Sutan Landjungan
Ragam Minang Gudjalo
Maso
Roman penghidupan dalam masjarakat Alam
Minangkabau menurut edaran masa
dibidang pemakaian adat,
budi dan achlak
di diri
SUTAN LANDJUNGAN
untuk
mendjadi neratja pertimbangan dan pemikiran oleh
masjarakat umum
Pengarang
BAHAR DATUK NAGARI BASA
d/h ST. PARMATO
1965
PENERBIT C.V. ELEONORA PAJAKUMBUH
Ragam Minang Gudjalo
Maso
Roman penghidupan dalam masjarakat Alam
Minangkabau menurut edaran masa
dibidang pemakaian adat,
budi dan achlak
di diri
SUTAN LANDJUNGAN
untuk
mendjadi neratja pertimbangan dan pemikiran oleh
masjarakat umum
Pengarang
BAHAR DATUK NAGARI BASA
d/h ST. PARMATO
1965
PENERBIT C.V. ELEONORA PAJAKUMBUH
SOPAN SANTUN HUBUNGAN BAIAK
- Bagai awa pamulaijan kato
- Sipatan runding pandahuluan
- Salam taundjuak kapambatjo
- Kaganti badjawek tangan.
PIHAK didiri badan hambo, kampuang asa Taratak
Tian, pindah kadusun Alam Leba, dibimbiang ibu djo bapak, marantau kadunia hajat. Umua tjukuik balig lah sampai, lah patuik tjanggang djo bapak, tjarai djo mandek lah walaknjo, ditjubo balajia sorang, kapulau putaran maso, kakoto edaran zaman.
Sadjak ketek mudo matah, manampuah galombang hiduik, pasai dek riak pasakitan, dipapah alun suko duko, lameh dek ombak ragam dunia, mandjadi buah pangalaman.
- Ijo bana kato rang tuo
- Lamo hiduik banjak dirasai
- Djauah badjalan banjak diliek
- Salamo marantau kadunia hajatko
- Puntjak tudjuan balun tatjapai
- Kabaka pulang balah lai dapek.
- Puntjak tudjuan balun tatjapai
- Salamo marantau kadunia hajatko
- Djauah badjalan banjak diliek
- Lamo hiduik banjak dirasai
Salamo manampuah putaran maso, melalui edaran zaman, maso dek, ketek balun gadang, disitu hati nan lai sanang, sanan pikiran nan lai suni. Kandak bapantang tak kabuliah, nan pintak tatap balaku.
- Kok elok utang mamakai
- Kok lamak hutang mamakan
- Malah dek ranjuak djo parangai
- Babari djuo nan diangan. [ 8 ]Halaman:Sutan Landjungan.pdf/8 [ 9 ]Talampau ketek balun gadang, talansung maso kanak-kanak, lai baasuah djo didikan, tjaro dimaso nan ditampuah, tapi tak sampai kawalaknjo, patah ditangah nan mambedo. Maso rumadja nan ditanai, walau bak mano pasakitan, miki baalah sangketonjo, bak kambiang dipakupangkan, bahati gadang salalu. Tak tahu djiwa tasapik, tak tantu dilangkah babatasi, hiduik ditangan kulik putiah, dibawah marawa tigo ragam. Mandjalang saparo umua, lah tahu dimiliak hilang, lah tampak hak tarampeh, tahu lah diri diuntungnjo, tak dapek salelo hati. Hiduik dizaman pandjadjahan, undang rang barat nan mangungkuang, dalam kawalan bangso asiang. Turun marawa tigo ragam, lumpuah barat kulit putiah, kungkuang bakisa kaparangkok, dari tasapik kakilangan, disitu pakiak mangko labiah, dek sati njawa kahilang, kok tidak wallahualam.
- Malah dek ranjuak djo parangai
- Kok lamak hutang mamakan
Digamak zaman nan katigo, sungguah baitu pananggungan, sipat alam tak mungkin tatap, garak diam tak buliah tidak.
Kalau nan basipat tjaia, walau bak mano mambakukan, bahimpun bumi djo langik, sapakat luluak djo karang, dek nan fana kahantjua djuo, hantjua tak mungkin padu lai.
Lanjap pandjadjah kulik putiah, hantjua merah putiah bulek, lah padam mantari tabik, kulik kuniang lutuik basimpuah, hilanglah zaman pandjadjahan. Disangko alam lah kasuni, dunia kaaman salamonjo, tapi tak tibo nan diangan, kahandak Tuhan nan balaku, insan tak dapek bakuaso. Lah himpun timua djo barat, hatok dileba kabakampuah, pandjang bak raso kabauleh kanai katjapuak muluik manih, udjuik tudjuan nak mandamai, kironjo darurat nan mandatang. Itu nan rumik manggambakan, hiduik bagantung katalingo, kahilia rantau lah kusuik, kamudiak alam lah sampik. Tak dapek batinggang lai, lah lungkeh galang pamato, lah ruruik tjintjin didjari, lah hilang pusako lamo, lanjap sumangek [ 10 ]Halaman:Sutan Landjungan.pdf/10 [ 11 ]korong kampuang. Tungku nan tiyo sadjarangan, banamo tjadik tahu pandai, dek lai kokoh bapilin tigo, lah patah runtjiang nan mantjutjuak, maro basamo manguakkan. Kini lah zaman nan kaampek, dinding timbago lah tarateh, kabek sabalik lah tabukak, hantjua bilanggu dunia barat, alam tak tadjadjah lai.
Kok tagak tidak lai tasundak, malenggang tidak lai tapampeh, duduak alah samo randah, tagak alah samo tinggi, djo tjutju Adam diduniako. Tapi sungguah pun baitu, mego di timua lah tjuatjo, tjewang dilangik lah tabantang, Tuhan nan satu sandi iman, adat djo sjarak kadipakai, seni budaja tanah aia, tampak manjimpang katjampuran, mangentjong dari nan ditudju. Djikok diliek maso kini, tidak basuluah batang pisang, lah bagalanggang mato nan banjak, lah babagai rauik rotan, tampak basilang pandakian, tatukiak djadjak mandaki, lah kandak hati nan dituruik, walau dilua kandak bana, manjimpang dari mungkin patuik, tampan tasuo kato adat:
- Kulik lah manganduang sia
- Mumuak lah sampai kapanguba
- Binaso tareh nan didalam
- Sulik tubuah bapaham tjaia
- Kok sampik alam nan leba
- Lahia batin dunia tinggalam.
- Kok sampik alam nan leba
- Sulik tubuah bapaham tjaia
- Binaso tareh nan didalam
- Mumuak lah sampai kapanguba
Dak mamandang rupo nan baitu, tapikia lah insan dalam tubuah, nak malukihkan maso nan ditampuah, zaman djo musin nan talampau, nan dapek didusun alam leba, tampak didalam padjalanan, dalam parantawan dunia hajat. Tidak nan lain tudjuannjo, bukan runtjiang kapantjutjuak, tidak panjandjuang pahantakkan, sakiro gambaran maso, sakadar lukisan zaman. Kok untuang buliah paguno, djadi taratjo dek pandapek, ganti datjiang dek buah pikia, paniliak barih nan tasuriah, pangati achlak budi, panimbang bajang-bajang maso, edaran zaman tanah aia. [ 12 ]Halaman:Sutan Landjungan.pdf/12 [ 13 ]
- O! Tungku nan tigo sadjarangan
- Nan banamo tjadiak tahu pandai
- Pamenan Lareh nan Duo .
- Pandang lah budi bapantingan
- Lah bak mandaki banda sundai
- Tinggang baalah djo bitjaro!
- Lah bak mandaki banda sundai
- Pandang lah budi bapantingan
- Pamenan Lareh nan Duo .
- Nan banamo tjadiak tahu pandai
- Hambo lukihkan Sutan Landjungan
- Tampak dikoto Ramalan Budi
- Ditandjuang Titian Aka
- Sungguah saukua bagindjaian
- Tapi dek adat djo sjarak djadi sandi
- Suruik kaasa kato bana.
- Tapi dek adat djo sjarak djadi sandi
- Sungguah saukua bagindjaian
- Ditandjuang Titian Aka
- Tampak dikoto Ramalan Budi
- Urang Tandjuang Titian Aka
- Rang Sungai Talago Paham
- Di kampuang Bulakan Pikia
- Dek tak manjimpang dari bana
- Adat didunia lah bamatjam
- Salamat tibo diachia.
- Adat didunia lah bamatjam
- Dek tak manjimpang dari bana
- Di kampuang Bulakan Pikia
- Rang Sungai Talago Paham
- Wassalam dari pangarang
- B. DATUK NAGARI BASA
- d/h St. Parmato [ 14 ]Halaman:Sutan Landjungan.pdf/14 [ 15 ]
Bahagian 1
AKIBAT MALANDJUANG DUNIA
- Dengan bismillah dimulai kato
- Assalamu'alaikum wa'alaikunnassalam.
- Salamat sadjahtara lah sidang pambatjo
- Kami pun turuik samo didalam.
Salawat djo salam kepado nabi
Djundjungan umat dialam dunia
Ja! Allah Tuhanku Rabbi
Salamatkan kami awa djo achia.
- Sabalan gantang hambo landjuang
- Djari sapuluh hambo susun
- Djo ma'af sambah hambo andjuang
- Satu salah baribu ampun.
Wari dininiak nan dahulu
Dalam alam Minangkabauko
Kok mudiak ado baulu
Hilia tatjantjang muaronjo.
- Sipatan hudjan nan bapuhun
- Kato baasa djo bamulo
- Niat tasimpan lah batahun
- Kini dikambang nak njo njato.
Paham babisiak dalam batin
Budi manunggu kaalemu
Pado talatak bagai kain
Rantjak diguntiang nan bak badju
- Buliah dipandang nan basamo
- Paniliak dunia tjaro kini
- Apo ubahnjo dari nan lamo
- Balainko dari nan usalli!
- Samaso di niniak mujang
- Siarak lazim adat bapakai
- Alam suni buininjo sanang
- Koto aman kampuangnjo damai.
- Tapi kauntuak pabandingan
- Tindjau lah dunia lauik budi
- Buah pikia isi ranungan
- Ganti djugalo zaman kini.
- Hambo bintjang Sutan Landjungan
- Landjungan adat djo limbago
- Kaganti naratjo djo timbangan
- Pangganti bajang-bajang maso.
- Urang kampuang Bulakan Pikia
- Bagala Sutan Landjungan
- Dek mamak malandjuang dunia
- Sansai nan ketek manangguangkan.
Di Tandjuang Titian Aka, dalam dusun Bulakan Pikia, di Sungai Talago Paham, dikoto Ramalan Budi, ado rang budjang mudo matah, bujuang rang ketek djolong gadang, bagala Sutan Landjungan. Anak dek puti Saridunia, ajahnjo Tuanku Biopari, kamanakan Datuak Andiko, Datuak Andiko nan baradat, kampek suku dinagari, inggiran sangsoko adat.
Nan diri Sutan Landjungan, sungguah rang ketek mudo matah, dek ajah masak asuhan, mudo batundjuak baadjari, warih kaanak baturunkan. Walaupun balun satjukuiknjo, tjaro dek mudo djolong gadang, kadar paukua pandjangkokan, kaki malangkah nak djan tadorong, tangan mandjangkau nak djan talansuang, raso lah sadang baiak katjak.
Sungguah samantang pun baitu, walau kok kajo aka budi, balabiah dipaham djo bitjaro, mardeko hati ka[ 18 ]Halaman:Sutan Landjungan.pdf/18 [ 19 ]tinggalan, dek kurang mardeko tempat, kusuik lah alam pamikiran.
ljo bana kato papatah, elok renggang di hari paneh, rantjak baso di nan ado, tibonjo danih tapi aia, baru bak gandang djo tarinjo. Kalau la kurang salah, satu, walau balabiah diaka budi, tapi kurang harato bando, angan lalu paham tutumbuak. Kek tidak baalam leba, kok sampik padang bakeh tagak, saba nan tidak tapakaikan, putiak tak sampai djadi buah, tampan kalajua di tampuak njo, tabuang sadjo bungo kambang. Tapi kok bapadang lapang, udjuik djo jakin lai di pakai, saba lillah bapaham tatap, kuek batinggang di nan sulik, bak anggang mandjalang gunuang, asa lai angok2 ikan, namun lai djio2 patuang, lah ruruik ikua nan pandjang, lah rumpang sajok nan dareh, kaju digunuang tampat hinggok. Tapi sabaliak pado itu, batimbun ameh djo perak, lumbuang panuah rangkiang sarek, kabau bantiang banjak dilereng, kok hanjo samak djo baluka, panuah dek kambiang djo biri2, dek aka tidak mandjala, sabab dek budi tak marangkak, gunuang diruntuah amuah data, lauik ditimbo namuah kariang, dunia disitu binasonjo.
Pihak di Sutan Landjungan, basuo bana nan baitu, lah malang tibo diinjo, awak gadang kajo basalin, badan mudo tuah balega, nan mudjua samaso mamak, di mandeh barih nan baiak, sansai balungguak ka Landjungan. Hiduik lah bak hiduik ajam, manggarik mangko makan, kurang mangakeh tak mantjotok, tak dapek baranti pajah. Awak tabilang kajo djuo, si anu djuo kato urang, pitih sapitih tak ditaruah, puro nan kosong tiok hari, sawah banjak padi dek urang, karambia diambiak urang lain, tabek lah urang nan maisi, tuah njo diawak djuo, hasianjo urang mangampuangkan.
Sadang kapado satu hari, sapakan sudah hari rajo sudah puaso tigo puluah, nan diri Sutan Landjungan duduak tamanuang mudo sorang, takana dinasib badan diri. Di pandang mudo nan lain, nan samo gadang djo
landjuangan 2
sjarak tampat balatiah, hawa napasu diparangi. Tapi dek mudo maso itu, tampat malapeh kandak hati, bakeh mausai paratian. Nan tidak pasai dek malagak, nan tidak pueh dek mamakai, haram mangana kabalakang, bahati gadang tiok hari. Sapanggalah matohari naiak, mandjalang ukatu zuhur, lah mangana pabukoan, sabuik manjabuik nan kalamak, pai mantjari nan katudju. lah maramu pangidaman. Sjariat nan tidak bahakikat, asiang lahia balain batin, tampaknjo patuah kaagamo, malam napasu bapalapeh. Kini lah samo tamanuang djo diri Sutan Landjungan, samo takana di untuang, tatjinto di nasib diri. Pitih habih ameh lah lindang, diliek puro tak barisi, lah sabak djalan kalapau, lah kalam labuah kapasa. Dipandang kabadan diri, ditiliak pakaian nan sapasang, kain tak labiah sapatagak, basah tak ado nan panjiliah. Kini lah tibo di nan lusuah, kuduak patjah bahu lah biang, lutuik sirawa lah nak tambuak, kain saruang lah hilang tapi, kupiah lah rupo bulu simpai. Lorong sapatu nan sapasang, tapak mipih tumik lah kentjong, lah tangga paku tjiek2, pajah maagak malangkahkan.
Itu nan samo dimanuangkan, habih tak ado kapanuka, hilang djo alah kadiganti, bak kaju musang mararesi, lah tibo maso mangurak, putjuak silaro gugua djuo. manangih rantiang kapanasan. Hilang tak djo alah kadiganti, habih djo apo katukanjo, sulik mantjari kapambali, lah pajah bana mahimatkan.
Dalam diragu nan baitu, aka didalam badjaraik, hati susah pikiran kusuik, lah tibo amat bak tjatua, habih lah tinggang djo kalaka. Kamamintak kepado mandeh, pai mangadu adok pulang, itu nan labiah sulik bana, mungkin batambah hibo hati, makin mamumuak paratian. Sabab baalah dek baitu, pintak lah njato tak ka buliah, kandak tak mungkin kabalaku, lumbuang dirumah tak barisi, tabek nan panuah dek kalajau, lai ka [ 22 ]Halaman:Sutan Landjungan.pdf/22 [ 23 ]rambia sako pulo. Tidak nan lain karanonjo, dek labiah sanang dari seso, digilo gurau samo gadang, hari lah habih dek kutjikak. Awak rang kampuang djanjo awak, anak rang bumi puto bana, duduak dihutan tahah awak, djabatan basawah ladang. Tapi dek banjak lalai djo mamang, maso lah habib dek gundalai, bapadi sapangga tahun, dirumah pinggan tak sadang, disawah pangkua balabiah. Kadang2 maso lai radjin, dek maliek urang kaladang, awak lah kaparak pulo, bondong aia bondong dadak. Ditanam ubi tak basiang, ditanam pisang tak bapangkua, ubi lah disaok lalang, pisang lah regek tak batabeh, daun tak dapek kapambungkuih, usah lai djantung kamaambiak, karisiak tak dapek dikaik, hilang laleh tambilang makan.
Kini takana dibagian, tatjinto dinasib diri, dek urang kain basiliah, balun lai kumuah lah basasah, balun lai tjabiak lah batambah, dari tjiek lah djadi duo, dapek baganti mamakainjo. Dek awak lah tjabiak tak tatumbok, biang tak dapek manjisik, kok kunun mambali katukanjo
Landjungan baitu pulo, samo dimabuak untuang diri samo tasada dibagian, tapi sungguah pun baitu, sarupo ado besonjo. Tantangan mudo nan lain, dek tjongkak badan binaso njo, dek londjak kupiah pasuak, dek geneng kain lusuah njo. Nan diri Sutan Landjungan, ijolah malang nan tarajiah, mudjua takuwak kabalakang galanggang usai didapati, balai lah langang awak tibo, garak takadia lah baitu, tak dapek pulo disasali.
Sangat tasada dibagian, taisak tangih dalam hati, djatuah badarai aia mato, rusuah tak ado bapamudjuak. Sadang dilamun buah pikia, dikusuik mamang djo risau, budi lah kamari marangkak, aka lah kamari mandjala. Tapi dek suluah tak ado panarangi, alimu kurang dalam dado, budi marangkak tak mandapek, aka mandjala tak mangabek. Habih siang baganti malam, badan rabah mato tak lalok, panek maetong2, djari pajah mambilang² [ 24 ]Halaman:Sutan Landjungan.pdf/24 [ 25 ]kasau. Paham bak untuang anai², angan² manggiriak langik, niat nak mentjapai bulan, balun lai djadi tabang kateh sadapo ganggang dari bumi, tubuah masiak sajok maranggeh, untung digilo awang2. Sampai dikitjuah angan2, lah dilantjuang agak2, tjadiak malam lah binguang siang. Tapi samantang pun baitu, papatah tak buliah dilupokan, kato bida batamu djuo, namun bapaknjo urang asa, lalu kaanak rintiak djuo. Lorong Tunku Biopari, urang alim palito alam, suluah bendang dalam nagari, urang saba bapaham lilah. Lauik tanang lubuaknjo dalam, gaduang alemu djo bitjaro, tantu manurun ka nan ketek, bapak kuriak anaknjo rintiak, adat biaso nan bak kian. Agak lalah Sutan Landjuangan, pueh maadjun dek bapikia, pasai marunuik aka budi. Dalam dibimbang nan bak kian, sadang bamanuang duduak surang, takana waknjo dipapatah, kato hidaran tjaro Minang:
Tatumbuak biduak dikelok kan, tatumbuak kato dipikiri, pantangan adat rang putuih aso. Tak ladju dandang diaia, kagurun kito tadjak kan, tak ladju dandang digurun, kalangik kito lambuangkan. Tatumbuak paham di kampuang, angan baputa nak karantau. Nak tampak alam nan leba, nak tahu dipadang lapang, tampak maniru manuladan, untuak parubah nasib diri.
Baru tapikia nan bak kian, lalu dikana2 bana, dibao duduak djo manuang, dirunuik djo aka budi. Paham dibao kanaratjo, bakeh timbangan dalam tubuah, banamo aka djo pikiran, bungkanjo tjinto kandak bana. Sapakat lahia djo batin. sakato muluik djo hati, bulek nan tidak bapasagi, pitjak lah buliah dilajangkan, bulek lah buliah digolekkan. Pikia habih timbangan sudah, udjuik satu pangana bunta, tunggang hilang barani mati, ka Tuhan untuang disarah kan, barih karantau ditapati.
- Malang batu nak njo tinggalam
- Nasib sabuik nak njo tarapuang
- Habih pikia lah dapek paham
- Mudo manjarah pado untuang. [ 26 ]Halaman:Sutan Landjungan.pdf/26 [ 27 ]
- Hatilah tunggang nak badjalan
- Tak dapek dirubah lai
- Didalam djangko nan salapan
- Nak kajo kuek mantjari.
- Malang saketek nan mahibo
- Rantau nan djauah kadidjalang
- Landjungan tidak babalandjo
- Aka habih pangana hilang.
Sadang diragu dek nan tidak, mandatang pikiran baiak, lah tibo bana nan elok, dapek, pangana maso itu. Awak lah njato kakarantau, badan kadjauah hanjo lai, korong kampuang alah katingga, mamak djan salah takadjuik, Datuak Andiko djan tagamang, ibu bapak baitu pulo, patuik bana baizin², luruih pulo berelah2, nak sanang bati nan tingga, salamat awak nan pai. Manuruik adat tjaro Minang, kalau pai tampak pungguang, djikok pulang tampak muko. Rantjak didjalang mamak kanduang, tjantjang nan duo sagaragai, adat nan duo sarantjano. Sungguah lahia bakanjataan. batin njo ado bamakaman, lauik ditembak darek kanai, sungguah pun kaia nan dibantuak, ikan dilauik nan diadang. Lahianjo mamak nan didjalang, izin djo relah nan dimintak, batin njo maharok paragihan, rahim tatjutjua kok lai ado, santun dimamak nan dinanti.
Pikia habih mudo badjalan, dalam garak raso mandatang, langkah tapek tidak kamungkin, mungkin tabudjua lalu sadjo. Manggarik ditapak tangan, manggarak tangan nan kanan, mambaleh katangan kida, tampan mandjawek manarimo. Sarantang mudo badjalan, nan tidak bahati bimbang, tekad bulek pangana bunta, udjuik tawalak kapaham njo. Tjukuik kaduo rantang pandjang. manampuah labuah nan baliku; masuak kadjorong kampung dalam, mudiak Tandjuang Titian Aka, hilia Sungai Talago Paham, kakoto Bulakan Pikia, kini lah tibo njo disanan. Sampai Landjungan tangah laman, lalu maliek adok naiak, talajok pandang kateh rumah. [ 28 ]Halaman:Sutan Landjungan.pdf/28 [ 29 ]adok kaateh rumah gadang. Lah tampak Datuak Andiko, duduak badjuntai dipangadan, tjando diragu buah pikia, sadang tamanuang sorang diri, rupo tatariak di nan kurang.
Bahagian 2
LAH LULUIH MANGKO MALANTAI
TANTANGAN Datuak Andiko, maliek Landjungan datang, kamanakan kanduang nan lah tibo; duduak bakisa maso itu, katangah rumah nan gadang. Lah duduak diruwang tangah, basanda ditiang pandjang, dikunjah siriah sakapua, digeleng rokok sabatang. Sadang baniat nak manjalai, Landjungan tibo ateh rumah, duduak dimuko mamak kanduang, basimpuah baselo kotak. Rokok nan sadang dapek raso, andai tibo rundiang mandatang, kadisabuik maso itu, bakato Sutan Landjungan:
- Ampun lah mamak kanduang diri
- Nan bagala Datuak Andiko
- Sabab hambo datang kamari
- Gadang mukasuik djo sangadjo.
- Mangko dituruik badan mamak
- Adolah niat nan dikanduang
- Aka habih paham talantak
- Maagak nasib awak dikampuang.
- Banjak dek hambo nan mamusiang
- Patuik disabuik pado mamak
- Lai ko mungkin kini barundiang
- Mananti izin dari mamak. [ 30 ]Halaman:Sutan Landjungan.pdf/30 [ 31 ]Mandanga kato Landjungan, dek diri Datuak Andiko, tak rago bapikia bana, kato badjawab maso itu, la-
lu bakate njo sakali.
O! bujuang Sutan Landjuangan
Kamanakan kanduang badan hambo
Hati suni pikiran njaman
Sadang tabukak kiro².
Elok langkah bujuang kamari
Rantjak kutiko Sutan tibo
Apo ko niat dalam hati
Rantjak lah sabuik pado hambo
Mandanga djawaban mamak, lah mudjua Sutan Landjungan, sanang hati bukan kapalang, raso kabuliah, nan diagak, lalu mandjawab njo sakali.
O! mamak dangakan malah
Lai malah elok palangkahan
Lah buliah izin nan sapatah
Danga dek mamak dirundiangkan.
Tantangan diri badan hambo, lah tudjuah hari sampai kini, sadjak sapakan nan lah tampau, lah rintang duduak bapikia, mabuak djo manhang tiok hari. Angan lalu paham tatumbuak, aka ado usaho kurang, langkah singkek mahalangi, senteng tak dapek mintak bilai. Kok lamo bak tjoro iko, achia kalak kamudian, kok lambek bak masiah kini, mungkin dikitjuah angan2, amuah dilantjuang agak2, nan tak ibarat bida rang tuo:
Sanang tak mambari diam
Seso tak mambari baken
Dek baalemu kapalang paham
Apo karadjo hilang laleh.
Lai hambo turuik kato bida, tjaro papatah rang di Minang, tatumbuak biduak dikelokkan, tatumbuak kato dipikiri". Tapi baalah manjabuikrjo, dek aka budi pandapek kurang, haram lilah kusuik salasai, sangkuik pauik batambah dalam. Nan bak maheto kain saruang, [ 32 ]Halaman:Sutan Landjungan.pdf/32 [ 33 ]tak kundjuang bakasudahan. rintang babaliak sinan djuo. Kini lah habih aka budi, tatumbuak paham dikampang, angan baputa nak badjalan, hambo baniat nak karantau.
Itu sabab hambo kamari
Mamintak bana, pado mamak
Malah dilihek dunia rami
Paham tatutuik nak tabukak.
Mandanga rundiang nan taundjuak, kato nan dari kamanakan, nan tidak disangko², haram lilah taangan², paham Landjungan kabaitu. Pajah baliau dek bapikie, duduak tamanuang sakutiko, baru rundiang baliau djawab, bakat Datuak Andiko:
Mano lah garan ang bujuang
Kok itu nan Sutan bintjang.
Balun djadi kusuik dikampuang
Lah nak mantjinto rantau urang.
O! Bujuang pikia lah dahulu
Runuik lah paham djo nan tanang
Sadang dikampuang bujuang lai ragu
Kok kunun dirantau urang.
Kini baitu lah di bujuang, manuruik kato papatah, paitih satjaro adat, kalau kato tantu baasa, limbago hu- djan njo bapuhun. Asa usua buliah nak tantu, tjubo tjuraikan pado mamak, apoko sabab karanonjo, bamulo paham dek ragu, nan djadi mamusiang bana, sampai manjingguang nak karantau. Malah disabuik pado mamak, samo ditimbang buruak baiak, kok untuang bana mandatang, nan bak papatah djo patitih:
Asa lai undang dikuasai
Tatjitjia samo dipiliah
Bapantang kusuik tak salasai
Tak ado karuih nan tak djaniah.
Baru mandanga kato itu, dek diri Sutan Landjungan, basambuik gajuang mamak kanduang, lalu mandjawab njo sakali. [ 34 ]Halaman:Sutan Landjungan.pdf/34 [ 35 ]Lua error in Modul:Ppoem at line 175: bad argument #1 to 'inNamespace' (unrecognized namespace number '104').
Tjubo lah mamak bao ba pikia, lajangkan pandang ka nan rami, sadang kapasa Indo Dunia, bahimpun asa dangan puruak, babagai matjam masjarakat. Hambo lihek hambo pandangi, dipikia rupo nan tampak, sampai didalam dihalusi, kok tak salah hambo bapaham, tasuo kato papatah! „Labuah diasak rang kaladang, tjupak dililih rang manggaleh". Kok lamo bak tjaro iko, achia kalaknjo kamudian, alah lai limau dek bindalu. Tiliak njato lah dek mamak, limau lah banjak ruruik daun, tjanggah djo ranting lah maranggeh, mungkin lajua' sampai kaputjuak. Kok lamo bak tjaro iko, kulik lah manganduang aia, mumuak njɔ lapet kapanguba, tareh binaso hanjo lai.
Sawadjah tantang nan bak kian, tidak lah hambo upek bana, bukannjo salah rang nan datang, mungkin njo pado kito djuo, tidak diasak sudung2. Hari lah. lampau tangah hari, mato hari lah tjondong kabarat, sudung2 ditimua djuo, usah disasa kapanasan.
Manuruik warih nan didjawek, nan mamak adjakan pado hambo, kok tahun njato batuka, zaman biaso baraliah. Tapi sakarang iko kini, maso nan tidak kito turuik, tatap di tjaro nan saisuak, kini lah maso`rang ka ladang, kito ditangah sawah djuo. Pikia dek mamak dalam2, kalau bak tjaro iko kini, langkah kok tidak kito asak, mamado bak tjaro iko, sansai nan ketek mawarisi. Achia kalak njo kamudian, arang habib basi binaso, tukang lah pajah dek manitik, matotah padiah kanai abu, namun usaho tak badjaso, hiduik tak samo djo rang datang, itu dek hambo nan marisau.
Dalam dibimbang nan bak kian, takana hambo dipapatah, lamo hiduik banjak dirasai, djauh badjalan ba- njak dilihek. Itulah sabab karanonjo, mako takana nak
Landjungan 3
Niat manuka pamandangan
Malihek dunia tjaro kini
Tampat maniru manuladan
Untuak parubab nasib diri.
Nak tampak alam nan leba
Nak tahu dipadang lapang
Dek mamak izinkan baa
Buliah dilihek dunia urang.
Mandanga kato kamanakan, tamanuang Datuak Andiko, balun lai paham nan udjuiknjo. Sungguah kok tampak² apuang, sulik pikia mahalusi, lalu mandjawab Datuak Andiko:
O! Bujuang Sutan Landjungan
Kalau itu nan taraso
Sungguah dialam kabanaran
Tapi balun ditampatnjo.
Sabab baitu kato hambo, lorong nan tumbuah iko kini, salahnjo pado kito djuo. Kito mauni korong kampuang, tak langkok rukun djo sjarat, banjak sagan' dari radjan, banjak lalai djo sanang, hari pagi dibuang², hari patang dikadja².
Kalau nan warih mamak djawek, pusako nan mamak tolong, basjarat mauni kampuang, barukun duduak di nagari. Tanamo awak urang kampuang, kasiah kapangkua djo tambilang, suko batanam nan baputjuak, mamaliharo nan banjawo. Tapi sekarang iko kini, didalam korong kampuang awak, didunia Ramalan Budiko, salingkuang Titian Aka, labiah² ditubuah bujuang, pandang djauah nan balajangkan, nan hampia tidak ditindjau, talansuang tindjauan paham, aka pandjang mangabek diri. Kalau dipakai nan baitu, angan2 mambao gilo, paham waham mambao lalai, talampau leba dek maukua, talalu pandjang dek maagak, hinggo talangga dek pandjuluak, tapi tak sampai dek kaitan. [ 38 ]Halaman:Sutan Landjungan.pdf/38 [ 39 ]Danga dek bujuang ditjuraikan, imanat guru nan dipatjik, sarato warih nan didjawek, pituah dari niniak mujang. Tjaro hiduik diateh dunia, diluangan bumi djo langik, mauni koto djo nagari, ampek tjorak djo ragamnjo. Partamo hiduik dibumi, itu nan hambo bintjang tjako, kasiah kapangkua djo tambilang, suko batanam. nan baputjuak, mamaliharo nan banjawa, kuek badugo djo batahun Kalau baladang laweh2, djikok mantjantjang putuih2, usah lah tangguang mangupalang, mudo tanaman dek basiang, gadangnjo jato dek bapupuk. Kalau lai Tuhan bapambari, balui lai sadang lah balabiah, itu nan aka samparono, pikialah bujuang dalam².
Kaduo hiduik dilauik, sampan pagajuah kegadangan, langkok djo alat djo pakakeh, tahu diombak nan badabua, ingek di badai nan katurun, batiang kabadan sibat, sarato tjakap kapandaian. Kutiko usaho ado, samaso tulang lai kuek, bapantang karam dilauik, antah kok mumuak dikalangan, tagak batukang tu namonjo.
Katigo hiduik diawang2, samaso kapak lai rimbun, ikua, pandjang sajok tadjumbai, tabang manjisi awan biru, nak kabaliak langik hidjau, niat nak mantjapai bulan, amuah mandjariang angin lalu. Tapi samantang damikian, siang djo malam dek baganti, hari tak tarang balalu, kok rumpang sajok nan dareh, lah patah kapak nan rimbun, tabutjuik ikua nan pandjang, katabang sajok maranggeh, kahinggok kuku lah ngilu, achia ka lak njo kamudian, kabumi djuo endam karam, itu nan dagang baniago, runuik pahamnjo dek. Landjungan.
Dangakan kato nan kaampek, paparan andai panjudahi, hiduik dilangik njo rang tuo. Tudjuan kato nan baitu, sungguah batjinto kanan baik, kuek kaamal djo alemu, niatan tunggang kan elok, iman taguah amalan ta'at, nafsu dikungkuang aka budi, mungkin djo patuik nan mambateh, nan tarang djalan kaachirat, pandang ka dunia baukuran. Kalau tapakai nan baitu, mungkin bapadi pandai pulang, amuah baameh pandai datang. Itu [ 40 ]Halaman:Sutan Landjungan.pdf/40 [ 41 ]nan hiduik dilangik, o! Bujuang runuik lah paham, bao bapikia dek Landjungan.
Usah lah hati diparisau
Kato sapatah dipikiri
O! Mudo djan lai bujuang karantau
Huni lah koto djo nagari..
Kajo mikin atau mularat
Bukan kampuang nan salah njo
Kok kurang rukun djo sarat
Hiduik dirantau seso djuo.
Habih rundiang Datuak Andiko, barisi nasihat djo amanat, langkok pitundjuak djo adjaran, disangko Landjungan lai kasanang, bak raso hatinjo lai kasuni, mandanga bintjangan kato adat. Tapi balain nan tasuo, musiah bandingan nan mandatang, gajuang basambuik dek Landjungan.
O! Mamak Datuak Andiko
Mandanga tutua djo rundingan
Tabukak raso njo kiro²
Tasingkok aka djo pikiran
Kalau dituruik salah satu
Satjaro hiduik dibumi
Kok tak kapalang tantang itu
Labiah makan badjua padi
Tapi sakarang kini nangko, pihak didiri badan hambo, suko babuek nan bak kian, manuruik pituah mamak tjako. Taga dek sulik malakukan, angan lalu paham tatumbuak, disabuik sadjo nan kamungkin, dibilang ijo lai ganok, tibo dipapa lah gandjia. Sabab baitu kato hambo, nan mudjua samaso mamak, nan untuang samusin mandeh, malang balungguak maso hambo Kaba barito hambo danga, samaso mamak dek mudo, dizaman mandeh dahulu, pipik sikua ladang njo laweh, bumi sanang padi mandjadi. Mandeh lah rintang dio sukatan, mamak malawan dunia urang, bapantang kuju dinan rapek, dunia nan sadang baiak katjak. [ 42 ]Halaman:Sutan Landjungan.pdf/42 [ 43 ]Awak taganggam dihulunjo, sadang baranang dinan dalam, salasai maukia papan laweh, badjanang baapo nan ka tidak, pueh malapeh kandak hati. Kini dek malang untuang bambo, dek laku mamak djo mandeh, hambo lah kajo di tundjuak, lah bakabau saribu djalang, bapadi salumbuang hampo, ladang tagadai samo awak, sawah tapatjik dinan kajo. Dirumah. pinggan tak sadang, disawah pangkua balabiah, itu nan hambo tangguang kini, kadalam djatuah aia mato.
Kini ko hambo nak badjalan
Sambia mantjari kiro²
Tapi dek mamak bagalangkan
Tampan mularat kabalamo.
Taisak tangih duduak sorang
Takana d untuang diri
Kok tantu sisiak nan malang
Dikarek sarueh djari.
Dek rundiang Sutan Landjungan, tasingguang Datuak Andiko, tagisia hati nan nurani, pajah malulua manarimo., Pandjang dikarek kamanakan bapantjuang pereng djo nan bana, kaberang djo bangih tak saleso. Rundiangnjo basandi alua patuik, didalam bana kasamonjo dilingkuang djangko nan salapan, djo saba gajuang basambuik, bakato Datuak Andiko:
O! Bujuang dangakan rundiang
Usah baitu buah handai
Tak elok rundiang manjandiang
Kato sandiang malukoi.
Biaso tuah balega
Kajo biaso mangalupak
Hambo nan usah bujuang sasa
Bukan dek tjongkak badan mamak.
Manuruik adat nan bapakai
Dalam lingkaran bida kito
Habiah lasuang tandeb marunggai
Namun alua baturuik djuo.
Mupakat sado warih nasab, nan sapajuang sapatagak, nan salingkuang tjupak adat, mantjari bulek nak sagolek, mantjari pitjak nak salajang, alua kok alah kaditu- ruik, adat kok alah kadipakai. Lah sudah balitjak pinang, salasai batapuang batu, bulek nan tidak bapasagi, pitjak lah buliah dilajangkan. Kato saukua samo pandjang, rundiang saukua lahia batin, tuah sakato dimamakai, bahaso dunia ka diadang, sakali mangambang puro, duo tigo hutang tabajia. Tjantjang nan duo sagaragai, adat nan duo sarantjano, satu mangambang nan balipek, duo djo halek marapulai. Sabab dek dunia ka diadang, dipakai adat nan katigo, banamo balambang urek, tjantjang tindiak dikorong kampuang, halek sakato sanagari: Kok kateh tahambun djantan, kabawah tasasai bulan, himbauan sisiak palapah, dunia mangiṛokkan daun, halek manangkuik kan tjawan. Tumbuah mangatjak nan baitu, tak ameh bungka diasah, tak aia talang dipantjuang, tak bareh atah dikisiak, tak kaju djandjang dikapiang, dek bujuang dima katantu.
Didalam adat djo limbago, kalau mangatjak nan baitu, buliah mangisa sawah ladang, tampat mandjua djo manggadai, ado lah ampek tampat tumbuah di maik nan tabudjua, kaduo dirando tak balaki, katigo kampuang tak badiri, kaampek soko tak tabangun, tampat barabih nan bak kian, ijo bak andai kato bida:
Nan labiah malu djo sopan
Nan hilang dapek diganti
Bia takutjak minum makan
Asa lai panuah runggo hati.
Lai nan elok hambo tjinto
Baniat djuo manabusi
Tapi dek dajo balun ado.
Mamak nan usah disasali.
'Mandanga kato nan bak kian, dek diri Sutan Landjungan, takana kato nan talansuang, tjameh dimuluik nan tadorong, mamak kok bahibo hati. Tapi dek bana nan disabuik, tidak baniat mangatoi, hanjo manjabuik: nan taraso, djadi pidoman maso datang, didjawab djuo rundiang mamak, bakato Sutan Landjungan:
Ampun lah mamak kanduang hambo
Tantangan rundiang hambo tadi
Usah mamak salah tarimo
Tidak maupek manjasali.
Sabab baitu kato hambo, rundiang mamak nan dahulu, pituah mamak nan saisuak, dek hambo bapatjik, harek,, baganggam bana taguah2, djadi alemu dalam dado, untuak dipakai siang malam, dunia achirat nak santuso. Pituah mamak maso itu, haram lilah hambo kok lupo, patang pagi diangan2, tak lupuik dikiro², kalau nan, hutang dipangulu, ado lah ampek nan banjaknjo. Satu manuruik alua nan luruih, alua adat alua pisoko. Kaduo manampuah djalan nan pasa, djalan dunia djo djalan achirat. Katigo mamaliharo tangan harto pusako, kalau, ketek dipagadang, djikok buruak dipaelok. Kaampek mamaliharo anak kamanakan, dibimbiang lahia djo batin, awal djo achia nak salamat. Tapi sekarang iko kini, pihak dek diri badan mamak, dek manuruik alua adat, dek manampuah djalan dunia, tjaia tangan harato pusako, binaso anak kamanakan. Sungguah ijo dalam papatah, tibo di maik nan tabudjua, dirando nan tak balaki, dikorong kampuang tak badiri, sarato djo soko tak tabangun, buliah mangisa sawah ladang, patuik mandjua djo manggadai, ado ukua djo djangkonjo, lai bahinggo babateh. Pado pikiran hai nambo, untuak sakiro tatariak, baban sakiro tabao, pakajan saukuran ba[ 48 ]Halaman:Sutan Landjungan.pdf/48 [ 49 ]dan, bajang2 sapandjang tubuah. Diagak mangko diagiah, dalam awal dikana achia, dalam suko dikana duko. Tapi dek diri badan mamak, tabantang djalan nan ampek, bakeh malindang mahabihkan, tampat malitjin manandehkan. Ijo nan elok kito pakai, tapi tak buliaḥ dilusuahkan, bana nan lamak kito makan, tapi tak buliah dihabihkan. Dek mamak tidak baitu, djalan nan ampek mamak turuik, tidak baukua djo badjangko, tidak bahinggo babateh, hanjo manuruik kandak hati, hawa napasu dituruikan, tidak manuruik kandak bana. Tatompang dunia rang haluih, tatampuah djalan ibilih, takentjong kanapasu sjetan, sampai tasuo kato bida:
,,Dek londjak kupiah pasuak, dek tjongkak badan binaso, dek geneng kain lah lusuah, dek sombong ameh lah habih". Hawa tak manuluk pati, adat dibalun tjupak lapan, napasu manjeso batang tubuh, iko lah djinih bakasan njo, dek mamak dunia lah tahadang, sansai njo kami manangguangkan. Sawadjah tantang nan bak itu, mamak nan tidak hambo upek bana, dalam nagari kito nangko, adat dek tidak didalami, salam tak sampai kakasiak, samo babuek nan bak kian. Kok lamo bak tjaro iko, kok lambek bak masiah kini, mularat korong djo kampuang, sampai bak kato urang tuo.
„Baun nan bak tabuang djabek, bak sidamang kapanasan, apo tidak nan ditaruah, ruok nan bak ruok kintjuang, galagak mahimbau², baun sahari padjalanan, haram balado bagaram, namun pariso hamba sadjo, itu nan labiah hambo rusuahkan".
Kini hambo nak badjalan
Nak manuka tjorak hiduik
Tak patuik mamak galangkan
Nan kandak bana hambo turuik.
Itu rundingan kamanakan, tagamang Datuak Andiko, rundiang dielo kanan bana, dirunuik djo aka budi, dibao paham kanan bana, taraso ijo dalam hati, kato tak dapek di musiah, rundiang bana baa mambandiang. Ka[ 50 ]Halaman:Sutan Landjungan.pdf/50 [ 51 ]na lah Datuak Andiko, alemu ado nan dikanduang, walaupun tidak satjukuiknjo, kiro panimbang buruak baiak, basisiah djo asah bata.
Labiah2 diri baliau, lah lamo hiduik didunia, umua landjuik paham lah tanang, pandai manjibak manjisiahkan. Walau salah kadjo saisuak. dek njato bana dinan ketek, tak amuah berang manarimo, djo tanang sadjo mandangakan. Dek hati tunduak kanan bana, rundiang lah sulik mandjawabnjo, habih aka djo pikiran, lah ibo hamat bak batjatua, lalu bakato maso, itu :
O! Bujuang kamanakan mamak
Mandanga tutua djo bitjaro
Aka habih paham talantak
Raso tatumbuak kiro².
Mamak tasasak dibitjaro
Bulik manimbang buruak baiak
Bedo manampuah, angguang gajo
Pasai lah budi manjalisiak.
Kini baitu lah dek bujuang
Supajo karadjo nak djan mungkia
Tibo di gantang mamak landjuang
Elok lah mamak bao bapikia.
Nak asah bungka kataradju.
Paham nak naiak katimbangan
Mamak badjandji lah dahulu
Saba lah bujuang manantikan.
Duo hari tjukuik katigo
Bujuang babaliak lah kamari
Landjungan datang lah baiko
Rundiang disitu diputusi.
Mandanga djawaban mamak, diam sadjo Sutan.Landjungan, mamak lah sasak pamikiran agak sabanta antaronjo, baru lah kato mudo djawab:
Landjungan 4
Rundiang habih kato tak putuih, ketjek nan sadang tabangkalai, rundiang tagamba balun sudah, rago mananti djandji tibo, badjalan Sutan Landjungan. Lah tingga Datuak Andiko, duduak diragu buah pikia, pajah manimbang dalam hati, sulik batenggang dalam raik. Taga dek rundiang kamanakan, sampai tasasak dibitjaro, hilang aka hilang ma'rifat, di buek rimbo kadjandji, nak dapek tabiang nan bakelok, nak buliah tandjuang nan baliku, rago mantjari aka budi. Sadang bateng- gang dinan sulik, mandatang bana nan elok, lah tibo pikiran baiak, duduak sorang basampik², basamo mangkonje lapang. Sadang tamanuang sorang diri, mupakat djo kiro2, batolan djo aka budi, timbua pikiran djo pangana, taragak Tuanku Biopari, ajah kanduang Sutan Landjungan, rantjak mupakat djo baliau, nak tibo tuah disakato. Pikia habih pangana sudah, badjalan Datuak Andiko, mandjalang Tuanku Biopari, kagalanggarig sidiak djo bana, mantjari paham nak saukua, pikia nak samo dihalusi.
Bahagian 3
TABIK SANTAN DEK MANGILANG
DEK LAMO lambek didjalan, Datuak Andiko sorang
diri, dihiliakan labuah nan pandjang, manampuah kelok pandakian, tampak surau Lawang Chairani. Bakeh maniliak djalan dunia, mantjinto djalan ka achirat, pintu nan duo kabaikan, situ sjariat dipanjato.
Hambo panghulu dalam kampuang
Datuak Andiko nan baradat
Kini ko budi lah marapuang
Datang nak minták musjawarat.
Mandanga kato Datuak Andiko, dek balun tartu udjuang pangka, tak tarang asa djo mulo njo, tapikia Tuanku Biopari, sulik baru maelo paham, balun lai tam- pak tudjuannjo, lalu batanjo lah Tuanku, bakato Tuan- ku Biopari:
Mano lah garantuan datuak
Lah patuik hambo tamanuang
Tagamang hambo sadang duduak
Mandanga budi lahi marapuang.
- Manuruik adat rang di Minang.
- Elok nagari dek panghulu
- Budi nan buruak kok tarapuȧng
- Tatjampak puntiang dari hulu.
Rantjaknjo pakan dek saudaga
Elok tapian dek nan mudo..
Bawa patjah ambalay tangga
Puntiang kok patah dihulunjo.
- Kini baitu lah dek tuan
- Nak habih kilan dihati
- Lahiakan raik nan tasimpan
- Nak samo kito mamikiri.
Baru mandanga kato nantun, nan diri Datuak Andiko, maraso malu dalam hati, kato bakieh djo badjamak, rundiang balapa bamaana, ketjek mánjambilu bamban,tadjamnjo haluih malukoi. Tapi dek urang bidjaksano, walau bak mano ragam dunja, iman didado tak barombak, nan paham tatap dikandungan, lalu mandjawab maso itu:
Kalau baitu kato tuanku
Nak dapek samo dipikiakan
Dalam rueh nak tampak buku
Danga dek datuak dirundiangkan.
diri, lah datang Sutan Landjungan, sampainjo naiak kaateh rumah. Lah sudah badjawek salam, duduak lah kami babitjaro, sabuik manjabuik nan takana. Sangadjo hambo didjalangnjo, ijolah handak mintak izin, handak badjalan pai karantau. Hambo sudi hambo siasek, dipakai muslihat djo tindjauan, nan djadi sabab karanonjo,. mangko pangana nak karantau. Dek diri Sutan Landjungan, raik nan tidak basuruakkan, batin babukak pado hambo. Nan djadi bana maragu, hiduik tak samo djo nan banjak, dunia rang kampuang tak taturuik. Hambo bari pamandangan, bagai adjaran djo pitundjuak, babaliak panggang bakeh hambo. Hambo lah djadi panjasalan, tukang barabih djo batandeh, samaso mangatjak dunia, musin kito mamakai adat, dek baralek djadi pangulu, sarato djamu marapulai
Lua error in Modul:Ppoem at line 175: bad argument #1 to 'inNamespace' (unrecognized namespace number '104').
Hambo inok hambo manuangkan, kalau dilapeh njo karántau, hilang sumarak korong kampuang, tagamang kito djo mandehnjo. Mudo tangga pinang sabatang, kito kok sakik ngilu paniang, atau kok damam2 alang, tak ado nan kadihimbau, lain dari badan injo.
Hambo tahan tidak tatahan
Bagai manahan aia hilia
Tasasak hambo dek rundingan
Hambo djawab rundiang djo pikia.
Karano kito rang suarang
Anak tuanku kamanakan hambo
Itu sabab hambo dek datang
Mantjari tuah nak sakato.
Sulik málarang dijo mahambek
Katonjo, bana kasamonjo
Dek tuanku apo pandapek
Tjubo lah tjurai kan pado hambo.
Kok banjo balun padiah bana, rasonjo balun kabaitu, balun patuik mambao djauah, lah nak batjanggang djo nagari. Tabajang didalam hati, talinteh dikiro2, dek Tuanku Biopari, mungkin nan lain ado pulo, nan labiah mahibo bana, mandjawab Tuanku Biopari:
- O tuan Datuak Andiko
- Mamak kanduang Sutan Landjungan
- Tasirok darah didado
- Mandanga sibujuang nak badjalan.
- Dek tuan tjubo pikiakan
- Runuik lah paham dinan lahia
- Kok djadi mudo badjalan
- Manangih puti Sari Dunia.
- Injo tungganai rumah gadang
- Tungga babeleng dek mandeh
- Bak tali sahalai nan tabantang
- Putuih tak ado kapauleh.
mamak rumah, namun untuk wadjib ditariak, nan baban dibao djuo.
Malah lah tantu nan marisau
Ľah dapek samo dipikiakan
Kok ado pantangan nan talampau
Dek mamak pado kamanakan.
Kok hanjo tidak baitu
Patjah tak rago tatimpo
Ibarat sungai tak bahulu
Sulik mantjari muaro nic
Nak dapek samo Jipikiakan
Supajo siang bak hari
Dek tuan elok lah lahiakan
Bajangan sabab kok lai njato.
Dek rundiang Tuanku Biopari, maraso Datuak Andiko, mandalam dibatin parasaan, pajah bapikia kamandjawab.
Lah sulik kamari antah, lah sendjang sagalo bedo, runtjiang kok kamari mantjutjuak, kok salah batuka samek, dalam salasai kusuik tibo, lauik kok karuah dek ikan, gunung kok hilang dek kabuik, hati dibatin bagisiran. Sambia maagak parundingan, mandjawab kato djan tadorong, lalu bakato Datuk Andiko.
Mano Tuanku Biopari
Kalau baitu buni tanjo
Tidak salisiah antaro kami
Hambo nan kanai dek bitjaro.
Mangko sibujuang nak badjalan
Ado dek injo nan maraso
Hambo nan djadi panjasalan
Hiduik dikampuang tak santuso.
Ditiliak kasawah ladang
Dipandang harato pusako
Sawah banjak makan tak sadang
Harato lah ditundjuak sadjo.
Baitu asa djo mulonjo
Sutan Landjungan dek nak pa
Lai ditupang djo bitjaro
Karantau djuo nan dihati.
Pajah batinggang badan hambo
Sampai tasasak dek rundingan
Itu sabab hambo kaiko
Baa njo kito manggalangkan.
Lorong Tuanku Biopari, mandanga rundiang Datuak Andiko, tabajang didalam hati, tagamba diutak banak, dirangkuah punggung kadado, nan raso Sutan Landjungan, sudah tapaham dek baliau. Walau pun balun njato bana, namun dek anak lah bapaham, nan mahibo dibatinjo, kok dirangkuah kabadan diri, dielo katubuah awak, mamandang sawah djo ladang, ditiliak harato pusako, lah namo sadjo nan diawak, harato lab urang mamiliki. Patuik pulo barusuah hati, awak disabuik urang djuo, sianu dikorong kampuang, tuah tabendang kalangik, mulia taserak kabumi, kini lah tingga disabutan. Lah bakabau saribu djalang, bapadi salumbuang hampo, bamamak kajo dirantau, sairiang namo balain fupo, dunia tak samo djo nan banjak, ijo patuik bahibo hati. Mandjawab Tuanku Biopari:
Tuan dangakan buah andai
Sawadjah tantangan itu
Sulik lah paham mampaberai
Rueh nan balun njato buku.
Kini baitu lah dek tuan
Supajo putiah nak djan bakuma
Nak njato tarang bak bulan
Rantjak lah kito tindjau bana.
Kito himbaulah sibujuang, dipanggia Sutan Landjungan, nak habih kilan dihati, nak djaniah kalang dimato.
Malah sahadok samuko, sahabih sudi djo siasek, karuak lah sahabiah gauang, awai lah sahabih raso, habih dajo baban talatak, tibo paham aka baranti, tidak man[ 66 ]Halaman:Sutan Landjungan.pdf/66 [ 67 ]ham aka baranti, tidak manduo tjinto lai, bana disitu maruponjo. Tapi samantang damikian, bapadu padan lah kito, nak lahia simpanan hati batin disimpan nak tabukak. Datuak manahan pai tarantau, hambo mauaji Galam dangkek, manindjau raik nan tasimpan.
Dilahia kito batuka, dibatin panam sasuai, kito saliaiah bak kilangan, batingkah,,bagai talempong, sungguah batalun bak bagandang, buni disitu mangko elok, di sanan lagu mangko dapek. Hambo pasang gurindam baruih, pakai dek tuan tangguak malaju, nak tabukak kato hatinjo, baitu pandapek hambo, apo pikiran, hati tuan.
Tantangan Datuak Andiko, dirundiang Tuanku Biopari, tapaham dikiro², taraso bana dalam hati. Dek sasuai djo pandapek, saukua djo paham diri, tak rago bapikia pandjang, lalu bakato njo sakali.
Kok baitu kato Tuanku
Paham sasuai tak salisiah
Malah manjauak tibo kahulu
Tantu dapek aia nan djaniah.
Sudah barundiang djo Landjungan
Lah dapek kato nan tarang
Manjarah kito kabagian
Takadia samo dipakalang.
Kini baitu lah dek Tuanku
Nak samo suni dipikiran
Buruak baiak buliah nak tantu
Elok djapuik Sutan Landjungan.
Habih rundiang Datuak Andiko. lah' njato paham tak batuka, mandjawab Tuanku Biopari:
Kalau baitu kato tuan
Lah sapakat. kito baduo
Disuruah djapuik Sutan Landjungan
Mananti lah tuan sakutiko.
Putuih kato habih rundingan, lah tingga Datuak An[ 68 ]Halaman:Sutan Landjungan.pdf/68 [ 69 ]diko, badjalan Tuanku Biopari, mahimbau murik nan disurau, nan bagala Pakiah Malin. Tantangan diri Pakiah Malin, sudah sambajang diateh surau, salasai mambari salam, mamandang arah kapintu, lah tampak guru didjandjang, sadang malangkah adok naiak, bak rupo ado nan mukasuik, lalu dinanti djo sopannjo. Lah tibo diateh surau, duduak Tuanku Biopari, barundiang djo Pakih Malin, bakato Tuanku Biopari:
Pakiah Malin dangakan kato
Mari sabanta dirundiangkan
Bujuang ka hambo sarajo
Mandjapuik Sutan Landjungan.
Pihak didiri Pakiah Malin, mandanga guru mahimbau, bakisa duduak njo sakali, mangadap Tuanku Biopari, ditakuakan kapalo nan satu, diundjamkan lutuik nan duo, lalu barundiang djo sopannjo.
Ampun lah ajah kanduang hambo
Kalau itu ajah titahkan
Apo kaba ka hambo bao
Kapado Sutan Landjungan.
Mandjawab Tuanku Biopari:
Manolah garan Pakiah Malin, kok hanjo kaba kadibao, tidak lah ado rundiang batin, barito elok disampaikan, kaba elok kabujuang bao.
Bujuang badjalan malah kini
Kakampuang Sutan Landjungan
Kakoto Ramalan Budi
Datang kaiko injo suruahkan.
Dapek dek Pakiah mantjari
Djapuik tabao sakaliko
Katokan kami mananti
Djo diri mamak kanduangnjo.
Bari ampun hambo dek alah
Kok itu titah pado hambo
Rantjak hini hambo malangkah
Do'akan djapuik nak takao
Rundiang sudah kato lah putuih, lalu badjalan Pakiah Malin, mandjapuik Sutan Landungan, titah guru didjudjuang tinggi Mudo badjalan sorang sadjo, kakoto Ramalan Budi, ka Sungai Talago Paham, mambao kaba djo. rundingan, udjuik satu pangana bunta, haram manjimpang kanan lain.
Pakiah Malin urang nan tjadiak, murik Tuanku Biopari, urang saba kasihan Allah, kasajangan guru djo kawannjo, kokoh mamegang amanat, badjalan djuo maso itu. Lapeh dilaman surau gadang manampuah djalan nan bakelok, tibo dilabuah na basimpang, tidak manjimpang kiri kanan, paham bunta udjuik njo satu, haram mangentjong hilia muciak, djalan nan luruih nan" njo turuik. Dek lamo lambek didjalan, lah dakek hampia katibo, Pakiah tak lupo diganggaman, kawannjo paham djo alemu, bapidoman hadis djo dalil, iman nan taguah nan mambimbiáng. Kini lah tibo njo disitu, didusun Bulakan Pikia, di Sungai Talago Paham, lah tampak Sutan Landjuangan, lalu njo djalang njo hampiri. Lah sampai batamu muko, basupaba badjawek tangan, batuka salam timba baliak, bakato si Pakiah Malin:
Adiak ai Sutan Landjungan
Sabab hambo kamari nangko
Hambo datang mambao pasan
Dari ajah djo mamak kito.
Mamak djo: ajah lah mananti
Handak batamu djo Landjungan
Itu sabab hambo kamari
Djapuik tabao baliau suruahkan.
rundiang tagantuang nan dahulu, djo diri Datuak Andiko, kato tagamba balun sudah. Tapikia didalam hati, talinteh dikiro2, tidak lain tidak lah bukan, dek ajah itu njo himbaukan, mandjawab Sutan Landjungan:
Mano lah tuan Pakih Malin
Kok itu pasan nan dibao
Tagamang insan dalam batin
Dek djapuik tabao kini djuo.
Maagak titah dari mamak
Sarato ajab kanduang diri
Babagai kamungkinan dalam agak
Tjameh rasonjo dalam hati.
Sakik koh ajah kanduang badan
Atau mamak Datuak Andiko
Dek tuan sugiro lah katokan
Nak aman dikiro².
Putuih kato Sutan Landjungan, mandjawab gulo Pakiah Malin:
O! mudo Sutan Landjungan
Kalau itu nan ditanjo
Tidak lah ado nan bak kian
Baliau sihat kaduonjo.
Atau banjo akan sabuah
Sabab hambo, datang kaiko
Mambao titah dari ajah
Mandjapuik Sutan kini djuo.
Elok badjalan kito kini
Usah kito lalai bana
Ajah djo mamak lah mananti
Digalanggang sidiak djo bana.
Habih rundiangan Pakiah Malin, tibo djawaban dek Landjungan, lalu bakato, njo sakali:
Kok itu kato tuan Pakiah
Titab tak dapek dilalaikan
Paham nan tidak basalisiah
Malah kini kito badjalan.
O tuan sugiro malah
Ajah djan pajaħ manantikan
Dabululah tuan salangkah
Dibalakang hambo mairiangkan.
"Rundiang habih kato lah putuih, paham sasuai tak batimbang, sabuah tidak nan batuka, badjalan mudo kaduonjo, pai mandjalang ajah kanduang, sarato diri badan mamak. Mudo badjalan samo gadang, bak, pinang dibalah dúo, sorang pajuak nan sorang lampal, Paklah rantjak Landjungan djumbang, samo elok kapametan, bagai barabah tabang duo, mamiliah hati lah ragu: Dek lamo lambek didjalan, sampai sarantang duc rantang, lah tingga kot Ramalan Budi, tibo di Galanggang Sidiak djo Bana, naiak sakali kateh surau. Salangkah lapeh dari pintu, tampaklah Datuak Andiko, särato' djo ajah kanduang, mambari salam kaduonjo; datang balasan dek tuanku; djo mamak Datuak Andiko, balasan salam nan taundjuak. Tibo dimuko ajah kanduangi, dubs djo diri badan mamak, taundjuak tangan nan kadan, badjawek salamejo sakali. Lah duduak Sutan Landjungan, sarato djo Pakiah Malin, diundjamkan lutuik nan duo, ditakua kan kapalo nan satu barulah rundiang dilalukan, bakato Sutan Landjungan:
Ampunlah ajah badan hambo
Sarato djo mamak kanduang diri
Mandanga pasan nan tibo
Tasirok tagamang diti.
Sakik ko garan diri ajah
Mamak kanduang ko nan dama
Bari lah hambo kaba asah
Nak sanang hati. nan waham.
Mandanga katò anak kanduang, andjawab Tuanku Biopari:
Nak kanduang Sutan Landjungan
Pintjuran darah dikaniz.ng
Sabab bujuang hambo casahkan
Bukan, dek sakik ngilu paning.
Itu nan labiah ajah rusuahkan
Elok djo buruak kabasuo
Rantjak bapikia lah Landjungan
Sasa kudian tak paguno.
Oi Ajah dangakan rundiang
Mangko mantjinto rantau urang
Dek pikiran talampau pușiang
Mangana nasib maso datang.
Pandang dek ajah hilia mudiak, didalam korong kampuang hamboko, kami nan samo gadang, banjak mambuang2 maso, labianjo djadi urang tani, duduak basawah baladang. Tapi nan karadjo patang pagi, banjak sanang dari seso, babilia mudiak nan labiah, dari mangganggam tangkai pangkua; hari nan habih dek kutjikak, maso tabuang dek kutjindan: Kasawah mambali bareh, kaladang makan tak sampai, tanah laweh sajua manibali, awak rang tani djanjo awak, alang djangganjo tu ajah bai. Hambo nan tidak nak baitu, tidak tapaham nan bak kian, batjinto bana nak batani, duduak basa- wah baladang, hiduik dibumi kato mamak, tjupak piawai kato ajah, nak hasia niat djo mukasuik, supajo buliah tjinto hati. Tapi tak dapek. malakukan, alam ieba pandang wak sampik, tanah diurang tapatjiknjo, sawah Tang lain mamiliki, hanjo baputiah mato cadjo. Sabab karano dek baitu, mangko tatjinto nak kärantau, nak manuka pamandangan, panambah aka djo bitjaro, kok untuang pambari Allah, kaubek Fati nan binaso, tabangkik batang tarandam, sansai muarat nak djan lamo.
Dek mamak lapeh lab hambo
Izin dimintak pado ajah
Nan baiak nan hambo tjinto
Bukan baniat kanan seiah.
Mandanga rundiang anak kanduang, pikia Tuanku Biopari. agak marusak dipikiran, maraso hibo dalam hati, anak mudo sadang nak dunia, awak mudo Karato habih, djoa dituruik alua patuik, apo nan tumbuab dalam kampuang Kok ado halek dja djamu; tibo di adat nan bapakai, himbau djo apo disahuti, panggia djoalah.
dituruti, tampan tasisiah dari orang. Dek mamak taraso pulo, takana karadjo awak, samas mangatjak dunia [ 80 ]Halaman:Sutan Landjungan.pdf/80 [ 81 ]kini njato tjilakonjo, ukua djo djangko tak dipakai, talampau leba dek maukua, tibo bak mandi dikiambang, palak lapeh gata mandatang, badarah kuku dek manggauik, sansai nan ketek manangguangkan.
Tapi baalah mangatokan, lah bakaua dibaliak mati, manggaro sudah manuai, mangadja urang tak pai, tidak kaado paidahnjo, kapalo sadjo nan kapusiang. Lah samo sendjang kaduonjo, sulik malunak mambanari, barundjang tahimpik kato, bakato takalang lidah, lah rumik manjabuik raso. Tapi nan diri badan ajah, lai bak gala bak rupo, biopari pantun ibarat, pandai barundiang lamak manih, baso baik gulo dibibia, walau bak mano dalam hati, dimuko tidak kalihatan, tutua rundiangan bak tangguli, rantjak didanga urang, talipua djuo nan dibatin, bakato Tuanku Biopari:
Nak kanduang Sutan Landjungan
Nan nasib masiang² diri
Garak lah sudah djo djandjian
Tak dapek sasa manjasali.
Hanjo nan paham bati bujuang, nak manuka tjorak hiduik, maniru nan diurang, untuak parubah nasib diri, itu nan kandak tjinto bana. Tanamo kito umat nabi, nan anak tjutju Hawa djo Adam, nikmat Tuhan kito pakai, paguno aka djo alemu, kadjadi suluah djo pitundjuak, tibo disulik tjaro iko, aka disiko tapakainjo, sipat alemu mambagikan. Tinggang bitjaro bujuang nantun, nak maninggakan kami ibu bapak, maso lah tuo tiaro kini, kok kareh anak tantang itu, baa njo kami manahani. Ka bak mahampang aia gadang, diampang ado pahiliakan, dihambek ado pahambeknjo, kok tidak nan tjaro itu, tabiang runtuah ampangan roboh, tampan binaso akibatnjo. Diampang nasib tak barubah, dilapeh kami lab sansai, tingga djo niat balun sampai, nan kandak kami balun buliah.
Nan tjinto ibu djo bapak, dek mamak baitu pulo, tahadok anak kamanakan, karano lah balig djo baraka, [ 82 ]Halaman:Sutan Landjungan.pdf/82 [ 83 ]kok hutang lah nak mambajia, adat djo sarak djan mambarek, mamak djan disabuik urang, ibu bapak nak sanang hati. Bujuang kabadjalan djauah, kami katingga dikampuang, kami kok mati dahulu, bujuang kok mati kudian, hutang kami balun babajia, hutang dibao masuk kubua, niat kadibao mati, djadi mandandam itu mah bujuang. Hanjo baitu dek Landjungan, kok ijo nak karantau urang, nak maniru manuladan, panuka² paman- dangan, untuak parubah tjaro hiduik, turuik lah kato ibu bapak, sarato kandak mamak bujuang.
Hutang kami nak kami bajia
Itu dek kami nan marusuah
Sabalun lapeh dek sawan ajia:
Balun buliah badjalan djauah.
Nan niat mamak dangan aiah
Kadiri Sutan Landjungan
Sasudah mambijia akad nikah
Gaja pusako didjudjuangkan
Hutang kami malah lah lansa
Santoso kami ditinggakang
Adat djo sjarak 1h salasai
Dilapeh bujuang pai badjalan.
Ajah kanduang ampuni bambo
Mandanga rundiang ajah tadi
Tagamang tubuah djo anggoto
Hambo bakabek tak djo tali.
Ajah pikiri dalam²
Tjubo lah timbang buruak baiak
Runuik lah sahabik paham
Sampaikan salam 'kakasiak.
Kok banjo tidak baitu
Awai tak sahabih raso
Talangga ruweh dari buku
Mungkin djo patuik tak tasuo.
Kalau malua dari limbago
Tasuo tijlako malang
Nan murah dimuluik sadjo
Bak kundi diateh dulang
Adok kadiri badan hambo
Akad nikah ajah sabuikkan
Balun kamungkin lai agak njo
Balun tabajia kawadjiban.
Tjubo lah ajah agak2, pikiri bana sungguah2, hambo rang ketek mudo matah, aka singkek pandapek balun, dajo usaho djauah bana, mantjari balun lai pandai, rintang manggaduh mamak djuo, ibu djo bapak nan kasusah.
Kok sampai djadi rang sumando, sabuah tidak ka urang harok, batukuak mangko kakurang, bauleh mangko kasingkek. Achia kalaknjo kamudian, arang habih basi binaso, baiak dibuek buruak tumbuah, ajah djuo nan kamalu. Lain nan dari pado itu, gala pusako kadidjudjuang, baban barek singguluang batu, kadjadi tampuak korong kampuang.
Basakik djadi pangulu
Nan murah hanjo barundiang
Kok tak pandai mangganggam hulu
Karih bamato patah puntiang.
Sio2 hutang tumbuah
Dek binguang takabua tibo
Lah tatjabua sabalun djatuah
Jdang tak tahu dibungkuaknjo.
Kini baitu lah dek ajah
Sarato diri badan mamak
Usah takadja djo talalah
Elok djo tanang nak njo razijak.
Naknjo talatak katɛmpatnjo
Djalan nan bana nak taturuik
Tuanglah adat kalimbago
Suruik kamungkin jo patuik.
Kok banjo tidak baitu
Adat tjaia limbago runtuah
Ba amal tidak djo alemu
Mambuek rubiang bakeh djatuah.
Itu pikiran hambo sorang
Pulang ka ajah dengan mamak
Pado tatampuah nan balarang
Bialah pusako nak talatak.
Mandanga djawab nan baitu, tamanuang Tuanku Biopari, lah pana Datuak Andiko, pajah mamikia kapandjawab. Dibantah tak ado djalan, tak dapek katampek latu, bandiang dimano dilatakkan, kato bana basandi alua, didalam ijo kasamonjo, mandjawab Datuak Andiko:
Of bujuang Sutan Landjungan
Sarato Tuanku Biopari
Tantang mukasuik parundingan
Lah samo siang bak hari.
<poem>Tapi dek diri hambo sorang Tidak sapaham djo Landjungan Balun lai tumbuah lah basiang
Mungkin dikitjuah angan².<poem> [ 88 ]Halaman:Sutan Landjungan.pdf/88 [ 89 ]Ijo ba amal dio alemu
Tiang njo pado kito djuo
Malah ditangan patjik hulu
Elok buruak ado besonjo.
Tuhan pangasiah djo panjajang
Dibarinjo aka djo pikiran
Buruak baiak dapek ditimbang
Aka budi dipagúnokan.
Kini baitu lah dek bujuang
Supajo karadjo nak njo lalu
Kalau baban lah bujuang djudjuang
Alemu ditambah dalam itu.
O! bujuang turuik kato bapak
Panuhi kanda' hati hambo
Lah patuik dunia bujuang katjak
Kutiko badan lai mudo.
Usah ditupang kandak ajah
Nak aman hati ibu bapo
Maso mudo manguljambah.
Isuak lah tuo manjalaro.
Putuih kato Datuak Andiko, tak rago mananti djawab, ibarat manabang batimbali, lah satu lawanan duo batimpeh rundiang dek ajah, bakato Tuanku Biopari:
Mano lah garan ang bujuang
Sutan Landjungan lubuak hati
Titah mamak patuik didjudjuang
Unilah koto djo nagari.
Ambek ditjinto rantau urang
Elok pusako dibangunkan
Manuruik adat tjaro Minang
Kok hiduik bakarelahan.
Anak kanduang usah lah waham
Pandang lah mamak djo ajah
Bukik tinggi lurah lah dalam
Dajo habih tulang lah lamah.
Tjondong lah patuik bapanungkek
Nak kokoh adat limbago
Bujuang pauleh nan ah singkek
Korong kampuang nak santoso.
Kutiko kami lai hiduik
Ibu bapak hutang nak lansai
Bujuang gadang umua lah tjukuik
Lah patuik djadi marapulai.
Pandang dek anak kiri kanan
Dalam kampuang nan babandja
Mudo lah samo babimbingan
Bujuang surang lai nan tingga.
Landjungan turuik kato kami
Nak panuah runggo hati mamak
Adat djo sjarak nak tadiri
Dunia nak samo djo nan banjak.
Mandanga rundiangan ajah, duo djo mamak kanduang, pajah Landjungan dek bapikia, raso tapaso manarimo, lalu mandjawabnjo sakali.
Ampun lah ajah dengan mamak
Kok itu djinih ruponjo
Aka habih paham talantak
Hambo sorang lawan baduo.
Tapi samantang pun baitu
Pangadja bapak pado hambo
Walau sapantjuang lihia putuih
Nan bana hambo sabuik djuo.
Elok dek urang kamamakai
Lamak dek urang kamamakan
Kok dek paso mukasuik sampai
Karadjo buang bajaran.
Barek njo urang kamamikua
Ringan njo urang kamandjindjing
Kalau lah lalu dek manukua
Biaso puntjo patah puntiang.
Kini baitu lah dek mamak
Sarato djo ajah kanduang diri
Isuak lah dunia kito gamak
Ameh dahulu hambo tjari.
Lai takana ko dek mamak
Kato papatah djo bidaran
Bamulo paham katalantak
Puro kosong dikandungan.
Dek ameh sagalo kameh
Dek padi sagalo djadi
Hiduik didarek amuah lameh
Lahia batin kok tak basandi.
Hiduik basandi kaalemu
Duduak dikampuang djo. harato
Alua djo patuik kok tak tantu
Djoa tagak djadi andiko.
Pado manangguang nan bak kian*
Hambo nan usah ajah galang
Lapeh lah anak pai badjalan
Maniru dunia rantau urang.
Tantangan mamak dengan ajah, dek rundiang Sutan Landjungan, samo tasasak buah pikia, biang nan tidak lai tatjabiak, gantiang nan tidak taputuihkan, bakato Tuanku Biopari:
O! tuan Datuak Andiko
Buni lah samo kadangaran
Rundiang si bujuang ijo pulo
Sulik lah kito mamutuihkan.
Tantangan diri hambo sorang
Lah bagai pimpi ng dilereng
Rumik naratjo dek manimbang
Barek hilia mudiak tagendeng.
Apo pikiran hati tuan
Batimbang paham malah kito
Basamo kito patinggang kan
Baa kaelok kabaiak njo.
Mano Tuanku Biopari
Djo bujuang Sutan Landjungan
Batamu tjadiak djo djaukari
Lah tibo ragu di budiman.
Sadjak tadi kito babintjang
Mantjari djalan kabaikan
Lah sapueh2 dek mambilang
Balun lai tjukuik dek hetongan.
Nak djan lamo batikajan
Ado dek bambo nan laraso
Kito lapeh bujuang badjalan
Tapi njo turuik nan dikito.
Rantau urang kalau didjadjak
Tjantjang njo duo sagaragai
Sambia mantjari ameh perak
Pagurui jadiak tahu pandai.
Kok mudjua baliak kakampuang
Mambao alemu djo ameh perak
Nak kokoh soko didjudjuang
Manggantikan diri badan mamak.
Elok nagari dek panghulu
Rantjak tapian dek nan mudo
Kini tidak djo alemu
Tantu sarupo mamak pulo.
Pado tagak dinan mungkia
Tidak salamat djo santoso
Kabinaso papan dek maukia
Tabuang djanang aka tjino.
Baitu pandapek hambo
Baa pikiran dek tuanku
Elok lah sabuik nan taraso
Apo pangana dek tuanku.
Mandanga kato ajah kanduang, lah asiang pulo nan pangabek, lah balain pamauiknjo, langkah tak dapck lalu sadjo, pajah mailak mandjandjikan. Tapi dek urang bidjaksano, ditjubo djuo mangalitjiak, bakato ŞutanLandjungan:
Lua error in Modul:Ppoem at line 175: bad argument #1 to 'inNamespace' (unrecognized namespace number '104'). [ 98 ]Halaman:Sutan Landjungan.pdf/98 [ 99 ]Lua error in Modul:Ppoem at line 175: bad argument #1 to 'inNamespace' (unrecognized namespace number '104').
Habih rundiang Sutan Landjungan, dek tilik Datuak Andiko, tampak Landjungan lah nak lunak, lalu bakato njo sakali:
Lua error in Modul:Ppoem at line 175: bad argument #1 to 'inNamespace' (unrecognized namespace number '104'). [ 100 ]Halaman:Sutan Landjungan.pdf/100 [ 101 ]Bahagian 4
MANURUIK ADAT BATALI TJAMBUA
- Taga dek rundiang mamak kanduang, kato putuih nan lah tibo, rundiang sudah didatangkan, titah kadin dari mamak, tak dapek manggeleng lai. Badjalan Sutan Landjungan, tinggalah Datuak Andiko, sarato Tuanku Biopari, lalu bakatolah tuanku:
Tuan datuak tjubo dangakan
Tantangan rundiang kito tjako
Manjabuik nazar djo niatan
Balun lai ado simpanan njo.
Nan tjinto sadjak saisuak
Basamo kito mantjari
Lapehlah pandang dek datuak
Nan patuik tampak di hati.
Kadjudu Sutan Landjungan
Buliah kito batimbang katjak
Saukua baru dilansuangkan
Sasuai mangko takanak.
Atau kok lai nan tataruah
Nan dikanduang angan²
Baik hampia walau pun djauah
Dek tuan tjubo lah labiakan.
- Baitu kalo tuanku, mandjawab Datuak Andiko:
Mano Tuanku Biopari
Kok banjo tantang nan bak kian
Basamo kito mantjari
Balun lai ado nan taruban.
Tapi samantang damikian
Nan tadanga2 buni
Ado sorang djadi sabutan
Buah muluik dek mudo kini.
tatap dikandungan, tak gujah dek angin lalu, nan bana djuo papegangan.
Tapi samantang damikian, baliau dapek maukua, nan isi Datuak Andiko, buah pandapek aka budi, lah njato dalam dangkeknjo. Habih rundiang Datuak Andiko, tak rago bapikia lai, tjapek djawab njo dek tuanku:
O! tuan Datuak Andiko
Kok itu nan tampak pamandangan
Sakadar tiliak pandang rupo
Lah baiak rupo rantjak roman.
Tapi nan paham hati hambo
Djo pandapek badan tuan
Saangguak sagajo tido
Bak balam djo katitiran.
Sabab baitu kato hambo
Pandang dek tuan sungguah²
Kok hanjo Puti Limbak Tjajo
Malimbak bukan dek panuah.
Mantjajo bukan dek litjin
Kilek dek baminjak aia
Asiang labia balain batin
Paham nan bagai gatah tjaia.
Tjubolah tuan tindjau bana, lorong di Puti Limbak Tjajo, nan tiliak paham hambo sorang, rantjak salewai dek mato, elok sabinggo tangah djalan, djumbang ditangah pasa sadjo, dibatin budi binaso, mambajang tampak kanan labia.
Tiliaklah tjaro bawaan njo, sipat galagat kalakuan, parangai tubuah tiok hari, malah dimuko urang nan banjak, labiah2 dibalai rami, tidak dapek hambo manjabuik, dek tuan tjubolah kana, mungkin dek kito samo tampak. Malah manampuah balck djamu, atau dimano rang nan rami, lagaknjo labiah dari patuik, baa nak asiang dari urang, nak tinggi awak di nan banjak. Itu lah sipat manundjuakan, nan tahia makanan batin, bak kato Siti Djauhari, mandeh si Rantjak Dilabuah, „indak [ 106 ]Halaman:Sutan Landjungan.pdf/106 [ 107 ]dulang dibaliak bawak, indak urang nan bak awak".
Pakajan ijo tak kapalang, njato tjukuik salangkoknjo, tapi habadju tampak kulik, tubuah basaok mangko . . . ninto, batutuik baru kalihatan. Bakodek kain batiak haluih, takanak sampiang barendjeng, basusun banjak kakida, lutuik nan hilang2 timbua, tasingik tampak paruasan, djantuang batih parindú alam, namonjo urat batutuik, tapi sangadjo batampakkan. Sanggua nan gadang dek pangguluang, dadonjo kosong di alemu, tjaliak bak sirauik djatuah, pandang malewek kiri kanan. Malihek garak djo garik, kalatiak balabiah2, bagai katjundang alu singkek, nan bak katjatiang baro bilah, bagai limpatiak kanai asam, bak limbua sapek muaro. Usah lai hambo rantang pandjang. sulihlah kito manjabuiknjo. Kan basuluah bagalanggang mato nan banjak, tampak dek kito nan basamo.
Lua error in Modul:Ppoem at line 175: bad argument #1 to 'inNamespace' (unrecognized namespace number '104').
Mandanga tjatjek djo bandingan, adok kadiri Limbak Tjajo, dari Tuanku Biopari, tamanueng Datuak Andiko. Maraso malu dalam hati, lubuak nan dalam kaadjukan, nan bak andai kato adat:
Lua error in Modul:Ppoem at line 175: bad argument #1 to 'inNamespace' (unrecognized namespace number '104').
Malu katubuah badan diri, awak tinggi "lah urang andjuang, kok gadang lah urang ambak, kok pai kabakeh rang batanjo, pulang katampat babarito. Kini tataruang di nan data, lah duo kali tampat djatuah, partamo di upek kamanakan, kaduo dibandiang rang sumando, walau dimuko tidak lahia, dibatin hati lah se- so, galisah insan dalam tubuah, kadiri malu nan labiah. [ 108 ]Halaman:Sutan Landjungan.pdf/108 [ 109 ]Tapi dek urang lah baumua, lah babagai nan ditjubo, lah bamatjam nan dirasai, digumam sadjo pahik manih, djadi pidoman maso datang. Dalam bamanuang nan baitu, sabanta antok haniang sadjo, sorang tidak nan barundiang, tasintak Datuak Andiko, datang bana timbua pikiran, lalu bakato njo sakali:
Mano Tuanku Biopari
Bamimpi hambo sadang djago
Kudian baru disadari
Kurang paham tarabo².
Dek pandang kiro dinan tampak
Dek lihek mato awak lah harok
Tadajo hati dinan rantjak
Tidak dikadji buruak elok.
Untuang lai dalam musjawarat
Lai rundiang kito baduo
Kok tidak tantu kamularat
Kalau pandapek sorang sadjo.
Kok dimuko diri Landjungan
Dalam kulik lah tampak isi
Duo kali dangkek kasubarangan
Mamak tak barago lai.
Tjobo kito batimbang katjak
Antaro mamak djo bapo
Lah mung ka pandapek mamak
Lahiakan pulo pandang baɲo.
Mandanga rundiang nan bak kian, pangakuan Datuak Andiko, galak tuanku dalam hati, lah maraso budi dangkek, pajah tuanku dek batinggang, djadjak tatukiak nak talipua, djan djadi mamalu bana. Dek tuanku rang bidjaksano, tahu diratak kamamatjah, nak djan mandjadi lilik sumbiang, disimpan djo muluik manih, dililik djo rundiang elok, bakato Tuanku Biopari:
O! tuan Datuak Andiko
Tuan nan tidak hambo upek
Pangana tak sakali tibo
Bana tu tak sakali dapek.
Malangkah salangkah sampai
Dalam mantjari nan tjaro iko
Walau bak mano tjadiak pandai
Itu nan djarang basuo:
Didalam garak djo takadia
Itu nan kito pikiakan
Usaho kito sakadar jahia
Batin lah sudah didjandjian.
Didunia kito manapati
Hanjo mananti kutikonjo
Tak kanai tembak nan sakali
Tjukuikkan duo dja katigo.
Lah hambo katokan pado tuan
Djan tangguang kapalang kakok
Tjubolah aliah pamandangan
Tjari nan lain nan kaelok.
Malah awai sahabih gauang
Sudah ditampi dihindangi
Manjarah kito pado untuang
Dimano takadia ditapati.
Agaklah Datuak Andiko, mandanga tuntutan dek tuanku, sampik tak dapek batinggang, lapang baralah tak saleso, nan baban wadjib didjudjuang. Walau bak mano kasulitan, namun untuak ditariak djuo, batambah malu mailakkan. Dalam bapikia nan bak itu, miki bak mano kadjadinjo, diulang pulo la mamiliah, lalu mandjawab njo sakali:
Kalau baitu kato tuanku
Lah sendjang sagalo bedo
Manantukan rueh djo buku
Dalam alemu Tuhan kito.
Lah hambo tjubo mamiliah
Mungkia tembak kasasaran
Lahia djo batin lah salisiab
Tak dapek dipagunokan.
Mano tuanku djanjo hambo
Pajah lah hambo mamikiri
Kahambo ulang mamiliahnjo
Kok tagamang duo kali.
Kok tibo djuo dinan salah
Pandang kok tibo dinan buruak
Duo kali pisang babuah
Tidak tamakan lai dek baruak.
Hanjo nan tampat bapegang
Papatah tuanku tjako
Bakato sapatah balun sadang
Badjalan salangkah balun tibo.
Kini baitu dek tuanku
Pandangan hambo nan sakali kini
Kok mudjua lai elok dibao lalu
Kok tidak tuanku lai mantjari.
Mandanga kato nan bak kian, tatjangang Tuanku Biopari, pajah bapikia samo sorang, timbuaiah waham dalam hati, ijoko sabana kato hati, nan rundiang Datuak Andiko, antah mungkin kapanıjubo paudji Tuanku Biopari. Itu pikiran dek tuanku, lah ragu bana kaman djawab, lah rumik manjambuik gajuang.
Bak kato gurindam rang di Minang, rang tjadiak. manahan hudjah. Kok mirih aia nan taganang, pabam uirih budi lah randah.
Lua error in Modul:Ppoem at line 175: bad argument #1 to 'inNamespace' (unrecognized namespace number '104').
Dalam bapikia nan bak kian, paham tuanku tak bakutjak, njato dek paham djo pandapek, Datuak Andiko nantjuboi, manindjau dalam lubuk aka, maudji gujah kokoh paham, ameh kabatu baru¸njato. Pamilihan baliau nan partamo, maundjuakkan Puti Limbak Tjajo, lah kanai tjatjck djo bandingan, lah tampak ma-
njasa malahiakan. Kini batuka djo nan lain, bala[ 116 ]Halaman:Sutan Landjungan.pdf/116 [ 117 ]biah tjatjek dari tjako, manuruik langgam tanah Mihang, tjaro budaja tanah aia, atau djo sipat katimuran. Bak baganduah baruak djo tjigak, pai nan gadang katimbin tibo tuka nan pandjang ikua, galak tuanku dalam hati. Djo tanang baliau mandjawabnjo, gajuang basambuik tjaro rantjak, labiah elok sahutan kato, djatuah lah rundiang dek tuanku.
Kok itu tuan undjuakkan
Pajah lah hambo dek bapikia
Tidak sarupo tapi saroman
Sadjanang balain ukia.
Limbak Tjajo ijolah rantjak
Tapi atikadlah manjimpang
Lah malabihi antjak²
Lah lipua budi tjaro Minang.
Lintje pulo tuan katokan
Nak taturuik aliran maso
Takadjuik hambo mandangakan
Bahaso apoko namonjo.
O! tuan Datuak Andiko, sulik bambo mamahamkan, manuruik kato tuan tjako, aliran maso nak taturuik, edaran zaman nak tatampuah.
Papatah ijo kito turuik, kalau sakali aia gadang, sakali tapian baraliah, tapi tidak dilua patuik, hilang pulau tinggalam padang, aia nan djaniah nan disauak.
Tapi dizaman maso kini, asa tanamo aia gadang, karuah djo janiah tak babeso, gadang aia malampau tabiang, lah bakintjo uluak djo karang, tabiang runtuah samak lah londong, aua djo batuang tompang hanjuik, katjang miang tabalun pulo, lah samo hilia djo lintabuang. Dek tidak mamiliah kanan djaniah, kurang mangana kabalakang, disitu mandi bakatjimpuang, manjalam baranang dapo, disangko kasadjuak lua dalam. Tapi kudian makan hati, palak tapch gatalah tibo, balun kariang aia diabuak, kuman tumbuah kada lah datang, lah nipih kuku dek manggauik, padiah kadjantuang tasisiknjo. [ 118 ]Halaman:Sutan Landjungan.pdf/118 [ 119 ]Dek manuruik aliran zaman
Hanjuik dimaso tak mambeso
Runtuah budi lah tjaia imon
Manjimpang diadat djo gamo.
Tiliak pulo lah ajahnjo
Dek bagala Tuanku Tangga Iman
Malin rang surau dahulunjo
Kini tabaliak pangadjian.
Nan Datuak Indo Panghulu
Kamanakan salah mamiliahnjo
Kaju tak patuik djadi hulu
Tidak tibo di makam njo.
Tampak dek hambo tiok hari, rambuik nan pandjang salamoko, kini mandjadjak djadjak babu, ado nan latasingkok kuduak. Saisuak disikek maknjo litjin, lindok dek minjak nan salilia, pandjang bak majang tahurai, itu nan djadi kadjumbangan. Tapi dizaman kemadjuan, antah kok dek maso lah sulik, nan elok sagalo singkek, djadi lagak sagalo sampik, nan mode rok tampak urek, babadju tampak katiak, tasangai kuduak djo dado. Kok lamo lagak tjaro iko, mungkin kulik balang duo, bak Paneh dalam baluka, hitam nan kanai matobari, mamutiah nan kalindungan.
Rambuik bak bulu ajam baliak. sarupo daun rotan sonsang, satangah bak mode sangkak alang, kusuik bak sarang tampu, bak abuak urang sudah sakik pajah, lah dilapiah sigalambai, djo api mangko kasalasai. Babagai bantuak djo ragamnjo, manuruik langgam jaro barat, alunan mode rambuik pirang, bak apo budaja kulik putiah, awak lah baitu pulo, barubah sampai ka kurenah, lalu kahati batukanjo. lah hilang raso korong kampuang. Kadang2 lahia dirundiang, jato diketjek buah muluik, malah sairing samo mode. tampak lagak Minang kuno, kentjong bibia njo mantjibiakan, sambia barundiang samo awak, sarato dje djaliang suduik mato: „lihek rang kampuang lah manurun", baitu buni [ 120 ]Halaman:Sutan Landjungan.pdf/120 [ 121 ]tjemooh njo. Nan diri tidak dikana, awak rang mudiak sabalah kahulu, taga dek dibao untuang, barih di rantau nan mamanggia, tapasah kakota rami, kok pulang kakorong kampuang, lupo diketjek nan nan talalu, tidak takana sia awak, bukanko urang kampuang pulo, tak samo ado djo tjaijiang, ditangah kota ramitu. Tidak nan lain karanonjo, dek badan sadjo nan mardeka, budi didjadjah barat djuo.
Lua error in Modul:Ppoem at line 175: bad argument #1 to 'inNamespace' (unrecognized namespace number '104'). [ 122 ]Halaman:Sutan Landjungan.pdf/122 [ 123 ]Tantangan Datuak Andiko, mandarga rundiang tuanku, galak bagumam dalam hati, paham njo njato saukuran, dilahia baliau maundjuak kan, batin njo samo tak katudju. 'Hanjo dek tuanku mantjubonjo, tuanku baliau udji pulo. Udji maudji dalam dangkek, tjubo mantjubo pandapatan, manindjau paham masing2, kironjo samo pangadjian. Sabanta tjando tamanuang, rupo bapikia ijo bana, mantjar aka djo. budi, lalu mandjawab Datuak Andiko:
Kalau baitu kato tuanku
Babaliak kakato hambo tadi
Dek pandapek hinggo itu
Piliah tuanku hambo nanti.
Dalam batin hambo maukua
Patuik kan alah didjalankan
Tjaro adat batali tjambua
Samo bauntuak babagian.
Dek hambo bitjaro tamat
Balun lai tibo dinan djaniab
Budi djan didjadjah barat
Tuanku pulo lai mamiliah.
Hambo lah galap pamandangan
Tidak lai tampak nan katudju
Mano nan patuik kadjuduan.
Paham tasarah katuanku.
Tuanku tjubolah piliah
Tjarilah mano nan patuik
Nan kanak bana kok lah buliah
Hambo kautang manuruik.
Habih rundiang Dainak Andiko
Mandjawab Tuanku Biopari
Duduak barundiang dek lah lamo.
Tjapek baliau bapambari.
Kok itu kato tuan datuak
Paham bak raso kasasuai
Bia mikin asa djan buruak
Nan elok laku djo parangai.
Dek hambo lai nan taragak
Lah lamo diangan angan
Simpanan niat nan talatak
Anak si Amehsuri Tuladan.
Upiak banamo Tjajoiman
Himbauan Siti Sabariah
Ajahnjo Sutan Kabanaran
Dunia rang koto Balai Tangah
Kamanakan Datuak Timbangan
Rang Budi Labuhan Tjupak
Pandjang djo hambo bakaratan
Tidak kadapeknjo mailak.
Kito dio Sutan Kabanaran
Mungkin kasamo dalam niat
Tabajang dahulu dirundingan
Alua mansiang kato adat.
Kilek tjamin lah kamuko
Kilek baliuang lah ka kaki
Sungguh balun lahia djo kato
Lah tampak samo dalam hati.
Itu dek hambo nan takana
Pulang rundingan pado tuan
Kok lai dikanduang bana
Buliah lah samo dilansuangkan.
Mandjawab Datuak Andiko:
Mano Tuanku Biopari
Kalau njo itu nan taraso
Lah siang raso njo hari
Tabukak kiro² hambo.
Paham kito njato sasuai
Batinggang lah tuanku dalam raik
Nak ulam putjuak mandjulai
Nak aia pintjuran tabik.
Tapi samantang pun baitu
Dek hambo balun lai njato
Balahan baapo dek tuanku
Lai ko dalam kampuang kito.
Putuih kato Datuak Andiko, mandjawab Tuanku Biopari:
Kok itu tuan tanjokan
Tjajoiman si Sabariah
Mamaknjo Datuak Timbangan
Dunia rang koto Balai Tangah.
Pandjang djo hambo bakaratan
Suku nan balun baandjak
Dahulu rundiang lah njo lalukan
Kini baru hambo bukak.
Sutan Landjungan njo kandakkan
Untuak Siti Sabariah
Kadjundjuang upiak Tjajoiman
Kato talatak balun sudah..
Kini kito lah sasuai
Lah patuik gajuang hambo sambuik
Nak ulam putjuak mandjulai
Tak datang patuik kito djapuik.
Sadang bakajuah awak lai amuah
Kok kunun sampan bairik
Lah katunggua buah djatuan
Gugua ditampuak tak dikaik.
Elok kandak kito isi
Kakiun Landjungan kito izinkan
Baitu bana lah tu kini
Budi tasarah pado tuan.
Mandjawab pulo Ďatuak Andiko: [ 128 ]Halaman:Sutan Landjungan.pdf/128 [ 129 ]Lua error in Modul:Ppoem at line 175: bad argument #1 to 'inNamespace' (unrecognized namespace number '104').
Lorong Tuanku Biopari, djo diri Datuak Andiko, rundiang habih kato sasuai, bana saukua dinan elok, tando karadjo kamandjadi, kato putuih mupakat sudah.
Bahagian 5
TUNDUAK KAPAHAM KABANARAN
Dihimbau Sutan Landjungan, lah datang tjaro sopan santun, lah tibo dimuko ajah, sarato djo mamak kanduang, duduak basimpuah njo sakali, bakato Tuanku Biopari:
Nak kanduang Sutan Landjungan, dangakan malah buah rundiang, tantangan ketjek kito tjako, antaro kami baduo, djo diri mamak kanduang bujuang, lah pasai batimbang pikia, batuka tuka pandapek, kini lah buliah nan saukua, lah timbua kato sapakat, kini ka bujuang dilahiakan.
Lua error in Modul:Ppoem at line 175: bad argument #1 to 'inNamespace' (unrecognized namespace number '104'). [ 130 ]Halaman:Sutan Landjungan.pdf/130 [ 131 ]Dimuko kami hari kini
Nak kami danga titiak lidah
Nak njato babuhua mati.
Djo Tjajoiman Sabariah.
Kamanakan tu dek hambo
Anak Sutan Kabanaran
Di Balai Tangah nan kampuangnjo
Pandjang djo hambo bakaratan.
Kandak urang lah hambo isi
Sapakat bapo djo mamak
Takadia bujuang manapati
Nak kanduang usah mailak.
Mandanga titah ajah kanduang, sarato djo mamak lah sapakat, Landjungan lah diam sadjo, tak dapek man djawab kato, rundiang ajah bapambunuah, katolah mati baundjuakkan. Pandjang tak tapek dikarek, putuih tak buliah diuleh, nan titiak unang manampuang, mirih tapaso mamaliknjo.
Tapi mandanga isi kato, tasabuik upiak Tjajoiman, himbauan Siti Sabariah, tagamang hati mandangakan, pajah manimbang piliah ajah, sulik mambandiang mamusiah njc. Bia balun dipandang rupo, walau tak dilihek roman, dek namo hati lah suni, mambajang batin kanan lahia, kok la bak namo bak guno; gadang harapan dalam hati, mandjawab Sutan Landjungan;
Ampunlah mamak dangan bapo
Titah kadim tibo didiri
Lapang baralah tak saleso
Sampik nan tidak dapek lari.
Sulik tak dapek batinggang
Nak samo balaku kandak hati
Supajo samo manjanang
Hambo manjarah hanjo lai.
Hambo arimo batunangan
Titah ajah hambo put thi
Lapeh pulo hambo badjalan
Nak njo tarubah nasib diri.
Landjungan lah suni kiro², tatjapai rasonjo angan², mungkin talihek rantau urang, tampan batambah pamandangan, pauleh aka djo budi, panukuak paham kiro².
Dalam dibimbang nan bak itu, sadang tatjapai nan saukua, nak sanang pulo dek Landjungan, bakato Datuak Andiko:
Kini baitu dek tuanku
Baiak dek Sutan Landjungan
Kandak lah samo balaku
Sakato kito maizinkan.
Tapi samantang pun baitu
Nan pikiran hati hambo
Isuak kadjadi panghulu
Talatak handak njo dimakam njo.
Usah bak rupo hambo pulo
Dek tangguang kapalang katjak
Dalam djaniah karuahnjo ado
Dek batanam bidjo tak masak.
Karantau Landjungan kito tulak
Lahia badagang baniago
Sambia mantjari ameh perak
Kadjilah adat djo limbago.
Itu pangana hambo sorang
Pikia tasarah katuanku
Usah tangguang mangupalang
Hasia handak njo nan duotu.
Kamano Landjungan kito suruah
Nak tantu izin kito bari
Walau hampia ataupun djauah
Asa tatjapai niat hati.
Lua error in Modul:Ppoem at line 175: bad argument #1 to 'inNamespace' (unrecognized namespace number '104').
Putuih kato dek tuanku, poko saribu baundjuakan, tamanuang Sutan Landjungan, tidak disangko kabaitu. Nan taangan dalam hati, hanjo sakiro kabalandjo, kini lah pokok baundjuakan, sanang rasonjo dalam hati. Sasudah pitih ditarimo, balun sampai kasimpanan, bakato Datuak Andiko:
Lua error in Modul:Ppoem at line 175: bad argument #1 to 'inNamespace' (unrecognized namespace number '104'). [ 136 ]Halaman:Sutan Landjungan.pdf/136 [ 137 ]Lah sudah hambo pikiri.
Rasonjo tidak lai sio²
Kami malapeh sanang hati
Sadang elok pokok dibao.
Bapandai lah Landjungan
Mandjalankan pokok duo ribu
Ajah djo mamak mandoakan
Pulang djo ameh djo alemu.
Tapi samantang pun baitu
Rundiang habih kato nak sudah
Pabilo harinjo dek tuanku
Maso si bujuang kamalangkah.
Sudah rundiang Datuak Andiko, pokok saribu baundjuakan, Sutan Landjungan manarimo, antah suko antahnjo duko, takana rundiang nan lah sudah, kato lah dorong lompatan. Walau mamak lah tasalah, talan suang pabuatan nan daulu, patuik djuo awak manjabuik, luruih lupo manganakan, tapi djan salah talansuang, sampai manjingguang parasaan. Miki dek mamak tak mangapo, sabab nan bana nan mandatang, walaupun dari kamanakan, bago kok datang dinan ketek, nan kokoh tampat bagantuang, nan bana bakeh pitjajo, mandjawab Sutan Landjungan.
Ampunlah mamak dangan ajah
Sangadjo hambo kamari
Handak mamintak izin relah
Kinilah pokok nan dibari.
Kok kurang laweh tapak tangan
Djo niru hambo manampuangnjo
Sjukur ka Tuhan diutjapkan
Kasiah rang tuo ditarimo.
Limbak nan dari nan bak kian
Nak sanang hati djo mato
Hari apo hambo badjalan
Sabab tudjuan dek lah njato.
Supajo rundiang nak njo habih,
Dek mamak djo ajah hambo
Rantjak dibari tjuriang barih
Nak tantu hambo basadio.
Mandanga rundiang Landjungan, bukato' Tuanku Biopari, kok itu bujuang katokap, de' bujuang njato lah takana, dek kami lai tatjinto. Lambek tarago didjalan, rago mananti kutikonjo, sabalah bujuang tantang itu, ditjari hari nan baiak, nak njo salamat palangkahan.
O! tuan Datuak Andiko, rundiang si bujuang lah dididanga, mamintak hari nan baiak, nak tantu kutiko elok, kutiko rantjak palangkahan, eloklah tuan bapambari.
Mandjawab Datuak Andiko, kok itu tuntuik Landjungan, pado pikiran hati hambo, hari ko elok kasamonjo, asa tudjuan kanan baiak, tjinto samato kanan rantjak, sarahkan untuang pado Allah. Hanjo dek pasa biasonjo, sadjak nan dari niniak mujang. kalau balajia bapidoman, djikok badjalan bakutiko, rantjak tuanku ah manjabuik.
Bakato Tuanku Biopari, sawadjeh rundiang tuan itu, sakiro nak habih uweh2, tapi tak buliah diimani, ditjubo malah mamikiakan. Dek hambo tidak djo pituah, hanjo Şakiro pamikiran, hari pakan rang disitu, paginjo bu juang barangkek, nak buliah banjak bakeh samo, bak kato pituah rang dahulu, badjalan sorang hilang, badjalan baduo mati, batigo mangkonjo elok, itu dek hambo nan tudjuan. Malah basamo djo nan banjak, dek kito tak mungkin mahantakan, kok tibo malang djo mudjua, lah buliah tolong manolong.
Hanjo baitulah dek kito, kok lai sapakat djo tuan, pakan dimuko bujuang pai, samantaro kito batinggang, mandeh njo manjiapkan bareh baka, saba Landjungant sakutiko. Itu pangana hambo sorang, bia lambek asa Salamat, tasarah rundiang pado tuan, sarato Sutan Landjungan. Bakato Datuak Andiko: Nan pakam hati tu[ 140 ]Halaman:Sutan Landjungan.pdf/140 [ 141 ]anku tu, djo hambo lai sasuai, ijo baitu nan kaelok, buliah mandehnjo nak batinggang, manjadiokan bareh djo baka, atau pun barang nan kadapek, untuak kadjadi buah tangan, paisi baso djolong tibo, kabakeh bapaknjo Datuak Timbangan, atau bakonjo nan disitu. Dek bujuang kan alah kadangaran, tantunjo paham kasaukua, bujuang kan tidak kamanupang. Bakato Sutan Landjungan: Kok itu nan kato mamak, baduo djo ajah kanduang, sabablah tibo dinan bana, tak dapek hambo mambandiang, tantu manuruik dinan elok, pulang ka mamak dangan ajah.
Dihari nan saharitu, rundiang mamak djo bapo, djo anak djo kamanakan, lah dapek kato sapakat, kato lah tibo diwalaknjo, batjarai tjarai katigonjo. Tuanku tingga disurau, Andiko lah pulang karumah njo, Landjungan karumah mandeh.
Lah tibo hari nan baiak, kutiko elok lah datang, djandji balabuah nan lah sampai, lah himpun urang nan batigo, Datuak Andiko djo Landjungan, sarato Tuanku Biopari, di Tandjuang Titian Aka, dirumalf mandeh Landjungan. Lah siap bareh djo baka, tjukuik lah barang kadibao, sabagai alat palangkapan, bakato Datuak Andiko, kapado adiak kanduang diri, nan bana- mo Puti Saridunia, mandeh si Sutan Landjungan.
Upiak Puti Saridunia, dihari nan kini nangko, lah tibo maso kutikonjo, Sutan Landjungan kabadjalan. Nak salamat njo dirantau, manuntuik alemu kadipakai, sarato mantjari ameh perak, lapeh lah djo hati sutji, doakan malah pado Allah, buliah handaknjo nan ditjinto. Bakato Puti Saridunia, dihimbau anak kanduang diri, sampailah duduak bahadapan, djatuah lah tutua buah rundiang.
Nak kanduang Sutan Landjungan, dangakan kato nasihat. Sabab nak kanduang kabadjalan, o bujuang patjik umanat. [ 142 ]Halaman:Sutan Landjungan.pdf/142 [ 143 ]Sadjak kato bamulai, rundiang djo mamak djo ajah ang, mandeh kanduang sipat mandanga. Kini dek kito kabatjarai, bujuang kabadjalan djauah, mandeh nak djangan katinggalan, lah patuik untuak mandeh tariak, baban nak mandeh bao pulo. Tapi sakiro buah ketjek, barupo rundiang pangadjaran, ameh perak tidak dimandeh, alah di ajah djo mamak bujuang.
Landjungan mudo djolong gadang
Usah manjumbiang maluaki
Pandai2 dirantau urang
Elok2 mandjago diri.
Koto rami kabujuang tampuah
Babagai sipat rang disanan
Paham didado kok tak taguah
Tjaia budi runtuah lah iman.
Bujuang rang kampuang dihulu
Budi nan balun katjampuran
Nan baiak nan kad tiru
Djan hilang sipat katimuran.
Manuruik pandapek mandeh
jo maniru manuladan
Tapi bahinggo babateh
Panambah taratik sopan.
Kalau lah lapeh laleh sadjo
Talampau bebas pagaulan
Djarang rang mudo tak binaso
Hilang malu habih lah sopan
Habih gali dek bagisia
Hilang malu dek biaso
Mudo nan sadang nak dunia
Sanang ibilih mardajonjo.
Kalau budi lah tadjua
Hilang banso takutjak tuah
Sadang rang malin lai gawa
Kok kunun budjang mudo matah.
sadjo elok bana, buliah batigo djo ibilih, ampek djo setan mengawani, didunia kini tasuonjo. Kalau tagak samo gadang, duduak disimpang djalan rami, ketjek bak marandang katjang, garab maruntuah kasopanan, mamupuih baso djo basi, haram lilah paham bakuntji, dituruik lidah tak batulang, mamalu kalau didangakan. Labiab2 gadih kok lalu, katjenteng batambah2, kutjikak balabiah2, bapaelok tadiak pinggang, ketjek lah kamari mangentjong, rundiang kakida nan labiah, urang mandanga tak paduli. Awak bak raso lagak bana, tak tahu dirago diri, lupo dibudi lah tadjua, itu nan budjang sarau rawan, udang tak tahu dibungkuak njo, batjirik ateh kapalo. Landjungan djauhi itu, mudo nak babudi tinggi.
Tadanga dek mandeh sambia lalu, rang gadih samo djo hambo, kami samo sairingan, lai batigo barampek, kami njo sangko sarok sadjo. Kalua rundiang tak sanonoh, ketjek rang budjang kanan gadih, dek malu nan gadih karang tuo, mungkin lah injo sangko mandeh, badjawab rundiang djo nan kasa, kato babaleh djo nan buruak, tjatji djo maki nan panjambuik, galak nan bu- djang manarimo, mudo apotu namonjo, bak badak tak tahu diduri, tidak manaruah dagiang padiah.
Nan gadih baitu pulo, sado nan sabanso itu, nan bebas tak ado batasan njo, walau didakek ibu bapak, baiak dirumah awak bana, dakek dusanak laki², parangai djo ketjek tak baukua, amuah malagu tak manantu, manjanjikan rindu djo dandam, manjabuik tjinto djo kakasiah, djo suaro parau balagukan, bak kutjiang ma[ 146 ]Halaman:Sutan Landjungan.pdf/146 [ 147 ]Lua error in Modul:Ppoem at line 175: bad argument #1 to 'inNamespace' (unrecognized namespace number '104'). [ 148 ]Halaman:Sutan Landjungan.pdf/148 [ 149 ]Djadi dek mandeh hinggo itu
Kaganti pitih bak dek ajah
Bujuang kamanuntuik alemu
Tantu disitu kabatambah.
Dek mamak pokok njo bari
Dek mandeh sakiro pangadjaran
Nan dek di mandeh pandjago diri
Nan dek mamak baka badjalan
Pitawek kok lai bujuang pegang
Djadi pidoman diduniako
Kaudjuang bumi ang badagang
Tidak katjatjek djo binaso.
Sahinggo itu lah dek mandeh
Hari basarang tinggi djuo
Lah izin mandeb malapeh
Bareh djo baka lah sadio.
Pulang bitjaro pado tuan
Sarato ajah kanduang njo
Kok lah patuik bujuang badjalan
Kutiko baiak djan talampau.
Mandanga kato nan bak itu, bakato Datuak Andiko, mano Tuanku Biopari, rundiang si Upiak Saridunia, itulah kato sabananjo. Kutiko baiak djan talansuang, hari nan clok kok talampau, apo pikiran dek tuanku, manuruik pituah djo pandapek, kok lah patuik kakito lapeb, tapulang rundiang ka tuanku. Tapi samantang pun baitu, of Landjungan dangakan kato, rundiang sabuah dari mamak, antah imanat panjudahi, bujuang kabadjalan djauah. Mamak lah tuo ditinggakan, samantaro bujuang dirantau, mamak kok mati dahulu, sabagai rundiang patjaraijan, simpan dek bujuang dalam hati.
Bujuang lah njato kabadjalan, kamandjadjak koto rami, duduak mauni kampuang urang, pandai² duduak dirantau, elok2 tagak badagang. Manuruik warih hambo djawek, adat nan kewi mangatokan „dimano langik didjudjuang disitu bumi dipidjak, dimano kampuang diuni, [ 150 ]Halaman:Sutan Landjungan.pdf/150 [ 151 ]adat disitu nan dipakai, dimano aia disauak, disitu rani tiang dipatah.
Tantangan papatah itu, dibatjo banjo saketek - tapi bujuang, kok dikadji lapa maananjo, ditiliak isi djo tudjitan, kok kito batjo nan tasirek, bahabih hari ma paberai. Mukasuik singkek dikatokan, dimano nagari nan diuni, patuhi aturan djo adatnjp. usah mambantah manjalahi, tjupak awak usah dibao. Kalau ang ubah nan baitu, bujuang, mandjadi sapek djantan, nan paurak bujiah urang, paham takabua dipakai kan, disangko diri lah labiah, lah nak tinggi dari putjuak, lah nak gadang dari tunggua. Achia kalak njo kamudian, tinggi mandjoak kok rang pangkeh, pandjang tadjelo kok rang karek, seso disitu mangko datang. Lain nan dari pado itu, dimano aia disauak, rantiang disitu nan dipatah, aia lah njato hak Allah, umum manusia mamiliki, kito nan samo bakuaso, tapi dek garundang radjo dikubangan, ikan 'nan radjo dilautan, ado kuaso masiang2. Aia nan hak basamo, tampat tabik urang nan punjo, walau kok sungai nan, tabantang, didalam korong kampuang urang, wilajah ado bawilajat, nan barih ado balabehnjo, hak adat dalam adat, disitu aturan talataknjo.
Dalam manuntuik alemu, kalau babaua djo nan pandai, nan raso labiah dari awak, randabkan hati tinggikan jinto, bialah kaniang nan baluluak asa tanduak lai kamakan. Kok tibo batuka pikia, batimbang timbang pandapek, kok tinggi usah nak nahimpok, usah tasangai mangaringi, hibokan bada kok mahampeh, mambari matu dinan rami, putuih bubungan baiak awak, hilang kawan putuih sahabat, rugi kanwak balungguaknjo.
Kok karch urang dinaa sasek, mungkin manjumbiang maluaki, rantjak suruik bujuang salangkah, kok tagang badjelo djelo, kok kandua badantiang dantiang, baitu nan kato adat, disanan niat mangko sampai, kaua disitu salamatnjo. Baitu duduak dirantau, nak djan dilua masjarakat. Kalau nan tambah dari itu, kan alah kabu [ 152 ]Halaman:Sutan Landjungan.pdf/152 [ 153 ]Lua error in Modul:Ppoem at line 175: bad argument #1 to 'inNamespace' (unrecognized namespace number '104').
Habih runding Sutan Landjungan, adok kapado mamak kanduang, ketjek basambuang dek ajahnjo:
Manolah garan ang bujuang, dek mandeh djo mamak bujuang, barupo nasihat djo umanat, alah lah tjukuik pado bujuang, hutang mamak ka kamanakan, baiak ibu kaanaknjo alah lah samo njo tunaikan. Dek hambo alah dahulu, tapi balun satjukuiknjo, hanjo tambahan agak saketek, tjaro adat alah dari mamak, untuak dunia alah dari mandeh. Djalan achirat hambo tukuak,
agak sapatah kato sadjo, tando untuak samo ditariak, baban nak samo kami bao. Nan dikatokan djalan achirat bujuang, ijolah manuruik nan titah Allah, mandjudjuang nan sunah nabi, hadis djo dalil landasannjo. Rukun nan limo djadi tiang, basandi karukun iman, tidak manjimpang pado sjarak, tatap pado agamonjo, kok kurang rukun djo sjarat, apo karadjo tak paguno. Basjariat bahakikat, sjariat pandang nan njato, hakikat lurahnjo dalain, dalam batin bakanjataan, batinnjo ado [ 154 ]Halaman:Sutan Landjungan.pdf/154 [ 155 ]bamakanan. Sawadjah tantangan itu, sangat lahia tasambunt, sangat batin kalibatar, banamo lai barupo: tidak, kok tanamo dinamonjo, kok tarupo diruponjo. Sangko ijo sangko tidak, sangka tidak lah nan ijo,sangko ijolah nan tidak, sulik pahamajo tu nak kanduang, runuik dek anak djo alemu.
Sungguah sulik manjari paham
Usah manaruah sjak djo waham
Kalau bapambari Tuaan idham
Labiah kantjang dari pado saham.
Mantjari paham sangat basakik
Labiah sadjariah mandaki bukik
Kok didaun taleb kito barakik
Kasúbarang lauik tidak talakik.
Duo puluah sipat di Tuhan kito
Takluk zihin tubuah anggoto
Alam malakut samato mato
Simpankan sarvang kadalam mato.
Kudrat iradat kalau ditiliak
Samonjo alam tak ado miliak
Masuakkan rumah kadalam biliak
Talua ditanduak djan tagaliak.
Itu lah kato panjudahi, usah lupo anak kanduang, surek kan malah dalam hati, kok balun tampak nan isinjo, kini kok balun tapahamkan, malah alemu dipada. lam, udjuik djo jakin dipakaikan, dek baguru kapaham djuo. Pandanglah aia titiak dari tabiang, djatuah satitiak satitiak, dek udjuik djo jakin nan dipakai, tidak baranti siang malam, tatu nan hitam ditambuaknjo. Nak kanduang Sutan Landjungan, tukuak tambahnjo dari itu, Datuak Timbangan kamauleh, karuak dek bujuang dalam² sahabih raso lah mahawai, nak dapek kato nan sungguah, nak buliah paham nan sadjati. Kini dilapch bujuang badjalan, kutiko elok palangkahan, alah lah tibo ukatunjo, bujuang malangkan lah sakali. [ 156 ]Halaman:Sutan Landjungan.pdf/156 [ 157 ]Mandanga izin lah buliah, sarato kutiko nan lah tibo, hari nan baiak saharitu, djan talampau saat nan elok, bakato Sutan Landjungan. Tunduak kapado mandeh kanduang, sarato mamak djo bapak, taundjuak kanan kahasalam, bapegang djari timba baliak, bakato Sutan Landjungan:
Ajah kanduang barilah ampun
Sarato mandeh djo mamak
Bumi tjaia langit baralun
Kato imanat tampat tagak.
Namun sekarang kini nangko, djawek salam tandonjo sutji, dek bapak mandeh djo mamak, nak habih kilan dihati, nak suni hati hambo badjalan. Atau hanjo akan sabuah, sadjak ketek mandeh gadangkan, djariah pajah mamak djo bapak, kasiah mandeh sadjak dek ketck, balun dek anak babalasan, kini kabatjarai. Bak kato pituah ajah, mati nan tidak bakutiko, sakik nan tidak badjandjian, saat kutiko nan tak tampak, antaĥ balaku parak siang, antah njo tibo padang sandjo, dalam alemu Tuhan kito, iradat Tuhan manantukan. Nak sutji lahia djo batin, barilah bambo ampun relah, maaf dek ajah lahia batin, sarato djo mamak hambo.
Hambo rang mandjo sadjak ketek, njamuak saikua mandeh halau, relahkan nasi nan sakapa, aia susu nan satitiak, nan lah mandjadi darah dagiang, nak djan mambarek kaachirat. Tolong djo doa nan sapatah, salamat awal djo achia, tatjapai handaknjo tjinto hali, usah takentjong kanan sasek, dunia achirat nak santoso.
Agak dek Puti Sari Dunia, mandanga rundiang anak kanduang, djo tangih tangan basambuik, aia mato djatuah badarai, sambia mandjawab salah sadan. Nak kanduang sibiran tulang, lubuak hati tapian mito, pintjaran darah dikaniang, bujuang pasanang dalam hati, itu nan usah diragukan, asa dek diri mandeh kanduang, baiak dek mamak djo bapak, mungkin hati kasaroman. lah samo sutji dalam hati, habih sagalo uwch², salasai [ 158 ]Halaman:Sutan Landjungan.pdf/158 [ 159 ]
- sangkuik djo pautan, samo batjinto kanan baiak, samo mangana kanan elok, lah suni bujuang badjalan. Ol nak ai malah diantakan, sahinggo bandua pintu. tapi, djo suok djaweklah salam, djo kida hapuih aia mato, samo manjarah pado Allah, pulangkan garak katakadia.
Bahagian kaanam di djilid duo
Akibat bakato mangguluang lidah
Bahagian kasapuluah panjudahinjo
Riwajat Landjungan disitu sudah.
Sanasib panulih djo pantjetak
Eleonora tak pueh hati
Masin baranti stromlah kontak
Barilah maaf diri kami.