↓Laman ko alah sah
Lah sampai di pandam pakuburan-iyolah di Balai Gadang-dilatakkan usuangan elok-elok-dikatuakan maik hanyo lai-dari dalam usuangan nantun-dimasukkan ka liang lahat-didindiang pulo dangan papan-baru ditimbun padek-padek. Šalasai pulo nan bak kian-tanah tatimbun alah rato-diapuang pulo tanah badan-ditagakkan pulo batu nisan-sabuah tantang ka pulo-sabuah tantang kakinyo-lalu dibacokan doa talakin-dikambangkan pulo unduang-unduang-baru salasai di pakuburan-barulah urang habih pulang.
Lembak nan daripada itu-namun sahari-hari nantun-sado panghulu dalam nagari-taruih barundiang maso nenhin-mancari panghulu nan ka ganti-manggantikan Datuak Tumangguang Putiah-caro nan lajim dipakaikan-patah-tumbuah hilang baganti.
- Ramo-ramo si kumbang janti
- Katik Endah pulang bakuda
- Patah tumbuah hilang baganti
- pusako panghulu baitu juo
- Biriak-biriak tabang ka sasak
- dari sasak tabang ka laman
- Dari niniak turun ka mamak
- dari mamak ka kamanakan
- Asa batang mancalago
- asa bijo ka tumbuah juo
- Walau lah indak panghulu nan tuo
- panghulu mudo nan kan silialuyo
- Lah barpulang niniak Tumangguang Putiah
- di antaro niniak muyang rang IV Koto
- Sadang pambaco bahati sadiah
- tarani pulo kaba sumantaroTemplat:Right
