Wikibasurek:Pacu Uji Baco Wikibasurek 2026/Bantuan

Umum

Ambo pangguno baru, buliah ambo masuak lomba ko?: Indak, Mangacu pado aturan di Aturan Umum poin 2 nan manyatoan baso Peserta dilarang sato manggunoan akun baru nan dibuek sasudah 17 Mei 2026.

Umua ambo di bawah 17 tahun. Lai buliah ambo ikuik lomba ko?: Alum buliah, karano alum punyo KTP.

Baa caronyo proses ikuik lomba ko?

Baco, pahami, jo laksanakan Aturan!!!.
Pastikan Sanak alah masuak log ka Wikisumber.
Manambahkan templat {{Peserta Pacu Uji Baco Wikibasurek 2026}} di Halaman Pengguno.
Piliah judul buku nan nio dikarajoan di Daftar Buku.
Koreksi halaman buku tu.

Apo ambo paralu mambayia untuak ikuik lomba ko?: Indak.. Sanak indak ka dimintak mambayia untuak ikuik lomba ko. Jikok ado nan mamintak pambayaran jo mamakai namo Wikimedia Indonesia, silakan hubungi panitia lomba.

Akun

Ambo alah punyo akun di Wikipedia, apo ambo paralu mambuek akun baru di Wikisumber?: Indak, Sanak dapek masuak ka Wikisumber malalui Masuak Log jo mangetik namo pangguno jo kato sandi akun Wikipedia.

Untuak pangguno baru

Bagian ko adolah bantuan untuak pangguno baru nan alun parnah manyuntiang Wikisumber dan/atau Wikipedia sabalunnyo.

Intro: baco s:id:Bantuan:Pangantar panyuntiangan Sumber Wiki jo s:id:Bantuan:Mamulai Sumber Wiki.
Kosakata khusus Wikisumber: baco s:id:SumberWiki:UntuakPanjalehanWikipediawan#Panjalehan.

Markah wiki

Kunjungi https://id.wikipedia.org/wiki/Wikipedia:Markah_wiki, Sanak ka baraja caro manggunoan tando wiki untuak

Taba, miriang
Barih baru, kode HTML putuih
Daftar jo daftar nan banomor .
Lakuikan
Ruang satu
Garih mandata

(Contekan)

Gambar jo tabel

Manambahkan gambar ka laman koreksi Sanak adolah opsional dalam lomba ko. Sanak dapek baraja caro manambah gambar (alah ado di Commons) di https://id.wikipedia.org/wiki/Wikipedia:Markah_wiki/Gambar_dan_tabel. Untuak mampacapek panyuntiangan, Sanak dapek manggunoan https://croptool.toolforge.org/ untuak mangguntiang gambar di laman lalu maunggah baliak ka Commons. Kalau paralu bantuan upload gambar, silahkan tanyo di grup WhatsApp lomba.

Untuak manambah tabel, atau mamformat laman jo kolom, silakan kaji jo gunoan kode wiki untuak tabel sederhana di: https://id.wikipedia.org/wiki/Wikipedia:Markah_wiki/Gambar_dan_tabel#Tabel.

Teknis

Penilaian

Baa caronyo lomba ko diagiah nilai?: Panilaian dilakukan sacaro otomatis manggunoan Alat Lomba WSC. Panilaian taruntuak kini tasadio untuak umum di halaman ko.

Andaikan ambo sadang mauji pambacoan, dan pado wakatu nan samo ado urang lain nan mauji pambacoan, dan urang tu manyimpan halamannyo dulu, sadangkan ambo manyimpan halaman nan samo sasudahnyo. Sia nan dapek poin?: Karano penilaiannyo otomatis, dan WSContest Tool indak manilai kualitas isi, siapo nan manyimpan dulu akan mandapek poin dulu.; Namun, harap diingek, Sanak indak buliah bakarajo labiah dari ciek laman dalam satu wakatu, dan/atau manyimpan laman jo status "diuji dibaco" (kuniang) jikok isinyo alun diuji dibaco (masih mentah dari OCR). Panitia punyo hak untuak manurunkan status laman manjadi "indak diuji dibaco" (merah), dan nilai +3 Sanak akan otomatis dikurangi manjadi 0 (minus tigo) dek WSContest Tool sasudah panitia manurunkan status laman.

Status halaman

Ambo caliak peserta lain nan manyimpan halaman jo status "read-tested" (kuniang), walaupun halaman tu masih kusuik. Lai buliah ambo turunkan statusnyo ka "indak diuji dibaco" (merah)?: Indak. Peserta dilarang manurunkan status laman (kacuali laman nan inyo karajoan surang), karano hal iko akan mangganggu lomba. Peserta hanyo dapek maubah/manaikkan status laman manjadi kuniang jo hijau. Hanyo panitia nan buliah manurunkan status halaman manjadi kuniang jo merah. Peserta nan manurunkan status halaman peserta lain akan ditegur dek panitia, dan kalau taruih mangarajoannyo, inyo akan didiskualifikasi.; Jikok Sanak manamukan halaman nan masih kacau dan punyo status kuniang atau hijau, Sanak buliah malaporkannyo ka panitia (halaman jo peserta). Panitia akan langsuang mananggapi laporan sanak.; Panitia punyo hak untuak manurunkan status suatu laman, jikok dianggap indak mamanuahi syarat (status nan alah diuji dibaco - kuniang, tapi masih kusuik, status nan alah divalidasi - hijau, tapi masih ado nan indak sasuai jo teks sumber).

Ambo caliak peserta lain nan manyimpan halaman jo status "tavalidasi" (hijau), walaupun ado kato nan masih salah. Lai buliah ambo turunkan statusnyo ka "diuji dibaco" (kuniang)? Bisakah ambo maluruihkan kasalahan-kasalahan tu (tanpa maubah status)?: Indak. Samo jo jawaban sabalunnyo. Namun, Sanak buliah untuak maluruihkan kasalahan (maningkekan validasi), walaupun Sanak indak akan manarimo poin tambahan.

Gambar

Di halaman nan ambo karajoan, ado gambar. Apo paralu ambo upload? Kalau indak, lai buliah ambo ubah statusnyo manjadi kuniang atau hijau?: Untuak lomba ko, ndak paralu awak upload gambar. Pado laman nan punyo teks jo gambar, silakan tambahkan templat {{harusnyo ado gambar}}, dan Sanak dapek bakarajo di laman tasabuik sarupo laman lainnyo (tamasuak maubah statusnyo manjadi kuniang atau hijau).; Catatan: Jikok laman hanyo barisi gambar tanpa teks (puisi/artikel) mako akan dianggap abu-abu / tanpa teks. Indak ado peserta nan bisa mandapek poin dari halaman itu.

Duo kolom dan tabel

Di halaman nan ambo karajokan, ado duo (atau labiah) kolom teks. Apo paralu juo diformat sabagai duo (atau labiah) kolom teks katiko mambaco koreksi?: Indak Untuak halaman nan ado duo kolom, kalau maubah jumlah kolom indak ka maubah makna teks, mako manulihnyo dalam satu kolom sarupo di halaman lain indak baa doh.; Untuak teks nan barupo dialog atau pembicaraan, misalnyo, bisa dibuek dalam format tabel. Silahkan caliak jawabannyo di bawah ko.

Di halaman nan ambo karajoan, ado teks dalam format tabel. Baa caronyo mamformatnyo manjadi tabel?: Untuak mampalajari caro mamformat, caliak bantuan untuak pangguno baru bagian #Gambar jo tabel di ateh. Kok ado dunsanak nan susah jo format suatu halaman, jan ragu untuak batanyo ka panitia malalui grup WhatsApp. Panitia akan bausaho mambantu sanak.

Kasalahan

Apo nan harus ambo lakukan jiko ado salah ketik dalam teks asli atau ado halaman nan rusak?: Jikok halamannyo rusak dan indak dapek dibaco, langsuang tandai jo warna ungu (Problematic / Prakara). Panitia akan mamaresonyo, kalau bisa, mameloki gambar nan bamasalah, kalau indak bisa, mako halaman akan dibiakan warna ungu, indak ado peserta nan bisa mandapek poin dari halaman itu. Jikok ado salah ketik, gunoan templat {{SIC}} jo parameter partamo kato apo adonyo (nan salah), dan parameter kaduo kato nan Sanak pikiakan batua. Misalnyo {{SIC|tippo|tipo}} -> tippo

Halaman-halaman nan ambo uji alah dicoret-coret dek nan punyo buku atau ado kato-kato nan hilang, indak tabaco. Baa caronyo ambo mauji keterbacaan kato-kato sarupo itu?: Kato-kato nan dicoret-coret dek nan punyo buku harus diuji jo teks aslinyo sabisa mungkin, tanpa mauji coretan nan punyo. Jikok ado kato-kato nan batua-batua indak tabaco dek coretan atau karusakan, Sanak dapek manggantinyo jo templat [ {{ellipsis}} ], nan mahasilkan [. . .].

Hadiah

Hadiah apo nan bisa dirabuik?: Pamenang tampek 1 jo 2 masiang-masiang akan mandapek laptop jo tablet, basamo jo oleh-oleh. Peserta nan indak marabuik juara 1 jo 2 akan mandapek oleh-oleh dari kami jiko mamanuhi syarat.

Baa kalau ambo manang tampek 1 atau 2, tapi ambo alah manang hadiah utamo dalam 3 tahun terakhir ko?: Jikok Sanak alah marabuik salah satu hadiah utamo dalam 3 taun tarakhia lomba-lomba Wikimedia Indonesia, Sanak hanyo akan manarimo oleh-oleh sajo dan indak layak marabuik hadiah utamo (laptop atau tablet). Daftar lengkap lomba ado di: pengecualian peserta. Hadiah utamo akan diagiah kapado peserta lain nan sabalunnyo alun manang.

Jikok manang di tampek partamo atau kaduo, peserta jo kontribusi tatinggi barikuiknyo akan mandapek salah satu hadiah utamo.

Palombaan ko juo indak tabukak untuak karyawan atau staf, kontraktor, atau konsultan Wikimedia Indonesia, Yayasan Wikimedia, atau afiliasi Wikimedia lainnyo.

Lain-lain

Ambo ado masalah jo peserta lain nan melanggar Event Friendly Space Policy, nan mambuek ambo indak nyaman. Apo nan harus ambo lakukan?: Untuak palanggaran KRRA, silakan hubungi panitia malalui pasan pribadi di halaman kontak. Sanak buliah mangirim email ka kaduo panitia. Salah surang anggota panitia akan manghubungi Sanak jo langkah-langkah salanjuiknyo. Silahkan hanyo menghubungi panitia sacaro pribadi untuak hal-hal penting nan indak bisa ditanyokan melalui grup WhatsApp.
Baa kalau ambo indak punyo WhatsApp dan indak ado dalam grup WhatsApp lomba?: Peserta nan alah manyadiokan nomor WhatsApp bisa bagabuang jo grup surang atau akan ditambahkan dek panitia ka grup WhatsApp lomba sasudah lomba dimulai. Peserta diharokan untuak tatap barado dalam kalompok salamo lomba (sampai pangumuman pado 10 Juni 2026), sasudah itu inyo buliah kalua dari kalompok. Peserta nan indak punyo akun WhatsApp (dan indak mamasuakan nomor WhatsApp di formulir pendaftaran) akan dihubungi dek panitia malalui halaman chat masiang-masiang, jiko paralu, untuak pengumuman penting. Untuak manghubungi panitia, silakan gunoan "Email Pangguno" atau laman obrolan panitia.