Pedoman Parsambahan dan Pidato Adat Minangkabau

[ 1 ]

Pedoman

PARSAMBAHAN

DAN

PIDATO ADAT MINANGKABAU

DISUSUN OLEH

SJAMSUDDIN SUTAN RADJO ENDAH

TJETAKAN KEEMPAT

PENERBIT Pustaka INDONESIA Bukittinggi

[ 2 ]Halaman:Pedoman Parsambahan dan Pidato Adat Minangkabau.pdf/2 [ 3 ]

Pedoman

PARSAMBAHAN

DAN

PIDATO ADAT MINANGKABAU

DISUSUN OLEH

JAMSUDDIN SUTAN RADJO ENDAH

TJETAKAN KEEMPAT

PENERBIT

Pustaka ,,INDONESIA" Bukittinggi

[ 4 ]Halaman:Pedoman Parsambahan dan Pidato Adat Minangkabau.pdf/4 [ 5 ]

hak pada penerbit [ 6 ]Halaman:Pedoman Parsambahan dan Pidato Adat Minangkabau.pdf/6 [ 7 ]

ISI BUKU

Halaman

[ 8 ]Halaman:Pedoman Parsambahan dan Pidato Adat Minangkabau.pdf/8 [ 9 ]

Templat:U

Sebagai memenuhi kehendak pemuda2 anak Minangkabau, maka kami usahakan menerbitkan buku ketjil ini jang berisi tjara pidato dan persembahan dalam bermatjam-matjam upatjara peralatan jang biasa terdjadi di Minangkabau ini.

Disini dapatlah mendjadi perhatian kita hendaknja, bagaimana ketinggian „mutu". kebubajaan Minang chususnja, Indonesia umumnja

Semoga buku ini benar2, dapat merapatkan silaturrahim." dari kampung demi kampung, hingga dapat mentjiptakan masjarakat adil dan makmur.

Isi buku ini banjak dirobah susunan kata2nja dari ijetakan ketiga, agar dapat disesuaikan dari masa ke masa.

Hormat Penerbit:

Pustaka „,INDONESIA" Bukittinggi

Bukittinggi, 11 April 1961. [ 10 ]Halaman:Pedoman Parsambahan dan Pidato Adat Minangkabau.pdf/10 [ 11 ]

PIDATO PANGARANG

Assalamu'alaikum w. w.

Mano sagalo niniak mamak. sarato pangulu nan saadaik, tuanku nan sakitab, suluah bendang dalam nagari, Pangulu nan gadang basa batuah, tuanku nan duo paseloan, sarato Chatib dengan manti, urang tjadiak jandokio, urang djohari bidjaksano, lagi arif budiman, alun bakilek alah bakalam.

Lorong kapado pidato nangko,kato basusun dikarateh.

Mano sagalo nan mambatjo, sarato kito nan mandanga, aluran ketek dipanggia adiak, nan tuo dipamamak, kalau ado kato nan salah, rundiangan kurang mardeso, alang sariknja barundiang, bukan murah batutua, muluik tadorong ameh padohannjo, kok pandai barun djang bak santan djo tangguli, kok tidak pandai batutua bak alu pantjukia duri.

Kalau ado kalo nan salah,tutua nan tidak basimanih, rundingan kurang mardeso, kalau ditapi asak katangah, djikok ditangah digampa-i, ijo djuo bak katourang.

„Kurang alim binaso kadji, kurang tukang binaso kaju”. [ 12 ]Halaman:Pedoman Parsambahan dan Pidato Adat Minangkabau.pdf/12 [ 13 ]

Lorong kapado parsambahan. balain tiok nagari. Lain lubuak lain ikannjo, lain padang lain bilalang lain. Lain logat lain lagunjo, sabriang batuka djalan, sakato balain sabuik. tidak kamano dipiliah tariak. Disiko rantjak disanan elok, disiko katudju, bak talempong djo rabab, samo rantjak pandangaran.

Sungguahpun nan bak kian, djalan nan pasa akan dituruik, labuah nan gorong akan ditampuah. untuak paladjaran nan mudo2, kaganti suri nan tabantang, nak pandai kuaik baguru, nak tjadiak kuaik batanjo.

Kubang Putiah, 17 Pebruari 1960

Penjusan

SJAMSUDDIN ST. RADJO ENDAH

[ 14 ]Halaman:Pedoman Parsambahan dan Pidato Adat Minangkabau.pdf/14 [ 15 ]

PERINGATAN.

Wakatu manjambah suaro handaklah kareh dan lantang sarato sopan.

Sabalun itu, diliek dahulu djamu nan datang. Kalau pangulu andiko, paralu dianggok (bukan diangguak), sabagai mamintak izin, umpamonjo :

„Mak Datuak Maradjo! Sambah dimintak kamamak!”

Djawab pangulu itu; „Manitahlah !”

„Injiak Datuak Sati! Sambah dimintak ka injiak!"

Baitulah sataruibnjo kapado tiok? pangulu andiko, manuruik banjak nan datang.

Kalau ado Imam, Chatib, Kadi, Alim Ulama,'han daklah salam, umpamonjo:

Baliau Imam Surau Gadang! Salam dipintak !” „Baliau angku Kadi Kubang Putiah! Salam pado angku!"

Djawabnjo: „Manitahlah!" [ 16 ]Halaman:Pedoman Parsambahan dan Pidato Adat Minangkabau.pdf/16 [ 17 ]

1. PARSAMBAHAN.

MAMINTAK DJAMU MAKAN.

Umpamonjo: Sutan Saidi (sipangkalan) dengan Saidi Sutan (urang datang, alek, djamu).

Sutan Saldi: ,,Tuan Saidi Sutan! Panitahan dilu bukan kapado tuan!"

Buliah djuo: „Mandatangkan sambah hambo pado tuan!"

,,Mamohonkan sambah hambo kapado pangulu nan gadang basa batuah, inamohonkan salam hambo kapado tuanku nan duo tigo paseloan Tidak dihatok dibilang gala kapambilang pahatok dengan sambah dimuliakan.

Bukannjo hambo bak raso kamalampau kamalinteh, sungguahpun dihambo tabiknjo sambah, alah saizin kalo djo mupakaik dihambo manjampaikan sambah. Lai sambab tibo kapado tuan Saidi Sutan! Maa tuan Saidi!"

Saidi Sutan: Manitahlah!"

Sutan Saidi: Adaik dahulu kato basilinah, kamudian kato basitjapek, basitjapek djuo kaharibaan tuan. Kok ditapi asak katangah. kok ditangah digampa i. Karano tjallak djawab dilajangkan, pandang hampi ditukikkan, karano hidangan alah talatak, djamba alah batatiang. nan djadi parmintaan disilang nan bapangka karadjo nan bapokok, iolah nasi nan talatak mintak disantap, aia ditjerek 'mintak diparenai Baitulah sambah nan ditibokan kapado tuan Saidi Sutan".

Saidi Sutan: „Lah sampai di Sutan Sati?"

Sutan Sati: Alah"

Sasudah itu Saidi Sutan maanggok niniak mamak (pangulu andiko) nan mananti paralatan itu.

Saidi Sutan: „Injiak Datuak Djundjungan, sambah kapado injiak. Angku Datuak Sinaro, sambah kapado angku. Angku Hadji Saleh. salam kapado angku. Tuanku Kurai, salam ka tuanku!

Maa Sutan Sati! Sungguahpun Sutan Sati nan di sambah. nak sarapek sipangkalan pangatuo... [ 18 ]Halaman:Pedoman Parsambahan dan Pidato Adat Minangkabau.pdf/18 [ 19 ] (ump: Pajobada), sarato sarapek karangan djo buatan, sado nan malatak mananai pakaradjaan nangko, tampek hambo manjambahkan sambah, mamuhunkan salam. Tidak dihatok dibilang gala, kapambilang kapahatok dengan sambah dimuliakan. Bukan hambo malampau malinteh, sungguahpun dihambo tabiknjo sambah, alah saizin kato djo mupakaik dari hambo tabiknjo parsambahan, mandjawab buah panitahan Sutan Sati. Sambah tibo ka Sutan!"

Sutan sati: „Lalukanlah!"

Saidi Sutan: „Adapun sambah, nan di Sutan djuo diaadjuang tinggi dihamba gadang. Nan mandjadi buah panitahan nan dari Sutan,karano pandang djauah dilajangkan, pandang hampia ditukiakkan, karano djamba alah talatak, nan djadi parmintaan dikarakok nan badjundjuang, nan manatiang mananai alek nangko,kok buliah nasi nan talatak mintak disantap, edangan nan katangah mintak diparenai. kan baitu buah panitahan Sutan ?".

Sutan sati: „, Ijolah!"

Saidi sutan: „Adapun panitahan Sutan alah taratjak diadaik, alah talingka dipusako. Sungguahpun baitu. karano lai manuruik undang: Bakato baijo,badjalan bamuah, mako dibao kato itu djo mupakaik, diambiak kato djo paijoan, mananti Sutan djo panitahan: laikoh manuruik adaik Sutan Sati ?"

Sutan Sati: „Lah sampai dituan Saidi Sutan ?”

Saidi Sutan: „Alah!"

Sutan Sati: „Sambah nan dituan djuo digampai. ljo nan djadi buah panitahan nan dituan: Maso hari nan tjako, karano manuruik adaik : Bakato baijo badjalan bamuah, dibao kato itu djo mupakaik, mananti Sutan djo panitahan, laikoh manuruik adaik ? Kan baitu buah panitahan tuan ?" [ 20 ]Halaman:Pedoman Parsambahan dan Pidato Adat Minangkabau.pdf/20 [ 21 ]Saidi Sutan :„ljolah, itu bana nan didjapuik sampai",

Sutan sati: ,,Baolah djo mupakaik tuan Saidi!"

Saidi sutan: ,,Insja Allah, hambo bao djo mupakaik".

Kamudian rombongan kapalo koto alek (Saidi Sutan) mambao kato djo mupakaik kapado kawannjo, um pamonjo Sutan Muntjak.

Sutan Muntjak! Sanmbah tibo kapado Sutan! Maa Sutan Muntjak!"

Sutan Muntjak: „Lalukanlah !"

Saidi sutan:,,Tidak tarago diulang pandjang, kok himbau alah kalampangan, bisiak alah kadangaran, pandang djauah dilajangkan. karano djamba atah tahedang tangah rumah, djadi parmintaan di sipangka nan manatiang mananai alek nangko

ijolah kok hedangan mintak diparenai. Nan djadi kabarinjo mintak baijo djo Sutan Muntjak!"

Sutan Muntjak: „Lah sampai di Saidi ?".

Saidi sutan: „Alah".

Sutan Mutjak: „Indak doh nan di Saidi djuo dian djuang tinggi dihamba gadang, olak olai dari sipangkalan karano djamba alah talatak mintak kan baitu bana kahandak sipangka ?"

Saidi sutan: „ljolah",

Sutan Muntjak: Maa Saidi Sutan! hambo bao baijo pulo djo niniak mamak nan disiko, mananti Saidi

sakutiko, lai karantjak tu Saidi ?"

Saidi sutan :„Rantjak bana Sutan Muntjak, baolah baijo!"

Sutan Muntjak: „Insja Allah".

Kamudian dibao 'rundingan itu kapado urang tuo2 dalam paralatan itu, umpamonjo injiak Datuak Sati,

Sutan Muntjak: „Injiak Datuak Sati, sambah tibọ ka Injiak!"

Datuak sati: "Manitahlah!"

Sutan Muntjak: „Adaik dahulu kato, basitinah, ka [ 22 ]Halaman:Pedoman Parsambahan dan Pidato Adat Minangkabau.pdf/22 [ 23 ]mudian kato basitjapek, basitjapek djuo kaharibaan injisk. Karano alah mandjadi olak olai dari sipangka nan mana nai manatiang paralatan nangko, karano djamba alah ta edang, edangan alah talatak, ijolah mamintak diparenai. Nan kabarinjo ijo nak baijo djo injiak Datuak".

Datuak Sati: „Tatapi tidak diulang pandjang buah panitahan Sutan, karano dihati nan manjimak, ditalingo han mandanga, bislak alah kadangaran, himbau alsh ka lampauan, Nan kabarinjo sadjo dipaijokan; alah kadida lam adaik tu Sutan.?"

Sutan Muntjak : ,,Alah dalam adaik,lakukanlah injiak!

Datuak Sati: „Maa Sutan Muntjak! Dihari nan fja ko alah dibió kato djo mupakaik di injiak dengan mamak sarato angku2 nan disiko, dapekiah kato nan saljo run dingan nan saukua, bulek ala kapambuluah, bulek kato djo mupakaik, sapandjang panitahan karadjo nan bapo kok silang nan bapangka itu alah didalam adaik teh itu alah samo kama ilmukan Dia ninlak mamak sarato guru2 nan adia. Sungguaḥpun bailu, mamintak basamo djuo djo nan bapangka. iiulah nan mandjadi barinjo bu ah panitahan Sutan Muntjak".

Sutan Muntjak: „Maa Injiak! Lah sampai di injlak?"

Datuak Sati: „Alah".

Sutan Muntjak: „Lah patuik disampaikan bana nan

katangah di injlak tu ?”

Datuak Sati: Alah! Baolah Sutan Muntjak !

Kamudian kumbali ka Saidi Sutan.

Sutan Muntjak: „Mak Saidi Sutan, sambah dikum balikan kapado mamak Indak tarago diulang pandjang nan di mamak tjako djuo diandjung tinggi dihamba gadang Alah bambo bao kato djo mupakaik kapado ni niak mamak sarato guru2, ijo djuo nan kabari jo bulek ala dinambuluah, bulek kato djo mupakaik. an nan djo di mupakaik, ijolah karano nan djadi kahandak di nan pangka, karakok nan badjundjuang alah samo dalam [ 24 ]Halaman:Pedoman Parsambahan dan Pidato Adat Minangkabau.pdf/24 [ 25 ]ilimu kito itu.

Tapi sungguhpun nan baitu, karano hudjan nan bapuhun paneh nan barasa. ijolah mamintak disamoi djo nan pangka! Baitulah buah kamupakatan mak Saidi Sutan".

Saidi sutan; ,,Maa Sutan Muntjak! Alah sampai di Sutan ?"

Sutan Muntjak: „alah",

Saidi sutan : „Maa Sutan Muntjak! Adaik dahulu kato basitinah, kamudian kato basitjapek, basitjapek sadjo kaharibaan Sutan Karano alah dibao kato djo mupakaik kapado niniak mamak sarato guru ditangah rumah, Ijolah nan djadi kato mupakaik alah samo sailmu, artinjo pintak sipangka bapakanankan Tatapi sungguhpun nan bak kian, karano hudjan bapangka paneh bapuhun, nan djadi mintak si alek nak basamoi djo nan pangka, kan baitu bana nan kabarinjo Sutan Muntjak? Alah patuik diantakan ka sipangkalan, lompek basitumpu, tjantjang kalandasan?"

Sutan Muntjak: „Lah patuik, antakanlah djo panitahan!"

Kamudian Saidi Sutan mangumbalikan panilahan itu kapado nan bamulo, jaitu Sutan Sati pihak urang nan punjo paralatan.

Saidi sutan : „Sutan Sati, sambah tibo ka Sutan! Sungguhpun Sutan nan disambah, nak sarapek papek njo niniak mamak pangaluo Pajobada, silang nan bapangka nan manatiang mananal paralatan: tjako Maa Sutan Sati nan djadi olak olak dari si pangkalan, karano edangan alah talatak, ijolah kami nan sipangka mamintak disantap oleh si alek kami. Kan baitu bana panitahan Sutan Sati ?"

Sutan sati: „ljolah!"

Saidi sutan: „Maa Sutan Sati, lah hambo bao bakato baijo, badjalan bamuah kapado niniak dengan mamak, sarato guru2 nan adok adang kok bulek alah [ 26 ]Halaman:Pedoman Parsambahan dan Pidato Adat Minangkabau.pdf/26 [ 27 ]buliah digolongkan, piljak buliah dilajangkan, baa nan djadi mupakaik lah samo dalam ilimu, artinjo batarimo suko dio hati nan amaik sutji, djo muko nan amaik djaniah Tapi sungguahpun baitu, nan djadi parmintaan si alek hudjan nan bapuhun paneh nan bapangka, ijolah mintak disamoi djo si pangkalan Sakianlah parsambahan, Sutan Sati!"

Sutan Sati : „Alah sampai di Saidi Sutan "

Saidi sutan : „Alah, djapuik sampailah di Sutan!"

Sutan sati : „Saidi Sutan, sambah kumbali kapado Saidi!"

Saidi sutan : „Manitahlah!"

Sutan sati : „Adaik dahulu kato basitinah kudian kato basiljapek, basitjapek djuo kaharibaan Saidi indak guno dirantang pandjang, kok dirantang disinan djuo katibonjo. Adapun panitahan Saidi, nan tjako diuo diandiuang tinggi dihamba gadang. Karano nan didjapuik alah tabao, nan didjuluak alah rareh, alah itu nan kahambo sampaikan kapado hudjan nan bapuhun, paneh nan barasa, djadi nan bulek kato djo mupakaik batarimo suko tu Saidi Sutan!"

Saidi sutan : „Alah kaelok kito bari baparantian ?"

Sutan sati : „Alah". [ 28 ]Halaman:Pedoman Parsambahan dan Pidato Adat Minangkabau.pdf/28 [ 29 ]

2. PANITAHAN MAMINTAK SI ALEK AKAN BADIALAN.

Sutan Mantari : kapalo koto si alek (djamu)

Pakiah Saidi : kapala koto si pangkalan

Sabagai tadi djuo sabalun akan manjambah, labiah dahulu dianggok pangulu andiko sarato alim ulama. Kalau indak ado, buliah djuo dianggok kapado urang tuo kabanjakan.

Sutan Mantari : „Pakiah Saidi! Sambah libo ka padò Pakiah Saidi!"

Pakiah Saidi : „Manitahiah!

Sutan Mantari : „Adalk dahulu kato basitinah, kamudian kato basitjapek, basitjapek djuo kaharibaan Pakiah, tapi sungguhpun baitu kalau ditapi asak katangah, kalau ditangah digampai. Bukantoh Pakiah sadjo nan disambah, nak sarapek papeknjo niniak mamak pangatuo Pajobada nan manatiang mananai paralatan nang ko ijolah sambah nan akan dikumbalikan, karano kok nan djauah alah datang nan hampia alah tibo, kok djandjang alah ditingkek bandua alah ditapiak lapiak takambang alah diduduki, siriah ditjarano alah dikunjah, rokok baguluang alah diisok, kok minum djó makan alah samparono sadjuak, nan dimukasulk alah pulo sampai, nan diama alah dapek Aa toh nan djadi parmintaan si alek nan satampuan lalu sabondong suruik, Ijo lah karano hari lah laruik malam, sabullah bali, djo pinto mamintak dilapeh dio bad nan sutji, muko nan djaniah, pulang kalampaik masing2. Sakianlah pasambahan pado Pakiah!".

Pakiah Saidi : Sutan Mantari, sambah hambo tibokan! Manjambahkan sabah hambo kapado pangulu nan gadang basa batuah, mamuhunkan salam hambo kapado tuanku nan duo tigo paseloan. Bukantoh hambo talinteh talampau, dihambo tabiknjo pasambahan mandjawab panitahan, karano alah saizin kato mupakaik dininiak mamak pangatuo Pajobada (kalau sukunjo Pajobada) Dihari nan tjako, kok nan djauah alah datang, nan ham [ 30 ]Halaman:Pedoman Parsambahan dan Pidato Adat Minangkabau.pdf/30 [ 31 ]pia alah tibo, lapiak alah diduduki, siriah ditjarano alah dikapua, rokok baguluang alah diisok, minum djo makan alah samparono sadjuak. Apokoh nan djadi buah parmintaan disialek kami nan pai satampuah pulang sabondong, karano hari lah laruik malam, ijolah mamintak dilapeh pulang katampek. masiang2. kan baitu bana panitahan Sulan Mantari ?"

Sutan Mantari: „ljolah",

Pakiah Saidi : „Sapandjang buah panitahan Sutan Mantari alah taratjak diadaik, alah talingka dipusako, Nan djadi pambarinjo, karano niniak djo mamak pangatuo Pajobada lai adok adang. kok hambo bao kato djo mupakaik mananti Sutan djo panitahan laikoh bana dalam adaik?"

Sutan Mantari: „Lai bana dalam adaik. rantjak bana, djapuik sampailah".

Kamudian Pakiah Saidi mampaijokan pulo kapado salah saurang sipangkalan, umpamonjo Sulan Tan Muhammad.

Pakiah Saidi : „Mak Sutan Muhammad, sambah tibo pado mamak! Indak tarago diulang pandjang, diambiak sadjo nan paguno, kok dirantang bana disinan djuo kali bonjo, karano himbau alah kalampauan, bisiak samo kadangaran. Nan djadi parmintaan sialek kito, karano hari lah laruik malam, ijo nak mamintak dilapeh badjalan pulang. Nan barinjo ijo mamintak lawan baijo djo mamak sarato urang punjo rumah.

Sutan Tan Muhammad : „Alah sampai di Sutan ?"

Pakiah Saidi: „Alah",

Sutan Tan Muhammad : „Pakiah Saidi! Indak tarago sambah manjambah, nan di Pakiah djuo dihamba gadang diandjuang tinggi. Karano sialek kito nak mintak maurak selo, pulang katampek masing2, nan ka barinjo hambo paijokan pulo disiko, mananti Pakiah djo panitahan, laikoh bana dalam adaik " [ 32 ]Halaman:Pedoman Parsambahan dan Pidato Adat Minangkabau.pdf/32 [ 33 ]Pakiah Saidi: „Insja Allah alah didalam adat baolah djo mupakaik!"

Kamudian Sutan Tan Muhammad buliah pulo barun diang kapado suok kidanjo.

Sutau Tan Muhammad: Ba-atu dikito Hadji, Sutan Palimo bagai, lah patuik dilapeh?

Sutan Palimo: ,,Hari lah laruik malam, djalan kalam pulo, kito tahani bamalam",

Sutan Tan Muhammad: „Lah patuik disampaikan".

Sutan Palimo: „Sampaikanlah”.

Sutan Tan Muhammad: ,,Maa Pakiah Saidi! nan tjako djuo diandjuang tinggi dihamba gadang. Alah dibao kato djo mupakaik, Aa nan djadi buah mupakaik, karano hari lah laruik malam, djalan buruak pulo, sio2 kito malapeh, elok tahani bamalam!"

Pakiah Saidi: ,,Maa mak Tan Muhammad, alah elok diantakan?"

Sutan Tan Muhammad: „Alah, antakanlah!"

Kamudian pasambahan dikumbalikan kapado Sutan Mantari.

Pakiah Saidi: Sutan Mantari, sambah ditibokanka Sutan!"

Sutan Mantari: „Manitahlah"

Pakiah Saidi: ,,Adaik dahulu kato basitinah, kamudian kato basitjapek, alah djo tjapek sadjo mangum balikan panitahan kapado Sutan. Satanlang parmintaan artinjo pulang karumah kami pai nan satampuah pulang sabondong, kan baitu bana parmintaan Mantari?"

Sutan Mantari: „ljolah"

Pakiah Saidi: ,,Parmintaan Mantari alah dibao kato djo mupakaik, aa nan djadi buah mupakaik dininiak mamak, iolah karano hari lah laruik malam, hari kalam pulo, djalan pun haruak, ijolah sabuliah balidjo pintak, mintak maahani bamalam", [ 34 ]Halaman:Pedoman Parsambahan dan Pidato Adat Minangkabau.pdf/34 [ 35 ]Sutan Mantari: „Alah sampai di Pakiak Saidi ?"

Pakiah Saidi: ,,Alah".

Satan Mantari: „Maa Pakiah Saidi, djawabnjo buek panitahan Pakiah, bak undang2 kato tjako, adaik da hulu kato basitinah, kamudian kato basitjapek, пап djadi buah mupakaik, karano bari lah laruik malam, djalan buruak sarato kalam pulo, nan djadi parmintaan di sipangkalan nan manatiang paralatan nangкo. Ijolah mamintak manahani bamalam. Kan baitu bana panitahan Pakiah Saidi?"

Pakiah Saidi: „ljolah, lalukanlah!"

Sutan Mantari: „Nan kadjawabnjo alah taratjak diadaik, alah talingka dipusako, tapi sungguahpun baitu, lamak kato dipakatokan, dibao kato itu djo mupakaik, mananti Pakiah djo panitahan, laikoh didalam adaik?"

Pakiah Saidi: „Insja Allah, alah talingka dipusako alah taratjak diadaik, baolah!"

Kamudian Sutan Mantari mupakaik pulo djo sialek, umpamonjo Hadji Amat.

Sutan Mantari: „Angku Hadji Amat, salam pado angku. Sambah manjambah indak pandjang kapado angku. Karano bisiak samo kadangaran, himbau samo kalampauan, ijolah nan sipangka, artinjo nan punjo alek mamintak manahani bamalam. Nan kabarinjo mamintak bakato baijo, badjalan bamuah djo angku!"

Hadji Amat: „Alah sampai di Mantari?”

Sutan Mantari: „Alah angku!"

Hadji Amat: „Maa Sutan Mantari! Indak taro diulang pandjang, djawabnjo sadjo dipagunokan, nak kami baio batido pulo, disiko djo niniak mamak. Ba-a tu Mantari?"

Sutan Mantari: „Rantjak bana angku, paijokanlah!”

Sasudah Hadji Amat malawan barundiang djo urang Suok kida tjaro balambek-lambek, kamudian dapek kamupakatan, karano kito lai basamo, hari rantjak pulo, elok mintak djuo pulang. [ 36 ]Halaman:Pedoman Parsambahan dan Pidato Adat Minangkabau.pdf/36 [ 37 ]Sasudah itu disampaikan kapado Sutan Mantari, maajampaikan kapado kapalo koto sipangkalan, ijolah Pakiah Saidi.

Sutan Mantari: „Pakiah Saidi! Sambah ditibokan ka Pakiah. Indak tarago diulang pandjang, diulang bana disinan djuo katibonjo. Nan djadi buah panitahan disilang nan bapangka. karakok nan badjundjuang, ijo lah mamintak manahani bamalam, kan baitu bana parmintaan Pakiah ?"

Pakiah Saidi: „Ijolah”.

Sutan Mantari: ,,Alan Hambo bao kato djo mupapakaik, dengan niniak mamak sarato guru2. bulek aia dipambuluah, bulek kato djo mupakaik. ijolah buah mupakaik, karano kami lah basamo, hari lai elok pulo, ijo mamintak dilapeh djuo djo hati nan sutji muko nan djaniah, Sakianlah buah panitahan diantakah kapado Pakiah!"

Pakiah Saidi: „Alah sampai di Sutan?".

Sutan Mantari: Alah!"

Pakiah Saidi: Ma Sutan Mantari! Indak tarago diulang pandjang djawabnjo sadjo diasiangkan. Hambo bao kato djo mupakaik, diambiak kato paijoan, mananti Sutan djo panitahan, lai bana dalam adaik?"

Sutan Mantari: „Insja Allah! Lah taratjak diadaik, talingka dipusako, baolah!”

Barulah dilawan barundiang sipangkalan, dan kaputusan dilapeh djo hati nan sutji muko nan djaniah. Salimbaknjo pulo sipangkalan mamintak doa salamaik.

Pakiah Saidi: Mantari!" Sambah tibo pado Sutan Mantari!"

Sutan Mantari: „Manitahlah!"

Pakiah Saidi: ‚,Nan djadi buah panitahan Mantari alu alah taratjak diadaik, talingka dipusako, tapi bakato kamudian kato tjako djuo, adaik dahulu basitinah, kato kamudian [ 38 ]Halaman:Pedoman Parsambahan dan Pidato Adat Minangkabau.pdf/38 [ 39 ]

basitjapek, basitjapek djuo ka Mantari. Aa kasitjapek annjo. dihari nan tjako alah hambo bao kato djo mupakaik dininiak mamak nan manatiang mananai alek nangko, ijolah pangatuo Pajobada. Lah bulek kato dju mupakaik, bulek ala kapambuluah, dapek kato nan sasuai saijo kato sapa i. Sapandjang parmintaan alek kami alah babari, artinjo balapeh djo hati nan sutji, muko nan djaniah. Tapi sungguhpun baitu, karano kahandak silang man bapangka, buliah karano niniak mamak bapadang lapang ijolah mamintak doa salamaik. Baitu
Jah permintaan sipangkalan!"

Sutan Mantari: „Maa Pakiah Saidi! Sambah manjambah indak dipapandjang. Nan djadi panitahan Pakiah Saidi lai taratjak dalam adaik, talingka dipusako tapi sungguahpun baitu, dibao kato djo mupa kaik kapado niniak mamak, laikoh bana dalam adaik?"

Pakiah Saidi: „Insja Allah lai taratjak diadaik, talingka dipusako, baoloh!"

Biasonja sambah manjambah satjaro singkek sadjo. Salasai mandoa salamaik, barulah si alek tadi tagak sam bia basalam djo sipangka. [ 40 ]Halaman:Pedoman Parsambahan dan Pidato Adat Minangkabau.pdf/40 [ 41 ]3. PARSAMBAHAN DIATEH PAKUBURAN

Sutan Panduko: sipangkalan.

Kari Sutan: orang jang datang,

Sutan Panduko: ,,Mandatangkan sambah hambo kapado niniak djo mamak. sarato pangulu nan gadang basa batuah dan tuanku nan duo paseloan, bukantoh hambo malinteh malampau mandatangkan sambah, karano sudah saizin kato djo mupakaik djo siwarih nan alah barpulang karahmatullah. Kari Sutan! Sambah ditibokan pado Kari Sutan!"

Kari Sutan: „Mandahlah!”

Sutan Panduko: „Karano singkek langkah, sapandjang parmintaan di Tutsa Pangulu, alah dibao katanah nan lambuang, karumpuik nan lajua. Ba atoh nan djadi parmintaan dari siwarih baliau. Kalau ado hutang pilih nan babilang atau kato nan tadorong, ijo supajo djan mambao kabaratan kapado baliau dalam kubua, njo mamintak dima'afkan. Kalau hutang ameh djo pitih tuntuiklah kapado siwarih baliau. Sakianlah "

Kari Sutan: „Sutan Panduko! Sambah tibo pado Sutan! Karano singkek langkah. sapandjang parmintaan ateh diri Sutan Pangulu, lah dibao katanah nan lambuang, rumpuik nan lajua, alah barpulang karahmatullah, Kalau ado hutang piutang baliu samaso hiduik, supayo indak mambarek i pado baliau dipadang mahsjar, Sabuliah pintak disiwarihnjo. mintak dima'afkan, kan baitu bana kato Sutan Panduko?"

Sutan Pankuko: „ljolah"

Kari Sutan: ,,Hambo bao kato tu djo mupakaik kapado niniak mamak, sarato guru nan adok adang. mananti Sutan djo panitahan, laikoh bana dalam adaik?" [ 42 ]Halaman:Pedoman Parsambahan dan Pidato Adat Minangkabau.pdf/42 [ 43 ]

MILIK PERPUSTAKAAN.

BALAI BAHASA PADANG

Sutan Panduko: Alah tarajak diadaik, talingka dipusako, baolah!"

Kamudian barulah Kari Sutan itu mangantakan kapado urang nan hadia satjaro singkek.

Kari Sutan: ,,Mak Hadji Adjas ! Kok bisiak alah kadangaran, himbau lah kalampauan, nan ulak alai dari siwarih Sutan Pangulu, ijolah kok ado hutang ameh atau hutang pitih nan babilang, atau hutang muluih nan tadorong, mintak dimaafkan dan diridakan, supajo djan mambarek i pado baliau diachirat,baitulah mintak siwarihnjo".

Hadji Adjas „Ba-a dikito, lai samo dima'afkan?"

Urang banjak badarun bakato: „Lai samo dima‘an kan! Nan dikami bari ma'af pulo !"

Kamudian lai Kari Sutan mamulangkan parsambahan pado Sutan Panduko.

Kari Sutan: „Maa Sutan Panduko ! Indak tarago dirantang pandjang, nan singkek sadjo pambarinjo, Nan djadi olak olai dari ahli warih nan bapulang.kok ado hutang muluik mintak dima'afkan, Nan djadi kabarinjo alah dibao djo mupakaik, ijolah laḥ samo mama'afkan. Sabaiknjo: Laikoh dikami nan basamo bama'afkan pulo handaknjo!"

Sutan Panduko : Ba a lah elok diantakan ?"

Kari Sutan: „Antakanlah!"

Sutan Panduko mangantakan kapado ahli warih si mati, biasonjo tjaro singkek sadjo

Ahli warih:,,Dikami ahli warih, labiah dahulu sudah ma ma'afkan, Tapi buliah tjiek nak duo, mamintak kapado guru2 mandoa'a niniak mamak maaminkan, partamo ratik tahlil dan kaduo doa salamaik".

Sutan Panduko: „Kari Sutan, sambah dikumbalikan kapado Sutan! Indak tarago diulang pandjang, kalau di [ 44 ]Halaman:Pedoman Parsambahan dan Pidato Adat Minangkabau.pdf/44 [ 45 ]ulang disinan djuo katiborjo.Satantang dari maaf ba maafan sakali dininiak mamak, baribu kali di ahli warih,artinjo batarimo Tapi sungguhpun baitu, karano kahandak alah balaku, buliah tjjek nak duo, karano niniak mamak sarato djo guru2 ba-alam laweh,, bapadang lapang nan partamo mintak siwarih kapado guru2,ratik tahlil dan kaduo doa salamaik: baitulah parminta an dari ahli warih baliau nan bapulang!"

Kari Sutan: „Alah sampai di Sutan Panduko?"
Sutan Panduko: „Alal, djapuik sampailah !"
Kamudian baru Kari Sutan bakato pulo: Maa ba
liau Hadji Adjas,
angku Kadi sarato guru? ! Nan
djadi kahandak siwarih baliau, ijolah mamintak ratik tah
lil dan doa salamaik".

Hadji Adjas: „Indak tarago dirantang pandjang: in sja Allah mintak siwarih lai balaku!"

Mulo2 urang basamo mambatjo ratik tahlil, dipimpin oleh Hadji Adjas.

Kamudian urang mandoa dipusaro; Hadji Adjas mambatjo doa, nan lain ma - aminkan. [ 46 ]Halaman:Pedoman Parsambahan dan Pidato Adat Minangkabau.pdf/46 [ 47 ]4. PARSAMBAHAN BATAGAK RUMAH.

Saidi Pakiah: sipangkalan

Sutan Bagindo: sialek (djamu).

Sabalun akan manjambah labiah dahnlu Saidi Pakiah ma-anggok pangulu andiko atau Alim Ulama, Imam Chatib, Kadi dan guru2, umpamonjo:

,,Sambah kapado Injiak Datuak Rangkajo Basa!"

,,Ajah Datuak Tan Muhammat, sambah ka ajah!"

,,Buja Chatib Djuma'at Kubang Putiah, sambah ka Buja!"

Saidi Pakiah: „Sutan Bagindo, panitahan ditibokan. kapado Sutan!"

Sutan Bagindo: „Manitahlah".

Saidi Pakiah: „Sungguahpun Sutan nan disambah, nak sarapeknjo pangulu nan gadang basa batuah, tuanku nan duo tigo paseloan, tampek hambo manjambahkan sambah, mamuhunkan salam Indak taratok tabilang gala, kapambilang pahatok dengan sambah dimuliakan. Bukan toh hambo kamalampau kamalinteh, sungguahpun dihambo tabiknjo sambah, alah saizin kato djo mupakaik, dihambo manjambahkan: lai sambah tibo kahadapan Sutan Bagindo!"

Adapun dihari nan tjako, tunggak nan rabah alah tatagak, tunggak alah diatua, nan djadi buah pasambahan dininiak mamak pangatuo Gutji, iyo handak mangisakan duduak, dari nan bapaneh ka nan balinduang. Itulah supajo niniak djo mamak, sarato guru2 mintak maringankan kaki karumah nan disabalah, sakian sambah ditibokan ka Sutan Bagindo!"

Sutan Bagindo: ,,Alah sampai di Saidi Pakiah?"

Saidi Pakiah: „Alah!"

Sutan Bagindo: Saidi Pakiah, sambah dikumbalikan pado Saidi!" Adaik dahulu kato basitinah, kudian kato basitjapek, basitjapek djuo kaharibaan Saidi.

Nan djadi buah panitahan di Sutan, rasuak djo palantja alah diatua, tunggak nan rabah alah tatagak, nan djadi parmintaan silang nan bapangka, ijolah am[ 48 ]Halaman:Pedoman Parsambahan dan Pidato Adat Minangkabau.pdf/48 [ 49 ]

mintak kapado niniak ma:nak sarato guru2,nak mangi

sa duduak, dari-nan bapaneh ka nan balinduang, kan

baitu bana buah panitaan Saidi Pakiah ?"

Saidi Pakiah: „ljolah!"

Sutan Bagindo: .... panitahan Saidi alah taratjak

alah talingka dipusako. Tapi sungguah pun baitu

lamak kato dipakatokan.. hambo bao kato tu di mupakaik,

diambiak kato paijoan, mananti Saidi Pakiah djo panitahan, :laikoh bana dalam adaik?"

Saidi Pakiah: „Insja Allah lai dalam adaik, . alah

talingka dipusako, baolah Sutan Bagindo!"

Barulah Sutan Bagindo mambao mupakaik kapado

urang nan hadia dalam upatjaro managakkan rumah, tapi

satjaro singkek sadjo.

Kamudian baru sialek karumah

nan disabalah itu.

P I D A T O I

Pidato iko ijolah nan dipidatokan wakatu mandiri kan pangulu andiko, biasonjo disabuik „alek badatuak", Satalah karumah sagalo pangulu2 dalam nagari itu, sarato Imam Chatib, urang tak muko, tjadiak pandai, lalu salah saurang tagak badiri, sambia bapidato:..

Djandjirak bungo djandjuri
Kaduo bungo djilatang
Dibao basa ampe balai
Sungguah hambo tagak badiri
Saizin gadang pangulu nan datang
Bukan toh hambo tahu pandai

Lajang-lajang tabang malajang
Malajang ka Koto Tangah
Banjaknjo ampek puluah ampek
Indah tjarano alang kapalang
Talatak ditangah-tangah
Dilingkuang urang nan barampek

[ 50 ]Halaman:Pedoman Parsambahan dan Pidato Adat Minangkabau.pdf/50 [ 51 ]Pandai bana Sulan itu manatiang tjarano ini banamo tjarano budi tjarano bak tiuang katabang elok tjarano alang kainggok baukia baputjuak rabuang batatah bamego-mego baraleh kasumbo rumin tjarano nan datang dari Bandja. Lorong kapado siriahnjo siriah udang tampak hari siriah timbakau kuku balam gagangnjo bapantang putuih buahnjo intan dengan padi bungo lado basalo batang buah diambiak katinaman daun diambiak kakusuak mandi usah karatak rintiah tido usah kalajua makin hiduik. Lorong kapado pinangnjo pinang batatah dan batuntun bak dasun dibalah ‘duo bak bawang dibalah ampek balangnjo lingga linggajuran satahun tupai mamandjek djatuah kabawah djadi, ambun banamo Si Ambun Sari. Lorong kapado sadahnjo sadahnjo langkitang gadang dibasuah djo aia ambun babasuah pati santan diambuih djo kipeh Tjino putiah sabagai banak balam dipalik djo djari manih bakisa kadjari tangah, usah kausak makin panuah, Lorong kapado gambianjo kaba barito kami danga buatan puti Sari Lamak sapi

pia djatuah kasiriah mambajang sampai kamuko lamaknjo tingga dirakuangan. Santo haluih Sidikalang banamo timbakau Djao saeto pandjang djaluanjo harum satahun pailajarati.

[ 52 ]Halaman:Pedoman Parsambahan dan Pidato Adat Minangkabau.pdf/52 [ 53 ]

BUNGO PIDATO

Lai sambah tibo kapado Sutan, dan sataruihnjo

PICATO II.

[ 54 ]Halaman:Pedoman Parsambahan dan Pidato Adat Minangkabau.pdf/54 [ 55 ]

Nabi Adam awa partamo Nabi Nuh Rasul kaduo mangko tadjadi tanah kuniang taanta katiang Arasj tareda ateh kurisi. kurisi batabua intan pudi bamato nilam baiduri baraleh dengan kain suto kain suto ainal banat tanunan anak bidodari dalam sarugo tu pangkek tachta keradjaan daulat ijolah Sultan Zulkarnaini anak dari Nabi Adam nan kurang aso ampek puluah batiup angin sidulak duli.

Babunji gandang djo sarunai nan banamo siradjo Nobaik sarato rapab djo kutjapi dipalu sagalo buni bunian takambang pajuang ubua-ubua manari nak bidodari didalam sarugo tarambua sagalo baun-baunan [ 56 ]Halaman:Pedoman Parsambahan dan Pidato Adat Minangkabau.pdf/56 [ 57 ] baun-baunan harum hamba kasturi Suko hati sagalo anak bidodari mako turun malaikat baribu-ribu pai kapado anak Adam diateh awan kalamuang mako mandanga anak Adam ka ateh langik tadanga suaro diateh Bukik Kaf mamandanglah Adam dan Hawa kapado Bukik Kaf. Tampaklah putiah sarupo buiih dilautan lautan baombak anginpun batiup turun malaikat dari langik nan katudjuah akan manamui Sultan Zulkarnaini Daulat yang dipertuan sambahan alam didunia nangko.

Mako bakawin Zulkarnaini dengan bidodari beroleh anak tigo-urang Surang banamo. Sutan Maharadjo Alif nan djatuah kabanua Rum surang banamo Maharadjo Depang nan djaatuah kabanua Tjino surang banamo Sultan Maharadjo Diradjo nan turun kapulau ameh nangko. Lorong kapado radjo nan batigo itu lah radjo tigo djurai sati bukan alang-alang djiko taliniteh injo manulak kalau disabuik lidah kalu kalau ditantang mato buto kalau dikana hati lintuah Anak radjo turun tamurun anak, puti sunduik basunduik anak Sultan Iskandar Zulkarnaini nan batanduak ameh sandirinja nan banamo Sidjanto Djati tjutjuran Adam, Siti Hawa

Mako balaia Sultan Seri Maharadjo Diradjo ditangah lauik Baharullah sarato Tjati Bilang Pandai datang nan dari tanah basa tampak api takilek kilek api ditudju tjahajonjo hilang galap gulito maso itu takarang kapa dipuntjak gunuang Marapi tasambua dalam lauik gadang gadang sabagai talua ajam...

[ 58 ]Halaman:Pedoman Parsambahan dan Pidato Adat Minangkabau.pdf/58 [ 59 ]Sinan sirangkak nan badangkuang sinan buajo putiah daguak dibawah batu hamparan putiah dibukik patah patigo iolah gunuang patah sambilan sinan linggundi nan baselo disinan banto nan barajun sinan sirangkak hitam kuku.

Mako dipabuek balai balerong pandjang dipapek tjupak dibuek adaik tjupak nan duo gantang nan ampek adaik luhak dihari baradjo nagari dibari bapangulu kampuang dibari banan tuo didirikan lareh nan duo luhak nan tigo. Manonjo lareh nan duo tu ijolah lareh Koto Piliang bagala lareh nan bu ta pagangan Datuak Katumanggungan kaduo lareh nan pandjang itulah Budi Tjaniago pagangan Parpatiah nan Sabatang maso ketek banamo Sutan Balun. Mano luhak nan tigo satu luhak Tanah Data kadua luhak Limopuluah katigo djo luhak Agam. ,

Mako duduaklah radjo nan baduo diateh kurisi sumbu lojang dikiri rumpuik bapalangi dikanan djohar manikam,

Sitan Palindih! Sambah tibo pado Sutan!

Sungguahpun Sutan Palindih nan disambah, nak sarapek papeknjolah niniak mamak nan gadang basa batuah, tuanku nan duo tigo paseloan sarato nan adia tangah rumah tampaik hambo manjampaikan sambah Tidak taratok tabilang gala kapambilang pahatok dengan sambah dimuliakan.

Bukantoh hambo bak raso kamalintah kamalampau, sungguahpun dihambo tabikn o sambah, alah saizin kato djo mupakatk dihambo manjambahkan sambah, lai sambah tibo kehadapan Sutan Palindih.

Djawab Sutan Palindih ,,Manitahlah!" [ 60 ]Halaman:Pedoman Parsambahan dan Pidato Adat Minangkabau.pdf/60 [ 61 ]Maa Sutan Palindih Kami nan sialek kok nan djauah alah datang, nan tatapia alah tibo, djandjang tabantang alah ditingkek, bandua alah ditaplak, lapiah tabantang alah diduduaki, sirih ditjarano alah dikapua, kok pinang alah digatok, kok sadah alah dipalik, rokok baguluang alah diisok.

Baa loh nan djadi pasambahan di sialek nan pai Satumpuak pulang sabondong, kok ado nan takalang dimato nan takana dihati alah koh patuik dikatangahkan Itu sambah dikumbalikan kapudo Sutan Palindih.

Sutan Palindih: Alah sampai di Sultan?

Barinjo: ,,Alah!?”

Baitulah sataruihnjo!. Tapi ingek kalau dalam patalatan basa,' umpamonjo mandirikan pangulu, mambangkik tareh tarandam, atau mambadak anak turun mandi dengan mambunuah kabau dan djawi, adaik nan bapaneh; baitu djuo alek parkawinan satjaro basar basiran, mambunuah kabau bantiang adaik bapaneh. Katigo matjam paralatan itu, kalau mandjawab pasambahan handaklah didahului dengan pidato nan pandjang dan berirama, manuruik kabudajaan Minang asli, djanganlal pulo dipamoderen.

---

[ 62 ]Halaman:Pedoman Parsambahan dan Pidato Adat Minangkabau.pdf/62 [ 63 ]

PIDATO III

Djandjirak bungo djandjuri
Bungo melati kambang patang
Tumbuah dibatang baringin sonsang
Siriah galak pinang manari
Mananti alek nan datang
Duduak baselo dirumah gadang

Sirauik bari bahulu
Diasah baru bamato
Djikok disabuik nan dahulu
Baru ado Pulau Patjo

Dimano asa api palito
Dibaliak pandan nan baduri
Dimano asa niniak kito
Ijo dipuntjak Gunuang Marapi

Djiko dibukak tambo lamo dikadji surek asa djo usua sabarih indak ado nan hilang satitiak bapan tang lupo buliah ditjurai dipapakan ijolah maso nan dahulu kalau diliek pulau nangko Gunuang Marapi sagadang talua ajam. Kan ijo samaso itu kato tjuri to pandangaran saurang radjo ditanah Makah Radjo Sultan Zulkarnaini injo baranak tigo urang surang banamo Maharadjo Depang itu nan turun ka banua Tjino, surang banamo Maharadjo Alf itu nan turun ka banua Rum, surang Radjo Maharadjo Diradjo itu nan djatuah ka Pulau Patjo. Mako balaialah Datuak Sri Maharadjo Diradjo ditangah lauik Baharullah sarato Tjati Bilang Pandai datang nan dari tanah basa nampak api takilau-kilau galap gulito maso itu. Mako takaranglah dibumi dipuntjak Gunuang Marapi tasumbua didalam lauik gadang ijo sagadang talua ajam aia baransua turun bumi marantak naiak tibo dipinggang Gunuang Marapi disinan langgundi nan baselo disinan sirangkak hitam kuku disinan buajo nan putiah daguak sawah gadang satampang baniah kilek gu [ 64 ]Halaman:Pedoman Parsambahan dan Pidato Adat Minangkabau.pdf/64 [ 65 ]milek kasiak pasia aia djaniah tapian sutji batu gadang susun basusun batu ketek tindiah manindiah kok budjua, samo budjuanjo. Anak pinang baliritan malintang samo malintangnjo baringin liritan pajuang anak kubang selo baselo tampek banaung kapanasan tampek bataduah kahudjanan ijo di Padang Pariangan disanan mulo rantiang dipatahkan disanan mulo sumua dikali disanan bumi mulo dipidjak mulo langik nan didjundjuang dipapek gantang djo sukatan disusun adaik djo istiadaik dibawah batu kampa putiah di bawah bukik patah tigo ijo digunuang patah tigo.

Dibuek balai balairang pandjang dibuek tjupak nan duo sarato gantang nan ampek adaik luhak di bari baradjo adaik nagari dibari bapangulu kampuang dibari banan tuo. Didirikan lareh nan duo didirikan pulo luhak nan tigo Manonjo lareh nan duo ijojah Lareh Koto Piliang kaduo Lareh Budi Tjaniago Manolah Luhak nan tigo partamo Luhak Tanah Data Kaduo Luhak Limo Puluah katigo Luhak Agam sampai kini tapakai djuo djikok diasak injo lajua kalau dibubuik injo mati 'Lorong kapado adaik pangulu in daknjo lakang karano paneh. indaknjo lapuak nan ba hudjan. Dişanan duduak duo radjo diateh kurisi djohar manikam baraleh parmadani suto budi

Kapa Ulando di Bangkahulu
Pandjang tigo puluah dapo
Dinaiki Sutan Amarullah
Anak tuanku Sjah Banda
Kaba tjurito urang dahulu
Antah sasek karano lupo
Antah gawa karero salah
Asak dituan ka nan bana

Urang Padang mausai banang
Banang suto talipek-lipek
Dikumpa diamblak dipatigo

[ 66 ]Halaman:Pedoman Parsambahan dan Pidato Adat Minangkabau.pdf/66 [ 67 ]

Indak elok dirantang pandjang
 Elok dikumpa naknjo singkek
 Diambiak sadjo nan paguno

      Tatabua intan dari Pagai
      Batjampua-tjampua dengan pudi
      Takarang sadjo dalam bulan
      Bukan hambo tjadiak pandai
      Sungguahpun hambo tagak badiri
      Limbago kato disambahkan

Salakehnjo sambah tibo di Sutan sungguahpun Sutan tampek hambo mengumbalikan sambah,nak sa rapeknjolah niniak djo mamak nan gadang basa batuah sarato tuanku nan duo tigo paseloan sarato dunsanak adok adang Bukan hambo maraso malinteh malampau, dihambo tabiknjo pasambahan karano alah saizin kato djo mupakaik disilang nan bapangka nan manatiang mananai paralatan nangko dihambo tabiknjo pasambahan indak taratok tabilang gala dengan alok dimuliakan sambah.

Sambah djo titah nan ditibokan kapado Sutan:lai koh bak adaiknjo urang 'bapantun pakaian kito urang mudo matah :

Tatabua intan dalam pelang
Lagi batabua djo mutiaro
Kiriman Sultan Amarullah
Bajangan malinteh reno bulan
Hilang mangkuto nan sabarih
Susahlah alam djo udaro

Alek dipanggia alah datang
Nan ditjinto alah tibo
Duduak baselo tangah rumah
Sananglah raso pamandangan
Mangutjap sjukur malah kami
Nikmat suko salamonjo

Sultan Sjarif Abdurrazak
Anak tuanku Sjah Alam

[ 68 ]Halaman:Pedoman Parsambahan dan Pidato Adat Minangkabau.pdf/68 [ 69 ]

Nan mandjundjuang mangkuto
Duduak diateh andjuang perak
Dilingkuang tirai ambun suto
Itulah radjo nan usali
Buliah kiriman dari tuanku
Dari Sultan tanah: Makah
Mangkuto angkatan dalam alam
Saba hati iniak mamak
Dulang djo paho tak sapasang
Kendi djo tjerek tak sapa-i
Djamba djuadah kok ado kurang
Sambah simpuah pamanuhi
Sarato haromaik dipabanjak
Sadang kapado niniak mamak
ljolah alek nan hadia nangko
Salam djo ma'af dimuhunkan."

Takambang pajuang tiang tudjuah
Djadi kabasaran dituanku
ljolah Sultan Banua Rum
Tulisan dari tanah Jaman
Kiriman dari tanah Masia
Tjetakan dari nagari Damsjik
Buatan puti Indopuro
Mandanga tuanku naiak nobat
Badantuang patuih guruah tuhua
Mambaleh sampai ka salatan
Mamatjah riak tapi pantai
Dilamun lalu ka kulo
Itulah tando kabasaran
jolab kabasaran radio-radjo
Samandjak dirasua Nabi Junuih

Disusun djari nan sapuluah
Ditakua kapalo nan satu
Mamohon mamintak ampun
Sarato limpah kamurahan
Kapado pangulu nan mulia

[ 70 ]Halaman:Pedoman Parsambahan dan Pidato Adat Minangkabau.pdf/70 [ 71 ]

Ijolah niniak dengan mamak
Sarato dunsanak djo saudaro
Kalau ado kilaf kilafat
Djikok gawa simalin pantan
Djikok hidangan tidak taratua
Saio mintak dima'afkan
Djo hall nan amaik sutji
Sarato muko nan djaniah
Antahmo gawa sakutiko
Lupo manaraah katinggalan
Tingga nan tidak disangadjo
Salaturrahim usah putuih

Sultan Sjarif Indra Bungsu
Musahua tapudji bidjaksano
Lagi baliau sangaik dermawan
Kaba dibao buruang tabang
Surek dikao buruang nuri
Tjurito nan dari buruang merak
Datang dari timua barat
Sabalah Ruhum tanah jaman
Mangkuto tapantjang dikapalo
Batulih djo aia ameh
Angkatan datang dari sarugo
Karangan anak bidadari
Pudi batjampua dio intan
Lagi bakarang dio mutiara
Musabua kaba dinagari
Dilauik sampai kadaratan
Itu angkatan radio kito
Lo Pulau Ameh nangko
Parintah daulat jang diperluan
Undang tak buliah diubahi
Turun nan dari Pariangan

Sabuliah pintak kami
Sarato haromaik dibanjakkan
Kapado pangulu nan mulia

[ 72 ]Halaman:Pedoman Parsambahan dan Pidato Adat Minangkabau.pdf/72 [ 73 ]

Sarato niniak djo mamak
Ijolah tuan saudaro hambo
Nan dibawah tabia langike
Duduak diateh tika sadiaman
Harapan kami basamo-samo
Sarato djo hati suko
Djamba taratua djo hidangan
Sarato tjerek djo tjawannjo
Amblaklah aia basuahlah tangan
Hidangan lah suko nak dibukak
Djamba suko nak dimakan
Tando alamaik putiah hati
Supajo sanang hati sipangkalan
Salam djo maaf dihimpunkan
Kato badjawab gajuang basambuik

DJAWAB PIDATO SI ALEK

„Alah sampai di Sutan ?" Djawabnjo, Alah !"

Adaik dahulu kalo basitinah kamudian kato basitjapek djuo kaharibaan Sutan. Buah panitahan Sutan alah takanduang dalam adaik, alah talingka di Pusako Tapi sungguahpun nan bak kian, biaso djuo gauang basambuik, kito nan badjawab. djawabnjo sadjo diadokan, karano lailah adaiknjo urang bapantun pakaian urang mudo matah:

Didalam Luhak Tanah Data
Tadiri balai panghadapan
Ombak basabuang kiri kanan
Mahukum adaik dengan sjara'
Bagi sagalo anak buah
Sampai ka Pariangan Padang Pandjang
Itu nan kaka dipulau nangko
Turun kapulau tanah Bantan
Undang tak buliah diubahi
Baitu pitua sadjak dahulu
Kito nan hutang mendapati

[ 74 ]Halaman:Pedoman Parsambahan dan Pidato Adat Minangkabau.pdf/74 [ 75 ]

Lorong kapado nan pangka
Sarato karangan djo buatan
Pandai maatak maatuakan
Pihak didjamba nan talatak
Sado taatua tangah rumah
Tidak tjatjek maro malintang
Salamaik sadjahtera kasamonjo
Tantangan minum djo makan
Sabuliah pintak dari kami
Saba tuan tantangan itu
Laikoh buliah pintak kami

Ditukeh pulo oleh sipangkalan:

Tabang burak burung nori
Tabang nan dari tanah Salatan
Paruah bapaluik djo perak
Inggok dipuntjak kaju basa
Tumbuah ditimua alam nangko
Sapohon buah bungo tjangkeh
Disinan bana faduang makan
Bakilek-kilek tidak tampak
Dilingkuang batu hamparan putish
Batu batulih basuratan
Tjetakan Sutan Amirullah
Nan mamakai mangkute kabasaran
Lagi babadju reno palangi
Hilang aka sakutiko
Sasak batenggang bidodari
Malenggang rupo njiua bali
Tumbuah dipasia kaliringan
Dibawah puhun pauah djanggi
Tapatan buruang unggan bajan
Ula bagaluang diureknjo
Nago djo taduang maunjikan

Sambal tasimpuak oleh kami
Kapado sagalo kaharomatan
Ijolah niniak dengan mamak

[ 76 ]Halaman:Pedoman Parsambahan dan Pidato Adat Minangkabau.pdf/76 [ 77 ]

Pikak dikami dinan pangka
Djuraro pitunggua samo pulo
Kulansiang sudah kami lapehi
Panghulu sudah didjalankan
Kapado anak dengan bapak
jolah karik dengan kabia
Sarato ipa dengan bisan
Aleklaḥ adia tangah rumah
Djamba taratua manantikan
Sarato hidangan babagai-bagai
Dibawah tirai langik-langik
Sarato ka parmadani
Heran malo mamandangi
Heran hati mamikiri
Umpamo Matang diateh langik
Umpaniu ombak dilautan
Sabuliah-bullah pintak kami
Nasi disantap handaknjo
Supajo sanang hati sipangkalan

Disahuti oleh si alek

Batjintjin akiak kahiroman
Anak Sultan Radje Basa'
Bajangan malinter kalautan
Buatan anak biddari
Balahan intan disarugo
Lakek bapaluik dengan perak
Batjampua dengan mufiaro
Tjetakan datang dari bulan
Kadjadi angkatan radjo Ruhum
Samo tadjadi djo alam nangko
Sampai ka Siak Indogiri
Lalu katimba kasalatan

[ 78 ]Halaman:Pedoman Parsambahan dan Pidato Adat Minangkabau.pdf/78 [ 79 ]

Kalau baitu panitahan
Bana sakali kami danga
Suko naimaik paratian
Tapi sabuah pintak kami
Kapado nan pangka samuorjo
Pihak didjamba nan talatak
Adaik taratik salamo nangko
Baso djo basi dipakaikan
Taratua nan kito minum
Baitu pitua dinan tuo
Kito indak buliah maubahi
Saba djo rila kito pakai
Sahinggo duduak bahadapan sadjo
Laikoh buliah pintak kami
Silaturrahim dibanjakkan

Dibaleh oleh si pangkala

Didalam lubak nan tigoko
Takambang pajuang reno basa
Badjambua-djambua dengan suto
Bagai mangkuto gamba wajang
Itu kabasaran nan dipatuan
Kasiah tatulih suto ambun
Batjampua intan barlian
Dikarang dengan ameh mudo
Itulah pajuang nan usali
Buatan puti djambu lilin

Tuan tahu salamo nangko
Niaik djo kaua dinan pangka
Djuaro pitunggua baitu pulo

[ 80 ]Halaman:Pedoman Parsambahan dan Pidato Adat Minangkabau.pdf/80 [ 81 ]

Lorong djamba nan taedang
Nasi ta'atak mintak dimakan
Aia taraua mintak diminum
Salam djo ma'af dimohonkan
Batangguah tuan dinan ado
Tidak sanang hati kami
Itulah sambah dimuhunkan<

Pantun si alek mambao mupakaik

Radjo Kualo radjo darmawan
Mamakai mahkota intan parmato
Batatah intan dengan barlian
Tampak nan tidak kalihatan
Balingka sukalaik ainal banat
Bapaluik dengan ameh urai
Kiriman Sultan tanah Malako

Tartib jo sopan dibiasokan
Baitu adaik nan biaso
Kito nan hutang manjabuikkan
Saba 'djora tuan pakaikan
Kato dihao djo mupakat
Baitu atlaik nan dipakai
Mananti Sutan sakutiko
Djawab si pangka
Buruang banamo lajang-lajang
Tabang djo anak nuri djantan
Inggok maraok atch samak
Baduo djo anak punai tanah

[ 82 ]Halaman:Pedoman Parsambahan dan Pidato Adat Minangkabau.pdf/82 [ 83 ]

Djawab si alek

[ 84 ]Halaman:Pedoman Parsambahan dan Pidato Adat Minangkabau.pdf/84 [ 85 ]

Djawab sialek mambao mupakaik

„Angku Datuak Sati! Adapun sambah djo panitahan kapado Allah kito kumbalikan. Nan akan hambo kumbalikan kapado angku Datuak Sati, karano ulak alai dari sipangkalan nan manatiang mananai paralatan nangko, dari buah parsambahan alah didjawab sakiro2, djo parsambahan. Nan kabarinjo bakato baijo badjalan bamuah, itulah nan dicjapaik kahadapan angku Datuak!"

Datuak Sati: Maa Sutan! Bak kato tjako djuo sambah djo panitahan, karano silang nan bapangka karakok nan badjundjuang. karano hidangan alah talatak, nan djadi ulak alai sipangka mintak disantap. Nan kabarinjo dibao baijo djo, kawan disiko, mananti Sutan [ 86 ]Halaman:Pedoman Parsambahan dan Pidato Adat Minangkabau.pdf/86 [ 87 ]

djo panitahan. Kamudian putuih mupakaik bahasa kahandak sipangka kito tarimo djo hati nan sutji muko nan djaniah. Salimbaknjo pulo ka ano paneh nan bapan, ka hudjan nan bapuhun, sabuliah bali djo pintak, mintak di Samoi. Baitulah nan djadi buah mupakaik".

Djawab si alek: „Maa angku Datuak Sati, alah elok diantakan ?"

Datuak Sati: Djapuik sampailah Sutan!"

Djawab si alek.

„Sambah djo titah dikumbalikan pado Sutan! Adaik dahulu kato basitinah kamudian kalo basitjapek, basitjapek djuo kaharibaan Sutan Indak tarago diulang pandjang, diulang bana disinan djuo katibonjo, karano himbau kalampauan, bisiak samo kadangaran, karano djamba alah taedang, nan sipangka lompek basitumpu, tiantjang baandehan, ijolah mam ntak diparenai oleh si alek kami, kan baitu bana pintak sipangka?"

Djawab sipangka: „Ijolah",

Tukeh si alek.

„Kahandak sipangka alah taratjak diadaik, talingka dipusako, alah pulo hambo bao kalo itu djo mupakaik kapado sialek. Kok bulek buliah digolongkan, pitak buliah dilajangkan. Bulek kato djo mupakaik, bulek ala djo pambuluah Nan djadi kaputusan, batarimo dio hati nan amaik sutji, muko nan djaniah; tapi sungguhpun baitu, hudjan nan bapangka paneh nan bapuhun, ijolah mintak disamoi djo nan pangka. Itulah panitahan dikumbalikan pada sipangkalan".

PIDATO IV.

[ 88 ]Halaman:Pedoman Parsambahan dan Pidato Adat Minangkabau.pdf/88 [ 89 ]Nan sabarih tidak bilang; nan satitlak tidak lupo, ijo moh tjadiak bana Datuak itu, mamakai tjupak dengan gantang, tahu diadaik djo limbago, tahu diukur dengan djangko, tjadiak nan bukan alang alang, sarato arif bidjaksano.

Mako didjalankan adaik maso itu, kapado putjuak bulek urek tunggang, lalu baradap maso itu, masuak kadalam korong kampuang, lalu kaateh rumah nangko, daduak diateh tika sadaman, duduak diateh kasua manggapo, dibawah tirai langik, baradap duduak maso itu, sarato djuaro djo pitunggua. Lorong kapado djuaro itu, urang tjadiak tjandokio, manih muluik bakato kato, budiman bukan alang alang, tahu diadaik djo limbago, tahu ditjupak dengan gantang, tahu 'dibarih djo balabeh, tahu diereng dengan gendeng, pitua taguah mamatjikkan, sabarih tidak namuah hilang, lalu dimintak ukua djangko,

Sadang kapado puljuak bulek, pangulu gadang basa batuah, pangulu putjuak nan sapajuang, umpamo kaju gadang tangah koto, rimbun nan bukan alang alang, djikok datang hari paneh tampek balinduang, hari hudjan tampek bataduah. Bapikia tuan Datuak itu, dapek pikiran sakutiko, maukua mandjangkokan djuaro dan pitunggua, putuih raso nan diluruik, ilimu sugiro diamakan, lalu badjalan maso itu, kalabuah nan golong kapasa nan rami. Dibali kabau nan gadang, ikua panjapu bumi nangko, talingo pangipeh alam nangko, tanduak malingka ruang tangah, dilapeh siriah masuak kampuang, ijo didalam nagari nangko. kpado pangulu dalam nagari, tolah ipa dengan bisan, sarato karik dengan kabia, marapo alek maso itu, ijo dalam korong kampuang, ba-bondong dilabuah gadang, sarupo ombak dilautan, sarupo bintang diateh langik.

Dilakekkan pangkek pangulu itu maruruik undang2 urang tuo kito. djikok mati batungkek budi, djikok hiduik bakarilahan, djikok gadang io balega, djikok pusako jo basalin, dilegakan pusako ketuan Datuak, nan mamakai sarawa pandiang Atjeh, babadju gadang buatan Batipuah, badeta gadang pilin tigo, tasisik karih balabua intan. [ 90 ]Halaman:Pedoman Parsambahan dan Pidato Adat Minangkabau.pdf/90 [ 91 ]Lorong kapado dang detanjo, buatan anak Koto Gadang, ameh bapaluik kasamonjo, balinjo saimbang djo nagari. Lorong kapado dang karihnjo, karih banamo tjumadi intan, sarangnjo bapaluik ameh urai, ulu batabua intan bakarang, buatan Sariak Sungai Pua, djikok tagondjak dalam saruang, alamaik dunia kabinaso.

Mako bapikia tuan Datuak itu, malakukan hukum kitab tambo lamo kapado anak kamanakan sado sapajuang sainduaknjo, lalu kadalam nagari itu, adaik nan duo parkaro, partamo adaik Dijahilijah, kaduo adaik Islamijah. Nan dinamokan adaik Djahilijah, suko basorak djo basorai Nan dinamokan adaik Islam dengan adia lagi. Diikok mahukumkan tuan Datuak lagi bidjaksano sagalo hukum itu diambiak didalam kitab Allah, djikok tidak diambiak didalam kitab Allah dinamokan hukum barhalo, dan hukum setan namonjo.

Iyo baliau tuan Datuak itu, nan tinggi nan tampak djauah. tinggi nan tidak buliah didjuluak, gadang nan tidak buliah diliek, dalam nan tidak buliah diadjuak, nan basarawa pandjang Atjeh, maratuih intan dikaki, baribu sampai dipinggang, banamo dalamaik Makah sapantun bintang disambuik alam, tidak buliah ditantang njato, bagai tjahajo matohari, sadjangka tabua intannjo, saeto putjuak rabuangnjo, salo manjalo kasumbo rumin, ukia bapilin batang siriah, turab baturab saluak aka, aka banamo aka tjino, tjino banamo tjino karun, kaik bakaik tinggi bungo, bungo banamo bungo tjangkeh, kaluak bakaluak daun paku, paku banamo paku adji rimbo, rimbo banamo rimbo kalampa tiang, anak lado diateh parik, tudjuah ameh upah mangguntiang, satahia upah mandjaik. Djaik nan tiaro si Alahan, di Djapun datang pandjaiknjo, di Tjino datang kulindan suto, dimulai djo lidah aia, disudahi djo lidah api. Indak basah kanai aia, indak anguih kanai api,

Lorong kapado badju baliau, turah turai biludu gandum, balahan badju disarugo, ditanun anak bidadari, supo kusuik badjulah sudah, indak dapek ditiru lai, sibia [ 92 ]Halaman:Pedoman Parsambahan dan Pidato Adat Minangkabau.pdf/92 [ 93 ]batantinjo, intan djo padi bagandiangan, heran tatja ngang kaduonjo, pagi2 rononjo kuniang, tangah hari rononjo hidjau, patang rononjo limbajuang, djikok dilipek sabulun kuku, kalau dikambang saleba alam, heran mamandang samuanjo, asa niniak mojang kito,ijolah Adam Nabi Allah, turun kapado Sultan Iskandar Zulkarnaini, tapakua alam samuanjo, adaik nan tjaro Minangkabau.

PIDATO MANGANTAKAN ANAK

Dititiak galang rang Koto Tuo
Dibari baukia batampuak manggih
Kalau mambilang dari aso
Kalau mangadji dari alih

Dianiang-aniang djo bitjaro dimanto-manto djo kalaka dipikia-pikia dalam hati dibaka kumajan putiah asok mandulang kaudaro sampai kalangik tudjuah pangkek tando mukasuik isi kasampai nan diama lai ka patjah bak djanjo urang bapantun:

Tabang balam mambubuang tinggi
Inggok diateh pintu bandua
Kok malam djad mimpi
Malapeh niaik dengan kaua

Apo nan djadi niaik djo kaua,ja Ilahi ja saidina, ja Maulana ja Rabbi! Baruliah kami anak laki2, bu liah pamagang korong kampuang Baruliah kami anak parampuan, buliah maatua rumah tanggo . Tibo hutang bapak djo mandenjo, partamo turun mandi,kaduo mamotong gombak, katigo basunaik rasua, ka ampek arak kawin, dibao kaaia nan djaniah kasajak nan landai, tando alamaik putiah hati,, putiah tiado ka balangnjo, bulek nan tidak basandiang, aluih badindiang tjamin,data balantai papan.

Gadang tabelnjo Pantjuran Landai
Tjela diambial: kabasahan
Bukan hambo adiak pandai
Pusako kato disambahkan

[ 94 ]Halaman:Pedoman Parsambahan dan Pidato Adat Minangkabau.pdf/94 [ 95 ]Sambah djo titah diantakan ka Sutan. Adaik nan kawi Sjara' nan lazim. satu kato pusako kaduo kato limbago, katigo kato parbuatan. Manokoh kato pusako, badjandjang naiak batanggo turun, babarih babalabeh, batjupak balukisan, bapandan bapakuburan basasok badjarami, diateh tjupak nan tatagak, diragi nan takambang, disuri tuladan kain, ijo tjupak dipangulu, kok adaik lah njak mamakai, limbago lah njak manuang, warih lah njak manurun, takatjak karadjo baiak, dihari sahari nangko. mulo ditjari hari nan baiak, kutiko bungo nan kambang, pandapek dihati pangalang dimato, bulek nan sagiliang, pitjak nan satapiak. ljo moh didjapuik didjangkau anak diantakan kadjandjangnjo basamo-samo, dibao pulo nan sapandjang adaik. bantiang dlirik uang nan kalalu. Sadjo io mintak ditarimo dengan hati nan sutji sarato muko nan djaniah. Sakian sambah dipuhunkan kapado Sutan

Sungguh Sutan nan disambah nan sarapek papeknjo niniak dengan mamak, panghulu nan gadang basa batuah tuanhku nan duo tigo paseloan bukan toh hambo maraso malinteh malampau, karano alah saizin dari bapak2 bako dari anak kito si Anwar (umpamo namo anak itu) dihambo tabiknjo pasambahan.

Sambah ka Sulan, djawabnjo sadjo diadokan, karano bak buni pantun pakaian kito urang mudo:

[ 96 ]Halaman:Pedoman Parsambahan dan Pidato Adat Minangkabau.pdf/96 [ 97 ]

Djawab dari si bapak.

Pandjalasan

Nan dimukasuik bapak ijolah bako anak itu. Nan dimukasuik anak ijolah anak nan diantakan dari rumah bakonjo. Adaik istiadaik ini hampia hilang, hanjo bahagian Luhak Agam ado djuo surang2, tapi djarang batamu. Tjuma nan lazim dilapeh dengan bareh dan ajam manuruik banjak bakonjo Adaik nan dilapeh dengan djawi atau kabau ijolah adaik bapaneh",

Djawab dari pihak anak.

[ 98 ]Halaman:Pedoman Parsambahan dan Pidato Adat Minangkabau.pdf/98 [ 99 ]

Pihak bapak: ,,Nan mambao sapaddjang adaik, partamo bapaknjo Datuak Djundjuangan, kaduo Sutan Malako, katigo Radjo Medan, kaampek Sutan Maradjo, kalimo Saidi Sutan, kaanam Hadji Muhammad Zein dan lain lain. Sambah tibo kapado Sutan!

Pihak anak: ,,Manitahlah"

Pihak bapak: ,,Adaik dahulu kato basitinah, kamudian kato basitijapek, basitjapek sadjo panitahan kapado Sutan. Dihari nan tjako alah hambo tarangkan bapak2 anak kito nam mambao sapandjang adaik, mamintaklah kami ditarimo djo hati nan sutii muko nan djaniah, Sambah dipuhunkan pado Sutan!”

Pihak anak: ,,Lah sampai buah panitahan Sutan?”

Pihak bapak: ,,Alah, manitahlah Sutan!”

Pikak anak: ,,Maa Sutan! - Artinjo sambah djo titah nan di Sutan tjako djuo nan diandjuang tinggi dihamba gadang. Ijolah nan djadi buah panitahan Sutan, dihari nan tjako bapak2 dari si Anwar nan datang mambao mairik bantiang mintak ditarimo djo hati nan sutji muko nan djaniah, kan baitu bana buah panitahan Sutan Sapandjang buah parmintaan Sutan itu alah tatatjak dalam adaik, alah talingka dipusako, tapi lai pulo bak bunji pantun pakaian kito urang mudo.

[ 100 ]Halaman:Pedoman Parsambahan dan Pidato Adat Minangkabau.pdf/100 [ 101 ] [ 102 ]Halaman:Pedoman Parsambahan dan Pidato Adat Minangkabau.pdf/102 [ 103 ]

BARMATJAM2 SOAL DJAWAB DALAM PIDATO

SATJARO PANTUN.

Soal:

Djawab:

Soal:

[ 104 ]Halaman:Pedoman Parsambahan dan Pidato Adat Minangkabau.pdf/104 [ 105 ]

Djawab:

Soal:

[ 106 ]Halaman:Pedoman Parsambahan dan Pidato Adat Minangkabau.pdf/106 [ 107 ]

TAMMAT

[ 108 ]Halaman:Pedoman Parsambahan dan Pidato Adat Minangkabau.pdf/108 [ 109 ]Halaman:Pedoman Parsambahan dan Pidato Adat Minangkabau.pdf/109 [ 110 ]Halaman:Pedoman Parsambahan dan Pidato Adat Minangkabau.pdf/110 [ 111 ]Halaman:Pedoman Parsambahan dan Pidato Adat Minangkabau.pdf/111 [ 112 ]Halaman:Pedoman Parsambahan dan Pidato Adat Minangkabau.pdf/112