78
lăboeh ; lah nampa poelå Si Gălang. Tatjangang bapa' Si Gălang ; dipatoet-patoet djå akal ; inda moengkin itoe ananjå. Bakatå injå nan djadi : „Bingoeng bănar måh kau ! lah petå ana kitå mati ; di má ka moengkin hidoep bali ? Pantjălian kau nan balaïn ; pamandangan kau nan batoekar ! Oerang banja nan saroman ; oerang pănoeh nan saroepå.
Badjalan djoeå Si Gălang , Si Oemboet baoendoengoendoeng , manămpoeh Kampoeng Aoer. Lah sabantar njå badjalan , lah lăpeh dari Kampoeng Aoer , tibå di Kampoeng Tibarau , laloe naï injå ka roemah.
Lah sahari injå di roemah , lah doeå hari antarånjå ,bakatå Si Oemboet Moedå : „O oepi Poeti Gălang Banja ,sarătå djå Poeti Ramboen Ameh ! barǎle gădang lah kalian; bantai kärbau aga limå , toembangkan rang- man, kiang tigå , panggil sagalå nini mama , gådang kete toeå moedå , baï imam baï katib , oerang rănah Kampoeng Aoer , sarătå djå rănah Kampoeng Tibarau kå ; na tahoe oerang samoeånjå , bahaså Si Gălang lah bali hidoep."
Ka baa poelå lai lăï , lah dibantai kärbau limå , lah toembang rangkiang ampe , digoegoeh taboeh larangan ; sahoet sembai taboeh nan banja , mandăntoeng taboeh di boekit , manjahoet taboeh di loerah , taboeh Djoemaät manjoedahi. Takădjoet oerang nagări , tagămpar oerang Kampoeng Aoer , lah tibå oemat samoeånjå , baï imam baï katib, pangoeloe bapangkat-pangkat , pagawai basamå-samå , 'rang banja bahilau-hilau ; nan boetå datang babimbing , nan loempoeh datang badoekoeng , nan
