si bungsu indak baradiak-dipakai Adaik sacukuiknyo-dibantai kabau ampek-limo dijamu korong jo kampuang-dipanggia isi nagari-nak lapeh kaua jo niat-barulah sanang hati hambo. Sabagai pulo dibiainyo-adok si Upiak Puti Intan-lah patuik inyo disuruah-patuik diangsua bakarajo-patuik ditanun suruah tanun-patuik dijahik suruah jahik-karano inyo lai pandai-iyo manyulam jo marendo. Tanun pakaian anak daro-langkok ganok sacukuiknyo sabuah usah katinggalan. Tanun pakaian marapulai-sahalai pun usah nan mambali-jan sampai kito manyalang kito cukuik kan kasadonyo-pakaian caro Minangkabau-caro langgam di kampuang awak. Sakitu baru nan takana pulang maklum ka biainyo."
- Manjawab Silaro Aceh karano lah buliah nan di hati-nan di juluak alah rareh,-"Kok lah baitu kato Tuan-lah sanang pulo hati hambo. Sado pangaja jo pitaruah-atau pasan jo nasihaik-hambo amakan kasadonyo-satitiak hambo laui-kan-sakapa hambo gunuangkan, alah kasanang hati Tuan."Habih rundiangan hinggo itu-harilah laruik tangalı malam lorong baliau Datuak Bungsu-baurak selo anyo lai-lalu sekali kapaserek--taruih ka lapiak katiduaran pagi-pagi nak jago pulo."
Alah sapakan duo pakan--sampai sabulan duo bulan-lah lalu pulo anam bulan kunun Aciak Silaro Aceh-takana rundiangan nan dahulu sadang jo Bapak Puti Intan-nak maangsua basadio nak manyuruah anak kanduangyo-iyo mambuek kalangkapan-pakaian nan patuik ditanunnyo, lalu dihimbau malah anak-nak barundiang-rundiang ketek--barupo sindia jo kiasan-jan inyo takajuik sajo,
- "Manokau Upiak Puti Intan-anak ka mari malah duduak denai nak barang dikatokan!"
Tadanga suaro biai kanduang--bagageh tagak nan gadih tu duduak basimpuah dakek biai-batanyo dangan taratiknyo,
- "Apokoh garan Biai himbaukan-hambo ingin nak mandanga!"
Manjawab sekali Biai nantun, "Anak den Upiak Puti Intan-
44
