' datue'. kapado kami nan rape 'ko, bulieh dikadji burue' baie', ama' ditimbang dé' nan rape'!"
Maningkah Datue' Kapalo: Malah ba'itu kabulatan, manarimo suko malah hambo, kini ba'itu anjolai, maminta' ma'af hambo pado datue'satato nan rape' kasamonjo.
Nan tampa' de' diri hambo surang, ko' burue' kito buangkan, ko' lai elo' kito pakai. timbang de' datue' nan basamo.
Nan taraso de' hati hambo, tantangan sapandjang adat, nan kito tutua kito naie'kan, didalam nagari iko, hambo tilie' djo hati hambo banjak nan patui' kito ubah. nan tida' ado paidahnjo, hanjo rugi samato-mato. Sunggueh ba'itu kato hambo, tjubolah kito pakadjikan. [ 14 ]Suatu adat kamatian, nan biaso pado kito, banja' bana mularatnjo. ba' kato-kato urang tuo: „Lah djatueh dihimpi' djandjang, sudah basah kahudjanan". Tjubolah datue' timbang-timbang, djoko' mati urang surang, ana'njo dibari gatang, dibari kain duo hēto surang, kalau ana' 'tu laki-laki djoko' ana' 'tu parampuan, dibari tigo hēto surang, sampai kaana'-ana' sudaronjo, dangan ana' sudaronjo, dangan ana' kamanakannjo, sarato ana' dari tjutjunjo, nan sakaum-kaum itu, dibari balako kasamonjo. Kalau tida' injo barana', padusinjo pulo nan digatang, malainkan nan tida' bulieh digatang, sagalo alueran ipa bēsannjo, dari uang nan mati 'tu, saparati ana' de' mama'njo, sarato ana'-ana' ninie'njo. Sagalo nan la lapēh kaatēh, bukankoh ba'itu nan biaso, nan kito paturun panaie' kan, salarui' salamo iko?"
Mandjawab pulo Karapatan: ..Sabananjo kato datue' 'tu."
Maulang Datue' Kapalo: ..Hambo tilie' djan hati hambo, kalau tumbueh kamatian de' urang nan banja' kari', banja' bana karugiannjo; kadang-kadang hambo lie', sampai duo tigo kaju, kain untue' gatang sadjo, dalam sakali kamatian.
Dimisakan pulo bali kain 'tu, dalam sakaju sakian rupiah, kalau sampai tigo kaju, bukankoh itu sudah banja', bali kain kagatang sadjo, balun lai kapan sidakahnjo, sarato nan lain-lain, de' urang nan banja' kari'?
Ana'-ana pantja (ana'-ana' pisang) nan kanai gatang itu, barapo pulo kasusahannjo, karano paralu pulo awa'njo, pai mandjalang taħalie bakonjo itu, mambao katidieng pulo sabuah, nan barisi padi atau barēh, sarato pulo nasi lama', ataupun nasi kunieng. Kalau dikiro dipikiekan. surang-surang ana' pantja, ado pulo karugiannjo, nan akan pambaléh gatang tadi; paidahnjo tida' satu apo, nan tampa' de' diri hambo surang.
Kini ko' lai kito kan samupakat, kito hantikanlah adat itu, usah laï kito gatang-manggatang djuo, ka ana-ana' pantja kito, kalau tumbueh kito kamatian, sabab lah njato sadjo karugiannjo, kapado nan batimba balie', iolah ana' djan bakonjo.
Sabuah lai nan taraso: elo'lah kito hantikan pulo, tantangan 'adat saho'-manjaho', diukatu kamatian; tjubolah datue' pikie-pikie !
Kalau tumbueh kito kamatian, barapo kasusahnjo sagalo andan pasumandan, manjalang kain kiri kanan, ka djadi kain panjaho'[1]. saparati kain balapa', atau kain salēndang gadang, atau kain adjuang sarē, kain panda' kain pandjang gundjai, badju suto galang bahēram, sarato dēta bapalangai, kain-kain buatan lamo, nan susah bana dapē' kini. Sagalo kain saho' itu, tida'lah ado paidahnjo, hanjo tahampai-hampai [ 15 ]sadjo, mandjalang urang sudah tahalie. baru didjapui' pulo babalie'. Apokoh itu ka gunonjo? Pado pikieran hati hambo, tida' lain tida' bukan, hanjo babue bodoh sadjo, baparagokan kain awa', karumah urang kamatian. Djoko tumbueh malang taraieh, hilang kain 'tu aga' sahalai, atau galang 'tu aga' salaue, bukan manjusah kito djuo, mamabue ninie' djo mama', atau batuka mambarikan, kapado pasumandan lain, nan bukan punjo kain 'tu? Barapo pulo kasusahannjo, urang nan kamatian tadi, mantjari kian kumari, karumah urang nan manjaho', bapatukakan kain itu, ko' djo siapo-siapo batukanjo, atau talampo' de' mambao. dari nan surang ka nan surang? Nan mati balun lai tantu, ikolah dirusuehkan pulo.
Sabab itu pikieran hambo, èlo' pulo kito hantikan, 'adat saho'-manjaho 'tu, diukatu kito kamatian. labieh baie kito tukari, dangan 'adat mambao bareh. Kalau tumbueh urang kamatian, dalam nagari kito iko, barang siapo padusi nan kapai mandjangue', kalau injo bapasumandan kari', mambao barěh injo sagantang. kalau bapasumandan nan aga' djara' sakētē', mambao bareh injo tangah sukė'; kalau urang nan lain sadjo, nan tida bapasumandan kakiun, mambao bareh sadjo injo satjupa'. Itu ado paidahnjo, kapado urang nan kamatian, nan taraso dihati hambo.
Nan katigo, pado pikieran hati hambo, patui' pulo kito ubahi, tantangan 'adat marapulai; tjubolah datue' timbang pulo! Kalau surang laki, nan baru sadjo babini, paralu awa'njo mambali-bali, pado hari pakan nan paratamo pulang karumahnjo 'tu, iolah bali nan sapandjang 'adat. Kadang-kadang habih pulo uang uliehnjo, sampai bapulueh-pulueh rupiah, dalam hari nan sapakan 'tu, sabab pambali-bali barang balai, iolah laue' djo paue'njo, sarato barang nan lain-lain. Inda' ka untue' padusinjo sadjo, malainkan nan banja' mahabihkan, iolah de' pambali-balikan kari' djo bai'njo, sarato korong djo kampuangnjo, lalu kapado ana' pantjanjo: bali nan bakēte'-kētë', itulah nan banja' bana mahabihkan.
Tibo dirumah padusinjo 'tu, apo-apo bali lakinjo tadi, tida' ka untue'njo sadjo, malainkan paralu pulo diagieh-agiehnjo, kapado dansana' sudaronjo, sarato kari'njo dalam kampuang, nan badakē' nan barampieng, Kadang-kadang tida' barapo, bali 'tu nan tingga dinjo laï, satangah ado pulo nan sampai tatukue', supajo ama' bulieh saritjieh surang. labieh-labieh sana' sudaronjo, nan badjarieh de' injo kawin.
Kalau dipikie-pikie bana, adat nan sarupo itu, alah njato bana mambarati, kapado kaduo balah piha', iolah laki djo bininjo, kadang-kadang tumbueh pulo upe' djo pudji, karano tidak bakasampaian, untue' kari djo kabieħnjo, mano nan patui'-patui' bulieh.
Kini labieh baie' kito hantikan pulo 'adat itu, usah lai kito bali-mambalikan karı' baie' djuo, apobilo kito baru kawin, supajo ringan baban kito. [ 16 ]malainkan kalau siapo-siapo kito pangulu-pangulu, atau urang nan ampē' djinih nan babini baru, pakan nan paratamo kito mambari balandjo sadjo, aga' tigo ampē' rupiah kabawah, kapado parampuan kito itu; dan pado pakan nan kaduo, kito mambari balandjo hinggo saringgi' kabawah, sudah itu ba'apo-ba apo pikieran awa' sadjo laï, misiki ka dibari atau tida'. Kalau urang nan patui'-patui', ana' bangsawan nan babini baru, pakan nan paratamo mambari balandjo sadjo injo saringgi', pakan nan kaduo tangah duo rupiah: dan kalau urang itu bangso urang kabanjakan sadjo. pakan nan paratamo mambari balandjo injo duo rupiah, pakan nan kaduo aga' satu rupiah.
De' nan padusi pulo, usah lai awa'njo maagieh-agieh bali 'tu djuo kiri kanan, kapado dansana' sudaronjo, malainkan apo-apo nan dibalinjo djo pitih 'tu. bialah ama' untue'njo sadjo, dan apo-apo nan ka dibali djo pitih 'tu, usah lai kito tantui pulo, atau de' dansana' sudaro kito nan padusi, hanjo dansana'-dansana' kito, sakadar pai maantakan pitih 'tu sadjolah kakiun, tando awa' barumah baru.
Ba' itulah nan taraso de' hati hambo, ko' sakētē' bana pitih habih. adolah paidahnjo pitih pai, lai bapaidah 'tu rasanjo, itulah nan taraso dê' hati hambo. Tjubolah datue' paiokan, kalau laï elo' kito pakai, ko' tida samo kito buang."
..Alah sampai rundieng Datue' Kapalo," maningkah Karapatan.
..Ba'itu baru sambah hambo," mambaleh Datue' Kapalo.
,,Ampunlah kami pado datue', djoko' itu nan titah datue', itulah kato sabananjo, dē' kami labieħ katudju. Sungguhpun itu kato bana, manunggu datue sakutiko, ama'lah kami parundiengkan," sambahnjo Datue' Paduko Garang
Mambaleh Datue' Kapalo: „Mano Datue' Paduko Garang, itu nan kahanda' hati hambo, supajo datue' ama' baio, ama' samo manganudjukan. kalau lai ēlo' nan ba' itu, ko' tida' bulieh kito buang: ato hanjo nan pinta' hambo, sugiro malah datue' barundieng, ama' tantu masa' matahnjo."
Dalam sabanta itu djuo, manjambah Datue' Paduko Garang, kapado datue' nan rape' itu, disambah kiri dangan kanan:,,Ampunlah sajo pado datue', sado nan rape' kasamonjo, hambo 'ko basitjapē sadjo, itulah bunjik to danga, nan panitahan Datue' Kapalo, kapado kito kasamonjo. Ba'apo itu de' kito, tantangan 'adat nan tigo 'tu, nan disabui' Datue' Kapalo, alah njato bana mularatnjo, kapado kito nan basamo, tida' ado manantang labo, hanjo rugi samato-mato. Tipa' dibadan hambo surang, sukolah hambo mambuangkan. katigonjo ‘adat nantun, manurui' paham Datue' Kapalo. Kini ba' apo pulo datue' nan lain, laïkoh kito akan sakato. manurui' paham baliau 'tu ?" [ 17 ]Lalu mandjawab nan lainnjo, sampai barampe' djo balimo, hampie sakato kasamonjo, manurui' Datue' Paduko Garang, mambanakan kato Datue' Kapalo.
Dalam datue sabanja' itu, adolah pulo datue' surang, bagala Datue' Tumangguang, injo nan tida' manjahuti, baie' burue' baie' èlo'. hanjo injo bamanuang sadjo, sapatah tida' injo habunji, sapantun urang hilang aka.
Manitah Datue' Kapalo, kapado Datue' Tumangguang: ..De Datue' ba apo itu, apokoh pulo nan taraso. mangko tida' datue mandjawab. Sarupo urang tida' ka sato?"
Mandanga titah nan ba' itu, mandjawab Datue' Tumangguang: ..Ampunlah hambo pado datue', sarato nan rape' kasamonjo. tantangan pitua datue' nantun, itulah kato sabananjo, labieh katudju itu de' hambo. sabab nan bare 'alah kan ringan, nan sampi' alah kan lapang alangkoh elo' nan ba' itu, awa' ka rugi djadi tida'? Tatapi sakētē nan taraso tipa dé' diri hambo surang, mangko hambo dudue' tamanuang, nan sakarang kini nangko, sungguehpun lama' balun tamakan, ko' pahi' balun taluahkan. apo sababnjo damikian, karano itu adat lamo. 'adat lah turun tumurun. sadja' dari ninie' mujang kito, djawē'-badjawë' sampai kini. Kalau itu kan kito ubah, maminta' pikie hambo dahulu, aga' sahari duo iko, ama' dape' pikieran baie', antah ado pulo mularatnjo. Dimano kito bulieh tahu, sabab balun ditimbang bana, apo mularat mupa'atnjo, adat nan kan dibuang 'tu ?”
Mandjawab Datue' Kapalo: „Apa guno datue' pikie lamo? Ko' handa pikie, pikielah kini, usah dibao lamo-lamo, ama' lakéh kato salasai. djangan mahambè'-hambe' pulo."
Maningkah Datue' Tumangguang: „Didatue' djuo sambah hambo. mangko hambo handa' bapikie, aga' sahari duo iko. ama' basanang hambo dahulu, mantjari pikieran baie'. Ko' ado mularat munpa'atnjo. djangan kito talandjue sadjo, mambuang 'adat nan tigo 'tu, karano itu adat lamo, kito akan mambuangkannjo, kalau ado nanti mularatnjo, pajahlah kito mamulangkan. Kalau 'adat 'tu kan dibuang, ko' pandjang akan dikare', ko' singkë' akan dihubuang. maminta' djuo hambo dahulu. kapado datue' nan basamo, sabab balun taraso bana dihati hambo, kamano paralue'njo ‘adat itu, apo gunonjo itu dahulu, mangko dibue' urang tuo adat nan sarupo itu ?”
Maulang Datue' Kapalo: „Manolah Datue' Tumangguang paham apo paham datue? Elsah datue' mantjari běla, tantangan djalan nan luruih 'ko, nan sapandjang ingatan datue', tida'koh itu marugikan, bukankoh itu mambarati, kapado isi nagari 'ko, 'adat man hambo sabui' tadi?" [ 18 ]Mambaleh Datue Tumangguang: „Ko' itu sungguehlah bana, tatapi hambo maminta' pikie, ama' dape' pikieran haluih, ko' ado mularat mupa'atnjo. Kalau itu ka kito buang. antah mularat kamudian, sabab pahamnjo balun dapë', balun taraso itu de' hambo; usah kito bagului' sadjo, ko' kanai kito de' biso kawi, sumpah satie nan tuo-tuo nan mambuĕ' 'adat itu."
Mandjawab Datue' Kapalo, bakato sambie mambērang:
„Rundieng apo rundieng datue', mangatokan bare' datue' pandai, manjabui' mularatnjo datue' tida' tahu kalau lah barê' mularat 'tu, itu nan akan kito tula', ama' dape' djalan nan ĕlo', bulieh batēnggang nan misikin, dē' nan kajo tida' mangapo, usah disitu taga' datue'! Pikiekan kami nan misikin, baban ama' samo tabao: tantangan urang dahulu, djaueh bana besonjo djo rang kini, urang dahulu banja' nan bodoh. Kalau injo mambue adat, ataupun barang sabagainjo, tida'lah itu ditimbangnjo, nan ka mularat ka nan banja', hanjo nan ēlo' de' injo sadjo, sabab urang tida' sikola, tida' tjukui' pangguruannjo; usahlah itu dipagantuangi bana!"
Mandanga kato nan ba' itu, diamlah Datue' Tumangguang, tida' injo babuni lai, sabab tida' ado kawannjo, hanjo sagalo datue' nan rapē' 'tu, taga' ka Datue' Kapalo, manungkē' Datue' Paduko Garang; sabab karano damikian, djadi manurui' sadjo anjo laï, sabab urang lah sakato. Sungguehpun injo lah manurui', tapi tida' sasungguehnjo, sabab ta' sanang dihatinjo, mupakat nan sarupo itu; tapi apo bulieh bue', sabab awa' lah taga surang, djadi manurui' sadjo laï.
Alah sasa'at sakutiko, urang barundieng atêh balai, mangadji elo' dangan burue', mambodohkan urang dahulu, mambuë 'adat nan tigo 'tu, tida' manimbang ana' tjutju, nau ëlo' sadjo nan dikana, tida' dikadji mularatnjo itulah upe' nan rape' 'tu, kapado urang nan dahulu. nan mambuĕ' 'adat itu, sabab karano dari itu, gala' lah babuah-buah, gami'-manggami' samo kawan, djatueh kutjēka' surang-surang, sabab kadji alah taraso.
Dalam sabanta itu djuo, lalu sakato anjolaï, sagalo datue' nan rape 'tu, mambuang ‘adat nan tigo tadi, tida' akan dipakai laï, nan sahinggo iko kaateh, sabab banja' bana mularatnjo, lalu kapado ana' tjutju; hanjolah Datue Tunangguang, nan dudue' tamanuang djuo, bagai ditumbue' alu luntjuang, pantun dipanta' kali-kali'. Dalam sabanta itu djuo, katopun putuih anjolaï, ulieh sagalo karapatan, dikarang djandji maso itu:
Satu, tida akan gatang-manggatang laï, kapado ana'-ana' pantja, kalau tumbueh dikamatian.
Kaduo, tida nan bakari' nan bakabieh, sarato andan pasumandan, akan saho'-manjaho' laï dangan barang kain-kain, atau dangan galang [ 19 ]tjintjin, tibo ukatu kamatian, sabagaimano adat lamo. Kalau tumbueh kamatian, dirumah kari' djo kabiehnjo, atau dirumah pasumandannjo, barang siapo padusi nan kan paï mandjaugue', mambao barêh sadjo tu mah laï; kalau injo bapasumandan kari', mambao bareh injo sagantang, kalau nan tida' hampie bana, mambao barêh injo tangah sukē', kalau nan urang luaran sadjo, mambao bareh injo satjupa'.
Nan katigo, barang siapo laki-laki, nan mandjadi marapulai, tida' akan bali-mambalikan kari' djo baï'njo, djo ana'-ana' pantjanjo laï, nan sahinggo iko kaatēh, malainkan kalau urang nan djadi marapulai 'tu pangulu atau nan masue' bahagian urang nan ampe' djinih, mambari balandjo sadjo injo tigo rupiah, pado ukatu hari pakan nan paratamo, injo pulang karumahnjo 'tu, dan pado pakan nan kaduo, mambari balandjo sadjo injo saringgi'. Kalau marapulai 'tu urang patui'-patui', tanamo ana' bangsawan, pakan nan paratamo pulang karumahnjo, mambari balandjo sadjo injo saringgi', pakan nan kaduo tangah duo rupiah. Kalau bangso urang kabanjakan sadjo, nan djadi marapulai 'tu, mambari balandjo injo duo rupiah, pakan nan kaduo satu rupiah. Dan nan parampuan, misiki parampuan siapopun djuo, tida' bulieh lagi awa'njo, maagieh-agieh pambalian tadi, sapandjang 'adat nan biaso, dalam nan duo pakan itu, akan djadi tando bali lakinjo, malainkan kalau apo-apo nan dibalinjo dalam pakan nan duo 'tu, iolah untue' awa'njo sadjo.
Siapo-siapo urang laki-laki, atau parampuan nan dalam nagari nan malangga pabuatan 'ko, awa'njo akan disalahkan sapandjang 'adat, dago-dagi namo salahnjo, iolah disalahkan mandago kapado pangulu, sabab tida' manurui' mupakat pangulu-pangulu, tantangan djalan kabaikan pado nagari. Barang siapo nan malangga itu, tida' amueh mamakai hukuman salah dago-dagi 'tu, awa'njo dikaluakan dari sapandjang adat nagari, ko' saki' tida' disilau, ko' mati tida' didjangue', dan tida' dibao saara' saireng saale' sadjamu, dan salarangan sapantangan laï; kalau apo-apo panggelannjo, tida akan ditamui, kalau injo balun mambaie kasalahan. sapandjang 'adat nan dihukumkan, ulieh pangulu-pangulu. sabab malangga mupakat 'tu. Damikianlah kasudahan bunji mupakat 'tu, nan sakali-kali tida' akan ubah-maubahi salamo-lamonjo, turun-temurun sampai kapado ana' tjutju nan kamudian. [ 20 ]Templat:Block center
DATUE' RADJO PANGULU MAMBARI PANGADJARAN KAPADO KAMANAKAN BALIAU
KABA baralieh anjolaï, sunggueh baralieh sanan djuo. Adapun didalam nagari 'tu, adolah pulo datue' surang, bagala Datue' Radjo Pangulu. urang tjadie' tjandokio, lagi djohari bidja'sano, manih mului' bakato-kato. dimalui urang nan banja', aka laui'tan budi, tahu dikarang nan malintang, tahu diangin nan basalue', pandai dihērēng dangan gendêng, tahu diakie pakadjoan, tahu dibajang kato sampai, manih mului' katudju baso, pandai manēnggang hati urang, luruih nan bukan alang-alang. bana ta' bulieh angin lalu, salah sadiki' de' lah tuo, badannjo tida' kue' laï, akan badjalan sano sini, atau mandjalang karapatan, dimano urang bamupakat, nan didalam nagari 'tu.
Djoko' ado karadjo burue', ataupun itu karadjo baie', apo-apo dibuĕ' urang, nan didalam nagari 'tu, baliau lah mamulangkan sadjo, kapado kamanakan kanduang baliau, banamo Sutan Kabilangan, bagala Bagindo Kajo, itulah nan djadi wakie baliau, mandjalankan sapandjang 'adat. misiki barē' atau ringan, pulang kapado Bagindo Kajo, salamo datue 'tu sudah tuo, sabab tida' kuaso laï, hanjolah tingga disurau sadjo, mangadji-ngadji nan ka untue' badan diri, ka baka dibao pulang.
Namun samaso laï mudonjo, tantangan Datue' Radjo Pangulu, baliau mandjadi atjang-atjang, djadi wakie de' urang banja', uleh mului' sambuangan lidah, dimano-mano karapatan, baliau djadi kapalo sambah, ikutan sagalo datue'-datue'. Namun dimano karadjo basa, nan tumbueh dalam nagari 'tu, kalau baliau tida' ado, banja'lah sambah nan tatumbue'. banja'lah kato tabangkalai, ba' itulah banja' kadjadian salamo baliau sudah tuo, tida' basuo itu laï.
Tasabui pulo kato nan tadi. Adapun didalam nagari 'tu, uranglah sudah bamupakat, mantjari djalan karinganan, mampaténggangkan ana' buah, supajo baban bulieh ringan, ama' badiri kamadjuan, diubah adat nagari.
Pado maso kutiko itu, adolah Bagindo Kajo, paï pulo injo kasanan, iolah kadalam balai gadang, mahadieri mupakat itu, ganti Datue' Radjo Pangulu, djadi wakie mutala'njo, Alah sudah urang mupakat, pulanglah [ 21 ]urang kasamonjo, katampe'njo masieng-masieng. Tasabui' Bagindo Kajo, babalie'njo dari sanan, païlah injo kamama'njo, ka Datue' Radjo Pangulu. disurau Batu nan Gadang. Lamo sabanta injo didjalan, sampailah injo kasurau 'tu; alah lalu naie' sakali, didapati diateh surau, tida'lah ado urang lain, banjo datue' 'tu surang sadjo.
Alah sabanta injo tibo, bakato Bagindo Kajo, mangadap pado mama'njo, lalu bakaba anjolaï, mangabakan mupakat tadi, lalu disabui' samonjo. dari awa sampai kaakie, apo buah mupakat 'tu, satupun tida' katinggalan. baie' hukuman nan dibuē', kalau ado urang malangga, nan sapandjang mupakat 'tu. Mandanga tjurito Bagindo Kajo, tantangan mupakat 'tu, tamanuanglah Datue' Radjo Pangulu, sapatah tida' injo manjahui', malainkan baliau manakue sadjo, sambie manggēlēng-gēlčng katjie”. ‘alamat ado nan baliau pikiekan.
Alah salasai Bagindo Kajo, mantjuritokan buah mupakat 'tu. batanjolah injo kapado mama'njo, iolah Datue' Radjo Pangulu:
,,Ba' apokoh itu pikieran datue', nan sapandjang mupakat kami, laikoh elo' nan ba' itu, atau adokoh itu salahnjo? Ko' pandjang ama' datue' kare', ko' barubah datue' baiki, ba' ato datue' ano-ano' sadjo."
Mandanga tanjo Bagindo Kajo, mandjawab Datue' Radjo Pangulu. sambie mangalueh maharang pandjang: Hai bujuang, ko' hanjo tantang buatan urang 'tu, ko' pandjang tida' akan takare, singke' tida' akan tahubuang 'tu de' hambo, karano rundieng alah habih, kato alah sudah.
Ba' ato kini nan pitaruah hambo kapado ang, nan sahinggo iko kaatéh. himat-himatlah babitjaro, sabab ang alah gadang. Lah tjadie' pandai pulo djanjo urang, alah dibao urang sahilie samudie' sadudue' sataga', alah ka tuo pulo ba' rupo hambo 'ko laï, ko' mati awa' hambo. awa'anglah nan kan manggantikan hambo djadi pangulu.
Ko' sampai ang djadi pangulu, kalau apo-apo nan ka dibué', pikieri banalah dahulu, timbang mularat djo mupa'atnjo, apo-apo rundiengan usahlah sahimbau sampai, salangkah tibo sadjo; bara ko' êlo' bana tampa' de' mato, atau taraso de' hati, tapi antah ado pulo burue'njo. karano tio'-tio' nan elo' 'tu, ado pulo nan burue' didalamnjo, dan tio' tio' nan burue' 'tu, usah pulo dibuang sadjo; kadang-kadang banja' djuo elo'njo. Kabanjakan pulo nan ba' itu, sabab kato-kato pangulu 'tu, satitie' kadjadi laut, sakapa ka djadi gunuang, ka dipakai dé' urang banja', ka didjawe' turun-tumurun, de' ana' tjutju nan kudian.
Pikielah itu de' ang, urang djadi pangulu 'tu, ninie' mama' đe' nan bana, pai ka bakeh batanjo, pulang ka tampe' babarito, ka mamaliharokan ana' buahnjo, akan gubalo patang djuo pagi; bukan gubalo kabau djawi, hanjo gubalo urang banja', talinjo 'adat djuo limbago, akan Mustiko 'Adat 'Alam Minangkabau. [ 22 ]memaliharo kampuang halaman, akan memaliharo harato bando, akan manimbang burue' djo baie', mangatahui mularat djo mupa'at, nan tapantjie awa' nan ka mampakampuangkan, nan badarai awa' nan ka manjusun, baie lahie ataupun batin, samonjo itu tangguangan pangulu balako
Ko' salah buatan awa', binaso ana' kamanakan, binaso korong djo kampuang, malimpah kadalam suku, mularat masue' nagari, namo burue' disabui urang, ana' kamanakan bulieh malu salamonjo. Alangkah susah itu bujuang, urang nan djadi pangulu 'tu?
Kalau tumbueh dikarapatan, tibo dirundieng nan basamo, tantangan 'adat djo limbago, nan dibao kato baïo, usah dirabo-rabo sadjo, ko' lama' djangan dimakan sadjo, ko' pahi' nambe' diluahkan, malainkan djoko' apo-apo bitjaro, nan balun tantu bana ēlo' burue'nso, bao bapikie sakutiko, ko' buliEh sahari duo, timbang mularat djo mupa'at, kadji dahulu awa akie, kamano taalue' kato itu, tantukan bana itu dahulu, kalau burue' akan dibuang, djoko' elo' nan ka dipakai, sabab pitua urang tuo: Adapun kato ado pangkanjo, djoko' angin ado puhunnjo, kalau hudjan ado asanjo.
Pikieri itu dahulu, pikie itu palito hati, tanang itu sarugo aka, pandapē' inda' sakali tibo, pangana tida' sakali datang, kana dahulu djalan surui', mangko ka lalu kahadapan, ba' itu karadjo mangko salamat.
Apo-apo pakaradjaan, tida' djadi diburu sadjo, labieh baie' dangan basanang, ama' dape' djalan nan haluih, bukannjo sanang diam sadjo, hanjo sanang didalam mamikieri: djoko' dibao sanang diam, itu 'alamat ka tjilako: apo karadjo ta' mandjadi, kalau dibao lalai lēngah; malainkan karadjo nan mandjadi, tida'lab buliEh dilupokan, hanjo diburu nan ta' bulieh mandjalang dape' nan salasai. Kalau lah tantu elo' burue'njo, patui' itu disugirokan, ama' lakéh karadjo djadi; mangko ba' itu kato hambo, hambo 'ko urang lah tuo, alah marasai sadja' katjie', alah banja' rupo hambo lie'."
Mandanga kato mama'njo 'tu, tatjanganglah Bagindo Kajo, heran nan bukan alang-alang, sapatah tida' pandai babuni, bagai ditumbue' patuih tungga, pantun dihanta' alu luntjuang, alah kusui' raso pikierannjo, sambie bapikie dalam hati: „Ba' apo iko garan salahnjo, mako ba' itu djawab baliau, sarupo urang tida' suko, mandanga mupakat urang 'tu? Nan dari salamo iko, tida'lah panah nan ba' itu, kalau apo-apo dikabakan, baie burue' atau elo', apo apo mupakat urang, baliau labieh manjukokan, ko' pandjang baliau karë', ko' singke' baliau hubuang, tida'lah ado nan ba' iko, hanjo nan sakali iko, asieng bana djawab baliau, sarupo tida' manjukokan. Apokoh garan salah sili'njo, nan taraso de' baliau, mangko ba' itu kato baliau? [ 23 ]Nan pandape hati awa', tantangan mupakat itu, itulah rundieng élo' bana, nan sampi' mandjadi lapang, nan bare' mandjadi ringan, malapangi ka urang banja'; de' baliau tida' katudju, itu nan hēran hati awa'."
Alah sabanta injo bamanuang, mamikiekan kato nantun, bakato Bagindo Kajo: Sapandjang pangadjaran datue' nantun, itulah bana samonjo, alah paham itu de' hambo, ato hanjo akan sabuah, nan sakarang kini nangko, maminta' hambo pado datue', batanjo tantangan mupakat kami 'tu ba' apo salah sili'njo, apokoh itu mularatnjo? Tida'lah hambo mangarati, ba'apo djalannjo itu kini, mangko ba'itu' kato datue', sarupo tida manjukokan, dalam mupakat kami itu. Apo banakoh salahnjo? Datue' tarangkanlah di hambo, supajo hambo ama' tahu, apo mularat mupa'atnjo, ba'a bana burue' baie'njo.'
Mandjawab Datue' Radjo Pangulu, sambie mangalueh maharang pandjang: „Hai bujuang, ko' hambo sabui' bana kini ko, apolah akan gunonjo laï, karano urang alah sudah mupakat. hambo 'ko urang lah tuo, akan masue' tanah anjolaï. Djoko' sautano hambo laï manggarai djuo, ba' rupo ang kini ko, sabuah tida' nan katudju itu de' hambo, mupakat urang nan ang sabui' 'tu; bukantoh hambo de' barado, bukantoh hambo de' laï, awa' ang lah samo tahu, tipa' di suka misikin kito, sundui'-basundui' dari ninia', basawah tida' aga' sapirieng, kan bakèh sipasin batanjo, ko' ladang tida' aga' satampo', ka tampē' kuririe' manggalungguang, améh pēra' djaneh sakali, suka nan bukan alang-alang, hidui' diudjuang gurun urang.
Sunggueh ba'itu kato hambo, kalau dipandang salintēh lalu, iolah elo' nan ba'itu, samonjo mandjadi ringan, murah sagalo pakaradjaan : tatapi pulo itu bujuang, kalau dikadji sabalie'njo, ditimbang mularat djo mupa'at, dikadji labo dangan rugi, basa bana mularatnjo. sundui'-basundui' sampai isue', mantjilako kaana' tjutju, marusa'kan kampuang halaman, 'alamat kusui' kamudian, kini ba' apo itu laï, sabab urang lah sakato, kamano kito akan lari, ba'apo takadie anjolaï.
Dalam pikieran hati hambo, ko' hanjo mantjari kalapangan, mampaténggangkan ana' buah, itu pikieran mulie bana; kalau basuo nan ba'itu, patui' dipudji siang malam, disambah patang djo pagi. Tatapi pulo itu bujuang, djarang basuo maso kini, urang mangana ana' buah, dalam saratuih maha sapulieh, dalam sapalueh maha surang, hanjo nan banja' hambo lie', nan basuo masa kini, alēmu mangaui' dipakaikan, bapantang nan ka manula', hanjo marangkueh balako, dilahie sarupo tida', dibatin mangguntieng angin, bapantang kanai bajang-bajangnĵo, sapantun biso kaju rangeh.
Sungguhpun itu damikian, nan kiro-kiro hati hambo, kalau tantang adat limbago, nan masue' kato pusako, atau katjupa' nan usali, tida' [ 24 ]Page:Mustiko Adat Alam Minangbakau.pdf/24 [ 25 ]adat lamo, nan bapakai dalam nagari. Djoko' usaho dipakuē', saparati bahuma djo batahun, atau badagang baniago, mano nan maléh disalahkan, mano nan radjin dikasiehi, usah tulangnjo dipalamah, dipudji baie' karadjonjo, maulēh djangan bakasan, mambuhue djangan babuku.
Elo' 'adat dipakareh, ama' kue' urang mantjari, ama' kuē' urang bausaho, mantjari pitih kiri kanan, ama' gadang malu dē' injo.
Kalau karêh ‘adat nagari, kue' urang mantjari uang, bausaho kasano sini, nan ka palawan dunie urang, paisi adat djo limbago, nan tumbueh dalam nagari, bagai amangan urang tuo:
Itulah kato sabananjo.
Kalau io handa' mantjari kabaikan, bukan sabuah ado pintunjo, rupo-rupo bulieh dibuë', asa lai kato samupakat; djoko' handa' mantjari uang, supajo sanang ana' buah, ama' kajo isi nagari, dipabanja' djalan uang, djalannjo masue' kanagari, dipasampi' djalan kalua.
Tjubolah ang pikie-pikie! Padusi banja' nan sanang, satupun tida' karadjonjo, hanjo batana' djo manggulai, nan disesokannjo patang pagi. Djoko batanun dikarêhkan, mambue' ragam rupo kain, kain bugih kain palëkat, usah awa' mambali djuo, baie'pun tjēla dangan genggang, nan ka dipakai tio' hari; ba'itu djuo kēpa djo pansin, disurueh bue' de' padusi, kapado dansana' sudaro, ataupun ana bini awa'. Djoko' mambali usah djaueh, ëlo'lah samo-samo awa', labieh dan kurang ta' mangapo, tida kamano akan païnjo, ameh bakisa masue' tabuang, mano nan pandai ama' mandjua, atau mamakai buatannjo, nan tida' bia mambali, asa laï somo-samo awa', tida' kamano paï uang.
Disalokan kapěh djo banang, manggantieh dangan manuriang, itu maluli djo mangaro', atau manakat manarawang, baie' mangajam kampie djo lapie', itu karadjo parampuan, nan dudue' tingga dirumah. Namun tanamo laki-laki, bausaho kasawah ladang, atau badagang baniago, baie' mangimpau djo gubalo, asa djangan sanang diam sadjo, dibari batako' kasamonjo. Alangkoh elo' nan ba'itu? Tjubolah timbang djo hati ang !
Dibalie' dibalah pulo, tantangan mupakat tadi, maubah ‘adat nan tigo 'tu, apo bana mularatnjo, apo bana marusa'njo, itu djuo nan ang tanjokan: usahlah hambo manjabui'njo, asieng urang lain pandapê'. [ 26 ]Page:Mustiko Adat Alam Minangbakau.pdf/26 [ 27 ]tjadie' pandai. Tjubolah pikie di hati ang! Urang datang awa' ka paï, urang sangadjonjo kapado awa', barapo ka susah dalam hati? Awa' na' lakeh urang tibo, labieh-labieh nan bakèh malu, tantu babalie' pulo dudue', bago maroko' aga' sabatang, berundieng duo tigo patah, malalaikan karadjo djuo, itu susahnjo tjadie' pandai, tipa' dibangso kito iko.
Pado pikieran hati hambo, nan ělo' kito pakaikan, binguang usah dipabue', tjadie' usah talampau bana, ko' sahinggo djadi pangulu, sadang elo' patangahan; anam sipat nan ka dipakai, itu pakaian dē' pangulu.
Adapun sipat nan paratamo, urang nan ka didjadikan pangulu 'tu, dipilieh urang nan labieh 'akanjo dalam sakaum-kaumnjo.
Nan kaduo, patui' injo baalēmu, mangatahui lahie djan batin, laku parangai ana' buahnjo, baie' bilui' atau badue, ko' pandjang injo nan ka mangarë', ko' singkē' injo nan ka mahubuang, tida'lah bulieh dilengahkannjo, sagalo kaum kirabatnjo, urang nan satu pangulu 'tu, baalēmu pulo injo disanan, tantangan 'adat djo limbago, nan tapakai dalam nagarinjo, tahu pulo di awa akie, dalam sagala karadjonjo, itu namonjo baalēmu.
Nan katigo, handa'lah injo basipat kajo, kajo injo pado akanjo djuo, artinjo tida' kakurangan pada aka djo budi.
Nan kaampe', basipat murah kapado sagalo handai tolannjo, laki-laki parampuan, lagi murah pulo kapado piha' bakato-kato, mului' manih basonjo baie', manundjue'kan djalan nan luruih, managahkan djalan nan bengko', kue' kapado kabaikan, hado' kapado ana' buahnjo, manundjue'kan djalan usahonjo.
Nan kalimo, bahati saba kapado sagalo handai tolannjo, baie' pulo tingkah lakunjo, nan ka ditiru tuladan ulieh sagalo urang banja'.
Nan kaanam, inge' kapado sagalo karadjonjo.
Itulah sipat nan anam, nan wadjib pado pangulu, nan tida' djadi ditinggakan.
Balainan urang mamarentah, djadi radjo dalam nagari, ataupun bangso saudaga, urang baniago gadang, patui' baguru tjadie' pandai, mangatahui nan suli'-suli', mangadji labo dangan rugi, nan ka mandjadi kauntuangan, sabab itu nan karadjonjo, pamënan patang djo pagi.
Sunggueh ba'itu kato hambo, usah taga' disitu sadjo, patui' djuo kito baguru, alému dunie duo tigo, nan ka mambari kabaikan, ataupun djalan ka achirat. Supajo kito baalēmu, ka djadi poko' pantjarian, kajo Allah siapo tahu, untuang suratan nan ka datang, djangan awa' baputuih aso, antah ado djandji dahulu, kito sakadar manapati, antah badagang baniago, antah mah dudue' mamarentah, mahukum dalam nagari, Allah ta'ala kajo sunggueh, babue' barang sakahanda'njo: kalau injo akan membari, tida' bapintu djalan datang, itu sabab patui' baguru, mantjari [ 28 ]Page:Mustiko Adat Alam Minangbakau.pdf/28 [ 29 ]Alah sudah injo bapikie, alah habieh sirieh sakapue, bakato Datue' Radjo Pangulu: „Mano ang Bagindo Kajo, kalau itu kahanda' hati ang. bulieh pulo hambo tarangkan, sado nan dape' de' hambo, didalam 'adat nan tigo 'tu, apo mularat mupa'atnjo, nan ka timbue kamudian, kalau itu kito buangkan.
Tatapi kini ko balun mungkin, sabab hari lah rambang patang, barisue' sadjolah ang kamari, disiko malah makan pagi, amai ang 'kan pai kasawah."
Sadanglah Bagindo Kajo, mandanga kato nan ba'itu, gadang hati bukan kapalang, raso mandape' gunuang intan, baminja'-minja' rupo muko, bagageh sadjo injo mandjawab: „Malah ba'itu kato datue'. barisee' malah hambo kamari."
Sudah bakato nan ba'itu, harilah patang anjolaï, lalu injo sambahjang asa alah sabanta sudah sambahjang, tibo pulo ukatu mugarib, dama tapasang anjolaï, sambahjang mugarib pulo disanan, sampailah pulo ukatu ‘isa; alah sudah sambahjang 'isa. baru pulang Bagindo Kajo, pulang karumah ana'njo, iolah kakampuang Talue' Dalam, disitu kampuang parampuannjo, banamo si Bungo Tjajo, kamanakan Datue' Bandaro Mudo.
Lamo sabanta injo didjalan, sampailah injo karumahnjo, alah lalu bale' sakali, didapati diatēh rumah, nasi lah sudah talata', sarato kopi salangko'njo.
Alah sabanta injo tibo, lalulah makan anjolaï; alah sudah pulo minum makan, dudue'lah injo djo ana'njo, banamo si Bungo Kapēh, batanjo ana'njo kapadonjo: „Paï kamano bapa' tadi, sadja' pagi tida' pulang. hambo lah panë' de' mananti, lah duo kali hambo batana', bapa' ta' pulang-pulangnjo."
Madjawab Bagindo Kajo: „Awa'den kasurau ninie'kau, ado karadjo den disitu."
Mandanga djawab bapa'njo 'tu, diamlah si Bungo Kapēh, tida' injo batanjo lai, hanjolah dudue' mandjahi' sadjo, mambue' solam sapu tangan, batakat djo banang ameh, batabue djo api-api, dilië' djuo de' bapa'njo. Kito-kiro pukue sapulueh, alah tidue si Bungo Kapeh, tiduelah urang samonjo, nan sarumah-rumah itu, surangpun tida' nan tingga laï.
Tasabu' Bagindo Kajo, hari nan samalam itu, sakalo' mato tida' tidde. rintang bapike-pikie sadjo, mamikiekan kato nan tadi, apokoh garan mularatnjo, didalam 'adat nan tigo 'tu, mungko ba'itu kato datue', itu djuo nan dipikienjo; aga' ditjubo dipitjingkan, tida' djuo mato takalo'. Pikieran juo babalie', kira-kiro kakiun sadjo, dinanang djuo dalam hati. [ 30 ]Page:Mustiko Adat Alam Minangbakau.pdf/30 [ 31 ]Alah sudah nasi talata'. kopi lah sudah baisi, bakato si Gandan Sari Makanlah Bagindo sadjo, itu nasi alah talata', kopi lah hambo isi, kami lah mananti djuo, de' lambe' Bagindo datang. kami lah makan dahulu, sabab hambo kapai kasawah, pagi-pagi hambo batana', nasi lah dingin itu kini, adie' Bagindo lah dahulu."
Mandjawab Bagindo Kajo: „Hambo baru sudah makan, pailah amai kasawah! Hari lah tinggi iko kini, urang lah banja' nan pai."
Maningkah pulo amainjo: „Makanlah Bagindo barang sado, samantaro hambo bakamēh, ama' bulieh hambo simpani,"
Manibaleh Bagindo Kajo: „Hambo usah amai susahkan, pailah amai kasawah, hari basarang tinggi djuo."
Mandjawab pulo amainjo: „Ko' lambe' hambo babalie', ko' Bagindo handa' minum kopi, surueh malah urang mahabuih. itu sabue' didalam tabuang, paminum kopi diatëh dulang, basaho' djo tudang aie", tarie' sadjolah de' Bagindo." Tinggakan sadjolah disitu, pandai
Mandjawab Bagindo Kajo: hambolah ba'ēko, pailah amai kasawah!"
Dalam sabanta itu djuo, bakamēh si Gandan Sari, nasi lah sudah dikambui', samba lah sudah batungkuih, diisikan kadalam katidieng, sarato daun pisang batu, dangan sirieh salang ko'njo. Didjindjieng pulo katidieng gulai, badjalan turun sakali, dipandangi hari lah tinggi, badjalan bagageh-gageh.
Ado sabanta antaronjo, sapaningga si Gandan Sari, bakato Datue' Radjo Pangulu Mano ang Bagindo Kajo, tantangan rundiengan nan kapatang, ko' io ang handa' tahu bana, didjalan sapandjang ‘adat, dangakan de' ang sungguh-sungguah, masue'kan kadalam hati. Hambo 'ko sudahlah tuo, tida' kan lamo hidui' laï, antah patang antah pagi, djandji nan tida' tatantukan, harap hambo tida' nan lain, hanjolah awa'ang surang sadjo. nan ka manggantikan diri hambo; kalau tida' ado hambo, èlo-elo' babitjaro, fantukan korong kampuang awa', paga djo 'adat dio limbago! Ba'itu karadjo mungko salamat, ba'itu urang haraka, mamaliharo korong djo kampung, sarate kari' djo kabiehajo: 'adat bakampuang manolong kampuang, ‘adat basuku maunlong suku, 'adat banagari manolong nagari, 'adat haluha' manolong luha', pado tampatajo masteng-masleng, dikatahui korong dangan genděng, dipakai malu djo sopan; kalau tida' ka ba'itu, Pakurang-kurang manusie, usah marusa'kan badan diri.
Kalau awa' djadi pangulu, sakurang-kurang karadjonjo, mangatahui awak buahajo, nan tapantjie dipakampuangkan, nan badarai disusuni, didjago mularat mupa'atuje. ama' aman kampuang halaman, ba'itu 'adat banagari. [ 32 ]Kini dangakanlah de' ang, ama' hambo tjurai hambo papakan, nan taraso di hati hambo, tantangan 'adat djo limbago, kamari-marilah ang dudue'."
Mandanga kato mama'njo, mandake' Bagindo Kajo, mangadap pado: mama'njo; dalam sabanta itu djuo, datang pulo urang surang, lalu naie' injo sakali, tida' mahimbau dari halaman. Mamandang Bagindo Kajo, dangan Datue' Radjo Pangulu, kironjo si Budjang Paman, kamanakan Datue Radio Pangulu djuo, badunsana' ibu djo Bagindo Kajo. Batanjo Datue' Radjo Pangulu, kapado si Budjang Paman:,,Dari mano ang tadi?"
Mandjawab si Budjang Paman: ..Hambo dari dangau sadjo, maantakan dadieh ka de' Datue', kabau baru hambo parah, antah lama' antah tida'; iko sirieh lai sakabe', pinang lai ampe' sapieh, kawa balun hambo bao, sabab balun masie' amē' !" Lalu diundjue'kannjo sakali, dadieh itu dangan sirieh, ka Datue' Radjo Pangulu, tasanjum Datue' Radjo Pangulu: ..Mangapo disiko ang lata'kan? Lata'kan disudui' etan, sandakan sadjo lah disitu elo'-elo', sirieh 'tu bao kamari!"
Sadang de si Budjang Paman, alah disandakannjo dadieh nantun. sirieh pinang dibao katangah, dibarikannjo kamama'njo.
Bakato Datue' Radio Pangulu, sambie mandjawe' sirieh itu: ..Ko' balun awa'ang nakan, itu nasi lai basaho', tarie' sadjolah de' ang, amai ang lah pai kasawah."
Sadang de' si Budjang Paman, tida' badjawab kato itu, dibuka sadjo saho' nasi. lalu dudue' makan sakali, tida' injo babuni-buni. Alah sabanta antaronjo, sudahlah injo minum makan, lalu dibasueh pulo pinggan. ditungkui'kan diateh indjo'. Mamandang Datue' Radjo Pangulu.dilie'njo lah sudah makan, mahimbau injo ka si Paman:,,Ko' alah sudah awa'ang makan, marilah kamari ang dudue', ado rundieng nan ka den sabui', saho' sadjolah nasi nantun!"
Mandanga kato mama'njo, alah mandake' si Budjang Paman. dudue' mangadap kamama'njo, dikida Bagindo Kajo. Bakato Datue' Radjo Pangulu, sambie mangapue-ngapue sirieh,dibuka' pulo tali gobe', dima sucikan sirieh sakapue, lalu dikuntjang girie'-girie', sadang mangunjah-ngunjah pawa, bakato Datue' Radjo Pangulu: „Dangakan djuo dē' kalian, baie' de' ang Budjang Paman, ama' samo hambo adjari, bago ko io awa' urang didangau, patui' djuo baguru-guru, mandanga-danga urang barundieng, ama tabuka' kiro-kiro, ama' tahu di burue' baie', 'adat urang dalam nagari.Adapun adat djo limbago, itu barih djo balaběh, nan dipakai urang kini 'ko, tio'tio' nagari nangko, ‘adat nan turun-tumurun, dari ninie' [ 33 ]Katumangguangan, dangan Parapatieh Nan Sabatang, balainan 'adat tiru-maniru.
Sagalo 'adat-'adat itu, dibuē' urang tuo-tuo, ko' burue' ado elo'njo, kalau rugi manantang labo, namun djarieh manantang bulieh; tida'lah injo sio-sio, kalau tida' ka bamakanan, tida' itu mandjadi 'adat.
Mulo-mulo urang mambue' sagalo ‘adat limbago 'tu, tida'njo dapē' sahari, tida'njo dape' duo hari, tida'njo sudah sapakan, sampai babulan djo batahun, urang manimbang burue' baie'njo, apo mularat mupa'atnjo. sudah ditintieng dikarisai, sudah diudji dibandiengnjo, ditjari dangan kato mupakat. Kalau lah sudah dape' mupakat, bule' lah bulieh digolē'kan, pipih lah bulieh dilajangkan, dipati djo sumpah satie nan tida' ka ubah-maubahi, lalu kapado ana' tjutju, tato' salamo-lamonjo, nan salamo gaga' hitam. salamo aie hilie djuo, salamo gunuang Marapi badiri, ba'itu buatan urang tuo, maso mambue' 'adat itu.
Kalau siapo maubahi, atau maromba' adat nantun, lalu kapado ana' tjutju, awa'njo kanai biso kawi, sumpah satie nan tuo-tuo; kaatëh tidak baputjue', kabawah tida' baure', ditangah dilarie' kumbang, hidui' sagan mati ta' amueh, ba'itu tagueh buatannjo, urang tuo maso dahulu.
Alah sudah djandji dikarang, alah sudah mupakat dibuě', barulah urang musahuekan, kapado nagari nan banja' 'ko. sa-'Alam Minang kabaunjo, sampai karia' nan badabue, salingkaran pulau Amēh 'ko, sahinggo laui' nan sadidih, nan tida akan ubah-maubahi, ka dipakai turun-tumurun. tato' salamo-lamonjo. Ba'itu buatan urang tuo, iolah ninie' mujang kito, nan turun dari Pariangan, nan barasa dari banua Ruhum, dibao ninie' Sari Maharadjo, 1) nan manape' dipuntja' gunuang Marapi, lalu kapulau Langgapuri, antaro buki' Siguntang-guntang Maha-mere, antaro Palembang dangan Djambi, takarang parahunjo 'tu disinan, tadjatueh mangkuto masue' laui', nan dibao dari banua Ruhum, disalami arang pandai salamı, kironjo dipalui' ula bidai, tida' dapē' diambie laï.
Dalam kutiko urang manjalam, radjopun tidue maso itu, radjo batigo badunsna', nan samo datang dari Ruhum, tiduelah injo katigonjo.. Babalie' urang nan manjalam, dikatokan ka Tjati Bilang Pandai, banamo Tjati Renosudah, bahasa mangkuto 'tu sudah dipalui' ula bidai, tida' dapé' diambie laï, Bapikie Tjati Bilang Pandai: diambie' ameh sindjato ii. dibue' mangkuto sanggohani, sarupo nan djatueh tadi, sadiki' tida anan, itulah ganti mangkuto 'tu; alah sudah mangkuto tu, tukang dulu ameh anjolaï, tida' dape' ditiru laï.
Pado maso katiko itu, tabangun surang radjo tadi, nan banamo Sutan
Kemudian kiamat Nabi Allah Nuh. [ 34 ]Sari Maharadjo Diradjo, diambie'njo mangkuto tu', djadilah djatueh katangannjo.
Kamudian dari itu, tabangun pulo nan baduo, diliē'njo mangkuk itu, sudah diambie' de' nan bungsu; sabab karano dari itu, djadi maranjue' nan baduo, sanan baragieh anjolaï. Iolah Sutan Maharadjo 'Ali itulah radjo nan tuonjo, babalie' injo ka Ruhum, mandjadi radjo injo disanan, Parantjih djo Anggerih, djadi ta'alue' djadjahannjo, io Makkah djo Madinah, injo mangaku makanannjo. Iolah radjo nan tangahnjo. nan basamo Sutan Sari Maharadjo Depang, balaie kabanua Tjino, mandjadi radjo pulo disanan, kudo ameh kabasarannjo, malèwè' lalu kaudaro Nan Sutan Sari Maharadjo Diradjo. balaie pulo dari sanan, dangan parahu kaju djati, mambao urang anam baleh urang, sarato saikue ku tjieng Siam, saikue pulo andjieng mu‘alim, saikue pulo harimau tjampo, saikue pulo kambieng hutan, tatape' injo kagunuang Serang, tampe'njo dipulau Djao, patjah parahunjo 'tu disanan, djadi manitah radjo tadi manjurueh baieki parahu 'tu, kapado urang isi parahu. Siapo tjakap mambaiki, akan parahu nan patjah 'tu, diambie' djadi minantu, ba'itų djandji radjo tadi. Sabab mandanga titah radjo, djadi bakokoh nan tjadie' pandai, dibaieki parahu nantun, sampai kumbali ba' nan lamo, balimo urang nan karadjo. Antah barapolah lamonjo, balaie pulo dari sanan. manudju karang mandjarodjo', hilang timbue ditangah laui', dilamun alun djo galombang tampa' tagelang dari djaueh, ado sagadang talue ajam. mandjorodjo' ditangah laui', ditudju djuolah kasanan. Tida' barapo antaronjo, sampailah pulo injo kasanan, kironjo ado tanah leba, bulieh ka tampë' bakëh diam. itulah puntja' gunuang Marapi, lalu diam pulo disanan. ioloh ninie' Sari Maradjo, dangan sagalo urang tadi.
De lamo bakalamoan, laui' alah manjinta' djuo, batambah laweh bumi Allah; kamudian dari pado itu, balaie pulo radjo tadi, iolah kapulau Langgapuri, lalu diam pulo disanan. Antah barapolah lamonjo, balaie pulo dari situ, ditinggakan satangah ana' buah, nan ka maunji pulau nantun, itulah asa urang Palembang,
Adopun radjo nan tadi, dari pulau Langgapuri, babalie' kagunuang Marapi, alah diam pulo disitu. De' lamo-bakalamoan, manurun pulo radjo tadi, sarato hambo ra'ajatnjo, arah kakaki gunuang itu, mambue' tampe pulo disanan, dinamoinjo Galundi nan Baselo, sabab baselo galundi sanan. Alah manato' pulo disaman, lalu babuē' rumah tanggo, dikali sumue tampé' mandi, dibee' pulo sawah sapirieng, sawah gadang si Tampang Banieh, itulah namo sawah nantun.
Laulah pulo antaronjo, awa' batambah rami djuo, alah sasa' pulo kampuang itu, bapindah pulo radjo tadi, sarato hambo ra'ajatnjo, kapado [ 35 ]sabuah gugue', dikiri Galundi nan Basēlo tanahnjo data ba' ditampo, ēlo lērēngnjo sanda lamang, babue' koto pulo disanan. dinamoinjo Paurungan, sabab lah baurung pulo kasanan, De' êlo' tampē' disitu, alah riang urang samonjo. De' lamo-bakalamoan, urang batambah rami djuo, batambah riang anjolaï, batambah mulie radjo tadi, disambah hambo ra'ajatnjo. Bapikielah Tjati Bilang Pandai, dinamoinjo kampuang nantun. iolah kampuang Pariangan, sabab salamo diam disanan, urang batambah riang sadjo.
Kamudian dari itu, adolah pado suatu hari, datanglah urang dari laui', balaie masue' kasitu; malie' rupo urang nantun, sarato alat pakakēhnjo, heranlah urang Pariangan, patui' nan bukan alang-alang, balunlah ado maso, itu, urang nan datang dari laui', hanjolah itu mulo-mulonjo.
Lalu manitah radjo tadi, sarato Tjati Bilang Pandai, disurueh sambui' urang itu, didjapui' basamo-samo, dibao karumah radjo, dimuliekan pulo urang itu.
Ado tasabui dalam tambo. ruso nan datang dari laui'. didjare' basamo-samo, itu kato kiasan sadjo, nan sabananjo urang nan datang didjapui' basamo2, dimuliekan urang itu. Atiati Warman kunun namonjo, itu nan djadi pangulunjo, datang basamo ana' bininjo, urang Hindustan itu asanjo. urang Sakawa' *) pangiriengnjo, dinagari Labuang tingga radjonjo.
Adokoh luluh pado angan, ruso ka datang dari laui', bukankoh ilu mustahie, hanjo itu kiasan sadjo. De' lamo-bakalamoan, kambang pulolah urang Hindu 'tu, sarato urang Sakawa' tadi, djadi batambah rami djuo, akan kampuang Pariangan 'tu.
Sabab lah rami kampuang disitu, bapindah pulo dubalang radjo, nan panjandang padang nan pandjang. kasabalah kanan Pariangan, dirambahnjo pulo rimbo disitu, mambue' rumah injo disanan, iolah didakē batu gadang. Malië' rupo damikian, batambah riang anjolaï, bunja' pulo urang bapindah, mambue' rumah katampe' itu, manuruti' dubalang radjo tadi. djadi bakampuang pulo disitu. Bapikie pulo Tjati Bilang Pandai, dinamoinjo kampuang nantun, iolah kampuang Padang Pandjang: karano satali kadnonjo, djadi nagari anjolaï, dinamoi nagari Pariangan Padang Pandjang, ulich Tjati Bilang Pandai, dangan Datue' Sai Diradjo.
Kamudian dari itu, mupakat pulo anjolaï, iolah Datue' Suri Diradjo, dangan Tjati Bilang Pandai; rapelah kampuang nan duo 'tu, Pariangan dan Padang Pandjang, ditanam urang ka djadi pangulu, akan gubalo urang banjak, akan tampé' maminta' hukum kabanaran, mamarēntah dibawah radijo.
Hang Sakawn" urang Saka' aratinjo urang laui'. [ 36 ]Alah dapē' kabulatan, ditanam Datue' Bandaharo Kajo, untue' didalam Pariangan, Datue' Maharadjo Basa, untue' didalam Padang Pandjang itulah pangulu nan bamulo, didalam pulau Aměh nangko sabalun Datue' Katumangguangan, dangan Parapatieh Nan Sabatang.
Lamolah pulo antaronjo, kamudian dari pado itu, mupakat pulo anjolaï, isi kampuang Pariangan, sarato dangan Padang Pandjang, dibue' balai tareh djilatang, dibari baparan aka lundang, akan tampë' maminta hukum ka‘adielan, ka tampe' radjo djo pangulu, mantjari kato kabanaran. bakeh manimbang burue' baie', dibue' tataran saga djantan, dibuē' tabueh pului'-pului', nan panggantang djangë' tumo, dibuë' gandang saliguri, dangan tjanang Sutan Djanab, sarato aguang basimomo', buatan djihin sigulambai, nan diam dirimbo rawang, dibuě' pulo lapie' hilalang, akan pahiĕhi balai nantun, kabasaran radjo djo pangulu. Pado maso duaso itu, alah langko itu samonjo, sukolah pulo isi nagari, sarato radjo djo pangulu.
Kamudian dari itu, dibuë' pulolah musadji', akan tampe' badjuma'at, tampe maminta' hukum kitabu'llah: alah tjukui' itu samonjo, batambah suko anjolaï.
Kamudian dari itu, lalu baistiri radjo tadi, io kapado Puti Endah Djuliah, barana' saurang lak-laki, banamo Sutan Paduko Basa. Antah barapolah lamonjo, nagari hatambah rami djuo, matilah radjo nan tadi. di Pariangan Padang Pandjang; kamudian mati radjo itu, bakawin pulo Puti Endah Djuliah, dangan Tjati Bilang Pandai, nan banamo Indo Djati, barana' baduo laki-laki, barampē' urang parampuan. Akan ana' nan laki-laki, surang banamo Sakalo' Dunie, nan surang banamo Sutan Balun; sadangkan ana' nan parampuan, nan suluang banamo Puti Reno Sudi. dan surang banamo Puti Rēno Mandi, surang banamo Puti Reno Djudah. nan bungsu banamo Puti Djamilan. Lamolah pulo antaronjo, mupakat pulo anjolaï, diangkē' ana' radjo tadi, djadi pangulu maso itu, sabab injo sudahlah gadang, nan banamo Sutan Paduko Basa, bagala Datue' Katumangguangan, diangkë' pulo itu sakali, nan ana' Tjati Bilang Pandai, nan banamo Sakalo' Dunie, bagala Datue' Parapatieh; diangkë' pulo nan surang laï, nan banamo Sutan Balun, bagala Datue' Sari Maharadjo Nan Banago-nago, saïbu injo katigonjo, itulah injo ninie' kito, sa'Alam Minangkabaunjo, nan mandirikan 'adat djo limbago, nan mambue' tjupa' djo gantang, man manjusun nagari-nagari 'ko.
Kamudian dari itu, balaie Datue' Parapatieh, io kahulu batang Mua, mandapë' injo kaju sabatang, ditangah-tangah laui' gadang, baisi pahe' djo papatie, langko' balako didalamnjo; sabab karano dari itu, kumbali dari batang Mun, djadi bagala anjolaï, iolah Datue' Parapatieh Nan Sabatang (sabatang kaju). [ 37 ]Adapun ninie' nan batigo 'tu, urang kiramat hidui'-hidui', musahue sampai sakarang, apo-apo nan dibué'njo, mandjadi balako kasamonjo, namun di-'Alam Minangkabau 'ko, sadja' dahulu sampai kini, tida' ado tulue' bandengnjo, tjadie' nan bukan alang-alang, bananjo paguno balako, io ninie' nan baduo 'tu, batigo dangan Sari Maharadjo, apo 'adat nan dibue'njo, tida'lah dapë' diubahi, lubue' ‘aka laui'tan budi, kaatēh maambun djintan, kabawah takasie' bulan, ba'itu sidie' midie'njo, manggantang aie dilaui'tan, mambilang kasie' dipantai, mahëtong bintang atēh langi', ba'itu. tadjam 'akanjo.
Siapo itu maso kini, dimano dusun nagarinjo, urang 'Alam Minangkabau 'ko, nan ka pandai maubahi, atau manuka buatannjo, ditantang adat djo limbago, nan dibue' ninie' nan baduo 'tu, batigo dangan Sari Maharadjo; de' itu heran hati hambo, ba'apo bana itu kini, io tjadie'njo urang nantun, mangko injo handa' maubah, handa' manuka 'adat nantun, adat nan lah turun-tumurun, nan masue' tjupa' usali, alahkoh injo tahu bana, tantangan hurue' djo baie'njo, atau mularat mupa'atnjo, didalam 'adat nan tigo 'tu, mangko injo handa' mambuangkan?
Balainan adat tiru-maniru, usah ang samokan sadjo, akan tapuang dangan kapue, bago ko' itu samo putieh, rasonjo balain-lain."
Dalam bakato damikian, alah taga' si Budjang Paman, bakato pado mama'njo: Tida' kan tantu itu de' hambo, hambo kapai anjolaï," injo bakato sambie taga'.
Mandjawab Datue' Radjo Pangulu: „Dudue'lah sabanta laï, ama' tabuka kiro-kiro."
Mambaleh si Budjang Paman: „Lamo bana hambo siko, kabau hambo antahlah lapěh, rumput' balun hambo sabi', pinang balun hambo runtun, karambie balun hambo ambie',baisue' hari ka pakan, ba'apo djo datue' lah rundieng datue', hambo kapaï anjolaï.” lalu injo turun sakali, tida' mamandang kabalakang.
Mahe' laku si Paman 'tu. tagala' Datue' Radjo Pangulu, sarato Bagindo Rajo.
Alah lapeh si Paman turun, bakato Datue' Radjo Pangula kapado Bagindo Rajo: „Tjubolah pikie itu de' ang, itulah nun disabui” uráng: Barundieng djo urang nan ta' tahu, ba' anton pantjukie duri, kalau barundieng djo nan tahu, ba' santan dangan tangguli Urang sarupo adie' ang tu, disangko bingung injo tjadie', disangka tjadie' injo binguang, itulah ang satu aka. tato' sadjo dikaradjonjo, 'alamat urang kue' mantjari, urang nan sarupo itu. barakat pantjariannjo, elo' pulo urang ba'itu. hanjo barundieng injo nan ta' pandai, urang djo awa' samo sadjo, tida' pandai barundieng manih, alah ka ba'itu kabarjannjo, tida' djadi kito maupē' [ 38 ]kalau urang sarupo itu, injo luruih bukan kapalang, tida' lupo dikaradjonjo, tida' diragu itu ētan. Ado pulo urang satangah, manarueh dansana' nan ba'itu, diumpina' patang djo pagi. Kalau injo mandape' uang, ditjari-tjarikan sadjo kadjalannjo, diumbue' djo mului' manih, ama'njo amueh mambarikan uang nan ado ditangannjo, tatapi tida' nan basuo, uangnjo habih ta' badjaso, injolah pajah de' mantjari, dibuē' ba' gadjah paangkui' lado: awa' sanang sahari-hari, dimabue' songga' siang malam, mantjari sarimih tida'. Apo nan dapë' de' dansana', diumbue' ditipu-tipu, dikatokan ka dilakē kan, ka pambali itu djo iko: apo nan dikatudjuinjo, disabui' kapadonjo, supajo hatinjo gadang, ama' amueh injo mambarikan, uang nan ado ditangannjo, Baru sampai katangan awa', tida'lah djadi disampaikan. dalam sapulueh sapaduo, salabiehnjo disambunjikan, diambie' uangnjo tadi, ka pambali kain djo badju, ka untue' salero awa'; injo lah pitjajo sadjo, apo nan dikatokan itu, karano injo urang luruih, tida' njo usue njo parèso, apo nanalah kato awa', injolah manurui' sadjo, disangkonjo io balako, apo nan dikatokan 'tu.
Itu usah ang pakaikan, pado dansana' nan mantjari, sarupo si Paman tadi, paliharokan haratonjo, djdjago bana elo'-elo', ama' bulieh itu kambang bia', usah tapatah paratiannjo, tēnggang-tēnggang djo bitjaro, nan katjie ama' djadi gadang, djangan dirinau haratonjo, ba' urang nan hambo sabui'kan 'tu. Kalau lai kambang haratonjo, awa' djuo nan ka bulieh, tida' kamano ka païnjo.
Urang luruih sarupo itu, injo pandai mantjari sadjo, mamakai tida injo tahu, baie' manjimpan mahando'kan, tundjue'kan djalan nan luruih. djangan batupang dalam hati, atau dilinduang dihando'kan; itu talarang dalam adat, disara' ba'itu pulo, de' paréntah apotoh laï. Itulah nan disabui' urang, malaka' kutjieng didapue, malukah ikan dalam panai, tamakan randjau di bandue, badie nan mahado' pulang, bamusueh dalam salimu', mengguntieng dalam lipatan. Burue' bana itu bujuang, djangan ditiru dituladan, urang nan sarupo itu, hidui' mati disabui' urang, djadi tjatje' ka ana' tjutju, pikiekan bana sunggueh-sunggueh.
Tipa dikato nan tadi, nan dikatokan 'adat tiru-maniru, kalau ado pakaan urang, élo' pulo dipandangi, ataupun barang sabagainjo, maniru surang djo baduo, sampai sapulneh duo pulueh, kian lamo labieh katudju mamakai urang kasamonjo. De' lamo-bakalamoan, mandjadi 'adat pakaan itu banamo adat tiru-maniru, kalau diasa' injo mati, namun dibubui' njo lajue, ba' urang badēta sulue', kini lah mandjadi 'adat, djadi pakaian de' pangalu, baie' de' urang patui'-patui', alah bulieh masue' [ 39 ]Page:Mustiko Adat Alam Minangbakau.pdf/39 [ 40 ]Parampuan-parampuan Minangkabau bapakaian adat. [ 41 ]Adapun pakaian 'adat dalam 'Alam Minangkabau, dilingkaran luha' nan tigo, babagai-bagai itu rupanjo, saparati bamanie' pado lihie, sarato galang kaki djo tangan, baike' pinggang bakuli baramêh masa', dan saruang parisai ameh, sarato karib dangan tungke', io simpue sapu tangan, tjarano djo dulang gadang, banta djo tilam bungo, salēndang katjie' salêndang gadang. kumpue djara' djo kain panda', kumpue sarat djo badju suto, sarato kain pandjang gundjai, bungo sanggue djo galang gadang, sarato tëpa' dangan langguai, dangan pananda' aka baha, sarato dangan tjintjin Bugih, pakaian 'adat itu samonjo.
Adapun pakaian ninie' mama', dēta ado tigo parakaro, paratamo tabu satuntuang, kaduo gadjah manjaso', katigo dēta baike'. Satangah hitam bakata', satangah ungu bapalangai, satangahnjo putieh kunieng, satangah hidjau baungu, dan baramëh masa' dan baantieng-antieng, dan rumah gadang cangkiang randjuang, sarato karih dangan untjang baranta. samonjo itu pakaian gadang. Kalau bukan urang nan patui', tida' bulieh manaruehnjo, atau mamakai pakaian 'tu,
Adapun pakaian gadang, nan dipakai di Luha' Tanah Data 'ko, iolah tabu satuntuang, sarato dēta bapalangai, dangan pamanda' aka baha, sarato dangan tjintjin Bugih, dan rantai pado untjang, sarato kain suto déwanggo, dan badju panda' langan, dan badju kasumbo, itulah pakaian nan labieh. Dan pakaian parampuannjo, bakampue djara' basalêndang gadang, bakain panda' babadju suto dewanggo, babunga sanggue baranggai-anggai, buatan sagalo sadang, sampi' tida' lapangpun tida', sadang elo' paratangahan.
Adapun pakaian gadang, nan djatuah ka Luha' Agam, iolah dēta pandjang badjambue améh. dan tungke' pandjang sarato gadang ; namun pakaian paratangahan, buatan sagalo lapang, bapakai mili' kasamonjo,haie' pakaian parampuan, sagalo lapang kasamonjo, singke' tida' dalampun tida', saléndangnjo djatueh kamuko, sadang elo' ukue djangkonjo.
Kalau sabalah Limo Pulueh, nan djadi pakaian gadangnjo, iolah karih pamanda' amieh, dan tjintjin suaso pado tundjue', dan sugi sagama' pado tampō' makan sirieh. Tanamo pakaian laki², nan pakaian paratangahan, buatan sagalo sadang, kana' dēta gadjah manjaso', mangulai udjuang sudui'njo, angko-angkonjo ba' kan djatueh, tatapi kokoh takana'njo: tantangan pakaian parampuan, buatan sagalo gadang, amba' nan bukan lang-alang, ba kaju sadang rimbun daun, kana' kampueh ba' rang mandukuang, pakaian sagalo duo, batingkah baranggi'-anggi”.
Sungguhpun itu damikian, tanamo urang tigo luha', bulieh mamakai kasamoanjo, ragam pakaian nan ba'itu, mano katudju pado mato, bulieh djugo dituladan, bulieh dipakai kasamonjo, asa lè tibo dibarihnjo, tida'lah [ 42 ]itu dilarangkan, sabab urang nan tigo luha', badansana' kasamonjo, mano katudju pado hati, bulieh dibuē' itu bujuang, asa laï tumbueh ditanahnjo.
Malainkan pakaian nan diagieh, iolah pakaian gadang tadi, sadang kutiko ‘adat badiri, tida' bulieh ambie'-maambie', kalau tida' djo parundiengan. Sungguhpun itu dilarangkan, bulieh pulo itu dipakai, de' datue' nan sahandiko, de' radjo nan sadaulat, asa laï kato samupakat, habib 'adat de' karilahan, habih tjupa' de' palilisan, ba'itu buē' urang tuo, nan hambo danga baritonjo, dalam 'Alam Minangkabau 'ko, salingkaran luha' nan tigo.
Sabuah lai pulo bujuang, ko' io ang handa' tahu bana, didjalan sapandjang adat, kadji dahulu undang-undang, undang-undang banja' matjamnjo, ta'alue' babagai-bagai, dikadji tjurai djo paparan. Lantja kadji de' basabui', pasa djalan de' baturui', itu pitua urang tuo, djangan lupo dibuě awa', ba'itu makasui' mungko sampai.
Adapun banja undang-undang, adolah sambilan putjue', di 'Alam Minangkabau 'ko; didalam satu-satu putjue', limo ratuih banja' ana'njo. Patui' dikadji itu bujuang, undang-undang nan sambilan putjue', misiki tida' itu ka lantja, sabah banja' matonjo, tatapi sabuah hanjo pangkanjo, asa lah tahu di ta'alue'njo, alah bulieh bakeh bagantuang.
Kini dangakan pulo lah de' ang, ama' hambo tjuraikan pulo, namonjo rundang nan sambilan putjue', ama' tantu nan ka dikadji, pitua nan hambo djawè', nan hambo kadji-kadji djuo, samantaro hambo laï mudo.
Didalam undang-undang nan sambilan putjue' 'tu, anam kato mandjadi pangka, kapado 'adat djo limbago, di 'Alam Minangkabau 'ko, sampai karantan ba'it djuo, kato-kato nan anam itulah, nan manantukan satu caro adat djo limbago, kamano-mano ta'alue'njo, sabab kato-kato hati antah itu, nan banja' manganduang kiēh ‘ibarat 'adat, djaueh nan bulleh duurdjoe kan dake' man bulieh dikako'kan, nan basurieh ba apokan, nan barang ba' durian." [ 43 ]Mandjawab Bagindo Kajo: „Datue' sabui'kan pulolah di hambo, kato-kato nan anam itu, supaja bulieh hambo tahu, ba' mano lata' djalannjo."
Maulang Datue' Radjo Pangulu: „Adapun kato-kato nan anam 'tu, dinamoi urang djuo,,kato nan ampē', tjupa' nan duo".
Suatu banamo kato pusako,
kadno banamo tjupa' nsali,
katigo banamo tjupa' buatan,
kaampe banamo kato mupakat,
kalimo banamo kato dahulu batapati.
kaanam banamo kato kamudian kato batjari.
Nan banamo kato pusako, iolah kato nan asa, nan turun-tumurun dari ninie Katumangguangan dangan Parapatieh Nan Sabatang, nan basuri batuladan, ko' djaueh bulieh ditundjue'kan, ko' dake' bulieh dikako'kan, tida'njo lakang de' paneh, tida'njo lapue' de' hudjan, digudam tiado patjah, dipanggang tiado hanguih, djoko' diasa' injo ta' mati, namun dibubui' injo ta' lajue, itu ibarat kato pusako, tilie'lah dangan kato-kato itu, ama'njo tantu bana-bana.
Nan banamo tjupa' usali, tjupa' nan duo baléh tahie, gantang nan kurang duo limo pulueh tahie bungka banja' isinjo, nan dibuě' ninie' Katumangguangan dangan Parapatieh Nan Sabatang, nan dipatjah kian kumari, sa 'Alam Minangkabaunjo, sampai karantau nan duo balēh. Dari situ diambie urang djuo, babarapo kiasan kato-kato, kalau apa-apo nan ka dipakatokan urang, nan manurui' buatan lamo, dinamoi urang itu tjupa nan usali.
Nun banamo tjupa' buatan, tjupa' nan kurang atau labieh, dari duo baleh tahie bungka banja' isinjo. karano tjupa' buatan itu, dipabue' urang kamudian, dari tjupa' nan usali tadi.
Dan dari situ diamble' urang pulo, babarapo kiasan kato-kato, djoko' apo-apo nan dipakatokan urang, nan manurui' pabuatan baru, nan balun dibue'-bue' urang dahulu, dinamoi urang pulo 'tu tjupa' buatan.
Nan banamo kato mupakat, iolah kato nan dipabuē' basamo-samo, baie' sakampuang baie' sasuku, baie' saluha' baie' sa'alam, misiki baduo djo batigo, nan mambue' kato kato pamupakatan. barang suatu apo-apo nan dimupakati atau mandjadikan barang suatu pakaradjoan, dangan baiko, itulah injo banamo kato mupakat.
Nau banamo kato dahulu batapati, jolah manuruí' apo-apo pabuatan. nan lah sudah dihue' dahulu, saparati urang badjandji piutang, apabilo talah sampai djandjinjo, babaie'an sadjo laï, tida' diulang laï rundiengan [ 44 ]Nan banamo kato kamudian kato batjari, apabilo tida' dapē' kato samupakat, dalam apo-apo pabuatan nan dimupakati, mangko dipabue' djandji sakali laï, kamudian ditjari djuo kabulatan, sabalun dapē' ditjari djuo. Dan lagi pulo apabilo urang mungkie pado djandji, kamudian maminta djandji pulo io, atau handa' maubah pabuatan, nan lah sudah dahulu 'tu, dangan pabuatan nan lain pulo, itu masue' ka kato kamudian kato batjari djuo. Itulah injo kato-kato nan anam, dalam undang-undang 'alam, nan patui' bana ang katahui, ama' tantu djalan nan ka diturui'. pambēsokan satu-satu 'adat 'tu, kamano-mano ta'alue'njo.
Adapun ‘adat nan dimupakati urang 'tu, nan ang tanjokan djuo kapado hambo, ba'apo salah sili'njo, apo mularat mupa'atnjo, nan sapandjang pandape' hambo, katigo-tigo 'adat 'tu, masue' kakato pusako, masue' ka'adat nan usali, nan tida' djadi diubah-ubah atau dihilang-hilangkan, sabab katigo-tigo 'adat 'tu, 'adat lah turun-tumurun, sadja' dari ninie mujang kito, ta'alue'njo ka'adat nan usali, ko' diasa' injo ta' mati. namun dibubui' injo ta' lajue, malainkan hidui' djuo kasudahannjo, ba'kato-kato hadih Malaju:
Urang Kampa manubo kampa,
matilah ikan salubue'njo.
Ko' pandai mantjantjang aka,
mati lalu kaputjue'njo.
Tapi ko' ta' pandai mantjantjang aka, tumbuehlah tarue' dirusue'njo. baitu bana kasudahannjo, nan dalam pikieran hati hambo.
Hambo pikiekan habih-habih, tantangan buatan itu, akie kala'njo kumudian, manjasa djuo kasudahannjo, karano maubah 'adat itu, ba'itu pikieran hati hambo, tjubolah ang samo lie'-lie'; ko' laï umue samo poandjang, basuo djuo tu kudian, nan ka mandjadi mularatnjo, Sungguehpun itu damikian, Allah ta'ala kajo sunggueh, babue' barang sakahanda'njo, dimano kito bulieh tahu.
Mangko ba'itu kato hambo, adapun 'adat nan tapakai, didalam nagari kito 'ko, atau diluha' nan tigo 'ko, sampai karantau ba'itu djuo. sadiki' tida' nan barubah, sa 'Alam Minangkabau 'ko, sampai karantau nan duo baléh, saedaran pulau Améh nangko, tantangan harato bando urang, saparati sawah dangan ladang. baie' améh dangan pēra', atau kabau dangan djawi, sarato nan lain-lain, kalau nan punjo sudah mati, sagalo harato din bandonjo ‘tu, baie' banja' atau sakētë', djatueh kapado siwarihnjo, dari ninie' djatueh ka mama', dari mama' kakamanakan, sampai kapado tjutju piui, tida'njo putuih-putuíhnjo. Ko' putuih baulēh djuo bakan ba' pusako urang lain, nan djatueh kapado ana', kalau tida' [ 45 ]injo basudaro, tida' pulo ibu bapa'njo, atau nan kari' dari itu, ataupun bini ditinggakan, alah tagantuang pusako 'tu, mandjadi punjo dē' nagari, ha' sarikat itu laï; itupun tida' mamularat, sabab ba'itu nan adatnjo, dari ninie'njo nan dahulu, sampai sekarang tato' djuo, mandjadi wakaf itu injo, tida' njo ubah-maubahi.
De kito tida' ba'itu, hanjolah ba' nan hambo sabui' tadi. Kalau tida' ado nan ba'itu, nan sadjari nan satampo, itulah urang nan kamandjawe'; djoko' tida' nan satampo', nan sadjangka nan ka mandjawē'i Kalau putuih nan sadjangka, nan sahēto nan sadapo, itulah urang nan kamandjawe; ko' putuih urang saindu, nan sakampuang akan mauleh, nan babarih dangan itu. Ko' punah urang sakampuang, kakampuang lain baraliehnjo, nan batali dangan itu; ko' tida' pulo nan ba'itu, masue' suku baraliehnjo. Ko' habih pulo urang sasuku, kasabalah suku baraliehnjo, suku babalah balako, namun ka putuih injo tida', hanjo tali-batali djuo, misiki kan sampai banagari, tida' bulieh itu diputuihkan. Ba'itu bue' urang tuo, nan dipati djo sumpah satie, sadiki' tida' bulieh barubah, djoko' diubah mambinaso, mularat masue' nagari, mandjadi kusui' kamudian.
Akan 'adat gatang-manggatang, baie' 'adat saho'-manjaho', tibo ukatu kamatian, atau 'adat bali-mambalikan kari' baie', dangan ana'-ana' pantja, ukatu baradat marapulai, urang balaki babini, atau kutiko bulan baie, gunonjo 'adat-'adat nantun, dibuě urang tuo-tuo, gadang bana paidahnjo, tida' lah injo sio-sio, bukanlah injo tida' bapikie, mambue' adat limbago 'tu. Sampai inge' urang dahulu, mambue' adat djo limbago, akan pamaliharo ana' tjutjunjo, sabuah tida' injo takasie, tingganjo pado kito djuo, sabab tida' kito pahamkan, satu-satu adat itu: disangko ka marugi sadjo, tida' dikana sabalie'njo. disangko sadjo urang nan binguang. io awa'nan bodoh bana, nan tida' pandai mamikiekannjo, ditjatjē' sadjo nan di urang.
Nan hambo lie' hambo danga, gunonjo 'adat nan tigo 'tu, tigo pulo ta'alue'njo. Nan sabuah djatueh ta'alue'njo, kapado pakaian nan biaso, nan tapakai dalam nagari, ama' balēlo ama' barupo, ama' babëso kari' djo bai', iolah djaueh dangan hampie, antaro urang dangan awa', usahnjo sarupo sadjo.
Nan kaduo djatueh ta'alue'njo, ama' kuë' urang mantjari, ama' kue' ang bakadjo, bausaho kasano sini, akan palawan dunie urang, akan pakao adat djo limbago, nan tapakai dalam nagari.
Nan katigo djatueh ta'alue'njo, ka djadi tali de' pusako, saparati harato dangan hando, nan milie' urang surang, ama' tantu tampue' tangkainjo, ama' tarang djatueh suarihnjo, ka djadi tjamin de' nagari. [ 46 ]Page:Mustiko Adat Alam Minangbakau.pdf/46 [ 47 ]udjui'njo sabuah djuo, samo-samo ka djadi tando, ka djadi sulueh djadi tjaramin, ulieh urang isi nagari; ba' nan hambo sabui'kan tadi, itu djuo udjui' mukasui'njo. hado' djo rupo nan balain, tantangan djalan mamikiekannjo, didalam satu-satu nagari, ado batando balako, mandjadi 'adat kasamonjo. Sagalo tando-tando itu, supajo djangan urang lupo, ama' tantu djuo salamonjo, sundui'-basundui' sampai isue', itulah injo nan dikato didalam adat: Usang-usang dibarui, nan lapue'-lapue' dikadjangi. Kalau urang mamakai 'adat, mambacui itu namonjo, ama' tantu djuo de' urang banja', antaro urang nan bakari', nan tida' lakang de' panèh, nan tida' lapue' de' hudjan. Sagalo ‘adat limbago 'tu, tio'-tio' nagari nangko, ado balako paidahnjo, nan masue' tjupa' usali, atau kakato nan pusako, samonjo ado mukasui'njo. dibuě' ninie' mujang kito, tio'-tio' nagari nangko. Pikieri bana dalam-dalam, timbang dahulu habih-habih, hilie mudie'kan kato nantun, mangko tantu burue' baie'njo: kalau burue' akan dibuang, nan elo' akan dipakai, tantangan 'adat djo limbago, ama' tantu apo isinjo."
Mandjawab Bagindo Kajo: „Kalau ba'itu kato datue', alah tasalah malah kami, mambue mupakat itu. maubah 'adat nan tigo 'tu."
Maningkah Datue' Radjo Pangulu: „Bukannjo itu kato hambo, kato adat hambo katokan, tjubolah ang pikie bana-bana, tilie' de' ang habih-habih, tantangan ‘adat nan tigo 'tu, ba'apo nan ang lie', nan diturun baie'kan urang, nan didalam nagari nangko, kalau tumbueh dikamatian, siapo nan ang lie'. urang nan mantjabie' gatang, nan ka diagieh-agieh arang, kapado ana'-ana' pantja.
Laikoh ado ang malie', dirumah urang kamatian, urang mantjabie' gatang itu ?"
Mandjawab Bagindo Kajo: „Itu laï ado hambo lie', tapi nan tampa' de mato hambo, urang mantjabie' gatang itu, atau manjurueh mantja-bie'njo, kapado urang patui'-patui, nan ana' buahnjo djuo. dimano-mano urang kamatian, tida' lain tida' bukan, hanjolah datue' ninie' mama', dari urang nan mati 'tu, sarato datue'-datue' dalam sukunjo nan barampieng. nan sasuku dangan injo. Dan datue'-datue' itu pulo nan manantukan, ko' ana'-ana' siapo-siapo nan patui' dibari gatang 'tu, ba'itulah hanjo nan tampa' de' hambo."
Lai malah ba'itu nan tampa' de' ang," kato Datue' Radjo Pangulu. ,,Adokoh paranah ang malie', nan sambarang urang sadjo, nan manjabie' gatang itu, atau manjurueh mantjabie'njo, atau manantukan ka datue'-datue', siapo nan ka dibari gatang itu ?”
Mandjawab Bagindo Kajo: „Inda' ado hambo malie' nan ba'itu, hanjo datue'-datue' djo nan mangaradjokannjo; ba'itulah nan basuo de' hambo, dimano mano urang kamatian salamo iko. Kalau datue'-datue' [ 48 ]Page:Mustiko Adat Alam Minangbakau.pdf/48 [ 49 ]De' itu mangko tida bulieh dibari dansana'njo, nan sabapa' sadjo dangan urang nan mati 'tu, nan balainan kampuang dangan pangulunjo, nan tida' batali suarihnjo, sabab tida' urang 'tu badansana' kari' sapandjang 'adat, malainkan injo badausana' kari' sapandjang sara', tida' bulieh djawē'-mandjawē' haratonjo, antaro sabalah-manjabalah, karano tida' suarihnjo, manurui' 'adat Minangkabau.
Kalau tasalah urang maagieh-agieh gatang 'tu, nan tida patui' dibari nan tabari, mangko bataujo urang nan tabari, dimuko sidang karapatan, ukatu injo dibari 'tu, kapado datue' si pangkalan, ninie' mama' nan kamatian, atau kakari' djo kabiehnjo: Ba'apo djaueh hampienjo, bapa hambo djo nan matiko?" Ko' ado tatah barihnjo, atau talinjo nan tida' putuih, antara bapa' urang 'tu, dangan urang nan mati tadi, ditarangkan urang kapadonjo, ba'apo djaueh dake'njo, antaro urang nan mati 'tu, dangan bapa'njo urang itu. Ko' ta' ado tatah barihnjo, disabai' pulo kapadonjo, bahaso salah mambarikan gatang 'tu. Diambie' itu babalie', pulang kapado si pangkalan. urang, dansana'
Kalau tida' pulo tabari, nan patui' dibari gatang tu, malu pulo itu padonjo, ba' rupo bukan urang disitu nan bakonjo, ba' rupo bapa'njo urang tabuang: djikalau ado nan ba'itu, maminta' injo ka nan rape', kapado ninie' dangan mama', urang nan kamatian tadi...Apo sababnjo iko kini, mangko hambo tida' dibari, io kain gatang itu, bukankoh itu bapa' hambo, io nan mati iko kini ? Malu bana hamba de' hambo nan lain-lain, bulich balako kasamonjo, disisieh sadjo badan hambo; nan sapandjang tahu hambo. ko' bare' samo dipikue, ko' ringan samo didjindjieng, kalau tibo dibapa' hambo, dangan bapa' nan mati 'ko; ko' laweh balun bakapieng, ko' pandjang balun bakare'; ba'itu nan hambo danga, dari mandiang bapa' hambo. nan salarui' salamo iko, samaso hidui' bapa hambo, kalau apo-apo nan tumbueh dirumah 'ko. misiki tibo karadjo baie', ataupun tibo karadjo burue', apo-apo dibue' urang, tida'lah tingga diri hambo. Bago ko' io hambo urang misikin, balun laï hambo katinggalan, apo 'adat dibue' urang, dirumah bako hambo iko; misiki bare' atau ringan, limbago hambo tuang djuo, ko' 'adat hambo isi juo, ba'itu djuo salamo ko. Nan sakarang kini nangko, hambo talata' dibalakang, itu sababnjo hambo maminta' tarang, kapado sagalo ninie' mama'."
Ba'itulah sapandjang 'adat, tida' malu urang manjubui', kalau tagendeng dalam '‘adat, ba'apo pakai nan biaso.
Kalau bana nan sabui'njo, dibari urang injo gatang 'tu, tida' buleh itu ditinggakan, misiki bapa'njo bakasumat, tida' baelo' djo nan mati. ama'njo digatang djuo. [ 50 ]Page:Mustiko Adat Alam Minangbakau.pdf/50 [ 51 ]batuka talata'njo, tumbuehlah renta' maso itu, maranjue' nan punjo saho'. diambie'njo kainnjo tadi, dibaonjo pulang sakali, manurui' korong kampuangnjo, nan samo datang mandjangue', sampai bapudjue' de' nau rape', ba' itu salah sili'njo, djoko tida' kanai djalannjo.
Urang nan ka malata'kan saho' 'tu, tida' bulieh sambarang sadjo, hanjo padusi nan patuï'-patui', nan tahu di hèrèng gëndêng, nan bakari' ka nan mati 'tu: kalau datang pasumandannjo, kalau itu nan kari' bana, basonsong sahinggo pintu, batarabo' itu namonjo, sarato tangih djo rato'njo, didjawe' kain panjaho'njo, nan dibao pasumandan 'tu, injo dipapah katangah, dibao dudue' dakē' garai, disisi tampè nan mati, marato' basamo-samo.
Alah sabanta injo marato', lalu bahanti anjolai, dihado'kan kampie sirieh, ulieh urang nan datang tadi, sambie manjapu aie mato, dibuka' kain panjaho' 'tu, diundjue'kan bakeh nan patui', kapado kari' nan mati, nan sakampuang atau sasuku, sudah didjawe' kain itu, dibuka' dari bungkuhhnjo, dibilang banja' halainjo. dilie' pulo lah ruponjo, ataupun tando nan lai ado, ditundjue'kan ukatu itu, kalau sudah dihati, baru diadjun talata'njo, patui' tahampai dihampaikan, patui' salimui disalimui' kan, ba'apo 'adat njo nan biaso, male' kari'njo nan manjaho', ba'apo djaueh dake'njo, mangko injo datang manjaho', dihampaikan ditantang garai, sabarih ruang ditangah. dari udjung lalu kapangka, tida' bulieh diusie-usie', sampai kapado manigo hari. baru didjapu' kain itu, de' urang nan punjo saho'. kalau urang sudah mangadji, dirumah nan mati itu.
Itu de' urang si pangkalan, kalau lah tibo nan punjo tadi, mano-mano nan punjo saho', diliati pulolah ruponjo. sarato tando nan lai ado.
Kalau lah sudah diliati, dipandangi basamo-samo, ulieh urang nan ado situ, baru ditungkuih kain itu, dibso pulang babalie', de' nan punjo saho' tadi; kalau kain urang disalang, dipulangkan sabanta itu, ba'itu sapandjang ‘adat, tantangan saho'-manjaho' diukatu kamatian, ka djadi tondo kari' djuo, panjatokan urang 'tu badansana', sabab karano si Anu mati, manjaho' bini si Anu, manjaho' ana' si Anu, manjaho' kari' djo kabiehnjo, nan batali dangan nan mati.
Ba'apo djaneh dake'njo, antaro urang badansana' alah tantu ukatu ítu, sabab saho' ana' bininjo, nan djadi pasumandannjo, tampa' balako dë' di nagari, nan malie' ukatu itu, urang nsn datang mandjangue', atau nan basuo tangah djalan, ba'apo hado' adangnjo, alah tarang djuo de' urang banja', tantangan kari' kabuehnjo.
Pado pikeran hati hambo," kato Datue' Radjo Pangulu „kalau diputuih pulo ‘ndat itu, akan hilang malah tando2 nan manundjue kan [ 52 ]Page:Mustiko Adat Alam Minangbakau.pdf/52 [ 53 ]sagadang iko, bareh satjupa' ta' kan dapë', batênggang kian kumari, bukankoh itu mustahie? Barēh nan akan dimakannjo, mangapo dape' itu de' injo, kalau injo laï malu, tapandang korong kampuang 'ko, atau kapado lakinjo 'tu, ka kami 'ko sunggueh lah tida'. sabab kami urang hino, tida' sadjudu dangan injo, ba' birah dangan kaladi.
Kalau injo lai handa' kamari, tando awa' bapasumandan, bautang barêh malah dahulu, bareh nan sagantang 'tu, lakinjo djuo nan ka mambaie, balun lai injo nan ka rugi.
Malah tibo injo disiko, misiki ka dibaonjo itu babalie'. barêh nan dibaonjo itu, asa lai tampa' injo datang, tida' mangapo itu di hamba.
Kini ba' itu anjolaj, kalau injo kakiun djuo, io dansana' hanbo itu, ko' ta' amueh hambo tagahkan, bialah injo ama ba' djanjo, baragieh untuang malah kami badansana', bare' ringan ama' didjudjuangnjo, tjubolah pikie 'tu de' kaka', sarupo tida' ado laï baurang nan lain, nan ka djadi padusinjo, de' dansana' hambo itu."
Itulah upē dansana'njo, ko' ado injo barakanan, babarapo banja' upe' djo pudji, sadang dudue' mamakan sirieh, atau kutiko minum kopi, baie' kutiko pai badjalan, nan samo-samo parampuan.
Tadanga pulo de' nan lain, alah mandakė' injo kakiun, ditēlēngkannjo talingonjo, disima'kannjo rundieng itu, ditambahnjo pulo satu-satu, bapadalam panjaki' tadi.
Alah sudah injo bagundjieng, manjabui'-njabui' rundieng itu. badjalan pulolah awa'njo, urang nan mandanga tadi, kapado urang nan disabui', babuĕ'-bue' maminta' sirieh, ataupun barang sabagainjo, sangadjonjo paï bagundjieng, manjabui' rundieng nan tadi, pandjang panda' dikatokannjo, barapo pulo katjimuihnjo, sabuah rundieng nan didanga, sapulueh tukue' tambahnjo, de' urang nan manjampaikan, samo tahulah laku padusi, tangah djalan amueh taga', asa injo ka bagundjieng, manjabui'-njabui' urang nan lain, tida' dikana burue' baie'. nan mularat pado urang, nan elo' di injo sadjo. Kalau tumbueh silang salisieh. injo batida' kamudian, hanta-bahanta anjolaï, akie kala'njo kamudian, sabab karano rundieng itu, banja'lah kato nan ta' baie', tio' hari batukue' djuo, dari sabalah-manjabalah; sabab karano gundjieng tadi, tumbuehlah tjaka' djo kalahi, djadilah putuih barakanan, ataupun ana' djo bakonĵo, tida' djalang mandjalang laî, saki' tida' silau-manjilau, barale' tida' panggie-mamanggie, labieh djaueh dari nan djaueh, awa' nan bapasumandan kari', mudonjo sabab tida' mandjangue', akienjo baputuih tali, antaro andam pasumandan. ataupun ana' djo bakonjo. itu melarat mambao bareh" kata Datue' Radjo Pangulu. Aunk 'Adat Alam Minangkabau 4 [ 54 ]Page:Mustiko Adat Alam Minangbakau.pdf/54 [ 55 ]Tantangan sabuah lai, tipa' di'adat bamarapulai, urang nan balaki babini, djoko' diputuih pulo 'adat 'tu, kalau tida' akan bali mambalikan lai, kapado kari' dangan bar', nan bakampuang nan bakaum, atau ana' dangan pena', dimano injo akan tahu, bahaso awa' lah barumah, bahaso injo lah basumandan, atau injo baandeh baru, ama' tahu banalah awa'njo, dibuĕ'-bue'njo sarupo tida', sabab 'adat lah barubah, tida' manimbang raso laï, tida' mangana kari'-baï', sarupo urang dagang sadjo, tida' sapo manjapo laï, atau akan djalang-mandjalang, pado ukatu hari baje', salah rasonjo tida' bapangka, sabab mulonjo tida' tahu, diakienjo tantu tida' paduli, mamutuih djuo tali warib, mahilangkan tando tali adat, tando awa nan badansana', nan bakari' nan bakabieh, nan babako nan babaki, ba' itu kasudahannjo.
Adapun adat bali-mambalikan, kapado kari' dangan bai', sarato ana' dangan pêna', diukatu bamarapulai, itulah 'adat paramulaan, pambari tahu sana' sudaro, sagalo kari' dangan baï', sarato ana' dangan pena', bahaso injo lah bapasumandan baru, lah batali kakampuang itu, buliehnjo djalang-mandjalang, sampai kapado ana'-ana'njo, batali-tali salamonjo, mamakaikan 'adat masieng-masieng. nan tapakai dalam nagari, nan manundjue'kan kari' baï' djue, pado kutiko tibo djangkonjo, urang mandirikan adat itu.
Tjubolah lie' kamudian, kalau lai umue samo pandjang, tibo di ana' dangan tjutju, djoko' tumbueh silang salisieh, tantangan sawah dangan ladang, atau ameh dangan pera', baie' barang nan lain-lainnjo, di urang bosalisieh warih, ba' apo akan mantjari sasi, apo tandonjo nan ka diliek nagari buto kasamonjo, akie kala'njo kamudian, kalau tato' sarupo itu, djoko' tumbueh silang-salisieh, urang barabui' suarihnjo, sanan bagalui' lah pikieran, bagai si Bisu barasian, ba si Kuduang balangkitang, taraso ado lape' tida', ba' pitua urang tuo, ka mangadji sure' lah hilang, ka batanjo guru lah mati, ba' apo untuang anjolaï, disitu mandi tjadie' pandai. mano nan binguang taniajo, mano nan jadie' maniajo, bana diudjuang lidah sadjo, tando 'alamat tida' laï, awa' nan bakari' babai, ba'apo manjabui'kannjo, pado siapo ditanjokan, urang tida' nan mangatahui, tandonjo tida' urang malië', bakari' kato awa' sadjo, kato nan surang ba' itu pulo, mangaréhkan lidah masieng-masieng, tatapi tida' ado tandonjo, bahaso awa' nan bakari', alangkoh susah mantjarinjo, djoko' tato' apo 'tu, sabab tida' batando lai.
Alah pulo hambo malie', disabalah ka Limo Pulueh, dalam satu-satu nagari, urang nan mahilangkan 'adat lamo, nan mandjadi tando tali warih.antaro nan bakari' bai', dituka djo 'adat baru, djan 'adat tiru-maniru, nan elo' rupo dipandangi, de' lah lamo ‘adat 'tu hilang, lah lupo nan tuo-tuo, [ 56 ]Page:Mustiko Adat Alam Minangbakau.pdf/56 [ 57 ]labieh kuē', siang malam mamabue' diri. Kalau awa' tida' amueh, sana' sudaro manjuruehkan, ana' djo bini mamarentah, alang susahnjo itu bujuang, manjurueh awa' bakaradjo, manjurueh awa' paï mantjari, bausaho kian kumari, apo nan patui' djalan uang, nan kamungkin dikaradjokan.
Usahlah sanang diam sadjo, tida' dilie' urang kini, babagai-baga pakaiannjo, lië'lah pulo dansana'njo, misiki rumah djo tanggonjo, alah sudah balako samonjo, di awa' satupun tida', ikolah urang tida' bamalu digilo sanang siang malam, ba' urang de' hantu muno, dudue' bamanaang ta' katuan, ba'apo awa' de' ba'itu, mangko tida' handa' maniru, urang nan Sarupo itu, apo ubahnjo dangan awa', sagalo urang nan mantjari 'tu, tulang samo salapan kare', ana urang silieh-sumilieh, lie lah pulo ana' awa'. tida' bakain aga' sahalai, kain basah karieng dipinggang, lah barë' pulo de' panumbo, tida'koh awa' malu sopan, itu kato sana' sudaro, sarato dangan ana' rumah, kalau basanang-sanang diam sadjo, tida' ado bapahado'an, tida' mamakai adat limbago, pakaian urang dalam nagari.
Djikalau adat laï karēh, mandjadi dunie dinagari, disitu bangki' paratian urang mamakai awa' ka tida', balain awa' dangan urang. ataupun ana' kamanakan awa', djaueh tatjitjie dari urang, misiki 'adat dalam nagari, misiki 'adat basamo gadang, mandjadi malu itu samonjo; djoko' tida urang taturui'kan. bukankoh itu malu basa, itulah mulonjo urang mantjari, nan mangue'kan bausaho, manggalēh kian kumari. Kalau tida' 'adat taïsi, limbago tida' tatuang, tida' talawan dunie urang dalam nagari, amueh urang badjalan gontai, tida' mahado' pulang laï, ba'itu karēh malu sopan, djoko' 'adat tida' taïsi, limbago tida' tatuang," kato Datue Radjo Pangulu.
Sadanglah Bagindo Kajo, mandanga kato mama'njo 'tu, alah dudue' tamanuang sadjo, sapatah tida' pandai barundieng, bagai ditumbue' patuih tongga, pantun dihanta' alu luntjuang, tapakue sadjo injo dudue' !
Alah sabanta injo bamanuang, batanjo Datue' Radio Panggulu: Ba'apo pikieran ang, mangko tida' ang sahuti, apo djuo laï nan taraso?"
Maningkah Bagindo Kajo: „Kalau ba' itu kasudahannjo, bukanlah itu kabaikan, 'adat nan tamupakati de' kami 'tu, hanjo akan mularat gadang, akie kala'njo kamudian, mambinasokan ka ana' tjutju, mamutuih kari baï' urang, mahilangkan tando tali warih.
Kini ba'itu anjolaï, nan taraso di hati hambo, bari sipatlah hambo de' datue', tantangan mupakat itu, sabab sakarang kini nangko, tida'lah hambo suko laï, manjarikati mupakat itu, karano lah tampa bana itu de' hambo, nan kan mandjadi mularatnjo. [ 58 ]Ba'apo itu handa'njo, mamatjah buatan itu, ba'apo djalannjo nan kan ělo, tundjue'ilah hambo de' datue', supajo baranti mupakat itu, ama' djangan sampai mularat, kapado isi nagari 'ko, datue' barilah hambo djalan nan êlo', supajo bulleh hambo lakukan, patui' dipatjah hambo patjah, atau ba' mano nan ka ēlo'njo, supajo tarangkueh nan mupa'at, bia tatula nan mularat, ama' santoso nagari 'ko," katonjo Bagindo Kajo.
Mandjawab Datue' Radjo Pangulu: „Mano ang Bagindo Kajo, usah dipikiekan itu bujuang, tida' ka lalu itu de' ang, tambah mangatjau nan ka lai.
Ato anjo akan sabuah, nan taraso dihati hambo, namun banamo laki-laki, kato nan sudah taiokan, usah batida' kamudian, nan ka surui'- surui balie', bukan paham itu namonjo, kana'-kana' nan ba' itu.
Namun urang nan patui'-patui', bangso urang nan mulie-mulie, kalau apo-apo nan sudah dibuě'njo, taguehlah injo tantang itu, mulie injo pado djandjinjo, inisiki utang nan ka tumbueh, tida' manjasa kamudian, tida' barubah Itrang de' itu, sabab sudah buatan awa', ba' itu urang baie'-baie'.
Kalau bakato bula' balie', dalam io manaruah tida', pangalieh awa' namonjo, urang tida' pitjajo laï.
De' itu mungko kato hambo, kalau apo-apo nan ka dibuĕ', pikieri hana lah dahulu, timbang dahulu habih-habih, apo mularat mupa'atnjo; kalau balun taraso bana, udjut' mukasui' kato itu, nambe' dahulu didjadikan, sabalun dape' pikieran baie', timbang djuo itu dahulu; kalau lah dapè nan salasai, disitu baru didjadikan.
Dalam pikieran hati hambo, tantangan rundiengan itu, usahlah ang barubah-ubah, ba'apo nan sudah tapabuē', tato' sadjolah ang disitu, bukan itu nan karadjo ang, kalau ang handa' mamatjah djuo, atau maromba' mupakat itu, elo'njo diturui'kan urang, ko' tida' malu tasuo, urang berang kapado ang, awa' 'ko bangso urang katjie', tida' akan didanga urang. hanjolah inusueh nan ka dapé', bēranglah suku kapado ang, bēranglah kapalo kapado ang, awa' ang tida' sanang diam, urang kuē' awa' ka lamah, urang taganggam dihulunjo. awa' tapatji' dimatonjo, usah diranggu' itu bujuang, tangan djuo nan ka luko.
Djoko' untuang pambari Allah, barakat kiramat ninie' mujang, nan malambuih nagari 'ko, nan mambue' 'adat itu, akan pamaliharo ana' tjutjunjo, antah babalie' kamudian, antah labieh dari nan sudah, pandangi sadjeliti dahulu, usablah rusueh tantang itu, tida' bidue' karam sabalah, namun ka karam samo karam.“ Mandanga kato mama'njo itu, diamlah Bagindo Kajo, tida' injo mandjawab lat. Apo-apo fítah mama'njo, tida' barani injo malampaui, ba' itu djao salamonjo, nan dipakaikan Bagindo Kajo, badjalan salangkah [ 59 ] maminta idjin, bakato sapatah injo batanjo, ba' itu adatnjo nan biaso, hado' kapado mama'njo itu.
Pado hari nan sahari 'tu, hari lah patang anjolaï, bakato Datue' Radjo Pangulu, kapado Bagindo Kajo: „Kini pulanglah ang dahulu, sabalah ang tantang itu, usah dikana-kana djuo, hanjo sabuah pinta' hambo, apo nan hambo adjakan tadi, usahlah itu ang ubahi, ama' salamat badan awa' ang, patji'kan bana tagueh-tagueh, masue'kan kadalam hati. Iko surē lai sabuah, sure' tambo maso dahulu, turun-tumurun dari ninie". kadjilah de' ang sure' iko, pahamkan bana sungguh-sunggueh, ama' dapē' kato nan haluih."
Sadangkan Bagindo Kajo, baru ba'itu djanjo mama' njo, tida' injo mandjawab laï, diambie'njo sure' itu, lalu taga' maminta' idjin, bakato pulo kaamainjo, mangatokan injo ka pulang laï, barulah injo badjalan turun, mahado' pulang karumahnjo, mambao sabuah tambo ‘adat, nan
dibarikan mama'njo itu. [ 60 ]BAB III
ADAT NAGARI DAN KATURUNAN URANG MINANGKABAU
KABA baralieh anjolaï, sunggueh baralieh sinan djuo, ado sapakan sudah itu, datang pulo Bagindo Kajo, mangadap pado mama'njo, mananjokan 'adat djo limbago, sarato tjurai djo paparan.
Satalah tibo injo dudue', barhado' djan mama'njo, dangan tarati madjalihnjo, alah sabanta injo dudue', talata'lah kopi dē' amainjo, alah sudah injo minum kopi, bakato Bagindo Kajo: „Mangko hambo datang kamari, ado djuo nan taraso, io didalam hati hambo, de' hari nan pakan dahulu, datue' manjurueh pado hambo, surueh mangadji undang-undang. sarato tjurai djo paparan, basuo de' hambo dalam tambo, dalam sure' nan datue' bari; hambo lie' dalam sure' 'tu, lain dari Pariangan Padang Pandjang, ado pulo nagari tuo.
Satu nagari Sungai Tarab daru'ssalam, salapan batu didalamnjo. kaduo nagari Limo Kaum, gadjah gadang patah gadiengnjo, katigo nagari Tandjuang Sungajang, itu badatue' nan batudjueh, saparati para-mato diatēh ameh, ikan batalue didalam batu, itulah pulo namonjo, ba'itu tasabuí' dalam tambo.
Ba'apo asa mulonjo, mungko dikato pulo nagari tuo, io nagari nan tigo itu, tuo ba' apo nagari itu. ?
Ba'apo itu mulonjo, mangko banamo daru'ssalam, io nagari Sungai Tarab, sarato nan salapan batu.
Ba'apo pulo itu djalannjo, io nagari Limo Kaum, gadjah gadang patah gadiengnjo.
Ba mano pulo Tandjuang Sungajang, badatue' nan batudjueh, nan saparati paramato diatěh ameh, ikan batalue dalam batu, ba' apokoh itu asa mulonjo, datue' tarangkanlah itu di hambo, ama' djalëh pulo sakali," katonjo Bagindo Kajo.
Mandanga kato nan ba'itu, tagala' Datue' Radjo Pangulu, sambie mangapue-mangapue sirieh, lalu diguntjang girie'-girie', bakato sambie mangunjah: „Mano ang Bagindo Kajo, apo gunonjo itu de' ang, manga-tahui nagari urang, balun paralu itu kini, ato anjo akan sabuah, nan labieh paralu dikatabui, iolah dusun nagari awa'; kalau lah tantu nan di awa'. [ 61 ] baru dikadji nan di urang, misiki awa' tahu bana, 'adat limbago di’alam ko, sarató tjurai paparannjo, sampai ka Bantan ka Batawi, lalu ka Salat ka Malako, kalau ta' tarang nan di awa', apo gunonjo itu bujuang. mangatahui nagari urang, manantui laui' djo dare', gadjah dipalupue mato, tida' awa' mangatahui, tungau disubarang laui', itu juo nan ka dipandang, alang kan djangga itu bujuang.
Kini ba' itulah de' awa' ang, nan patui' ang kadji kini, iolah ‘adat nagari iko, nan tasabui' didalam tambo, djangan ba' urang nan banja' ko, de' pandai injo barundieng, sarupo io balako, dihimbau sadjo nan babunji, dilië' tida' nan basuo, kabanjakan pulo nan ba'itu, 'adat diudjuang lidah sadjo, usah ba' itu mangadji 'adat, usah babana diudjuang lidah, dari mului' lalu kahati, ba'itu bana handa'njo.
Adapun nan patui' ang katahui, nan ba' pitua urang tuo:
Page Templat:Ppoem/styles.css has no content.Galat skrip: tidak ada modul tersebut "Ppoem".
Tantukan itu dahulu, mano injo nan kaampe' suku, mano pulo nan buah parui', itu kampuang nan batuo, dangan rumah nan batungganai, ba' apo tatah barihnjo, hinggo mano pandjang galahnjo, satu-satu pēgangan itu, nan tida' bulieh tjarai tangga, ba'apo tjupa' gantangnjo, sarato 'adat limbagonjo, ba'apo barih balabēhnjo, antaro itu dangan iko, djaueh han bulieh ditundjue'kan, dake' nan bulieh dikako'kan. Kalau lah tantu nan ba' itu, alah tarang kampuang halaman awa', ba'apo salue' balue'njo. baru dikadji pulo sabuah lai, hado' urang dalam nagari, nan bapakai sanantiaso, nan didalam nagari awa'. Kalau lah tarang itu samonjo. djoko' awa' handa' tahu pulo, baru dikadji nan di urang. Kalau balun tarang nan di awa', satu-satu bahagian itu, usahlah urang dikatahui. mambari malu itu bujuang, djoko' tibo maso-masonjo, datang sudi djo diase', datang soä dangan tanjo, tantangan 'adat nagari awa', djo apo gajuang ka disambui', djo apo tanjo ka didjawab, awa' tasabui* tjadie' pandai, mangatahui 'adat djo limbago, pandai di tjurai di paparan, lalu kalaui' nan sadidih, musahue kian kumari, ditanjo urang kampuang awa', awa' tatjangang-tjangang sadjo, tida' tadjawab tanjo urang, sabab awa' [ 62 ] tida' mangatahui, mangadji handa' tinggi sadjo, disitu tumbueh malu basa, tida tapandang rupo urang.
Pado pikieran hati hambo, nan sakarang kini nangko, 'adat nan patui ang katahui, nan tapakai dalam nagari 'ko, nan diturun naie'kan urang, sa 'Alam Minangkabau 'ko, nan dipanggang tida' hanguih, nan digudam tida' patjah, nan sudah turun-tumurun, dari ninie' Katumangguangan, dangan Parapatieh Nan Sabatang. Adapun urang di'alam 'ko, ado babagi-bagi balako, bakagadangan satu-satu, radjo balako pado tampe'njo, djoko' tinggi ado randahnjo, kalau mulie ado hinonjo, nan hino ado mulienjo, samonjo dilingka 'adat djo limbago, nan tapakai dalam; nagari.
Pabesokan itu dahulu, tantui bana satu-satu, ama' tantu lata' dja lannjo. Kalau pandai bana awa' barundieng, mangētjë' patang djo pagi manjabui' 'adat siang malam, kalau tida' tantu lata' djalannjo, nan untue' urang saurang, sumbang itu bujuang namonjo, djoko' tida' kanai djalannjo."
Mandjawab Bagindo Kajo: „Malah ba'itu kato datue', tarangkan | djuolah di hambo, 'adat nan patui' hambo kadji, djalan nan patui' hambo tampueh."
Mambaleh Datue' Radjo Pangulu:,,Kini dangakan djuolah de' ang. ama hambo tjurai hambo papakan, tantangan 'adat dalam nagari, nan tapakai turun-tumurun, sadja' di ninie' mujang kito, hado' urang dalam nagari, banja' pulo itu pasanjo, dangakan de' ang sungguh-sunggueh, ama' tantu untue' surang-surang,
Djikalau ado urang bapindah, dari nagari kanagari, dalam 'Alam Minangkabau, misiki urang laki-laki, bale'pun urang parampuan, urang dagang itu namonjo, ba'adat djuo itu bujuang, kalau djaueh mantjari suku, djoko' dake' mantjari kari', djaneh nan bulieh ditundjue'kan, dake' nan bulieh dikako'kan, tampē' injo tabang manumpu, bakēh injo hinggo' mantjakam.
Kalau urang akan pindah, diam ka-satu2 kampuang, atau kadalam sata dusun, dalam 'Alam Minangkabau, ditantukan dahulu tapatannjo. nan ka mangakui urang itu, nan ka djadi ninie' mama'njo, nan ka mahilie mamudie'kan, kalau bare' nan ka mandjudjuang, djoko' ringan nan ka mandjindjieng. kalau apo-apo tumbueh atěh dirinjo, baie' burue' atau elo', kumbali kapado tapatannjo, nan mangakui urang itu, ba'itu sapandjang 'adat.
Kalau urang nan datang 'tu, handa' sumando-manjumando, ditampe'. injo munape', ataupun handa' basuami, kalau itu nan parampuan, ama' tarang ninie mama'njo. Itu tjantjang nan basangkalan, io kato nan bata[ 63 ] patan, nan mangakui urang itu, baie'pun injo utang sirieh, ataupun injo utang pinang, atau utang nan lain-lain, tatangguang pado tapatannjo, itulah urang nan mangakui, tantangan burue'misiki utang piutangnjo
Kalau lai ado nan ba'itu, samolah injo urang itu, dangan urang Bumiputo nan didalam nagari 'tu, ditampē' injo manapē' tadi.
Sungguehpun injo disamokan, dangan urang nagari 'tu, tida' bulieh itu salalu sadjo, mambue' barang sakahanda'njo, misiki 'adat nan dipakainjo. djoko malompe' basitumpu, namun mantjantjang basangkalan, ditantang air malapēh tubo, ditantang ikan nan ka mati, ba'itu sapandjang 'adat.
Kalau ta' ado nan ba'itu, malompe' tida' basitumpu, mantjantjang tida' basangkalan, tida'lah bulieh ditarimo, urang nan sarupo itu, pantun manangko' kabau djalang, nan lapĕh ditangah padang. Kalau injo malawan urang, ataupun injo malukoi, baie'pun injo mambunueh urang, ataupun barang sabagainjo, pado siapo dikatokan, kamano maminta' diat, kamano maminta' bangun, kalau kito dilukoinjo, kamano kito maminta' pampēh, utang siapo mambaiekan, piutang siapo manarimokan.
Tantangan sumando-manjumando, nan samo-samo sanagari, nan Salingkuang aue itu, atau nan badjumbai daun, atau nan bawatĕh tanah, djaueh nan buliēh ditundjue'kan, dakē' nan bulieh dikako'kan, malompë' basitumpu, mantjantjang laï basangkalan, badirilah ‘adat tantang itu, nan batali bulieh diiri', nan batampue' bulieh didjindjieng, basaue tando baike' djandji.
Alueran pado mambue' djandji, itu ikatan akan kawin, urang su- mando-manjumando, nan bapakai sapandjang ‘adat. kalau akan mampasuamikan ana', djoko' ana'njo sudah gadang, lah patui' pulo karumahnjo, mupakat dahulu ateh rumah, nan sakaum-kaum itu, sarato bapa'njo. dihadapan ninie' mama'njo, sarato urang tuo-tuonjo, ditjari mupakat samo awa', nan sakaum sadjo dahulu, awa' nan satu parinduan.
Kalau balun dape' sapakat, urang nan bakari'-baï, nan sakaum-kaum itu, laki-laki parampuan, balunlah bulieh dilakukan, parundiengan sumando-manjumando, djoko' kusui' disalasaikan, namun karueh dipajanleh, itu dahulu dihabihkan, ulieh pangulu nan disanan, nan tapantjie dipakampuangan nan badarai disusuni; kalau balun kato salasai, talarang itu dalam 'adat, mamparundiengkan nan lain", salah itu pado pangulu kalau tida' disalasaikan, sagalo silang salisiehnjo. Kalau itu dilakukan djuo, didalam kato balun salasai, mamatjah itu namonjo, kapado urang nan bakari', bulieh dihukum dalam 'adat, urang nan malakukan itu. misiki ibu djo bapa'njo, tida' bulieh bakahanda' hati sadjo. [ 64 ]Kalau alah kato salasai, baru bamulo parundiengan, kamano kato sapakat.
Kalau dapē parundiengan, antaro kaduo balah piha', dikarang djandji djo buatan, badiri ‘adat tantang itu, batimbang tando anjolai dimuko ninie' dangan mama', sarato urang patui'-patui', nan sakampuang kampuang itu, diatēh rumah nan parampuan, sarato urang sumandonjo nan lah ado dirumah 'tu, disitu tando basaue, ulieh kaduo balah piha' atau ditampe nan lain-lainnjo, dari sabalah parampuan.
Kalau tando sudah batimbang, ditakue' hari anjolaï, pabilo karadje dilangsuangkan, baie sapakan baie' sabulan, ataupun sampai duo bulan dimano-mano samupakat, urang nan duo balah piha', samantaro inje bahasie, urang nan batimba balie'.
Namun tando sudah batimbang, djandji ta' bulieh mungkie lai ba'itu sapandjang adat, panaguehkan djandji kaduo balah piha' (buatan sabalah-manjabalah); kalau mungkie salah surang. dimakan hukum dalam 'adat, kalau mungkie si laki-laki, kalau injo urang bapangkē', nan mamegang adat limbago, djatuehlah salah kapadonjo, mangganti sakimat tando, tando dipulangkan pulo anjolaï.
Adapun sagadang-gadang tando, disabalah laki-laki, kimatan amēb nan duo puluch, ba'itu 'adat nan biaso, tantangan tando parampuan, duo kali kimat laki-laki.
Nan tapakai mandjadi tando, manurui' sapandjang 'adat, kalau tando si laki-laki, tandonjo ukueran djari, iolah sabantue' tjintjin.
Tantang sahalah parampuan, tandonjo itu ukueran langan, jaïtu ‘abantue' galang, tatapi bulieh itu diganti, dangan tigo bantue' tjintjín. atau sabantue' tjintjin sadjo, nan kimatnjo duo kali si laki-laki.
Kaduonjo tando-tando itu, nan pakaian didalam 'adat, tida'lah bulieh sumbarang sadjo.
Kalau nan batando ita, bangso urang kabanjakan, ba'itu djuo lata' djakanujo, malainkan nan djadi salisiehnjo, iolah kimat haragonjo, manuru pakaian masieng-masieng, katjie' kaju katjie' bahannjo, gadang kajų gatang bahanajo, ba'itu djuo itu bujuang, manurui' tando nan talata' tatakalo mangarang djandji.
Sungguhpun itu: damikian, dikadji dahulu salah malah, antaro kaduo balah piha' : kalau nan mandjadi sababnjo itu, mangko mungkie nan lakeh datangajo dari nan parampuan, ataupun mungkienjo parampuan. datangajo dari nan laki-laki, ditimbang itu de' nan rapë'. didalam sidang rape adat, baie 'pun dalam rape suku, ataupun rape' banagari. dimano-mano nan patui'njo. Kalau patuí' itu sababnjo, mungkonjo itu djadi mung[ 65 ] kie, dikua sadjo tando itu, tangga ikatan masieng-masieng, urang nan duo balah piha'.
Urang nan mambue' salah tadi, nan manjababkan urang djadi mungkie, dihukum sapandjang 'adat, salah injo pado pangulu, nan mamatji' buatan tadi, mandjamu itu hukumnjo, kapado datuë' nan mamatji', sarato hakim nan mahukum, ba'apo timbangan datue'-datue', manilie' gadang salahnjo, nan manjababkan mungkie urang itu; itulah hukumannjo dalam 'adat, kalau urang mamungkieri djandji, nan sudah batimbang tando, di urang sumando-manjumando.
Tantangan pado nan salasai, kalau djandjinjo talah sampai, nan dikarangkan mulo tadi, dibari tahu ninie' mama', didjalang korong dangan kampuang, sarato indu dangan suku, dibao sirieh nan bakabe', sarato Pinang nan batumih, ditakue' hari ditiui' bulan.
Kalau lah sudah samporono, didudue'kan nan sado itu, ditantukan hari kutikonjo, ulieh pangulu nan d'sanan, dilapēhlah panggie kiri kanan, siapo-siapo nan patui dipanggie, ditundjue'kan ulieh pangulu, sarato urang tuo-tuo, nan kuaso dikampuang itu.
Kalau tibo djangko kutikonjo, dikawinkan urang itu, dihadapan pangulu dan walinjo, sarato dangan malim nikahnjo, pandito dangan maulano, tjukui' balako itu disanan.
Kalau lah sudah ‘akad nikah, badirilah 'adat marapulai, datangnjo badjapui'-djapui', païnja bahanta-hanta, sarato ara' dangan irieng, baie pun ale' dangan djamu, ba' apo pakai nan biaso, manilie' tinggi randahnjo djuo.
Kalau malang tida' tatula', mudjue tida' taraieh, djoko' injo handa' batjarai, antaro urang nan barakanan, wadjib kapado kaduonjo, laki-laki dangan parampuan, paï mandjalang pangulu tadi, nan mahado'i mulo nikah ataupun pangulu nan gantinjo, baie pun nan djadi wakienjo, nan kuaso dikampuang itu, dari sabalah parampuan, sarato dangan kali nikahnjo. disitu tala' didjatuehkan, ulieh nan laki-laki 'tu; kalau tida' didanga kali, atau didanga pangulunjo 'tu, bida'ah namo tala'njo, ba'itu sapandjang kadji, nan kuaso, dangan sasinjo urang nan patui', ba' itu mungko samporono, manuruik hadih nabi kito, nan makasui' njo: tio'-tio' sasuatu itu kumbali kapado asanjo. Karano nikah itu mulo djadinjo, dihadapan pangulu da- gan kali, wadjib pulo sara' tjarainjo, dimuko pangulu dangan kali djuo. nan pitua guru-guru, malainkan dimuko pangulu djuo, sarato kali
Tatapi kalau nikah nan batahkim, bulieh dimuko siapo nan ta'at Sadjo djatueh tala'njo itu, ba'itulah 'adat nan biaso, nan dikarang urang tuo-tuo, dalam ‘adat nikah tala', urang sumando-manjumando. [ 66 ]Adab
Sabuah lai pulo bujuang, tantangan adab djo tarati', nan patui' kito pakaikan.
Adapun adab nan paratamo, patui' kito bakasieh-kasiehan, antaro samo-samo hambo Allah, dangan sahabat kanalannjo, sarato kaum kirabatnjo, dangan dansana' sudaronjo.
Adapun adab nan kaduo, haromat kapado ibu dan bapo, sarato guru dangan radjo, baie'pun mama' dangan ninie', sarato urang mulie-mulie.
Adapun adab nan katigo, nan tuo wadjib dimuliekan, nan mudo patui dikasiehi, samo gadang dipabasokan.
Adapun adab nan kaampe', adab bakorong djan bakampuang, adab bakaum bakirabat, kalau suko samo tagala', kalau duko samo manangih. batolong-tolongan pado djalan kabaie'kan, djangan batolong-tolongan pado djalan ma'siat, ataupun djalan aniajo, usah mamakai kidji' kianat, sarato lobo djan tama'ah, usah awa' badangki-dangkian, samo-samo kito hambo Allah, pado djalan nan patui'-patui', djanganlah manilie' kapado sagalo manusie, dangan tilie' bamasam muko, itulah dio adab nan patui', kito pakaikan satio' hari.
Tarati'.
Adapun tarati' kapado radjo-radjo, dangan urang basa-basa, dan kapado alim 'aluma, kapado ibu bapo, dan kapado ninie' mama', dan urang tuo-tuo, dangan urang nan mulie-mulie, kalau manjambui' barang sasuatu, handa'lah malata'kan tangan kanannjo, diatēh tangan kirinjo. Ukatu maundjue'kan barang suatu, dudue' mangadapnjo dangan basimpuah, djoko' badjalan mangudian; kalau samo minum dan makan, handa'lah kudian dari padonjo, djangan mamatjah-matjah nasi, dan djangan mangalatie kan tangan, labiehkan manakue dari pado maningadah kapadonjo dan apabilo injo bakato-kato, dangan urang basa-basa itu. handa'lah lamah lambui' suaronjo.
Sipat parampuan.
Adapun sagalo parampuan itu, handa'lah injo bahati saba, manurui' sagalo paréntah suaminjo, sarato ibu djo bapa'njo, baie' ninie' djo mama'njo; kalau injo bakato-kato, handa'lah injo marandahkan diri, kapado sagalo mareka itu. Dan wadjib baginjo pulo, baradja alēmu djan tarati' sopan, sarato kalakuan nan baie'-bale', maindakan injo sagalo parangai, nan ka mandjadi tjalo kapadonjo, atau kapado suaminjo, atau kapado [ 67 ]kaum kirabatnjo, nan timbue karano laku parangainjo, de' tarati'njo nan kurang maradēso, kalau injo lah basuami, handa'lah injo bahati mu'min hado kapado suaminjo.
Parangai.
Adapun parangai nan wadjib, atēh sagalo mukalue', laki-laki dan parampuan, iolah manuntuî' alēmu, dan mamparadjaï 'adat dan haromat, dan marandahkan dirinjo pada tampë'njo djuo, dan wadjib io baguru, sipat bakato-kato nan maradēso, bagaimano buni nan akan baie', didanga ulieh talingo si pandanga, sarato dangan parangai nan lamah lambui' djuo dilakukan, dangan haluih budi bahasonjo, karano kito balaku haromat kapado urang basa-basa, dan urang mulie-mulie dan urang tuo-tuo, supajo tapaliharo dari pado upe' dan tjatji, itulah kasamporonoan parabasaan, bagi urang baie'-baie', nan tapakai dalam nagari, atau didalam ‘alam nangko.
Utang bagi urang tuo-tuo.
Adapun nan utang bagi urang tuo-tuo, dan urang tjaradie' pandai, dan urang mulie-mulie, dan sagalo 'arih bidja'sano, jaïtu haruih baginjo mainge'kan, kapado sagalo ahli-ahlinjo, dan kapado sagalo urang nan paratjajo kapadonjo, dan kapado sagalo kaumnjo, nan takulitjie' daripado malakukan, parangai dan tarati nan baie'-baie'.
Mangko handa'lah dibantahinjo, sagalo kalakuan marêka itu, nan basalahan dangan kato nan kabanaran djuo, mambari pitundjue' io akan sagalo kaumnjo itu, supajo io malakukan sagalo parangai nan baie dan nambuangkan sagalo parangai nan kurang baie' itu, supajo mudah sakalian marēka itu mangatahui akan kaendahannjo, dan kamuliean nan tapakai, ulieh urang basa-basa, nan mambao kapado djalan kabadjikan, dan kasamporonoan hidui'njo, supajo inge' sagalo ana' kamanakannjo itu kapado nan baie', dan lambui' hatinjo nan karěh itu, karano hati itu talabieh karěh, dari pado batu dan basi. Kalau lah bakato-kato urang tuo-tuo, dan urang tjaradie' pandai itu, dangan alêmunjo dan pangatahuannjo nan samporono, ta' bulieh tida' akan lambui'lah urang nan karēh-karěh itu ulieh muslihatnjo, dan kanduelah nan tagang itu, sabab pandainjo bakato-kato, malakukan nasihat nan baie'-baie' itu. Karano itu wadjiblah bagi urang nan tuo-tuo, dan tjaradie' pandai itu, akan mairi' sagalo kaum kaluagonjo, dan urang-urang nan pitjajo kapadonjo, dangan parkataan nan lamah lambui' djuo, sarato tutue kato nan baie'-baie'. akan panarie' hati sakalian marēka itu, kapado sakalian djalan kabadji'kan, [ 68 ]mambari suko hatinjo mandangakan; sarato wadjib djuo kapado urang tuo-tuo, dan tjaradie' pandai itu, akan bakaba-kaba dan mambari-bari inge', kapado sakalian kaum kirabatnjo, apo-apo pakabaran, burue' dangan baie', mantjuritokan kaba-kaba, nan talah lalu dahulu-dahulu, nan dilié' dan didanganjo, dangan manjatokan bakēh-bakēhnjo baie' dan djahat, supajo mandjadi pangadjaran dan paringatan djuo, kapado sagalo ahli-ahlinjo itu, jaïtu kaba-kaba nan babatuelan, dangan kiro-kiro si pandanga. Damikianlah nan wadjib dipakaikan, ulieh urang tuo-tuo dan tjaradie pandai, dan 'arih bidja'sano itu, dan manjigai-njigaikan dirinjo dangan kaumnjo itu, aratinjo djanganlah io mangatokan djuehnjo, dari pado maréka itu, malainkan wadjib io manjatokan hampienjo djuo, supajo batambah-tambah kasieh sajangnjo, kaum kirabatnjo itu, dan murah baginjo malakukan sagalo nasihat-nasihat, dan pitundjue' nan dilakukannjo, kapado sakalian urang itu.
'Adat bakaum bakaluago.
Apabilo ado karadjo dalam kampuang, atau dalam suku atau dalam nagari, misiki karadjo baie', ataupun karadjo burue' (nan dikatokan karadjo baie', karadjo nan manjukokan, dan nan dikatokan karadjo burue' itu baduko-duko, saumpamo kamatian, dan karugian nan tibo-tibo sadjo): kalau suko samo tagala', kalau duko samo manangih, kalau paï karano surueh, baranti karano tagah, aratinjo apo-apo pabuatannjo, handa'lah dangan sapangatahuan pangulu-pangulunjo djuo, sarato urang tuoºnjo, dan sana' sudaronjo nan patui'-patui'. Damikianlah 'adat urang bakaum bakaluago, dan barana' dan babapa', baïpa-babisan baindu-basuku. Itulah nan dipatalikan, dangan 'adat limbago, nan basalue' ure', nan badjumbai aka, balêmbai putjue' namonjo, manjarudue' samo bungke' malompe' samo patah; kalau kaaie samo basah, djoko' kaapi samo latui'. Itulah nan dinamokan samalu sasopan, kalau kakurangan tukue'-manukua', djoko senteng bilai-manibilai, nan barē' samo didjudjuang, nan ringan samo didjindjieng.
'Adat pangulu kapado ana' buah, atéh karadjo buru' djan karadjo baie'.
Apabilo sudah dipulangkan, kapado pangulu djan urang tuo-tuo, barang suatu hal ana' buahnjo, wadjiblah bagi sagalo pangulu itu, ko' kusui' manjalasaikan, nan karueh mandjaraniehkannjo; mahukum dangan djalan ka‘adielan, basarato dangan urang tuo-tuonjo disano.
Adapun nan dikatokan tuo disano, iolah urang nan tjaradie' pandai. urang nan ba'aka djuo, nan akan manimbang burue' dangan baie', tinggi dangan randah, supajo mandjadi salasai, saisi kampuangnjo itu. [ 69 ]Djikalau tida' putuih, apo-apo nan dipasalisiehkan, tantangan ana' buahnjo, dalam satu-satu kampuang, ulieh pangulu-pangulu dan urang tuo-tuo disitu, wadjiblah kapado pangulu-pangulu, dan urang tuo-tuo itu. mambao sarantau hilie sarantau mudie', mantjarikan aie nan djanieh, saja' nan landai, katian nan gano', supajo dape' kato kabanaran, dan aman sagalo kaum kaluagonjo.
'Adat urang djadi kali, dan pandito-pandito, dan ‘aluma-'aluma, imam kati' bilal dan maulano, handa'lah io mangatahui bana-bana, sagalo aturan agamo sara', didalam surau dan musadji'-musadji'njo, atau didalam Sagalo madjalih padjamuan, dan pado tampe' nan sutji-sutji, baie'pun didusun-dusun, atau dimēdan madjalih urang banja', handa'lah salalu io malakukan, parangai nan sutji dan haromatnjo, supajo mandjadi sulueh, kapado sagalo isi nagari, dan nan akan diturui', ulieh sagalo muri'-muri'njo, dan wadjib io maatuekan, sagalo pandjagaan nan basalahan, dalam musadji surau-surau, dan dalam madjalih padjamuan, nan akan mandjadi katjalaan kapado tarati' agamonjo, 'nan bulieh mambinasokan, tarati' kamaradesoan urang sia-sia', 'alim-'alim 'aluma nan samporono.
'Adat laki-laki kapado parampuan nan sudah dikawininjo.
Wadjib laki-laki itu mambari napakah lahie dan batin, kapado istirinjo itu, dan mambari tampe' kadiamannjo, sarato mambari minum makannjo, dan pakaiannjo sakurang-kurangnjo duo pasalin satahun; dan wadjib pulo bagi parampuan itu, balaku parangai nan samporono, kapado sagalo ahli-ahli lakinjo, dangan parangai haromat dan tarati' sopan, saparati adab kapado suaminjo djugo. Damikianlah pulo wadjiblah bagi si laki-laki itu, baparangai nan maradeso, kapado sagalo kaum kirabat ana' istirinjo, saparati io malakukan parangai, kapado kaum kirabatnjo nan patui'-patui'; bagaimano parampuan itu, haromat kapado ibu bapa'njo, dan ninie' mama'njo, ba'itu pulo handa'njo, io maharomati dan mamalui, akan ibu bapa' dan ninie' mama' parampuannjo itu, dangan parabasaan nan lamah lambui', dan handa'lah io mambari pitundjue', akan ana' istirinji nan tagulintjie dari malakukan haromatnjo, kapado kaum kirabatnjo dan ibu bapa'njo dan ninie' mama'njo, nan sapatui'-patui'njo diharomatinjo, supajo istirinjo itu, balaku parangai nan baie'-baie', dan baradat nan samporono, kapado ahli-ahlinjo, dan wadjib bagi suaminjo itu, malarangkan akan istirinjo itu, kapado sagalo djalan parangai nan basalahan. dangan adab dan tarati', nan maradeso dan bantahan, supajo parampuannjo itu, tato' manurui' djalan nan baie'-baie', dan kalakuan nan sopan, itulah nan sabaie'-baie'njo, dilakukan ulieh sagalo laki-laki nan baistiri, kapado istirinjo masieng-masing. [ 70 ]Milie'.
Adapun milie' itu babagai-bagai, ado milie' radjo, ado milie' pangulu, ado milie' kali, ado milie' manti, ado milie dubalang dan pagawai, ado milie imam dangan kati', dan ado pulo milie' urang banja'. Akan milie' surang-surang itu, tida'lah bulieh dikuasoi, ulieh nan tida' punjo milie'.
Adapun milie' radjo itu mamarentah, dan mahukumkan sagalo pasalisiehan hambo ra'ajatnjo, nan sampai kapadonjo, dan mandjago kasantosoan nagari, dan mangatahui io akan parangai, sakalian urang nan dibawah kakuasoannjo, sarato bahubuangan dangan sagalo panungkē'njo dan mahukumkan io kapado sagalo urang, nan manungkē'njo nan babuē' salah, supajo samporono sagalo nagarinjo, dan santoso sagalo hambo ra'ajatnjo.
Adapun milie pangulu itu, mandjago io akan kasantosoan, dan kasalamatan ana' buahnjo, baie' dalam kampuang, baie' dalam suku, baie' dalam nagari, pada tampe'njo masieng-masieng, dan wadjib baginjo manantukan, batĕh bintala' milie' anak buahnjo, didalam satu-satu pēgangannjo, dan lain-lain nan akan mambari kabadji'kan, kapado sagalo ana' buahnjo.
Adapun milie' kali itu, mahukumkan io akan djalan-djalan hukum sariat agamo nabi kito Muhammad, dan manantukan sah bata, pasa dan bab, dalie dan ma'ananjo, tio'-tio' hukum agamo dikaluakannjo.
Adapun milie' pagawai dan dubalang, manurui' io apo-apo nan dititahkan pangulu-pangulu, kapadonjo tantangan mandjago kasalamatan nagari, manakie' nan karěh, manjudu nan luna', dangan manurui' djalan kabanaran djuo.
Adapun milie' bagi urang banja' itu, wadjib io manurui' sagalo titah paréntah pangulu-pangulunjo, dan urang tuo-tuonjo, dan mamaliharokan io akan pakaradjaannjo masieng-masieng, sarato dangan jakin io manurui titah radjonjo, nan sampai kapadonjo, dan kalinjo dan ibu bapa'njo, dan sana sudaronjo.
Adapun milie' bagi harato bando itu, saparati sawah ladang, amëh pēra' kabau-djawi, ajam-itie', dan lain-lainnjo, wadjib taganggam pado nan punjo milie masieng-masieng djuo, tiadolah haruih dimiliki, ulieh nan bukan si milie'njo.
Ha'
Adapun ha itu tiadolah tato' tapēgang, kapado nan punjo ha' itu salamonjo, ha' nan tapegang ditangan nan punjonjo sandiri-sandiri, itulah ha' milie" mamonjo, dan ado ha' itu nan tapēgang, dalam tangan urang: [ 71 ]lain, mangko dinamoi itu, „ha'njo sadjo", tatapi nan mamiliki urang lain. Itulah undang-undang nan tapakai dalam nagari di 'Alam Minangkabau 'ko nan patui' dahulu ang katahui, tantui bana itu dahulu, sado nan hambo babui' tadi, nan bapakai dalam nagari 'ko, ama' tarang pegangan surang-surang, ama' babēso urang djo awa', baie' djaueh baie' dake'. Ba'itu urang mangadji 'adat; kalau balun tarang nan di awa', djanganlah urang dikatahui, sio-sio itu bujuang, mangadji handa' tinggi sadjo, kalau ta' tarang nan dibawah; ba' nan hambo katokan tadi, pikieri bana sungguh-sunggueh, kalau babilang dari aso, namun mangadji dari alih, ba'itu urang baraka," kato Datue' Radjo Pangulu.
Mandjawab Bagindo Kajo: ..Sagalo nan datue' sabui' 'tu, itulah dalam hati hambo, misiki tida' datue' sabui'kan, itu kan hambo kadji djuo, alah takana itu de' hambo, sagalo nan datue' adjakan tadi, tida' ka lupo de' hambo. Ato hanjo nan kini nangko, mangko hambo maminta' djuo, itu kapado diri datue', nan hambo tanjokan tadi, ĕlo'lah hambo hime' djuo, sabab datue' urang lah tuo, sadang ta' rata' injo lai patjah, sadang ta' saki' urang lē mati, kalau tibo malang di hambo, djandji 'kan tida' tatantukan, antah takalo' pagi-pagi, antah takalo' patang-patang. antah balaku para' siang, kajo Allah siapo tahu, kalau tida' ado datue'. pado siapo hambo maminta', pado siapo hambo tanjokan, namun nan tantang nagari iko, banja' urang nan mangatahui, tida' kan susah manjarinjo," katonjo Bagindo Kajo.
Madanga djawab Bagindo Kajo, tamanuang Datue' Radjo Pangulu, lalu bapikie sakutiko, mamikiekan kato itu.
Alah sabanta injo bamanuang, lalu bakato anjolaï: Kalau itu kahanda' hati ang, bulieh pulo hambo tarangkan, mano nan dapē' de hambo.
Adapun nan ang tanjokan itu, iolah nagari Sungai Tarab, sarato nagari Limo Kaum, dangan nagari Tandjuang Sungajang, tuo ba'apo nagari itu.
Kini dangakanlah de' ang, ama' hambo tjurai hambo papakan, mano-mano nan hambo danga dari ninie' ang, iolah mandiang bapa' hambo, dangan baliau mandiang datue', nan hambo gantikan gala.
Adolah maso dahulunjo, tatakalo sumue ka dikali, nagari akan ditjatja', di 'alam pulau Patjo 'ko, ba' nan lah hambo sabui' dahulu, balun ado urang banagari, hanjolah Pariangan Padang Pandjang, itulah sadjo baru nan ado, nagari dipulau Améh nangko: lain dari pada itu, hanjo lai samato-mato, ado bapulau satu-satu, dimano-mano katinggian, tatapi balun baisi urang, hanjo rimbo bakampuang-kampuang, sarato dangan batu karang, sadang dilamun-lamun omba'. [ 72 ]Alah sudah nagari Pariangan, sarato dangan Padang Pandjang, de Jamo batambah rami djuo, alah kambang urang disitu, alah sasa' nagari itu, djadi bapikie malah radjo, nan bagala Sultan Sari Maharadjo Diradjo.! sarato urang tjadie' pandai, mantjari mupakat maso itu, akan mantjari tanah nan lain, akan tampe' urang bapindah, karano magari Pariangan. sudah batambah sasa' djuo; sasudah dapë' kabulatan, disuruehlah Tjati Bilang Pandai, mantjari tanah daratan, akan tampē' urang bapindah.
Adolah Tjati Bilang Pandai, sabab ba'itu titah radjo, didakinjo: gunuang Marapi, dilie'-lie' dari sanan, dipandang hilie dangan mudie dilië' kiri daugan kanan, dilajangkan pandang djaueh, ditukie'kan pandang dake', arah kakaki gunuang itu, alah tampa' tanah daratan, tampa rimbo bakampuang-kampuang, buki' tasumbue satu-satu, kalua dari dalam laui'; dilië-lie' dipandangnjo, mano-mano tanah nan data, nan ĕlo' bakéh tampe diam, ka bakeh urang bapindah. De' untuang takadie Allah. tampa lah pulo tanah nan data, lalu ditadah diulueri, io tanah nan tampa itu, alah tantu tumpue' lata'njo, babalie' turun anjolaï, io kakampuang Pariangan; bakamēh Tjati Bilang Pandai, diambie' sabuah parahu, dibao kawan duo tigo, lalu balaie anjolaï, ditudju tanah data tadi. Tida' barapo antaronjo, angin baie' galombang tanang, sampailah injo katanah 'tu. lalu dilië' diparëso, lawēh nan bukan alang-alang, tumbueh rimbo bakampuang-kampuang, habih talië' tanah itu; alah katudju pado mato, taraga pulo dalam hati, sabab datanjo tanah itu, labieh elo' dari kampuang Pariangan, patui ka tampē' diam radjo. Alah sudah diparësonjo, lalu babalie anjolaï, ka Pariangan Pandang Pandjang, dikatokan pulo pado radjo, sagalo nan sudah diliati.
Mandangakan kaba tanah itu, sangē'lah suko hati radjo, lalu balaic radjo kasanan, basamo Tjati Bilang Pandai, paï malië' tanah itu; alah sudah itu diliati, katudju pulo pado radjo, lalu babalie' anjolaï, ka Pariangan Padang Pandjang, mandjapui dansana sudaronjo.
Tida barapo antaronjo, alah bapindah radjo itu, katanah nan dapé' tadi, dibaonjo tudjuch parampuan, barampe' urang laki-laki, sado nan kari' radjo itu, manurui' pulo salapan laki-laki, sarato salapan parampuan, dilua kari' radjo tadi. Alah sampai injo kasanan, sangē'lah suko hati radjo, sabab mandape' tanah itu, dibue' pulo kampuang disanan, dinamoinjo Bungo Satangkai, sabab ukatu radjo tibo disanan, ado mandape bungo satangkai, lalulah diam radjo disanan, dangan kari'-kari'njo tadi sarato nan anam baléh, dangan Tjati Bilang Pandai.
Lamolah pulo antaronjo, ramilah pulo urang disitu, dibuē' sabuah pamēdanan, akan tampé' hamain-main, tampē' radjo basuko-suko. Kamudian dari itu, ditanam datue' salapan urang, iolah urang nan dibao tadi. [ 73 ]nan samo datang dangan radjo, nan mulo malambeh nagari 'tu. Lamolah pulo antaronjo, kumbali pulo radjo tadi, ka Pariangan Padang Pandjang, sarato Tjati Bilang Pandai; tinggalah datue' nan salapan, sarato kari' radjo tadi, manunggu kampuang Bungo Satangkai. Tatakalo samaso itu. ditaga'kan batu salapan buah, ditangah medan nan tadi, akan mandjadi tando kagadangan, kadudue'an datue' nan salapan, ukatu mahukum parakaro. Sabab radjo akan pindah, kumbali ka Pariangan, tinggalah datue' nan salapan, akan mahukum kampuang itu, djadi banamo anjolaï. Datue' Nan Salapan Batu, didalam Bungo Satangkai itu.
Antah barapolah lamonjo, matilah radjo nan tadi, di Pariangan Padang Pandjang, tida' diganti itu diasanan, diganti di Bungo Satangkai, dangan ana' kari'njo tadi: tatapi balun mamarentah, sabab baharu ana' kete', hanjolah Datue' Nan Salapan, nan mahukum samaso itu, didalam kampuang Bungo Satangai. Pado maso kutiko itu, dibué pulo balai balerong, didalam kampuang Bungo Satangkai, dihalaman radio itu, itulah balai untue' radjo.
Allah ta'ala manggara'kan, dihalaman radjo itu, kalua sabuah ana' sungai, datangnjo dari rumpun taro', sabab karano dari itu, dinamoi anjolaï, iolah itu Sungai Taro' *), itulah tampë' mandi radjo. Kamudian dari itu, kampuang Bungo Satangkai, djadi banamo Sungai Tarab, sabab karano sungai tadi, itulah namonjo sampai kini, ida' ado barubah-ubah. Tatakalo samaso itu, di Pariangan Padang Pandjang. lalu ka Bungo Satangkai, urang nan djadi wakie radjo, iolah Tjati Bilang Pandai, dangan Datue' Suri Diradjo.
Lamolah pulo antaronjo, mangko gadang Datue' Katumangguangan, dangan Datue' Parapatieh Nan Sabatang, sarato Datue' Sari Maharadjo han Banago-nago; lah gadang itu katigonjo, baru diangké djadi pangulu akan djadi kulipah radjo.
Adapun Datue' Katumangguangan, dangan Datue' Parapatich Nan Sabatang, sarato Datue' Sari Maharadjo nan Banago-nago, kulipah djuo dari nan baduo, iolah Tjati Bilang Pandai, dangan Datue' Suri Diradio, buleh hidajat hidui'-hidui', tjadie' nan bukan alang-alang. lagi djohari bidja'sano, pandai manimbang burue' baie', ikui'tan urang nam banja', lagi kiramat katigonjo.
Alah sudah djadi pangulu, datue' nan batigo itu. sangatlah suko "rang banja', sabab de' adie dan pandainjo.
Ado kapado suatu hari, bamupakat datue' nan batigo 'tu, sarato Tjati Bilang Pandai, dangan Datue' Suri Diradjo, sarato Datue' Banda haro Kajo, dangan Datue' Maharadjo Basa, handa' mantjari tanah
- ) disabut' Sungai Tarab [ 74 ]daratan, akan ampè' urang bapindah, supajo lawēh ‘alam nangko, ama
murah djalan panghidupan, ditjari pulo tanah nan lapang. Alah putuib mupakat itu, balaie Datue' Parapatieh Nan Sabatang, dibaonjo balimo laki-laki, balimo pulo parampuan, manudju katangah laui', tatapē' kapado satu tanah. leba nan bukan alang-alang, tanahnjo data ba' ditampo, lalu diam injo disanan. dinamoinjo Dusun Tuo; babue' rumah pulo disanan dibawah kaju nago taran, sarato urang nan balimo. Lamolah pulo diam disitu, kambanglah pulo urang itu, lah banja' pulo urang nan datang. manuruti kamudian sabab lah rami itu disanan, dikaradjankan nan balimo, bagala Datue' Nan Balimo, itulah datue' nan limo kaum; sabab balimo kaum nar kambang, nan mulo datang kakiun, ditampē' karadjan tadi, dinamoi Tanah Karadjan, itulah mēdan nan bamulo, didalam koto Limo Kaum, didalam kampuang Dusun Tuo.
Adapun Datue Parapatieh Nan Sabatang, mandjadi putjue' injo disanan, itulah radjo de' nan balimo; de' lamo bakalamoan, dibuē koto duo baléh, sabab awa' lah rami djuo, mandjadi nagari anjolaï, banamo nagari Limo Kaum, limo kaum duo baleh koto. Kamudian dari itu, babalie' Datue Parapatieh Nan Sabatang, io kadalam Pariangan, tida' barapo antaronjo, dibaonjo tudjueh laki-laki, batudjueh pulo parampuan, manudju katangah laui'. Tida' barapo antaronjo, mandape' pulo tanah sabidang. mandjarodjo' kadalam laui', dinamoinjo Pangka Bumi, babue' kampuang pulo disanan, banamo kampuang Tandjuang Bali', sabab babali' kampuang itu. Lamolah pulo antaronjo, mangiang sungai dimudie'njo, sabahkarano dari itu, dinamoi pulo sungai itu, iolah Sungai Nan Mangiang; de' lamo batambah rami djuo, iolah kampuang Tandjuang Bali', bapindah satangah urang itu, mambue' kampuang sabuah laï, io ka Sungai Nan Mangiang, banamo pulo kampuang itu, iolah Sungai Nan Mangiang; kamudian disabui Sungajang sadjo, itu nan murah manjabui'njo. De lamo-bakalamoan, ramilah pulo kampuang nan duo 'tu, djadi nagari anjolaï, disatukan kaduonjo, banamo nagari Tandjuang Sungajang, itulah namonjo sampai kini, tida' ado barubah-ubah, sadang Pangka Bumi tadi. kini banamo Udjuang Tanah.
Kamudian dari itu, ditanam pulo tudjueh datue'. iolah urang nau mulo datang, nan mulo malambéh nagari 'tu, dibawah Datue' Parapatieh Nan Sabatang, dinamoi itu kasamonio, iolah Datue' Nan Batudjueh. didalam kampuang Tandjuang Sungajang: mangko Datue' Nan Batudjuch 'tu, tida' adlo baragieh-agieh, samo kue' samo kuaso, samo mahukum batudjuehnjo, didalam kampuang nan duo 'tu. Ba'itu kaba baritonjo. nan hambo danga dari ninie' ang, itulah sabab karanonjo, mangko djadi nagari nan tigo itu. [ 75 ]Satu nagari Bungo Satangkai, iolah ranah Sungai Tarab, nan badatue Nan Salapan.
Kaduo nagari Limo Kaum, nan banamo Dusun Tuo, nan badatue' Nan Balimo.
Katigo nagari Tandjuang Sungajang, nan badatue' Nan Batudjueh mangko dikato urang pulo, nagari itu nagari tuo, lain dari Pariangan Padang Pandjang, sabab itu nagari nan dahulu bana, sasudah nagari Pariangan Padang pandjang.
Adapun urang di Pariangan, kanagari nan tigo itu, mulo-mulo bana turunnjo.
Kamudian dari itu, bapindah pulo Datue' Sari Maharadjo Nan Banago-nago, mambue' kampuang sabuah laï, dibarueh nagari Pariangan Padang Pandjang, dialahnjo rimbo sakampuang, dinamoinjo kampuang Sialahan tatapi tida' barapa lamo, diam dikampuang Sialahan. sabab kurang itu datanjo, djadi baralieh anjolaï, arah kaburueh Sialahan, babue koto injo disanan, dinamoinjo kampuang Koto Tuo.
Kamudian dari itu, badjalan Datue' Katumangguangan, mandaki gunuang Marapi, manurun injo dari sanan, kasubalie' gunuang itu; tida' barapo antaronjo, sampailah pulo kabawahnjo, babue' koto pulo disanan, karano ēlo' itu padangnjo, dinamoinjo Padang Bandaharo. ditinggakan urang disanan, akan mauni kampuang itu, ditanam pulo pangulu disanan. bagala Datue' Bandaharo. Kamudian dari itu, alah kambang pulo disanan, ramilah Padang Bandaharo, djadi bapindah pulo urang dari sanan, bapindah katanah radjo, mangko banamo Tanah Radjo. Tatakalo maso dahulu, io di Padang Bandaharo, mamandang Datue' Katumangguangan. manampa' tanah satumpue', lalu bakato maso itu, kapado urang nan disanan:,,Itu tanah kito djuo, kalau sasa' kalian disiko, bulieh djuo Pindah kasanan."
Tatakalo mulo urang kasanan, dari Padang Bandaharo tadi, banja' urang nan djadi sagan. sabab karano di Tanah Radjo, salalu dilamun ampuah, tatapi sabab kasasa'an, bapindah djuo itu kasanan, banamo pulo itu disanan, nagari Ampuah dangan Baso, sabab babaso mulo kasanan, itulah namonjo sampai kini.
Adapun Datue' Katumangguangan, dangan Datue' Parapatich Nan Sabatang, sarato Datue' Sari Maharadjo Nan Banago-nago, alah sudah nagari-nagari itu, tato'lah injo katigonjo, manjusun adat djo limbago. mambue' tjupa' dangan gantang. sarato bungka djo taradju, malië'-lié' tarati' urang, dalam tio'-tio' nagari itu.
Pado maso kutiko itu, adolah Tjati Bilang Pandai, bapa' Datue' Parapatieh Nan Sabatang, balaie djuo kian kumari, mantjari tanah dara [ 76 ] tan, akan tampe' urang bapindah, ama' lawēh djuo 'alam nangko. De'! lamo-bakalamoan, banja'lah pulo tanah nan dape', akan tampē' urang bapindah, sabab laui' lah manjinta' djuo, batambah lawēh bumi Allah. alah dibagi-bagi pulo urang tadi, io de' Tjati Bilang Pandai, dimano-mano tanah nan baie, disurueh uni samonjo, didjapui' urang ka Sungai Tarab, didjapuí' urang ka Limo Kaum, didjapui' ka Tandjuang Sungajang. Itulah sabab karanonjo, mangko disabui' urang pulo, urang turun dari nagari nan tigo 'tu, ado djuo nan dari Pariangan, sarato kampuang Koto Tuo. Alah banja' nagari nan bauni, hampie batunggu kasamonjo, mano-mano tanah nan baie', sananglah hati nan batigo, sarato Tjati Bilang Pandai. lalulah injo siang djo malam, manimbang burue' dangan baie', mantjari alue dangan patui', nan ka pamaliharo urang banja', ama' salamat ‘alam nangko, sampai kapado tjutju piui', ba' itu niat nan batigo, sarato Tjati Bilang Pandai, dangan Datue' Suri Diradjo.
Kamudian dari itu, ado kapado satu hari, badjalan Datue' Parapatieh Nan Sabatang, sarato Datue' Katumangguangan, dangan Datue' Sari Maharadjo Nan Banago-nago, sarato Tjati Bilang pandai, mandaki gunuang Marapi; sampailah bana kapuntja'njo, lalu mamandang kiri kanan, dipandang hilie dangan mudie', tampa'lah djurai tigo djurai, sadju- rai hado' ka Tanah Data, sadjurai hado' ka Lubue' Agam, sadjurai hado ka Limo Pulueh. Dilié'-lie' dari sanan, sangatlah banja' tanah nan lēba, nan balun diuni urang, tantang djurai nan tigo tadi; lalu mupakat maso itu, handa' balaie katigonjo, malië' tanah nan tigo itu, akan dibuē' djadi nagari, akan tampe' urang bapindah, lalu dibahagi maso itu, dari atëh gunuang Marapi, kamano-mano akan paï, katanah nan tampa' itu.
Alah sudah injo bamupakat, lalu manurun anjolaï, ka Pariangan Padang Pandjang, dibuē' parahu tigo buah, ulich datue' nan batigo. iolah Datue' Katumangguangan, dangan Parapatieh Nan Sabatang, sarato Datuc' Suri Maharadjo Nan Banago-nago; satu-satu parahu itu, limo pulueh urang banja' isinjo. laki-laki parampuan, samolah itu katigonjo, lalu balaie anjolaï, manadai nan tigo tadi, dibagi-bagi urang itu, kapado tio'-tio' tanah, mano nan balun barisi urang, babagai-bagai itu banja'njo. ado ampe' dalam sakoto, ado nan limo dalam sakoto, ado nan anam ado nan tudjueh, ado djuo nan salapan, ado pulo nan duo baleh, isi satu-satu koto, manilie' ba' apo laweh tanahnjo, nan akan diuni urang nantun. itulah asanjo Luha' Nan Tigo.
Lamolah pulo antaronjo, alah kambang pulo urang tadi, batambah leba 'alam nangko, hample baunji kasamonjo, baisi talue' dangan rantau, batambah suko nan batigo, sarato Tjati Bilang Pandai, batambah sanang dihatinjo, dudue' didalam Pariangan, [ 77 ]Page:Mustiko Adat Alam Minangbakau.pdf/77 [ 78 ] dan parampuan dan kana'-kana', karano urang itulah nan maradjokannjo. itulah 'adat nan tapakai, dalam 'Alam Minangkabau 'ko, sampai kini tida' barubah-ubah.
Kamudian dari pado itu, dibuē' gantang kurang duo limo pulueh tahie bungka banja' isinjo, dan tjupa' nan duo balēh tahie bungka banja' isinjo, nan sabungka anam baléh aměh, nan saamēh ampe' kupang, nan sakupang anam kundi mērah tibo katampue'njo. Itulah bungka nan piawai. dan dibuē' pulo taradju nan bajang, taradju nan tida' paliengan; itulah nan akan dipakai, ulieh sagalo pangulu-pangulu, dan ana' buahnjo laki- laki parampuan, sarato dipabue' pulo limbago 'alam, iolah dibari batarati bakalakuan, sagalo urang tio'-tio' nagari 'tu. Barang siapo nan tida' manuru tjupa' djo gantang, dan limbago 'alam itu, iolah sagalo 'adat² nan didirikan pangulu-pangulu 'tu, didalam tio'-tio' koto nagari njo masieng-masieng, mako diutang kan urang itu basamo-samo, kapado pangulu-pangulu, kalau tida' diturui'njo kasalahan, nan diutangkan ka- pado pangulu itu, aratinjo karēh ba' batu tinggi ba' langi', tida' amueh manurui tjupa' djo gantang, 'adat djo limbago nan dipakai urang dalam nagari, mangko urang itu disarahkan kapado radjo, dan ulich radjo disurueh pulo urang itu, manurui' timbangan pangulu-pangulu itu. Kalau tida pulo diturui'njo, nan dititahkan radjo 'tu, sampai sakali duo kali. dibari djuo nasihat kapadonjo; tida' djuo injo amueh manurui', kalau lapēh dari pado tigo kali, mangko hukuman radjo, dipantjuang urang itu ditangah medan, supajo djangan marusa'kan 'adat limbago nagari, nan sudah diatuekan radjo dangan pangulu.
Sabab itulah mungko dikatokan, didalam undang-undang ‘alam, salah kapado radjo bapantjuang, salah kapado pangulu barutang. Adapun pamaréntahan radjo itu di 'Alam Minangkabau, tabagi atēh duo larēh: suatu Larëh Koto Pilang, djundjuang larēhnjo Datue' Katumangguangan. (kapalo larēh koto Piliang), kaduo Lareh Bodi Tjaniago, kapalo larêhnjo Datue' Parapatieh Nan Sabatang.
Adapun Lareh Koto Piliang itu, urang baradjo-radjo namonjo. karano Datue Katumangguangan, nan djadi djundjuangan Lareh Koto Piliang itu, anak dari daulat jang dipatuan. Apo-apo titah radjo, tida'lah bulieh di bandieng lai, ulieh urang isi larěhnjo, dan dalam Larēh Koto Piliang itu,jukui' kagadangan didalamnjo, jaïtu bapamuntja', iolah pangulu alam namonjo. Itulah nan manjampaikan. apo-apo titah radjo. kapado sagalo urang basanjo, dan hambo raa'jatnjo, basulueh bendang bapajuang pandji, batuan gadang batjamin taruih, batjumati bapasa kungkuang, baana' kuntji djaludjueh, dan manarueh karih kasatian.
Adapun Lareh Bodi Tjaniago 'tu, tuahnjo dē' samupakat, tjilakonjo [ 79 ]de' basilang, kalau apo-apo pabuatan, nan tumbueh dalam Bodi Tjaniago, djoko' lah samupakat sagalo pangulu-pangulu, dalam tio'-tio' nagarinjo, mangko sahlah mupakat itu, sudah saparti pabuatan radjo, tida' bulieh dilangga laï ; dan kalau basilang pangulu, nan didalam satu-satu koto 'tu. tida'lah bulieh didjadikan apo-apo mupakat 'tu, mangko itu tjilako namonjo.
Sungguehpun kaduo lareh itu, ado balain-lainan atuerannjo, tatapi padjalanannjo samo djuo, tantangan 'adat djo limbago, sadiki' tida balainan. Kalau basilang urang Lareh Koto Piliang, bulieh mangadu kapado Lareh Bodi Tjaniago, supajo disalasaikan kato itu: dan kalau basilang sagalo pangulu, dalam Lareh Bodi Tjaniago, bulich pulo mangadu kapado Lareh Koto Piliang, supajo dihabihkan pasalisiehan itu. Kalau tida' habih de' larēh nan duo 'tu, baru kumbali kapado radio. jolah radio 'adat radjo ibadat dan radjo 'alam, nan batahta karadjaan di Buki Batu Patah Paga Rujuang: disitu biang ditabuc'kan, disitu gantieng diputuihkan, tida' bulieh dihubuang lai. Kalau apo-apo hukuman radjo itu, tida' bulieh dibandieng laï; ba' itu umanat nan baduo, iolah Datue' Katumangguangan dangan Parapatieh Nan Sabatang, takalo io akan hampie mati, karano urang Lareh Koto Piliang, hambo didalam ulieh radjo, urang Larēh Bodi Tjaniago, hambo jang mulie ulieh radjo 'Alam Minangkabau.
Babalie' rundieng ka nan tadi, alah sudah bapangulu balako, tio'-tio' nagari nangko, dan lah sudah pulo dibari batjupa' bagantang, ba'adat limbago, batarati' bakalakuan balako, dan bapakaian tio'-tio' nagari itu.
Mangko bamupakatlah pulò nan batigo. iolah Datue' Katumanguangan, dangan Parapatieh Nan Sabatang, sarato Datue' Sari Maharadjo Nan Banago-nago, akan maagieh sakalian nagari-nagari, nan sudah dibari batjupa' bagantang, dan hatarati' bakalakuan tadi. ialah sagalo nagari, nan sudah dibari bapangulu, akan didjadikan duo larch dan tigo luha'.
Suatu Luha' Tanah Data, kaduo Luha' Lubue' Agam, katigo Luha' Limo Pulueh; lorong nan tigo luha' itu, diparentahi ulieh larëh nan baduo, Koto Piliang dangan Bodi Tjaniago: pambagian luha' itu, manurui' nan tigo tadi, pambahagian larëh nan duo, iolah Larch Koto Piliang. dan Larēh Bodi Tjaniago. djurai
Iolah nan hinggo Tandjuang Gadang mudie', hinggo laui' nan sadidih, hinggo Gunuang Marapi hilie, sakulilieng gunuang samonio, masue" Lareh Koto Piliang, diparéntahi ulieh Datue' Katumangguangan: nan hinggo Muaro mudie', hinggo Padang Taro' hilie. masue' laréh Bodi Tjaniago, masue' parentah Datue' Parapatieh Nan Sabatang dalam itu [ 80 ] salo-manjalo djuo nagarinjo. Nan diparentahi, dan nan hinggo buki" Tamasu Batupang mudie', hinggo Gugue' Sikaladi hilie, salarēh Batang Bangkawěh, banamo Lareh Nan Pandjang, pegangan Datue' Sari Maha- radjo Nan Banago-nago; sungguhpun itu de' nan bunsu, basarikat djuo katigonjo, dinamoi itu Pariangan, tangkai 'alam itu namonjo, sabab itu nagari tuo, kamari jo balako. Pisang kale' kale' hutan, pisang tambatu bagatah-gatah. Dikatokan Koto Piliang bukan, di kato Budi Tjaniago injo antah. Hanjolah nagari nan diagieh, iolah lua dari itu. Alah sudah Jareh diagieh, bapikie Datue' Parapatieh Nan Sabatang, dihētong isi larehnjo, kironjo banja' kakurangan dari Lareh Koto Piliang; sabab karano dari itu, djadi salisieh anjolaï, dangan Datue' Katumangguangan, lalu baparang badansana', urang batimba kaduonjo.
Ulieh Datue' Katumangguangan, dibue' sabuah kubu batu 1), akan tampe urang mahando', sadang de' Datue' Parapatieh Nan Sabatang, dibue pulo kubu tanah, dikali tanah lapang-lapang, akan tampe' urang manjurue', dinamoinjo Kubu Gadang. 2)
Alah sudah kubu kaduonjo, djadi baparang anjolaï; lolah Datue" Parapatieh Nan Sabatang, awa' sakete' urang banja', lagi malawan kako tuo. Allah ta'ala manggara'kan, djadilah kalah maso itu, manang Datue Katumangguangan, lalulah tundue' anjolaï, urang Larěh Bodi Tjaniayo. kapado urang Koto Piliang; badiri adat pusako parang, lalu diisi katundue'an. kapado urang Koto Piliang, ditjari kudo salapan ikue. limo nan dari Datue' nan Limo Kaum, tigo ikue dari Datue' nagari nan tigo, Iolah nagari Tandjuang Sungajang, batali tjandai kasamonjo, dihiri' ! ka Salapan Batu, nan banamo Bungo Satangkai, tarang kalaui' nan sididih, musahue kian kumari, kalahnjo Datue' Parapatieh Nan Sabatang.
Kamudian dari parang itu, dinamoi anjolaï, ulieh Datue' Katumangguangan, lo nagari Limo Kaum, Gadjah Gadang Patah Gadiengnjo. sabablah kalah de' baparang: Sungai Tarab Daru'ssalam itulah pulo nan namonjo, sabab salamat dalam parang. Dan banamo Pangulu 'Alam. Pamuntja' Koto Piliang, itulah nan dape' kamudian dinamoi pulo Tandjuang Sungajang, nan badatue' nan batudjueh, saparati paramato diateh ameh, ikan batalue dalam batu.
Kamudian dari itu, sasudah damai parang tadi, de' bērang hati Datue Parapatich Nan Sabatang, ado kapado satu malam, paï injo ka Sungai Tarah, ditikamnjo batu dangan karih. io diula' kampuang Bodi. djadi tabue' batu itu diambie'njo pulo tungkē' basinjo, dianta’njo pulo dangan tungkē itu, bubuihlah pule batu itu, ba' itulah laku datue' itu.
Templat:Rule
1)Kuba batu itu dikepalo kampung Minangkabau sakarang.
2) Kubu Gadang itu dalain nagari Tandjung Sungajang.
batu nan ditikamnjo; kalau santano urang lain, tantulah urang 'tu nan ditikamnjo, kamano hatinjo saki', atau nagari dibakanjo, misiki injo badansana', tida'lah itu injo paduli, tida' mangana doso basa, tida' njo malu pado urang, asa hatinjo laï ka lapeh.
Lamolah pulo antaranjo, kamudian dari itu, bamupakat isi larëh nan duo, io Lareh Koto Piliang, dangan Bodi Tjaniago, mangadap ka Bungo Satangkai, mamuhun kapado radjo disitu, supajo amueh injo bapindah. io ka Buki' Batu Patah, sabab karano radjo itu, sangat kareh parentahnjo, dalam nagari Sungai Tarab.
Sabab paramintaan urang banja', djadilah pindah radjo itu, dari nagari Sungai Tarab, nan banamo Bungo Satangkai, baralieh ka Buki' Batu Patah, batudjueh urang laki-laki, batudjueh pulo parampuan, dangan batigo hulubalang.
Mangko didalam Sungai Tarab, tinggalah pulo urang basanjo, manitah radjo kapadonjo, akan mahukum Sungai Tarab, sarato Datue' Nan Salapan, itulah asa panitahan.
Tida' barapo antaronjo, hamielah tuan Puti Djamilan, parampuan radjo tadi, sampai pulo lahie ana'njo: mangko bapasan radjo itu, kadalam nagari Sungai Tarab, maminta' rujuang rumandjo, akan djadi pagaran sungai, untue' ka tampē' mandi radjo, sarato ana' djo bininjo, sabab pado maso itu, adolah dalam sungai itu, banja' buajo dahulunjo, takui'lah radjo di buajo; dihantakan urang rujuang itu, lalu dipaga hulu sungai, dangan rujuang samato-mato, sadja' sudah bapaga itu, djadi banamo anjolaï, radjo nan bapaga rujuang.
Adolah garan limo tahun, kamudian dari itu, datang nangkodoh 1) dari laui', mambao kabau gadang pandjang, pandjangnjo limo balëh dapo2), gadangnjo salapan dapo, pandjang tandua'njo sabalah anam dapo, manape' di Buki' Goniba'; dimandikannjo kabau itu, didalam aie. Sungai Ameh, balaie djuo injo mudie', sampai kakaki Buki' Batu Patah, Bahanti injo disanan, naie' kadare' anjolai, batamu Datue' Katumangguangan, sarato Datue' Parapatieh Nan Sabatang, urangpun rape' maso itu. Bakato Nangkodoh Basa, kapado Datue' Katumangguangan, dangan Datue' Parapatieh Nan Sabatang :
..Mangko hambo datang kamari, hambo mandanga kaba baie, urang didalam pulau Patjo 'ko, banja' nan arih bidja'sano. Jubue' 'aka laui'tan budi, sabab itu kami kamari. Kalau datue' laï suko, mari kito batarueh maadu kabau ; djikalau alah kabau kami, miliki isi parahu kami."
1) urang Djao,
2) dapo sabatuenja adolah djangka.
Nan Sabatang, sarato dangan isi luha': „Kalau itu kahanda' tuan nang-kodoh, bari djandji kami tudjueh hari, ama' kami tjarikan kabau ka lawannjo." Djadi manurui' nangkodoh itu.
De' urang isi luha', ditjari saikue ana' kabau, nan sadang kue' njo manjusu, dibuē' pulo tupang basi, sambilan banja' tupangnjo, runtjieng nan bukan alang-alang, tadjam saginjo bagai pisau; kunun pandjang tupangnjo itu, adolah pulo anam dapo. Alah sampai djandji anam hari, ditjarai ana kabau tadi, tida' sapaï djo indue'njo, nan samalam-malam itu sampai hari nan katudjueh, dibao kamedan anjolaï, io dikampuang Koto Ranah, banamo kampuang Ranah Batu, di Mēdan Balai Sidasun. Alah datang pulo nangkodoh tadi, dibaonjo kabau nan gadang, urangpun rapē' maso itu, saisi ‘alam pulau Patjo, laki-laki parampuan, akan malië” kabau lago; mamandang ana' kabau itu, tasanjum Nangkodoh Basa.
Alah sampai sa'at kutikonjo, lalu dihiri' katangah mēdan, akan diadu anjolaï; alah basiba' urang banja', dilapēhkan kabau nan gadang, ulieh Nangkodoh Basa tadi, dilapēhkan urang pulo, akan ana' kabau tadi, samo katangah kaduonjo.
Adolah kabau nan gadang 'tu, baru injo dilapēhkan, lalu mamakan- makan rumpui', sabab tida' tampa' akan lawannjo,
Adapun ana kabau tadi, baru injo dilapēhkan, lalu balari injo kasanan, manudju kabau nan gadang 'tu, sarato tibo injo manjusu. kaparui kabau nan gadang 'tu, sabab karano kahausan, alah samalam tida manjusu. Sakali injo manjusu, takadjui' kabau nan gadang 'tu, sabab lah tabue' diparui'njo, lalu basora' urang banja'; duo kali injo manjusu, larilah kabau nan gadang 'tu, basēra'-sera' urang nan banja', Adapun kabau nan gadang itu, sabab karano injo lari, tabularai isi parui'njo, lalu tagole' maso itu, talalu mati sakali. Malie' rupo damikian. djadilah malu Nangkodoh Basa, sabab kalah kabau gadangnjo, diting-gakannjo sagalo isi parahu 'tu, akan pambaie tarueh kabau, injopun pulang maso itu; sabab karano de' bagageh, tingga pulo sangka' ajamnjo. diambie' de' urang kampuang itu.
Sapaningga nangkodoh itu, lah manang ana' kabau tadi, mupakat pulo isi luha', iolah larěh nan duo. Sakato itu kasamonjo, manamoi ‘alam nangko, hanamo 'Alam Manangkabau, *) dahulu banamo pulau Patjo: itu kampuang Koto Ranah, tampë' maadu kabau tadi, dinamoi nagari Minangkabau, itulah namonjo sampai kini, tida' ado barubah-ubah, ba itu tjurai paparannjo.”
*) Disabui' juo Minangkabau. [ 83 ]Mandjawab Bagindo Kajo: „Itulah sanang hati hambo, alah tantu itu de' hambo, ba' apo tjurai paparannjo, mano nan datue' sabui' tadi.
Sabuah laï pinta' hambo, nan taraso-raso djuo, io didalam Sungai Tarab, nan mano datue' nan salapan, sarato dangan panitahan, nan mandjadi pangulu 'alam? Apokoh gala pusakonjo, io didalam nagari Limo Kaum, manokoh pulo kaum nan limo, sarato koto nan duo baleh, io didalam Tandjuang Sungajang, manokoh datue' nan batudjueh, nan paramato diatëh amêh, ikan batalue dalam batu, ba' apo asa mulonjo, nangko banamo damikian?"
Mandjawab Datue' Radjo Pangulu: „Kalau itu nan ang tanjokan, bulieh pulo hambo tarangkan, tatapi kini 'ko balun ka mungkin, sabab hari lah patang bana, barisue' sadjolah ang kamari."
..Malah ba' itu kato datue', barisue' malah hambo kamari." djawabnjo Bagindo Kajo.
Alah sampai hari nan barisue', pagi-pagi injo tibo, dudue' mangadap kamama'njo, bakato Datue' Radjo Pangulu: „Mano ang Bagindo Kajo, tantangan kato nan kapatang, dangakan pulolah de' ang. ama' hambo kabakan pulo, mano nan dapē' de' hambo.
Paramato nan ang tanjokan, didalam nagari Sungai Tarab, manokoh datue' nan salapan, sarato dangan panitahan, apo nan gala pusakonjo. Nan kaduo, didalam nagari Limo Kaum, mano itu kaum nan limo, sarato koto nan duo balēh.
Nan katigo, didalam nagari Tandjuang Sungajang, manokoh datue han batudjueh, nan paramato diatch amch, ikan batalue dalam batu; apo asa mulonjo, mangko banamo damikian, itu pulo nan ang tanjokan."
..Io itu nan balun tantu, datue' tarangkanlah ka hambo, ama' tarang pulo di hambo," djawabnjo Bagindo Kajo.
Maulang Datue' Radjo Pangulu: „Kini dangakan pulolah de' ang, ama' hambo sabui'kan pulo, nan ang tanjokan itu.
Adapun datue' nan salapan, dalam nagari Sungai Tarab: Satu Datue' Radjo Mangkuto, itu didalam Piliang Sani; kaduo Datue' Tamani. itu didalam Mandahilieng; katigo, Datue' Madjoindo, itu didalam Piliang Laweh kaampe' Datue' Radjo Pangulu, itu didalam suku Bendang kalimo Datue' Tunaro, itu didalam suku Bodi.
Nan batigo di Tigo Batue: Satu Datue' Radjo Malano, itu didalam suku Piliang, kaduo Datue' Radjo Pangulu, itu didalam suku Bendang; katigo Datue' Simaharadjo, itu didalam Bendang kampuang nan anam.
Itulah datue' nan salapan batu, dalam nagari Sungai Tarab. diatěhnjo Panitahan, galanjo Datue' Bandaharo Putieh, pamuntja' 'alam Koto [ 84 ] Piliang, pangulu 'alam ulieh radjo; itulah tampĕ' radjo manitah, dalam 'Alam Minangkabau 'ko, mantari basa itu dē' radjo. Nan ta'alue' djadjahannjo, sampai ka Banda Nan Sapulueh; kalau injo paï kasanan, djoko' malenggang tida' tapampéh, namun taga' tida' tasunda', djoko' mambunueh ta mambangun, ba'itu sapandjang 'adat, didalam tjurai paparannjo, itu pambari dari radjo, tatakalo maso dahulunjo, ba'itu kaba baritonjo, nan hambo danga dari ninie'.
Sungguehpun itu damikian, nan lain dari pado itu, injo djuo mamalêntahkan, manarimonjo dari radjo, apo-apo titah radjo, tatapi sakadar manjampaikan, kapado urang basa radjo, sambuangan mului” injo de' radjo; batigo pulo basa nan lain, nan samo dudue' samo taga' dangan Tuanku Panitahan.
Satu Tuan Kali di-Padang Gantieng, sulueh bendang koto Piliang, itu namonjo ulieh radjo.
Kaduo Datue Andomo, dalam nagari Saruaso, pajuang pandji Koto ! Piliang, itulah pulo namonjo.
Katigo Tuan Gadang di-Batipueh, Harimau Kato Piliang, itulah pulo nan namonjo, Djandaral Malitar itu pangkatnjo.
Urang nan barampe' itu, iolah dangan Datue' Bandaro Putiel. mantari radjo kaampe'njo, samo bulieh satjorēng kunieng, samo bagadieng babalalai, balain-lain kagadangannjo, dalam Larēh Koto Piliang, buliek mahitam mamutiehkan, dalam balainjo masieng-masieng, tida' siapo bakéh batanjo, injolah djadi putjue' bule', itulah tuah nan disambah, itulah djundjuang nan dipandje', dalam balainjo masieng², ulieh urang Koto Piliang; tatapi labieh Panitahan, sabab injo nan ganti radjo, dalam nagari Bungo Satangkai, atau diranah Sungai Tarab, ukatu radjo akan pindah. io ka Buki Batu Patah, injolah mandjadi mantari basa, dalam *Alam Minangkabau 'ko, wakic mutala' injo de' radjo, dahulu pulo injo ditananı, dari pado basa nan batigo.
Didalam nagari Sungai Tarab, ado pulo satu kalinjo, nan bapangkë' Imam 'Adat, bagala Datue' Marabangso, didalam koto Piliang Sani.
Adapun Datue Marabangso 'tu, kalau dudue'njo samo randah. namun taga'njo samo tinggi, dangan datue' nan salapan; kalau tantang sapandjang sara'. injo kuaso sandirinjo, dibawah Tuanku Panitahan, tatapi didalam nan salapan, angkueh sarupo radjo ‘ibadat, dalam nagari Sungai Tarab.
Tantangan basa nan batigo, tahado' kapado radjo, Tuan Kali di Padang Gantieng, kuaso sapandjang sara', dibawah radjo ‘ibadat, dalam 'Alam Minangkabau 'ko, salarěh Koto Piliang, pegangan injo kasamonjo. [ 85 ] Kalau tumbueh radjo naie' nobat, baie'pun itu radjo ‘alam, baie’pun radjo ibadat, 'ataupun radjo 'adat, injo nan mambatjo do'a salamat, sarato dangan 'alim-'alim, maamin urang samonjo; ataupun radjo akan kawin, injolah pulo mangawinkan; kalau ukatu radjo mati, injo imam manjambahjangkan, misiki djalan apo-apo, nan tahado' sapandjang sara', dalam kampuang radjo itu, ataupun dalam Koto Pilang, parakaro sara' nan ta' habih, pulanglah itu kapadonjo, kapada Tuan Kali di Padang Gantieng.
Kalau urang akan basumpah, didalam sidang karapatan, nan sampai kapado radjo, injolah itu man jumpahi. Lain dari pado itu, mano-mano nan hukum sara', pulang kumbali djuo padonjo; kalau tida' putuih de' injo. baru kumbali kapado radjo, iolah itu radjo ibadat, sampai-sampai karadjo ‘alam, batali djuo itu bujuang.
Tantangan Tuan Andomo, dalam nagari Saruaso, pajuang pandji Koto Piliang; kalau tumbuah radjo naie' nobat, atau ukatu radjo mati, baie pun radjo baara', baie'pun radjo kawin, injo diatèh katjang pali, laga' badiri dangan pajuang, mamajuangi radjo itu, itu nan djadi kaga- dangannjo. Kalau tumbueh dikarapatan, urang mahukum parakaro, nan sampai kamuko radjo, tanamo urang Koto Piliang, balinduang itu kapa- donjo; apo-apo nan ka disabui', kapadonjo itu disambahkan, injo nan lalu pado radjo, manjampaikan kato itu, mamegang katian gano', taradju nan tida' paliengan, injo mandjadi djuru bahaso, sabab itu injo dikato, pajuang pandji Koto Piliang.
Tantangan Tuan Gadang di Batipueh, harimau Koto Piliang, itu Pahlawan basa radjo, itu pangkatnjo dalam ‘adat. Kalau tumbueh radjo aie' nobat, atau ukatu radjo kawin, baie' kutiko radjo mati, ataupun apo-apo alë', nan tadjadi dirumah radjo, injo mandjago kasamonjo, mamalēntahkan urang banja', taga' basalempang kunieng, mamakai padang batjati, tasalue' parisai améh, babarapo pulo dibawahnjo, dubalang adat gagah-gagah, mangikui' titahnjo kasamonjo. Kalau kutiko maso parang, injo diikui' urang banja', mandjadi imam kapalo parang, injo mambunueh ta' batanjo, injo mantjantjang ta' mamampèh, ba'itu sapandjang 'adat, nan takato dalam tjuraian, kaba barito hambo danga.
Kini dangakan pulo de' ang. ama' hambo kabakan pulo, io nagari Limo Kaum, limo kaum duo baleh koto, sambilan koto didalam, ba'itu paparannjo, itu Larěh Bodi Tjaniago, pegangan Datue' Parapatieh Nan Sabatang.
Nan banamo kaum nan limo: Satu kaum Kubu Radjo, kaduo kaum Balai Batu, katigo kaum Koto Gadih, kaampe' kaum Pilang, kalimo kaum Balalabueh. Itulah kaum nan limo, nan mulo malambéh nagari itu, nan banamo Koto Nan Duobaleh, dalam ganggaman Limo Kaum. [ 86 ]Satu Labueh djo Parambahan, kaduo Silabue' djo Ampalu, katigo Tjubada' djo Sipandjang, kaampē' Rambatan djo Padang Mage', kalimo Ngangun dangan Panti, nan kaanam Pabalutan djo Sawah Djaueh.
Itulah koto nan dua balēh, nan samo naie' ba' galombang, nan samo turun ba kapetjong, dangan itu kaum nan limo, samo hilang samo timbue. Itu koto nan sambilan, anak kanduang itu de' injo. Baringin Koto Barandja', Tabe' Bato djo Selokandah, Lantai Batu djo Buki Gomba', Sungai Améh Tandjuang Barula', sambilan dangan radjo di-Anai, itulah koto nan sambilan, dalam lingkaran Limo Kaum.
Ado pulo sabuah laï, itu Tabe' Sawali Tangah, nan masue' pēgangan Limo Kaum, ganggaman Datue' Tan Tedjo Garahano, urang batuah gadang pandjang, injopun gadang sandirinjo, didalam Tabē' Sawah Tangah, nan manarueh gandang saliguri, nan batungga' tareh djilatang. nan manarueh tabe' gadang, itu nan djadi kabasarannjo.
Kalau bana ba' kaba urang, Datue' Tan Tedjo nan mulonjo, nan bakubue di Pariangan, gadang pandjang bukan kapalang, tigo buah më- djan tadiri, sabuah antang kapalonjo, sabuah ditangah-tangah, nan sabuah tantang kakinjo: kalau dilič' pandjang kubue urang, bukan manusie sambarang-barang. Djoko' ditjari maso kini, tida' ado tulue' bandiengnjo. antahkoh maso Nabi Adam: djoko' samaso injo hidui', buki' mungkin dilongkahinjo, dari sabalah kasabalah, danaupun mungkin dilompatinjo. ko' hanjo alang kapalang lawch, ba'itu gadang pandjangnjo.
Sabuah lai nan ang tanjokan, io nagari Tandjuang Sungajang, nan badatue' nan batudjueh, nan saparati paramato diatêh amēh, ikan batalue dalam batu, itu masue' Lareh Bodi Tjaniago djuo, pēgangan Datue Parapatieh Nan Sabatang.
Nan banamo datue' nan batudjueh, dalam nagari Tandjuang Sungajang: Satu Datue' Siradjo-radjo, kaduo. Datue' Radjo Pangulu Nan Gapuang, katigo Datue' Malano Putieh, kaampe' Datue' Paduko Radjo. kalimo Datue Gadang Madjo Lélo, kaanam Datue' Sinaro, katudjueh Datue' Radjo Malano. Itulah datue' nan batudjueh, nan mulo datang kasanan, dibao Datue' Parapatieh Nan Sabatang, nan malambêh nagari itu, nan manapè' di Tandjuang Bali', disanan kampuang Udjuang Tanah. nan banamo Pangka Bumi. Nan malamběh nagari itu, iolah urang nan tudjueh pasang, nan talah mandjadi tudjueh kaum, tudjueh pulo pangulunjo.
Sadang urang itu bakaradjo, mampabue' tarata' dangan dusun. datang pulo satoboh laï, datangnjo dari Pariangan Padang Pandjang. [ 87 ] manuruti urang nan tudjueh pasang tadi, mukasui' sangadjo dalam hati, handa' pindah pulo kasanan.
Adapun urang nan datang itu, adolah pulo 23 pasang. laki-laki parampuan, manape' injo sakalian 'tu, diantaro nagari Bungo Satangkai, dangan Pangka Bumi tadi, disitu injo baranti, disitulah urang itu manambe'kan adjuangnjo. Mangko sagalo urang itu, batamu dangan Datue' Parapatich Nan Sabatang, lalu baliau surueh urang itu, samo-samo baladang-ladang, ulieh Datue' Parapatieh Nan Sabatang, dangan urang han 7 pasang, nan mulo-mulo tibo dahulu tadi; ulich karano dari itu, djadilah urang itu samo-samo baladang-ladang, mampabue' tarata' dan dusun ditampe' itu.
Lamolah pulo antaronjo, kamudian dari pado itu, djadilah samo-samo kambang, sagalo urang-urang itu. didake' tambatan adjuang tadi. mandjadi rami anjolaï.
Kamudian dari itu, tantang tambatan adjuang tadi, djadi banamo Tambatan Adjuang. kini banamo Tabe' Adjuang, asanjo dari tambatan adjuang, urang nan 23 pasang itu, batanam pulo masieng-masiengnjo, satu kaum satu kapalonjo, nan akan mamalēntahkan kaumnjo itu.
Kamudian dari itu, tatakalo maso dahulunjo, baru sudah sumue dikali. sudah nagari batjaja', habih talamběh nagari 'tu, mupakat isi nagari tu, sarato Datue' Parapatieh Nan Sabatang, ditanam datue' tudjueh urang, iolah datue' nan tadi, nan mulo2 datang kasitu. akan mandjadi kapalonjo, akan mahukum itu disanan. dibawahnjo ditanamı pulo 23 datue', nan kan mangapaloi kaumnjo nan 23 tadi, itulah pangulu nan bamulo, nan ditanam urang disitu, tatakalo maso dahulunjo.
Alah sudah datue' ditanam, mupakat sakali laï, akan mambagi-mambagi kampuang, sarato parui' dangan djurai, ama' tantu pegangan masieng-masieng, karano pado maso itu, balun laï kampuang dibagi-bagi.balun lai urang basuku-suku, hanjo sumando-manjumando, dari kampuang kakampuang sadjo: sabab nagari masih baru, didirikan sadjo pajuang tudjueh batang, akan djadi tando kagadangan, banamo pajuang ubue-ubue, itulah pajuang Bodi Tjaniago, nan tasabui' didalam tambo. Tjubolah ang lië' bana, umanat Datue' Katumangguangan, kapado urang isi larēhnjo, tempo injo akan hampie mati.
Tatakalo samaso itu, baru banamo Datue' Nan Tudjueh Pajuang, dalam kampuang Tandjuang Sungajang. Satu pajuang Datue' Siradjo-radjo, ampē' pangulu dibawahnjo, djadi balimo dangan injo, banamo Datue Kampuang Nan Ampe', dibawah pajuang Datue' Siradjo-radjo. Kaduo pajuang Datue' Radjo Pangulu Nan Gapuang, tigo pangulu dibawahnjo, djadi barampe' dangan injo, banamo Datue' Kampuang [ 88 ] Nan Tigo, dibawah pajuang Datue' Radjo Pangulu Nan Gapuang. Katigo pajuang Datue' Malano Putieh, limo pangulu dibawahnjo, djadi baranam dangan injo, banamo Datue' Nan Baranam, nan dibawah pajuang Datue' Malano Putieh. Kaampē' pajuang Datue' Paduko Radjo anam pangulu dibawahnjo, djadi batudjueh dangan injo, banamo Datue Nan Tudjueh Kampuang, nan dibawah pajuang Datue' Paduko Radjo. Kalimo pajuang Datue' Gadang Madjo Lēlo, anam pangulu dibawahnjo, djadi batudjueh dangan injo, banam Datue' Nan Tudjuah Djurai. nan dibawah pajuang Datue' Gadang Madjo Lêlo. Kaanam pajuang Datue Sinaro, ampē' pangulu dibawahnjo, djadi balimo dangau injo, banamo Datue Nan Limo Buah-parui', nan dibawah pajuang itu. Ka tudjueh pajuang Datue' Radjo Malano, tida'lah ado dibawahnjo, itu kampuang dangan djurai, sarato parui' didalamnjo, samolah itu angkatannjo, dangan djurai-djurai tadi.
Kamudian dari itu, dibuě' pulo suku ampe': Satu Patapang Katianjie. kaduo Koto Piliang, katigo Malaju Mandahilieng, kaampë' Bodi Tjaniago: itulah pulo suku nan ampe', dalam kampuang Tandjuang Sungajang. Dibue' pulo balai tigo, tampe' maminta' hukum kafadilan. tampē' mangambang 'adat djo limbago. Didirikan pulo satu musadji', akan tampe badjuma'at, mandirikan sapandjang sara'. Diangke' Datue' Siradjo-radjo. mandjadi putjue' injo disanan, dalam kampuang Tandjuang Sungajang, babalai sabuah di Galanggang Tangah, tampe injo dudue' mahukum. sarato datue' nan basamo; dibawahnjo Datue' Sangguno Diradjo, itu mandjadi sandi gadang, tungkatan Datue' Siradjo-radjo, djadi tapatan de' nagari, kalau akan paï bahukum, kabalai Datue' Siradjo-radjo.
Diangkë Datue' Radjo Pangulu Nan Gapuang, djadi kapalo suku 'adat, dalam Patapang Katianjie, babalai pulo itu sabuah, itu banamo Balai Gadang, tampe' injo dudue' mahukum, sarato datue' nan basamo. Adapun Balai Gadang itu, pusē' djalo pumpunan ikan, dalam kampuang Tandjuang Sungajang, tampe' manimbang ‘adat djo limbago, tampé" karadjan datue'-datue', dari kampuang Tandjuang Sungajang, dilua Datue Siradjo-radjo, dangan Datue' Malano Putieh, karano Datue' Siradjo-radjo, sarato Datue' Malano Putieh, dangan nan dibawah pajuangnjo, kalau injo naie' karadjan, kadalam balainjo masieng-masing.
Dibawah Datue' Radjo Pangulu Nan Gapuang, ado pulo satu mantinjo, Datue' Pamuntja' Aga'-aga', itu nan djadi kaki tangannja, djadi tapatan isi nagari; kalau akan mangambang 'adat, kabalai Datue' Radjo Pangulu Nan Gapuang, didjalang mantinjo itu dahulu, dudue' nan akan
mangambangkan lapie', naie' akan mambuka' pintu, ba' itu 'adat pusakonjo, [ 89 ]Pusako Karadjaan Alam Minangkabau di Pagarujuang. Sampai kini masih ado.
kampuang Tandjuang Sungajang, babalai pulo injo sabuah, tampē' injo dudue' mahukum, sarato datue' nan basamo; tantangan sapandjang sara'. basamo 'alim djo pandito, sarato dangan bila maulano, baie' 'aluma dan hukuma, kabalai itu tampe' bahukum, mantjari kato ka'adilan, didalam hukum agamo sara'.
Adapun balai Datue' Malano Putieh, banamo Balai Sianau. Dibawah Datue' Malano Putieh, ado pulo satu mantinjo, bagala Datue' Simaharadjo Lëlo nan tigo balai, ba' itu dalam bintjangan. Kalau urang akan bahukum, kabalai Datue' Malano Putieh, didjalang Datue' Simaharadjo Lēlo, itulah manti tapatannjo, dudue' nan akan mangambangkan lapie', naie' nan akan mambuka pintu.
Katigo-tigonjo datue' itu, satu Datue' Siradjo-radjo, kaduo Datue Radjo Pangulu Nan Gapuang, katigo Datue' Malano Putieh, sukunjo Patapang Katianjie, djadi disabui' katigonjo, Katianjie Nan Tigo Balai. tigo pulo itu gadangnjo, tahado' masue' nagari. Satu mandjadi putjue' bule', iolah Datue' Siradjo-radjo, kaduo mamagang balai adat, iolah Datue' Radjo Pangulu Nan Gapuang, nan katigo mamegang balai ugamo. iolah Datue' Malano Putieh. Itulah datue' nan saparati paramato diatëh ameh, basamo-samo katudjuehnjo, de' labieh datue' nan batigo, karano ado nan dibawahnjo, manarueh sandi dangan manti. nan tampē' injo manitah, nan djadi kaki tangannjo, lagi injo mamēgang 'adat limbago. sarato djalan sapandjang sara', dalam nagari Tandjuang Sungajang, Sabab itu injo digalai ulieh Datue' Katumangguangan, saparati paramato diateh améh, bungka taganggam kapadonjo, nan dimisakan saparati i amēh, iolah Datue' nan 23. nan dibawah Datue' nan batudjueh. Tjubolah ang tanjo-tanjokan, dimano ado nan ba'itu, di Luha' Tanah Data 'ko. didalam sabuah suku, nan manaruah tigo balai, satu injo balai 'adat kaduo injo balai sara'. nan katigo balai parhimpunan, dari balai nan duo itu, balai tampè' kasudahan hukum, ulieh urang satu nagari, malainka didalam nagari Pagarujuang, nan ado batigo balai. banamo pulo nagari itu, iolah nagari Tigo Balai, satu balai radjo ‘adat, io didalam Kampuang Tangah, kaduo balai radjo ibadat, itu banamo Balai Djanggo, katigo balai radjo ‘alam, itu banamo Balai Gudam; itulah nan tigo balai, tampě bahukum di alam 'ko, itu sabab karanonjo, datue' nan batigo tadi, dikatokan Datue' Katumangguangan, saparati paramato diatēh amëh, karano tjukui pulo padonjo, angkueh sarupo di Pagarujuang.
Diangké Datue' Gadang Madjolēlo, mandjadi kapalo suku 'adat. dalam suku Piliang nan tudjueh djurai, naratjo tapēgang kapadonjo. [ 91 ]Diangkê' Datue' Paduko Radjo, djadi kapalo suku adat. dalam Malaju Mandahilieng, nan banja'njo tudjueh kampuang. tjupa' taganggam kapadonjo.
Diangke pulo Datue' Sinaro, djadi kapalo suku ‘adat, dalam nan limo buah parui', iolah Bodi Tjaniago, gantang taganggam kapadonjo.
Alah habih suku nan ampe', habih pulo balai nan tigo, bakapalo kasamonjo, tingga Datue' Radjo Malano, nan balun ado pegangannjo.
Bakato Datue' Parapatieh Nan Sabatang Adapun Datue' Radjo Malano, mandjadi tjamin itu de' hambo, didalam kampuang nan duo 'ko. malie' datue' nan baranam, nan ka mamandang patang pagi; djadi paramato malah datue', djoko' itu amēh samato, kalau tida' paramatonjo, tida'lah ĕlo' dipandangi," titah Datue' Parapatieh Nan Sabatang, kapado Datue Radjo Malano; injopun saparati paramato diatěh ameh. dalam kampuang nan duo 'tu, ba'itu kaba baritonjo.
Kamudian dari pado itu, tida' manjanang dihatinjo, io Datue' Radjo Malano sungguehpun injo urang basa, tatapi tida' mamarentah. tida' manarueh ana' buah, pantun malukui' masue' gantang, kalua tida' ma- ngurangi, masue' pun tida' mamanuehi, ba'itu dalam pikieraanjo.
Lamolah pulo antaronjo, dalam bapikie-pikie itu, tida' djuo sanany hatinjo, didakinjo buki' sabuah, disabalah kampuang itu, taga' bamantrang injo disanan, mamandang kiri dangan kauan, tampa lah pulo rimbo sakampuang, disubalie' buki' itu, tanahnjo data ba' ditampo, aie gadang ditangah-tangah, mamandang pulo injo kasanan, arah kakampuang Tandjuang Bali, dangan kampuang Tandjuang Sungai Nan Mangiang, batambah hibo dihatinjo, lalu injo manampa dado: sudah injo manampa dado, manurun injo dari situ, didjalangnjo rimbo sakampuang tadi. kironjo galundi sadjo; babue' rumah injo disanan, danameinjo Galuah Nan Sakampuang, lalu diam injo disanan, dangan ana' isterinyo,
Adapun buki nan tadi, djadi banamo anjolaï. iolah buku Tampa Dado. 1)
Kamudian dari itu, mantjari ‘aka anjolaï, io Datur' Radjo Malano. barulang injo ka Tandjuang Bali', ditipu-tipunjo urany disanan, dibaonjo pindah katampë'njo, ka Galundi Nan Sakampuang: de' pandaj injo mandjalankan, tabao pulo urang de' injo, urang dari dalam tiga suku.
Sabagian urang suku Katianjie, sabagian urang suku Piliang, saba- gian urang suku Malaju Mandahilieng, itulah rang van dap diba Datue Radio Malano, dalam kampuang Tandjuang Suagayang
1) Kini di sabui orang buki' Tangah (antaro nagari Tandjoang Sungajang dengan Tandjuang Gadang). [ 92 ]Alah rami pulo injo disanan, mambue' koto anjolaï, dinamoinjo Tandjuang Gadang, itulah nagari Tandjuang kini. Kamudian dari itu. ! sabablah rami djuo disanan, dibuē'njo pulo suku tigo, satu suku Katianjie. kaduo suku Malaju Mandahilieng, katigo suku Piliang, ditanamnjo pulo kapalo suku ‘adat, nan akan mandjadi kapalo suku, mamarëntah dikam- puang itu.
Didjapui'njo Datue' Bidjo Diradjo, kanagari Lambue' Tuo, diangké njo mandjadi suku ‘adat, dalam Malaju Mandahilieng.
Didjapui'njo Datue' Bagindo Simaharadjo, kanagari Ampalu Marunai, ditanamnjo pulo itu disanan, mandjadi kapalo suku 'adat, dalam suku Katianjie.
Itu didalam suku Piliang, nan djadi kapalo suku ‘adat, iolah Datue Radjo Malano.
Kamudian dari itu, alah sudah injo mambue' suku, mambue' pulo balai sabuah, dinamoinjo Balai Bungo. Sabab karano damikian, djadi salisieh anjalaï. dangan Datue' Siradjo-radjo, sarato datue' suku nan tigo, nan dialam Tandjuang Bali', tida' injo manjukokan, ana' buahnjo dimiliki, ulieh Datue' Radjo Malano. Sabab Datue' Radjo Malano, sudah babue' gadang sandirinjo, mandjadi putjue' injo disanan, didalam kampuang Tandjuang Gadang, handa' manabang marabahkan, handa' mantjantjang mamutuihkan, tida' lagi pandang-mamandang, kadalam kampuang Tandjuang Bali', nan banamo Tandjuang Sungajang. Sabab karano dari itu, mupakat Datue' Siradjo-radjo, dangan sagalo datue'-datue', nan tingga didalam Tandjuang Bali', diminta'njo kumbali kasamonjo, sagalo urang-urang dan tadi, nan pindah ka Tandjuang Gadang, disurueh pulang samonjo, kadalam kampuang Tandjuang Bali', iolah kampuang Tandjuang Sungajang,
Pado maso kutiko itu, datanglah Datue' Parapatieh Nan Sabatang, dangan Tjati Bilang Pandai, dari dalam Limo Kaum, kadalam nagari Tandjuang Gadang, akan mahukum koto itu.
Mamuhun Datue' Siradjo-radjo, dangan Datue' Nan Tigo Suku. kapado Datue Parapatieh Nan Sabatang, sarato Tjati Bilang Pandai. maminta' babalie' sagalo urang 'tu, nan pindah ka Tandjuang Gadang. karano Datue' Radjo Malano, mambue' nagari sandirinjo, dangan maun buê' dansana' urang, didjadikannjo ana' buahnjo, handa' mamakan mahabihkan, handa' mantjantjang mamutuihkan, mamutuihkan urang badansana'.
Sudah ditimbang kato itu, ulieh Datue' Parapatieh Nan Sabatang, sarato Tjati Bilang Pandai. Jalu bakato maso itu, kapado Datue' Siradjo-radjo, sarato Datue' Nan Tigo Suku, nan didalam Tandjuang Sungajang: [ 93 ],,,Tida' mangapo itu datue', bialah injo diam siko, supajo nagari lawěh djuo, sudah ba' itu 'adat kito, sadja' dari Pariangan, kito pindah-bapindah djuo, mantjari tampē' kasanangan, ama'njo lēba nagariko, io kampuang Tandjuang Bali', dangan (Sungai Nan Mangiang) Tandjuang Sungajang, kito lalukan itu ka Tandjuang 'ko, bialah injo diam disiko, paréntah datue' djuo malah 'tu, balai gadang di Tandjuang Bali', basarikat djuo datue' punjonjo, udjuangnjo malah di Tandjuang 'ko, pangkanjo di Tandjuang Bali' (Sungajang). Katianjie Nan Tigo Balai, dari Sungajang lalu ka Tandjuang 'ko; Piliang nan tudjuah djurai, dari Sungajang lalu ka Tandjuang 'ko; Mandahilieng nan tudjuah kampuang, dari Sungajang laku ka Tandjuang 'ko, parentah datue' djuo malah itu, tida' bulieh tjarai tangga, awa' urang badansana', tato' dansana' salamojo. Hanjo Datue' Radjo Malano, injo mandjadi putjue' itu, tida' lalu kaTandjuang Bali', dangan Sungai Nan Mangiang. malainkan didalam Tandjuang Gadang sadjo, hanjo Datue' Siradjo-radjo, nan putjue' kaduo magarinjo. Kalau apo-apo nan dibue'. samupakat djuo datue' samonjo, tida' bulieh ubah-maubah."
Katopun putuih maso itu, sampai kini tida' barubah, urang nagari nan duo 'tu, djoko' bare' samo dipikue, kalau ringan samo didjindjieng.
Katianjie Nan Tigo Balai, dari Sungajang lalu ka Tandjuang: Piliang nan tudjueh djurai, dari Sungajang lalu ka Tandjuang; Mandahilieng nan tudjueh kampuang, dari Sungajang lalu ka Tandjuang; satu adat limbagonjo, ba' itu djuo sampai kini, samo hilang samo timbue, puse' djalo pumpunan ikan, tingga dikampuang Tandjuang Bali' (Sungajang), malimpah lalu ka Sungai Patai, masue djuo itu kasanan.
Itu Balai Bungo tadi, djadi banamo Udjuang Balai, sampai kini ida barubah, sabab karano dari itu, io Datue' Radjo Malano, digalaï Datue' Katumangguangan, „ikan batalue dalam batu"; sabab karano pandainjo, dalam nagari nan lah sudah, injo mambue' koto pulo. da' mandjadi putjue' injo disanan, urang itu djuo nan diambie'njo; itulah injo nan disabui', ikan batalue dalam batu, didalam kitab tambo 'alam.
Tibo ukatu dimatinjo, io Datue' Radjo Malano, tida'lah bukeh dikuburkan, ulieh Datue' Siradjo-radjo, didalam kampuang Tandjuang Gadang, dibaonjo ka Tandjuang Bali', disanan dikubuekannjo, di Gobah "amo tampe'njo, sampai kini disabui' urang djuo, itulah kubue datue' kan malambéh nagari Tandjuang.
Kalau tibo maso-masonjo, ziarah djuo injo kasanan, urang kampuang andjuang Gadang itulah kaba baritonjo, nan hambo danga tjuraimanjo tantangan Datue' nan Batudjueh, nan paramato diatëh ameh, kan batalie dalam batu. Lain dari pado itu, didalam nagari nan tigo 'tu baie' didalam [ 94 ]
Sungai Tarab, atau didalam Limo Kaum, sarato dalam Tandjuang Sungajang, banja' djuo tjurai paparannjo, io putjue' nan mandjambo, sarato ure' nan mandjala, pandjang djuo baritonjo, sado itu lah dahulu, kudian kito ulang pulo." [ 95 ]BAB IV
SI RAMBUN AMEH MALANGGA MUPAKAT NAGARI
KAMUDIAN dari itu, ado sabulan duo bulan, sampailah garan tigo bulan, de' malang tida' tatula', de' mudjue tida' taraieh. matilah pulo satu urang, banamo Tjajo Nagari, urang kam- ang Koto Banilo, mandeh Datue' Sinaro Sati, mintuo Datue' Madjo Nan Putieh, matinjo mati baradat, mati babunikan badie. tataga' bandera putieh, tadjēlo kain djadjakan, tahampai kain tarantang, dari rumah karangkiang, dibue' usuangan katjang pali, tadiri pulo pajuang gadang, tungga' bapalui' kasamonjo, tiang timban bapalui' tjindai, tiang pandjang dangan sakalat, ba'itu 'adat disanan, kalau mati urang bale'-baic', tanamo urang bangsawan.
Di hari nan sahari 'tu, kiro-kiro pukue duo baleh, hari nan sadang tangah hari, sadang bule' bajang-bajang, alah rami urang mandjangue', mano nan kari' djo kabiehunjo, dari pagi injolah datang. Tasabui' si Ram-bun Aměh, dansana' Datue' Madjo Nan Putieh, dikampuang Batu Basure', alah dirapē' pulo korong kampuang, awa'njo ka paï mandjangue', karumah pasumandannjo, kakampuang Koto Banilo.
Ado sabanta antaronjo, rapë'lah kampuang karumahnjo, nan akan mandjungue', manurui'kan si Rambun Amēh.
Alah rape' sana' sudaro. bakokoh si Rambun Amēh, ditarie' kain panjaho', ba' apo 'adat nan biaso, nan tapakai dalam nagari, dilata' dalam bungkusan, dibao karuang tangah, kadake' korong kampuangnjo.
Malie' rupo damikian, sagalo korong kampuang itu, lalu bakato anjolaï: „Mano kau Rambun Aměh, mangapo iko kain banja', tida' paguno kini lai, urang manjaho' dangan kain 'adat lah dituka urang. tida'koh kau mandanga-danga, dari Datue' Madjo Nan Putieh, urang lah sudah bamupakat, nan sahinggo iko kaatēh, tida' kan saho'-manjaho' laï, dimano urang kamatian, hanjo katidieng sabuah sadjo, diisi barêh sagantang. kalau mandjangue' pasumandan, nan bakari' bana tjaro kau 'ko."
Mandjawab si Rambun Amēh: ,,Ko' itu nan kato kaka', ado puło hambo mandanga, mupakat urang nan ba' itu, datue' nan manjabui* di hambo, bapa' si bujuang bakaba pulo, de' mulo urang mupakat 'tu; akan Tatapi kini nangko, susahlah hambo manjahui'njo, samo tahu malah kaka'. [ 96 ] tipa di untuang badan hambo, hari nan sahari kapatang, ana' hambo kaduonjo, tidak injo disiko, injo paï karumah ninie'njo, sadja' pagi-pagi kapatang, sampai kini balun laï pulang, disitu injo minum makan, sabab de' untuang malang djuo. De' hambo nan hambo tana', laï atah salumbari, itulah hambo kisie'-kisie', dapè'lah pulo duo tjupa', batjampue-tjampue djo malukui', hambo tana' sandjo kapatang, sampai pulo pagi tadi, nan nan ka baēko balun laï tantu, babalie' kito mandjangue', ko' antah makan antah tida," katonjo si Rambun Aměh.
Mandjawab korong kampuangnjo: „Djoko' ba'itu nan katokau takui'lah kami tantang itu, kami ko' tapanggie-panggie, karumah Datue Kapalo, tida'lah kami amueh samo, kalau kau handa' manjaho' djuo: kalau kami turui'kan kau, dihukum urang malah kami, itu nan kami takui'kan bana, namun de' kami nan datang 'ko, nan akan manurui'kan kau, lai kami mambao bareh, nan kan untue' kami surang-surang.'"
Mandanga kato nan ba'itu, manangih si Rambun Améh:,,Mano andeh dangan kaka', tipa' di nan sakali 'ko, kito paï djuolah manjaho'. sarupo 'adat nan dahulu kalau tida' andëh djan kaka', dangan siapo hambo ka pai, salah tjando dilië' urang, sarupo urang tida' bakampuang, ba'rupo urang dibuang kampuang, malu bana hambo rasonjo, kalau tida kaka turui'kan.
Kini ba'itu anjolaï, asa laï amueh andēh djo kaka', paï manurui'kan hambo, kalau andêh djo kaka' dipanggienjo, bialah hambo dihukumnjo. karano hambo nan manjaho'. kaka' manurui'kan sadjo, tabao sabab de' hambo,
Tjubolah timbang itu de' kaka', dansana' hambo tadudue' situ; kalau tumbueh dikampuang lain, ko' tida' de' pasumandan, tida'lah hambo pai mandjangue', ikolah rupo parasaian, satupun tida' nan ditarueh, untuang tida' sarupo urang."
Mandjawab pulo urang kampuangnjo: „Malah ba'itu kato awa' kat. djangan datue' berang di kami, paï djuo malah kami, tatapi ko' kami dipanggienjo, kau sadjo kami pasalah, tida'lah amueh kami salah."
Mandjawab si Rambun Amēh:,,Ko' ba'itu nan kato kaka', tida'lah hambo ka mangila'." Alah sudah injo barundieng, lalu bakamēh maso itu, alah diajun kain panjaho', diisi pulo kampie sirieh, alah salamat samporono, malangkah turun anjolaï, badjalan basamo-samo, bairiený badombai-dombai, manudju kakampuang Koto Banilo; alah sampai injo kasanan, disuruh naie' atëh rumah, didjawē' urang kunun kainnjo, io kain panjaho' tadi, dibao kadakē' garai, dilië' basamo-samo, lalu dibagi dihampaikan, ba'apo 'adat nan biaso.
Pado maso kutiko itu, sadang rami urang mandjangue', banja'lah [ 97 ] pulo datue-datue', malie' rupo damikian, alah babisie' datue' ditapi, mamandang karuang tangah, malië' kaurang nan manjaho'; sambie babisie' samo datue', mamandang ka Datue' Madjo Nan Putich, dangan “endêng sudui' matonjo. Dihari nan sahari 'tu, alah babagai paliatan, ado urang nan manjaho', mamakai sarupo 'adat lamo, ado pulo nan mambao bareh, manurui' nan sapandjang mupakat, satangah tida' injo mandjangue', urang nan patui' tampa bana, tida' datang injo mandja- ngue, antah apo-apo sabab karanonjo, tida'lah tantu maso itu; kiro-kiro ukatu ‘asa, maï'lah sudah kakubue, uranglah pulang kasamonjo, sagalo rang nan mandjangue', mano nan kari' tingga djuo.
Alah sahari duo hari, masue' dihari nan katigo, tapanggielah Datue' Madjo Nan Putieh, karumah pangulu suku, lalu ditanjo diparëso, io de' pangulu suku: „Mano Datue' Madjo Nan Putich, mangko datue' hambo panggie, bukan kitolah sudah bamupakat, tida' kasaho'-manjaho' laï, kalau tumbueh dikamatian, dirumah pasumandan kito surang-surang, kini mangapo de' barubah? Kami lie' basungguh-sunggueh, de' mintuo datue' mati, dikampuang Koto Banilo. Apokoh sabab karanonjo, mungko injo si Rambun Amēh, manjaho' djuo kami lie', tida' manurui' mupakat kito, tida'koh datue' bari tahu, tida' koh datue' manjampaikan, io didalam kampuang datue', mupakat kito nan ba'itu, sio-sio sadjo ruponjo, kito mambue' mupakat itu, mangapo datue' de ba'itu?"
Mandjawab Datue' Madjo Nan Putich: „Sapandjang kato datue' tu, itulah kato sabananjo, tipa' di diri hambo surang, satapa' hambo tida' lalu, sapadi hambo tida' surui', tantangan mupakat kito itu : tempo kito sudah mupakat, hari itu djuo hambo rapë'kan, sagalo korong kampuang hambo, tanamo nan dibawah pajuang hambo, lah hambo sabui asamonjo, surangpun tida' nan laï tingga, hambo sabui' balako itu sakali, galo mularat mupa'atnjo, baie' hukuman nan dibuĕ', nan sapandjang mupakat kito, sapatah tida' hambo tinggakan, alah sudah hambo rantang pandjang, alah sudah hambo kaka lawēh, io didalam kampuang hambo, Sudahlah akan untuang hambo, dansana' kanduang nan tjilako, nan ka mambari malu awa', tida' manurui' kato hambo, malang bana hambo hadansana', tida' sarupo dangan urang, datue' lah samo tahu djuo, injo "rang kagilan-gilan, asieng nan awa' katokan, asieng pulo nan dibuĕ'njo; kalau dihambe' injo tantang itu, apo-apo nan dibue'njo, amuehlah injo bagole, amuehlah injo batjarui'-tjarui, tida' injo malu di urang banja', Sarupo urang gilo mabue', ba'itu laku parangainjo. Nan kan sekarang kini nangko, tatangan rundiengan itu, tida' dape' de' hambo laï, mamulangkanlah hambo kadatue', ba'apo djuo nan kan elo', patui' dihukum kito hukum, ba'apo timbangan dari datue', manurui' hambo tantang itu." [ 98 ]Mambaleh pangulu suku:,,Ko' itu nan kato datue', de' hambo tida dapé' pulo, sabab itu pakat nagari; kini ba'itulah di datue', supajo kato ama' salasai, badan hambo ama' lapêh pulo, mari kito ka Datue' Kapalo.
Mandjawab Datue' Madjo Nan Putieh,,Ko' ba'itu nan kan élo', manurui' pulo malah hambo, ama' samo lapēh badan kito."
Alah sudah injo barundieng, bakamēh pangulu suku, paï mandjalang Datue' Kapalo kaduonjo; lamo sabanta injo badjalan, sampai karumah Datue' Kapalo, didape'i urang sadang rape', sadang manimbang parakaro. urang batjaka badansana', karano sandue' djo pariue', sampai batjaka bakalahi, tjabie'lah kain dangan badju, tabuang nasi dangan gulai, sampai kalua darah hiduang.
Alah sabanta injo dudue', mananti urang sudah barundieng, mambue' surë' parakaro, habihlah roko' sabatang surang; lah sudah urang barundieng, lalu masue' pangulu suku, dangan Datue' Madjo Nan Putieh. manamui Datue' Kapalo, sudah didudue' disambahkannjo, io de' pangulu suku, kapado Datue' Kapalo :
,,Mungko kami datang kamari, dangan Datue' Madjo Nan Putich, iolah rundieng nan kapatang, datue' manjabui' pado hambo, bahaso urang habih maraso, tantangan si Rambun Amēh, injo mamatjah pakat nagari, karano injo paï manjaho', karumah Datue' Sinaro Sati, kakam puang Koto Banilo, de' andeh datue' 'tu mati, sabab itu hambo kamari.
Alah sudah hambo parēso, kapado Datue' Madjo Nan Putieh. tantangan laku si Rambun Amēh, nan mamatjah mupakat 'tu, baliau 'tu. mandjawab bakeh hambo, mangatokan tida' katinggalan tantangan si Rambun Aměh hanjo nan salah, tida' manurui' paréntahnjo, kato! Datue Madjo Nan Putieh, iko mah samo bahadapan. Bukan ba'itu kato datue', mandjawab kapado hambo?"
Mandjawab Datue' Madjo Nan Putieh: Bana ba'itu kato hambo."
Maulang pangulu suku: „Nan kan sekarang kini inangko, mamulangkanlah kami bakěh datue', ba'apo djuo nan kan ĕlo', tantangan rundiengan itu, supajo kato ama' salasai, dangan Datue' Madjo Nan Putieh."
Mandjawab Datue' Kapalo: „Malah ba'itu kato datue', barisue sadjolah datue' kamari, baolah si Rambun Amēh, ama' bulieh kito pareso pagi-pagi malah datue' datang, hambo ka badjalan pulo.'
Alah sampai hari nan barisue', sapanggalah matohari naie', kiro-kiro pukue salapan, alah datang pangulu suku, dangan Datue' Madjo Nao Putieh, sarato si Rambun Aměh, kagaduang Datue' Kapalo. [ 99 ]Alah sabanta injo dudue', bakato pangulu suku, kapado Datue' Kapalo: „Iko mah si Rambun Aměh, alah hambo bao kamari, parēso malah de datue'."
Mandanga kato pangulu suku, alah dudue' Datue' Kapalo, badjuntai eh kurisi, mangadap injo kamēdja, dihimbau si Rambun Améh, kadake' Datue' Kapalo, injopun datang maso itu; alah dudue' injo basimpueh, mangadap Datue' Kapalo, lalu ditanjo anjolaï:
,,Mangko kau hambo panggie, hambo mandanga dari urang, antah io antah tida', de' tempo hari Sinajan, de' andeh Datue' Sinaro Sati mati. kau mandjangue' djanjo urang, mambao kain panjaho', sarupo 'adat nan dahulu iokoh itu atau tida'? Usah kau baduto-duto, katokan sadjo basiluruih, tida'lah itu kan mangapo," katonjo Datue' Kapalo.
Mandjawab si Rambun Amēh: „Ko' itu datue' tanjokan, io hambo paï mandjangue', mambao kain panjaho', de' ba'itu nan biaso, sadja' dari dahulunjo, hambo bue' djuo nan ba'itu, karano ba'itu adat kito, djo hambo ko' tida' akan mangapo, sabab lah kado' hambo lakukan, sadja' dari mandiang andêh hambo, kalau tumbueh dikamatian. dirumah pasumandan hambo nan burue'-burue', manjako' djuo hambo salamonjo, halun ado laï nan tida', urangpun ba'itu pulo. pasumandan hambo nan burue-burue' itu, manjaho' pulo injo kahambo, kalau tumbueh hambo kamatian."
Mandjawab Datue' Kapalo: „Itu bana katokau, tida'koh kau man- danga-danga, bahaso nagari lah mupakat, nan sahinggo iko kaateh, tida' bulieh saho'-manjaho' laï, kalau tumbueh dikamatian, dirumah pasumandan awa' surang-surang: kalau siapo nan kan mandjangue', bareh sadjo nan kan dibao, tida' mambao kain lai, ba'itu mupakat urang."
Mandjawab si Rambun Améh: Itu laï hambo mandanga. datue' hambo nan manjabui', bahaso tida' bulieh manjaho' laï, dimano-mano trang kamatian; kalau akan paï mandjangue'. barch sadjo nan ka dibao,ba itu kato baliau bakeh hambo, bapa' si Bujuang manjabui' pulo, mupakat urang nan ba'itu."
Mandanga djawab si Rambun Amêh, tagala' Datue' Kapalo, lalu batanio sakali laï:,,Laï moh alah kau tahu, djo hambo ko' balun kau tahu, mupakat urang nan ba'itu, kini ba'apo itu sababnjo, mungko de' kau manjaho' djuo, urang Jah sudah bamupakat, nan kan tida' saho'- Manjaho' lai. Tambahan pulo katokau, datue'kau lah managahkan pulo. kla bulieh manjaho' lai, dimano-mano urang kamatian, lakikau lah anjabui' pulo, mupakat urang nan ba'itu. Ba'apo itu djalannjo, mungko kau manjaho' djuo, tida' manurui' mupakat urang. tida' manurui' kato datue'kau, itu nan heran hati hambo," katonjo Datue' Kapalo. [ 100 ]Mandanga kato nan ba'itu, hano' sadjo si Rambun Amēh, sapatah tida' injo manjahui
Maulang Datue' Kapalo: „Ba' apo itu Rambun Amēh, mungko tida' kau bari djawab ?" tida' djuo disahui'injo.
Diulang sakali laï, io de' Datue' Kapalo: „Mangapo tida' kau dja- wab, hambo batanjo basiluruih, katokan malah sababnjo, mangko kau manjaho' djuo!"
Tida' djuo injo babuni, malainkan injo manakue sadjo.
Bakato pangulu suku: „Ba'apo itu Rambun Amēh, mangko kau diam sadjo, djawab malah tanjo itu."
Tida djuo injo babuni, djangankan injo manjahui', mamandang injo laï tida', hanjo injo manakue sadjo.
Ditanjo pulo sakali laï, io dē Datue' Kapalo, tida' djuo disahui'injo sabab karano dari itu, djadi berang Datue' Kapalo, maranta' atēh kurisi sambie manapue' atēh mēdja: „Ba'apo ana' urang 'ko, sadja' tadi urang batanjo, injo basipaka' sadjo; djan kau babuē' gilo, ko' gilo bulieh den kabe', katonjo Datue' Kapalo.
Mandanga ranta' Datue' Kapalo, takadjui' si Rambun Améh, lalu manangih maso itu, mandjawab tanjo Datue' Kapalo :,,Djo hambo ko tida' kan mangapo, de' itu mungko hambo manjaho' djuo, de' ba'itu nan biaso."
Maulang Datue' Kapalo: Apo nan biaso, biaso di kau sorang, uranglah sudah mupakat, kau nan kan maubahi, biaso bana ana' urang 'ko, manggadueh-gadueh nagari, mamatjah buatan urang, nanti kau bu lieh den kuruang, ama' puěh kahanda' hatikau, kaokan bana tjadie kau 'tu!"
Mandjawab si Rambun Amēh, bakato sambie manangih: „Ko' ta' bulieh hambo mandjangue', nan kan datang baranti malah hambo, hanjo nan sakali iko, maminta' ampun hambo di datue', bari ma'af hambo gadang-gadang."
Maulang Datue' Kapalo :,,Asieng bana ana' urang 'ko, hambo tida managah kau mandjangue', hanjo hambo tanjo, mangapo kau manja ho' djno, urang lah sudah mupakat, nan tida' akan saho'-manjalio' lai, datue' kau lah managahkan pulo, mandjangue' tida' ditagahkan; ko akan paï mandjangue', barēh sadjo nan ka dibao, ba'itu mupakat urang, kini asieng pulo nan djawab kau, mangatokan tida' bulieh mandjangue. tjadie' bana kan barundieng, mampatukakan kato urang."
Mandjawab si Rambun Améh, sambie manjapu aie mato: „Ko' hanjo mupakat datue' 'tu, de' hambo tida' akan taturui', sabab hambe [ 101 ]Page:Mustiko Adat Alam Minangbakau.pdf/101 [ 102 ]sabab pipi bukan saïkue, io djaguang bukan sabatang, ama' njo timbang de' nagari."
Mandjawab Datue' Madjo Nan Putieh:,,Malah ba'itu titah datue itulah elo pado hambo, supajo kato ama' habih, bia rundiengan ama salasai, djangan taburue' diri hambo, malah dilië' de' nagari, sananglah itu hati hambo."
Alah sudah injo barundieng, dangan Datue' Madjo Nan Putich, manitah Datue' Kapalo, disurueh panggie manti djo pagawai, dititahkan pangulu suku, manjurueh marape' kan nagari itu, io barisue' pagi-pagi. kagaduang Datue' Kapalo.
Sampai barisue' hari siang, kiro-kiro ukatu luhue, rapē'lah urang samonjo, sagalo datue' ninie' mama', kagaduang Datue' Kapalo, sagalo urang badjabatan, alah tjukui' balako kasamonjo, nan didalam nagari 'tu, datang kagaduang Datue' Kapalo.
Alah sabanta antaronjo, alah dudue' sagalo ninie' mama', bakato Datue' Kapalo: „Manolah datue' kasamonjo, sado nan halie siko kini, panda' sadjo hambo sabui'kan, kadatue' sado nan halie, mangkonjo datue hambo panggie, adapun kito lah samupakat, tida' akan saho' manjaho' lai, kalau tumbueh dikamatian. Nan kan sakarang kini nangko adolah urang nan manjaho', malangga mupakat kito 'tu, iolah si Rambun Aneh, dansana' Datue' Madjo Nan Putieh. Itulah nan hambo panggie kan, ama' ma'alum datue' samonjo, kini ba'apo kalata'njo, tjubolah dattue' paiokan, ama' tantu kasudahannjo."
Mandjawab sagalo karapatan:,,Kalau itu nan titah datue', mananti datue sakutiko, ama' kami paiokan, ama' barundieng kami dahulu.'
Maningkuh Datue' Kapalo: „Insja Allah baie'lah itu, itulah nan hambo minta'."
Sadang de' datue' nan rape' 'tu, alah ditjubo parundiengkan, dikadji awa dangan akie.
Lalu mandjawab surang datue', bagala Datue' Paduko Garang Manolah datue' kasamonjo, ditangah tibo sambah hambo; nan taraso di hati hambo, tantangan rundingan iko, tida'lah guno kito papandjang ato hambo akan sahuah, nan taraso di hati hambo surang, adapun mupakat kito, kalau ado urang nan malangga, datue' pun sudah mangatahui apolah ia akan gunonjo nan ka kito kadji juo, bapajah-pajak kito ..... kita tapati sadjolah tu ama lakeh kato salasai, sungguang baitu kadji hambo, pulan ma'lam di nan rape'
Mandanga kato nan baitu, alah barundieng Karapatan, alah banjanan mubarakan, rundieng Datue' Paduko Garang; lamo sabanta antaronjo, alah takato anjolaï, sagalo datue' nan rape' 'tu, manurui' sapan [ 103 ]djang mupakat, djandji nan sudah dikarang, alah sudah bulē' parundieagan, dipulangkan anjolaï, kapado Datue' Kapalo: „Sapandjang kabulatan kami, sagalo datue' nan rape' 'ko, sapandjang buatan 'tu. tida' kan diubah laï, manurui' sapandjang kato mupakat, djandji nan sudah dipabuë', hukum nan sudah ditantukan, kapado urang nan malangga, apo-apo mupakat itu, itulah sadjo nan kan diturui', ba'itu kabulatan kami sagalo karapatan."
Mandjawab Datue' Kapalo: „Malah ba'itu sakato datue', manurui' pulo malah hambo, tatapi sabuah nan taraso, batanjo djuo hambo di datue', siapo urang nan kito hukum, didalam urang nan baduo, paratamo Datue' Madjo Nan Putieh, dansana' si Rambun Amēh, kaduo si Rambun Ameh tantangan Datue' Madjo Nan Putich, alah sudah hambo parēso, tida'lah injo katinggalan, sapandjang buni mupakat kito; si Rambun Ameh mangaku pulo, bahaso ado dilarangnjo, de' Datue' Madjo Nan Putieh, tantangan manjaho' itu.
Ka kito hukum si Rambun Amēh sadjo, lah ka kito sisieh info nan baduo. urang 'tu badansana' kanduang, tida' limau masam sabalah, tjubolah datue' paiokan, dimano-mano kan lata'njo, ama' bulieh kito hukumkan, djangan puntuang baraso' pulo."
Mandanga kato nan ba'itu, lalu bakato Karapatan: „Mano Datue Madjo Nan Putieh, mahinda malah datue' sabanta, ama' bulieh kami thangadji, bari ma'af malah kami, ko' tapandjang ko' tapanda'.
Sadangkan Datue' Madjo Nan Putieh, mandanga kato nan ba'itu. tida'lah badjawab itu laï, maminta' idjin ka nan rape', lalu turun injo Sakali, taga' baralieh kahalaman. Sapaningga Datue' Madjo Nan Putieh alah barundieng Karapatan, lalu dikadji salah malah, dikadji awa dangan akie, sarato mularat mupa'atnjo, njato salah si Rambun Aměh, tida' manurui mupakat pangulu, disalahkan injo,,dago dagi", dilua Datue' Madjo Nan Putieh, hampie sakato pulo disitu.
Lalu mandjawab satu datue', bagala Datue' Mage' Djabang, alah manjambah maso itu, kapado sidang Karapatan:,,Ampunlah hambo pado datue', sagalo nan rape' siko, di hambo ado nan taraso, ko' bana dibao lalu, ko' tida' kito lata'kan, tida' mandjadi apo-apo."
Maningkah Datue' Paduko Garang: „Mano Datue' Mage' Djabang di datue' tibo sambah hambo; kalau lai nan taraso, êlo' lah datue' katangahkan, ama' didanga de' nan rape', bulieh maalum kasamonjo, miakido atau burue', malah samo dikatangahkan, tida' mandjadi apo-apo, kito mantjari kabanaran: elo' disabui' nan taraso. ama' dape' djalan nan luruih." [ 104 ]Maulang Datue' Mage' Djabang: „Adapun si Rambun Aměh, injolah akan kito hukum, disalahkan injo,,dago dagi", tida' manurui' sapandjang mupakat kito, karano injo lah malangga, itulah kato sabananjo, kato dahulu batapati, kato kamudian kato batjari. Tatapi sakētē' nan taraso, tantangan si Rambun Amēh, hambo lah tahu di lakunjo, injo urang kagilan-gilan, ba' urang gilo-gilo baso, midie' nan bukan alang-alang, banamonjo banja' nan paguno, luruihnjo bukan alang-kapalang, bapantang mungkie didjandjinjo, karēhnjo ba'itu pulo, luna'njo bulieh disudu, ba'itu nan hambo lie', lakunjo si Rambun Amēh. Kalau injo kito hukumkan, disalahkan injo,,dago dagi”, elo'njo itu dipakainjo, ko' tida' apo tēnggang kito, amuehlah injo dibuang, ba' mupakat kito djuo, ko' mati tida' didjangue, ko' saki' tida' disilau, sukolah injo tantang itu, akan kito buang pulo malah injo, dari dalam sapandjang 'adat. Elo' kito kadji dahulu. ama' djangan kito talangga, samantaro balun talalu, itulah nan taraso di hati hambo, djangan manjasa kamudian."
Mandjawab pulo surang datue', bagala Datue' Madjo Mudo: ,,Mano Datue' Mage' Djabang, di datue' tibo sambah hambo." Maningkah Datue' Mage' Djabang: „Kapado Allah, manitahlah datue'!"
Maulang Datue' Madjo Mudo: „Adapun nan taraso de' datue', kalau hukum tida' dipakainjo, apo pikieran pado kito, itu nan taraso di datue'."
,,Sabananjo," djawab Datue' Mage' Djabang.
Maningkah Datue Madjo Mudo:,,Kalau itu nan taraso, nan timbangan hambo surang, kalau hukum tida' dipakainjo, kito turui' sapan djang mupakat, ko' saki' tida' kito silau, ko' mati tida' kito djangue' usah didjalang-djalang rumahnjo, djoko' apo-apo nan tumbueh. Bukan ba'itu buatan kito, mangapo kito nan kan manjasa, urang tahukum de salahnjo ?"
Maulang Datue' Mage' Djabang: „Mano Datue' Madjo Mudo. ko' anjo mati tida' didjangue', saki' tida' ka disilau, dari tadi lah kito sabui' djuo, alah ma'alum itu de' hambo. Dalam pikieran hati hambo surang, itu nan tida' mungkin bana, apo sababnjo damikian, tjubolah kito pagēlē'kan, de' datue' sado nan rape' 'ko; laïkoh kan lalu pado angan, io Datue' Madjo Nan Putieh, ka ditjarai djo dansana'njo, ka kito buang si Rambun Amēh, ba'apo Datue' Madjo Nan Putieh, dimano kito lata'kan ? Tantu injo kakiun djuo, ko' apo nan tumbueh di diri si Rambun Aměh, sabab injo nan bakuaso, baie' dansana'njo nan lain-lain, nan sakampuang-kampuang itu, tantulah injo manjabalah, tantu injo ka kiun djuo. Buang apo namonjo itu? Sabuah pulo nan taraso, tantangan [ 105 ]Datue' Sutan Amat, sarato dansana' sudaronjo, adokoh injo akan baranti, io karumah si Rambun Amēh, ko' apo tumbueh dirumah si Rambun Ameh, misiki ĕlo' atau burue', sabab itu parampuannjo, misiki ba'apo malarangnjo, injo ka kakiun djuo, samo tahu malah datue', kito karumah ana' kito, nan dilarang urang, kato mustahie itu datue'. Akan kito buang malah samonjo, sado nan masue' kakiun, mano mungkin itu datue', sanda-manjanda panjaki' 'tu, kito bakari' balako; tjubolah pikie itu de' datue',mantjabie' sadjo nan ka murah, mandjahi'njo wallahu'alam."
Mandanga kato Datue' Mage' Djabang, mandjawab pulo datue' nan lain, sampai barampe' djo balimo, turui'-manurui' kato itu, mambanakan kato Datue' Magë' Djabang.
Sabab karano dari itu, djadilah patjah parundiengan, tida' dape' kato sapakat, satangah bamanuang sadjo. Alah sabanta antaronjo, mamparundiengkan kato itu, lalu manjambah anjolaï, io sagalo Karapatan, kapado Datue' Kapalo, disambahkan de' Datue Paduko Garang:
..Ampunlah kami pado datue', namun de' kami nan rape' 'ko, tida'lah dapē' kato sapakat, mahukum si Rambun Ameh, balain-lain pandapatan ; nan kan sakarang kini nangko, mamulangkanlah kami bakēh datue', ba apo djuo nan kan elo'njo, dimano-mano ka lata'njo, ma'alum pulang pado datue'." Itu sambahnjo Karapatan, nan disambahkan Datue' Paduko Garang.
Mandjawab Datue' Kapalo: „Mano datue'-datue' sado nau halie, malah ba'itu kabulatan, panggielah Datuc' Madjo Nan Putieh."
Dalam sabanta itu djuo, alah dihimbau de' mantinjo, naie' Datue" Madio Nan Putieh, lalu dudue' dimuko rapë'.
Tibo Datue Madjo Nan Putieh, manitah Datue' Kapalo, kapado Sagalo Karapatan :
.,Mano datue' kasamonjo, nan sakarang kini nangko. tantangan rundiengan iko, kito badjandjilah dahulu, sabab harilah patang bona, mananti sadjo malah datue', ko' pabilo-pabilo harinjo kito harape', pabilo hari nan laï lapang, hambo panggie datue' kumbali. kito tjari djalan nan ado, supajo kato ama' habih, djangan mularat kamudian."
Maningkah pulo Karapatan: „Malah ba'itu titah datue', mananti "adjo malah kami, pabilo-pabilo datue' mamanggic, sugito malah kami datang."
Haripun sandjo anjolaï, rape' baranti maso itu, trang 'tu pulang
Samonjo, katampe'njo masieng-masieng. talata' sadjo rundieng itu. [ 106 ]BAB V
PELADJARAN DATUE' RADJO PANGULU
KAPADO BAGINDO KAJO
BARALIEH pulo kaba sabanta, sunggueh baralieh sanan djuo, sadanglah Bagindo Kajo, barulang djuo kamama'njo, ka Datue Radjo Pangulu, mananjokan sapandjang ‘adat, mano-mano nan balun dapë', ditanjokan balako samonjo. De' Datue Kadjo Pangulu, mano nan dapē' de' injo, diadjakan balako samonjo, kapado Bagindo Kajo, tantangan 'adat djo limbago, baie'pun laku djo parangai, ‘adat urang nan patui'-patui', 'adat urang nan baradjo-radjo, diadjakan balako itu samonjo, satupun tida' katinggalan, tanamo 'adat nagari, misiki hērēng dangan gēndēng, tida'lah itu ditinggakannjo.
Ado kapado satu hari, bakaba Bagindo Kajo, ka Datue' Radjo Panguiu ..Hambo mandanga dari urang, iolah si Rambun Aměh, dansana' Datue' Madjo Nan Putieh, injo tapanggie djanjo urang, kagaduang Datue' Kapalo, sabab karano de' manjaho', karumah Datue' Sinaro Sati de' andeh datue' 'tu mati, dikampuang Koto Banilo. Kapatang rape nagari, digaduang Datue' Kapalo, mamparundiengkan kato itu, hambo tida' paï kakiun, hambo lah mamulangkan sadjo, ka Datue' Paduka 'Alam, ba'apo buatan urang, manompang sadjo hambo disitu.
Tadi hambo mandanga pulo, bahaso patjah isi nagari, tida' dapé' kato sapakat, mahukum si Rambun Amēh, dangan Datue' Madjo Nan Putieh, urang baduo badansana' kanduang, surang salah surang tida.
Akan dihukum si Rambun Aměh sadjo, manurui' buni mupakat. disalahkan injo „dago dagi", ko' tida' hukum dipakainjo, akan kalua malah injo, dari dalam sapandjang 'adat, ko' saki' tida' ka disilau, mati tida' ka didjangue', ba'apo akan mantjarainjo, dangan Datue' Madjo Nan Putieh, urang sabuah kaduonjo; tambahan pulo dangan lakinjo io Datue Sutan Amat, urang balaki babini, akan dibuang kasamonjo. itu nan labieh susah bana, sanda-banjanda panjaki' 'tu, tahukum urang nan tida' salah, dë' itu patjah parundiengan. Sabab karano dari itu, djadilah tida' dape' pakat, ulieh sagalo datue'-datue', mahukum si Rambun Aměh, hanjo nan djadi kaputusannjo, mamulangkan sadjo datue' datue', kapado Datue' Kapalo, ba'apo nan ka elo'njo.
Tahado' tantang itu, io de' Datue' Kapalo, djadi badjandji kato itu, balun tantu masa' matahnjo, malainkan titah Datue' Kapalo, akan [ 107 ]barape' sakali laï, mantjari kato nan salasai, mamparundiengkan kato itu, tatapi balun tantu harinjo, urang akan barapë' itu, ba'itu kaba hambo danga."
Mandjawab Datue' Radjo Pangulu, sambie tatawa gala' sanjum : Mano ang Bagindo Kajo, apo djuo kato hambo, kalau ‘adat nan usali, Susah bana maubahnjo, namun diandja' tida'njo mati, dibubui' tida'njo lajue, tumbueh djuo tarue' dirusue'njo ; bukan ba'itu kato hambo? Kini alah itu basuo, balun barapo ado lamonjo, alah tatjakie datue' datue', tjubolah timbang itu de' ang, urang badansana' kanduang, atau laki djo bininjo, akan disisieh itu bujuang; itulah kato mustahie, de adat talarang bana, kalau tjadie' mambuang kawan, gapue' mambuang lama'. De' sara' ba'itu pulo, haram piie sarupo itu, mantjarai urang badansana', atau dangan rakanannjo, mamutuihkan salatu'rrahim, antaro urang saagamo, basa dosonjo itu bujuang, paréntah pulo maapie'kan, kamano djalan bakēh lalu, pintu tatutui' balako; itu banamo angguang gajo, akan surui' aie lah gadang, ka lalu djalan lah sama', djadi taga' tatagun sadjo, angan lalu paham tatumbue', alangkah susah itu bujuang.
Namun badjalan dalam 'adat, bakato dalam pusako, tantang 'adat han usali, tida tahambe' tabalintang, lalu balako samonjo, 'adat itu basandi alue, alue itu djalan nan luruih, tida'lah dape' dibengko'kan, sara' itu basandi dalie, dalie itu kato nan ha', manurui' kato kitab'ullah, tida'lah bulieh dimungkiri, kalau mungkie sapatah kato, dunie akirat dape' doso, paréntah ba'itu pulo, mantjari djalan kabaikan, manula' djalan kadjahatan.
Kalau dihanieng dipikiekan, io djalan nan tigo itu, suatu djalan pado ‘adat, kaduo djalan pado sara', katigo djalan di paréntah, sabuah udjui' katigonjo, sagadang rambui' ta' salisieh, samo manudju kabaikan.
Tjubolah timbang dihati ang, baolah tidue manilantang, hilie mudie'kan katigonjo. Adapun kato dalam 'adat, kalau kusui' namun karueh dipadjanieh, ko' parang dipadamkan, ko' salisieh dihu- kumkan, babatuelan babaieran, nan barabui' dikatangahkan, samantaro mantjari bana, nan basalahan itu dipatui'kan, itu pado tampe'njo masieng-masieng, ama'njo habih kasumatnjo, mano nan tjabuch itu dibuang, nan baie sadjo nan ka dipakai; ba'itu sapandjang 'adat, tida'lah bulieh kasan kasumat.
De' sara' ba'itu pulo, tida' bulieh ambie'-maambie', namun ha' urang Surang-surang, halal itu pado nan punjo, tida' bulieh dikuasoi, de' urang Dan tida' mampunjoi, atau diambie' dé' nan lain, urang nan bukan si milie'njo, misiki sagadang bidjo sawi, walau sarambui' dipatudjueh, kalau diambie' itu bujuang. mandjadi doso kasamonjo. [ 108 ]Parentah ba itu pulo, injo mandjago itu bujuang, itu 'adat dangan sara', tida' buleh silang salisieh, injo lalu ditangah-tangah, malata'kan zat pado tampĕ'njo; kalau salisieh dalam 'adat, dikumbalikannjo pado adat, kalu salisieh tantang sara', dikumbalikannjo pado sara', sadiki tida bulieh barubah, pulang katampe' masieng-masing. tida' bulieh ambie'-maambie'. Kalau malua dari itu, djoko' karēh ditakie'njo, namun luna' disudunjo, adie nan bukan alang-alang, lagi panjantun djo panjajang, paibo nan bukan alang-alang, ama' sanang sagalo ana' buah, ana' rando badjalan surang, urang ama' bakasieh-kasiehan, tolong-manolong didunie 'ko, tjadie' ta' bulieh maniajo, binguang ta' bulieh taniajo, lang gaian data katian gano'; ba'itu udjui' diparentah, nan balaku dinagariko.
De' itu mangko kato hambo, tipa' dibadan diri ang, nan sahinggo iko kaatéh, himat-himat djago-djago, apo-apo nan kan dibuē', pikiekan bana sungguh-sungguah, sasa dahulu nan batuah, sasa kamudian itu tjilako, itu pitua urang tuo.
Ko' dihukum si Rambun Aměh, hukum ko' tida' dipakainjo, ba'apo malakukannjo, djo apo injo dihukum, djo apo injo disalahkan, injo bakato dalam 'adat, badjalan dalam pusako, mandjadi lapēh lanang sadjo.
Tida' injo ka dihukum, itu nan labieh susah bana, injolah babue' salah, malangga mupakat awa', urang lah habih talandjue, sio-sio buatan awa', mambue' mupakat itu, ka djadi apo itu laï; bukankoh itu namonjo. mambuĕ'-bue' kusui' sadjo, mambue susah dalam sanang? Ko' tahu urang nan diatēh, bukan mularat itu bujuang, awa' nan patui' ma'amankan, kini awa nan manggadueh, sabab karano kahanda' awa', nagari tida sanang diam.
Adapun sagalo datue'-datue' 'ko, nan diangke' djadi pangulu, djio nagari itu namonjo, namun sagalo hulubalang, tulang nagari itu namonjo; akan imam dangan kati', sarato bila djo maulano, baie'pun 'alim djo ‘aluma, sarato dangan hadji-hadji, itu banamo sulueh nagari; tanamo manti djo pagawai, kaki tangan de' nagari, tanamo tjadie' pandai, baie mudo atau tuo, itu udjuang lidah nagari; lorong di urang baie' rupo, itu banamo tjajo nagari; akan sagalo kana'-kana', sarato sagalo parampuan, itu pamënan de' nagari, tida'lah ado nan tabuang, urang paguno samonjo, nan buto palambuih lasuang, nan paka' palapēh badie. Sabah karano dari itu, mangko sagalo datue'-datue', tahu bana injo handa'njo. pado sagalo karadjonjo, nan kan mularat nan kan mupa'at, patui' ditimbang habih-habih, sabab injo djio nagari. Kalau tumbueh dikarapatan usah turu'-manurui' sadjo, kapado kawan nan lain-lain, kalau balum tantu lata'njo: djoko' diturui'-turui sadjo, djadi mularat kamudian, karano awa'lah sakato. Sabab de' turui'-manurui' 'tu, djadi binaso ana' [ 109 ]buah, sangsaro isi nagari, sabab karano de' pangulu, nan turui'-manurui' tadi, kalau dibue' nan ba'itu.
Saparati mupakat nan lalu 'tu, mulo-mulo mupakat dibuě'. saurang nangatokan elo', nan lain-lain lah maelo'kan pulo, diturui' sadjo kato kawan, tatapi tida' dipikirkan, ba'apo ēlo burue'njo, antah kamano ta'alue'njo, kato nan diturui'njo 'tu. Balun laï awa' mangatahui, injolah manurui sadjo, burue' ēlo' djanjo urang, injolah maĕlo'kan pulo, ama' lakēh
lapēh badannjo kini itu kadjadian, bukan manjasa itu bujuang, padusi tida' tahukumkan, balun tantu hukum ka babandieng, awa' lah habih salisieh, tando tida kanai djalannjo, itu nan kukue' tjatjo ajam, kitjau-kitjau jatjo murai; kalau lah bungkue' de' mangajam, tandonjo salah de' bamulai. Alah banja kali hambo malie', takalo maso mudo hambo dimano-mano karapatan, banja' djuo datue'-datue', nan suko turui'-manurui', apo-apo rundiengan urang; tatapi injo tida' tahu, mukasui' kato nan diturui'njo, antah bana antah tida', malainkan injo manuruí' sadjo, ama lakeh lapēh badannjo, tida' dikana awa akie, asa lapēh sabanta itu, alah baruntuang injo itu.
Ado pulo satu-satu kali, tumbueh didalam karapatan, ukatu datang urang batanjo, urang gadang basa batuah, mananjokan sapandjang 'adat, ataupun kato nan suli'-suli', akan mandjawab tanjo itu, alah kumbali mangumbali, dari nan surang ka nan surang. Kalau didjawab de' nan lain, io tanjo nan datang 'tu, lapēh dari nan surang itu, digēlē pulo ka nan lain, didjawab pula de' nan lain, hambo manurui' datue' itu, alah sadjawab kami djan baliau, sampai baduo djan batigo, atau barampe' djan balimo, ataupun labieh dari itu, turui'-manurui' sadjo anjolaï. Tatapi pulo itu bujuang, de' datue' nan manurui' tadi, tida'lah injo mangatahui, apo mukasui' tanjo urang 'tu, ataupun djawab nan diturui njo, antah bana djawab urang 'tu, antahpun salah mangatokan, tida' lah itu dipikieinjo, injo manurui'kan itu, asa lapêh badannjo sadjo, sabab irang alah mandjawab, itu sadjo nan diturui'njo.
Kalau basoä djawab 'tu, diulang urang nan batanjo, namun tidaˆ tapalapēhkan, de' urang nan mandjawab tadi, io soä nan tibo itu. Tantangan datue' nan manurui', alah gadang pulo tjangangnjo, tagang kampih ure' parui'njo, darah didado turun naie', takui' batjampue djo malut, sabab awa' tida' ma'alum, arati kato nan diturui', tanjo baraso ka babalie', io kapado diri awa', dudue' disinta' kabalakang sambie mamandang kiri kanan, alah baransue-ansue djuo.
Ado pulo satangahnjo, sabab takui' ka kanai tanjo, tumbuehlah saki' sakutiko, mamilin parui' sabanta 'tu, djadi maminta' paï turun. [ 110 ]dikatokan parui'njo saki', ama' djangan injo kanai tanjo, sabab awa sudah manurui', dikatokan paï kaaie; ado pulo nan ba'itu, kalakuan datue datue, nan sudah basuo de' hambo, samaso hambo laï mudo.
Namun sudah urang barapë', kumbali pulang karumahnjo, badjalan samo-samo kawan, gala'lah badarai-darai, kētje' lah babuah-buah. sambie manggami' pungguang kawan, diulang rundieng nan tadi, lalu ditimbang tangah djalan, disabui' awa djan akie.
„De' hambo ha'itu nan taraso, tantangan djawab nan tadi, ba'itu ba'iko akan djawabnjo." ditjuraikan kapado kawan, apo nan elo' ka djawabnjo. Kan io ba'itu nan biaso, nan sapandjang 'adat nan kito pakai, nan kito turun kito naie'kan, salarui' salamo iko."
Mandjawablah pulo kawannjo: „Io nan di datue' 'tu, de' hambo ba'itu pulo, sakato hambo dangan datue'." Mandjawab pulo nan lainnjo: ..Hambo de' itu diam-diam sadjo, karano tida' itu sasuai, djo pikieran hati hambo, nan djawabkan datue' 'tu tadi; akan hambo djawab pulo, sagan pulo awa' rasonjo, sabab baliau lah mandjawab, tapandang awa' di baliau, akan salisieh tangah mēdan, dē' itu hambo manurui' sadjo, ba'apo djawab baliau 'tu. Ko' hanjo di hati hambo surang, tida' ba'itu ka djawabnjo; kironjo itu de' baliau, tida' pulo talapēhkan, disoä urang djawab baliau, djadi kito malu samonjo."
Mandjawab pulo nan saurang laï:,,De' hambo ba'itu pulo, sabab buliau urang tiadie', lah biaso mandjadi atjang-atjang, de' itu hambo manurui' sadjo, apo nan baliau katokan: kironjo iko kadjadiannjo, dapë' malu kito nan lai, tanjo sabuah ta' tabari."
,,Ba'itu nan banja' hambo lie'," katonjo Datue' Radjo Pangulu.
..Tapi kalau bana djawab urang 'tu, djawab kawan nan diturui'njo. barapo pulo gadang hati, tambah banja' kētje' didjalan, gala' lah babuah-buah, sampai pulang karumahnjo, diulang djuo kato tadi, asa lai bakawan djuo.
Sabab itu piturueh hambo, ko' sampai ang djadi pangulu, usah dibuē' nan ba'itu, kalau tibo dikarapatan, kalau datang soä djan tanjo namun balun taraso bana, apo udjui'njo tanjo itu, usah didjawab-djawab sadjo; kalau balun awa' mangarati, tanjokan sadjo basiluruih, atau katokan tida dapë', tida' mangapo itu bujuang, namonjo awa' tida' tahu tida mandjadi malu sopan. Kalau ditiru nan ba' urang 'tu, dimēdan tida' pandai mandjawab, didjalan awa' lah pandai, mangētjē' kapado kawan, ba'itu baiko ka djawabnjo, apo nan ditanjokan urang, tida' paguno itu bujuang, sudah makan bismillah.
Datang pitua orang tuo, „karih tasisi' didindieng, padang tadjam dalam saruangnjo", itu namonjo djanjo urang, kalau dibuē' nan ba'itu. [ 111 ]Sabuah laï pulo bujuang, kalau awa' urang tahu pandai, di ‘adat djan limbago, tjadie' barundieng tangah medan, djoko' datang urang batanjo, urang nan patui' mananjokan, tantangan 'adat djan limbago, atau nan lain dari itu, didjawab itu basiluruih, djangan dikila parundiengan, nan bana sadjo disabui'kan. Kalau dihimbau injo babuni, dilië' injo basuo, ba'itu djawab handa'njo; usah io dimului' sadjo, de' pandai awa' mangetje', nan tida' sarupo io, nan kan pandjawab tanjo urang nan sabananjo tida' ba'itu, kasiangan awa' kudian, binaso pulo 'adat awa'.
Banja djuo hambo mandanga, ado pulo urang batanjo, kapado urang tjadie' pandai, ditantang ‘adat djan limbago, umpamonjo urang bangso mamarentah, didjawabnjo sadjo tanjo itu, dangan kato nan lama' manih, nan elo' pulo djalannjo, tatapi tida' sabananjo, hanjo maambie' muko sadjo, karano awa' urang pandai, malu manjabui' tida' tahu, didjawab itu dangan kila, dibari pulo itu djalannjo, dikatokan kato kiasan, djadi pitjajo urang itu, disangkonja bana djawab awa'.
Lapeh batanjo pado awa', io urang nan batanjo tadi, batanjo pulo nan lain, itu djuo ditanjokannjo, akan paudji djawab awa', didjawab pulo de' urang lain, ēlo' pulo itu djawabnjo, kanai pulo itu djalannjo, karano urang pandai pulo; djadilah ragu si patanjo, iko io itupun io balain-lain pambarian, didalam adat nan sabuah, djadilah injo salah sangko, disangkonjo 'adat tida' dape' dipagantuangi, tida'lah elo' itu bujuang, djadi tatjatje' 'adat awa'.
Kalau dapē' nan sabananjo, de' urang nan batanjo tadi, dilie' bulieh basuo, dihimbau injo babuni, nan didjawabkan urang kamudian, balain dangan djawab awa', djadilah awa' kasiangan, tida' injo pitjajo laï, misiki awa urang pandai.
Namun nan bana disabui'kan, tida' siapo dapē' mantjatjë', malan- tieng lah manudju tangkai, bakato lah manudju bana, ko' badjalan lah nan pasa, itulah 'adat sabananjo, kalau diandja' injo ta' lajuc, namun dibubuí' injo ta' mati, ba'itu kato handa'njo, nan kan dipakai salamonjo."
Alah sudah injo barundieng 'tu, babalie' Bagindo Kajo, kumbali
Pulang karumahnjo. [ 112 ]BAB VI
KAMATIAN DATUE' RADJO PANGULU DAN
PANGANGKATAN BAGINDO KAJO DJADI
PANGULU
KABA baralieh anjolaï, sunggueh baralieh sanan djuo, sa danglah Bagindo Kajo, de' sangat radjin hatinjo, tida' baranti injo datang, tio' hari berulang djuo, io kapado ma ma'njo 'tu, mananjokan sapandjang ‘adat, mangadji tambo radjo-radjo, baie pun undang nan salapan, sarato undang nan duo baléh undang nagari undang luha', mangadji salah dangan sili', dapë'lah itu kasamonjo, kati-mangati barē' ringan, timbang-manimbang luruih bana, itupun sudah dikatahuinjo.
Lamolah pulo antaronjo, adolah garan satu tahun, saki' Datue Radjo Pangulu, sabidjo nasi ta' tamakan, aie diminum ta' tarague. djarieh batjampue dangan batue', ditiduekan tida' sanang, dibao dudue' tambah labieh, namonjo saki' urang tuo, batimbun ube' dangan tawa siang malam tida' baranti, barapo banja' urang manjilau, mambaokan ubė' samonjo, usahkan sambueh tambah garang.
Malië rupo damikian, susahlah Bagindo Kajo, mantjari urang pandai ube', mantjari urang pandai tawa, paï batanuang sano sini, dimano sadjo kadangaran, urang nan pandai-pandai ube', didjalangnjo itu samonjo, apo ube' dibari urang, dilakē'kan balako kamama'njo, satupun tida' manolongi, djangankan itu mangurangkan, hanjo batambah labieh djuo. Sampailah pulo tudjueh hari, patang Kamih malam Djuma'at, kiro-kiro pukue salapan, urang sudah sambalijang 'isa, pangsan Datue' Radjo Pangulu, tida' tahu di diri laï, dihimbau tida' injo babuni, alah bakumueh atēh lapie', napèh kalua satu-satu, bakarueh-karueh didadonjo, dingin badannjo pantun aie, lamah tulangnjo ba' kaladi.
Sadanglah Bagindo Kajo, malië' mama'njo nan ba'itu, alah sasa' sadjo pikicrannjo, urang lah habih manangih, nan bagole' lah bagolé, nan marato' lah marato', tida' dape' ditagah laï, nan sakaum-kaum itu: dalam sabanta itu djuo, datang pikieran Bagindo Kajo, balari sadjo injo turun, badjalan bayagēh-gagēh, mandjapui Tuanku Malim Kunieng. guru Datue' Radjo Pangulu. Ado sabanta antaronjo, sampailah injo kasurau 'tu, surau Tuanku Malim Kunieng, dilurah Pantjueran Tinggi. [ 113 ]lalu naie' Bagindo Kajo, darah didado turun naie', sasa' ango'njo de' bagageh, pakaian tida' satjukui'njo, hanjolah badju djan sarawa, kapalo diike' djan basahan, didapati Tuanku Malim Kunieng, sadang dudue' dake' mahirab, maadja ana' muri'njo.
Malie' Bagindo Kajo datang, tatjangang Tuanku Malim Kunieng lalu taga' injo sakali, sambie manjapo katjamēhan: „Dari mano Bagindo tadi, mangapo sarupo iko, ba'apo datang kamari, ba'apo kini datue' kito, hambo mandanga salumbari, baliau saki' djanjo urang sadja' dari pagi kapatang, hambolah baraga'-aga' djuo, akan malie' baliau 'tu, balun djuo sampai-sampainjo,"
Mandjawab Bagindo Kajo: „De' itu hambo kamari, handa' man- djapui tuanku kini, sadang sangat hambo tinggakan, antah ba'apolah 'tu kini, Allah djan Rasue nan ka tahu." Mandanga kato nan ba'itu, tida' babuni Tuanku Malim Kunieng, lalu bakamēh anjolaï, sudah bakamēh injo turun, basamo Bagindo Kajo, badjalan bagageh-gagēh, ganti dahulu-mandahului. Ado satarie' sapatana', sampailah injo kaduonjo, kasurau Datue' Radjo Pangulu, alah lalu naie' sakali. Sadang Tuanku Malim Kunieng, salalu sadjo injo katangah, ka Datue' Radjo Pangulu, dihimbau tida' injo babuni, diroso' pulo didadonjo, lalu-lalu kakakinjo, lah dingin sadjo taraso, hango'njo bakarueh-karueh, manganta'-anta' didadonjo: dilie'njo sarupo itu, bakato. Tuanku Malim Kunieng: „Habih hano' lah dahulu, usah habih managih djuo, tida' mangapo baliau 'ko, baolah kamari aie dingin, lata’kan ditjambuang putieh."
Mandanga kato nan ba'itu, alah hano' urang nan manangih, lalu iambie' aie dingin, dibarikan kabaliau, kapado Tuanku Malim Kunieng, ditarie' pulo parasapan, lalu dibaka pulo kumajan.
Ulieh Tuanku Malim Kunieng, lalu ditarie' aie tadi, dibatjokan do'a jasin, ditie'kan kamului'njo, diurēhkan pulo kabubun-bubunnjo, dihambuihkan tigo kali, diurch pulo kamukonjo, sampailah pulo kakakinjo. Ado sabanta antaronjo, alah pandai injo mamandang, antaro sabanta laï, alah pandai injo maminta' aie, alah diminumkan pulo aie, lalu ditanjo maso itu, ulieh Tuanku Malim Kunieng,,Apo Datue' nan labieh saki'?"
Mandjawab Datue' Radjo Pangulu, suaranjo sajui'-sajui' sampai : Tida' tantu nan labieh saki', hanjolah saki' samonjo, tulang lajueh hango'pun sasa'.'
Bakato Tuanku Malim Kunieng; „Laikoh datue' ingē' djuo, kadji han hambo adjakan ?" Mahanggue' sadjo injo mandjawab. [ 114 ]Ado sabanta antaronjo, dibari urang pulo bubue, lalulah pulo tigo sendo', alah aga' tarang pamandangan, hango'njo batambah lapang djuo: alah pandai pulo injo dudue', basanda diguluang kasue: alah sabanta injo basanda, lalu bakato pulo baliau, kapado Tuanku Malim Kunieng ,,Disikolah Tuanku samalam 'ko, ama' njo tarang hati hambo."
Mandjawab Tuanku Malim Kunieng: .,Malah ba'itu kato datue'. disiko malah hambo dahulu." Malie' rupo damikian, sagalo urang nan disitu, alah tarang kiro kironjo, alah pulang hati nan tjamēh, alah ditana' pulo nasi, sarato dangan aie ange', dibari pulo minum makan, io Tuanku Malim Kunieng. Sudahlah pulo minum makan, basamo Bagindo Kajo, alah dudue' ma nge'-ngetje', sambie marundieng-rundieng kadji, ka ganti badjago-djago banja'lah pulo pituanjo, io Tuanku Malim Kunieng, barapo kitab nan dibatjo, sarato dalie ma'ananjo.
Adolah garan pukue ampè', alah sakali ajam bakukue', mahimbau Datue Radjo Pangulu, kapado Tuanku Malim Kunieng, suaronjo sajui'- sajuí' sampai, sakali sadjo injo mahimbau, sambie maundjue'kan ta- ngannjo; mandakē' Tuanku Malim Kunieng, didjawe' tangan dipagang kan, alah ditanjo maso itu, tatapi tida' injo babuni, hango'njo turun turun naië', injo tida' mamandang lai, dihimbau sakali laï, tida' djuo injo babuni.
Dalam sabanta itu djuo. Allah ta'ala basipat kajo, malakukan barang kahanda'njo, sampailah adja Datue' Radjo Pangulu, mangutjap Tuanku Malim Kunieng, sambie mambatjo do'a izin, antah apo-apo nan diba- tjonjo, tida'lah kami tahu pandai, baliau babisie'-bisie' sadjo. Sudah mambatjo do'a itu, lalu dilito diparengah, ditutui'kan pulo matonjo, dirapĕ'kan pulo mului'njo, tangan disusun atêh dado, tiduenjo pulo dibaiki.
Dalam sabanta itu djuo, tahulah urang nan banja' 'tu, sagalo kari djo bai'njo, nan ado disurau 'tu, lalu manangih anjolaï, alah banduang de' buni rato', alah basilang tampa didado, rabo-raboi sana sini, bagulieng-gulieng atēh surau, hirue' pikue' tida' karuan, namonjo urang kamatian.
Malie' rupo damikian, bakato Tuanku Malim Kunieng, kapado urang nan banja' 'tu: „Saba-sabalah dahulu, tida' elo' urang marato tida' bulieh manampa dado, doso basa itu di kito, urang lah mati de djandjinjo, gadang sudah radjaki habih, alah sampai itu pinta'njo, tida' djadi kito tangihkan kalau io awa' laï sajang, minta tolongkan dangan dọa. tida' kan dape' để rato tu, mambarati nan ka lai, kalau tida' amuah hano' dahulu, bia hambo kumbali pulang." [ 115 ]Mandanga kato Tuanku Malim Kunieng, hano'lah rato' tampa dado. hanjo manangih sadjo katjie'-katjie', laki-laki parampuan
Alah hano' buninjo rato', bakato Tuanku Malim Kunieng, manjurueh urang maambie' aie: „Kito mandikan baliau 'ko, ama' barasieh badan baliau."
Mandanga kato nan ba'itu, bakokoh Bagindo Kajo, sarato dansana' sudaronjo, laki-laki nan ado situ, lalu diambie' malah aie; alah sudah aie talata', bakaměh Tuanku Malim Kun eng, ditarie' aie dimandikan. basamo dangan Bagindo Kajo. Alah sudah samporono tjutji, didjawe'kan aie sambahjang sudah salasai dari mandi, ditatieng pulo katangah ditiduekan diatèh kasue, diatêh hamparan tilam bungo, disalimuti anjalaï, dangan kain nan ēlo'-ēlo'.
Dalam sabanta itu djuo, hari lah siang anjolaï, tahulah urang dikampuangnjo, bahaso baliau sudah mati, hebih balari urang kasurau, laki-laki parampuan, rape'lah itu samonjo, kasurau Datue' Radjo Pa- ngulu, tahulah urang kiri kanan, datanglah kari' djan kabiehnjo, nan badake' nan barampieng, rape'lah itu samonjo.
Kiro-kiro pukue tudjueh, rape'lah urang samonjo, sagalo kaum djan sukunjo, kasurau Datue' Radjo Pangulu; pado maso kutiko itu, mahim- bau urang dalam kampuang, sarato datue' dalam sukunjo, kapado Bagindo Kajo, dibaonjo dudue' bagandjue, basiasieng katampe' lain, lalu ditanjo maso itu :,,Ba'apo pikieran di Bagindo. tantangan datue' kito 'ko, alah sampai hukum baliau, apo nan tida' iko kini, sabui' malah de' Bagindo, ko' djaueh bulieh kami djapui', nan dake' bulieh kami djangkau, ama lakēh kito salamatkan."
Mandjawab Bagindo Kajo: „Mano dansana' sudaro hambo. sarato datue'-datue' hambo, tipa' di diri hambo kini, langi' runtueh bumilah taban, tampĕ' bagantuang alah sakah. tampe' bapidja' alah rurui', tida' tantu pikieran hambo. Kini ba'itulah di datue'. sarato dansana sudaro hambo, mangumbalilah hambo ka nan rape', ha'apo pikieran datue'-datue', sarato dansana' sudaro hambo, nan ado disiko kini. iko djinihnjo untutang hambo; djoko' apo-apo nan kurang, apo nan tida' pado hambo. han patui' kito pagunokan, liê'i sadjolah de' kampuang, sarato datue' nan basamo, hambo usah dipiri' djuo', ama' salamat karadjo 'ko."
Mandanga kato nau ba'itu, alah bakokoh korong kampuangnjo. Sarato kaum djan sukunjo, mano nan tida' ditjarinjo, apo nan kurang ditambahnjo: alah bakameh kasamonjo, laki-laki parampuau, urang dikampuang Pari' Batu, kampuang Datue' Radjo Pangulu, dibaiki rumah duo tigo, akan tampe' urang mandjangue', ditabang batuang sabatang, [ 116 ]ditaga'kan bandēra putieh, ditaga'kan pulo pajuang gadang, banamo pajuang ubue-ubue, dihalaman Datue' Radjo Pangulu, alah dikambang kain djadjakan, itu dihanta'an djandjang, diatēh batu talapakan, disangkui kan kain tarantang, dari rumah karangkiang.
Namun sagalo parampuan, alah bakokoh atëh rumah, lalu dikam- bangkan tilam bungo, tahampa lapie' paramadani, dari tangah lalu katapi, salo-manjalo lapie' sirah, sarato dangan lapie' rumpui', takambang pulo tabie gadang, dari udjuang lalu kapangka, diatēh batabie pulo, tagantuang kalambu suto, batirai balangi'-langi'. Alah tarantang tirai pandjang, tungga' bapalui' samonjo, tiang timban bapalui' tjindai, tiang pandjang dangan sakalat, itu sakalat 'ainalbanat, diisi tjarano duo tigo batirai balako samonjo.
Sadang diruang tangah rumah, dibawah tirai kulambu tadi, ditaga'kan garai sabuah, itu tampe' datue' nan mati, dihampari djan kasuc pandjang, bapalui' djo kain sarat, langko' djo banta kalangulu, ba'itu ‘adat disanan, kalau tumbueh pangulu mati, io urang basa batuah, ba'itu adat limbagonjo. Alah sudah itu samonjo, badie babuni anjolaï, pambari tahu isi nagari, panjatokan pangulu mati, ba'itu 'adat nan bapakai; buni badie bagaikan luluih, gumanta katangah koto, tatumbue' tibo di gunuang, gamurueh kadalam lurah, takadjui' urang dalam koto, tagampa urang dalam kampuang pulanglah urang dari dusun, sabab mandanga buni badie, buni badie babuah-buah, batanjo samo-samo kawan, dimano badie babuni, siapo pulo nan lah mati, datue' dimano sampai hukum ba'itu buah tanjonjo, io urang dalam nagari,
Alah sabanta antaronjo, dibuē' pulo katjang pali, io akan djadi usuangan, usuangan datue' nan mati, dilata'kan tangah halaman, mandjalang urang rape' mandjangue'.
Kiro-kiro pukue duo, urang kumbali badjuma'at, lalu sakali mandjangue', raminjo bukan alang-alang, sapantun anai-anai bubuih. bagai kaluang bēba patang, datanglah bako djo ana'njo, mambao kapan salampih surang, dilata' diatēh dulang, dulang paha bakalai gadang, batirai badalama', badjudjuang itu mambaonjo, dipajuangi djo pajuang gadan, banamo pajuang ubue²; rape' mairieng korong kampuangnjo, sarato dangan ninie mama'njo, babarapo pulo parampuan, sarato dangan da jang-dajang, mamakai balako itu samonjo, pakaian sapandjang 'adat badjalan badombai-dombai, laki-laki samo laki-laki, parampuan samo parampuan, sampai dikampuang Datue' Radjo Pangulu; pajuang di- djawe' de' rang kampuang, ditaga'kan ditangah halaman, dulang didja we' kaatch rumah, urang 'tu naie' samonjo, didudue'kan diruang tangah dibari sirieh ditjarano. [ 117 ]Mustiko ‘Adat ‘Alam Minangkabau [ 118 ]Page:Mustiko Adat Alam Minangbakau.pdf/118 [ 119 ]Mangko baio-iolah Datue' Paduko 'Alam, dangan datue' dalam Patapang Nan Tigo Balai, akan manarimo panjambakan kapan itu. Alah injo samupakat, mangko disuruehlah pulo saurang manti, ulieh Datue Patapang Nan Tigo Balai, mandjawab sambah itu, lalu taga' pulo mantinjo itu, dangan manjambah damikian :
,,Maminta ampunlah sajo, bakeh karapatan datue' djo tuanku, Sarato partiapan tuan manti pagawai, dangan tuan urang kajo-kajo, sado nan halie saisi rumah nan gadang 'ko; tida' akan tahato' akan tabilang, sambah sajo mandjalani datue' sado nan halie, sajo rapa' panjambahan katangah, sungguhpun ditangah, di tuan pagawai tibo sambah."
Mandjawab manti nan manjambah mulo tadi:,,Kapado Tuhan kito, manitahlah tuan."
Maulang manti nan surang: „Apolah nan kan sajo sambahkan, nan ba' pitua tuan tadi, usah kato akan diulang-ulang:
Talang di Tandjuang Baralua',
diambie' ka djundjuang sirieh.
De' malang tida' tatula',
mudjue nan tida' taraieh.
Adapun datue' 'ko lah singke' 'umue lah pandjang langkah, alah kadatangan hukum Allah, alah tadahulu dari pado datue'-datue' nagari nan tigo.
Nan baïtjo nan bapakai, de' datue' dalam nagari, mati bapa' manga- pan ana', mati ana' mangapan bapa': sakarang alah tadahulu ana' dari bakonjo, sadjo iolah kapan nan salampih dari bako, utjapan datue' dalam Piliang Nan Tudjueh Djurai, ka dipalalu ka datue' dalam Patapang Nan Tigo Balai, ba'itu panitahan."
„Sabananjo," djawab manti piha' bako.
Maulang manti si pangkalan: „Inda' laï, utjapan datue' dalam Patapang Nan Tigo Balai, kasieh ditarimo titah didjudjuang."
,,Alhamdulillah," djawab manti piha' bako. Alah salasai sambah manjambah itu, mangko kapan itu ditatieng anjolaï, ulieh manti piha' bako, sarato dangan dulang-dulangnjo, diantakan kahadapan datue'- datue', dalam Patapang Nan Tigo Balai. Ulieh datue-datue' Nan Tigo Balai, diambie' kapan itu dari bungkusannjo dalama' tadi. Mangko du- lang sarato dalama' bungkuihnjo 'tu, diantalah pulo kumbali katangah, ulieh manti si pangkalan, kamuko ninie' mama' piha' bako 'tu. Damikian itulah pulo, urang manjambahkan kapan, nan datang dari ana'-ana' datue' nan mati 'tu, sarato kapan dari istirinjo, dan manarimonjopun ba'itu djuo, dangan sambah-manjambah djuo, saparati tasabui' diateh tadi, ba'itu 'adat nan sudah biaso, io dalam nagari itu. [ 120 ]Alah tjukui' kapan dari bako dan ana'-ana'nja, sarato kapan dari istirinjo, sagalo parampuan nan djalan pasumandan, dari urang-urang dalam kampuang itu, sagalo pasumandan kari', sagalo ahli warih nan mati 'tu, diadja'lah turun kahalaman, ulieh parampuan nan patui'-patui'.dalam suku datue' nan mati 'tu, akan manjaho' katjang pali tadi, sarato dibarikan kain-kain, nan akan panjaho' katjang pali 'tu, iolah kain-kain nan patui panjaho' djuo, nan dibao pasumandannjo itu.
Pasumandan turun basamo-samo kahalaman, manjaho' katjang pali 'tu dangan aturan, nan patui' dahulu dahulu djuo, nan patui' kudian- kudian djuo; tantang kain nan panjaho' 'tu, babagai-bagai pulo matjamnjo, suto djo makau banang aměh, ado balako itu disanan, sagalo kain kaamasan, disaho'kan kakatjang pali, puntja'njo bapalui' tjandai, batukui pulo dangan dalama'.
Alah sudah itu disaho', sangatlah endah dipandangi, êlo' rupanjo ta' manangguang, mandatangkan ibo paratian, kalau dipandang lamo". Sadang urang rape' mandjangue', alah naie' Bagindo Kajo, man- djalang datue' dalam sukunjo, maantakan kain tigo kaju, io kain untue' panggatang, panggatang ana' pantjanjo.
Malie' rupo damikian, sagalo datue' dalam sukunjo, lalu batanjo basulambē „Mangapo iko garan Bagindo, kanapo gunonjo kain iko, bukan kito sudah mupakat? Nan sahinggo iko kaateh, tida' kan gatang- manggatang laï, kapado ana'-ana' pantja, kalau tumbueh kamatian; kini mangapo de' ba'itu, mangapo Bagindo akan maubah, mamatjah mupakat itu ? Djadi salisieh kamudian, kito djuo nan kan pajah, dida'awa datue dalam nagari."
Mandjawab Bagindo Kajo: „Ko' itu nan titah datue', itulah kato sabananjo, akan tatapi pulo sabuah, maminta' hambo pado datue'. umanat baliau nan mati 'ko, kalau sampai adjalu'llahnjo, 'adat nan usah diubahi, nan kapado ana'-ana'njo, disuruehnjo gatang kasamonjo: kalau tida' hambo sampaikan, disumpahinjo malah hambo, iko kain injo mambali, hambo malakukan sadjo, ba'itu umanatnjo pado hambo, takui'lah hambo malampaui, io umanat baliau 'tu.
Nan kan sakarang kini nangko, maminta' hambo pado datue', datue sambahkan kanagari, bahaso umanat baliau nan ba'itu; tatakalo baliau hidui', alah djuo hambo katokan, mupakat urang nan ba'itu, tatapi kato baliau, gatang djuo ana'-ana'njo, baliau ta' amueh maubahi, nan sapandjang buē urang tuo: „Kalau tida' ang sampaikan, hambo manjumpah kamudian", ba'itu kato baliau, Itulah sabab hambo maminta', datuesambahkan habih-habih, tipa' di nan sakali iko; kalau tibo sakali laï, kito turui sapandjang pakat, tida'lah hambo akan mangila"." [ 121 ]Mandanga kato nan ba'itu, mandjawab sagalo datue' dalam sukunjo: ..Kalau ba'itu umanat baliau, kito tjubo malah manjambahkan, kapado datue dalam nagari."
Alah sudah injo barundieng, manjambah Datue' Paduko 'Alam, kapado sidang karapatan, manjambahkan handa' manggatang, kapado sagalo ana pantja, ana' pantja Datue' Radjo Pangulu, bagaimano 'adat nan biaso Sungguehpur. kito alah mupakat, nan ka tida' gatang manggatang laï, kapado ana'-ana' pantja, kalau tumbueh dikamatian, akan tatapi kini nangko, umanat datue' nan mati 'ko, kapado Bagindo Kajo, kalau sampai hukum baliau, baliau manjurueh gatang djuo, sagalo ana'-ana' pantja baliau, surangpun tida' bulieh tingga ba'itu umanat de' baliau, kapado Bagindo Kajo, bukannjo umanat sadjo, kain lah baliau tinggakan pulo, nan untue' gatang itu. Sabab itu kami maminta', kapado datue' sado nan rape', tipa' di nan sakali 'ko, handa' mambagi djuo gatang itu kalau tumbueh sakali laï, kami pakai sapandjang pakat, tida'lah kami maubahi, nan sapandjang mupakat kito. Ato hanjo nan kini nangko, mangko kami maminta', pado datue' sado nan rape', karano umanat de nan mati, takui'lah kami mamungkiri."
Alah sampai sambahnjo itu, alah barundieng datue' dalam nagari. balēga sambah-manjambah, sagalo datue' nan mandjangue', alah barabui' parundiengan, satangah mangatokan djadi, sabab umanat de' nan mati satangah mandjawab pulo, kokoh djuo sapandjang pakat, kalau bulich aga' sakali, tantulah bulieh salamonjo, sio-sio mupakat kito. ba'itu sambah nan satangah.
Didjawab pulo de nan lain: „Nan sapandjang mupakat kito, tida'lah injo maubahi, ato hanjo nan kini nangko, mangko injo handa' manggatang, sabab umanat de' si mati, ba'apo itu mamungkirinjo; urang nan manarimo umanat, handa' malakukan umanat 'tu, kito pulo nan kan mahambe', djadi badoso malah kito, mahambe' umanat urang."
Dē' lamo ranggui'-baranggui djuo, djadi sapakat anjolaï, hulē' lah bulieh digolē’kan, pipili lah bulich dilajangkan, bulichlah pulo dibagikan gatang nan sakali tu, kapado ana'-ana' pantjanjo, sabab umanat de' nan mati, ba'itu dapē' kabulatan. Alah putuih rundiengan itu, gatang ditjabië' anjolaï, ulieh sagalo ninie' mama', dalam Patapang Nan Tigo Balai, lalu dibagi rato-rato, kapado sagalo ana' pantjanjo, dé' Datue Radjo Pangulu, ba'apo 'adat nan biaso, nan tapakai maso dahulu.
Samantaro urang barundieng diatēh rumah nan gadang 'tu, tanamo sagalo urang sia', sagalo imam dangan kati', baie'pun pakieh maulano, sarato labai dangan hadji. alah bakokoh kasamonjo, dimandikannjo Datue' Radjo Pangulu; alah sudah samporono mandi, didjawé'kan aie sam[ 122 ]bahjang. Sudah salasai dari mandi, lalu dikapan anjolaï, dilata' atēh usuangan, masue' kadalam katjang pali. Alah salamat itu samonjo, mai' diara' anjolaï, hado' kapandam pakubuerannjo, diara' basamo-samo, ulieh sagalo urang sia', dangan rati' zikiru'llah. Samantaro sapandjang djalan, basēra pitih kiri kanan, disera'kan ulieh bakonjo, dudue' badjuntai diusuangan, bapajuangi dangan pajuang gadang, banamo pajuang ubue-ubue, Alah sampai dipandam pakubueran, usuangan dilata'kan baie'-baie, mai' dikaluakan anjolaï, dari dalam usuangannjo; sudah itu disambahjangkan, ulieh sagalo sia-sia'; salasai pulo sambahjang, lalu ditanam baie'-baie', didindieng pulo dangan papan, baru disungkui' rato-rato sudah disungkui' rato-rato, diapuang pulo tanah badan, ditaga'kan pantjang duo buah, sabuah tantang kapalonjo, sabuah tantang kakinjo; sudah itu ditalakinkan, diatēh tanah badan tadi, dibatjokan do'a talakin. dikambangkan pulo unduang-unduang; salasai dari pado itu, barulah pulang urang samonjo.
Adapun datue' dalam nagari, nan datang mandjangue' tadi, alah mupakat tangah rumah, lalu diadjun panjambahan, dari udjuang lalu kapangka, dari tangah lalu katapi, ditjari kato kabulatan, handa' maminta ganti dansana', karano sudah sampai hukumnjo, minta' diganti djo nan mudo, itu mupakat datue' nagari. Alah samupakat kasamonjo, ditanam pulo satu datue', nan akan djadi udjuang lidah kapalo sambah manjampaikan kapado si pangkalan; dapē'lah pulo kabulatan, bawakie kapado surang datue', bagala Datue' Paduko Intan, pangulu didalam suku Piliang, itu nan akan manjambahkan, parmintaan datue' nagari, kapado datue' si pangkalan.
Adapun Datue' Paduko Intan, urang tjadie' tjandokio, manih mului' bakato-kato, biaso djadi atjang-atjang, dimano-mano karapatan, lalu manjambah maso itu, damikian buni sambahnjo:
..Maminta ampunlah sajo, bakěh karapatan datue' djo tuanku, sarato partiapan tuan manti pagawai, dangan tuan urang kajo-kajo, sado nan halie saisi rumah gadang 'ko; tida' akan tahato' akan tabilang sambah sajo mandjalani sidang karapatan datue'; sajo rapa' panjambahan katangah, sungguhpun ditangah, di Datue' Paduko 'Alam tibo sambah."
,,Kapado Allah, manitahlah datue'," djawab Datue' Paduko 'Alam. Maulang Datue Paduko Intan: „Apolah nan akan sajo sambahkan. karano de' malang nan tida' tatula', mudjue nan tida' taraieh, adapun akan datue' 'ko, lah singkē' umue lah pandjang langkah, lah tadahulu dari datue'-datue', dalam nagari nan tigo 'ko. [ 123 ]Nan sakarang kini nangko, maminta' kami datue'-datue' nagari, kapado datue' dalam Patapang Nan Tigo Balai, manurui' sapandjang 'adat kito djuo, ko' mati gadjah tingga gadiengnjo, mati harimau tingga balangnjo, mati datue' basilieh djo datue', karano baliau datue' nan tuo lah tida', maminta' kami kapado datue', dalam Patapang Nan Tigo Balai, iolah handa' disilieh dangan nan mudo, sadjo iolah handa' dikabuekan parmintaan kami 'tu. de' datue' dalam Patapang Nan Tigo Balai, sakian sadjo sambah sajo."
Mambaleh Datue' Paduko 'Alam, wakie datue' dalam Patapang Nan Tigo Balai: „Alah sampai de' datue'?"
,,Alah sadang," djawab Datue' Paduko Intan.
Maulang Datue' Paduko 'Alam. sambie manjambah damikian buninjo :
..Maminta ampunlah sajo diharibaan datue', sado nan halie saisi rumah nan gadang 'ko, sajo manjambah tida' akan tahato' akan tabilang, sambah sajo mandjalani kaharibaan datue' sado nan halie, sajo rapa' sadjo panjambahan katangah, sungguhpun ditangah di Datue' Paduko Intan tibo sambah sajo."
..Kapado Allah manitahlah datue'," djawab Datue' Paduko Intan.
Maulang Datue' Paduko 'Alam Apolah nan akan sajo sambah- kan. nan ba' pitua datue' tadi, karano datue' nan tuo 'ko. lah singke' umue lah pandjang langkah, lah tadahulu dari datue'-datue' nagari nan tigo. Sakarang kini datue' nagari, hauda' maminta' nan sapandjang ‘adat, ko' mati gadjah handa' tingga gadiengnjo, mati harimau tingga balangnjo, mati datue' basilieh djo datue', ba'itu nan parmintaan datue' nagari kapado kami, datue'-datue' dalam Patapang Nan Tigo Balai.!
,,Sabananjo," dawab Datue' Paduko Intan.
Maulang Datue' Paduko 'Alam:,,Maminta' ampun djuolah sajo, diharibaan datue' sado nan halie, nan saisi rumah nan gadang 'ko, sajo manjambah tida' akan tahato' akan tabilang sambah sajo, di Datue' Paduko Intan djuo tampe' tibonjo."
,,Kapado Allah. manitahlah datue'," djawab Datue' Paduko Intan.
Maulang Datue' Paduko Alam: „Adapun nan sapandjang parmintaan datue' nagari 'tu, iolah pakai nan biaso, ko' pandang alah tibo di alamat, tēmba' lah tibo disasaran, basisurui' pautang kanai, basidjambo asa kanai, alah kanai kami de' balabéh, akan ba'apo pulo laï. maminta' djuo kami pado datue'; managa datue' sakutiko, ama 'lah kami paiokan."
Mandjawab Datue' Paduko Intan: „Mano Datue' Paduko 'Alam, djoko' itu nan panitahan, putjue' ditjinto ulam tibo. basugiro malah datue', kami mananti samantaro." [ 124 ]Alhamdulillah," djawab Datue' Paduko 'Alam pulo.
Alah sudah sambah-manjambah itu, taga'lah sagalo datue', dalam Patapang Nan Tigo Balai, maminta' izin ka nan rape', lalu bagandjue kahalaman, naie' karumah nan sabalah, karumah Bagindo Sutan, dipang- gie Bagindo Kajo, sarato dansana' sudaronjo, ba'itu djuo korong kam- puangnjo, rapë'lah itu samonjo, lalu barundieng anjolaï.
Manitah Datue' Paduko 'Alam, kapado Bagindo Kajo: Kini ba'itulah de' Bagindo, sarato korong djo kampuang 'ko, mungko Bagindo kami himbau, sarato nan rape' samonjo, karano nagari lah manunggu. io kapado diri kami, maminta' handa' digantikan, baliau datue' nan mati 'ko; ba'apo pikieran di Bagindo, sarato korong kampuang samonjo, bari bana malah kami, ama' lakeh rundieng badjawab, nagari mananti itu kini,"
Mandjawab Bagindo Kajo: ..Kalau itu nan titah datue', itulah pakai nan biaso, kalau tumbueh sarupo iko, tantulah urang handa' siliehnjo. sabab ba'itu nan bapakai, baie' di urang baie' di awa', tida'lah itu akan barubah.
Sungguhpun itu damikian, nan sakarang kini nangko, maminta' hambo pado datue', kito lata'kanlah itu dahulu, io pusako hambo itu: apo sababnjo damikian, samo maalum malah datue', ikolah rupo parasaian, tipa' di untuang badan hambo, ataupun padja dirumah 'ko, samo dilië' dipandangi, suka nan bukan alang-alang, tida sarupo dangan urang. Kalau kito bao djuo, akan mularat kasudahannjo, akie kala'njo karudian, sangsaro padja-padja 'ko, sawang untuangnjo surang-surang, sabab harato tida' lai, aka singke' tulangpun lamah, datue' djuo nan ka susah. Itulah sabah hambo maminta', kapado datue' samonjo, kito lata'kanlah dahulu, djoko' untuang pambari Allah, kudian kito pakai djuo, datue' sambahkan malah kanagari."
Maningkah Datue' Paduko 'Alam: ,,Kini ba'itulah di Bagindo. maminta kami basamo-samo tantangan di baban iko, tida' djadi kito lata'kan, ko' hanjo nan Bagindo sabui' 'tu, alah ma'alum itu de' kami djoko' dikadji suka misikin, di kami labieh dari itu, usah Bagindo sabui' djuo ato haujo akan sabuah, tjubolah pikie de' Bagindo, ikolah rupo laweh kampuang, barapo banja' ana' buah, nan ganggaman Bagindo surang. Kalau itu kito lata'kan, siapo kusui' manjalasaikan, siapo salah mahukumkan, pado siapo injo maminta'; misiki tida' kito pakai, Bagindo ka susah pajah djuo, tida' ka tingga itu de' kami, manantukan urang-urang 'ko, karadjo pangulu tida' kan lapēh, Bagindo djuo mandjalankan:alangkan burue' dipandangi, karih gadang tida' basaruang, Bagindo labieh ma'alum: de' kami sado nan rapë' 'ko, tida' lain tida'lah bukan, [ 125 ] sadja' datue' 'ko saki'-saki', Bagindo djuo ka gantinjo, nan akan manolong diri kami, sabab Bagindo nan laï tahu. Kini lah tibo ukatunjo, Bagindo handa' mangila' pulo, tida' kan bulieh itu de' kami, djangan Bagindo lari sanan, maminta' kami basamo-samo, kito ganti djuo baliau 'ko kalau Bagindo lari djuo, kami kadja basamo-samo.
Mandjawab Bagindo Kajo: „Kalau ba'itu titah datue', mananti datue sakutiko, ama' hambo paï barundieng, sado kami nan badansana', sarato dangan andēh hambo." Maningkah Datue' Paduko 'Alam: ..Djoko itu kato Bagindo, itulah kato sabananjo, aga' bangē' malah Bagindo, nagari lah lamo manantikan."
Dalam sabanta itu djuo, alah taga' Bagindo Kajo, dudue'lah injo basiasieng, nan sakaum-kaum injo, mamparundiengkan kato itu; itupun suko samonjo, handa' mamakai injo balako, surang pun tida' nan managahkan, hanjolah bule' samonjo, manjurueh mamakai gala itu, kapado Bagindo Kajo.
Alah sudah injo barundieng, lalu babalie' anjolaï, kapado datue' nan tadi sarato tibo injo dudue', lalu manjambah anjolaï:
Ampunlah sajo pado datue', nan panitahan datue' tadi, alah sudah kami mupakat, sagalo kami nan badansana.
Nan kabulatan kami basamo, malah ba'itu minta' datue', kamano pulo kami ka lari, misiki patjah djan kapalo, ataupun runtuch dangan bahu, malah dansana' mandjudjuangkan, baban kami bao djuo, kami tarimo anjolaï, nan panitahan datue' itu"
Mandjawab Datue' Paduko 'Alam, sambie tatawa gala' sanjum: ..Malah ba'itu djo Bagindo, itulah sanang hati kami.
Kini ba'itu anjolaï, mano kalian padja-padja, sagalo kito nan sasuku, baie' korong dangan kampuang 'ko, sagalo urang patui'- patui", habih bakamēh malah kito, bari tahu malah bakonjo, sarato dangan ana' rumahnjo, bahaso Bagindo ka djadi pangulu, manggantikan datue' nan mati 'ko, ama' diangke' injo kini; sadiokan malah pakaiannjo, mano nan tida' surueh tjari, apo nan kurang surueh salang, patantukan malah de' datue." kato Datue' Paduko 'Alam kapado Datue' Lêlo Nan Putieh, ama' hambo naie' karumah, mandapë'kan datue' nagari, urang lah lamo manantikan."
Dalam sabanta itu djuo, bakokohlah korong dangan kampuangujo, sarato urang isi sukunjo, mantjari apo nan tida', manukue' apo nan kurang, untue' pakaian de' pangulu, diadjunkan Datue' Lelo Nan Putieh. Sudah salamat samonjo, lalu didjalang pulo bakonjo, sarato ninie' mama' [ 126 ] parampuannjo, mangatokan Bagindo Kajo ka djadi pangulu, manggantikan datue' nan mati.
Mandanga kato ba'itu, ninie' mama' sabalah bakonjo, sarato ninie' mama parampuannjo, lalu madjawab maso itu: „,Malah ba'itu kabulatan, manarimo suko sadjo kami, alhamdulillah itu di kami."
Adapun Datue' Paduko Alam, dangan datue' nan lain-lain, sagalo datue' dalam Patapang Tigo Balai, lalu babalie' karumah gadang, mandape'kan datue' nagari, dudue' ditantang pintu gabang, mangadap karuang tangah; alah sudah dudue' samonjo, lalu menjambah anjolai. io Datue' Paduko 'Alam, kapado datue' nagari, ba'itu buni sambahnjo
Ampun basalah sajo de' datue', sado nan halie saisi rumah nan gadang 'ko, sarato partiapan tuan manti pagawai, dangan tuan urang kajo-kajo, sajo mandatangkan sambah, tida' akan tahato' akan tabilang. sambah sajo mandjalani ka haribaan sagalo datue' sado nan halie, sajo rapa' panjambahan katangah, sungguhpun ditangah, di Datue' Paduko Intan djuo tampe' tibo sambah."
,,Kapado Allah, manitahlah datue'," djawab Datue' Paduko Intan. Maulang Datue' Paduko 'Alam: „ Apolah nan akan sajo sambahkan? Adapun nan parmintaan datue' nagari tadi, kapado kami datue'-datue' dalam Patapang Nan Tigo Balai, karano datue' nagari lah kahilangan surang dansana', nan baïtjo nan bapakai, de' datue' dalam nagari, ko mati gadjah tingga gadiengnjo, mati harimau tingga balangnjo, mati datue' basilieh djo datue': kini karano datue' nan tuo, lah tadahulu dari kito, sakarang handa' siliehnjo datue' nagari; ba'itu parmintaan datue' nagari tadi, kapado kami datue' dalam Patapang Nan Tigo Balai.
..Sabananjo," dawab Datue' Paduko Intan.
Maulang Datue Paduko 'Alam: „Inda' lai, de' kami sagalo datue' datue' dalam Patapang Nan Tigo Balai, ko' digajui'i batu de' datue nagari, iolah akan tanggalam kami, ko' digajui'i sabui' iolah akan tarapuang kami kini kami lah dibabani ulieh datue' nagari, supajo diganti datue' nan hilang 'ko, de' kami datue'-datue' dalam Patapang Nan TigoBalai.
Itupun alah kami paiokan pulo, tantangan parmintaan datue' nagari itu barakat kabasaran datue' nagari, lai tahimbau di namonjo, laï taturui' di djalannjo, alah sakato kami disanan, sagalo datue' dalam Patapang, sarato korong dangan kampuang, akan manjilieh datue' nan hilang 'ko.
Alah saudjui' sapangana kami dangan datue' nagari tantangan itu.
Sungguehpun itu damikian, karano pitua urang tuo, putuih kato dipangkanjo, sudah gajuang dibalaběh, kini sabuah laï pinta' kami [ 127 ] kapado datue' dalam nagari, sabab hari 'ko alah baie', kutikopun lah sadang elo', alahkoh akan djadi kito surueh hasiekan, tampē' kadudue'an datue' nan baru, ama' pitua djuo kami dari datue' dalam nagari, sakian sambah sajo."
Mandjawab Datue' Paduko Intan,,Mano Datue' Paduko 'Alam, djoko' itu nan panitahan, managa datue' sakutiko, ama' lah sajo paiokan pulo, dangan dansana' sado nan halie."
,,Alhamdulillah," djawab Datue' Paduko 'Alam.
Lalu manjambah pula Datue' Paduko Intan, kapado datue' nagari kiri dan kanan, nan saisi rumah itu, manarangkan parmintaan datue' dalam Patapang Nan Tigo Balai itu, tantangan akan mampabuē' tampē' kadudue'an, untue' datue' nan baru, nan akan diangke' 'tu:
,,Alah kan patui' kito surueh hasiekan, tampe' kadudue'an datue nan baru atau balun, atau ko' ba'apo nan kan elo', karano datue'-datue' dalam Patapang Nan Tigo Balai, mananti pitua dari kito, datue' nagari sado nan halie.'
Mandjawab pulo sagalo sidang karapatan datue' nagari: „Mano Datue Paduko Intan, djoko' itu nan parmintaan datue'-datue' Patapang Nan Tigo Balai, alah sapatui'-patui'njo itu; ba'apo pulo laï, lalukanlah de' datue' kapado datue' Patapang Nan Tigo Balai, supajo ama' basugiro baliau."
Mangko dikumbalikan pulolah sambah itu, ulieh Datue Paduko Intan, kapado datue'-datue' dalam Patapang Nan Tigo Balai, damikian buninjo:
,,Maminta' ampun djuolah sajo. kapado karapatan sagalo datue' djan tuanku, sarato tuan manti pagawai, ataupun tuan urang kajo-kajo, sado nan halie saisi rumah nan gadang 'ko: sajo manjambah tida' akan tahato' akan tabilang, sambah sajo mandjalani, kaharibaan sagalo datue'- datue' sado nan halie, di Datue' Paduko Alam djuo, tampē' tibonjo sambah sajo."
„Kapado Allah, manitahlah datue'," djawab Datue' Paduko 'Alam.
Apolah nan akan sajo sambahkan, nan ba' pitua datue' tadi, karano hari lah baie', kutiko alah elo', alahkoh akan djadi disurueh hasiekan, tampē' kadudue'an untue' datue' nan baru, ba'itu panitahan."
,,Sabananjo," djawab Datue' Paduko 'Alam.
Maulang pulo Datue' Paduko Intan: ..Inda' lai, limbago lah ba'itu, nan kahanda' hati datue'-datue' dalam Patapang Nan Tigo Balai, sapandjang pandapē' kami datue' nagari sado nan halie, alahlah saēlo'-èlo'njo itu, parēnaïlah datue'."
..Alhamdulillah," djawab Datue' Paduko 'Alam. [ 128 ]Salasai dari pado itu, mangko manitahlah datue'-datue'. dalam Patapang Nan Tigo Balai, kapado urang nan patui'-patui', parampuan nan tjadie' pandai dalam kampuang 'tu, sarato dihimbau pulo bakonjo Bagindo Kajo, nan akan djadi datue' nan baru, dan kari' ana' rumahnjo. disurueh mampabuē' kadudue'an itu, manurui' sapandjang 'adat, sabarih bandue ditangah, antaro udjuang dangan pangka, alah bakamêh pulo bakonjo, sarato kaum ana' rumahnjo, mambue' tampe' kadudue'an 'tu.
Lalu dikambang kasue pandjang, dihampaï lapie paramadani, takambang pulo tilam bungo, sarato tika sandiaman, dilata'kan pulo sabuah kasue panda', baaleh dangan dalama', balingkuang dangan lingkuang kasue, batulih dangan banang améh, batabue dangan api-api. karih basilang diatēhnjo, karih gadang bahulu gadieng, saruang aměh majang taurai, sarato kadui' barantai, talata' pulo pandieng djadam. sabuah pulo pandieng aměh. diatēhnjo dēta sabali' amēh; kasue nan panda' tadi, dilata'kan dikapalo kasue pandjang; disabalah kasue panda, disusun pulo kalangulu, adolah ampe' limo buah, banamo balako kasamonjo.
Alah sudah kasue tabantang, ditaga'kan pulo banta gadang, banamo banta sarago, bamato pandjang timba balie', basudji djo banang améh, batakat makau bakulilieng, maribu api-apinjo, bagelangan tjamin ga dangnjo dimuko banta gadang itu, bahampa dangan kain sakalat, io sakalat ‘ainalbanat. Alah sudah banta tataga', dilata'kan pulo dulang duo kaki, dulang paha bakaki gadang, baalēh dangan dalama', batirai balidah amēh, talata' pulo pakaian diatēhnjo, tjukui'lah itu didalamnje sarato padang batjatainjo, io pakaian dari bakonjo, duo pasalin pakaian dari ana' rumahnjo nan baduo, djadi tigo dulang pakaian, ampē' dangan pakaian si pangkalan dihampaikan pulo kain gambaran, adolah pulo ampē pasalin, io kain pandjang gundjai, sarato dangan kampo djara' basalo dangan salēndang kētē'.
Alah salasai kadudue'an, sarato pakaian kasamonjo, lalu dihimba Bagindo Kajo, ulieh datue' Nan Tigo Balai, injopun naie' maso itu. dudue' sabalah katapi, dakē' Nan Tigo Balai; alah dudue' Bagindo Kajo. manjambah Datue' Paduko 'Alam, kahadapan datue' nagari, ba'itu buni sambahnjo:
,,Maminta ampun djuolah sajo, bakěh datue' sado nan halie, saisi isi rumah nan gadang 'ko, sarato partiapan tuan manti pagawai, dangan tuan urang kajo-kajo; sajo manjambah tida' akan tahato' akan tabilang sambah sajo mandjalani datue' sado nan halie.
Sajo rapa panjambahan katangah, sugguehpun ditangah di Datue Paduko Intan djuo tampe' tibonjo sambah sajo." [ 129 ],,Kapado Allah, manitahlah datue'," djawab Datue' Paduko Intan.
Maulang Datue' Paduko Alam Apolah nan akan sajo sambahkan, karano pakaian dan kadudue'an, nan akan untue' datue' nan baru, alah hasie samonjo.
Kini nan parmintaaan kami, datue'-datue' dalam Patapang Nan Tigo Balai, iolah handa' maminta' djuo, kapado datue' nagari.
Alahkoh kan djadi kito surueh mamakai, nan akan djadi datue' nan baru, supajo kito angkē' basamo-samo, sakian sambah sajo, kapado datue' sado nan halie.".
Mandjawab Datue' Paduko Intan: „Mano Datue' Paduko Alam, di datue' tibo sambah sajo, managa datue' sakutiko, ama'lah sajo paiokan pulo, dangan dansana' sado nan halie."
,,Alhamdulillah," djawab Datue' Paduko 'Alam.
Itupun manjambahlah pulo Datue' Paduko Intan, kapado sidang karapatan datue' nagari, manjampaikan parmintaan datue'-datue' Nan Tigo Balai 'tu, ko'lah kan patui' disuruch mamakai, baliau nan kan djadi datue' nan baru atau balun, karan alat pakaian alah salamat samonjo.
Maka didjawab pulo de' datue'-datue' nagari. kapado Datue' Paduko Intan, mangatokan lah caĉlo'-elo'njo dikatangahkan, baliau nan kan djadi datue' nan baru, karano hari lah baie' kutiko lah èlo'. tampē'pun alah samporono pulo.
Alah dape' balasan dari datue'-datue' nagari, mangko manjambahlah Pulo Datue' Paduko Intan, damikian buninjo:
,,Maminta' ampunlah sajo di haribaan datue', sado nan halic saisi rumah nan gadang 'ko, sajo manjambah tida' akan tahato' akan tabilang, Sambah sajo mandjalani kaharibaan sagalo datue', di Datue' Paduko 'Alam djuo tibonjo sambah sajo.”
,,Kapado Allah, manitahlah datue'," djawab Datue' Paduko 'Alam. Maulang Datue' Paduko Intan : Mano Datue' Paduko Alam, kato dahulu basitinah, kato kudian basitjape', basitjape' sadjo sajo dangan datue'.
Inda' lai nan sapandjang parmintaan datue'-datue', dalam Patapang Nan Tigo Balai 'tu, handa' manjurueh mamakai baliau nan kan djadi datue' nan baru, supajo dikatangahkan dan diangkē' basamo-samo, ba'itu panitahan datue'."
„Sabananjo," djawab Datue' Paduko ‘Alam.
Maulang Datue' Paduko Intan: „Sapandjang parmintaan datue'- datue' dalam Patapang Nan Tigo Balai itu, alah putjue' ditjinto ulam tibo itu di kami, parenaïlah datue', ama' basugiro."
,,Alhamdulillah," djawabnjo Datue' Paduko Alam. [ 130 ]Alah sudah izin dari datue' nagari 'tu, mangko disuruehlah Bagindo Kajo, mamakai pakaian nan talah disadiokan 'tu, de' datue'-datue' dalam Patapang Nan Tigo Balai; itupun dipakailah ulieh Bagindo Kajo, sagalo sahalai pakaian nan dari bakoujo, dan diambie'njo pulo sahalai-sahalai pakaian nan dari ana' rumahnjo 'tu, sarato pakaian si pangkalan pantjukui'i. Dikana 'kan sarawa batjanggai Atjeh, sahēto putjue' rabuangnjo, batura' djo banang ameh, silang-basilang ukie tjinonjo, maratuih api-apinjo.
Dikana'kan pulo badju rompi, biludu basolam makau, batabue ameh satu-satu; alah sudah rompi takana', dikana'kan pulo malah sērong. banamo kain baadjuang, batabue djo banang ameh, batjukie baputjue rabuang. Alah sudah serong takana', dikana'kan pulo ikē' pinggang, dangan tjandai pandjang tudjueh; sudah takana' ike' pinggang, dikana'kan pulo pandieng djadam, pabuatan djihin Sigulambai, rononjo babagai-bagai, dipandang bakile'-kile', hitam tida' birupun tida', adang-adang dipandang putieh, bagelang disina panéh; alah sudah pandieng takana', dipasisi' karih sabilah, karih gadang bahulu gadieng, saruang aměh majang taurai,
Alah sudah karih takana', disaruangkan pulo badju gadang, badju gadang biludu gandum, guntiengnjo tjaro Minangkabau, djahi'njo tjaro Sialahan, lihie tinggi langannjo pandjang, basolam balako samonjo, batakat djo banang aměh, batulih makau sakulilieng. Samantaro injo mamakai, ulieh datue' dalam Patapang, lalu diike' dēta sabuah, banamo dēta sabali', kain putieh balipe' tigo, dikitjui' mungko dibali', udjuangnjo kaateh kabawah, baike' ditangah-tangah; itulah dēta mulo paangké', ba'itu sapandjang adat.
Alah sudah dēta diikē', dilata' dalam tjarano, tjarano gadang batirai, baalēh djan dalama'.
Alah sudah injo mamakai, dētapun sudah baike', manitah datue' dalam Patapang, kapado Bagindo Kajo, disurueh dudue' injo katangah, katampe' nan dibuē' tadi.
Alah dudue' injo kasanan, lalu disurueh surang manti, ulieh datue Nan Tigo Balai, taga' basērong sapatui'njo, mambao dēta nan tadi, ditatieng dangan tjaranonjo. Sudah diaso' djan kumajan, disurueh djalankan dēta itu, dibao kadatue' putjue', lapēh dari datue' putjue', dibao kadatue' ampë' suku; lapēh pulo dari situ, dibao kadatue' isi nagari; sado nan halie dirumah 'tu, baie' manti dangan pagawai, sagalo urang ampe' djinih. mangako' balako samonjo, mambatjokan do'a salamat, salamat datue nan baru, ba'itu buni sarunjo, ukatu mangako' dēta itu. Alah sudah didjalakan, lalu dibao anjolai, kamuko datue' nan baru, disurueh pakai itu sakali. [ 131 ]Ukatu dēta akan disaruangkan, ulieh datue' nan baru 'tu, maminta' izin injo kaibunjo; sudah maminta' izin kaibunjo, manjambah pulo injo kapangka, manjambah pulo injo kaudjuang, manjambah hado' katapi, manjambah pulo injo katangah, kapado sagalo karapatan, sambah itu maminta izin, akan manjaruangkan dēta itu. Alah sudah injo maminta' izin, ditarie' dēta dilakē'kan, dibuang dēta nan lamo, ditanggaï dari kapalo, disilieh djo dēta baru, dēta angkatan ninie' mama'.
Adolah Bagindo Sutan, dansana'njo dirumah nan sabalah 'tu, warih han kan mandjawē', nan sadjari dangan injo. Baru talata' dēta nan lamo tu, lalu ditarie' dipakainjo, ba'itu sapandjang 'adat, pasalinan itu namonjo, ama' tampa' ulieh urang banja', tandonjo injo nan si warih, kalau habih datue' nan iko, karumah itu baraliehnjo, basalin sagalo haratonjo, baie banja' atau sakētë', itulah urang akan mandjawē', sarato gala pusakonjo.
Baru sadjo dēta disaruangkan, ulieh datue' nan baru 'tu. dalam Sabanta itu djuo, lalu taga' surang manti, dalam Patapang Nan Tigo Balai, nan bapangke' pagawai 'adat, basanda ditiang timbun, mahado' katangah rumah, dimuko datue' nan baru itu.
Adolah mantinjo maso itu, bagala Bagindo Radjo. lalu manjambah ka nan rapë', ba'itu buni sambahnjo :
,,Assalamu'alaikum!
Ampun basalah sajo, diharibaan sagalo datue-datue' sajo sado nan halie, dangan tuan manti pagawai, nan bakaki nan badjalan, nan batangan nan mandjangkau, sarato partiapan tuan dubalang nan samaratabat, atau di tuanku sajo 'alim 'aluma nan saugamo, atau di tuan urang kajo-kajo sado nan halie, saisi-isi rumah nan gadang 'ko; sajo manjambah tida akan tahato' akan tabilang, sambah sajo mandjalani, sidang karapatan datue' sado nan halie, apolah nan akan sajo sambahkan, iolah nan ba pitua datue' nan tuo-tuo:
Page Templat:Ppoem/styles.css has no content.Galat skrip: tidak ada modul tersebut "Ppoem".
Malainkan sambah djuo mandjalani.
Apolah nan akan sajo sambahkan, nan ba' djanjo pitua datue' djao :
Page Templat:Ppoem/styles.css has no content.Galat skrip: tidak ada modul tersebut "Ppoem". [ 132 ]Pulai nan bapangkē' naie', maninggakan ruēh djan buku, manusie nan bapangkë' turun, maninggakan barih djan balabeh, 'adat djan pusako.
Mati gadjah tingga gadiengnjo, mati harimau tingga balangnjo, mati datue' basilieh djo datue'.
Page Templat:Ppoem/styles.css has no content.Galat skrip: tidak ada modul tersebut "Ppoem".
De' kamanakan warih didjawē', pusako ditolong, piagam dipatji'. kulipah dipakai.
Page Templat:Ppoem/styles.css has no content.Galat skrip: tidak ada modul tersebut "Ppoem".
Mano-manolah pusako datue' nan ba'itu djuo, iolah nan didalam kampuang iko, tjupa' nan djan gantang, bungka nan piawai, taradju nan bagato', harato bapusako, gala bakulipah.
Page Templat:Ppoem/styles.css has no content.Galat skrip: tidak ada modul tersebut "Ppoem".
De' barih mungko dipahë', de' djalan mungko ditampueh, ampunlah sajo de' datue', sakarang kini sajo sambahkan, kaharibaan datue' sado nan halie Sutan Kabilangan namonjo, nan bagala Bagindo Kajo dahulu, baliaulah nan mamakai kulipah, iolah bagala Datue' Radjo Pangulu.
Itulah kulipah baliau pakai, nan baliau djawē' turun-tumurun, dari pado ninie'-ninic' baliau. Nan sahinggo iko kaatēh, nan didalam kampuang iko, kalau tasuo utang, baliau nan akan mambaiekan, kalau tasuo piutang, baliau nan akan manarimokan.
Baliaulah nan tinggi diandjuang, gadang dilambue', paï akan tampe' batanjo, pulang akan tampe' babarito, nan didalam kampuang iko.
Sadjo šolah, ama' dibao saara' sairieng, saalē' sadjamu, sautang sapiutang, salarangan sapantangan, datue' nan baru iko, nan sahinggo iko kaatéh. [ 133 ]Page:Mustiko Adat Alam Minangbakau.pdf/133 [ 134 ]Page Templat:Ppoem/styles.css has no content.Galat skrip: tidak ada modul tersebut "Ppoem".
Dē' kamanakan warih didjawē', pusako ditolong, kulipah dipakai.
Page Templat:Ppoem/styles.css has no content.Galat skrip: tidak ada modul tersebut "Ppoem".
Mano-manolah pusako datue' nan ba'itu djuo ?
Iolah nan didalam kampuang iko, tjupa' nan djan gantang, bungka nan piawai, taradju nan bagato', harato bapusako, gala bakulipah.
Page Templat:Ppoem/styles.css has no content.Galat skrip: tidak ada modul tersebut "Ppoem".
De' barih mangko dipahĕ', de' djalan mangko ditampueh, ampunlah sajo di datue', sakarang kini sajo sambahkan kaharibaan datue' sado nan halie. Sutan Kabilangan namonjo nan bagala Bagindo Kajo dahulu, baliaulah mamakai kulipah,
Mano kulipah nan baliau pakai, iolah Datue' Radjo Pangulu. manggantikan gala pusako mama' balíau, itulah kulipah baliau, nan baliau djawe' turun-tumurun, dari ninie'-ninie' baliau. Nan sahinggo iko kaatch, nan didalam kampuang iko, kalau tasuo utang, baliau nan akan mambalekan, kalau tasuo piutang, baliaulah nan akan manari rimokan. Baliaulah nan tinggi diandjuang gadang dilambue', paï akan tatape' batanjo, pulang akan tampe' babarito, nan didalam kampuang iko.
Sadjolah iolah ama' dibao saara' sairieng, saalē' sadjamu, sautang sapintang, salarangan sapantangan, datue' nan baru 'ko, nan sahinggo iko kaatěh.
Kalau basuo ara' nan djo irieng, ale' nan djo djamu, sadjo iolah ama' diutjap dipanggiekan, datue' nan baru, nan sahinggo iko kaateh. Baie' de' tuanku radjo sajo nan sadaulat, baie' de' datue' sajo pangulu nan sahandiko, haie' pun dē' tuanku sajo ‘alim 'aluma nan saugamo, baie' de' tuan dubalang nan samaratabat, baie' de' tuan manti pagawai [ 135 ] nan bakaki nan badjalan, nan batangan nan mandjangkau. Sadjo iolah ama dikaka lawēh dirantang pandjang, nan sahinggo iko kaatēh. sambah sajopun naie', titah datue' djuo sajo puhunkan, ba'itu panjambahan tuan."
,,Sabananjo," djawab Bagindo Radjo.
Maulang Sutan Madjo Lêlo: .,Inda' lai utjapan sagalo datue* sado nan halie, kasieh ditarimo, titah didjudjuang."
,,Alhamdulillah," djawab Bagindo Radjo pulo.
Sudah itu manti itupun dudue'lah kumbali kaduonjo, katampe njo masieng-masieng tadi.
Alah sudah gala disambahkan, dan ditarimo ulieh karapatan datue' nagari, mangko disuruehlah pulo taga' kumbali Bagindo Radjo, ulieh datue' datue dalam Patapang Nan Tigo Balai, manjambahkan 'adat nan akan diisi, limbago nan akan dituang kapado sagalo datue'-datue nagari 'tu.
Itupun taga'lah pulo Bagindo Radjo, lalu manjambah, damikian buninjo :
,,Maminta ampun djuolah sajo, di datue' nagari nan tigo, sarato partiapan tuan manti pagawai, dan tuan ana' urang kajo-kajo, sado nan halie saisi rumah nan gadang 'ko; sajo manjambah tida' akan tahato' akan tabilang, sambah sajo mandjalani kaharibaan sagalo datue' nan halie. Apolah nan akan sajo sambahkan? Karano haripun lah baie'. kutikopun lah ĕlo', de' 'adat datue' dalam nagari, nan baïtjo nan bapakai, nan baturun bapanaie'kan, tipa' di nan sarupo iko, 'adat kapado sagalo datue', sidakah kapado sagalo tuanku,
Sakarang kini utjapan datue', dalam Patapang Nan Tigo Balai, tipa' di 'adat alahkoh akan djadi dipalalu, kapado datue' nagari nan tigo sado nan halie, dimano-mano tampe' tibonjo, sambah sajo naie'. titah datue' djuo sajo puhunkan."
Mangko sambah itupun dipaiokan pulo, uplieh karapatan datue' nagari ditangah rumah itu. Sasudah samupakat, mangko disurueh dja- wabnjo pulo sambah itu, kapado saurang mantinjo.
Mangko badirilah pulo saurang manti datue' nagari dari tangah. Adolah mantinjo nan mandjawab sambah itu, bagala Radjo Nan Mudo. manti dalam suku Tjaniago, lalu manjambah damikian buninjo :
,,Maminta' ampunlah sajo di haribaan datue' djan tuanku, sarato partiapan tuan manti pagawai, dan tuan dubalang nan samaratabat, atau tuan urang kajo-kajo sado nan halie saisi rumah nan gadang 'ko; sajo manjambah tida' akan tahato' akan tabilang, sambah sajo mandjalani [ 136 ]kaharibaan datue' sado nan halie, sajo rapa' panjambahan katangah, sungguhpun ditangah, dituan Bagindo Radjo tampe' sambah tibo."
,,Kapado Allah, manitahlah tuan," djawab Bagindo Radjo.
Maulang Radjo Nan Mudo: „Apolah nan akan sajo sambahkan, nan ba' pitua tuan pagawai tadi;
Karano haripun lah baie'. kutikopun lah ĕlo', tipa' di 'adat djo sidakah, nan baïtjo nan bapakai, de' datue' dalam nagari, tipa' di nan sarupo iko, iolah adat kapado sagalo datue', sidakah kapado sagalo tuanku.
Kini tantangan nan sapandjang ‘adat, utjapan datue' dalam Patapang Nan Tigo Balai, alah akan dipalalu, kapado datue'-datue' nagari, dimano-mano tampe' tibonjo. ba'itu panjambahan tuan."
,,Sabananjo," djawab Bagindo Radjo.
Maulang Radjo Nan Mudo: „Inda' lai de' datue' nagari sado nan halie, lah putjue' ditjinto ulam tibo, kasieh ditarimo, titah didju-djuang sadjo."
Alhamdulillah, itulah nan kahanda' hati," djawab Bagindo Radjo,
Sudah batarimo sambah itu, mangko datue'-datue' dalam Patapang Nan Tigo Balaipun maisilah duo tigo buah tjarano batirai, dangan uang nan akan paisi 'adat itu, sabagaimano nan sudah dibiasokan.
Alah sudah tjarano diisi, lalu disurueh pulo duo tigo urang manti, mandjalankan adat itu, kapado sagalo datue' nan halie, sarato kapado sagalo urang patui'-patui' samonjo. Mangko manti itu dangan haromat- njo, sarato basërong dangan sapatui'njo. mambarikan ‘adat-'adat itu kapado sagalo datue'-datue' nan rape', dan urang-urang patui'-patui" kasamonjo. Alah sudah adat diisi, limbago sudah dituang, kapado sagalo datue'-datue' dan urang patui'-patui' itu, mangko disuruehlah pulo taga' saurang manti, ulieh datue' dalam Patapang Nan Tigo Balai, akan manarangi ‘adat-'adat itu, kapado sidang karapatan datue'-datue' nagari. Mangko badirilah pulo saurang mantinjo maso itu, bagala Bagindo Sati, lalu manjambah damikian buninjo:
,,Maminta ampunlah sajo, kapado karapatan datue' sado nan halie, nan saisi-isi rumah nan gadang 'ko, sarato partiapan tuan manti pagawai. dangan tuan urang kajo-kajo, sajo manjambah tida' akan tahato' akan tabilang, sambah sajo mandjalani kaharibaan datue' sado nan halie.
Apolah nan akan sajo sambahkan, karano nan badjalan ana' buah datue mudo matah, tipa' di 'adat nan didjalankan, ko' talampau ko' talampo', sadjo iolah ama' batanjoan datue' nan badake'-dake' dudue' tio'-tio' ruang tio'-tio' saho'. Ko' umpang bulieh disisi', ko' tingga bulieh didjapui'. sambah sajopun naie', titah datue' djuo sajo puhunkan." [ 137 ]Mandanga panjambahan itu, mangko sagalo datue'-datue' dan urang patui'-patui itu, batanjoanlah nan badake'-dake' dudue', nan tio'-tio' ruang tio'-tio' saho'. Alah sudah injo batanjoan 'tu, mangko disuruehnjo pulolah surang mantinjo, ulich datue' nagari, akan mandjawab panjambahan tu, sarato disurueh pulo maminta' izin sakali.
Pado maso itu badirilah pulo, surang manti datue' nagari dari tangah, Parmato Intan galanjo, lalu manjambah damikian buninjo: ..Maminta ampunlah sajo dikarapatan datue' djan tuanku, sarato tuan dubalang nan samaratabat atau tuan manti pagawai, sarato partiapan tuan urang kajo-kajo, sado nan halie saisi rumah nan gadang 'ko. Sajo mandjalani sidang karapatan datue' sado nan halie, sajo rapa' panjambahan katangah, sungguhpun ditangah dituan Bagindo Sati tampē' tibo sambah."
,,Kapado Allah, manitahlah tuan," djawab Bagindo Sati.
Maulang Parmato Intan: Apolah nan akan sajo sambahkan, nan ba' pitua tuan tadi, karano nan badjalan ana' buah datue' mudo matah, tipa' di 'adat djan limbago nan sudah diisi, sadjo iolah ama' batanjoan datue' nan badake'-dake' dudue', nan tio'-tio' ruang tio'-tio' saho', ko' umpang bulieh disisi', ko' tingga bulieh didjapui', ba'itu panjambahan tuan."
..Sabananjo." djawab Bagindo Sati.
Maulang Parmato Intan .,Inda' lai nan sapandjang panjambahan tuan itu, alah sudah batanjoan sagalo datue' nan badake'-dake' dudue', nan tio'-tio' ruang tio'-tio' saho: insja Allah ko' têmba' alah di'alamat, pandang lah tibo disasaran, alah taimbau di namonjo, alah taturui' didjalannjo, alah salamat itu samonjo, satupun tida' katinggalan dimano-mano tampe' tibonjo."
..Alhamdulillah, itulah nan kahanda' hati," djawab Bagindo Sati.
Maulang Parmato Intan: Sabarih laï sambah sajo, dituan djuo tampē' tibonjo."
..Kapado Allah, manitahkah tuan," sahut Bagindo Sati. Maulang Parmato Intan, damikian buni katonjo: Apolah nan akan sajo sambahkan, karano hari 'ko lah baie', kutikopun alah ēlo', an dinie' alah sampai, kahanda'pun alah salamat. dan angkatan datue' man barupun alah samporono samonjo, sakarang kini sagalo datuc djan tuanku, sado nan halie nan saisi rumah nan gadang 'ko, sadjo iolah handa' maminta izin bamain-main kabawah, handa' pulang kumbali katamıpē' masieng-masieng pangharapan datue' sado nan halie, handa' diminta'kan izin kapado datue' si pangkalan, sarato datue' isi rumah, sakian sadjo sambah sajo." [ 138 ]Mangko didjawab ulieh Bagindo Sati: .,Managa tuan sakutiko, amalah sajo pasambahkan, kapado datue' si pangkalan, sarato datue' isi rumah."
..Alhamdulillah," djawab Parmato Intan.
Mangko datanglah Bagindo Sati, mandapē'kan datue'-datue' dalam Patapang Nan Tigo Balai, sarato datue' nan baru, dangan basimpueh manarangkan parmintaan datue' nagari 'tu.
Mangko sagalo datue'-datue' dalam Patapang Nan Tigo Balaipun baio-iolah, akan malapēh datue' nagari 'tu, mupakat dangan sagalo urang-urang samandonjo, nan sakampuang itu sakali. Sudah samupakat mangko disuruehlah djawab panjambahan itu, ulieh datue' Patapang Nan Tigo Balai, kapado Bagindo Sati, mambari izin malapēh sagalo karapatan datue' nagari 'tu, dan disurueh lalukan pulo parmintaan, ulieh datue' Nan Tigo Balai, kapado datue' nagari, supajo dilië'-lie'i djo datue nan baru, ulieh datue'-datue' nagari, mandjalang tali diputuih lanta' ditjabui', karano io sudah ditambatkan sapandjang 'adat, tapaui' batali tatambang balanta' namonjo, mandjalang sudah ale'njo.
Mangko badirilah pulo Bagindo Sati manjambahkan itu, damikian buni sambahnjo:
„Minta ampun djuolah sajo diharibaan sagalo datue' djan tuanku, atau de' tuan dubalang nan samaratabat, sarato tuan manti pagawai, dangan tuan urang kajo-kajo sado nan halie, saisi rumah nan gadang 'ko; sajo manjambah tida' akan tahato' akan tabilang, sambah sajo mandjalani, kaharibaan datue' sado nan halie. Sajo rapa' panjambah katangah, sungguehpun ditangah dituan Parmato Intan tampe' tibo sambah."
..Kapado Allah, manitahlah tuan," djawab Paramato Intan.
Maulang Bagindo Sati: .,Nan ba' pitua tuan tadi, karano hari 'ko lah baie', kutiko alah ĕlo', sakarang kini sagalo datue' djan tuanku, sarato nan rape' samonjo, alah handa' bamain-main kabawah, handa' kumbali katampē' masieng-masieng, ba'itu panjambahan tuan.”
..Sabananjo," djawab Parmato Intan.
Maulang Bagindo Sati: „Inda' lai dé' datue' si pangkalan, dangan datue nan baru, sarato datue' isi rumah, kalau itu parmintaan baliau datue'-datue nan halie, alah tapahe' dibarihnjo, alah taimbau dinamonjo, basisurui pantang kanai, basidjambo asa kanai, alah kanai kami de' barih, alah taliuang de' balabēh akan ba'apo pulo laï, sipat malapēh malah kami, alah izin itu de' datue' si pangkalan, sarato datue' isi rumah: djoko' untuang pambari Allah, djangan tjatjē' maro malin- tang, salamat sadjo sampai pulang. [ 139 ]Sungguehpun itu damikian, sabuah laï parmintaan, dari datue' nan Tigo Balai, kapado datue' sado nan halie.
Karano datue' nan baru 'ko, de' 'adat dalam nagari, baliaulah tapaui batali, tatambang balanta' namonjo, djoko' untuang pambari Allah, diminta' djuo ka nan rape', ama'lah dilie'-lie', diulang-ulang djuo, baliau datue' nan baru, mandjalang tali diputuih lanta' ditjabui', sakian sadjo sambah sajo."
Mambaleh Parmato Intan: „Mano tuan Bagindo Sati, djoko' itu nan panitahan, alhamdulillah akan djawabnjo, kasieh itu kami tarimo, na'imat suko salamonjo."
Alah sudah sambah-manjambah, barulah sagalo sidang karapatan, bagara dari tampe' dudue'njo masieng-masieng, badiri akan pulang ka- rumahnjo, sarato basalam-salaman pulo, dangan datue' nan baru, dan datue'-datue' Patapang Nan Tigo Balai, barulah injo badjalan turun.
Sadang ukatu datue'-datue' isi nagari itu turun kahalaman, mangko katjang pali nan disaho' pasumandan tadi, diara' uranglah hado' kapandam pakubueran datue' nan mati tadi.
Didalam kutiko itu banduanglah buni rato' sagalo kari' baï' korong kampuang datue' nan mati itu, sangat manjadiehkan hati mandanganjo, sakan-akan malapēh datue' nan mati itu kapandam pakubueran rasonjo.
Dalam kutiko itu djuo, bako dan ana' istiri datue' nan mati 'tu, pulanglah karumahnjo masieng-masieng, sarato korong kampuangnjo nan mahanta paï mandjangue'pun samo pulolah sakali. Bako dan ana' istiri datue nan mati itu, dianta pulo dangan saparati patui' barami-rami, ulieh parampuan-parampuan dalam kampuang dan suku datue' nan mati 'tu, sampai karumah tanggonjo, saakan-akan pamudjue' hatinjo nan karam 'tu.
Sampai dirumah bako dan ana' istirinjo 'tu. urang-urang nan mahanta tadi, dinanti pulo ulich urang dikampuang 'tu dangan saparati patui, sarato disadiokan pulo minum makannjo sakali, pananti urang mahanta bako dan istiri namonjo. Alah sudah minum makan, urang nan mahanta bako dan ana' istirinjo itu, barulah injo pulang kumbali karumahnjo masieng-masieng, karano ba'itulah 'adat nan sudah dibiasokan disitu.
Sapaningga datue' nagari tadi turun, barulah datue' nan baru 'tu, mangganti pakaiannjo dangan biaso, sarato mamakai dēta bakata', pakaian pangulu sapandjang ‘adat.
Mulaï dari hari itu, tinggalah datue' nan baru 'tu, dirumah sudaro- njo, dangan sagalo kaum kirabatnjo, sarato urang dalam sukunjo, baie' laki-laki atau parampuan, ado djuo nan tingga marami-ramii disitu ; [ 140 ] urang-urang dalam sasuku itupun, silang baganti sadjo kasitu tio'-tio' hari, sabab datue' nan baru 'tu, balun bulieh ditingga-tinggakan mandjalang sudah alē'njo, karano urang-urang isi nagari 'tu, satio'-tio' hari banja djuo nan barulang silau-manjilau, nan bakari' nan bakabieh kakampuang itu, dangan datue'-datue' nagari, pangulu nan sahandiko, radjo nan sadaulat, manjilau balako samonjo, pabilo-pabilo sampai uliehnjo masieng-masing. siang atau malam, tida'lah ditantukan ukatunjo. Sagalo parampuan-parampuan nan bakari', sabab bapasumandan kasitu. atau lain-lain pun datang balako, manjilau dangan hēdangan nan patui'njo saparati
Hédangan nan djadi panjilau 'tu, talata' dalam sabuah dulang paha nan bakaki gadang, langko dangan tirai-tirainjo, dan basaho' tuduangnjo dangan sapu tangan balapa' namonjo, dulang 'tu diiriengi pulo dangan duo buah talam, sabuah talam barisi ragam samba, sabuah barisi paminum kopi, sabagaimano ‘adat nan usali, tida' mamakai ragam kuē, dan gulainjo didjindjieng dalanı sabuah gantuang-gantuang, talata' dalam tjawan batukui'. Kaduo-duo talam itu disaho' pulo dangan tuduang aie, dan dalama' sapu tangan kaamasan. Sagalo parampuan-parampuan manjilau 'tu, datangnjo langko'-langko' dangan korong kampuangnjo dan badajang-dajang, sarato mamakai balako dangan pakaian sapandjang adat nan datang
Sagalo hëdangan nan panjilau itu, itulah nan dimakan ulieh datue'- datue' dan urang-urang nan manjilau malie' datue' nan baru 'tu, dimakan basamo-samo dangan datue' nan baru itu.
Pado tio'-tio' hari tida'lah kurang urang nan datang, manjilau datue' nan baru tu, sampai kapado ukatu harinjo, injo mambantai kabau di barale'.
Salamo dalam karadjo itu, dirumah datue' nan baru 'tu, banja' pulo mandabieh ajam, sarato pulo mambali bantai dan mambue' nasi lama' surato wadji' dan kalamai, nan akan paminum kopi, untue' urang datang manilau, Sarato dangan korong kampuang, nan basusah satio' hari. Sagalo alat makanan itu, pambantu hēdangan urang nan datang, ba'itu adat man braso.
Adapun datue' nan baru 'tu, balunlah bulieh kamano-mano, mandjałang injo, sudah barale', malainkan tingga dirumah sadjo, turunnjo mandi djo sambahjang, lapeh itu babalie' pulang.
Kalau injo akan mandi, atau injo akan sambahjang, mangirieng baduo ana' buahnjo, nan mambao kain basahan, sarato padang batjananjo, sudah itu kumbali pulang, tida' bulieh kamano-mano, karanourang datang djuo, manjilau patang djan pagi, sampai tida' baputuih, [ 141 ] barapo pulo tukang njanji, sarato rabab djan kutjapi, paramaikan badjago-djago, ba'itu 'adat nan tapakai, maangkē' gadang pangulu, nan didalam nagari itu.
Salamo dalam karadjo itu, ditanam pulo satu datue'. dipilieh nan tjaradie' pandai, nan tahu dihērēng dangan gendêng, datue' didalam suku itu, akan mandjadi datue' pitunggue, tampe' batanjo dan maminta', kalau apo-apo nan kurang, didalam karadjo itu.
Adapun nan djadi datue' pitunggue, didalam karadjo iko. iolah Datue' Paduko 'Alam; tananio datue' nan lain-lain, nan didalam suku itu, itulah mandjadi tungkatannjo. Sudah itu ditanam surang laï, pi- tunggue dari parampuan, dipilieh pulo parampuan nan tjadie' pandai, nan tahu di 'adat djan limbago, sarato hērēng dangan gēndēng: hado' kapado parampuan, kalau apo-apo nan kurang, kapadonjo pulo itu diminta', kalau dake' patui' didjangkau, nan djaueh patui' didjapui', baie' andan pasumandan, injolah itu manantukan, sagalo nan kurang di padusi, kapadonjo itu urang maminta'.
Adapun nan djadi pitunggue parampuan, nan ditanam dialè' 'tu, iolah Sitti Djaléla. dansana' Datue' Lelo Nan Putieh, ditungkē' pulo de' nan lain, dipilieh saurang sakampuang, nan tanamo urang sasuku 'tu.
Adapun akan Sitti Djalēla, urang djohari bidja'sano, manih mului' bakato-kato, pandai di herêng dangan gendēng, dimalui urang nan banja', lah biaso mangatja' ale', tampë' baguru dan batanjo, ulieh sagalo parampuan, nan sasuku-suku itu.
Babalie kaba ka nan tadi, alah sahari alah duo hari, gilo barami- rami djuo, dirumah datue' nan baru 'tu; babarapo pulo urang nan datang manjilau datue' nan baru, mauli'i patang djan pagi, sampailah pulo ampe' hari, balun ado rundieng basabuí', rintang basando gurau djuo. Alah sampai hari nan kaampë', mahimbau datue' pitunggue ale', kapado datue' dalam Patapang, rape'lah pulo samonjo.
Sadang rape' dirumah 'tu. batato datue' pitunggue alē' kapado datue' sado nan halie, nan sasuku-suku itu: Mangko datue' hambo himbau, karano baban kito lah bare', tipa' di datue' nan baru 'ko. baliau lah lumpueh atēh rumah, karadjo banja' nan ka dikako', kito takabe' balako kini ba'apo pikieran datue', supajo lapēh baban kito, usah kito tapaui' djuo, ama' lakeh kato salasai, bari bana hambo de' datue'," kato Datue' Paduko 'Alam, nan djadi pitunggue alē'.
Mandanga kato nan ba'kian. mandjawab Datue' Lelo Nan Putih. lalu manjambah maso itu: „Ampunlah sajo pado datue', sarato nan rape samonjo, mano Datue' Paduko 'Alam, djoko' itu nan titah datue', itulah kato sabananjo, ama' bange' kato salasai. [ 142 ]Dalam pikieran hati hambo, sarato kami nan rape' 'ko, tantangan dibaban iko, sadja' di hari nan sahari, kami lah sudah mamulangkan, burue' baie'njo pado datue', nan djadi pitunggue siko, tida' kami duo bitjaro.
Kini ba'itu anjolaï, nan taraso di hati hambo, surieh barihkanlah de' datue', ko' pandjang barilah baruěh, ko' singkē' barilah babuku, ama bangë' kito sudahí, nan djaueh bulieh kami djapui', nan dako' bulieh kami djangkau ; manitahlah datue' pado kami, kalau apo-apo nan tida'. nan kurang patui' ditukue', nan sentĕng patui' dibilai.”
Maningkah Datue' Paduko 'Alam: „Kalau ba'itu kato datue', kito panggie malah padusi, ama' tantu apo nan tida', imbaulah Sitti Djalēla, ama samo kito rundieng siko, imbaulah pulo kampuang sakali, dangan padusi nan patui'-patui'."
Dalam sabanta itu djuo, diimbau urang Sitti Djalēla, dangan anděh datue' nan baru, sarato korong djan kampuangnjo, laki-laki parampuan mano-mano nan tahu-tahu; alah rape' itu samonjo, io sagalo parampuan, tanamo urang patui'-patui', nan sasuku-suku itu, alah datang samonjo, alah dudue' didakē itu, sarato pulo datue' nan baru.
Alah salamat datang samonjo, manitah Datue' Paduko 'Alam: ..Manolah datue' samonjo, sarato kaka' Sitti Djalēla, dangan andēh kaduonjo, sarato korong dangan kampuang! Mangko andēh kami imbau. baie' kaka' Sitti Djalēla, sarato korong dangan kampuang, adapun datue nan baru 'ko, balun tantu hilie mudie'njo, balandjo lah batimbun-timbun. kitopun susah siang malam, karadjo banja' habih tingga, badjalan balun laï baranti, ko' tabang balun laï hinggo', ko' bakato balun sudah.
Kini nan taraso de' kami, de' datue' sado nan rape', tantangan dibaban iko, adapun djalan ado duo, suatu baura' sēlo sadjo, kaduo baralē mambantai kabau, baara' kabalai gadang, itulah djalan nan duo: manokoh itu nan ka diturui', ama' tantu kami mandjalankan ?
Kalau baura' sēlo sadjo, kito bali kapalo kabau, ditambah pulo dangan bantai, dipanggie datue' nagari, alah bulieh kito baura' selo. tatapi utang balun lapêh, hanjolah lapēh samantaro, ba'itu sapandjang 'adat.
Nan kaduo barale' gadang, kito bali kabau saikue, ditjari pulo bareh saratuih, sarato amēh duo pulueh, dangan kilang nan sagutji, dipanggi isi nagari. barara' kito kabalai gadang, utangpun lapēh anjolaï, ko' ale' alahlah banamo, Kini tantangan djalan nan duo 'tu, ba'apo pikieran di nan rape, sarato dangan datue' nan baru, dangan andēh malah pulo. nan mano djalan nan ka diturui', baie' dikampuang samonjo? Tantukan. [ 143 ] lah itu satu-satu, ama' tantu kami pahamkan, kami 'ko utang malabuehkan, baban kumbali ka nan punjo."
Mandjawab mandēh datue' nan baru: „Mano rangkajo Paduko 'Alam, nan taraso de' diri hambo, ko' hanjo tantangan itu, nau bare' tidak lah akan tadjudjuang, samo ma'alumlah rangkajo, tipa' di adie' rangkajo 'ko, satupun tida' nan ditaruch, êlo'lah nan ringan kito bao, ba'itu kahanda' hati hambo, sunggueh ba'itu kato hambo, rangkajo labieh ma'alum."
Maningkah Datue' Paduko Alam Mano Datue' Radjo Pangulu. di datue' ba'apo pulo, nan di andĕh lah samo kito danga, sabui' pulolah de' datue', ama' samo kami dangakan, dimano djuo katibonjo."
Mandjawab Datue' Radjo Pangulu: „Mano Datue' Paduko 'Alam, sarato nan rapĕ' samonjo, ampunlah sajo pado datue', tantangan pado diri hambo, tida'lah pandjang itu de' hambo. hanjo ba' djawab andēh tadi, nan bare' tida' akan tadjudjuang. ĕlo' nan ringan kito katja'; sungguhpun itu damikian, timbangan datue' nan basamo, mamulangkan hambo tantang itu, labieh ma'alum malah datue', tipa' di diri badan kami."
Mandjawab Datue' Paduko 'Alam: „Mano Datue' Radjo Pangulu, sarato andĕh kaduonjo, baie'pun kampuang samonjo, tantangan kato andeh dangan datue', iolah handa' baura' selo sadjo, itulah bahan nan ringan; dalam pikieran hati hambo, itulah sabananjo pulo, djoko' disitu akan sakato, manuruí' pulo malah kami: tatapi sakētē' nan taraso, tantangan dibaban iko, pado pikieran hambo surang, elo' nan bare' kito bao, supajo lapēh utang kito, bukannjo hambo maambaukan, tjubolah timbang de' nan rape', sarato anděh dangan datue', baie' dikampuang samonjo. Mano ang Bagindo Sutan, kamari-mari malah dudue', ama' samo kito rundieng kito papa, ama' tantu burue' ĕlo'njo. Adapun baban nan ringan, iolah baura' sēlo sadjo. Sungguhpun ringan bare' djuo; ba' nan hambo sabui' tadi, kito bali kapalo kabau, ditambah pulo dangan bantai, ataupun djawi kito bali; kalau ditimbang haragonjo. mangko tjukui itu de' kito, nan akan untue' pamakan nasi, adolah pulo tigo pulueh, ditambah pulo djo pamasa', iolah lado djan garamujo, sampailah pulo ampe' pulueh; ditjari pulo malah barch, nan kan kito pagunokan, adolah pulo aga' saratuih, sipului'njo pulo ampè' pulueh, ba'itu mangko sadang ēlo'.
Kalau kito barale' gadang, dibali kabau saikue, nan harago tigo pulueh, sarato bareh nan saratuih, dangan amëh nan duo pulueh, sarato kilang nan sagutji, hambo timbang djan hati hambo, tida' barapo salisiehnjo. Kalau kito baura' sēlo sadjo, gadang ale' ba'itu djuo, balandjonjo tida' lah kurang, salisiehnja mambantai dangan tida'. [ 144 ]Misiki baura selo atau kito barale' gadang. urang itu djuo nan kan dipanggie, sadiki' tida' labieh kurang, balandjonjo ba'itu pulo, malainkan nan djadi salisiehnjo, nolah mambantai dangan tida', sarato kilang nan sagutji, dangan amëh nan duo pulueh, ba' nan hambo sabui tadi; tida' bana kito baralē', 'adat kan kito isi djuo, habih djuo améh duo pulueh. Sabab itu pikieran hambo, ēlo' kito baralē' gadang, tida' kan barapo salisiehnjo, hanjo sapulueh duo pulueh, balumlah itu akan mangapo, balunkan kajo kito de' itu; kalau kito alah barale', utang kito alahlah lapēh, ko' malu ba'itu pulo, alah banamo alē' kito.
Kalau kito baura selo sadjo, balandjo lah batimbun-timbun, karih kito alah tagadai, tapi utang tida' lapēh. Sunggueh ba'itu kato hambo, ba'apo kabulatan nan basamo, sarato korong dangan kampuang, itu urang nan kan mandjudjuang, bare' ringan nan kan manangguang kami 'ko utang manarangkan, dimano sakato si pangkalan, tida' lah kami akan mangila', ba'apo baban nan kan tabao.”
Mandanga kato nan ba'itu, mandjawab si Bungo Inai, dansana' Datue Radjo Pangulu Kalau ba'itu kato datue', malah tida' kan banja' salisiehnjo, io awa' ka habih djuo, utang kan kito baie djuo, èlo' nan gadang kito djudjuang, ama' badjaso pajah datue', de' kami ba'itu pulo. barapo habih itu de' datue', asa laï utang alah ka lapēh, sananglah itu hati hambo."
Maningkah pulo untjunjo, andēh si Budjang Paman: De' hambo ba'itu pulo, malah utang datue' ka lapēh, ēlo' malah kito baralē', hambo 'ko sudahlah tuo, ama' maliê' hambo sakali 'ko, ama' tahu pulo padja-padja 'ko, ba'apo mangatja' alê'."
Mandjawab pulo nan lain, sagalo korong kampuang itu: „De' kami ba'itu pulo, èlo' bacale' datue' sakali 'ko, ama' badjaso pajah kami, nan basusah siang djan malam; kalau baura' selo sadjo, tabuang sadjo djarieh kami. balandjo ba'itu djuo, utang datue' tida'lah lapēh.”
Maningkah pulo surang laï, iolah Bagindo Sutan, dansana'njo dirumah nan sabalah, iolah warih nan kan mandjawe', nan kan manolong pusakonjo: „Kalau datue' laï akan baralē‘, asa laï ale' kito ka banamo, bialah hambo manambahnjo, sahinggo limo pułueh kabawah, tida' kan djadi apo-apo, rilalah itu ulieh hambo, dari dunie ka akirat, asa utang datue laï ka lapēh,” katonjo Bagindo Sutan, mambanakan urang samonjo.
Sadanglah Datue' Radjo Pangulu, baduo dangan andehnjo, mandanga kato nan rape’tu, tida’ panda: babuni lai.
Dalam sabanta itu djuo, maningkah Datue' Lēlo Nan Putieh, kapado urang nan bakari'. mahado' ka Datue' Radjo Pangulu: „Mano datue [ 145 ] dangan andéh, sarato ang Bagindo Sutan! Ba'apo djuo nan kan io? Tantukan malah putuihnjo, ama' lakèh kato salasai, ama' tantu nan akan kami patji' !"
Mandjawab si Bungo Inai, sarato Bagindo Sutan: „Tipa' di kami nan lain 'ko, dilua andēh dangan datue', kalau nan bare' kan kami djudjuang. malah ba'itu sakato datue', sukolah kami tantang itu sungguehpun itu kahanda' kami, kato putuih pado datue', ba'apo katudju de' baliau, baduo dangan andêh tuo, kami 'ko manurui' pulo; samantang io kami suko, kalau baliau tida' sakato, tida'lah sanang hati kami, manurui' pulo malah kami, ko' ba' apo nan kan elo'njo."
Maningkah Datue' Paduko 'Alam: „Mano Datue' Radjo Pangulu, sarato andēh kaduonjo! Ba'apo pikieran pado datue', sarato andēh nan baduo? Putuihi malah kato itu! Buni lah samo kito danga, kato 'tu pulang pado datue', sarato andēh nan baduo, ba'itu sakato nan basamo; kini ba'apo djuo nan io, ama'njo putuih bitjaro 'ko, sudahi de' datue', dangan anděh nan baduo!"
Maningkah andeh Datue' Radjo Pangulu: „Kalau ba tu djo rang- kajo, sarato nan rapë' samonjo, kamano pulo hambo kalari, bumi langi' dirangkajo, misiki bare' atau ringan, rangkajo djuo nan kan susah. sarato korong djan kampuang 'ko hilang timbuekan de' rangkajo, tida' hambo duo bitjaro: h'nggo manolah pandape' hambo, labieh malah tahu rangkajo, nan kan mularat djo mupa'at."
Mandanga kato nan ba'itu, mamandang Datue' Paduko 'Alam kapado Datue Radjo Pangulu, sambie tatawa gala' sanjum ..Di datue' ba'apo pulo? Ba'itulah djawab andēh kito, putuihi malah de' datue' !"
Mambaleh Datue' Radjo Pangulu, barundieng sambie tasanjum : ,,Kalau ba'itu sakato datue', sarato nan rape' samonjo. kamano pulo hambo ka lari; tipa' di diri badan hambo, ba' pitua urang tuo,,,patah karih bakēh mati, patah lidah bakeh alah", kini lah patah tidah hambo. apokan dajo hambo laï, djadi kalah malah hambo, manurui'lah hambo ka nan banja'; malah ba'itu kabulatan, misiki ka patjah djan kapalo, ataupun runtueh dangan bahu, malah dansana' sakato sanan, sukolah itu hati hambo, tida'lah hambo bapandai laï, ma'alumlah datue' samenjo."
Maningkah Datue' Lélo Nan Putieh: „Malah ba'itu kato datue' alahlah habih rundiengan 'tu, alah tantu djalan man kan dituru'.
Kini sabuah nan taraso, mano Datue' Paduko ‘Alam, man tah djuo malah datue', kapado kami nan rape' 'ko, sabab kato alahlah putuih, alah njato baban nan kan dibao. kini ba' mano akan lata'njo? Surieh barihkanlah de' datue', ko' kata' barilah babuku, pandjang barilah barueh, ama bange' kito sudahi." [ 146 ]Maningkah Datue' Paduko Alam: „Mano Datue' Lēlo Nan Putich! Sapandjang pitua datue' 'tu, itulah kato sabananjo." Mamandang Datue" Paduko ‘Alam kapado Sitti Djalēla: „Kamari-mari malah kaka', ama' bulieh kito paiokan, kalau apo-apo nan tida', ama' tantu kito surueh tjari.
Mandanga kato nan ba'itu, mandakē' Sitti Djalēla, bakato Datue' Paduko 'Alam,,Adapun kini alahlah tantu, baban nan kan kito bao, iolah kito akan baralē'; kini atuelah de' kaka', mano nan tida' surueh tjari, apo nan kurang surueh tukue', kaka' hasiekanlah sugiro. Karadjo 'ko bange' kito langsuangkan, barisue' kito barape' pulo; tanamo urang Nan Tigo Balai, laki-laki parampuan, rape' malah kito kamari, supojo bulieh kito tantukan, apo karadjo surang2, baie' kaju dangan aie, ataupun nan lain-lain, banja' nan balun pado kito. Tanamo sagalo parampuan. nan sasuku-suku kito, himbau malah surang sarumah, ataupun kito nan badake', awa' nan salantjaran alu, himbau djuo itu kamari, surueh bao lapie sahalai surang, dangan dulang sakaki surang, sarato alat pakaiannjo, baie pun tabie langi'-langi'; mano nan kurang tukue' djuo, sarato pirieng dangan mangkue', ama' bulieh kito lie'i, sagalo barang-barang urang 'tu, ama' bulieh kito sure'kan, usah batuka barang urang; kaka' sabui' balako di padusi, surueh mambao itu samonjo, apo nan tida' pado kito, nan kan paguno disiko; kalau tida' injo manarueh, surueh salangkah ka nan lain, kaka' lah samo ma'alum, apo nan kapaguno siko, dialē' sarupo iko."
Mandjawab Sitti Djalēla: „Ko' hanjo tantangan itu, alah hambo sabui balako, alah takana itu de' hambo, alahlah hasie itu kini, dirumahkami surang-surang, kami mananti titah datue'; baie' pirieng baie' mangkue'. atau paha dangan tjarano, sarato alat pakaiannjo, alah hambo surueh hasiekan, sudah salamat itu kini, tingga mambao sadjo laï; kami mananti kutikonjo, pabilo barinjo djanjo datue', buliehlah itu kami hasiekan, kami bao itu kamari, misiki kito baura' sělo, atau kito baralē' gadang itu djuo kalangkapannjo; de' itu hambo sadio djuo, sabalun datue mangatokan, karano ba'itu nan biaso, tibo di nan sarupo iko."
Mambalêh Datue' Paduko Alam: ,,Malah ba'itu kato kaka', sananglah itu hati kami, barisue' baolah kamari, ama' bulieh kito tantukan, siapo-siapo nan punjonjo."
Maningkah Sitti Djalēla: „Malah ba'itu titah datue', buliehlah hambo manjabui'njo kapado dansana' sudaro; hambo surueh bao malah barisue', sagalo pakakěh itu. Sabuah laï pinta' hambo, tantangan kami parampuan, tipa' di bako djan bininjo, alah kan bulieh hambo manjurueh urang, mambari tahukan kini-kini, bahaso kito akan baralē', ama' dja- . [ 147 ] ngan urang tasasa', sabab babannjo ka bare' pulo, karano de' alé' kito iko."
Mandjawab Datue' Paduko 'Alam: Mano kaka' Sitti Djalēla ! Menanti kaka' sakutiko, ama' barundieng kami dahulu, ama' tantu hari kutikonjo; kalau lah sudah kami barundieng, malah salamat samonjo, barisue' kaka' menjurueh, mambari tahu kabakonjo, sarato dangan ana' rumahnjo, atau kapado nan lain-lain; sagalo pasumandan kito, nan batali karumah iko, bari tahu itu samonjo, baie' karumah nan sabalah, dirumah Bagindo Sutan, sarupo djuo dangan iko, tida' bulich kaka' lainkan, samo bari tahu itu samonjo; tatapi kini nambe' dahulu, sabab aga'-aga' baru, balun bulieh dipatji' bana, sabab balandjo balun hasie, kalau alah itu salamat, basugiro malah kaka', mambari tahu urang itu."
Mandanga kato nan ba'itu, ano'lah Sitti Djalēla. Alah sudah injo barundieng, io djan Sitti Djalēla, bapalieng Datue' Paduko 'Alam, mahado' ka datue' Patapang Nan Tigo Balai, sarato urang patui'-patui”, mano-mano nan ado disitu, lalu bakato maso itu: „Mano Datue' Lelo Nan Putieh, sarato nan rape' samonjo! Nan taraso de' hati hambo, ama' bange' karadjo nangko, kini 'ko hari Sinajan, barisue' hari Salasa, kamari djuo kito samonjo, panggie sagalo urang samando, nan sakampuang-kampuang iko, kito bare'kan itu bakēhnjo, amëh aga' duo pułueh surang, di kito ba'itu pulo; tanamo kito datue'-datue', nan sasuku-suku iko, baie' manti djan pagawai, sarato imam dangan kati', mambao balako samonjo. iolah aměh duo pulueh surang. Kalau tida' ado diawa', batenggang malah kiri kanan, barisue' ado samonjo; ba'itu kahanda' hambo. Mangko ba'itu kahanda' hambo, hari 'ko sudah tagului'; malah tjukui' itu barisue', hari Raba'a kito mamanggie, mandudue'kan ninie' mama', mambari tahu isi nagari, bahaso kito akan baralē'; hari Kamih kito kabalai, mambali kabau nan kan dibantai, sarato alat pamasa'njo, baie barang nan lain-lain, apo nan kurang pado kito; hari Djum'at kito maundjue'kan kabau, sarato bareh nan saratuih, dangan kilang nan sagutji, sarato améh nan duo pulueh, kapado datue' nagari: hari Ahad manabue aso'. mandjamu datue' nagari, hari Sinajan kito barara'. Ba'itu pikieran hati hambo, ma' lakeh karadjo nangko; sungguhpun ba'itu pikieran hambo, ba'apo kabulatan nan basamo, manurui' pulo malah hambo."
Mandjawab Datue' Lêlo Nan Putich: „Itulah bana kato datue", ba'apo djuo kan maubahnjo; kalau kito papandjang djuo, tida'kan ado paidahnjo, hanjolah utang nan kan batambah."
Maningkah pulo datue' nan lain, sarato nan rape' samonjo: „Malah ba'itu kato datue', manurui'lah kami samonjo; ama' lakěh tapéh badan kito, ēlo'lah kito sugirokan." [ 148 ]Alah sakato itu samonjo, baranti rundieng sakutiko.
Alah tibo hari nan barisue', hari itu hari Salasa, alah bakumpue pulo datue'-datue'; laki-laki parampuan,urang nan sasuku itu, rapĕ'lah pulo samonjo, karuniah Datue'Radjo Pangulu.
Ulieh sagalo parampuan, alah dibao pakakehnjo, io dulang dangan paha, sarato tirai dalama'njo, sarato lapie' paramadani, tabie djo tirai langi'-langi', sarato galeh labu-labu, tjērē' basi tjērē' lojang, sarato tjērē tambagonjo, langko' djan tampē' basueh tangan, tjukui'lah itu samonjo; mano nan tibo disurē'kan; sagalo barang nan datang 'tu, dibari batando samonjo, nan punjo urang surang-surang, ama' djangan djadi salisieh atau batuka djo nan lain.
Ulieh sagalo datue'-datue', sarato urang samandonjo, dibao uang duo pulueh surang; ba'itu pulo de' nan lain, sagalo urang patui'-patui', tanamo ana' rang kajo-kajo, mambao pulo sapulueh surang: alah sudah tjukui samonjo, lalu dikumpue uang itu, dapē'lah pulo djumlahnjo tigo ratuih limo pulueh. Sudah dikumpue uang itu, ulieh datue' pitunggue ale, dibarikan katangan Datue' Maharadjo, iolah laki si Bungo Inai. ipa Datue Radjo Pangulu, ba'itu sapandjang 'adat; itulah urang nan kan manjimpan, iolah urang samandonjo, nan banamo peti nan tagueh.iolah aluang bunian, nan mangganggam ana' kuntji; kalau apo-apo guno uang, salamo dalam alĕ' itu, kapadonjo itu diminta', ulieh datue' pitunggue ale', disabui'kan apo gunonjo, ba'itu 'adat nan biaso.
Alah sudah uang dikumpuekan, karadjo bamulo anjolai; sagalo korong dangan kampuang, sarato urang suku Patapang, bakaradjo kasamonjo: tanamo sagalo laki-laki, ado bauntue' balako, nan patui' baban Surang-surang; ado mantjari kaju api, ado pulo manabang batuang. sarato dangan batang pinang ditaga'kan satu palanta, nan kan pahubuang rumah gadang, pandjangnjo sepandjang rumah, lawēhnjo salaweh halaman, tatumbue' karumah nan sabalah; disitu ka tampe' si pangkalan,diukatu ale' datang, tampe' bagandang basarunai, tampe' basandue'mahendangan, itu djamba untue' ka alê'; disitu aguang digantuangkan,aguang yadang sibarungui', langko' djo tjanang talēmpongnjo; dibue' pulo dangau-dangau, tampe' batana' djo manggulai, mambue' wadji' djo kalamai: ditaga'kan tungku ampe' limo, didjarangkan kantjah gadang,ditabang batuang ka parian. Ulieh sagalo parampuan, dikaradjokan pulo ateh rumah; apo nan kurang dibaie'i, mano barubah dipaelo'; dipanggie andan pasunandan, nan batali kakampuang 'tu, tanamo parampuan si pangkalan, dalam sasuku-suku itu, disuruah batana' mahedangkan, Apo karadjo parampuan, tjukui'lah itu samonjo, diatuekan Sitti Djalela.
Pado kutiko itu djuo, ulieh sagalo ninie' mama', dalam Patapang [ 149 ]Nan Tigo Balai, ditanam duo pulueh urang, ana' mudo-mudo nan patui'-patui', iolah ana' urang bangsawan, akan djadi ajam nan tagěh, banamo budjang main pantan, nan kan mandudue'kan ninie' mama', sarato mamanggie ale' djamu; ko' patang injo mautjapi, pagi-pagi injo mamanggie.Ba'itu sapandjang 'adat, kalau tumbueh barale' gadang, namun ka pai injo batanjo, kalau pulang injo babarito, kapado datue' si pangkalan,ba'itu pakai nan biaso; namun urang nan duo pulueh 'tu, dimuliekan balako samonjo; kalau makannjo atēh dulang, dudue'njo ateh kasue,tida djadi bamurah-murah sadjo; apo sababnjo damikian, karano injo pamanggie alē', nan mamanggie kiri djo kanan. Kalau injo dipamurahkan,ale' murah djadi binaso; djoko' tida' disampaikannjo, itu panggielan ka nan patui', nan tida' djadi ditinggakan, saparati bako djan ana'njo, atau pasumandan nan lain, nan batali kakampuang 'tu, urang bababan balako; nan bakari' nan bakabieh, atau ana' dikampuang lain, baie'pun kari'
urang samando, nan tida' djadi ditinggakan, kalau itu ditinggakannjo,djadi binaso malah ale'.
Kalau lai injo dimuliekan, namun injo babue' salah, maninggakan panggielan itu, bulieh dihukum dalam 'adat, marusa'kan alē' urang; bukannjo injo makan sadjo, bukaunjo injo minum sadjo, nan dibari de'si pangkalan, tatapi ‘adat djan limbago, diisi pulo kapadonjo, sagalo budjang main pantan; tida'lah itu lua' sumbieng, diisi sapanueh-panueh, kalau alē' sudah salasai.
Karadjo urang nan duo pulueh, iolah budjang main pantan. salamo alē' balun habih, tida' lain tida'lah bukan, hanjo mamanggie urang sadjo, sarato mananti atēh rumah, mandudue'kan ale' panggielan, mambari sirieh ditjarano, manantukan tampe' dudue'njo. sagalo ale' nan lah datang: patui' katangah dikatangahkan, patui' ditapi dikatapikan, didudue'kan dangan tarati', mangatokan djo mulut' manih, dangan bahaso‘adat nan haluih, ba'itu sapandjang ‘adat.
Barisue' urang akan dipanggie, hari 'ko injo lah badjalan, mautjapi ninie mama', mano-mano nan kan dipanggic, pagi-pagi didjalang pulo;mamanggie itu samonjo, mambao sirieh nan batapeh, sarato pinang nan batumih, dibungkuih djo dalama', sapu tangan kaamasan: baduo-duo injo sadjalan, kalau hudjan injo hatuduang, namun kalam injo basulueh, panggie disampaikan djuo, tida'lah bulieh dilengahkan.
Malah tibo dirumah datue', mahimbau dahulu dari halaman, kapado parampuannjo, atau kaurang dirumah 'tu, dangan tarati' madjalihnjo:alah mandjangue' urang ateh rumah, dikatokan awa' handa' naie';kalau lah idjin dari urang 'tu, barulah injo naie' karumah.
Malah tibo diatēh rumah, tida' bulich baburu-buru sadjo; dimakan
Templat:Left [ 150 ]dahulu sirieh sakapue, atau maroko' aga' sabatang, baru dibuka' parundiengan; diundjue'kan sirieh dahulu, baru disabui' nan taraso, disampaikan panggielan tadi, dangan kato nan lama' manih, basimpuch mangadap datue: Mangko sajo datang kamari, dilapēh Datue' Patapang Nan Tigo Balai, datang mautjapi datue'; kalau ado mudah-mudahan, pado barisue' hari siang, baura' sēlo malah datue', ia kakampuang Pari' Batu,karumah Datue' Radjo Pangulu; mukasui' baliau handa' barale', sabab baliau hari barisue', handa' mandudue'kan ninie' mama'; itulah niat de' baliau, ama' halie datue' kasanan, ba'itu titah hambo djudjuang, dari datue Nan Tigo Balai."
Mandjawab datue' nan diutjapinjo:,,Insja'Allah baie'lah itu.
"Alah sudah injo mautjapi, baru diminta' pulo idjin, awa' akan badjalan pulo, mandjalang datue' nan lain; ba'itu sapandjang adat baie' mamanggie akan baralē', atau akan paï barara'. Kalau mamanggie datue datue', kalau lah sudah sampai samonjo, sagalo datue' nan diutjapi, babalie' kapado si pangkalan, io kadatue' nan malapeh, disabui* alah tadjalang, sagalo ale' nan dipanggie, disabui' balako itu samonjo, mano-mano nan lah didjalang; kalau tingga diulang mamanggienjo, mano nan umpang 'tu disisi' djuo, kalau ado nan kalupoan, diulang mautjapinjo.
Urang nan mautjapi 'tu, ukatu injo paï mamanggie, kalau tida njo basuo, dangan datue' nan dipanggienjo, disabui' kapado parampuannjo, atau kapado ipa bisannjo, baie'pun kapado mintuonjo, nan ado dirumah 'tu: ditinggakan sirieh disitu, dikatokan itu člo'-ēlo', ama' njo tolong manjampaikan, kapado datue' nan diutjapi.
Kalau lah tibo hari nan barisue', badjalan pulo budjang main pantan,mamanggie datue' nan kapatang, nan sudah diutjapinjo, didjalang pulo karumahnjo, sarupo datang kapatang.
Alah sabanta injo dudue', baru disabui' nan taraso, dangan tarati' madjalihnjo: „Mangko sajo datang kamari, sajo datang mandjapui' da-tue', dilapēh datue' Nan Tigo Balai, baura' sēlo malah datue', hambo mairieng dibalakang."
Mandjawab pulo datue' itu: „Dahulu sadjolah pagawai, ama' hambo bakameh samantaro, turui'lah datue' nan lain, ko' balun habih samonjo."
Io de' budjang main pantan, baru mandanga kato 'tu, lalu taga' maminta' idjin, badjalan turun kahalaman, mandjalang datue' nan lainnjo; mano-mano nan bahagiannjo, didjalang balako itu samonjo. Kalau lah habih itu samonjo, mangko babalie' budjang main pantan, karumah datue' si pangkalan, manantikan ale' nan ka datang.
Kalau lah sampai djangko kutikonjo, kiro-kiro ukatu luhue, tibolah [ 151 ]datue' nagari; mangko de' budjang main pantan, mano nan tibo didudue'kan, disilakan karuang tangah; djikalau datue' sama datue', nan patui' mahado' dimukonjo, mahado' pula didudue'kan, tida' djadi itu sasaieng, atau pun batuka-tuka.
Datue' dudue' sirieh talata', ulieh budjang main pantan, basimpueh injo mambarikan, dikatokan: „Sirieh datue'. mangunjah sirieh malah datue."
Sirieh talata' sambahpun tibo, dari datue' si pangkalan, kapado datue nan baru tibo:,,Manjanto' sirieh malah datue'," itulah buni panjambahan.
Didjawab datue' nan datang 'tu: „Insja' Allah baie'lah itu."Diangkē'njo pulo tjarano 'tu, dibasokan kiri djo kanan, kapado datue'nan dahulu dibalěhnjo pulo sambah 'tu:,,Parěnaïlah datue' makan sirieh. kami lah sudah mangunjah."
Alah mahato' kasamonjo, sagalo datue' nan dipanggie, baie'pun urang nan patui'-patui', baie' datue' kaampè' suku, pado maso duaso itu, manjambah Datue' Lēlo Nan Putieh, pangulu dalam suku Patapang, kapado datue' sado nan rape', ba'itu buni sambahnjo:
,,Maminta ampunlah sajo pado datue', sado nan rape' saisi rumah nan gadang 'ko, sarato partiapan tuan manti pagawai, dangan tuan urang kajo-kajo; sajo manjambah tida' akan tahato' akan tabilang, sambah sajo mandjalani datue' sado nan halie.
Apolah nan akan sajo sambahkan ? Adapun datue' nan baru 'ko,de' 'adat datue' dalam nagari, baliau lah tapaui' batali tatambang balanta'; nan sakarang kini nangko, mangko kami daga datue' nagari. iolah tantangan pado diri baliau, nan mukasui' hati kami, datue'-datue' Nan Tigo Balai, ko' tali iolah handa' mamutuih, Janta' iolah handa' mantjabui', itulah nan niat hati kami, nan kami sambahkan kapado datue' nan kaampe' suku; sadjo io handa' pitua djuo kami dari datue' nan kaampe' suku,ba' apo-apo nan kan tibonjo, tantangan niat kami 'tu, sakian sambah pado datue'."
Mambaleh datue' nagari: „Mano Datue' Lulo Nan Purich, managa datue' sakutiko, ama'lah kami paiokan."
Maningkah Datue' Lêlo Nan Putieh: Alhamdulillah parēnaïlah datue'."
Dalam sabanta itu djuo, bamupakatlah datue' kaampe' suku, akan mandjawab sambah itu; adolah garan sakutiko, dapelah pulo kabulatan. ulieh datue' kaampē' suku, akan mandjawab sambah itu, lalu bawakie maso itu, kapado Datue' Mage' Djabang, itulah pangulu tjadie' pandai di dalam Malaju Mandahilieng, lalu manjambah anjolai . [ 152 ]..Maminta ampunlah sajo pado karapatan datue', sarato partiapan tuan manti pagawai, dangan tuan urang kajo-kajo, nan saisi-isi rumah nan gadang 'ko; sajo manjambah tida' akan tahato 'akan tabilang, sambah sajo mandjalani kaharibaan sagalo datue' sado nan halie, di Datue' Lelo Nan Putieh tampe' tibo sambah."
„Kapado Allah manitahlah datue'," djawab Datue' Lēlo Nan Putieh. Maulang Datue Mage' Djabang: „Apolah nan kan sambahkan ? Nan ba' pitua datue' tadi, karano datue' nan baru 'ko, de' ‘adat datue dalam nagari, iolah tapawi' batali tatambang balanta' namonjo.
Sakarang nan sapandjang niat hati, datue'-datue' dalam Patapang Nan Tigo Balai, ko' tali iolah handa' mamutuih, ko' lanta' iolah handa' mantjabui', ba'itu panjambahan datue'."
,,Sabananjo," djawab Datue' Lēlo Nan Putieh.
Maulang Datue' Mage' Djabang: „Limbagolah itu nan taniat ulieh datue Nan Tigo Balai, itulah nan kahanda' hati kami pulo, lah putjue' ditjinto ulam tibo itu di kami, alhamdulillah akan djawabnjo, kami tarimo baje' sadjo."
Mambaleh Datue' Lēlo Nan Putieh: „Malah ba'itu kato datue', sananglah itu hati kami. Sungguhpun itu damikian, sabarih lai sambah sajo, di Datue' Mage' Djabang djuo tampe' tibonjo."
,,Kapado Allah manitahlah datue'," djawab Datue' Mage' Djabang. Maulang Datue' Lēlo Nan Putieh: „Kato dahulu basitinah, kato kamudian basitjapē', basitjapē' sadjo sajo djan datue', sambah djan simpueh pamanuehi.
Iolah manurui' 'adat kito djuo, nan baturun banale'kan, nan baitjo nan bapakai, didalam nagari kito iko, tipa' dinan sarupo 'ko, iolah barutang namonjo datue' nan baru, kapado datue' nagari, utang nan sapandjang adat; apolah nan djadi utang de' baliau, kapado datue' nagari,iolah kabau nan saikue, sarato bareh nan saratuih, dangan kilang nan sagutji, dangan ameh nan duo pulueh. Iokoh itu nan djadi utang de'baliau, kapado datue' nagari, atau bagaimanokoh nan sabananjo, ama'pitua djuo kami dari datue', karano kadji lah lamo ta' basabui'?”
Mambaleh Datue' Mage' Djabang:,,Mano Datue' Lēlo Nan Putieh,sabananjo itu titah datue', ka lupolah malim di surē'njo."
Maulang Datue' Lelo Nan Putieh: „Nan biaso djuo pado kito, tipa' di utang nan itu, djoko' alah babaieran, kalau balun badjandjian ; Jokoh ba'itu pulo nan sapandjang ‘adat kito ?"
,,Sabananjo," djawab Datue' Mage' Djabang.
Maulang Datue' Lēlo Nan Putieh:,,Kini nan taniat di hati kami,datue'-datue' dalam Patapang Nan Tigo Balai, sarato datue' nan baru
iko, manurui' 'adat datue' nagari djuo, lapēh utang de' babaie, lapēh kabē de' baungkai,
Nan sakarang kini nangko, kalau ado mudah-mudahan. tipa' di utang datue' nan baru, alah sakato kami datue'-datue', dalam Patapang Nan Tigo Balai, iolah handa' mambaie lansai sakali, kapado datue' nagari, supajo ama' bakalapēhan, antaro baliau dangan datue' nagari: itulah nan sajo sambahkan, kapado datue' kaampē' suku, ama' pitua djuo kami dari datue' sado nan halie, tantangan rundiengan itu."
Mambaleh Datue' Mage' Djabang: „Djoko' itu nan panitahan, managa datue' sakutiko, ama'lah sajo parundiengkan, dangan datue' sado nan halie."
Mandjawab Datue' Lēlo Nan Putieh: Insja' Allah baie'lah itu."
Dalam sabanta itu djuo, manjambahlah Datue' Mage' Djabang, kapado datue' kaampe' suku, manjambahkan kato itu, makasui' datue' Nan Tigo Balai, handa' mambaie utang datue' nan baru, kapado datue' nagari alah sabanta injo barundieng, dapë'lah pulo kabulatan, ulieh datue' kaampē' suku.
,,Sadionjo kito akan manunggu, kapado datue' Nan Tigo Balai; nan kan sakarang kini nangko, alah titie' sadjo itu ba' hudjan, alah hinggo' sadjo itu ba' langau; alhamdulillah itu dikito, kito tarimo suko sadjo," kato datue' kaampē' suku; „,,ato hanjo nan kini nangko, mangumbali djuolah kami kadatue', malalukan kato itu."
Mandjawab Datue' Magē' Djabang ,,Malah ba'itu sakato datue",kamano pulo hambo ka lari, tatapi sabuah pinta' hambo, ko' pandjang minta dikarē', ko' singkē' minta' dihubuang djuo, ulieh datue' sado nan halie.”
Mambaleh datue' nagari: „Insja' Allah baie'lah itu. Parēnaï malah datue'."
Dalam sabanta itu djuo, manjambah pulo Datue' Mage' Djabang,kapado Datue' Lêlo Nan Putieh:,,Maminta' ampun djuolah sajo,didatue' nan saisi rumah nan gadang 'ko; tida' akan tahato' akan tabilang. sambah sajo mandjalani datue' sado nan halie, di Datue' Lēlo Nan Putieh tampe' sambah tibo."
..Kapado Allah manitahlah datue'," djawab Datue' Lêlo Nan Putieh. Maulang pulo Datue' Mage' Djabang: „Nan sapandjang pitua
datue tadi, alah sudah sajo parundiengkan, dangan dansana' sadonan rape'. [ 154 ]Page:Mustiko Adat Alam Minangbakau.pdf/154 [ 155 ]Nan Tigo Balai, sabab banja' djuo nan muskil, pado diri kami masieng-masieng, djoko' ado dangan kamurahan datue' Nan Tigo Balai, kapado kami datue' sado nan halie, maminta' djuo kami pado datue', ko' laï akan mungkin, surang djan baduo kami datue' nagari, mano-mano nan lapang sakete, paï manurui'kan datue' hari barisue', akan paï kapakan 'tu.Laikoh akan djadi ba'itu?"
Mandjawab Datue' Lēlo Nan Putieh: Mano Datue' Mage' Dja- bang, malah de' kato samupakat, paï lah djo parundiengan, tingga lah dangan paioan, apo pulo akan salahinjo? Kami tarimo suko sadjo, nan panitahan datue' itu."
Mambaleh Datue' Mage' Djabang „Malah ba'itu kato datue', managa datue' sakutiko, ama' kami parundiengkan."
Maningkah Datue' Lelo Nan Putich: Alhamdulillah parënaïlah datue'."
Dalam sabanta itu djuo, sagalo datue' kaampe' suku, lalu barundieng anjolai, mantjari kato kabulatan: sagalo datue' kaampē' suku, mantjari kawannjo nan lai lapang, nan kan manurui'kan datue' Nan Tigo Balai, akan paï kapakan barisue'.
Ado sabanta antaronjo, dapē'lah pulo kabulatan, de' datue' kaampē' suku, dapē batigo datue'-datue'. nan kan paï kapakan, manurui'kan datue' dalam Patapang Nan Tigo Balai, satu Datue' Madjo Nan Hitam, dalam Malaju Mandahilieng, kadun Datue' Sarindo Nan Kunieng, didalam Bodi Tjaniago, katigo Datue' Sari Maharadjo. datue' didalam Koto Piliang itulah datue' nan kan paï kapakan. manurui'kan datue' Nan Tigo Balai.
Alah sudah injo barundieng, manjambah Datue' Mage' Djabang, kapado Datue' Lêlo Nan Putieh; ba'itu huni sambahnjo: „Mano Datue' Lêlo Nan Putich, sarato nan rapë' samonjo, sado nan halie dirumah 'ko! Sajo mandatangkan sambah, di Datue' Lēlo Nan Putieh ditto tampē' tibonjo sambah sajo.
Apolah nan akan sajo sambalikan ? Adapun nan parmintaan datue' dalam Patapang Nan Tigo Balai tadi, kapado kami datue' nan kaampe' suku, iolah ama' samo-samo kito kapakan barisue', mambali pamakan nasi, nan kan untue' djamuan datue' nan baru.
Kini karano banja' pulo lial, nan malintangi diri kami masieng-masieng, itupun de' kamurahan datue' Nan Tigo Balai, alah suko pulo datue', ko' mano nan aga' lapang sadjo kami paï, manurui'kan datue' barisue. Sakarang nan kabulatan kami datue' kaampë' suku, alah mamulangkan kami kapado balinu, Datue' Madjo Nan Hitam. Datue' Sarindo
Nan Kunieng, djo Datue' Sari Maharadjo; baliau-balian itulah nan kan [ 156 ]manjaratoi datue' dalam Patapang Nan Tigo Balai, akan mandjadi wakie datue' kaampē' suku, nan tida' sampat manjaratoi datue' 'tu; itulah nan sajo sambahkan kapado datue'."
Mandjawab Datue' Lēlo Nan Putieh: „Mano Datue' Mage' Dja- bang, malah ba'itu titah datue', alhamdulillah itu di kami, kami tarimo suko sadjo. Ato hanjo akan sabuah, maminta' pulo kami kapado baliau,djoko' ado mudah-mudahan, ama' sugiro pulo baliau datang barisue",supajo samo sarangkē' kami dangan baliau dari siko; itulah pulo nan pangharapan kami."
Mandjawab Datue' Madjo Nan Hitam, dangan Datue' Sarindo Nan Kunieng, sarato Datue' Sari Maharadjo: „Mano Datue' Lēlo Nan Putieh, di Datue' tibo sambah kami."
,,Kapado Allah manitahlah datue"," djawab Datue' Lêlo Nan Putieh. Maulang Datue Madjo Nan Hitam: „Tantangan pado diri kami nan batigo, maminta'lah kami kapado datue' dalam Patapang Nan Tigo Balai, dari nan kamari barisue' 'tu, bari ma'aflah sadjo kami banja'-banja'; usah laï kami kamari pulo, bialah ama' kami turui' sadjo datue' Patapang Nan Tigo Balai kapakan 'tu barisue', dipakan sadjolah kito batamu."
Mambaleh Datue' Lêlo Nan Putieh: „Mano Datue' Madjo Nan Hitam, sarato katigonjo datue' Piliang, dangan datue' di Tjaniago, nan kan samo djan kami barisue'! Elo'lah samo-samo djuo kito dari siko, sudah makan kito badjalan !"
Maulang Datue Madjo Nan Hitam: Tantangan parakaro minum makan 'tu, marilalah kami nan batigo, usah laï datue' susahkan pulo, tida'lah itu akan mangapo; ba'apo hari nan barisue', malah tibo kito dipakan, ama' djangan pulo batjari-tjarian, bialah ama' kami turui'i sadjo datue' kapakan kabau, disitu sadjo kito banantian."
Maulang Datue' Lēlo Nan Putieh: „Malah ba'itu kato datue', akan ba' apo pulo laï, manurui' pulo malah kami, dipakan sadjo malah kito basuo barisue"."
Alah habih rundiengan itu, taga'lah pulo surang manti, dari datue' Nan Tigo Balai, bagala Rangkajo Bungsu, lalu manjambah maso itu, karano djamba alah talata', samantaro datue' barundieng tadi; ba'itu buni sambahnjo:
,,Maminta ampunlah sajo pado datue' sado nan rape', saisi rumah nan gadang 'ko, sarato partiapan tuan manti pagawai, dangan tuan ana urang kajo-kajo; sajo manjambah tida' akan tahato' akan tabilang, sambah sajo mandjalani datue' sado nan halie. Apolah nan akan sajo sambahkan, karano aie alah sadio, hēdangan alah salamat, diharibaan dalue' kaampë“ suku. Sadjo iolah saparati aie ama' didjawē', djamuan [ 157 ]ama' disanto'; sambah sajo naie', titah datue' djuo sajo puhunkan, ampunlah sajo de' datue'."
Mandanga kato nan ba'itu, bamupakatlah pulo datue'-datue' kaampë' suku, akan mambalēh panjambahan itu; ado sabanta antaronjo,dapē'lah pulo samupakat, akan manarimo panjambahan itu, lalulah pulo bawakie, io datue' kaampē' suku, kapado saurang mantinjo, nan bagala Sutan Madjo Lělo.
Manjambahlah Sutan Madjo Lēlo, damikian buni sambahnjo: ..Maminta' ampunlah sajo, diharibaan datue' kaampē' suku, sarato tuan urang kajo-kajo, dan partiapan tuan manti pagawai, sado nan rape' saisi rumah nan gadang 'ko dituan Rngkajo Bungsu tampē' tibo sambah."
..Kapado Allah manitahlah tuan," djawab Rangkajo Bungsu.
Maulang Sutan Madjo Lelo: „Mano tuan Rangkajo Bungsu! Nan panjambahan tuan tadi, usah kato akan diulang-ulang, karano hari alah baie, kutiko alah ĕlo', ko' aie alah salamat, dan djamba alahlah halie, diharibaan datue' kaampē' suku sado nan halie; saparati aie ama' didjawe', dan hēdangan handa' disanto', de' datue' sado nan halie; ba'itu panjambahan tuan." " ,,Sabananjo," djawab Rangkajo Bungsu.
Maulang Sutan Madjo Lēlo: „Kalau itu nan panjambahan, putjue' ditjinto ulam tibo, manarimo kasieh kami banja'-banja', utjapan datue' Nan Tigo Balai."
,,Alhamdulillah, itulah nan kahanda' hati." djawab Rangkajo Bungsu pulo.
Dalam kutiko itu djuo, sasudah sambah-manjambah 'tu, barulah makan sagalo datue'-datue' 'tu. Sasudahnjo makan minum, ditatieng urang pulolah tjarano sirieh, makan siriehlah pulo datue'-datue' itu sakapue surang. Mangko pado ukatu itu djuo, bamupakatlah sagalo datue'2 kaampě suku ditangah rumah, akan maminta' idjin kapado datue'-datue' dalam Patapang Nan Tigo Balai, karano minum alah makanpun alah, dan niat djo kauepun alah baraso sampai. Itupun disuruehlah surang mautinjo, taga' manjambah maminta'kan idjin, kapado datue' Patapang Nan Tigo Balai, handa' mamuhun kumbali katampē' masieng-masieng; adolah nan disuruchnjo pado kutiko ‘tu, iolah Sutan Madjo Lelo djuo, lalu manjambah damikian buninjo:
..Maminta' ampunlah sajo kapado karapatan sagalo datue' sado nan rapē', sarato partiapan tuan manti pagawai, dan tuan urang kajo-kajo, sado nan halie saisi-isi rumah nan gadang 'ko; sajo mandatangkan sambah, tida' akan tahato' akan tabilang, sambah sajo mandjalani datue' [ 158 ]sado nan halie; sajo rapa' panjambahan katangah, sungguehpun ditangah didatue Patapang Nan Tigo Balai tampe tibo sambah."
,,Kapado Allah, manitahlah pagawai," djawab datue' dalam Patapang Nan Tigo Balai.
Maulang Sutan Madjo Lêlo: „Apolah nan akan sajo sambahkan ? Karano hari alah baie', kutiko alah ēlo', minum alah makan alah, niat djo kaue datue' Nan Tigo Balaipun baraso alah salamat pulo. Kini nan parmintaan datue'-datue' sado nan halie, kaharibaan datue' dalam Patapang Nan Tigo Balai, handa' bamain-main kabawah, kumbali katampĕ' masieng-masieng; sadjo io ama' dibari idjin, dē' datue' Nan Tigo Balai, sarato datue' isi rumah, dangan datue' nan baru; sakian sambah sajo kapado datue'."
- Maningkah datue' nan Tigo Balai: Alah sampai de' pagawai ?"
- ,,Alah sadang élo'," djawab Sutan Madjo Lēlo.
Maulang Datue' Nan Tigo Balai: „Managa pagawai sakutiko, amalah kami paiokan, parmintaan baliau itu."
„Alhamdulillah, parēnaïlah datue'," djawab Sutan Madjo Lēlo. Dalam sabanta itu djuo, mangko baiolah pulo datue'-datue Nan Tigo Balai, sarato datue' nan baru, dan datue'-datue' isi rumah 'tu. Talah samupakat kasamonjo, mangko disuruehlah pulo saurang mantinjo, ulieh datue' Nan Tigo Balai, akan mandjawab sambah itu, iolah Rangkajo Bungsu djuo; pado maso itu. mangko badirilah pulo Rangkajo Bungsu, lalu manjambah damikian buninjo:
..Maminta ampunlah sajo, diharibaan datue' sado nan rape', saisi- isi rumah nan gadang 'ko, sarato partiapan tuan manti pagawai, dangan tuan urang kajo-kajo; sajo manjambah tida' akan tahato' akan tabilang. malainkan sambah djuo mandjalani datue' sado nan halie; sajo rapa panjambahan katangah, sungguchpun ditangalı, dituan Sutan Madjo Lelo tampe tibo sambah."
Kapado Allah manitahlah tuan," djawab Sutan Madjo Lēlo. Maulang Rangkajo Bungsu: „Apolah nan akan sajo sambahkan? Nan ba' pitua tuan tadi, karano hari alah baie', kutiko alah ĕlo', minum alah makanpun alah, ko' niat djan kaue datue'-datue' Patapang Nan Tigo Balai alahlah baraso salamat, ba'ato kini sagalo datue' sado nan halie. maminta' idjin kumbali katampe' masieng-masieng; ba'itu panitahan."
„Sabananjo." djawab Sutan Madjo Lēlo.
Maulang Rangkajo Bungsu: „Inda' laï, limbago lah ba'itu; nan niat datue' sado nan rape', alah dilapěh dē' datue' Patapang Nan Tigo Balai, dangan datue' nau baru, sarato datue' isi rumah, dangan hati nan [ 159 ]sutji, muko nan djaranieh: djoko' untuang pambari Allah, djangan tjatjē maro malintang, salamat sadjo sampai pulang."
..Alhamdulillah," djawab Sutan Madjo Lēlo pulo.
Alah habih sambah manjambah, barulah datue' sado nan halie 'tu, pulang kumbali katampē'njo masieng-masing. Alah sampai hari nan barisue', hari Kamih sahari 'tu, kiro-kiro pukue tudjueh, alah paï batigo datue' dalam Patapang Nan Tigo Balai, barampe' dangan Datue' Maharadjo, ipa datue' Radjo Pangulu; dibaonjo pulo ana' buah, adolah ampē limo urang, nan kan mambao kabau itu, sarato barang nan lain-lain; alah tibo injo dipakan, lalu baranti pulo sabanta, dudue' maroko' tapi pakan. Alah sabanta antaronjo. kiro-kiro pukue sabaléh, alah banja' kabau nan datang, lalu paï kapakan kabau, lalu dilië' dipandangi; io datue man batigo, batamulah pulo maso itu, lalu dibao minum kopi, kalapau didakē' 'tu, diagieh pulo makan sakali. Alah sudah minum dan makan, dibaie utang anjolaï. io de' Datue' Maharadjo, nan mamatjiuang balandjo: alah sudah utang dibaienjo, haru badjalan masue' pakan. sagalo datue' nan tadi, mantjari kabau nan kan dibali, ditindjau-tindjau dari djauch, dipatui'-patui' dipandangi, iolah kabau didalam pakan, diliē' kiri dangan kanan, ditjari hilie dangan mudie', didjalani pakan samonjo, dari udjuang lalu kapangka, mamandangi kabau nan kan dibali, Sudah talië samonjo, alah dipilieh mano nan. patui', nan sadang elo' akan paguno: itupun alah tampa' pulo, ditanjokan urang nan punjo:alah basuo maso itu, lalu ditanjo kapadonjo: „Kabau dari mano iko?"
De' urang nan punjo kabau, ditundjue'kan pulo nagarinjo, dari mano kabau dibaonjo. Alah tantu koto nagarinjo, alah dipalieng kabau itu, dipandangi basamo-samo: alah sudah kabau dipandangi, ditanjokan pulo haragonjo; mandjawab nan punjo kabaut. disabui'kannjo haragonjo. Mambaleh datue' nan batanjo: „Maha bana itu tuan; kini ba'itulah de' tuan, kami baie sadjolah sakian." Diminta' aga' dibawah, tida'lah. amueh nan punjo kabau, diulang sakali laï: „Itulah patui' haragoujo, usah lai tuan tahan djuo, de' kami tida' kan djagalan, iko kabau ka kami dabieh kalau amueh tuan sakian, ama' kami baie haragonjo, minta'kanlah sure' kini-kini, sabab kami 'ko handa' lakeh."
Mandjawab nan punjo kabau: „Ko' hanjo ba' pinta' datue' 'tu.tida lah lapēh kabau iko, alah diatēh urang dari itu."
Dalam sabanta itu djuo, badjalanlah pulo datue' tadi. mantjari kabau nan lain dalam injo badjalan 'tu, alah barundieng-rundieng djuo.mamparundiengkan kabau tadi: „Itulah patui' kito bali, tida'lahı maha kabau itu, dalam pikieran hati hambo." Kato datue' nan surang laï :
..Sakianlah patui' kito bali," disabui'njo tantang nan patui', Alah sakato [ 160 ]pulo disanan, badjalan djo maso itu, maliē' kabau nan lain; dalam injo badjalan 'tu, lalu disuruch saurang datue', manindjau kabau nan tadi, mohago sakali lai; itupun hampielah badapē', adolah garan salisiehnjo, sakiro duo tigo rupiah. Alah babalie' datue' itu, kapado kawannjo tadi. mangatokan hampie badapē'; dalam sabanta itu djuo, alah dipadu parundiengan, itupun sakato anjolaï, akan mambali kabau itu, ba'apo kato urang nan punjo, karano lah patui' haragonjo.
Dalam sabanta itu djuo, alah babalie' datue' tadi, maulang kabau nan tadi, mahabihkan parundiengan; alah badapë' maso itu, dapē'lah pulo turun sakëtë', dari nan dimupakati tadi; disabui' nan punjo kabau, diulang sakali laï, mananjokan balinjo 'tu:,,Sabui'kan sadjolah nan bana, ama' de' kami kabau iko," katonjo datue' nan mahago. Alah diturunkan pulo de' urang 'tu, adolah kiro satu duo rupiah, alah diminta' di nan patui, hampie badapë' anjolaï, samo batahan kaduonjo; adolah duo tigo kali, samo pinta'-maminta' djuo, alah badapē' maso itu, alah suko nan punjo kabau, lalu dibari tando djadi, disurueh minta'kan pulo sure'njo. Alah sudah sure' diminta'kan, lalu dibaie haragonjo; alah sudah bakarilahan, disurueh bao kabau itu, kapado ana' buahnjo tadi, dibari pulo balandjonjo.
Alah sudah mambali kabau, sagalo datue' nan tadi, kalua dari pakan kabau, katangah pasa anjolaï; disurueh pulo ana' buah, mambali barang nan lain-lain, apo-apo barang nan kurang, baie' alat pamasa'njo, nan kan pamasa kabau tadi alah salamat ditundjue'kan, pailah pulo sambahjang Juhue, sagalo datue' nan tadi; babalie' dari sambahjang. diulang pulo minum kopi, kalapau ditangah pakan. Alah sudah injo minum kopi.dibari pulo balandjonjo, sagalo datue'-datue' tadi, man kan pambali daun djan timbakau; mulo-mulo tida' injo amueh, manarimo balandjo itu,malainkan injo babaso djuo; tatapi de' datue' Nan Tigo Balai, disurueh tarimo djuo kepeng itu, sabab ba'itu nan biaso, karano injo urang dibao.
Alah sudah ditarimonjo, de' datue' nan tigo suku, diambie'kan puloitu sakali, halandjo datue' Nan Tigo Balai, io de' Datue' Maharadjo, ipa Datue Radjo Pangulu, sarato ana' buah itu, dibari balandjo samonjo. Sudah dibari samonjo, lalu badjalan masue' pakan, mambali apo nan katudju, uatue' dirinjo masieng-masieng; sudah salasai dari itu, lalulah pulang anjoli, sagalo datue'-datue' itu.
Alah sampai pulo isue' harinjo, hari Djuma'at sahari 'tu, alah rape' pulo datue' nagari, karumah Datue' Radjo Pangulu, nan lah dipanggi kapatang, io de' budjang main pantan, sabab hari nan sahari 'tu, iolah datue' Nan Tigo Balai, akan maundjue'kan kabau, sarato bareh nan saratuih, dangan kilang nan sagutji, sarato amēh nan duo pulueh, baieran [ 161 ]utang datue' nan baru, kapado datue' nagari. Alah rape samonjo. sagalo datue' kaampe' suku, dudue' baatue atëh rumah, lalu manjambah maso itu, iolah Datue' Lēlo Nan Putieh, kapado datue' sado nan rape',ba'itu buni sambahnjo:
,,Maminta ampunlah sajo pado karapatan datue' sado nan halie, nan saisi-isi rumah nan gadang 'ko: sajo manjambah tida' akan tahato' akan tabilang, sambah sajo mandjalani datue' sado nan halie, sajo rapa' panjambahan katangah, didatue' sado nan halie tampe' tibo sambah."
,,Kapado Allah, manitahlah datue'," djawab datue' nagari dari tangah.
Maulang Datue' Lēlo Nan Putieh: Apolah nan akan sajo sam- bahkan, kaharibaan datue' sado nan halie, iolah tipa' di diri baliau datue nan baru 'ko; karano de' 'adat datue' dalam nagari, baliau tapaui' batali tatambang balanta', alah bautang baliau sapandjang 'adat, kapado datue' nagari. Nan sapandjang ‘adat kito djuo, lapēh utang de' babaie, lapēh kabe' de' baungkai. Kini karano datue' nagari alah halie, alahkoh djadi sajo manjabui', nan taraso dihati nan takalang dimato ? Tantangan itu ama' pitua djuo sajo dari datue' nagari !"
Mambaleh datue' dari tangah: „Mano Datue' Lélo Nan Putieh. di datue tampe' sambah tibo," katonjo Datue Machudum Sati, nan djadi wakie datue' nagari dari tangah.
,,Kapado Allah, manitahlah datue'," djawab Datue' Lēlo Nan Putieh. Maulang Datue Machudum Sati: „Djoko laï nan taraso dihati, nan takalang dimato, nan ka datue' sabui'kan kapado kami, datue kaampē' suku, alahlah sadang ělo' rasonjo; parēnaïlah datue' !"
Maulang Datue' Lêlo Nan Putieh: Alhamdulillah, ama'lah sajo sabui nan taraso dihati, nan takalang dimato; tatapi ko' pandjang ama' dikarē', singke' dihubuang djuo, de' datue' sado nan halie.
Adapun tadi sudah sajo sambahkan, tantangan dari datue' nan baru, de' 'adat datue' dalam nagari, iolah bautang baliau sapandjang 'adat. alah tapaui' batali, alah tatambang balanta', baliau dē' 'adat kito basamo-samo.
Ba'ato kini nan djadi niat de' kami, datue' NanTigo Balai, sarato datue' nan baru; ko' utang baliau 'tu, iolah handa' mambaie kami hari nan kini, kapado datue' nagari, dan tali iolah handa' mamutuih, lanta' iolah handa' mantjabui' kami. Itulah niat dihati kami, datue' Nan Tigo Balai, sarato datue' nan baru; tantangan itu iolah handa' pitua djuo kami dari pado datue' sado nan halie; sakian sambah sajo.'
Mambaleh Datue' Machudum Sati:,,Mano Datue' Lēlo Nan Putieh! Alah sampai dē' datue'?" [ 162 ],,Alah sadang," djawab Datue' Lēlo Nan Putieh.
Maulang Datue' Machudum Sati: Managa datue' sakutiko, ama kami paiokan sabanta."
,,Alhamdulillah, parēnaïlah datue'," djawab Datue' Lēlo Nan Putieh.
Dalam pado itupun balēga-lēgalah pulo, sambah-manjambah datue' nagari ditangah, mamparundiengkan kato itu; ado sabanta antaronjo. dapë'lah pulo kabulatan, lalu mamulangkan pulo datue' nagari kumbali. akan mandjawab sambah itu, kapado Datue' Machudum Sati. Tatapi de' Datue' Machudum Sati, karano baliau alah aga' tuo sakėtė', suaro alah aga kurang djalëh, mangko baliau pulangkanlah pulo, akan manjampaikan panjambahan 'tu, kapado Datue' Lēlo Maharadjo, saurang pangulu nan tjadie' pandai djuo. pangulu andiko dalam kampuang Piliang. Mangko baliau tarimolah pulo parmintaan itu, lalu manjambah pulo damikian :
,,Maminta ampunlah sajo pado datue' sado nan halie, saisi-isi rumah nan gadang 'ko, sarato partiapan tuan manti pagawai, dangan tuan urang kajo-kajo; sajo manjambah tida' akan tahato' akan tabilang, sambah sajo mandjalani datue' sado nan halie saja rapa' panjambahan katangah, sungguehpun ditangah, di Datue' Lēlo Nan Putieh tampe tibo sambah."
,,Kapado Tuhan kito, manitahlah datue'," djawab Datue' Lêlo Nan Putieh.
Maulang Datue' Lêlo Maharadjo: „Apolah nan akan sajo sam- bahkan? Nan ba'pitua datue' tadi, karano baliau datue' nan baru 'ko. de' 'adat datue' dalam nagari, iolah tapaui batali tatambang balanta'. alah bautang sapandjang 'adat baliau, kapado kito datue' nagari. Kini nan djadi niat de' datue' dalam Patapang Nan Tigo Balai, sarato datue nan baru, mangko didaga kami datue' nagari kamari, iolah tantangan utang baliau 'tu, alah handa' mambaie datue' Nan Tigo Balai; ko' tali alah handa mamutuih, lanta' alah handa' mantjabui' datue' Nan Tigo Balai, pado hari nan kini, iokoh ba'itu panitahan datue."
,,Sabananjo," djawab Datue' Lêlo Nan Putieh.
Maulang Datue' Lelo Maharadjo:,,Limbago alah itu nan taniat. de' datue Nan Tigo Balai, alah putjue' ditjinto ulam tibo itu di kami, alhamdulillah akan djawabnjo: kami tarimo suko sadjo."
Maningkah pulo Datue' Lēlo Nan Putieh: .,Malah ba'itu kato datue', sukolah itu hati kami; sungguhpun itu damikian, sabarih lai sambah sajo, kapado datue' sado nan halie, di datue' djuo tampe' tibonjo."
,,Kapado Allah, manitahlah datue'," djawab Datue' Lelo Maharadjo.
Maulang Datue' Lēlo Nan Putieh:,,Apolah nan akan sajo sam[ 163 ]bahkan, iolah tantangan nan tadi djuo, nan ba' pitua datue' nan tuo-tuo: lama' laue' dikunjah-kunjah, lama' kato dipakatokan, karano kami datue'. datue' Patapang Nan Tigo Balai, sarato datue' nan baru, alah akan mambaie utang nan sapandjang 'adat, kapado datue' nagari, dan datue'- datue' nagaripun lah samo-samo suko pulo, akan manarimo baieran
itu, kini supajo tarang ama' bakatarangan, njato ama' bakanjatoan, adapun nan djadi utang de' baliau datue' nan baru, kapado datue' nagari, tipa' di nan sarupo iko, iolah kabau nan saikue, bareh nan saratih, kilang nan sagutji, dangan aměh nan duo pulueh. Iokoh itu nan djadi utang de'
baliau, kapado datue' nagari atau tidakoh, karano de' banja' ragu? Kadji lah lamo tida' basabui'; itulah nan kami tarangi. kapado datue' sado nan halie, ama' pitua djuo kami dari datue' nagari tantangan itu."
Mambaleh Datue' Lēlo Maharadjo: ..Mano Datue' Lêlo Nan Putieh Di datue' tibo sambah sajo."
,,Kapado Allah, manitahlah datue'." djawab Datue' Lêlo Nan Putieh.
Maulang Datue' Lelo Maharadjo Apolah nan akan sajo sambahkan? Nan ba' pitua datue' tadi, usah kato akan diulang, adapun nan djadi utang de' baliau datue' nan baru, kapado datue' nagari, tipa' di nan sarupo iko, iolah kabau nan saikue, dangan bareh nan saratuih, sarato kilang nan sagutji, dangan aměh nan duo pulueh. Tokoh itu nan djadi utang, de' baliau kapado datue' nagari, atau tida'koh; itu nan djadi panjambahan dē' datue' Nan Tigo Balai, kapado kami datue' nagari ?"
,,Sabananjo," djawab Datue' Lēlo Nan Putieh.
Maulang Datue' Lēlo Maharadjo: „Kalau itu nan datue' tanjokan, itulah kato sabananjo; tida' salisieh itu laï, Jah tantang aie lapēh tubo, alah tahimbau dinamonjo, alah taturui' didjalannjo, tida' barubah itu laï kan lupolah malim di surē'njo !"
Mambaleh Datue' Lēlo Nan Putieh Limbago alah itu, nan utang de' baliau datue' nan baru, kapado datue' nagari. Kini karano hari lah baie, kutiko alah ēlo', nan pangharapan kami datue' Nan Tigo Balai, ama'lah ditarimo sakali hari nan kini, io de' datue' nagari, sagalo nan djadi utang de baliau 'tu, supajo ama' bakalapasan, baliau dangan datue' nagari, tantangan utang baliau itu. Tipa' di kabau nan saikue, itulah tapaui' dihalaman; ko' barêh nan saratuih, kilang nan sagutji, sarato améh nan duo pulueh, ikolah diatěh rumah: sadjo iolah ama' dilië' ditarimo sakali, de' datue' sado nan halie, supajo buč' ama' habih, kato ama' salasai. Itulah nan djadi pangharapan, ulieh kami datue' Nan Tigo Balai, sarato datue' nan baru, kapado datue' nagari."
Dalam kutiko itu djuo, ditatieng uranglah aměh nan duo palueh 'tu, talata' dalam satu bungkusan, iolah sapu tangan kaamasan, diatěh [ 164 ]tjarano batirai, kahadapan sidang karapatan datue' nagari, ditatieng ulieh saurang mantinjo, dangan pakaian saparati patui', sarato basimpueh mala'ta kan uang 'tu, dihadapan datue' kaampe' suku. Alah sudah tjarano itu talata', mangko bamupakatlah datue'-datue' nagari ditangah rumah itu, tantangan manarimo sakalian baieran, utang datue' nan baru itu. Alah sabanta antaranjo, datue'-datue' itu barundieng, sambah-manjambah datue' ditangah, bagaimano manarimo baieran utang datue' nan baru itu; sakiro-kiro damikian buni parundiengan, datue' nan ditangah 'tu:
Mano datue' nan diudjuang nan dipangka, nan ditangah nan ditapi, sarape'njolah datue' kaampē' suku, nan saisi-isi rumah nan gadang "ko," sambah Datue Lēlo Maharadjo. ,,Karano baliau datue'-datue' Patapang Nan Tigo Balai, alah malata'kan baieran utang datue' nan baru, kaharibaan datue' sado na halie, alahkoh akan djadi kito tarimo, ama'ah sadjawab kito nan basamo?"
Mandjawab datue' nagari kiri dangan kanan: „Mano Datue' Lēlo Maharadjo! Karano alah itu nan panjambahan datue' Nan Tigo Balai, kapado datue' nagari, alah sapatui'njo bana datue' nagari manarimo baieran 'tu, supajo ama' bakalapēhan antaro kito, dangan baliau tantangan itu, karano sapandjang pitua datue' djuo, lapeh utang de' babaie, lapeh kabe' de' baungkai; kini karano baliau handa' lapēh dari pado utang baliau 'tu, alah baliau undjue'kan kapado kito apo-apo nan akan pambaienjo; alah wadjib pulo di kito manarimonjo itu, supajo ama' samo-samo bakasanangan, antaro kito kaduo balah piha' dangan baliau. Atonjo akan sabuah, nan ba' pitua datue' djuo, sudaḥ gajuang dibalabēh. sudah kato dipangkanjo; ba'apo kini laï, nan kabulatan kami nan basamo tantangan akan manarimonjo 'tu, iolah mangumbali djuo kami ka datue'.'
Maningkah Datue' Lēlo Maharadjo, sambie manjambah damikian „Maminta ampunlah djuo sajo, diharibaan datue' kaampē' suku sado nan halie, tantangan akan manarimo 'tu; maminta'lah sajo kapado datue' sado nan halie, karano hambo 'ko kurang pandape' tantang itu, ama'la datue nan lain pulolah manarimo 'tu, dari datue' Nan Tigo Balai : sakian sambah sajo kapado datue' sado nan halie."
Maningkah datue' nagari :,,Mano Datue' Lēlo Maharadjo! Didatue tibo sambah kami."
Kapada Tuhan kito," djawab Datue' Lelo Maharadjo.
Maulang datue' kaampe' suku: „Tantangan manarimo itu, usahlah duo tangan pulo kito laï, malainkan sagalo kami datue' kaampē' suku sado nan halie, alah bule' sagole', pipih salajang kami nan basamo, malainkan datue' djuo nan akan manarimonjo 'tu, dari pado datue' Nan Tigo Balai." [ 165 ]Mambaleh Datue' Lelo Maharadjo: „Limbago alah ba'itu, kabulatan datue' sado nan halie, karano pitua datue' djuo: ko' digajuti batu alah akan tinggalam, ko' digajuti sabui' iolah akan tarapuang, kini karano lah bulē' datue' kaampē' suku manjuruehkan sajo, kamano pulo sajo ka lari ama sajo tjubo-tjubo malah, sakada dapē' de' sajo; tatapi pangharapan sajo ka datue' sado nan halie, ko' pandjang ama' dikarē', singke ama' dihubuang djuo sajo de' datue."
Parenaïlah datue'," djawab datue' nagari.
Mangko manjambahlah Datue' Lēlo Maharadjo: ..Maminta ampunlah sajo pado datue' sado nan rapë', sarato partiapan tuan manti pagawai, dangan tuan urang kajo-kajo, saisi-isi rumah nan gadang 'ko; sajo manjambah tida' akan tahato' akan tabilang. sambah saĵo mandjalani datue' sado nan halie, sajo rapa' panjambahan katangah, sungguehpun ditangah di Datue' Lelo Nan Putieh tampe' tibo sambah,"
..Kapado Tuhan kito," djawab Datue' Lelo Nan Putieh.
Maulang Datue' Lelo Maharadjo: „Apolah nan akan sajo sambahkan? Karano datue' Nan Tigo Balai, alah maundjue'kan baieran utang datue nan baru, kapado kami datue' nagari, iolah kabau nan saikue, kilang nan sagutji, bareh nan saratuih, sarato aměh nan duo pulueh, iokoh ba'itu nan panjambahan datue' tadi?"
,,Sabananjo," djawab Datue' Lēlo Nan Putieh.
Maulang Datue' Lēlo Maharadjo: „Tantangan itu, nan sapandjang kabulatan kami, datue' nan kaampē' suku, alahlah manarimo suko kami baieran utang baliau 'tu, dangan sagalo suko hati. Ba'ato hari nan kini, baparmintaan pulo kami datue' nagari, kapado datue' dalam Patapang Nan Tigo Balai, sarato datue' nan baru. Apolah nan parmintaan kami 'tu, iolah tipa' di kabau nan saikue, handa' ditolong kami ulieh datue' Nan Tigo Balai, mambantai sarato mamasa'kannjo sakali, basamo-samo dangan bareh nan saratuih, dan kilang nan sagutji; ko' dagicngnjo ama lah samo kito lapah disiko, darahnjo ama'lah samo kito katjau, tandue'njo ama samo-samo kito tanam sakali; dan aměh nan duo pulueh, iolah handa dibagi-bagikan pulo kami sakali, ko' barapo-barapo nan akan bahagian kito masieng-masieng; pabilo-pabilo harinjo nan akan sampai, de' datue' dalam Patapang Nan Tigo Balai, manauti sadjolah kami dari datue'. Itulah pulo nan pangharapan kami datue' nagari, kapado datue' dalam Patapang Nan Tigo Balai; sadjo iolah ama' dipakanankan, de' datue Nan Tigo Balai, tantang parmintaan kami itu."
Mambaleh Datue' Lelo Nan Putieh: „Mano Datue' Lēlo Maha- radjo! Didatue' djuo tibo sambah sajo; sungguhpun didatue', sarapĕ'[ 166 ] njolah datue sado nan halie, nan saisi-isi rumah 'ko, tampë' sajo mandatangkan sambah."
,,Kapado Tuhan kito," djawab Datue' Lēlo Maharadjo.
Maulang Datue' Lelo Nan Putieh Apolah nan akan sajo sambahkan? Nan ba' pitua datue' tadi, karano datue' nagari alah sudah manarimo, baieran datue' nan baru satjukui'njo, kini baparmintaan pulo datue' nagari, kapado kami datue' Nan Tigo Balai.
Tipa' di kabau nan saikue, dangan bareh nan saratuih, ama' dimasa'kan pulo sakali, ulieh kami datue' Nan Tigo Balai, ka untue' datue nagari, supajo dagiengnjo samo kito lapah, darahnjo ama' samo kito katjau, tandue'njo ama' samo kito tanam disiko dan kilang nan sagutji, sarato aměh nan duo pulueh, ama' ditolong pulo datue' nagari dē' kami. akan mambagi-bagikannjo, ko' barapo-harapo nan patui' bahagian masieng-masieng; ba'itu panitahan datue'."
,,Sabananjo," djawab Datue' Lēlo Maharadjo.
Maulang Datue' Lēlo Nan Putieh,,Kini kalau itu pulo nan pangharapan datue' nagari, kapado kami datue' Nan Tigo Balai, inda' laï kamano pulo kami ka lari, ko' digajuti batu de' datue' nagari, iolah akan tinggalam, ko digajuti sabui' iolah akan tarapuang, limbago alah ba'itu, nan kahanda' hati dansana' nan basamo; kami tarimo suko sadjo itu lai.
Atonjo akan sabuah, ko' pabilo-pabilo kami mandaga datue' nagari tantangan itu, ama'lah dihalieri pulo, de' datue" nagari basamo-samo.
Mambaleh Datue' Lelo Maharadjo: „Mano Datue' Lēlo Nan Putieh. insja Allah baie'lah itu, kami tarimo suko sadjo."
Kaba baralieh pulo sabanta, sunggueh baralieh sanan djuo, dalam urang barundieng 'tu, tumbuehlah pulo silang sakētē'; sungguhpun silang itu nan tumbueh, maëlo'kan djuo pado ale', iolah renta' dangan sédéng, nan tapakai sapandjang 'adat; djoko' tahērēng tagëndeng, dalam kutiko ‘'adat badiri, ama' tahu djuo nan balun tahu. ama' pandai djuo nan balun pandai, tantangan hērēng dangan gēndêng, dalam kutiko ‘adat badiri, biaso djuo itu tumbuehnjo.
Adolah datue' nan baru 'tu, sadja' samulo injo diangkē', barapo banja urang manjilau, nan bakari' nan bakabieh, sagalo andan pasu mandan, nan batali kakampuang itu, datang balako itu manjilau; ba'itu 'adat nan biaso, akan djadi tando pakari'an. Urang nan manjilau itu, diisi dulang sabuah, dulang paha bakaki gadang, batirai badalama', duo pulo talam pangiriengnjo; sabuah barisi ragam samba, sabuah paminum kopi, langko lah itu didalamnjo, makanan sapandjang 'adat, iolah wadji' [ 167 ] djo kalamai, buah kubang djo nasi lama', sarato sisie barěh putieh, batjampue dangan sarikajo, gulai ditjawan batuki'i, didjindjieng digantuang-gantuang.
Urang nan datang manjilau 'tu, langko' djan korong djan kampuangnjo, pakaian sapandjang adat, barapo pulo dajang-dajang, nan mamakai kain sakalat, io sakalat ‘aina'lbanat, pakaian urang patui'-patui", takana' subang dangan galang, disandang kain kendang-kendang, sadanglah pulo pakaiannjo.
Malah tibo dirumah 'tu, baban didjawe' de' rang kampuang, dibao hēdangan itu, kamuko datue' nan baru, misiki barapo itu banja'njo, disitu balako dibarihkan, diatuekan budjang main pantan; mano nan kari' dake' djuo, nan aga' djara' djara' pulo, babarih saliri' itu, sampai kahilie dan kamudie', dihadapan datue' nagari, badulang balako itu samonjo; ko' kurang dulang urang manjilau, dilangko'kan djan dulang sipangkalan.
Sagalo alat panjilau 'tu, dimakan basamo-samo, ulieh datue' nan baru 'tu, dangan datue' nan ado disanan, sarato urang nan banja' 'tu, datang satio' hari, atau ukatu datue' barapē', mamparundiengkan ale' djamu, mandudue'kan ninie' mama', karano urang isi nagari, baie' datue' baie' tida', mano nan bakari' nan bakabieh, atau sahabat kanalannjo, datang manjilau balako, mamakan hēdangan itu, tanamo urang laki-laki ; kalau tida' sadang de' itu, de' makanan urang manjilau, ditambah itu. de' si pangka, mano nan kurang ditjukui'kan, diisi dulang samonjo.
Sagalo alat panjilau 'tu, dimakan basamo-samo, ulieh datue' nan manjilau, dulangnjo tida' bulieh diasa', atau diinsui' dari situ, dari muko datue' nan baru; sabuah dalang dari bakonjo, dangan dulang ana' rumahnjo, tato disitu salamonjo, tida'lah bulieh diasa'-asa' atau diinsui' dari situ tato'lah itu salamonjo, dimuko datue' nan baru 'tu,
Namun nan lain dari itu, bulieh diansue udjuang pangka, kamuko datue' nan lain, nan datang manjilau itu, mauli'i datue' nan baru.
Tasabui' hari nan tadie, hari 'tu hari Djuma'at, datue'-datue' tantulah rami, sabab karano hari itu, urang marape'kan nagari, mandudue'kan ninie' mama', sabab maundjue'kan kabau nan saikute, dangan bareh nan saratuih, sarato kilang nan sagutji, dangan ameh nan duo pulueh.
Pado hari nan sahari 'tu, barapo banja' urang manjilau, karano hari panghabisan, basilang dulang dangan talam, nan bakari' nan bakabich, banja nan datang hari itu.
Pado kutiko itu djuo, datang pulo injo manjilau, iolah si Reno Améh, bini Datue' Radjo Pangulu itulah parampuannjo nan mudo, andēh de' Sutan Parhimpunan, kamanakan Datue' Mage' Djabang, urang kam- puang Malaju Dalam, datang djan korong kampuangnjo, datangnjo bara[ 168 ] mi-rami, mambao hêdangan nan ka panjilau, langko' djan dulang djan talamnjo, ba'apo adat nan biaso. Alah sampai dirumah itu, dulang didjawe' de' rang kampuang, sarato talam djan gulainjo, dibarikan ka budjang main pantan, diantakan kamuko datue' nan baru, itu nan bao si Réno Amëh.
Tantangan si Reno Aměh tadi, sarato korong djan kampuangnjo, disapo de' urang kampuang, didudue'kan karuang tangah, diatèh tilam kasue pandjang, dikawani urang kampuang itu, dibari sirieh ditjarano.
Ado sabanta antaronjo, kamudian dari itu, tibo pulo nan surang lai, iolah si Bungo Tjajo, andeh dể si Bungo Kapēh, bini tuo Datue Radjo Pangulu, kamanakan Datue' Bandaharo Mudo, nan dikampuang Talue' Dalam, datang pulo injo manjilau, langko' djan korong djan kampuangnjo, sarupo nan tadi djuo. Alah tibo injo disanan, dulang didjawe' de'rang kampuang, dibarikan pulo ka budjang main pantan. Hado' kapado si Bungo Tjajo tadi, sarato korong djan kampuangnjo, dibao pulo dudue' katangah, diatēh kasue pandjang pulo, disabalah si Rěno Améh, dibari sirieh ditjarano, dikawani pulo de' rang kampuang.
Tasabui' budjang main pantan, bukannjo budjang nan tadi, budjang ado baduo batigo, baru didjawē'njo dulang itu, io dulang si Bungo Tjajo, sarato talam djan gulainjo, dilata'kannjo pulo itu kasanan, kamuko datue' nan baru. Sabab dulang banja' disanan, djadi ditatieng nan dahulu. diasa sambie kaudjueng, sarato talam djan gulainjo, aga' tadjara'lah sakëtë', antaro tigo ampë' dulang, dari muko datue' nan baru; mangko dē' budjang main pantan, dulang nan diasa'njo 'tu, tida'lah injo ma- nyatahui, bahaso dulang si Rēno Amēh, bini mudo Datue' Radjo Pangulu, disangkonjo dulang si pangkalan, sabab dulang banja' disanan.
Sadang injo maasa' itu, mangidjo' urang dari pangka, iolah Sitti Djalēla, mahimbau ka budjang main pantan, nan maasa' dulang itu; tida' parëso itu de' injo, dulang diasa'njo djuo, dituka djo dulang nan baru datang, io djan dulang si Bungo Tjajo.
Alah sudah dulang diasa'njo, dudue'lah budjang main pantan, tida' mamandang kiri kanan, urang lah manggarih djuo, surangpun tida' nan lai tahu, urang nan didake' itu, sabab datue' sadang barundieng, basabutan sambah-manjambah,
Dalam sabanta itu djuo, mamandang si Reno Améh, sarato korong djan kampuangnjo, dilië' dulangnjo dialieh urang, disinta' sambie kaudjuang, dituka djan dulang baru datang, io djan dulang si Bungo Tjajo.
Malie rupo damikian, alah sirah tjando mukonjo, manggaranjam palueh kalua, garih-manggarih samo injo, mamandang kiri dangan kanan, lalu taga' si Reno Aměh, didukuang ana' dikirikan, diambie'njo [ 169 ]Page:Mustiko Adat Alam Minangbakau.pdf/169 [ 170 ] babisie'-bisie' sadjo, dangan kawannjo samo dudue', sarato dangan gala' sanjum, disambiekan ma-ngunjah2 risieh, mantjari djalan tampe' gala'.
Tanamo parampuan nan lain-lain, sarato datue' nan ditangah, alah babisie samo-samo injo, batanjo bakēh kawannjo: „Apo sababnjo itu tadi, mangko injo marēnta' sadjo, apokoh itu salah sili'njo ?"
Lalu mandjawab nan laï tahu, mano nan arih tantang itu, alah manjapo basulambë':,,Apo gunonjo ditanjokan, kalau tida' ado sababnjo, dimano itu akan basuo ? Tida' mangapo itu datue', rasian paměnan lalo', katjimpuang pamēnan mandi, itu rēnta' pamēnan ale', itulah pakai nan biaso; kalau tida' ado urang marēnta', dimano-mano urang baralē', balunlah gadang ale' itu; dimano gadieng nan ta' rata', kalau kaju samo tingginjo, dimano mungkin angin lalu ?" katonjo satangah datue'-datue'. barundieng sambie babisie'.
Adapun datue'-datue' Nan Tigo Balai, io Datue' Paduko 'Alam nan djadi pitunggue ale', sarato dangan Sitti Djalēla, maliē' rupo damikian, alah bagandjue injo turun, naie' karumah nan sabalah dihimbau pulolah padusi, adolah duo tigo urang, dipanggie budjang main pantan, nan maasa' dulang tadi, lalu ditanjo diparëso, ba'apo mulo itu tadi, mangko marĕnta' si Rēno Aměh.
Mandjawab Sitti Djalēla: „Adapun asa mulonjo, de' si Bungo Tjajo datang tadi, diasa'njo dulang si Rēno Aměh, io de' budjang main pantan, dialiehnjo sambie kaudjuang. digantinjo djan dulang nan baru datang, ío djan dulang si Bungo Tjajo; itulah sabab karanonjo, mangko injo marenta' sadjo."
Mandjawab budjang main pantan: Haram lilah hambo ko' tahu, bahaso itu nan dulangnjo, io kaka' Rēno Améh; djo hambo ko' dulang urang lain, hambo sangko ko' dulang si pangkalan, sabab lah sampi bana dakë' itu; akan tampe' dulang kaka' Bungo Tjajo, tida' ado taluang laï, de' itu mangko hambo ansue. Ko' hambo sangko itu dulangnjo, io kaka' Rēno Améh, dimano pulo hambo kan amueh, maasa' dulangnjo 'tu? De' mulonjo tibo tadi, hambo inda' diatēh rumah; sadang hambo manatieng tadi, surangpun tida' nan manjapo."
Mandjawab Sitti Djalēla: „Hambo lah manggarih djuo, budjang tida' mamandang hambo."
Maningkah Datue' Paduko 'Alam: ..Nambĕ'lah itu kito kadji, tida kan dape' itu laï; ato hanjo nan kini 'ko, suruehlah padusi aga' batigo. bao katidieng aga' sabuah, turui'i injo dahulu, djalanglah injo karumahnjo, ama' salamat karadjo 'ko; aga' bange' malah sakētē', pudjue'lah injo ēlo'-elo', surueh babalie' injo kamari, djanganlah rundieng dipabanja'; nan aga' pandai surueh paï, surueh badjalan kini djuo.” [ 171 ]Mandanga titah nan ba'itu, bakameh Sitti Djalela, diisinjo katidieng sabuah, dangan barēh kunun sagantang, disaho' djan sapu tangan, sapu tangan kaamasan; alah langko' itu samonjo, disuruehnjo batigo parampuan, baduo urang patui'-patui', nan surang pambao baban, mandju- djuang katidieng tadi.
Io de' Sitti Djalēla, diadja pulo urang itu, disuruch pudjue' elo'-elo', disurueh bao itu sakali, si Reno Amêh djan ana'njo, sarato korong kampuangnjo 'tu, nan samo marēnta' tadi.
Alah salasai itu samonjo, lalu badjalan padusi 'tu, karumah si Rēno Amēh, kakampuang Malaju Dalam, didapēti injo dirumah, sarato korong djan kampuangnjo, sadang bagundjieng atēh rumah, sambie manjusukan ana'njo, nan banamo Sutan Parhimpunan.
Baru tibo padusi tadi, mahimbau injo dari halaman, alah hano' urang nan barundieng, didjangue' kapintu gabang, alah disuruch naie' karumah; injopun naie' maso itu, lalu didjawě' katidiengnjo, dilata'kan diateh bandue, diatēh bandue ditangah; urang 'tu dibao dudue', dibari sirieh ditjarano, dake' tampē' datue' nan baru, lapie' lah takambang djuo.
Alah sabanta injo dudue', alah sudah mangunjah sirieh, taga' pulo si Rěno Améh, baralieh injo kadapue; tinggalah urang nan tadi, dudue djan korong kampuangnjo. sambie barundieng itu ĕtan, tida' tasabui' ka nan tadi.
lo de' si Reno Aměh, alah diabuih aie kopi; dalam kutiko itu djuo, mahimbau urang nan tadi: „O amai, dudue'lah dahulu, kami 'ko kabakēh amai."
Mandjawab si Reno Améh:,,Dudue'lah kaka' sabauta, ama' hambo masa'kan dahulu aie ange', kamano bana kabagagěh, hari 'ko ka malam djuo, minum kopi kito dahulu.” Mambaleh pulo urang itu: „Usah lai kami minum pulo, datue' manjurueh kami bange', karadjo banja' habih tingga, samo ma'alum malah amai, tipa' di untuang badan kami, tida' tantu hilie mudie'njo, balago samo gadang sadjo."
Mandjawab si Rěno Améh, sambie maambuih-ambuih api: „Alah tahu hambo tantang itu, di karadjo banja' kaka'; nantilah sabanta laï. ama' ange' aie dahulu, minumlah kopi aga' sarague', bago ko' io inda' lama"."
Mandjawab pulo urang itu, barundieng sambie tasanjum: Usah malah amai ba’itu, ko' hanjo di kami nan datang 'ko, lama' bana kopi amai."
Alah sabanta antaronjo, lalu diisi aie kopi, ditatieng pulo paminum- njo, dilata' diatēh talam, io wadji' djan kalamai, sarato dangan nasi [ 172 ] lama': alah minum basamo-samo, sadang injo maminum kopi, alah bamulo parundiengan, bakato urang nan datang 'tu:,,Mangko kami datang kamari, io kami mandjapui' amai, sarato korong kampuang tadi. bari ma'af kami de' amai, kami barundieng sadang minum; maminta' kami bakéh amai, babalie' djuo amai dahulu, sarato korong kampuang nan tadi ba'itu titah kami bao, dari datue' Nan Tigo Balai, tida' djadi amai batanggueh: ba'itu titah datue' pitunggue, sarato andĕh Sitti Djalēla. Ibo bana hati kami, urang balun minum makan, amailah babalie' sadjo kalau apo-apo salah kami, awa' baduo batigo, asieng-asieng kapandaian, bari ma'af kami de' amai; tantangan nan sakali iko, babalie' djuo amai dahulu, ama'lah sairieng dangan kami, tida'lab suko hati kami, amai ka tingga-tingga sadjo,"
Mandjawab si Rēno Améh: „De' hambo ma'af salalu, tjubolah pikic pulo de' kaka', ikolah rupo untuang hambo," bakato sambie manangih, ,,kain ditangko mangko dudue', diparah santan dikuku, ditakie' gatah didaun, de' handa' mamuliekan ale' kaka'; padahkan iko ka balehnjo, siang basalimui' panēh, malam basalimui ambun, rabo-raboi sano sini, de' awa' urang suka djuo, mantjari apo nan tida', diandue'kian-kumari, nan kan dibao karumah kaka', ana' kētē' didukuang djuo : kironjo tibo hambo disanan, tampa' bana misikin hambo; de' makanan tida samporono, diasa' sadjo dulang hambo, ditjampa'kan ka nan lain, dituka djan dulang baru datang, djan dulang urang nan mulie, nan baudji samo mērah, nan bakati samo bare'; tampa' bana hambo rang hino, basisieh bana itu di kaka'."
Mandjawab urang nan datang 'tu: „Maminta'lah kami pado amai. usahlah diulang-ulang djuo; ko' hanjo tantangan itu, iolah njato salah kami; bari ma'af kami de' amai, bari ma'af kami banja'-banja': tipa' di nan sakali iko, maminta' kami gadang-gadang, tida'lah itu disangadjo. hanjolah de' ragu budjang main pantan."
Maningkah si Reno Améh: De' hambo ma'af salalu, ato hanjo man kini nongko, pulanglah kaka' dahulu, bago ko' tida' kaka' turui", hambo ka kakiun djuo."
Mandjawab pulo urang itu: .,Usah ba'itu amai laï, elo'lah samo dangan kami, ama'njo sanang hati kami."
Maningkah si Reno Amēh: Tida'lah itu akan mangapo, dahulu sadjolah kaka', hambo usah dirusuehkan, bukan ado urang nan labieh: tipa' di diri ham bu iko, tida' kan pandjang rundieng itu, pulanglah kaka dahulu."
Lamolah pulo batagang-tagang, barapo umbue' djo umpina', ulieh urang nan datang itu, tida' djuo injo amueh, lah pane' batagang-tagang. [ 173 ] djadilah pulang anjolaï, io urang nan batigo 'tu; disurueh salinnjo katidiengnjo, tida'lah pulo injo amueh, itu si Reno Amēh tadi, manjalin katidieng itu, disurueh baonjo itu babalie'; tatapi urang nan datang 'tu, tida'lah amueh injo mambao, sabab balun disalinkan. ditinggakannjo katidieng 'tu, lalu disalin de' nan lain, iolah urang kampuang itu. Lahsudah katidieng disalinnjo, barulah dibarikannjo babalie', io katidieng dangan sapu tangan, lalu didjawē' de' urang 'tu; injopun pulang anjolaï.
Alah sampai injo dirumah, didapati urang lah sudah makan, ale kumbali anjolaï, sagalo datue' nan rape' 'tu, pulang katampe'njo masieng2.
De' urang nan batigo tadi, baru injo lah kumbali, didjalangnjo Sitti Djalēla, dangan Datue' Paduko Alam; dikabakan habih-habih, ba'apo rundiengan dari sanan: Injo nan tida' amueh dibao, injo mandjawab pado kami, misiki tida' injo didjapui', injo ka kamari djuo; ba'itu katonjo pado kami, io amai Rēno Aměh."
Mandanga kato nan ba'itu, ulieh Datue' Paduko Alam, dihimbau baduo laki-laki, nan pandai bakato-kato, nan bidja'-bidja' barundieng, akan mamudjue' si Reno Aměh.
Alah tibo urang itu, io budjang main pantan, manitah Datue' Paduko Alam ..Pailah ang mamudjue'njo, mamudjue' si Rēno Amēh: ēlo -ēlo malah katokan, tabao djuo injo kamari, sarato korong djan kampuangnjo, nan samo marēnta' tadi; pandai-pandai ang barundieng. usah manjingguang kiri kanan, ama' habih rundieng iko. Kalau lah paï ang kakiun, djoko' tida' injo amueh djuo, didjapui' nan sakali 'ko. bukanlah renta itu namonjo, renta' handa' mamutuih tali. Namun renta' sapandjang 'adat, itu banamo renta' sēdēng.
Adapun adat renta' sēdēng, kalau ta' amueh satu kali. ditjukui'kan duo kali; djoko' tida' tabao djuo, ditjukui'kan pulo tigo kali, itulah pudjue' panghabisan, ba'itu sapandjang ‘adat; kalau lah sampai tigo kali, kalau tida' injo amuch djuo, kato putuih rundieng lah habih, ba'itu pakai nan biaso.
Nan kan sakarang kini nangko, ikolah pudjue' panghabisan, pudjue' nan katigo kali; nan djolong sahinggo labueh, kaduo lah didjapui' djan katidieng, batigo pulo urang mandjapui'. balun djuo injo tabao; kini pudjue' katigo kali, paï baduo laki-laki; kalau injo tida' amueh djuo, tida'lah tingga pado kito, lapêhlah kito pado utang. habih rundieng sakali, djan babuntji'-buntji' djuo," kato Datue' Paduko Alam.
Alah sudah injo barundieng, alah badjalan urang nan baduo 'tu, iolah budjang main pantan, nan pandai bakato-kato, lalu badjalan kaduonjo, karumah si Reno Amêh; injo tibo haripun malam, alah lalu tapasang dama, mahimbau budjang main pantan, mandjangue' urang [ 174 ] atëh rumah, lalulah disurueh naie', disurueh dudue' katangah, dibari sirieh ditjarano.
Sadanglah si Reno Améh, alah paï maabuih kopi, dinantikan de budjang main pantan. Ado sabanta antaronjo, masa'lah pulo aie kopi, lalu diisi maso itu, ditatieng pulo katangah, dihēdangkan ka budjang main pantan, injopun minum maso itu; alah sudah injo minum kopi. mahimbau budjang main pantan, hado' ka si Rēno Améh: „O kaka.' dudue'lah dahulu, bao kamari si bujuang 'tu!"
Alah datang si Reno Aměh, alah dudue' didakē' 'tu, ana'njo lalu didjawe, ulieh budjang main pantan, dipalue' ditjium-tjium, didjudjai dipudji-pudji; didalam kutiko itu djuo, barapo pulo banja' kētjë', banja'lah rundieng nan disabui', io de' budjang main pantan, babagai-bagai ditanjokan, nan kan manjukokan hatinjo, iolah si Rēno Aměh, barundieng sambie bagarah, tida' tasabui' ka nan tadi, hanjo rundieng nan lain sadjo, alah samo-samo tagala'.
Sadang elo' parundingan, sadang lama' patutueran, rundieng dialieh anjolaï, io de' budjang main pantan: „Mano kaka' dangan andēh, jo kami kamari nangko, dititahkan datue' non baru, sarato datue' Nan Tigo Balai, ama lah samo dangan kami; ibo bana hati kami, kaka' lah babalie' sadjo, tida' mananti urang makan."
Mandjawab si Réno Améh: „Mano tuan kaduonjo, kan apo djuo hambo lai, urang misikin bangso kurang, tida'lah samo dangan urang, bukan ado urang nan labieh, nan baudji samo merah, nan bakati samo barê urang nan langko' hēdangannjo."
Mandjawab budjang main pantan, sambie tatawa gala' sanjum: „Mano kaka' dangan andēh, usah laï kito sabui', itulah rundieng patjaranan, tida'lah ado paidahnjo; ato hahjo nan kini nangko, timbang de' andĕh dangan kaka', hatinjo datue' nan baru, sarato datue' Nan Tigo Balai; baliau tida'lah salah, sasë' de' budjang main pantan, samo ma'alum malah kaka', itu rupanjo gadang alē', ba'itu banja' karadjo, nan kami djago atéh rumah, dimano kami tida'kan gawa, bukannjo itu disangadjo: sadang tupai pandai malompe', biaso djuo injo djatueh, ko'kunun kami urang mudo-mudo, de' banja' matonjo nan dikako', djadilahragu tantang itu. Nan sakarang kini nangko, maminta'lah kami padokaka', kito lata'kanlah rundieng 'tur, ama' dape' kato nan bana; ibokami di si bujuang 'ko, bapa'njo baru diangke', urang baralē' disitu. injo tida' akan malie'; itu nan maibo hati kami."
Maningkah si Rēno Amēh, bakato sambie manangih: „Tjubolah pikie itu de' tuan, bago ko' io hambo urang misikin, disisieh bana badanhambo, dulang hambo lah talata', dialieh sadjo ka nan lain, hambo lah [ 175 ] bapajah-pajah, maandue' kian-kumari, d' awa' urang misikin, de' malu ama' tasaho' djuo, kironjo itu akan balēhnjo, itu nan maibo hati hambo,"
Maningkah budjang main pantan: „Usah disitu taga' kaka', bukan- lah hambo sabui' tadi, tida' salahnjo di nan lain, salah de' budjang main pantan, de' banja' mato karadjo, djadi ragu maso itu; pikie malah kaka' sakētē', timbanglah datue' Nan Tigo Balai, sarato dangan datue' nan baru, baliau tida' ado salah-salah de' budjang main pantan, bumi ditēmba' langi' kanai, pikielah kaka' tantang itu."
Dalam kutiko itu djuo. maningkah saurang-urang tuo, ninie' de' si Reno Amēh, dudue' disabalah kaudjuang, sambie mangajam-ngajam sumpi Mano kau Reno Amēh. itu bana kato si bujuang: namun didalam ale' djamu, ba'apo nan tida' nan basuo, namonjo urang banja'-banja', balain-lain kapandaiannjo; adang-adang tjapë tangannjo. Kalau dipatji'kan itu balako, satupun tida' nan kan ĕlo', asieng urang lain pandapē kalau tu kito turui'kan, tida'lah itu ka salamat; dimano-mano urang baralē', biaso djuo urang marēnta', hambolah tuo de' malië', bukan-njo malie' sadjo, malakukan alah pulo.
Tempo de' maso hambo mudo, barapo banja' ale' djamu, samaso dunie lai karěh, hambo kumari paï pulo, sabab manurui'kan huru kawan: nan hambo lie' nan hambo danga, itu renta' bapakai djuo, tatapi banamo rēnta' sēdēng, bukannjo renta' mamutuih tali, barupo rentu' urang kini 'ko, mangatokan bana awa' sadjo, tida' dikana nan di urang, tida' dipikie kato kan babalie'. Nan banamo rēnta' sēdēng, nan kami pakai salamo iko. Kalau lah sampai tigo kali, urang mamudjue' kito djuo, tida' djuo kito amueh, tida' urang paduli laï, tinggalah awa' dibalakang : ba'itu adat urang dahulu, nan hambo lie' salamonjo, samaso hambo laï mudo; antah ko' 'adat urang kini, urang lah banja' nan pandai, adat lah banja' nan barubah, tida'lah hambo mangatahui; tatapi pikieran hambo surang, kalau tibo nan sado itu, djadi apo awa' laï, batambah malu ka nan banja', manangih tida' dipudjue' urang, disabui' urang nan ka laï, tida' tahu di langgam 'adat, awa' ko' bini pangulu. Kini ba'itulah di kau, bago ko' io kalian pandai-pandai, nan taraso di hati hambo, usahlah rundieng dipabanja'; turui'kan sadjolah si bujuang 'tu !"
Maningkah budjang main pantan:,,Itu bana kato ninie', usahkan kaka' papandjang djuo, ama' lakeh kito badjalan, samantaro hari balun malam bana."
Mandjawab si Reno Amēh: ..Malah ba'itu kato tuan, tida'lah pandjang itu de' hambo; mananti tuan sabanta, samo-samo malah kito, ama hambo himbau urang nan tadi; makan malah kito dahulu, sudah makan kito badjalan." [ 176 ]
Maningkah budjang main pantan: ,,Makan itu ma‘aflah kami, disitu sadjolah kito makan, himbau sadjolah urang itu, ama’ sugiro kito pai, samantaro hari lai mudo, djangan kito tamalam bana.”
Kunun dé’ si Réno Améh, tida’ badjawab kato itu, lalu turun kahalaman, mahimbau urang nan tadi, nan samo marénta’ dangan injo: ado sabanta antaronjo, datang pulo urang-urang itu.
Dalam sabanta itu djuo, alah bakaméh samonjo, mangana’kan pakaian masieng-masieng, lalu babalie’ malam nantun, karumah Datue’ Radjo Pangulu, tida' ado kato-mangato; sampai disitu minum makan, disitu pulo injo malam, malié’ urang balamin, pagi-pagi baharu pulang.
Tasabui’ pulo hari itu, hari Satu sahari ‘tu, alah dibantai pulo kabau, dé’ malim Datue’ Radjo Pangulu; rapé‘lah pulo samonjo, sagalo datue’ Nan Tigo Balai, nan badaké’ nan barampieng, urang nan salantjaran alu, atau hato’ nan badjahi', dangan bandue nan batakan, laki-laki pa- rampuan, rapé' balako itu kasanan, karumah Datue’ Radjo Pangulu; hari mambantai sahari ‘tu, dangan malapéh budjang main pantan, akan mainanggie isi nagari, sabab akan manabue aso’, mandjamu datue’ nagari, pada barisue’ hari Akad, akan barara’ pulo sakali, iolah pado hari Sinajan. maara’ datue’ nan baru, baara’ kabalai gadang.
Sadja’ dari patang itu, balamin basa anjolai, dipanggie sagalo tukang dampéng, tukang tari tukang rabab, dangan urang tukang kutjapi. sarato sadam dangan sulieng, dipanggie pulo pandai kaba, io itu tukang si djabang : rapé'Jah itu samonjo, dirumah Datue’ Radjo Pangulu, sasa’- lah rumah nan gadang ‘tu, dé’ urang datang malié’, malimpah sampai kapalanta : hari nan duo malam itu, urang banjanji siang malam, harinai batalun djadi, namonjo urang suko rami.
Sampailah pulo hari Akad, kiro-kiro ukatu luhue, alah datang ala’ panggielan. iolah datue’ nagari, sarato urang patui'2 ; rapé'lah itu samonjo. laki-laki parampuan, mamakai sapandjang ‘adat, tantangan bangso datue-datue’, ninie’ mama’ nan dipanggie, tio’-tio’ saurang injo, mangirieng saurang ana’ buahnjo, mambao badie salaréh, banamo badie sitengga.
Kalau tibo dikampuang itu, babuni badie pananti, mambaléh badie nan datang, ba’itu balako tio’ datue’, tio’ datang badie babuni, buni badie bagaikan luluih, pantun maradah djira’ mudo, buninjo basahui'- sahui‘an. Sagalo datue’ nan datang ‘tu, disilakan naie’ karumah, basamo dangan pangiriengnjo, badie tasanda dihalaman, tio’ datang ba‘itu djuo: datang pulo kaum bakonjo, datangnjo barami-rami, sarato ninie’ djan mama‘njo: alah gumpito buni badie, gamurueh kadalam koto, gumanta didalam lurah: tibo pulo ana’ rumahnjo, sarato ninie’ djan mama'njo, [ 177 ] nan sasuku-suku itu, rapé’ mangirieng samonjo: babuni pulo badie disanan, kalam kabui’ dé’ aso’ badie: itu namonjo manabue ago’, sananglah hati mamandangi, malié’ urang parang ‘adat.
Alah mahato’ samonjo, tjukui’ sagalo ale’ panggielan, baie’pun bako djan bininjo, atau ana’ rang kampuang itu, mano-mano nan tida’ djadi tingga, alah samo tampa’ balako : djamba ditatieng anjolai, katangah alé’ nan rapé’ ’tu, iolah dulang dangan talam, baratuih-ratuih atếh rumah, dari udjuang lalu kapangka, dari tangah lalu katapi, sudah bapa- tui’ talata’njo, tingga maisi sadjo lai. Alah sudah djamba batatieng, io dé’ budjang main pantan, lalu taga’ surang manti, manaie’kan panjam- bahan, kapado sidang karapatan. Nan manjambah ukatu itu, iolah Bagindo Radjo, ba’itu buni sambahnjo:
,,Ampun basalah sajo, dé’ karapatan datue’ nagari nan tigo, sarato partiapan tuan manti pagawai, nan bakaki nan badjalan, nan batangan nan mandjangkau, baie’ di tuan dubalang nan samaratabat, baie’pun di tuanku sajo, malim nan saugamo, sarato tuan urang kajo-kajo, sado nan rapé' saisi-isi rumah nan gadang ‘ko: sajo mandatangkan sambah, tida’ akan tahato’ akan tabilang, sambah sajo mandjalani kaharibaan datue’ sado nan halie. Apolah nan akan sajo sambahkan, iolah nan ba’ pitua datue’ nan tuo-tuo:
Manjambah sajo dari udjuang lalu kapangka. dari tangah lalu katapi, manjuruang kabalie’ rumah.
baie'pun diipa bisan sajo.
Templat:Block center [ 178 ]Templat:Block center
Ampunlah sajo di datue’,
Djaman kini kurang pasa ba’ djalan, turue’ langkawan ba' daun djalo, mudo matah ba’ bingkudu, kurang pandapé’ ba’ sike’, ampunlah sajo di datue’.
Templat:Block center [ 179 ]Templat:Block center
Rumah sudah minantu tibo, djamba tatatieng ale’ datang.
Rumah gadang tigo sasaieng, saladjang kudo balari, sakué’ kuaran tabang, salajo' binti malajang, dipangka radjo babandieng, ditangah gadjah maharam, diudjuang surambi papé', halaman bintang batabue, tapa’ an tjarano basah, indue’ djandjang kanso balarié', ana’ djandjang péra’ bahélo,
Tiang tapi panague alé’, tiang timban suko mananti, tiang pandjang simaradjolélo, tiang bilie' puti bakuruang, tiang salé’ dindiengnjo samie, tiang dapue suko di labo, hato’ si labah mangirab, puntja’ hato’ rabuang saputjue’, dibari baranggai-anggai.
Ampunlah sajo di datue’.
Ampun djuolah sajo dé’ datue’.
Mangko dimisakanlah saparati nangkodoh akan pai balaie, dan-dang lah sudah tamuati, adjuang Iah saré’ samonjo, Sahari ‘ko hari nan haie', sahari ‘ko kutiko nan élo’, ko’ gandang nan balun bapalu, akan dipalu anjolai, sarunai nan balun ditiui, akan ditiui’ anjola, aguang nan balun batjetjéh, akan ditjétjéh anjolai.”
Baharu sadjo sampai sambah manti disitu, mangko gandangpun [ 180 ] dipalu uranglah, sarato aguang sarunai, tjanang talémpongpun babuni- lah samonjo.
Dan dalam kutiko itu djuo, manti itupun mahubuang djuo sambahnjo itu, baiko buni sambahnjo :
,,Ampun djuolah sajo de’ datue’, karano haripun lah baie’, kutiko- pun lah élo’, aiepun lah halie, hédanganpun lah salamat, diharibaan datue’ nagari nan tigo, utjapan datue’ dalam Patapang Nan Tigo Balai, djamuan datue’ nan baru, Sadjo iolah aie ama’ didjawe’, djamba ama’ disanto’, dagieng ama’ dilapah, darah ama’ dikatjau, tandue’ akan ditanam. Sambah sajo naie’, titah datue’ djuo sajo puhunkan, ampunlah sajo dé’ datue’.”
Alah sudah manti ‘tu manjambahkan pidatonjo, mangko disuruehlah pulo, ulieh karapatan datue’ nagari, saurang mantinjo mandjawab panjambahan itu.
Mangko badirilah pulo manti datue’ nagari ‘tu badatang sambah, sabagai tasabui’ diatéh tadi djuo; samantaro itu bunji-bunjianpun barantilah pulo sabanta; sudah itu barulah sagalo alé’ djamuan itu makan baradat samonjo, dan bunji-bunjianpun dipalu uranglah kum- bali, tiado baranti-antinjo, sampai kapado kasudahan alé’ siang malam.
Alah sudah sagalo pangulu-pangulu itu makan, mangko dikatangahkan uranglah pulo tjarano sirieh, mangko mangunjah siriehlah datue’-datue’ itu samonjo.
Alah sabanta antaronjo, datue’-datue’ itu sudah makan, mangko disuruehlah pulo badiri surang manti, ulieh datue’ nagari, manjambahkan kato minta’ idjin, akan kumbali pulang katampé’ masieng-masieng, kapado datue’ si pangkalan.
Mangko badirilah pulo saurang manti, dari datue’ nagari, lalu manjambah damikian :
,,Maminta’ ampunlah sajo diharibaan datue’ nagari nan tigo, sarato partiapan tuan manti pagawai, dangan tuan urang kajo-kajo, sado nan rapé’ saisi-isi rumah nan gadang ‘ko: sajo manjambah tida’ akan tahato akan tabilang, sambah sajo mandjalani sidang karapatan datue’ sado nan halie: sajo rapa’ panjambahan katangah, sungguehpun ditangah, di Datue’ Paduko ‘Alam tampé’ tibo sambah.”
,,Kapado Allah manitahlah pagawai,” djawab Datue’ Paduko ‘Alam.
Maulang manti itu: ,,Apolah nan akan sajo sambahkan, karano hari lah baie’, kutiko alah elo’, niatpun lah sampai, kauepun lah salamat djamuan datue’ nan barupun lah samporono, ke’ dagieng lah dilapah, darah lah dikatjau, tandue’pun lah ditanam, Sakarang kini, sagalo datue’ djan tuatku, sado nan halie saisi rumah [ 181 ] nan gadang ‘ko, iolah mamuhun idjin dari pado datue’ Nan Tigo Balai, Sarato datue’ nan baru, dan datue’ isi rumah, handa' bamain-main ka- bawah, pulang katampé’ masieng-masieng, sambah sajopun naie’, titah datue’ djuo sajo puhunkan.”
Mambaléh Datue’ Paduko ‘Alam: ,,Alah sampai dé’ pagawai ?”
,,Alah sadang,” djawab manti itu.
Maningkah Datue’ Paduko ‘Alam: ,,Managa pagawai sakutiko, ama’ sajo paiokan dahulu.”
,,Alhamduli'llah,” djawab pagawai itu.
Mangko baio-iolah pulo Datue’ Paduko ‘Alam, dangan datue'’-datue’ Patapang Nan Tigo Balai, sarato datue’ nan baru, dan sagalo datue'. datue’ isi rumah, urang-urang samandonjo, akan malapéh datue’-datue’ nagari itu, Sudah itu mangko disuruehnjo pulo badiri saurang mantinjo, akan mandjawab panjambahan ‘tu, malapéh alé’ djamuan ‘tu. Mangko manti itupun badirilah pulo, lalu manjambah damikian :
,,Maminta’ ampunlah djuo sajo diharibaan datue’ nagari nan tigo, sarato partiapan tuan manti pagawai, dangan tuan urang kajo-kajo, sado nan rape’ saisi-isi rumah nan gadang ‘ko: sajo manjambah tida’ akan tahato’ akan tabilang, sambah sajo mandjalani, kaharibaan datue’ sado nan halie; sajo rapa’ panjambahan katangah, sungguehpun ditangah, dituan pagawai tampé’ tibo sambah.”
Mambaléh manti datue’ nagari: ,,Kapado Allah, manitahlah tuan.”
Maulang manti si pangkalan tadi: ,,Apolah nan akan sajo sambahkan ? Nan ba’ pitua tuan pagawai tadi, karano haripun lah baie’, kutikopun lah élo’, niat djo kauepun lah salamat, dan ale’ djamuan datue’ nan barupun lah samporono, ko’ dagieng lah dilapah, darah lah dikatjau, tandue’ lah ditanam, ulich karapatan datue’ nagari.
Sakarang kini, sagalo datue’ djan tuanku, sarato nan halie samonjo, alah handa’ mamuhun main-main kabawah, pulang katampé’ masieng- masieng ; sadjo iolah ama’ diminta‘kan idjin, kapado datue’ si pangkalan, sarato datue’ isi rumah: ba'itu panjambahan tuan,
,,Sabananjo,” djawab manti datue’ nagari. .
Maulang manti si pangkalan : ,,Limbago lah ba‘itu, nan parmintaan datue’ sado nan halie, akan ba‘apo pulo Iai, karano Tah tibo diwala njo, Ato hanjo akan sabuah, djoko’ minum nan kntrang sadjue’, ko makan nan kurang kanjang, atav ko’ ado nan Fahereng nah, tagéndeéng dalam ‘adat, sabab ana’ buah datue’ nan bagara mado matah, iolah ama madd ma'af dé’ datue’ sado nan halie. Yantangan dari parmintaan datue nagar tu, nan ba‘ pitua urang tuo-tuo kito: ko’ gajuang lah tibo dibalabéh, témba’ lah tibo disasaran, basisurui’ pantang kanai, basidjambo asa kanai,
Mustiko ‘“Adat ‘Alam Minangkabau Templat:Left [ 182 ] alah kanai kami dē’ barih, alah talinang dē’ balabēh, akan ba’ apo pulo lai, sipat malapēh malah kami; ko’ untuang pambari Allah, djangan tjatjē’ maro malintang, salamat sadjo sampai pulang, sambah lalu salam kumbali, ma’af djan rila kami minta’.”
Mambalēh manti datue’ nagari: ,,Kasieh tuan kami tarimo, alhamduli’llah akan balēhnjo,”’
Sudah itu barulah sagalo ale’ djamuan itu, taga’ dari tampē’njo masieng-masieng, sarato basalam-salaman dangan datue’ nan baru, dan datue’ nan tigo balai; mangko lalu turun kahalaman, badie palapēhpun dibunikan urang pulolah ukatu itu,
Tasabui’ pulo isue’ harinjo, hari Sinajan sahari ’tu, kiro-kiro pukue Satu, urang sudah sambahjang luhue, bahimpunlah pulo sagalo datue’-datue’, sarato urang patui’-patui’, karumah Datue’ Radjo Pangulu, laki-laki parampuan; rape’ papē’ itu samonjo, nan saisi nagari ’tu, sabab akan pai barara’, maara’ datue’ nan baru, io katangah balai gadang.
Pado hari itu djuo, dirumah bako datue’ nan baru ’tu, urang lah barami-rami pulo, rapē’lah korong djan kampuangnjo, sarato urang isi sukunjo, laki-laki parampuan, sarato ninie’ dangan mama. Tanamo urang patui’-patui’, rape’ balako samonjo, alah baralē’ kētē’ pulo, mambuē’ nasi kunieng gadang, banamo nasi padaunan, tinggi sarato djan gadangnjo, ruponjo bulē’ sagi ampē’, baukie wadji’ djan kalamai, bapeta-pēta ditangah. kaatēh bagondjong satu, putjue’njo baranggai-anggai : langko’lah ukie dangan bungo, basilang guntieng karatēh, serato dangan paradah ambun, batjampue lakan djo sakalat, salo-manjalo uruang-buruang, putjue’ karambie dibuē’njo, babagai matjam ruponjo ado kunieng ado mērah, ado ungu ado hitam, ado nan mērah limbajuangan, satangah putieh bakilē’, badjarieng djo unuih batang pisang, bukannjo unuih kalupa’njo, tatapi unuih hampuluenjo, haluih mandami suto kambang, dibuē’ sapantun djarieng, kabē’-mangabe kiri-kanan, sabagai djarieng pikē’ lawah : banja’lah itu ragam ukie, babagai bungo karatēh, ado nan angkueh kambang bodi, ado nan kambang daun loba’ : sananglah hati mamandangi, buatan urang patui’-patui’, io urang nan bidja’-bidja’, pandai malukih djan manggamba, laki-laki parampuan : tanamo urang sasuku itu, mamatui’ balako samonjo, tanamo ana’ urang bangsawan, apo nan kurang ditambahnjo.
Alah sudah nasi ditatahnjo, dikana’kan pulo puntja’njo itu, ēlo’ nan bukan alang-alang : dilata’kan diatēh dulang, dulang paha bakaki gadang, batirai balidah ameh, batambah ēlo’ dipandangi, pantun tabui’ katabuang, ba’itu hampie saruponjo. [ 183 ]Adapun nasi kunieng itu, bukannjo sabuah sadjo; dimano rumah parampuannjo, parampuan datue' nan baru, mambue' pulo sabuah surang; djadi balomban pulo disanan, ganti labieh-malabiehi, iolah bungo djan ukienjo.
Tasabui dirumah si pangkalan, alah bamulo urang datang, lalu mu- pakat anjolai, io datue' Nan Tigo Balai, manjurueh urang paï mandjapui"," mandjapuí' nasi kunieng tadi, karumah bako djan bininjo; itulah djapui'sapandjang adat, mandjapui' bako djan bininjo, ba'itu bapakai nan biaso.
Urang paï mandjapui' itu, langko' djan alat kabasaran, mamakai pajuang djan marawa; sarato ninie' dangan mama', langko' djan manti pagawainjo, sarato urang mudo-mudo, ana" urang nan patui'-patui'. laki-laki parampuan, mamakai pakaian ‘adat, langko' djan dajang-da- jangnjo, sampai sapulueh duo puluch, urang nan paï mandjapui' 'tu, hado' karumah bakonjo; itulah awa pandjaputan.
Alah badjalan urang itu, paï pulo satoboh laï, hado' karumah parampuannjo; ba'itu djuo atuerannjo, baie' nan mudo atau nan tuo, didjapui' balako itu samonjo.
Alah tibo urang nan mandjapuí', dirumah bakonjo tadi, dibari urang minum makan. diatēh dulang batirai.
Alah salasai minum makan, disambahkan anjolaï de' datue' nan datang tadi,Mukasui sangadjo dalam hati, iolah mandjapuí' nasi padaunan, sarato bako datue' nan baru, ama' sairieng itu sakali, dangan sagalo ninie mama', sarato urang patui'-patui', laki-laki parampuan, sado nan halie disiko, ama' sarangkē' itu sakali; sakian sambahi pado datue'."
Tida'lah itu dipandjangkan, alah sudah sambah-manjambah, lalu mamakai anjolaï, bakamēh balako samonjo, mano-mano urang nan kan paï.
Diatēh rumah parampuannjo, ba'itu pulo itu hado'njo; alah sudah sambah-manjambah, mamakai pulo parampuannjo, io parampuan datue' nan baru: mamakai sapandjang ‘adat, sabab injo akan diara', basamo dangan datue' nan baru. Dipakainjo kain sakalat, io sakalat 'aina'lbanat, dipatingkahkan tjindai suto, ike' pinggang ameh bakarang, banamo patah sambilan, dipagatang badju suto, dipakai salēndang adjuang sare', dikana'kan pulo galang bahēram. buatan Siano' Koto Gadang, sautêh djan polam biru mansi, panuehlah djari kiri kanan, intan djo podi mato tjintjin, takana' tjanggai dikalingkieng; dipakai pulo bungo sanggue, aneh batatah ukie tjino. babungo baranggai-anggai, dipakai suntieng ditalingo, diganggam pulo sapu tangan, banamo bungkusan sirieh, suto Patani budjue sangka, tio' sudui' pakai kabamban. basalui' djo bungo kuni', amêh djo urai samonjo, buatan Panta Paueh Tinggi. [ 184 ]Alah sudah pakai dikana'kan, sudah dipatui' de' nan banja', badja- lan turun anjolaï, bagalui' subang ditalingo, mangirieng dajang-dajang banja', lalu dipapah turun djandjang.
Alah tibo tangah halaman, dapajuangi djo pajuang gadang, banamo pajuang ubue-ubue; diturunkan pulo nasi kunieng, badjudjuang itu mambaonjo, didjudjuang urang laki-laki, dipajuangi pulo nasi itu, dangan pajuang gadang djuo. Alah turun itu samonjo, tibo ditangah halaman, lalu diadjun padjalanan, dahulu sagalo datue'-datue', baru badjalan nasi kunieng, badjalan pulo itu sakali, parampuan datue' nan baru, sarato pasumandannjo, badjalan badombai-dombai, laki-laki samo laki-laki, parampuan samo parampuan, sarato gandang parara'kan.
Alah sampai dikampuang itu, io kampuang Datue' Radjo Pangulu, babuni badie anjolaï, lalu didjawē' pajuang gadang, ulieh urang dikampuang itu, ditaga'kan ditangah halaman; didjawē' pulo nasi kunieng, dinaie'kan karumah gadang.
Piha' sagalo datue'-datue', sarato nan rapē' samonjo, disilakan naie' karumah, karumah Datue' Radjo Pangulu, didudue'kan diruang tangah, diatēh tilam kasue pandjang, dibari sirieh ditjarano; datue' lah dudue' samo datue', sabarih bandue ditangah, nan patui' mangadap dimukonjo; parampuan samo parampuan, dudue' baatue samonjo, patui' mahado' mahado djuo, tida'lah bulieh labieh kurang.
Alah datang alē' samonjo, alah sadang élo' kutikonjo, manjambah Datue Paduko 'Alam nan djadi pitunggue ale', kapado sidang karapatan, ba'itu buni sambahnjo:
..Maminta ampunlah sajo pado karapatan datue' nagari nan tigo. sarato partiapan tuan manti pagawai, dangan urang kajo-kajo; sajo manjambah tida' akan tahato' akan tabilang, sambah sajo mandjalani datue' sado nan rape', saisi rumah nan gadang 'ko.
Apolah nan akan sajo sambahkan? Nan ba' pitua datue' nan tuo- tuo, karano haripun lah baie', kutikopun lah êlo', ninie' djan mama'pun lah halie, sarato nan rape' samonjo, samantaro angin laï baie', sadang galombang lai tanang, bidue' lah tibo dikalangan, maminta' kami pado datue', sado nan rape' samonjo alah kan patui' kito bakokoh, ko' lah patui' saueh kito bongka, ama' pitua dari datue' ! Sakian sadjo sambah sajo."
Maningkah datue' nagari: „Mano Datue' Paduko Alam, alah sam- pai itu de' datue' ?"
Mandjawab Datue' Paduko 'Alam,,Insja' Allah, alah sadang ēlo'.
Mambalěh pulo Datue' Mage' Djabang, wakie datue' nagari, lalu manjambah maso itu; ba'itu buni sambahnjo: [ 185 ],,Maminta' ampunlah sajo pado karapatan datue', sado nan halie saisi-isi rumah nan gadang 'ko, sarato partiapan tuan manti pagawai. dangan urang kajo-kajo, sajo mandatangkan sambah; tida' akan tahato' akan tabilang, sambah sajo mandjalani datue' sado nan halie; sajo rapa' panjambahan katangah, sungguhpun ditangah, di Datue' Paduko ‘Alam tampē' tibo sambah."
,,Kapado Allah manitahlah datue'" djawab Datue' Paduko 'Alam.
Maulang Datue' Magë' Djabang Apolah nan akan sajo sambah- kan? Nan ba' pitua datue' tadi, karano hari alah baie, sadang kutiko alah elo'. ninie' djan mama'pun lah halie, sarato nan rape' samonjo, samantaro angin lah baie', galombang lai tanang pulo, bidue' lah tibo dikalangan, maminta' kami pado datue', sado nan rapē' samonjo; alah kan patui' kito bakokoh, ko' lah patui' saueh dibongka? Ama' pitua djuo dari datue' ba'itu panitahan datue' tadi."
..Sabananjo." djawab Datue' Paduko 'Alam.
Maulang Datue Mage' Djabang „Ko' hanjo tantangan itu, ko' bidue' lah tibo dikalangan, adjuang lah patui' dilaiekan, pulang ma'alun ka nangkodoh, manurui' kami tantang itu; basugiro malah datue', kami manompang angin baie."
Maulang Datue' Paduko 'Alam: Djoko itu nan titah datue'. sananglah itu hati kami, karano sauch lah ka dibongka, adjuang lah kan kito laiekan sabuah laï minta' kami, tipa' di datue' nan baru, alah kan djadi baliau mamakai? Ama' pitua djuo dari datue'."
Mambaleh Datue' Mage' Djabang: „,,Djoko' salorong tantang itu, tēmba' lah tibo di ‘alamat, pandang lah tape' kasasaran, akan ba'apo pulo laf basugiro malah datue', samantaro hari laï mudo."
Alah sudah sambah manjambah, bakokoh datue' Nan Tigo Balai, dipakai datue' nan baru, dikana'kan sarawa gadang, sahēto putjue' rabuangnjo, batakat djan banang améh, ukie tjino djelo-badjēlo, maribu api-apinjo dikana'kan pulo malah serong. banamo niru tagantuang. kain saruang balapa' makau, lalu diike' pulo pinggang, dangan tjindai pandjang tudjueh; disaruangkan pulo badju rompi, basolam djan banang ameh, batakat barapi-api. Alah sudah rompi dikana'kan, dipakai pulo pandieng ameh, banamo dalimo masa'; alah sudah pandieng takana'. disaruangkan pulo badju gadang, badju gadang biludu gadum, guntieng- njo tjaro Minangkabau, djahi'njo tjaro Sialahan, basolam baukie tjino. batabue lihie djan dadonjo. Alah sudah badju takana', dipasisi' karih sabilah, karih gadang bahulu gadieng, saruang ameh majang taurai, tasangkui badju digëmbohnjo; dipakai dēta sabali' ameh, bananio tabu [ 186 ] satuntuang, djari batjintjin kiri kanan, intan djan podi paramatonjo, basalo dangan dalimo masa'.
Alah sudah injo mamakai, diadjun pulo panjambahan, ulieh datue' Nán Tigo Balai, kapado sidang karapatan, akan barara' anjolaï, babalēh pulo sambah itu, ulieh sidang datue' nagari.
Alah sudah sambah-manjambah, taga'lah urang nan banja' 'tu, baralieh turun kahalaman, akan barara' anjolaï.
Sadanglah datue' nan baru 'tu, basamo dangan parampuannjo, alah dipapah pulo turun djandjang alah tibo tangah halaman, basamo alē' nan banja' 'tu, lalu diadjun padjalanan tigo batang pajuang tadiri. sabuah pajuang datue' nan baru, duo pajuang parampuannjo, katigonjo itu pajuang gadang, banamo pajuang ubue-ubue, tida'lah ado labieh kurang babarapo pulo banja' marawa, pantun pisang masa' sapara'. Alah diadjun palangkahan, badjalan alë' samonjo, dangan tarati' madjalihnjo, dahulu sagalo datue'-datue', sudah itu datue' nan baru, dilingkuang datue' nagari; dibalakang itu parampuannjo, sarato dajang-dajang banja' dangan andan pasumandannjo, baharu sagalo parampuan, iolah alë' nan banja 'tu; dibalakang itu pulo, badjalan satoboh laki-laki, ana' urang nan patui'-patui', io ana' rang kajo-kajo, tanamo ana' bangsawan, badombai itu samonjo.
Dibalakang itu pulo, baru sagalo urang banja', io biduan mudo-mudo, rapě'lah pulo samonjo, dipalu gandang djan kutjapi, ditiui' sadam bangsi tjino, dangan sarunai Minangkabau, barapo sora' dangan sorai, harinai babuah-buah, buni gandang mahinjo'-hinjo', aguang katjie' batalun-talun, aguang gadang maningkah djuo, padjalanan sigandjue lalai, pado lalu surui' nan labieh, namonjo urang barara'.
Tasabui dubalang nan barampe', io itu dubalang 'adat, mamakai sagalo gadang, badju gadang sarawa gadang, badēta alang basonsong, diganggam padang batjatai, saruangnjo disandang djuo, dipasisi' karih alang. Nan surang dahulu bana, dimuko sagalo ninie' mama', banamo palito ambun; nan surang kudian bana, mangiriengkan ale' nan banja' 'tu; baduo ditangah-tangah, surang dake' datue' nan baru, surang dake' parampuannjo; dubalang nan barampē' 'tu, injo mandjago ale' rami. Namun urang babue' salah, kalau tumbueh silang salisieh, didalam ara' nan bairieng, atau ko' sumbang padjalanan, baie'pun sumbang pantjalie'an, malua dari djalan 'adat, manampueh djalan nan serong, dilua tarati sopan, kalau ta' amueh disaponjo, ataupun itu ditagahnjo. sampai duo tigo kali, bulieh diike' dikabe'njo; kalau malawan dipantjuangujo, injo nan radjo ditampe'njo, injo mantjantjang ta' mamampěh, injo mambunueh [ 187 ] ta' mambangun; ba'itu sapandjang 'adat, kalau mandugang parentalinjo, sadang ukatu adat badiri; ba'itu maso dahulunjo.
Alah sabanta urang barara', tio' simpang urang mananti, maminta' sapandjang ‘adat, kalau manampueh simpang djalan, diisi 'adat limba- gonjo, kalau adat tida' diisi, djalan nan tida' bulich ditampueh, de' urang nan punjo milie', nan basuo disimpang itu. Kalau 'adat sudah diisi, baru bulieh ale' badjalan tida'lah bulieh lalu-lalu sadjo, kalau balun 'adat diisi, kapado urang nan punjo tanah, ba'itu balako samonjo : dimano-mano sapandjang djalan, mandjalang sampai kabalai gadang, ditio-tio simpang itu, atau ditantang kampuang urang, baratuih urang nan malie', babarih dipinggie djalan, urang nan tida' paï baralē'.
Baru tibo dibalai gadang, didudue'kan datue' nan baru, diatéh palanta gadang, basamo parampuannjo, balingkuang dangan tabie ga- dang, balangi'-langi' diatēhnjo. Namun sagalo dajang-dajang, sarato andan pasumandannjo, dudue' baratue bakulilieng, dibalakang datue' nan baru, sampai kakiri kakanannjo; dudue' diatēh lapie' sadjo, dihampakan diatēh tanah, babarapo banja' tilam bungo. Sagalo datue'-datue' itu, dudue' baratue bakulilieng, ditangah balai gadang itu, diatèh lapie' samonjo sabalah biduan mudo-mudo, bamain mantja' dangan tari, sarato silē paramue'kan, babagai indang dangan dampeng, baraga' bamain padang, maléo samo maléo, maranta' samo maranta', ditambah dangan sora sarai, harinai babuah-buah, buni gandang batalun djadi; tjukui'lah itu ragam main, ado' djan gandang ta' baranti, sarato aguang talempongnjo, buni sadam mahimbau-himbau.
Sagalo urang nan bamain, bamantja' ditangah medan, dangan tarati madjalihnjo; akan taga' injo manjambah, ka dudue' ba'itu pulto, disusun djari nan sapulueh, diundjamkan lutui' nan duo, manjambah kapado ninie' mama', disambah kiri dangan kanan, baie' dimuko dibalakang, disambah itu samonjo.
Ado sabanta antaronjo, alah sudah urang nan bamain, alah habih sambah-manjambah, tatakalo dimaso itu, badiri datue' nan baru, basēra' pitih anjolaï, katangah alē' nan rami, hado' katangah galanggang; barabui', urang nan banja', tindieh-batind ch samo kawan, ba' ajam disera'kan padi, sabab mamilich pitih nantun. Dalam kutiko itu djuo, alah taga' sagalo datue'-datue', sarato urang nan patui'-patui'; dalam sabanta itu djuo, alë' kumbali anjolaï, barara' babalie' pulang, karumah dansana' datue' nan baru; sampailah pulang karumahnjo, dianta urang nan rami 'tu, injo naie' urangpun pulang, babalie' karumah masieng-masing tinggalah datue' nan baru, sarato [ 188 ] dangan parampuannjo, dangan datue' Nan Tigo Balai, sarato korong djan kampuangnjo, nan sasuku-suku itu.
Pado barisue hari siang, kiro-kiro ukatu luhue, datanglah pulo urang mandjapui', mandjapui' datue' nan baru, dari rumah parampuannjo: nan tuo mulo mandjapui', datangnjo barami-rami, barara' bairieng pulo, langko djan alat pandjapui'njo, sarato ninie' djan mama'njo, nan sasuku-suku itu, rape' mandjapui' samonjo; dianta pulo rami-rami, ulieh datue Nan Tigo Balai, dangan tarati' madjalihnjo; sampai disitu minum makan, banja'lah pulo karugiannjo, parampuan datue' nan baru itu, sabab baralē' kētē' pulo.
Lapeh djapui' dari nan tuo, alah barisue' itu pulo, mandjapui pulo nan surang laï, io parampuannjo nan mudo, barara' bairieng pulo, sarupo nan tadi djuo, barulah habih ale' dangan djamu, sarato ara' dangan irieng.
Alah sudah injo barale', sarato dangan ara' irieng, sampailah pulo tigo hari; lapēh dari barara' itu, barapē' pulo Datue' Radjo Pangulu, dangan datue Nan Tigo Balai, sarato korong djan kampuangnjo, mahētong uang nan habih, io balandjo de' barale', dapē'lah djumalah. samonjo, adolah garan tigo ratuih, ado labiehnjo tigo suku.
Alah sudah utang dihêtong, batanjo Datue' Paduko 'Alam, kapado Datue Radjo Pangulu: „Ba'apo itu pikieran datue', tantangan uang nan tigo ratuih? Sagalo utang kito itu, tantulah lakěh kito baie."
Mandjawab Datue' Radjo Pangulu: Itu bana kato datue', kini mananti datue' sabanta, ama' hambo paï barundieng, sagalo kami nan badansana'."
Mambaleh Datue' Paduko 'Alam: Itulah kato sabananjo; aga' sugiro malah datue', ama'lah kami manantikan,"
Dalam sabanta itu djuo, alah taga' Datue' Radjo Pangulu, lalu ba- gandjue injo kaudjuang; alah dihimbaunjo mandēhnjo, sarato dangan manděh antjunjo, io mandéh si Budjang Paman; dihimbaunjo pulo si Bu- ngo Inai, basamo dangan Datue' Maharadjo, ipa Datue' Radjo Pangulu, laki de' si Bungo Inai; dihimbaunjo pulo Bagindo Sutan, dansana'njo dirumah nan sabalah, sarato dangan si Budjang Paman; alah dudue' itu samonjo, bakato Datue' Radjo Pangulu: „Mano andêh dangan antju, sarato datue pulo sakali, baie' ang Bagindo Sutan, kini ba'apo pikieran kito, djan apo itu kito baie, utang nan tigo ratuih tadi, sabab karano alē' iko?"
Mandjawab andeh si Paman : Tantangan mambaie utang itu, ba'apo nan élo' djo pangulu, manurui' kami samonjo."
Maulang Datue' Radjo Pangulu: „Ko' ba'itu djanjo antju, de' hambo ba'itu nan taraso: ita utang nan tigo ratuih, baie dē' antju djan si Paman aga' saratuih, nan duo ratuih hambo mambaie." [ 189 ]Mandjawab pulo antjunjo: „Ko' ba'itu djo pangulu, hambo malah mambaienjo, uang nan saratuih itu; ba'apo de' ang itu Paman ?" bakato mandēhnjo itu mahado' bakeh si Paman.
Mandjawab si Budjang Paman:,,Kalau ba'itu kato datue', baie de' anděh limo pulueh, nan limo pulueh hambo mambaie, ama' hambo djua malah kabau hambo, akan panambah nan limo pulueh 'tu."
Maningkah pulo mandēhujo: Ampe' pulueh laï uang hambo, nan anam pulueh tambah de' ang."
Mandjawab si Budjang Paman: .,Ko' ba'itu kato andeh, kamarikanlah uang nan ampē' pulueh 'tu, ama' hambo tjarikan akan tambahnjo." Mandjawab Datue' Radjo Pangulu: „Ko' alah itu di antju, bialah ama' disimpannjo; kalau lah dape' nan kan tambahnjo, nan anam pulueh dari awa' ang, kito minta' malah isue"."
Maningkah si Budjang Paman: „Ko' ba'itu kato datue', tolong djuakan kabau hambo," mahado' kapado Bagindo Sutan. Maulang Datue' Radjo Pangulu, mahado' kapado Bagindo Sutan : ,,Ba'apo itu de' ang, alahkoh ēlo' nan ba'itu, antaro kami djan si Paman?"
Mandjawab Bagindo Sutan:,,Pado pikieran hambo surang, alahlah ēlo itu rasonjo."
Maulang Datue' Radjo Pangulu, kapado si Budjang Paman: „Kini ba'itulah de' ang, pitih hambo laï saratuih, nan saratuih lai tambah djuo de' ang dahulu, djua malah kabau ang aga' tigo ikue, pagang dahulu sawah hambo, io nan di Limau Sarieng, mandjalang hambo batenggang."
Mandanga kato nan ba'itu, mandjawab andeh si Paman: „Usah ba'itu lai pangulu, ko' alah pitih saratuih, ditangan pangulu kini, di andēh pangulu lai pulo, ado tangah tudjueh pulueh, bali padi tahun dahulu, balun tapai hambo lië', nan akan panukue' uang itu tēnggang-tēnggang malah dahulu, nambe'lah manggadai sadjo."
Mandjawab andeh Datue' Radjo Pangulu: „Ko' hanjo kēpēng hambo 'tu, io laï tudjueh pulueh, limo puluehlah hambo tambah, nan duo pulueh akan hambo simpan, ka balandjo itu dē' hambo."
Maningkah andeh si Paman: „Asieng bana laku kaka', nan ka balandjo dipikienjo, iko utang balun laï tantu, balandjo kanapo itu de' kaka nan kan dimakan laï bapadi, nan kan untue' basanang hati, karambie lai nan kan diambie', pisang laï nan kan ditabang; habisi utang 'ko dahulu, usah mandape' malu pulo! Ko' lambë' pitih urang tabaie, disabui' urang malah awa', di kaka' ringan balako, tida' tantu nan kan malu, awa nan kan disabui' urang." Mandanga kato mandeh si Paman, alah diam andêh Datue' Radio. Pangulu, tida' injo manjahui' laï. [ 190 ]Maningkah Bagindo Sutan: ..Ba'apo itu de' anděh tuo, kito baiekan- lah itu dahulu, pitih nan tudjueh pulueh 'tu, ama' salasai utang nangko; ko' hanjo nan kan balandjo, usahlah andeh tuo rusuehkan: kanapo gunonjo dě' andēh tuo, manjimpan pitih sabanja' itu ?"
Mandjawab andeh Datue' Radjo Pangulu: „Ko' ba'itu djanjo awa' ang, ka ba'apo pulo djo hambe, baiekan malah itu de' ang, tatapi tinggaï djuo den sakētē, ka balandjo itu de' den; usah den maminta' djuo, ko' apo-apo nan taraga', nan lama' di salero den."
,,Ko' itu djanjo andeh tuo, buliehlah itu hambo tinggakan, aga' sapulueh rupiah. Mano datue' dangan andēh, sarato datue' malah pulo." katonjo Bagindo Sutan, hado' kapado Datue' Maharadjo.,,Sapandjang hëtongan hambo, alah salamat itu ruponjo, utang kito nan tigo ratuih rupiah mangko ba'itu kato hambo, de si Paman alah saratuih, de' datue' lah saratuih pulo, de' andeh tuo tudjueh pulueh djadi djumalah samonjo, alah duo ratuih tudjueh pulueh; malainkan nan akan kito tjari, iolah tigo pulueh laï; kini nan tigo pulueh itu, bialah hambo manambahnjo, sabab hambo lah badjandji ida' kan djadi apo-apo, rilalah itu ulich hambo, uang nan tigo pulueh itu, akan pambaie utang datue', dari dunia kaakirat."
Maningkah Datue' Maharadjo: „Kalau ba'itu djanjo Bagindo, alah lapēh utang samonjo; ba'ato kini anjolaï, pabilo itu kito pakampuangkan, ama' tjukui' katangan kito ? Pabilo kito undjue'kan, ka datue' Nan Tigo Balai ?"
Mandjawab si Budjang Paman:,,Nan saratuih dari hambo, badjan- djilah hambo sapakan 'ko, samantaro mandjua kabau, sabab balun ditangan hambo; hanjo nan alah itu kini, iolah ampē' pulueh rupiah, nan alah ditangan andēh kini."
Maningkah Datue' Maharadjo, bakato kapado Bagindo Sutan :,,Ko' ba'itu kato ipa, lapeh pakan kito kumpuekan, alah kan djadi nan ba'itu ?"
Mandjawab Bagindo Sutan: „Ko' ba'itu djanjo datue', de' hambo lah elo' hana." Mangko sakatolali samonjo, mambue' djandji lapēh pakan, mangumpuekan uang itu, mananti si Paman mandjua kabau.
Maulang Datue' Maharadjo, mahado' kapado Datue' Radjo Pangulu: ..Kini ba'itulah de' datue', minta'lah djandji sapakan 'ko, ka datue' Nan Tigo Balai lapeh itu kito baie, sagalo utang nan tigo ratuih."
Maningkah Datue' Radjo Pangulu:,,Malah pade' rundieng disitu, hambo minta malah djandji, hari nan sapakan iko." Habihlah rundieng maso itu, sagalo injo nan badansana'. Alah sudah injo barundieng, lalu babalie' injo kapangka, kapado datue' nan [ 191 ] tadi: alah dudue' Datue' Radjo Pangulu, dudue'lah pulo nan lainnjo; kopi lah diisi urang, lalulah minum anjolaï, sagalo datue' nan rapē' 'tu.
Samantaro injo minum kopi, batanjo Datue' Paduko 'Alam, ka Datue Radjo Pangulu: „Alah ba’apo pantjarian, bari kaba malah kami?"
Maningkah Datue' Radjo Pangulu Minum malah kito dahulu, sudah minum kito barundieng."
Mambaleh Datue' Paduko 'Alam, sambie tatawa gala' sanjum, sambie manjurueh manambah kopi, hado' kapado datue' nan lain 'tu: „,Laï barisi itu ruponjo, sananglah itu hati kami." Urangpun gala' samonjo.
Alah sudah injo minum kopi, bakato Datue' Radjo Pangulu :,,Mano Datue' Paduko 'Alam, sarato datue' samonjo, tipa' di kato nan tadi, alah datue surueh kami barundieng, tanamo kami nan badansana'; itupun alah kami rundieng kami papa, nan akan pambaie utang itu, nan pandapatan kami basamo, io djuo pitua datue', murah djuo di nan laï, suka djuo di nan tida'.
Kini de malang datue' djuo, balun laï ado uang itu, hanjo mananti datue sapakan 'ko, samantaro kami batenggang; lapěh pakan datue' kamari, kito baie uang itu."
Mandjawab Datue' Paduko 'Alam Malah ba'itu kato datue', sananglah itu hati kami; djo kami ko' laï kan kini 'ko, sabab laï tampa' dē kami."
De' Datue Radjo Pangulu, tida' badjawab kato itu, tasanjum sadjo anjolaï alah sudah injo barundieng, alah batjarai pulo itu laï; alah sampai hari lapĕh pakan, alah tjukui' uang samonjo, mahimbau Datue' Radjo Pangulu, kapado datue' Nan Tigo Balai; rapē'lah pulo samonjo, nan sasuku-suku itu.
Pado maso kutiko itu, dibantai pulo kambieng saikue, akan para- bahkan palanta, ba'itu 'adat nan biaso.
Alah rape' itu samonjo, tanamo urang Nan Tigo Balai, alah barale' katjie' pulo, dibaie uang nan tigo ratuih, kapado datue' Nan Tigo Balai; alah dibilang ditarimo, lalu dibagi itu sakali, kapado nan punjo surang-surang; mano-mano nan ado sanan, siapo nan punjo uang itu, dibaie balako itu sakali.
Alah sudah utang dibaie, bakato Datue' Paduko ‘Alam, kapado urang nan rape 'tu: „Kutiko kito lai rape', elo' hantakan kini-kini, sagalo barang-barang urang 'ko, mano-mano nan kito salang, ama' salasai barang urang.'
Mandjawab kampuang samonjo: Malah ba'itu titah datue', kami antakan malah kini."
Lalu dipilieh anjolaï, barang nan punjo surang-surang; alah basisieh [ 192 ] samonjo, alah tantu nan punjo masieng-masieng, diadjunkan Sitti Djalēla,mahanta barang-barang urang 'tu, sarato dangan pahantanjo.
Sudah diadjun samonjo, alah ditatieng pulo nasi, makanlah pulo maso itu, sagalo nan rape' samonjo. Alah sudah minum djan makan, diisi pulo malah 'adat, kapado budjang main pantan, sarato datue' pitunggue ale', basamo dangan Sitti Djalēla, diisi sapanueh-panueh, tida'lah itu lua lambang.
Ulieh datue pitunggue ale', 'adat nan ditarimonjo itu, dibaginjo pulo maso itu, kapado datue' dalam Patapang; mano-mano nan mano- longnjo, mausahokan alē' itu, dibari balako samonjo; diisi pulo itu ‘adatnjo, iolah manti djan pagawai, sarato dubalang nan barampē' ; habihlah itu samonjo, mano nan patui'-patui' bulich, tida'lah ado katinggalan, baie ‘adat urang batana', dangan urang mangapieng kaju, tjukui“ balako itu samonjo.
Pado ukatu itu djuo, sagalo barang-barang tadi, alah dihanta samonjo, ulieh urang dikampuang itu; sarato urang dalam sukunjo, manolong djuo mahantakan, mano-mano nan ado sanan.
Sagalo pakakēh de' baralē', io palangko djan palanta, baie' bandēra djan marawa, sarato dangan pajuang gadang, lalu dibuka' samonjo. disusun kaju-kajunjo, dibatjokan pulo do'a salamat: bue' salasai anjolaï, pulanglah urang samonjo, katampē'njo masieng-masieng.
Alah salasai alē'njo itu, sananglah hati Datue' Radjo Pangulu. mamarentah dalam kampuangnjo, ‘adie nan bukan alang-alang, manih mului katudju baso, kakasiehan urang nan banja', kasajangan urang kampuang 'tu, luruih nan bukan alang-alang, tida' barubah djan mama'njo, io Datue' Radjo Pangulu, nan mati digantikannjo, dikato samo antah labieh. Datue' nan baru kini 'tu, ikui'tan urang dalam suku, sambahan ana' buahnjo, dimalui urang nan banja', pandai manimbang hati urang. tahu bakorong djan bakampuang, panjaba bukan alang-alang, pangasieh
pulo di rang dagang, tjapē' kaki ringan tangannjo. tida' mamilieh pakaradjaan, tida'njo panah malupokan, apo nan diadjakan de' mama'njo hanjo batambah nan lé laï, [ 193 ]BAB VII
DATUE' RADJO PANGULU MANTJARI MI-NANTU
ADOLAH garan limo tahun, kamudian dari pado itu, alah gadang pulo ana'njo, io ana' Datue' Radjo Pangulu, nan baru diangkē tadi, nan banamo si Bungo Kapēh; baie' rupo bukan kapalang, sadarhano samporono bisai, tinggi tida' randahpun tida', sadang elo' ka pamēnan, mukonjo bagai bulan panueh. pipinjo paueh dilajang, kaniengnjo kilieran tadji, rambui' batikam tida' djadi, pandjangnjo samundam panueh, bibien jo asam saulēh, lidahnjo ampalam masa', gigi bakilē' gewang katjo, lihie djandjang bahunjo lēba, pinggang rampieng dadonjo bidang, langannjo antaran hanjui', djarinjo haluih sigulanda', kuli'njo kunieng buah lanse', indue' kaki bungka sata-hie, buah batih parui' padian, buni tutuenjo lama' manih, maragukan. urang nan banja', manggilo ana' mudo-mudo, èlo' baso bukan kapalang. Siapo datang karumahnjo, kalau tida' ka minum makan, tida' manjanang dihatinjo: tjapë' kaki ringan tangan, paradjan bukan alang-alang. Kara-djonjo satio' hari, io mangadji djan sambahjang, pane' mangadji injo mandjahi', sarato manakat manarawang, adang manjolam djan. mangajam, itu karadjonjo siang malam, djarang bana paï badjalan, hanjo dudue' dirumah sadjo; dari rumah katapian, itulah djaueh padjalanannjo. Kalau akan kamano-mano, nan paralu diturui'njo, bapantang badjalan. surang misikipun mandi katapian, sairieng injo djan manděhnjo, atau dansana sudaronjo, nan tuo dari padonjo; tida'njo suko sando gurau, dangan gadih nan lain-lain; kalau injo akan turun, ataupun mandi djan sambahjang, minta' idjin ka ibunjo; djoko' bapa'njo laï dirumah, disabui'-njo pulo ka bapa'njo, tida'njo amueh turun-turun sadjo, ba'itu ‘adatnjo salamonjo, dé' katjie' masa' pangadja, lah gadang djadi biaso, sangat kasieh ibu bapa'ujo, sarato ninie' djan mama'njo, baie'pun urang kam-puang itu, kasieh balako kapadonjo; pamurah pulo ka nan banja', tida' panah silang salisieh, dangan dansana' sudaronjo, atau urang nan lain-lain. Salamo si Bungo Kapēh lah gadang, banja'lah urang nan ma- njurueh, maminta' si Bungo Kapēh, ado ka ibu djan bapa'njo, ado ka ninie' djan mama'njo, maminta' handa' samando, kapado si Bungo Kapeh; tatapi tida' batarimo, io dè' ninie' djan mama'njo, sarato ibu djan bapa'njo, [ 194 ] gilo baantah-antah sadjo, mangatokan ana'njo katjie', injo nan balun samupakat; itu sadjo djadi djawabnjo, palapēh rundieng urang nan da- tang, maminta si Bungo Kapēh. Sabab injo sadang bapikie-pikie djuo, io Datue' Radjo Pangulu, sarato ninie' djan mama'njo, mantjari urang ka minantunjo, manimbang burue' dangan baie', mangadji êlo' dangan burue', sarato mularat mupa'atnjo, nan kan timbue kamudian, mangadji urang nan datang 'tu, nan kan mandjadi minantunjo, dipilieh djuo dalam hati, nan kan sadjodu djan ana'njo, nan samo tingkah tarati'njo; ba'itu kahanda' hatinjo, io Datue' Radjo Pangulu, tida' njo mamilieh urang, asa lai baie' tingkah lakunjo.
De' lamo bapikie-pikie djuo, ado kapado satu hari, bakato Datue' Radjo Pangulu, kapado parampuannjo, ia ka si Bungo Tjajo, andēhnjo si Bungo Kapēh: „Mano kau Bungo Tjajo! Kini ba'apo pikierankau, tantangan ana kito 'ko? Uranglah banja' nan manjurueh, mangatokan handa' samando, surangpun tida' batarimo, tatula' sadjo rundieng urang ; nan pikieran hati hambo, kalau kito tahani djuo, mularat kasudahannjo : banja'lah urang saki' hati, sabab de' ana' kito iko."
Mandjawab si Bungo Tjajo: „Di hambo tida' mangapo, pikieran de' datue surang: djoko' ba'itu kato datue', siapo urang kito djapui', nan kan djadi minantu kito?"
Mandjawab Datue' Radjo Pangulu: „Dalam pikieran hati hambo, kalau lai kito akan samupakat, sarato mama' djan datue'njo, sarato antju djan angahnjo, baie' dansana' sudaronjo, kalau laï kan samo mangatudjukan, èlo' urang sia' kito djapui', ama' bulieh djuo pangadjaran; djoko' untuang pambari Allah, dunie bulieh akirat dapē', ba'itu niat hati hambo."
Maningkah si Bungo Tjajo: „Kalau ba'itu kahanda' hati datue', di hambo lah ĕlo' bana, tjubolah sabui' nan katudju, urang nan laï aga' sia', nan kan mungkin kito djapui', nan laï kan dape' pangadjaran, nan sadjodu djan ana' kito."
Mambaleh Datue' Radjo Pangulu: „Nan taraso di hati hambo surang, ko' ado untuang djan bagiannjo, nan tampa' de' diri hambo. ělo Tuanku Imam Mudo, kamanakan Datue' Paduko Radjo; kalau ado untuang patamuannjo, baruntuang kito bulieh minantu, alah sadjodu djan ana' kito, rupo baie' parangai baie', lai nudo le 'alim pulo, kari nan bukan alang-alang larang basuo maso kini, urang mudo nan ba'injo 'tu; bukan sabuah ado ēlo'njo, tjukui' balako samonjo, rupo baie' lakupun baie'. budi manih djangan disabui'. Kalau djadi djan ana' kito, angkueh sarupo kaduonjo, ba' pinang dibalah duo, sananglah hati mamandangi."
Mandanga kato nan ba'itu, tagala si Bungo Tjajo, bini Datue' Radjo Pangulu „Dē' datue' ēlo' samonjo, tida' urang 'ko nan batjatjē'.“ [ 195 ]Maningkah Datue' Radjo Pangulu: „Usah itu dibao gala', itulah kato sabananjo, tida' hambo bagarah-garah; kalau tantang sapandjang 'adat, injo djan ana' kito iko, kalau diudji samo mērah, namun dikati samo bare', sidiki' tida' basalahan."
Mandjawab si Bungo Tjajo: „Kalau lah itu nan katudju, laïkoh injo akan amuah, kito djapui' ka ana' kito, urang barumah duo tigo, urang kajo sadjo nan kan dilawan, awa' 'ko urang misikin ? Tjubolah timbang itu de' datue'!"
Maningkah Datue' Radjo Pangulu „Pado pikieran hati hambo, amuehlah injo kito djapui', akan djadi minantu kito, sabab alah ado anginnjo, alah pulo hambo surueh tindjau-tindjau, di Bagindo Saripado, sabab injo nan le saraso, dangan Tuanku Imam Mudo 'tu: alah pulo itu ditjubonjo, barundieng sambie bagarah; kato Bagindo Saripado, amuehlah injo kito djapui', kapado si Bungo Kapēh. Tantangan kajo djan misikin, itu usah kaupikiekan; djoko' untuang dangan takadie, tida' urang karano itu; kalau urang nan laï baraka, labieh manjuko di hatinjo, barumah ka 'rang misikin. Kalau barumah ka nan kajo, basuo pitua urang tuo, kalau ado pambariannjo, bagai manukue' aie laui'; misiki barapo itu banja'njo, aie nan datang dari lua, tida'lah itu akan tampa'; tatapi barumah ka nan suka, bago sakētē' dibarinjo, ulieh urang nan datang tadi, badjaso bana itu dē' injo, takana guno salamonjo; ba'itu timbangan urang baraka, kalau hatinjo laï namueh, tida' mamandang suka misikin.”
Mambaleh si Bungo Tjajo: „Kalau ba'itu kato datue', sukolah itu hati hambo, tida' hambo bapandai laï; datue' masa'kanlah rundieng itu, ama' bangē' kito lansuangkan !"
Mandjawab Datue' Radjo Pangulu:,,Kalau mamasa'kan itu, itulah kadji murah bana; kini ba'itulah dē' kau: ko' alah suko kau kakiun, patang isue' kito barundieng: djapui'lah datue' djan mama'njo, surueh kamari patang isue', ama' bulieh samo kito kadji; bago ko' ēlo' djanjo kito, kalau tida' ělo' djo injo, tida' kan lalu buatan 'tu, elo' basamo mangko io."
Rundieng tida dipandjangkan, alah sampai hari patang isue', alah rape' mama' djan datue'njo, io datue' si Bungo Kapeh, sarato dansana' sudaronjo, nan sakaum-kaum itu, lalu barundieng maso itu.
Bakato Datue' Radjo Pangulu: „Mangko datue' hambo surueh himbau, sarato mama' dangan ipa, tantangan si Bungo Kapeh, awa'njo sudahlah gadang, alah patui' injo bakawan; datue' lah samo maalum, ana' urang nan pangkē' injo, alah batompangan balako malu bana awa de urang, malië' injo alah gadang. Maminta maaf hambo banja'[ 196 ] banja', patui'njo datue' nan kan rusueh, nan kan manjabui' pado hambo, tantangan rundiengan itu, hambo 'ko utang mananti; sungguhpun injo ana' hambo, datue' nan labieh bakuaso, datue' nan punjo kamanakan, hambo utang mamaliharo, mangatokan kapado datue'; misiki gadang kato hambo, kalau balun djanjo datue', sarato mama' dangan ipa, balunlah itu akan mandjadi, sabab bare' nan kan mambao, atau ringan nan kan mandjindjieng. pulang kapado diri datue', tipa' di baban nan iko."
Mandjawab Datue' Bandaharo Mudo, io datue' si Bungo Kapēh, mama' de' si Bungo Tjajo: „Djoko' itu kato rangkajo, itulah kato sabananjo; de' hambo lah taraso djuo, mamandang injo lah gadang; lah lamo baraga'-aga', akan mandjalang rangkajo, balun djuo sampai-sam painjo. Namun di diri hambo nangko, hado' kapado si Bungo Kapēh, ba' kato rangkajo tadi, io hambo nan patui' manjabui'njo, kapado diri rangkajo; sungguhpun io awa' hambo, samolah kito tantang itu; tipa' dibadan diri kami, nan sarumah-rumah iko, tantangan rundengan itu, atau nan lain dari tu, tanamo dirumah iko; de' hambo tida' barubah. Sungguhpun rangkajo urang samando, tatapi de' kami samonjo, nan sakampuang-kampuang iko, rangkajolah djadi ninie' mama', paï ka tampĕ' batanjo, pulang ka tampe' babarito, samo ma'alumlah rangkajo tantang itu, surangpun tida' nan laï tahu, tampan djagalan 'tu samonjo; hambo 'ko sudahlah tuo, 'aka singke' pandape' kurang, tuo hambo 'ko tuo pisang, tuo pisang ditabang urang ba'itu laku untuang hambo. Kini ba'itulah de' rangkajo, tantangan rundiengan iko, tantangan si Bungo Kapēh, ba'apo nan ĕlo' djo rangkajo, baduo dangan si Tjajo, manurui' sadjo diri kami, asa laï baban ka babao; misiki kamano djo rangkajo, manurui' sadjo diri kami; mano katudju de' rangkajo, itu katudju pado kami: mano nan dapě de' rangkajo, masa'kan sadjolah rundieng 'tu, usah rangkajo pandjang angan-angan, tida'lah kami manjalahi."
Maningkah Datue' Radjo Pangulu: „Mano datue' dangan mama", sarato ipa kaduonjo, nan sapandjang kato datue' 'tu, itulah sabananjo djuo; sungguhpun ha'itu nan kato datue', sarato ipa dangan mama', di hambo tida'lah lama'; ato hanjo nan pinta' hambo, saio sadjo kito dahulu ko' siapo nan kan kito djapuí', mupakat kito dahulu, kito rundieng kito kadji; usah pulang mamulangkan sadjo, tida' èlo' rundieng ba'itu, elo'njo dape' nan salasai, ko' tibo diangin kusui', basalahan kasudahannjo."
Maningkah mama' si Bungo Kapēh:,,Itu bana kato datue', dikadji awa djan akie, kalau tabue' di nan baie', sananglah itu hati kito; malang djan mudjue ta' batjarai, kajo Allah siapo tahu, malah sudah kito haminantu. nan lah ditjari de' bapa'njo, nan dipulang-pulangkan sadjo, [ 197 ] kalau Tuhan mantakadiekan, tida' njo lamo babaue, atau basilang basalisieh, tida sapakat injo djan lakinjo, atau basonjo tida' ēlo', tida' mamandang ka nan lain, mamandang ka bininjo sadjo, tida' njo malu pado kito djadilah kito baupatan, mangatokan tida' tjari hambo, mangatokan tjari bapa'njo, itu disabui' dibalakang; dahulu awa' mamulangkan, kamudian taga' bakisa, dikatokan tjari bapa'njo, kami 'ko manurui' sadjo, ba'itu nan kato awa'; djadi taupe' ipa bisan, taupe' minantu awa'. Tida'lah djadi nan ba'itu, hanjolah nan kahanda' hati hambo, malah ba'itu niat datue, ko' io alah injo akan kito patompangkan, sabui'lah de' datue' nan katudju, atau di kaka' malah pulo, ko' alah tampa' de' datue', atau dē' kaka nan katudju; sabui'lah itu pado kami, ama' bulieh samo kito kadji, kito timbang basamo-samo!"
Mandjawab Datue' Radjo Pangulu: „Itu bana kato ipa, itu nan katudju de' hambo; malah samo kito rundieng kito papa, tida'lah kito basasalan, tida' timbue upē' pudji, ko' apo-apo nan tumbueh, nan tadjadi kamudian itu nan kahanda' hati hambo."
Maningkah Datue' Bandaharo Mudo: .,Malah ba'itu kato rangkajo, manurui pulo diri hambo; kini sabui'kan dē' rangkajo, ama' bulieh kami paiokan, kamano rangkajo akan baminantu, siapo katudju dē' rangkajo, ama samo kito parundiengkan, bulieh didanga nan basamo. Sabui'lah itu dē' rangkajo, mano-mano nan akan èlo', samantaro kito laï rapē' !"
Mandjawab Datue' Radjo Pangulu,,Ko' itu nan kato datue', dē' hambo balun lai tampa'; kalau lah tampa' dē' hambo, sadja' tadi hambo sabui'kan kini tjarilah de' datue', sarato dangan mama'njo, ama'lah hambo manurui’kan.“
Mandjawab Datue' Bandaharo Mudo:,,Kalau balun tampa' de' rangkajo, nan taraso de' hambo surang, elo'lah urang mamarentah, suku laï kapalo laï ; piliehlah itu dē' rangkajo, mano-mano nan katudju, urang nan balimo itu."
Maningkah Datue' Radjo Pangulu: „Dē' ipa ba'apo pulo, laïkoh sapakat dangan datue', de' baliau itu nan katudju, bukankoh samo kito danga ?"
Mandjawab mama' si Bungo Kapēh: „Kalau sapakat tantang itu, manurui pulo diri hambo; tatapi sabuah nan taraso, kito 'ko urang misikin, urang 'tu urang banja' ale', siang malam tida' baputuih, barale' bakalaluan, ko' pajah kito kamudian, ko' manjasa kasudahannjo. Sabuahlaï nan taraso, padja 'ko ana' kētē' baru, urang 'tu lah aga' ba'umue; bago ko' ělo djanjo kito, de' injo ko' ta' katudju, tida' salamat karadjo 'ko; de' takui' injo di kito, diturui'njo djuo rundieng kito, tatapi maibo di [ 198 ] hatinjo, djadi marusa' pikierannjo. Kalau lē kan bulieh pinta' hamba, sungguehlah ĕlo' pado kito, êlo' pulo itu handa'njo, de' urang nan kan mamakai ; ba' itu mangko samo ēlo'. Sungguhpun kito mamiliehkan, injo mangatudjukan pulo, urang nan kito pilieh 'tu, djangan tapatah di hatinjo. io urang nan akan mamakai; ba'itu handa'njo nan kan ditjari, supajo sanang di hatinjo, baie' di kito nan kan mamandang, samo lama' itu handa'njo kalau kan ba' pinang diandueh, putuih tali injo badiri, tabi' santan dē bapatji', tabi' minja' de' bakampo, tida'lah ēlo' nan ba'itu, samo diraso hati kito."
Mandjawab andeh si Bungo Kapēh ..Maminta' hambo di datue' nan basamo, kalau kan urang mamarentah, tida'lah suko hati hambo; ko' lai kan bulieh pinta' hambo, urang sia' datue' tjarikan, nan laï tahu mangadji, sabab injo si Bungo Kapēh, sungguhpun injo ana' kētē”, tatapi kue' injo mangadji, sambahjangnjo tida' nan tingga; kalau lē urang sia' pulo, tantu batambah pangadjiannjo, usah sarupo hambo 'ko pulo, tida' tahu di hala haram; djoko' untuang pambari Allah, malah nan sia' datue' tjarikan, sabab de' mandanga-danga, tabuka' djuo hati hambo."
Mandjawab Datue' Bandaharo Mudo: „Kalau ba'itu nan katokau, itulah nan elo' bana; kalau lē tampa' de' matokau, sabui'kan malah kini-kini, ama dikadji burue' baie', kutiko laï samo dudue'."
Maningkah si Bungo Tjajo:,,Nan katudju dē' hati hambo, ko' laï datue' manjukokan, sarato mama' djan bapa'njo, le kan amueh injo pulo. hambo handa Tuanku Imam Mudo; itu nan katudju dē' hambo, ko' lē kan mungkin kito djapui'."
Mandanga kato si Bungo Tjajo, tamanuang Datue' Bandaharo Mudo alah sabanta injo tamanuang, lalu bakato anjolaï: „Ko' itu nan tampa' de' kau, itulah nan elo' bana, alah biaso kito kakiun; itu bako mandiang datue' nan dahulu, nan hambo gantikan gala; kakiun djuo itu bakonjo, bako mandiang uban hambo, Datue' Gago' kato urang, galanjo Datue' Paduko Radjo; sabab dē' injo urang gago', dihimbaukan urang Datue Gago': alah djuo hambo basuo, dangan baliau Datue Gago' 'tu, dē' samaso hambo kētē', tatapi balun tarang bana, hanjo lupo-lupo inge', sabab pado ukatu itu, hambo balun tahu di kain, tjape' bamain tangah halaman, ba'itulah baru gadang hambo; kalau kakiun nan katu- dju de' si Tjajo, itulah djadja' lamo djuo, alah ĕlo' bana itu de' hambo; sungguhpun elo' kato hambo, pikieran di nan basamo."
Maníngkah mama' si Bungo Kapēh „Ko' itu nan kato kaka', dē hambo itulah katudju, sabab lah hambo lie' hambo pandang, tantangan laku parangainjo, sipat baie' tarati' baie', lagi baliau urang 'alim, ikui'tan urang disiko." [ 199 ]Maulang Datue Bandaharo Mudo: „Mano rangkajo Radjo Pangulu, ba' apo itu dē' rangkajo, nan disabui' si Tjajo tadi, handa' Tuanku Imam Mudo, itu nan katudju dē' injo; ba' apo timbangan de' rangkajo, tantangan nan disabui'njo itu?"
Mandjawab Datue' Radjo Pangulu:,,De' hambo tida'lah pandjang. dimano sapakat datue' nan basamo, manurui' hambo tantang itu; tida'lah hambo manjalahi, misiki nan lain dari itu; kalau alah sapakat datue' nan basamo, manurui' djuo diri hambo."
Rundieng nan tida' dipandjangkan, sudah dikadji burue' baie', nan samalam-malam itu, djadi sakato anjolaï, sagalo urang nan dudue' 'tu, akan mandjapui' Tuanku Imam Mudo, nan akan djadi minantunjo ; dibuē' pulolah mupakat, dalam awa' nan sabanja' itu, siapo nan akan malakukan, mambue' rundiengan itu, dangan Tuanku Imam Mudo; dapē'lah pulo kabulatan, ulieh nan rape' samonjo, mamulangkan ka Datue' Radjo Pa- ngulu, nan kan mambue' rundieng itu, kapado Tuanku Imam Mudo. Sabab alah rundieng sakato, manurui' Datue' Radjo Pangulu, tatapi sabuah nan dipinta'njo, de' Datue' Radjo Pangulu, djoko' untuang pambari Allah, ko' dape' rundiengan itu, tipa' dimamutuihinjo, kumbali ka datue' dangan ipa.
Maningkah Datue' Bandaharo Mudo, dangan mama' si Bungo Kapēh,,Malah ba'itu kato rangkajo, tjubolah dahulu de' rangkajo; malah masa itu dē' rangkajo, dimano rangkajo ka bamanti, basamo djuo malah kito."
Maningkah Datue' Radjo Pangulu,,Malah ba'itu kato datue', ama' hambo tjubo malah barundieng; tatapi ko' njo bakanda' améh, aměh nan sapandjang 'adat, ba' apo itu de' datue'?”
Mandjawab Datue' Bandaharo Mudo: Kalau uang nan sapandjang 'adat. kito bari malah itu, antah ko' labieh dari itu, tida'lah akan taisi; sungguhpun itu damikian, ba'apo nan elo' djo rangkajo: tjubolah masa'kan dahulu, mandapē' kaba malah kami."
Alah sudah injo barundieng, dibari pulo minum makan; alah salasai minum makan, baru injo batjarai-tjarai, pulang karumahnjo masieng-masieng.
Tasabui' Datue Radjo Pangulu, alah duo hari lapēh itu, didjalangnjo Bagindo Saripado; disuruehnjo paï barundieng, dangan Tuanku Imam Mudo, barundieng kētë' sadjo dahulu „Tjubolah Bagindo tanjoï bana. ko' io baliau lai kan amueh, hambo ambie' djadi minantu kapado si Bungo Kapēh."
Mandjawab Bagindo Saripado: Djoko' ba'itu kato datue', ama' hambo tjubo malah, maulang sakali lai, sabab de'. nan tempo hari, ukatu [ 200 ] dalam bagarah-garah, ruponjo io baliau amueh, antah kini ko' barubah: tatapi pikieran hati hambo, tida'lah itu akan barubah. Kini ba’itulah di datue', mananti datue' duo hari 'ko, ama' hambo lie' dahulu ; malah sudah hambo lië'i, ko' lē ka mungkin itu rasonjo, buliehlah hambo datang ka datue'."
Pado maso kutiko itu, badjandjilah Datue' Radjo Pangulu, dangan Bagindo Saripado, duo hari masuk katigo; alah batjarai kaduonjo, sudah injo barundieng itu.
Tasabui Bagindo, Saripado isue' harinjo barundieng itu, païlah injo badjalan-djalan, kasurau Tuanku Imam Mudo.
Untuang suratan nan ka baie', pado maso kutiko itu, tida'lah ado baurang lain, disurau Tuanku Imam Mudo, hanjo baliau surang sadjo, sadang mantjabui'-tjabui' rumpui', dudue' ditangah halaman, sadang manjapu-njapu saro'.
Alah tampa Bagindo Saripado, tagala' Tuanku Imam Mudo, lalu batanjo injo sakali:,,Dari mano tuan tadi?"
Mandjawab Bagindo Saripado: .,Hambo dari rumah sadjo, mukasui' sangadjo dalam hati, handa' basuo djan tuanku.”
Maningkah Tuanku Imam Mudo:,,Iko 'kan alah kito basuo," sam- bie injo badjawe' salam. „Mari kito naie' kasurau," kato Tuanku Imam Mudo. Injopun naie' maso itu. De' Tuanku Imam Mudo, diambie' lapie' dikambangkan, diundjue'kan pulo tampě roko'.
Dudue'lah tuan sabanta, ama' hambo kasurau ētēn, ado nan akan hambo ambie'," kato Tuanku Imam Mudo.
Mandjawab Bagindo Saripado: Insja' Allah, baie'lah itu." Dalam sabanta itu djuo, turun Tuanku Imam Mudo, naie' kasurau nan sabuah, disuruehnjo ana' muri'njo, maabuih kopi maso itu; injopun turun anjolaï, babalie kasurau nan tadi, kapado Bagindo Saripado. Alah dudue' ma- ngĕtjë-ngētjë”. banja'lah rundieng nan disabui', ulieh Bagindo Saripado, kapado Tuanku Imam Mudo, dé' balian ba' itu pulo, samo mangētjē' kaduonjo, manjabui' nan ēlo'-elo', adang-adang samo tagala', adang- adang samo tamanuang. Sadang lama' patutueran, sadang elo' parundiengan, bakato Bagindo Saripado: Mangko hambo datang kamari. ado mukasui' dalam hati, sangadjo bakeh tuanku, tatapi rundieng kito baduo sadjo, nambe' disabui' bakeh urang."
Maningkah Tuanku Imam Mudo, bakato sambie tatjangang: ..Rundieng apo itu tuan, elo'lah sabui' bakeh hambo, tida' kan pandjang itu de hambo, malah ba'itu kato tuan."
Maningkah Bagindo Saripado: Nan hambo datangkan ka tuanku, tida'lah rundieng apo-apo, hanjo rundieng elo' bana. Io laï kan amueh [ 201 ] tuanku, kami djapui' kapado si Bungo Kapēh, ana' Datue' Radjo Pangulu ?"
Mandjawab Tuanku Imam Mudo: „Ba'apo de' ba'itu kato tuan?"
Maningkah Bagindo Saripado: „Mangko ba'itu kato hambo, urang lah barundieng-rundieng, handa' mandjapui' tuanku djuo; ko' ado tuanku lai namueh, adolah urang nan kan datang, mamasa'kan rundiengan itu. Kini 'ko hambo kamari, disurueh Datue' Radjo Pangulu, manjurueh barundieng djan tuanku, sabab baliau malu-maluan, ko' tatula' dē' tuanku; djoko kironjo tuanku laï suko, baliau bana datang kamari, maulang rundiengan itu."
Maningkah Tuanku Imam Mudo: „Ko' itu nan kato tuan, tipa' di diri hambo surang, sukolah hambo tantang itu tatapi sabuah nan taraso, ko ba'itu niat baliau, hambo 'ko urang sia' burue', tida' tahu disawah ladang, amēl pēra' djaueh sakali, samo ma'alumlah de' tuan, siang malam disiko sadjo, dimano pitih ka dapĕ'."
Maningkah Bagindo Saripado: „Ko' hanjo tantangan itu, alah ma'alum itu de' kami: usah tuanku susah sanan, poko'njo tuanku laï amuch. itu tida' urang pikiekan."
Maningkah Tuanku Imam Mudo: „Ko' ba'itu kato tuan, tjubolah tolong de' tuan barundieng, io djan datue' hambo; bago ko' io hambo amueh, ko' tida' baliau suko, tida'lah djuo kan mandjadi."
Maningkah Bagindo Saripado: „Ko' ba'itu kato tuanku, bialah hambo susah pajah, ama' hambo djalang pulo malah baliau."
Alah sudah injo barundieng, alah tibo kopi de' rang sia', alah minum Bagindo Saripado, basamo Tuanku Imam Mudo; alah sudah injo minum kopi, alah turun Bagindo Saripado, basalam dangan Tuanku Imam Mudo.
Tasabui Bagindo Saripado, turun dari surau itu, badjalan injo kalabueh, handa mandjalang Datue' Paduko Radjo, mama' Tuanku Imani Mudo. Allah ta'ala manggara'kan, basuo sadjo dilabueh, akan kasurau pulo maso itu, malie' Tuanku Imam Mudo, alah sapakan tida' kasurau. Manampa Datue' Paduko Radjo, taga'lah Bagindo Saripado: alah sam- pai injo badake', lalu hasalam maso itu, dudue' basirieh-siriehan; batanjo Datue Paduko Radjo: Dari mano Bagindo tadi?"
Mandjawab Bagindo Saripado: „Hambo lah mantjari datue', kasuran hanibo sadja' tadi, de' lah lambe' datue' tida' datang, lah pane' hambo mananti, mukasui' dalam hati hambo, akan manurui'i datue' karumah."
Maningkah Datue' Paduko Radjo: „Apokoh garan kaba Bagindo ? Mandjawab Bayindo Saripado: Bari ma'af hambo de' datue'. rundieng 'ko rundieng élo bana; dimano djuo kito barundieng ? Salah raso hambo de' datue', manjabuti' ditangah djalan." [ 202 ]Bakato Datue Paduko Radjo: „Tida' mangapo itu Bagindo, habih 'adat de' karilahan, habih tjupa' de' palilihan; ko' ado nan taraso de' Bagindo, djadi disiko Bagindo sabui', tida' mangapo itu de' hambo."
Maningkah Bagindo Saripado Malah ba'itu kato datue', bari ma'af hambo de' datue'. Adapun hambo kamari 'ko, hambo disurueh Datue' Radjo Pangulu, io barundieng dangan datue'; djoko' ado mudah- mudahan, kalau le rila datue', baliau handa' mandjapui' Tuanku Imam Mudo, akan diambie'njo djadi minantu, ka dilata'kannjo ka ana'njo, kapado si Bungo Kapēh; itulah nan hambo datangkan."
Mandjawab Datue' Paduko Radjo: Mangapo Bagindo baliau surueh, ba'apo mangko dē' ba'itu, ba'apo baliau djan Bagindo?"
Mandjawab Bagindo Saripado:,,Antaro hambo djan baliau, tida'lah apo kari kabiehnjo; ato hanjo hambo kamari, sabab de' kami satu hati, dangan Datue' Radjo Pangulu, sarato Tuanku Imam Mudo, hambo 'ko djadi utusan sadjo: djoko' badapë' rundieng itu, baliau djuo manjudahi, dangan Datue' Bandaharo Mudo, nan kan datang kapado datue'."
Maningkah Datue' Paduko Radjo: „Ko' itu kato Bagindo, kalau lah itu rundieng sabananjo, di hambo lah ĕlo' bana, labieh sukonjo hati hambo; djanjo ko' injo Imam Mudo, ko' ta' amueh injo barumah."
Maningkah Bagindo Saripado: „Samantaro hambo mananti datue' tadi, alah djuo hambo kile'kan, rundieng itu bakèh baliau; nan djawab baliau bakèh hambo, tantangan rundiengan itu: „De' hambo katudju bana, ato hanjo akan sabuah itu sangkui'njo, timbangan de' datue' hambo surang," ba'itu kato baliau, manjabui'kan diri datue'; .,ko' lah suko diri baliau, sukolah pulo diri hambo," ba'itu kato baliau, de' kami barundieng tadi sabab itu hambo paï mandjalang datue', kironjo de' mudjue hambo pulo, alah basuo dangan datue'. Itulah nan hambo minta', datue' lapēhlah sakali 'ko, ama' baliau kami djapui'.
Maningkah Datue' Paduko Radjo: „Ko' ba'itu kato Bagindo, marilah kito kasurau, kito barundieng samo-samo, djoko' untuang pambarih Allah, sampai mukasui' Bagindo 'tu."
Dalam sabanta itu djuo, alah badjalan kaduonjo, babalie' hado' kasurau, lalu kaduonjo naie' sakali. Alah sabanta antaronjo, alah diulang pulo barundieng, de' Bagindo Saripado, kapado Datue' Paduko Radjo, dangan Tuanku Imam Mudo.
Allah ta'ala manggara'kan, de' barih patamuannjo, dapë'lah pulo parundiengan, batamu ruēh djan buku, manarimo Datue' Paduko Radjo, dangan Tuanku Imam Mudo, sukolah injo maso itu alah sudah injo barundieng, lalu badjandji anjolaï, io Bagindo Saripado, dangan Datue'
Paduko Radjo, akan mananti parundiengan, dari Datue' Radjo Pangulu, [ 203 ]Palaminan ljaro Minangkabau. Suo' kida babanta gadang, batirai barambu-rambu, batakat djo banangameh, batatah djo api-api.
bapa'njo si Bungo Kapēh, sarato Datue' Bandaharo Mudo, urang nan duo balah piha'. Alah sudah injo badjandji, alah pulang Bagindo Saripado mangabakan rundiengan itu, kapado Datue' Radjo Pangulu, alah disabui' samonjo, bahaso rundieng nan lah habíh, tingga mamati sadjo laï.
Pandjang panda'njo tida' disabui', alah sampai djandji kutikonjo, nan dibuě Bagindo Saripado, lalu batamu urang itu, iolah Datue' Radjo Pangulu, basamo Datue' Bandaharo Mudo, dangan Datue' Paduko Radjo, sarato pulo Bagindo Saripado. Pado maso duaso itu, samo disabui nan taraso, disudahi rundiengan itu, ulieh nan duo balah piha', alah lalu batimbang tando, dilabuehkan djandji akan kawin. Kamudian dari pado itu, bakokoh kaduo balah piha', mano nan tida' lah ditjari, apo nan kurang diadokan; alah tjukui' alat samonjo, alah sampai djandji kutikonjo, lalu baralē' anjolaï, dirumah si Bungo Kapēh, alē'njo sadang ĕlo' pulo, mandirikan sapandjang 'adat, adat urang samando-manjamando. pandjang panda'njo tida' disabui'. Alah kawin Tuanku Imam Mudo, io djan si Bungo Kapëh, tantangan 'adat pakawinan, nan tapakai dinagari 'tu, tjukui'lah itu samonjo, gadang tida' katjie'pun tida', sadang élo' ale'njo itu, 'adat urang baminantu, tjukui' tabao samonjo, de' Datue' Radjo Pangulu, sarato dangan si Bungo Tjajo, tida' ado tjatjē' salahnjo.
Alah sudah injo bakawin, alah lapēh pulo ale'njo, alah sahari duo hari, sampailah garan tigo hari, alah badamai si Bungo Kapëh, dangan Tuanku Imam Mudo, alah bakasieh-kasiehan kaduonjo. Sadanglah si Bungo Kapēh, sange' haromat akan lakinjo, badjalan salangkah maminta idjin, bakato sapatah basitinah, tabaokan 'adat bini rang sia', tida' panah manopang kato; apo nan kato suaminjo, diturui'njo itu balako. bapan- tang bakato kasa, barundieng salalu ambie' dibawah, ba'itu adjaran de' bapa njo. Malië' laku si Bungo Kapēh, sarato rupo baie' pulo, sangatlah kasieh suaminjo, io Tuanku Imam Mudo, kapado si Bungo Kapēh, baka- sieh-kasiehan kaduonjo, sapantun aue dangan tabieng.
Tasabui Datue' Radjo Pangulu, alah lapēh injo baminantu, alah batambah sanang hatinjo; lamolah pulo sudah itu, adolah garan duo tahun, lapēh injo baminantu, duduc'lah injo dangan sanang, hukum adie bukan kapalang, musahue kian kumari, tahu di ‘adat djan limbago, pandai di hēreng dangan gendêng. Iubue' 'aka laui'tan budi, kalau maulēh tida bakasan, mambuhue tida' babuku, pahan dalam timbangan haluih salamo injo mamarentah, mahukum didalam kampuang, tida'lah ado nan maupe', sagalo ana' buahnjo itu, laki-laki parampuan, hanjo mamudji itu balako, batjampue takui' dangan sajang ba'itu laku ana' buahnjo. Hado' ka Datue' Radjo Pangulu. kalau injo dudue' dimedan, marundieng nan sapandjang adat, manjukokan urang nan banja', mului' [ 205 ] manih basonjo baie', patutueran tida' tasangkui', pandai manenggang hati kawan.
Tasabui' pado suatu hari, hari Sinajan sahari 'tu, io Datue' Radjo Pangulu, injo pulang badjalan djaueh, hari nan sadang tangah hari, sadang kutiko paneh garang, baliau badjalan dalam panēh, sabab karano latieh badannjo, datanglah hauik dangan lapa, sadang ditangah pasawangan de sange' hauih badannjo, lalu injo minum aie dingin, disumue ditapi djalan sudah injo minum aie, badjalan djuo maso itu. Tida' barapo antaronjo, alah saki' raso kapalonjo, badjalan djuo injo pulang, sampai dirumah tidue sadjo, badannjo angē'-angē' dingin, matonjo mērah pantun sago, mandilah badan kanai paluch, kalueh kasah tida' karuan. Hari nan sapatang-patang itu, tida' baliau minum makan, sabab karano saki' badannjo, nasi dimakan pahi'-pahi', aie diminum ta' tarague', dibao dudue' handa' mutah, dibao tidue tida' sanang. Susahlah urang sarumahnjo, sarumah si Bungo Kapēh, mantjari ube' sano sini, panawa Datue' Radjo Pangulu.
Alah djaueh larui'njo malam, kiro-kiro pukue satu, alah saki' pulo parui'njo, mutah tjiri' tida' baranti, susahlah urang sarumah 'tu: alah ditjubo maubati, dihimbau dukun kiri kanan, alah manawa itu balako, nan ado dakē' itu, tatapi tida' manolongi; usahkan saki'njo aga' kurang, hanjo batambah labieh djuo; dalam kutiko itu djuo, alah pansan Datue' Radjo Pangulu, lupo injo akan dirinjo, dihimbau tida'njo babuni, batambah susah urang samonjo. Dalam kutiko lalai itu, Allah ta'ala manggara'kan, manguo' Datue' Radjo Pangulu, mailie aie matonjo, talalu mati sakali. Malie' rupo damikian, iolah si Bungo Kapēh, sarato dangan ibunjo, bagolē'-golē tangah rumah, alah heboh urang samonjo, bakadjutan urang kampuang itu, bahambueran turun kabawah, malië' karumah itu; alah babujun-bujun sadjo, raminjo urang nan datang, alah banduang de' buni rato', manangih urang samonjo; malie' rupo damikian, tida'lah tantu lawan kawan, habih manangih samonjo, tida' tantu nan kan diturui'.
Adolah pulo urang samando, nan samo dalam kampuang 'tu, malie' rupo damikian, lalu bapikie anjolaî; dilie'njo tida'lah ado, nan kari' Datue Radjo Pangulu, tida'lah pulo ditanjokannjo, sabab tida' dapē' barundieng, urang gaduch samonjo, ado manangih ado marato', karano marusuehkan itu, mamatji'kan si Bungo Kapēh, injo handa' mahamue' diri, ibo batjarai djan bapa'njo. Lalu badjalan urang tadi, kakampuang Datue Radjo Pangulu, dibaonjo pulo surang kawanujo, nan samo saman- do disitu sampailah pulo injo kasanan, karumah dansana' Datue' Radjo Pangulu, lalu mahimbau dari halaman, urangpun sadang hare' tidue. Alah sampai duo tigo kali, injo mahimbau dari halaman, manjahui' urang atëh [ 206 ] rumah, lalu disalai pulo dama. dipasang lampu minja' tanah, dibuka'kan pulo malah pintu, naie' urang 'tu kaduonjo; takadjui' urang ateh rumah, malie' urang nan datang 'tu, lalu batanjo anjolaï: „Ba'apo tuan datang ba'iko bari, apokoh kaba nan dibao? Tatjamēh rasonjo diri kami, sabab tida panah ba'iko," kato andeh si Budjang Paman, antjunjo Datue' Radjo Pangulu.
Lalu bakato urang itu: ..Mangko kami datang kamari, baliau Datue' Radjo Pangulu, saki' karēh baliau kini, sadang lalai kami tinggakan, itu sabab kami kamari," katonjo urang nan datang itu, tida' disabui' injo mati.
Mandanga kato nan ba'itu, iolah si Bungo Inai, adie' Datue' Radjo Pangulu, baduo dangan antjunjo, lalu manangih anjolaï, sangatlah injo katjamëhan, tambahan mimpinjo burue' pulo. Diranggui'njo kain taham- pai, balari sadjo injo turun. diturui'i de' Datue' Maharadjo, lakinjo si Bungo Inai, manurui' pulo urang tadi. Lamo sabanta antaronjo, sampailah itu samonjo, io kakampuang Talue' Dalam, karumah si Bungo Kapēh, tida' mahimbau dari halaman, talalu sadjo injo naie'; urangpun rami aěh rumah, dilië' mai lah tahanta, alah babudjue tangah rumah, diuruangi urang nan banja'.
Baru tibo si Bungo Inai, sarato dangan antjunjo, alah taga' si Bungo Kapēh, maraho injo kasanan. mahampēh-hampēhkan diri lalu bapalun katigonjo, alah bagolë'-golë' sadjo, tida' tahu akan dirinjo, hampēh kiri hampeh kanan hebohlah urang mamatji'kan, tida' diragu apo², dimabue urang nan batigo 'tu, injo handa' mangamue' djuo, handa' mambunueh diri pulo, handa' maraho' mai' itu pajahlah urang mandjagoi, nan namalam-malam itu, Alah tasingko' hari siang, tahulah urang kiri kanan, mandanga isi nagari, bahaso mati Datue' Radjo Pangulu, mangutjap urang samonjo, hēran bukan alang-alang, sabab tida' mandanga saki'. Ado sasa'at sakutiko, alah tibo korong kampuangnjo, sarato kaum djan sukunjo, mandjapui' mai' Datue' Radjo Pangulu, dibao pulang anjolaï, pulang karumah sudaronjo, dihantakan basamo-samo, ulieh rang kam- puang Talue' Dalam, sampai karumah tanggonjo. Adolah si Bungo Inai, sarato dangan si Bungo Kapěh, batigo dangan antjunjo, tida' tahu akan dirinjo, diranai urang pulo malah injo, dibao pulang kakampuangnjo, dinaie kan karumah nan sabalah, io rumah Bagindo Sutan.
Pado maso kutiko itu, alah rape' pulo ninie' mama', dalam Patapang Nan Tigo Balai, didirikan sapandjang 'adat, ba'apo 'adat pangulu mati, tataga' bandera putieh, tapantjang pajuang dihalaman, tadjēlo kain djadjakan, tahampai kain tarantang, dari rumah karangkiang; dibuē' usuangan katjang pali, tungga' bapalui' samonjo, angkueh sarupo nan dahulu.
Adolah garan pukue duo, alah datang bako djan ana'njo, mambao [ 207 ]an salampih surang, datangnjo barami-ram:, ba'apo 'adat nan biaso, ahanta kapan pangulu. Pado maso kutiko itu, sadang rami urang andjangue', alah disambahkan urang kapan itu, kapan dari bakonjo tadi, Jangan kapan dari ana'njo, ditarimo datue' Nan Tigo Balai, ba' apo 'adat nan biaso.
Alah sudah itu samonjo, dimandikan urang mai' 'tu, sudah mandi dikapaninjo, dilata'kan kakatjang pali, lalu diara' anjolaï, hado' kapandam pakubuerannjo, gumpito de' buni rato', banduanglah itu urang samonjo, gumurueh pulo buni badie; ado sabanta antaronjo, alah sampai kapandam pakubuerannjo.
Ulieh sagalo urang sia', sarato labai dangan hadji, disitu disambah- jangkannjo, lalu ditanam baie'-baie'; sudah salamat samporono, sudah ditimbun tanah badan, sarato do'a talakinnjo, pulanglah urang 'tu samonjo.
Tasabui datue ateb rumah, sagalo datue' isi nagari, nan datang mandjangue' tadi, alah mupakat pulo maso itu, maminta' ganti dansana'njo, kapado datue' Nan Tigo Balai, manurui' 'adat nan biaso, mati gadjah tingga gadiengnjo, mati harimau tingga balangnjo, mati datue' basilieh djan datue, ba'itu kahanda' hati nagari, ba'itu pakai nan biaso, nan baturun banaie'kan; kalau tumbueh pangulu mati, maminta' isi nagari, kapado datue si pangkalan, handa' diganti dansana'njo.
Adolah datue Nan Tigo Balai, sabab lah tibo tunggu nagari, maminta ganti dansana'njo, handa' disilieh djan nan mudo. Alah badjandji injo sabanta, mamuhun handa' basiasieng, barundieng turun kabawah: io de' datue' nagari, alah dilapēh pulo turun, alah turun itu samonjo, sagalo datue' dalam Patapang, akan barundieng bamupakat, sarato korong dangan kampuang, handa' mantjari ganti pangulu, manggantikan datue nan mati; tatapi apo nan kan disabui', uranglah rano' samonjo, nan sakampuang-kampuang itu, laki-laki parampuan, surangpun tida' nan laï tahu, gilo manangih samonjo, sarupo urang gilo mabue', tida' tahu akan dirinjo. Malie' rupo nan damikian, alah rusueh datue' Nan Tigo Balai, lalu babalie' naie' karumah, disambahkan kapado datue' nagari, mangabakan laku nan ba'itu: Balun dape' kami barundieng, sabablah rano' samonjo, ba' banto dilondong aie, itulah rupo parasaian, bagaikan gilo 'tu samonjo; ato hanjo akan sabuah, nan kan sakarang kini nangko, maminta djandji kami dahulu, kapado datue' samonjo, mandjalang dapē' parundiengan, ama' tahu injo dahulu, sagalo korong kampuang iko, supajo lalu parundengan." sambahnjo datue' Nan Tigo Balai, kapado datue' nagari. [ 208 ]Mandanga kaba nan ba‘itu, mandjawab datue’ nagari: „Malah ba’itu kato datue’, sananglah itu hati kami, mananti malah kami dahulu, dari datue’ Nan Tigo Balai,”
Alah sudah rundieng itu, ‘adat diisi anjolai, ulieh datue’ Nan Tigo Balai, ‘adat kapado datue’ nagari, ‘adat kapado urang mandjangue’. Alah sudah ‘adat diisi, sudahlah pulo ditarangi, ko’ talampau ko’ talompe’, maminta’ idjin anjolai, sagalo datue’ nan mandjangue’,, handa’ kumbali anjolai, pulang katampé’ masieng-masieng. Dé’ datue’ Nan Tigo Balai, alah dibari pulo idjin, pulanglah urang samonjo, katampé'njo surang-surang, bahati ibo samonjo, manganakan Datue’ Radjo Pangulu.
Kunun dé datue’ Nan Tigo Balai, lah didjago kampuang itu: sampailah pulo tigo hari, barulah tahu surang-surang, alah ingé’ akan dirinjo; hanjolah si Bungo Inai, baduo dangan antjunjo, talalu pasie’ sakali, adang-adang injo tagala’, adang-adang injo manangih, tida’ tahu di minum makan, tida’ paduli apo-apo, abue’ kusui’ kutulah banja’, daki taba kain lah busue’; kalau nasi dibari urang, dimakannjo sadang banjanji, kadang-kadang sadang manangih, kadang-kadang dibuangkannjo. Sampailah pulo tigo bulan, banja‘lah pulo dukun maubati, alah barubahk itu sadiki’, alah tahu pado dirinjo, tatapi bamanuang-manuang djuo. kadang-kadang injo marato’, kadang-kadang injo gala'-gala’ surang. tumbueh saula’-saula’, disalap sétan djo ibilih, Antah barapo garan lamonjo, barulah baie’ kaduonjo, baie’ sabagai samulo.
TAMMAT.
- ↑ panjaho' = panutui' malu