83
toedjoeh hari , manggalanggang aga saboelan ; kitå ara Si Oemboet Moedå djå Si Poeti Galang Banja ; kitå panggil oerang samoeånjå , saloeha sa Limåpoeloehnjå , saloeha sa Tanah- Datarnjå , sărtå oerang loeha Agam , sampai ka Koeboeng Tigå Băleh ! "
Mandjawab oerang nan banja : „ Insja Allah , baï lah itoe ! " Bakatå Si Oemboet Moedå : „ Ko baitoe maksoed bapa , ko itoe nan niat nazar , bapa babali lah dahoeloe, bapa poelang lah kini; tjakau lah karbau di kandang , tangko lah djawi di padang , oerahlah: padi di loemboeng ; apå nan koerang soeroeh tjari ! - Lorong kapadå nini mama , hamba mambaå malah koedian ; itoe djan bapa roesoehkan , itoe djan bapa risaukan , bapa babali lah djoeå dăreh ! " !
Badjalan bapa Si Galang , badjalan bagoeloet-goeloet , badjalan bagageh-găgeh. Lah sarăntang padjalanan, lah. doeå răntang padjalanan , dăko basarangkan hamping , hamping lah dako ka tibå ; tibå injå tăngah halaman , laloe naï injå sakali. Bakatå bapa Si Galang : „Manå ana den kaänamnjå! mari kalian samoeånjå , djalang lah karib baïd kitå , sakalian sana soedarå , minta tolong soenggoeh-soenggoeh ; apå nan koerang soeroeh tjari ; kitå ka barǎle gădang , maära Poeti Gălang Banja djå boejoeng Si Oemboet Moedå. Lah hidoep injå koembali; di roemah Si Ramboen injå kini , di rănah Kampoeng Tibarau ; lah kawin injå tadi pagi."
Mandăngar katå nan ba kian , soekå lah poeti nan barănam , riang nan oekan alang-alang , laloe badjalan toeroen sakali; dibaå oentjang barisi , mamanggil sana soedarå , maminta tolong ka barǎle'.
Ka ba a poelå lai lăï , datang lah oerang nan banja , ka roemah Si Gălang Banja , habis bakardjå samoeånjå , bakakoan masing-masing. Lah sahari doeå hari ,
