Sarato batanak jo manggulai
Sadonyo inyo karajokan
Gadanglah ati andeh Sutan Mudo
Buliah inyo manganyam lapiak
Lah sudah karajo hari-hari
Sampai-sampai mambasuah piriang
Karajo pulo inyo garan
Manganyam lapiak bakua jo kampia
Sarato mambarasiahkannyo
Sampai dapek nyo dianyam
Sutan Mudo mancari pandan
Sarato kumbuah jo mansiang
Di rumah nan ka duo
Baitu pulo dibueknyo
Baitu di rumah nan katigo
Nan kaampek apo to lai
Inyo alah tabiaso
Lah pandai pulo nyo manganyam
Tantang si Upiak Bongsu Urai
Macam-macam nan dibueknyo
Kadang-kadang nyo manangih
Sudah itu nyo galak kareh
Sarupo urang batuka aka
Jangankan inyo kan manolong
Pariang nyo urang nan mambasuah
Lah habih hari ampek pakan
Rumah baru lah siap pulo
Batunggak kayu nan bakatam
Baitu pulo mah lantainyo
Dindiangnyo buluah dianyam
Baitu pulo mah lotengnyo
Atoknyo daun rumbio
Dek urang nan bakarajo
Bukan nan barampek itu.
197
