Kakak manjokan siang malam
Kok rancak bana Bongsu Urai
Indak sapadan lai-jo kakak
Parangainyo lain puio
Gilo mamintak tiok ari
Kok pintaknyo indak balaku
Nyo hantam mamakiak kareh
Abih pungguang den dilakaknyo
Sabagai pulo itu garan
Indak buliah sapanjang adaik
Kalian kakak paduokan
Dek kalian badunsanak
Anak kito mah ado pulo
Nan maikek kasiah kito
Tampek kito manumpang isuak
Kok kito lah tuo pulo
Usah sayang diak berang-berang
Usah Upiak managih juo
Denai kan iyo punyo Upiak
Indakkan batuka lai
Indakkan barubah lai
Ambiak padang balahlah dado
Denai sarahkan nyawo kakak"
Itu disabuik Angek Garang
Kok si Bongsu sadang ndak ado
Kok inyo babaliak beko
Dek ragam babaliak pulo
Saroman nan kito sabuik cako
Katiko lah muak Mayang Taurai
Urang lain lah bosan pulo
Takuik si Bongsu kan diulam
Dek rimau dahan Angek Garang
Pai Puti Nilam Cahayo
Disuruah dek Mayang Taurai
138
