Tari silek tari pancak
Adang-adang maadu ayam
Ado juo itu garan
Iyo pandeka basi pandai
Balomba maracak kudo
Sapanjang labuah nan panjang
Jo basuluah buluah mati sajo
Lah abih hari nan katujuah
Manutuik alek urang lai
Makan basamo tangah laman
Rajo-rajo jo pangulu
Sarato pandeka jo dubalang
Makan basamo jo rakyat
Di piriang upiah nan diimeh
Iyo makan baduo-duo
Tapi laki-laki sajo
Padusi-padusi itu garan
Makannyo dalam ustano
Tapi indak buliah itu di piriang
Di upiah di daun pisang
Maniru rakyat nan bansaik-bansaik
Kok indak tabuėk di ustano
Inyo makan di balairong
Atau di rumah nan tadakek
Minumnyo iyo di tampuruang
Tapi tampuruang nan bakikih
Saya baukia tu namonyo
Bapucuak rabuang di atchnyo
Tantang Rajo jo Andeh Suri
Bapindah-pindah inyo makan
Sasuok sinan sasuok siko
Talabiah nan tuo-tuo
Didatangi itu garan
Diambiak nasi dari upiahnyo
265
