sudah makan -- taraso paniang kapalo ~ bakato pado Rabiatun. manokau Upiak Rabiatun pai ka lapau bali Aspirin — kapalo mande sadang sakik — kan iyo si Rabiatun — anak ketek sangat cencang - diambiak pitih limo sen — bajalan pai ka lapau —ka lapau mantari di simpang — tah di bali aspirin — dibao ka rumah capek-capek - tibo dalam rumah — dipandang mande mu-tah-mutah kapalo raso ditokok urang —badan angek raso api— diminum ubek aspirin — dibao lalok bakalumun — kalua paluah di badan — taraso dingin badan — raso mandi dalam es —goyah lutuang manahan dingin — disaoki si Rabiatun — basalimuik balampih lampih -- namun dingin taraso juo - pulang si Marah dari kantua didapeki si Sanah lalok — bakato si Sanah sa-dang lalok -- makanlah tuan itu nasi ~— nasi basungkuik tuduang saji -- tibo Rabiatun ka rumah — sadang mambao aia basuah —sarato cerek kopi — duduak dakek mandeh Rabiatun — dipan-dang si Sanah kadinginan — bakato Marah Jamin — sungkuik dahu-lu nasi itu — bajalan turun ka janjang — mancari dukun Datuak Hitam -- bakato Rabiatun — makan ayah dahnlu — nasilah dingin manantikan -- sudah makan baru bajalan — diirik tangan ayah-nyo - bakato pulo si Sanah — makan tuan dahulu — sudah ma-kan imbau dukun — kan iyo Marah Jamin — makan inyo ba-capek capek -- raso dusuek duo tangan — sudah makan diba-suah tangan - indak tarago minum kopi — cameh maliek si Sa-nah balari lari anjiang. -- tibo di simpang rumah makan — ba-tamu jo Datuak Hitam — elok langkah basuo Datuak tangah jalan - bakato Datuak Hitam -- ka mano Marah bacapek capek
sia urang kadituruik — manjawab Marah Jamin — mukasuik karumah mamak .- kini basuo di jalan - elok langkah di ham-bo elok babaliak suruik — padusi ambo dalam sakik — badannyo raso api muntah muntah indak jadi — kapalo paniang kadinginan katonyo Marah Jamin — manjawab Datuak Hitam kalau baitu kalo Marah - tumenah kito ka rumah ~ bajalan bairiang-iriang sadang bajalan batutua juo — bakato Marah Ja-min Malang bana indak barinduak — kami baduo di rumah — batigo si anak Ketek -tumbuak tanak diawak - indak siapo la-wan badiri — padusi urang punah - indak ado kaum pamili —
66
