Lah babulan-bulan jadi rang pareman
kadaian indak tantu lai
Limau di tapi jalan
di baliak batang angkuini
Kaki capek tangan gak ringan
Alah co cambuik lapeh kaki
Palakat kain haluih ragi
rang sandang dalam kampuang Jao
Alah co cambuik lapeh kaki
rang angkek jadi guru tuo
Dari Puruih mudiak ka Loloang
ka pulang baolah rotan
Waang sapantun galuak rompong
molah ka rimgo den lantiangan
Dari Solok mudiak Salayo
manjinjiang kerang tak baris
Bakirok lakeh dari siko
bakasiak mato mancaliaki
Galabuang dalam parak
antah kok dama den tugakan
Ba a tak kunjuang ang tagak
antah kon tangan ang natikan
Anjalai di tapi rimbo
ka ubek anak rang Koto
Nyo jawek kato jo nan saba
manggabak-gabak aia mato
Taruruik-nuruik daun sariak
aka malao mudo-mudo
Basabuik uda tak baradiak
dek ambo lai kakak juo
Page:Kaba Minangkabau 2.pdf/116
↓Laman ko alah sah
