Page:Rangkiang Luluih.pdf/199

Urang tu lari puntang pantiang
Sambia mamakiak "mambang Gunuang”
Bajalan juo inyo garan
Kaki panek inyo lah latiah
Indak ado tampek baranti
Dek paruik lah lapa pulo
Babaliak inyo ka pondok tadi
Barapo hari pulo di sinan
Mamakan umbuik jo pucuak
Ubi jo taleh ndak ado lai
Batambah laruik paratian
Sumangek si Andeh juo lah kurang
Mananti aja kaduonyo
Ado kapado satu pagi
Malamnyo hari hujan labek
Untuang api indak padam
Tasuruak di bawah tunggua
Digadangkan api dek Pamato Intan
Badiang inyo di sinan
Si Bongsu bagolek juo
Tampak urang masuak ladang
Ado barampek laki-laki
Lah gadang hati Pamato Intan
Bakato inyo maso itu
"Manolah sanak nan barampek
Dari mano handak kamano
Bari jaleh ambo batanyo"
Manjawek saurang nan tuonyo
Kami ko iyo urang siko
Nak ka hutan mancari rotan
Siapo garan andeh iko
Siapo pulo nan lalok tu

Templat:Left